الفرق بينى وبينك .. بالعقل ولا بالسن [الأرشيف] - بوابة الثانوية العامة المصرية

مشاهدة النسخة كاملة : الفرق بينى وبينك .. بالعقل ولا بالسن

COoL HEaRT

25-09-2008, 04:29 PM

ENG:3assoma

25-09-2008, 04:35 PM

والله الكلام ده حلو وزي الفل وموضوع جديد وانا شخصيا بحب آخد قراراتي بنفسي بالرغم من كل الضغوط اللي بتبقى حولي .
ميرسي على التوبيك

KHALOOOD

25-09-2008, 04:41 PM

كم من تلميذا غلب استاذه:cool:
دا فى ناس عشروميت سنه ومخهم قد ورك النمله
سورى يا مان ياللى فوقى اخدت الاسم بتاعك بس فى حوار كدا
طبعا الفرق بالعقل والتفكير
ولكن برده فرق السن ليه عامل اكبر
وهو فرق الاحترام والتقدير

منى ذكى

25-09-2008, 04:53 PM

لا انا شايفة ان طبعا الناس بالعقل مش بالسن زى ما خدت فى علم النفس ان المشكلة عندنا كمراهقين ان بس الخبرات بتاعتنا قليلة بس تفكيرنا يقدر يستوعب اى حاجة او اى مشكلة نقدر نفهما.....وياما ناس كبيرة وبتحل المشاكل بطريقة غلط وكتير انا وماما وبابا بنتناقش فى حاجة وانا اقول رأى ولو حد فيهم عارضنى التانى يقولى صح انتى فعلا عندك حق يعنى مش لازم علشان احنا اصغر يبقا ده فرق مين احسن احنا بس مشكلتنا اننا عايزين شوية تجارب وخبرات من الحياة واعتقد دلوقتى ده مش مشكلة لاننا بنشوف مية حاجة وحاجة والاطفال بتتعلم قبل اوانها
وشكرا على الموضوع الجميل

COoL HEaRT

25-09-2008, 04:56 PM

والله الكلام ده حلو وزي الفل وموضوع جديد وانا شخصيا بحب آخد قراراتي بنفسي بالرغم من كل الضغوط اللي بتبقى حولي .
ميرسي على التوبيك

لا ميرسي ع واجب :)

وعامه حاجه كويسه ان الواحد بياخد قراره بنفسه .. بس مش هتلاقيها عند كل الناس

COoL HEaRT

25-09-2008, 04:59 PM

كم من تلميذا غلب استاذه:cool:
دا فى ناس عشروميت سنه ومخهم قد ورك النمله
ههههههههه
ايه عشروميت اللى معلقه معاك دى

ماعلينا

سورى يا مان ياللى فوقى اخدت الاسم بتاعك بس فى حوار كدا
طبعا الفرق بالعقل والتفكير
ولكن برده فرق السن ليه عامل اكبر
وهو فرق الاحترام والتقدير

اكيد فرق السن ليه عامل كبير جداااااا ..
بس اللى عاوزه اقوله ان محدش يستهتر بعقليه حد اصغر من
ه مهما كانت افكاره ..
بل بالعكس يحترم اى فكره او قرار لشخص اصغر فى السن
لعل يكون فيه الحل
منور الموضوع يا خالد :d

COoL HEaRT

25-09-2008, 05:08 PM

marwa.m

25-09-2008, 05:40 PM

سلامو عليكو

هو فى ناس بيعتبروها بالسن لان الناس دى عاشت فى الدنيا كتير واتعلمت فى مدرسة الحياة وهنا مش بيبقى موضوع عقل وسن بيبقى موضوع خبرة وتجربة.

