|
مشاهدة النسخة كاملة : ما رايك فى الجامعه king2008 25-09-2008, 11:37 AM وبعد اول اسبوع فى الجامعه قولولى ايه رايكوا فى الجامعه انا شايف ان الجامعه مش حلوه فى اول اسبوع لان انا برجع البيت بكون مش قادر وكمان علشان انا لسه مش عارف حد جديد فى الجامعه TAREK KEWAN 25-09-2008, 11:57 AM انا برده لسا جديد فى جامعة المنصوره بس بصراحه الجامعه فى رمضان والحر ده مش كويسه خالص انا لما بروح البيت مببقاش شايق ادامى حاجه ههههههههههههههههههههههه عماد العمدة 25-09-2008, 12:21 PM انا راى ان الجامعة رخمة اوى لان اصحابى مش معايا وانا لوحدى مع انى صحبت بس مش مرتاحة خالص والمواصلات تخنق TAREK KEWAN 25-09-2008, 12:33 PM اه والله المواصلات تخنق اوى والله ايام الثانوى كانت جميله هو انت كلية ايه وجامعة ايه ياعمده؟؟؟؟؟؟؟؟؟ (الجنتل) 25-09-2008, 12:38 PM يا جماعة هونوا عليكم ده اول اسبوع الكل لازم يتعب فيه وكمان انتم لسة ما اخدتوش على جو الجامعة لأنها حاجة جديدة عليكم لكن لما تاخدو عليها وتبتدوا تعملوا صداقات هتلائوها عادي وتوئعدوا تضحكوا على الايام اللي تعبتوا فيها وتبئى في خبر كان انا مش عايزكم تتضايئوا من الجامعة من أولها لأنكم لو اتضايئتوا مهيبئاش لكم نفس للمذاكرة وللمحاضرات فشدوا حيلكم يا رجالة وعام جامعة جديد سعيد عليكم باذن الله آه صحيح أنا نسيت أعرفكم بنفسي أنا أخوكم محمد عبد الفتاح - الفرقة الثانية انتظام - كلية التجارة جامعة المنصورة king2008 25-09-2008, 01:04 PM شكرا على ردودكم king2008 25-09-2008, 01:07 PM بس انا عاوز اقلقم حاجه احنا مخنقين من الجامعه علشان احنا لسه مخدناش حاجه غير حاجات قليله والكاتره كمان بتعتذر وكل دكتور بيدخل يوعظ فينا وكمان انا لسه معملتش صداقات بس انا مش عارف هل المشكله دى هتتحل احمد التونسي 25-09-2008, 01:49 PM والله انا شايف ان الجامعة تبقا احسن لما يزيد التعارف بين الناس اصل انت مش رايح الجامعة تدرس وبس انت كده ممكن تتخنق وانا اعتقد لما انت تعمل جروب هتبقا الجامعة احسن باذن الله وبالتوفيق للجميع TAREK KEWAN 26-09-2008, 03:09 PM يارجاله الجامعه صعبه اصل ببقى جعان هههههههههههههههههههههههههههههههههه u4me 26-09-2008, 04:58 PM يا جماعه الجامعه دى ديتها كام يوم كدا تعملوا جروب وهتبتدوا تروحوا الاجازات كمان ومش هتروحوا البيت انا عن نفسى بعمل كدا وبقضى معظم الوقت ف الجامعه حتى لو اجازة CoMMaNdo 26-09-2008, 05:06 PM جامعة القاهرة جميله جدا هوا زى مقالت علا لازم يبقى فيه جروبات وكدا عشان تحب تروح وتقعد هناك وفعلا دا الى حصل معايا اول يوم رحت مكنتش عارف حد تانى يوم عرفت بقى الناس الى كانو معايا فى ثانوى وكدا واتجمعنا كلنا وحبيت اقعد هناك والف فيها :d king2008 26-09-2008, 08:55 PM انتوا كلمكوا صح بس ما انا مش عارف اتصاحب على حد هل الموضوع الاصحاب ده هيجى لوحده ولا هيجى يعنى بعد الدراسه بشويه TAREK KEWAN 26-09-2008, 09:15 PM والله يابرنس انت بتروح على واحد بتكون حاسس ان انت مرتاح معاه وتكلمه بخصوص اى محاضره ولا حاجه وهتلاقى الكلام بيجيب بعضه وقوله ممكن نبقى اصحاب الحمد لله حتى لو واحد مش مستريحلى بتغالس عليه وبصاحبه برده هههههههههههههههههههههههههههههههه king2008 27-09-2008, 06:05 AM ما انا اصلا بخاف اعمل كده علشان محدش يكسفنى TAREK KEWAN 28-09-2008, 12:42 PM ياعم كبر ويكسفك ليه انت مش ااقل من حد حط ده فى دماغك بس حاول تختار ناس كويسه وفعلا لو هى كويسه هتصاحبك علطول اما لو مش كويسه لاوم تبقى زيهم عشان تمشى معاهم انا بعمل كده لانى لسا مستجد او سنه ليا تجاره انجليش المنصوره king2008 28-09-2008, 02:44 PM خلاص ماشى انا هحاول اعمل زى ما انت بتقول رونالدينهوو 02-10-2008, 03:50 PM انا الحمد لله ليه اصدقاء فى الكليتى كانوا معايا فى مدرسة الثانوى وكمان صاحبت اتنين هنا من على المنتدى والحمد لله ماشية تمام الا المواصلات هيه اللى تخنق الدويدار الصغير 02-10-2008, 06:52 PM الجامعه اجمل سنين يعشها الانسان فى حياته لانه يبقى دائما حرا طوال هزه المده والاصحاب دى احلى حاجه انا محمود الجندى ووعه حد يقول ده الممثل انا طالب الدويدار الصغير 02-10-2008, 06:59 PM ياعم كبر ويكسفك ليه انت مش ااقل من حد حط ده فى دماغك بس حاول تختار ناس كويسه وفعلا لو هى كويسه هتصاحبك علطول اما لو مش كويسه لاوم تبقى زيهم عشان تمشى معاهم انا بعمل كده لانى لسا مستجد او سنه ليا تجاره انجليش المنصوره :039uw8: انا محمود تجاره المنصوره بس عربى وعاوز اصحبك ولو معجبتكش قولى بصراحه وانا مش هزعل خالص عادى king2008 03-10-2008, 03:23 AM احما اكيد يشرفنا اننا نكوم اصحاب |