أكد الدكتور هشام عرفات، وزير النقل، أن إجمالى تكلفة المشروعات التى سيتم افتتاحها اليوم 7.9 مليار جنيه، مشيرًا إلى أن القاهرة أكثر مدن العالم بعد بكين فى الطرق الدائرية.
وقال خلال كلمته بفعاليات افتتاح مشروع الطريق الدائرى الإقليمى وعدد من مشروعات محاور النيل والطرق والكبارى، بحضور الرئيس عبد الفتاح السيسى، إن مشروع الدائرى الإقليمى يؤدى إلى تخفيف الضغط المرورى على الطريق الدائرى الحالى.
وأشار إلى أن القوس الشمالى الغربى يوجد به 25 كوبرى و43 نفقا.

أكد الرئيس عبد الفتاح السيسى، على ضرورة رفع كفاءة شبكات الطرق فى مصر، قائلًا إن :"شبكة الطرق بالمحافظات تتطلب رفع كفاءتها وإلا أبقى أنا مش واخد بالى.. أنا واخد بالى كويس.. ولو بنتكلم على إن رفع كفاءة شبكة الطرق داخل المحافظات تتطلب 16 مليار، فاحنا عاوزين أكتر من الرقم ده مرة واتنين وتلاتة، حتى يجد المواطن طريقًا مناسبًا.. ودا مش موجود.. ولو قلتوا لى موجود هبقى سعيد"، فيما قال أحد المواطنين إن الطرق متهالكة، ليعلق الرئيس:"متهالكة يعنى عدمان بالعافية وأنا بقول الكلام ليكم كلكم.. إحنا واخدين بالنا .. بس حجم المطلوب لرفع كفاءة هذه الطرق ضخم جدًا".

وأشار الرئيس إلى أن حجم المطبات الصناعية الموجودة بالمحافظات معيق للحركة ومؤذى لأن مواصفاته غير جيدة، معقبًا :"تكلمنا قبل كدا عن مسابقة للجامعات والمدارس قبل العام الدراسى الجديد".
وتابع :"المحافظين هيقولوا لى هنجيب فلوس منين، طيب وأنا بجيب فلوس منين؟..طيب اللى بيتعمل ده منين.. كل ما نقوم به فى شبكة الطرق ليس بجديد، ولم نخترع العجلة، وفيه ناس كانت بتشتغل قبل مننا بس الفكرة هيتعمل ازاى ويتصرف عليه إزاى؟.. إحنا معانا فلوس زيادة فبنعمل طرق؟.. إحنا عاملينها عشان المسابقات؟.. لا عشان ناخد مكانًا بين العالم المتقدم ولإعلان قدراتنا فى الاستثمار، وسمعنا كلام كتير خلال الـ 5 سنوات الماضية لكن عارفين إنه مع الوقت الناس هتعرف اللى بتيعمل هيودينا لفين، وسيعرفون إذا كان ما كان ذلك أو حاجة ضرورية لخلق فرص عمل لعدد سكان وصل لـ 100 مليون".
وأضاف:"نحتاج داخل المحافظات لعمل مسابقة للطرق ونأخد 3 أو 6 شهور ونشوف المحافظات هتساعد نفسها ازاى عشان يعرفوا إن مفيش حاجة بتتعمل كدا، وكل واحد يعرف هو فين من الطرق، ولو قصرنا.. إنتوا كمان هتقصروا مع محافظتكم؟".

فيما قاطعه أحد الشباب قائلًا :" أهالى قنا يبعثون لك بالتحية"، فيما قال الرئيس :" لو عاوزين تحيونى ارفعوا كفاءة شبكة الطرق بتاعتكم".

وصل منذ قليل، الرئيس عبد الفتاح السيسى، لمقر افتتاح مشروع الطريق الدائرى الإقليمى وعدد من مشروعات محاور النيل والطرق والكبارى.

ويفتتح الرئيس عبد الفتاح السيسى، مشروعات محاور النيل والطرق والكبارى المنفذة بواسطة الهيئة العامة للطرق والكبارى وإدارة المهندسين العسكريين، والتى تشمل: محور طما (أسيوط / سوهاج)، وكوبرى قوص بقنا، وكوبرى برج العرب ، كوبري بلطيم.
كما يشهد الرئيس السيسى، اليوم، افتتاح المرحلة الأخيرة من الطريق الدائرى الإقليمى القوس الشمالى الغربى، صرح بذلك السفير بسام راضى، المتحدث الرسمي باسم رئاسة الجمهورية.

حذر الرئيس عبد الفتاح السيسى، من خطورة التعدى على الأراض الزراعية، قائلًا إن التعدى على الأراضى الزراعية أمر منتشر فى مختلف أنحاء الجمهورية ولا بد أن نعى خطورة ذلك.

وقال الرئيس خلال حضوره فعاليات افتتاح مشروع الطريق الدائرى الإقليمى وعدد من مشروعات محاور النيل والطرق والكبارى، : "ادرسوا الموضع لمواجهة النمو العشوائى، وهذا الكلام لجميع الوزارات.. أنا بتكلم عشان بلدنا.. وعشان نوفر الصرف الصحى وشبكة الكهرباء والطرق، ومش هينفع نعيش كدا.. الكلام للدولة والمحافظين والداخلية والقوات المسلحة والإسكان. مش هينفع نعيش وننمو بالشكل مع كل الجهد الذى نقدمه.. ولو الأمر تطلب عمل مبانى داخل القرى، فلنأخذ المبادرة ونعمل حساب الطرق والمياه ونعرض الأمر على الناس".
وواصل: "التعدى ده موجود على معظم الأراض الزراعية فى مصر، ولو أى حد خد طيارة ولف على الأرض الزراعية سيجد حجم تعدى غير طبيعى، رغم وجود شبكات الرى والصرف التى تصل تكلفتها للمليارات.. نحن نفقد أجود أنواع الأراضى".

أكد الدكتور هشام عرفات، وزير النقل، أن إجمالى تكلفة المشروعات التى سيتم افتتاحها اليوم 7.9 مليار جنيه، مشيرًا إلى أن القاهرة أكثر مدن العالم بعد بكين فى الطرق الدائرية.
وقال خلال كلمته بفعاليات افتتاح مشروع الطريق الدائرى الإقليمى وعدد من مشروعات محاور النيل والطرق والكبارى، بحضور الرئيس عبد الفتاح السيسى، إن مشروع الدائرى الإقليمى يؤدى إلى تخفيف الضغط المرورى على الطريق الدائرى الحالى.
وأشار إلى أن القوس الشمالى الغربى يوجد به 25 كوبرى و43 نفقا.