مشاهدة النسخة كاملة : اي منهما اذكي ؟,,,,,
Flower 16-04-2006, 07:55 PM ما الفرق بين التركيز على المشكلة.. والتركيز على الحل...
عندما بدأت ناسا وكالة الفضاء الامريكية في ارسال رواد الفضاءالى الفضاء
وجدوا ان اقــلام الحـــبر لاتكــــتب بسبب عدم وجــــود الجاذبــــية (الحبر لا يسيل بدون جاذبية). لحل هذه طلبوا من شركة اندرسون للاستشارات (حاليا اكسينتر) حلاً لهذه المشكلةاستغرق الحل عقد من الزمان و 12 مليون دولار تكاليف. اخترعوا فيها قلماً يكتب بدون جاذبية، بطريقة مقلوبة، تحت الماء، وعلى اي سطح حتى على
الكريستال وفي درجة حرارة من صفر الى 300 درجة مئوية
...اما الروس.. فاستخدموا اقلام الرصاص لحل هذه المشكلة..
فاي من التفكيرين اذكي ؟
مستنيه مشاركتكم
منقول
Xx.Youri.xX 16-04-2006, 08:14 PM الامريكان اذكى بالطبع
مع انى بحب الروس اكثر
بس الامريكان فاضين مش عارفين يعملوا ايه يعنى بفلوسهم
عشان كده بيصرفوا الفلوس على اى بحث علمى حتى لو مش مفيد
سيبهم كده ده مفيد للبشريه فى المستقبل ان شاء الله بس مش مفيد ليهم وده احسن ةحاجه يعملوها
سلام
الروس طبعا هما اللي اذكى
شكرا ليكي يا فلور
~¤ô_ô¤~ شاعر الحب ~¤ô_ô¤~ 16-04-2006, 09:42 PM الروس طبعا
Xx.Youri.xX 17-04-2006, 01:27 AM تيعنى عايزين تقنعونى ان مفيش حد فى امريكا جاتله فكره القلم الرصاص
على كده انا لو رحت امريكا هبقى رئيس الجمهوريه هناك
لاء طبعا الاتنين عندهم نفس الفكره
بس الامريكان بيحبوا يظهروا التكنولوجيا فى كل مجالات اللى بيتعملوا فيها
شكرا للجميع
سلام
zizo2_2 17-04-2006, 01:46 AM من وجهة نظري أن الإثنين قامو بنفس الغرض ووصلوا لهدف واحد ولكن الأسرع كانو الروس والأذكى فهم الأمريكان
Xx.Youri.xX 17-04-2006, 02:14 AM انا شبه متفق معاك يا استاذ زيزو
لكن عموما الامريكان ازكى
بدليل
التكنولوجيا النوويه فى ايران كام سنه بيخصبوا قى اليورانيوم
عشان بيستخدموا التكنولجيا الروسيه
لان التكنولوجيا الننويه الامريكيه مش موجوده غير عند اسرائيل وكوريا
سلام
katkoutelwady 17-04-2006, 01:02 PM الروس قدمو حل عملى سريع للمشكلة ذاتها فقط
اما الامريكان فقدمو حل دائم لأى غرض اخر
انا مع الامريكان (فى حلهم بس طبعا )
بورسعيدى 19-04-2006, 01:09 AM وانا ضد الامريكان
الروس استخدموا السهل الممتنع
وبعدين كان ممكن يكون فى وسائل كتابة اخرى
مثل الكمبيوتر او الآلة الكاتبة او الطباشييييييييييييييييير
حد فى الدولتين فكر فى الطباشير ؟؟
هههههههههههههههههههههههه
zizo2_2 19-04-2006, 01:20 AM ههههههههههههههههههه
المفروض دي كمان تتحط معاهم أيهما أذكى
الروس
الأمريكان
الأستاذ بورسعيدي
أنا أختار الأستاذ بورسعيدي
momi1985 19-04-2006, 06:17 AM ههههههههههه
وانا مع الاستاذ زيزو
انا باختار الاستاذ بور سعيدي (ماله الطباشير زي الفل) وبيكتب ع الهوا كمان لو عايز :)
لكن انا فعلا مع الروس
مش معنى اني اظهر التكنولوجيا اللي عندي اني اضيع وقت وفلوس من غير داعي
وبعدين اللي حيعمله القلم الحبر الفظيع اللي هم اخترعوه ده حيعمله القلم الرصاص
ده بيكتب وده بيكتب
Flower 20-04-2006, 08:57 PM شكرا لكل مشاركتكم وارائكم
ومنتظره مزيد من الاراء...