لكن طبعا العقل مهم لان ساعات ممكن نقعد مع اطفال منبقاش عارفين نرد عليهم من كتر مستوى تفكيرهم العالىوهنا بقى دور العقل

سواء عقل او سن المهم انى الاقى الرأى الصح

ولو حتى من واحد فى اللفة

وميرسى على الموضوع الجميل ياياسمين
(اسمك كدة صح)

rose 2010

25-09-2008, 06:13 PM

ان الواحد عمره مكان بسنه الواحد بعقله
جمله جمييييله جدا والموضوع اجمل ..........تقبلى مرورى

محترف الأدسنس

25-09-2008, 11:28 PM

COoL HEaRT

25-09-2008, 11:48 PM

سلامو عليكو

وعليكم السلام :)

هو فى ناس بيعتبروها بالسن لان الناس دى عاشت فى الدنيا كتير واتعلمت فى مدرسة الحياة وهنا مش بيبقى موضوع عقل وسن بيبقى موضوع خبرة وتجربة.

ماشي تمام .. بس اللى اقصده هنا ان الخبره عمرها مكانت بالسن ولا بطول العمر بس ..فى ناس صغييرين واكتسبوا خبره مش شرط من الحياه ممكن من القرايه ممكن من اى طريق اخر يعنى بالرغم من سنهم الا ان ممكن خبرتهم تكون اكبر

لكن طبعا العقل مهم لان ساعات ممكن نقعد مع اطفال منبقاش عارفين نرد عليهم من كتر مستوى تفكيرهم العالىوهنا بقى دور العقل

فعلا .. فى ناس عقلها بيوصلها لافكار واستنتاجات مش كتير بيوصلولها بسنهم

سواء عقل او سن المهم انى الاقى الرأى الصح

ولو حتى من واحد فى اللفة

بالظبط ;)

وميرسى على الموضوع الجميل ياياسمين
(اسمك كدة صح)

ايون :d

لا ميرسي ع واجب منوره الموضوع يا مروه

COoL HEaRT

25-09-2008, 11:49 PM

ان الواحد عمره مكان بسنه الواحد بعقله
جمله جمييييله جدا والموضوع اجمل ..........تقبلى مرورى

منوره الموضوع ومرورك اجمل :d

COoL HEaRT

26-09-2008, 12:03 AM

فعلا لايقاس الانسان بخبرته او تجاربه....

الانسان يقاس بما يستطيع ان يقدم وما قام به لس مقياسا...

مثال بسيط كتبت مقالة في سن 16 سنة
وضعتها على موقع ويكيبديا المشهور
وطبعا لم اكتب سني
وجدت انه يوجد اشخاص قاموا باقتباس كلامي وفسروه وشرحوه وكأنه منزل من السماء
أظن انهم فوق العشرين سنة وربما جاوزوا الثلاثين....

ياترى لو عرفوا أن هذا كلام شاب لم يجاوز 16 ؟؟؟

هل سيعاملوه نفس المعاملة؟؟؟

الحقيقه معتقدش انه هيتعامل نفس المعامله ده لو اتعامل اصلا

هقلك ع حاجه .. فى ناس ممكن تقدر اللى انت كاتبه فعلا ويذهلوا ان سنك صغير ع كتابه اللى انت كاتبه مثلا بس مش كل الناس تفكيرها قله قليله اللى ممكن تهتم

فى حاله عدم تصريحك مثلا بسنك هتلاقى الاهتمام اكبر .. لان مش فى نظرهم انه طفل بيكتب

طبعا الموضوع ده قليل بره .. اعرف انهم بيقدروا اللى بيكتب مهما كان سنه

هى المشكله الاصليه فى تفكير الناس وهتكلم ع المستوى المحلى معرفش الناس بره عامله ازاى

يعنى المشكله مش فى كتابتك ع النت فى موقع فى منتدى هنا ممكن تلاقى تقدير

اما فى الحياه العمليه بتكون اصعب لانك قدام الناس صغير فعلا

فى جمله بتقول ان رجل واحد يحمل رأس فوق كتفيه خير من مئه رجل بدون رؤوس

المهم اللى فوق ده يشتغل بغض النظر عن سنه او اى حاجه تانيه ممكن تعيقه عن انه يفكر

بس :)

روميو

26-09-2008, 12:34 AM

COoL HEaRT

26-09-2008, 12:53 AM

عندك حق فعلا فى كل كلمة بس انتا قلتى تفكيرنا غير تفكير الكبار المشكلة كلها بتبقى فى النقاش يعنى مثلا كل واحد مقفتنع ان رايه هو اللى صح يعنى ممكن يكون الكبير بيكلم من وجهة نظره واحنا بنتكلم من وجهة نظرنا برده بس الاختلاف فى الراى لا يفسد للود قضية بمعنى انا عن نفسى اعرف ناس فى سننا بس مخهم كبير جدا وتفكيرهم بجد عاقل ورزين وممكن مايكونش الكبار بيفكروا زيه ودى بيكون على حسب المعلومات والخبرة احنا جينا فى وقت فيه انفتاح على العالم يعنى كمبيوتر وانترنيت وستلايت وتكنولوجيا كبيرة يعنى زمن العولمة زى مابيقولوا الاباء والامهات كان عصرهم بسيط ما كنش فيه التكنولوجيا دى فتفكيرهم وتجاربهم ومعلوماتهم من خلال عصرهم هما وزى ما احنا مش عارفين نوصل ونفهم ارائهم اكيد هما مش حيفهموا اراءنا لان زى مابيقولوا الطبع بيغلب التطبع يعنى اللى متعود على شئ من صغره مش حيتقدر بعد 40 سنة مثلا انه يغير التفكير ده ممكن نتقابل فى نقطة معينة مثلا فى المنتصف لكن مستحيل احنا نوصل لسنهم او هما يوصلوا لسننا

كلام جميل فعلا هى المشكله فى النقاش وان كل واحد مقتنع برأيه واللى بيزيدهم تمسكا برأيهم ويمنعهم من تقبل اى وجه نظر تانيه وخاصه انهم بيكلموا طفل من وجه نظرهم :rolleyes:
فى فعلا ناس اكبر من سنهم بمرااحل وفى امثله هنا كتير :)

وزى مانت قلت الطبع بيغلب التطبع ومن شب ع شىء شاب عليه.. يعنى الافكار القديمه صعب تتغير .. بس هو الموضوع كله قايم ع الرغبه فى احترام الراى والراى الاخر دون النظر للسن ومعتقدش انها حاجه صعبه

عامه منور الموضوع يا اسطوره :)

روميو

26-09-2008, 12:55 AM

شكرا ليكى يابنوتة والموضوع جميل جدا وبجد انتى عضوة جميلة جدا ومواضيعك كلها بتدل على كده

COoL HEaRT

26-09-2008, 12:57 AM

شكرا ليكى يابنوتة والموضوع جميل جدا وبجد انتى عضوة جميلة جدا ومواضيعك كلها بتدل على كده

ربنا يكرمك ده من زوقك :)

JusT DreaM

26-09-2008, 01:51 AM

بسم الله الرحم الرحيم

http://up3.m5zn.com/get-9-2008-s3o0r7f4zv1.png (http://up3.m5zn.com/showimage-9-2008-s3o0r7f4zv1.png)

كتير كنت بفكر فى الموضوع ده .. الفرق بينى وبينك بالعقل ولا بالسن ؟؟

طبعا مفيش اعتراض ع ان الكبار سنا ليهم احترامهم

بس بردو ده مش معناه ان كلامهم كله صح او كلامهم كله غلط

الرسول صلى الله عليه وسلم قال (( ليس منا من لم يوقر الكبير ويرحم الصغير ))

بس اللى عاوزه اقوله ان الفرق عمره مكان بالسن

الفرق بالعقل
طبعا والا مش كان يبقى في عمر عقلي

يعنى مش دايما الكبار يستصغروا سننا ويستهيفوا افكارنا بمجرد ان سننا صغير

الجمله المعتاده لما تبدى رايك فى موضوع اكبر منك

هتلاقى مليوم واحد بيقلك وانت تعرف ايه .. انت لسه صغير .. متدخلش فى اللى ملكش فيه
ممكن الحكاية دي تكون بتحصل بس مش مع اللي في سننا
يعني انا قبل سنتين كانو بيقولولي الكلام ده
بس دلوقت الموضوع ده تقريبا بطلوه
ده لو انا كنت قاعده ومش اتكلمت (وده مش بيحصل غير نااادر:d)
بيسألوني عن رأيي^_^
وتقريبا معظم اصحابي اللي في سني بيحصل معاهم كده
(عالم ديموقراطية:lol:)
بس ده مش يمنع اني بشوف ناس كتير اهلهم بيعملو معاهم كده وبيبقى سنهم اكبر مننا
ده في ناس بتاخد قرارات مصيرية لولادها زي الجواز والكلية وده بيحصل كتييييير اوي