فتاة_الإسلام 20-04-2006, 10:44 PM Originally posted by zizo2_2@Apr 17 2006, 01:46 AM
من وجهة نظري أن الإثنين قامو بنفس الغرض ووصلوا لهدف واحد ولكن الأسرع كانو الروس والأذكى فهم الأمريكان
97403
وأنا رأيي مع رأي استاذ زيزو
المفروض دي كمان تتحط معاهم أيهما أذكى
الروس
الأمريكان
الأستاذ بورسعيدي
أنا أختار الأستاذ بورسعيدي
ما اعتقدش ان الفكرة دي خطرت على بالهم خالص.. وانا مع الاختيار التالت :D
DR_CASPER 26-04-2006, 02:27 PM طبعا طباشيرة الاستاذ بور سعيدى تكسب وباكتساح
هو اللى انا شايفه ان اكيد يعنى الامريكان والروس استخدموا نفس الاسلوب فى التدوين فى الفضاء
يعنى مش معقول يكونوا الامريكان قعدوا 10 سنين موقفين رحلات الفضاء لحد ما القلم يخلص
بس هو الفرق هنا بجد نلاحظه فى التفكير العام
يعنى الروس حلوا المشكله وسكتوا
لكن الامريكان بتحديهم واصرارهم صمموا انهم يخترعوا وسيلة تدوين افضل من القلم الرصاص
وبكده يبقى الفرق ان فيه ناس نظرتها ضيقه للحاضر بس
وناس نظرتها وااااااااااااسعه تشمل الحاضر والمستقبل مع بعض
بورسعيدى 27-04-2006, 12:10 AM ولكن النتيجة واحده
والقلم موجود من آلاف السنين
وبصراحة انا اشك فى هذا الخير من الاساس
مع احترامى لناقل الموضوع
Flower 27-04-2006, 08:19 PM Originally posted by بورسعيدى@Apr 27 2006, 12:10 AM
ولكن النتيجة واحده
والقلم موجود من آلاف السنين
وبصراحة انا اشك فى هذا الخير من الاساس
مع احترامى لناقل الموضوع
100425
انا قلت ان الموضوع منقول..
مش متاكده ..بس المهم مش الخبر صحيح ولا لا
المهم في الموضوع هو المعرفه الاهميه بين التركيز علي المشكله والتركيز علي الحل
katkoutelwady 28-04-2006, 12:00 AM يا جماعة خلاص
الروس احسن ؟ الامريكان احسن ؟
المهم احنا فين من الناس دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعتقد ده الاهم ...................
بورسعيدى 28-04-2006, 04:01 AM Originally posted by Flower+Apr 27 2006, 08:19 PM--><div class='quotetop'>QUOTE(Flower @ Apr 27 2006, 08:19 PM)</div><!--QuoteBegin-بورسعيدى@Apr 27 2006, 12:10 AM
ولكن النتيجة واحده
والقلم موجود من آلاف السنين
وبصراحة انا اشك فى هذا الخير من الاساس
مع احترامى لناقل الموضوع
100425
انا قلت ان الموضوع منقول..
مش متاكده ..بس المهم مش الخبر صحيح ولا لا
المهم في الموضوع هو المعرفه الاهميه بين التركيز علي المشكله والتركيز علي الحل
100854
[/b]
اختى الغالية ,,,,,,,,,,,,,,,
ارى حِـده فى كلامك
آنسة فلاور,,,,,
كونى اشك ان الموضوع اشاعة او لم يعقلة عقلى فهذا شيئ لا يقلل من قيمتك
انا أعلم ان الموضوع منقول كما ذكرتى
ولكن تعليقى انه احتمال يكون الموضوع ده اشاعة ( مجرد رأى )
ولا داعى ان نعطى الامريكان كل هذا الكم من الاهتمام .
لان وسائل الكتابة كثيرة جدا كما ذكرت سالفا
وشكرا على ردك :unsure:
Flower 28-04-2006, 11:59 AM كلامي مافيهوش حده نهائي يا استاذ بورسعيدي :)
انا عارفه ان حضرتك ناقد بارع ويكفي ان حضرتك اهتميت بموضوعي..
وفعلا اراء حضرتك بتعجبني وبحترمها جدا...
بورسعيدى 28-04-2006, 10:51 PM وهذا شيئ يسعدنى جدا
وانتى كمان من المتميزين جدا فى المنتدى
اتمنى لك التوفيق
zizo2_2 29-04-2006, 12:15 AM صلوا على النبي يا جماعة
الأستاذ بورسعيدي يا دكتورة فلاور ليس بناقد بارع بل محلل نفسي رائع ويفسر أي موضوع من عدة جوانب وليس من جانب واحد وبالتالي يعطينا راي وليس نقدا بس ده ميمنعش أنه أول واحد قال الطباشير
إذن الفكر مصري بورسعيد وليس أي شخص آخر فقد ركز الأستاذ بورسعيدي في المشكلة وقد اخترع حلا
بورسعيدى 30-04-2006, 12:57 AM شكرا يا فيلسوف على تدخلك
لكن ليه الناس تصورت ان فى مشكلة اصلا
فلاور اخت عزيزة
وحدوث خلاف معاها مش بالضرورة يكون مشكلة
قمر قمر 03-05-2006, 02:37 AM الروس افضل اختصار الوقت والمجهود والتكاليف اساس نجاح التجربة
ولكن اشجع الامريكان لعلى وعسى ربنا يفقرهم
|