فى كتير سنهم صغير جدااا بس عقلهم يوزن بلد

يبقى المسأله خرجت من اطار اللى اكبر منك بيوم يعرف عنك بسنه

الواحد معرفته بتتشكل من حياته وتجاربه اى نعم وده بيوصلنا ان احنا مع سننا الصغير

بتكون خبرتنا قليله

بس انا مش مع ده لان فى طرق كتير الواحد بيكتسب بيها خبره
طبعا
يعني مثلا انتي قريتي كتاب وحد اكبر منك مش قرا الكتاب ده
يبقى مين يعرف اكتر في الموضوع اللي بيتكلم عنه الكتاب
زي موضوع البارادايم بتاع رحمة:d:d

وفعلا زمانا اتغير

يعنى مثلا زمان باباك ومامتك لما كانوا فى سنك

معتقدش ان عندهم كم المعلومات اللى عندك

انت حاليا بتقدر تتناقش وتحط حلول وممكن تكون حلول متجيش فى دماغ من هم اكبر سنا

الواحد بيكتسب خبرته بطرق كتيره منها القرايه مثلا او النت تعاملك مع الناس فى المنتدى بيكسبك خبره

يعنى الواحد خبرته كل يوم بتضاعف ..
وعلى فكرة ممكن نكون احنا بس اللي خبرتنا بتزيد كل يوم
لاننا اتعودنا عالنت
لكن انا ملاحظة ان الكبار
مش بيحبو يقعدو على النت خالص
فممكن تكون خبرتهم وقفت عند حد معين

يعنى الواحد مش من المفترض انه يفخر بالسن لانه عمره مكان دليل ع الخبره الواسعه او الثقافه الدليل هو الاسلوب والكلام

المشكله ان لو انت فى بتتناقش مع حد فى امر يخصك هيقلك انا الكبير وعارف مصلحتك اسمع الكلام و ما الى ذلك

طبعا فى كتير بيضطروا اسفين انهم ينفذوا بعد ضغوط من الاهل والناس لانهم هيجوا يقولو ده باباك وعارف اكتر منك

طيب ليه الواحد ميقررش ويخوض التجربه بنفسه ؟؟
بس برده مش نقدر ننكر اننا بنحتاجهم في حاجات كتيرة
مش بنكون عارفين نقرر فيها الصح وهما يقدرو يفرقو بين الصح والغلط
لان ممكن يكون حصل قدامهم او معاهم موقف مشابه
مش لازم احنا اللي نخوض كل التجارب لان ممكن نطلع بنتيجة مش ترضينا
ولو كنا سألنا كنا وصلنا للطريق الصغير اي اضرارح من
بس برده لازم نكون مقتنعين برأيهم

فى جمله لعلى بن ابى طالب كرم الله وجه بيقول لا تجبروا ابناءكم ع عاداتكم فانهم خلقوا لزمن غير زمانكم

يعنى مش معنى ان لاب شايف ان دى حاجه مناسبه ان ده هو فعلا الصح
لان كل زمن ليه متغيراته

وكل انسان ليه كيانه وتفكيره اللى بيختلف عن اى تفكير تانى

هى المشكله الحقيقه ان الابهات والامهات والكبار عامه رافضين فكره ان حد صغير سنا

يقدر يفكر ويكون ليه كيانه

والمشكله بردو انهم شايفين دايما نفسهم صح

فى مقوله لهانر بتقول ان اعظم خطا ان ترى نفسك دائما ع صواب

واول مثلا لما يكون وقعنا فى تجربه فاشله مثلا نتيجه لتمسكنا براينا

هتلاقى اللى بيقلك مش انا قلتلك مسمعتش كلامى اديك فشلت

والمعروف ان اساسا النجاح الانتقال من فشل لفشل .. يعنى مفيش حاجه اسمها فشل .. او بمعنى اصح ان من مكونات النجاح هى الفشل

الفرق بينهم ان النجاح بالرغم انك بتفشل الا انك مش بتفقد الامل اما الفشل بيوصلكك للياس

المهم اللى عاوزه اقول من الرغى ده كله

ان الواحد عمره مكان بسنه الواحد بعقله
اه زيك كده عقلك يدي على 50 سنة
اللهم لاحسد:d

الموضوع حلو اوي ياياسو
تسلم ايديكي ياقمر;)

MohammeD el_SadaT

26-09-2008, 06:20 AM

بجد إنتى ناقشى موضوع مهم جدااااً
وكمان مسبتيش مجال لأى إضافات للموضوع يعنى إحتوتيه بطريقه جميله
تسلم إيدك

و
فعلاً إنتى عندك حق فى كل كلمه قولتيها وأنا معاكى فى كل حرف فى الموضوع
:)

hend ere

26-09-2008, 08:02 AM

بجد موضوعك جميل اوى
واكيد الانسان بعقله مش بسنه
وانا الحمدلله قراراتى بقررها لوحدى بس اكيد بستشير الاكبر منى لانه بيبقى عنده خبرات اكثر وبستفيد منها.
احنا فعلا خبرتنا قليله فى الحياه لكن عندنا عقل بنفكر بيه وبيخلينا نعرف ايه الصح وايه الغلط.
وبجد موضوعك جميل اوى.

_GUIDE_

26-09-2008, 08:52 AM

COoL HEaRT

26-09-2008, 09:51 AM

الموضوع حلو اوي ياياسو
تسلم ايديكي ياقمر;)

تسلميلى انتى ع المرور اللى نور الموضوع وردك الجميل

واللى انا متفقه معاكى فيه وخاصه الجزئيه بتاعت القرارت المصيريه زى الزواج واختيار الكليه .. ربنا يستر فى موضوع الكليه ده:rolleyes:

وبالنسبه ان احنا بنحتاجهم فده اكيييد بس المشكله ان احنا بنحتاج راى .. اما المختلفه معاكى فيه موضوع التجربه لان الواحد مفروض يجرب اى حاجه بدام مش ضد دينه اكيد .. وعمر مالواحد بيفشل زى موضحت بل بالعكس بيكتسب خبره كبيير ه احسن من 100 راى ممكن يسمعه ..

وبجد فرحانه بردك جداااا;)

COoL HEaRT

26-09-2008, 09:59 AM

بجد إنتى ناقشى موضوع مهم جدااااً
وكمان مسبتيش مجال لأى إضافات للموضوع يعنى إحتوتيه بطريقه جميله
تسلم إيدك

و
فعلاً إنتى عندك حق فى كل كلمه قولتيها وأنا معاكى فى كل حرف فى الموضوع
:)

الاضافه الاحلى وجودك فى الموضوع .. وشكرا :)

COoL HEaRT

26-09-2008, 10:09 AM

وقف يوسف بيك وهبى على المسرح وقال
وما الدنيا الا مسرح كبير ها ها ها
اللى عايز اقوله ان فعلا مفيش انسان بسنه انما بثقفته ومعرفته
يعنى عندك مثلا واحد بياع عنده 40 او 50 سنة وطالب عنده 20 سنة
تفتكرى لما يجه يتكلمه فى السياسة والاقتصاد
مين فيهم هيكون عنده المعرفة الاوسع الطالب لانه قراء ودرس انما الشخص التانى
معلوماته هتكون سطحية من اللى بيسمعه من الناس ده مثال
بالنسبة بئا لشئون الحياة المعرفة من شخص للتانى بتختلف بنسب معينة من شخص لاخر
بس بشكل عام معظم الكبار يعرفه اكتر من الصغار لانهم اكيد مرة بتجارب اكتر
وجهة نظر

تمام اووى كده بيعرفوا اكتر لان ده ناتج عن تجربه ..الحاجه الكويسه ان الواحد يجرب يعنى مثلا انا بابا سافر عشان كان بيدرس فى كليه زراعه فى القاهره .. واول مطلبت او اتكلمت فى موضوع السفر كان رفض :) بس انا كده كده مسافره ان شاء الله :d يلا عامه متشكرين ع الرد يا اسلام