مشاهدة النسخة كاملة : كلمات الشاب الروش


رومانسي بس منسي
20-04-2006, 03:00 AM
&&مصطلحات تخليك شاب روش&&

أستمورنج

لفظ يقال في الصباح بغرض تناول الطعام أو التدخين أو شرب الشاي حيت يفيق الشاب من نعاسه مثل هأروح أعمل أستمورنج على القهوة وجاي


الأبلتين لدع في دهاليز الحياة


عبارة تدل علي الخواء أو الفوضى في الحياة وغالبا ما تأتي بقصد الفلس ، مثل : - مفيش فلوس والأبلتين لدع في دهاليز الحياة - أي - الحياة خربانة -


أعمل دماغ

عبارة مشهورة لدي المدخنين ويقصد بها ضبط الحالة المزاجية عند المدخن


أديها جاز

عبارة تقال في مواقف الشاحنات بين الأصدقاء لزيادة حدة المشاجرة. مثل - أدى الخناقة جاز علشان تولع - أو - شعللها - سواء بالكلمات أو بتوجيه اللوم لأحد المتشاجرين لكي يثور علي الآخر

إيه النظام

عبارة بمعني إيه الموضوع ولقد استغلت الكلمة في أحد إعلانات الموبيل في نظام كروت الشحن. والعبارة تدخل في العديد من الأحداث التي يتسأل فيها الشاب عن الأحداث الجديدة. مثل - إيه النظام .. النظام في العظام - والعبارة الأخيرة تفيد الاعتراض علي الإجابة بأسلوب فيه عبط واستهبال

أتشبح

مصطلح بمعني الضرب لدرجة التعذيب وتقال - شبحته - آي اعتديت عليه بالضرب المبرح

إتم

والإتامة حسب تعريف الروشنه تعني الغلاسة والرخامة والتناحة وجميع الصفات السيئة التي قد يتصف بها شاب معين. ويقولون - الإتم جه - أي استعدوا للسفاجه التي سوف تظهر من هذا الشاب


أحلق


وهو لفظ لا يعني الذهاب إلي الحلاق لقص الشعر، ولكنه يفيد تجاهل الغير مثل - أحلق له - أي لا تفكر فيما يقول فهو لا يستحق



أتوبيس راجع بضهره


عبارة يقولها الشباب علي الفتاة الغير جميلة ولها عند الشاب أسماء أخري مثل - زي الكرة الكفر - أو - صب حته واحدة -

أعلمه

وهذا مصطلح يعني التشويه في جزء من الوجه آلة حادة ، مثلما أراد الفنان محمد سعد في فيلم - الناظر - مع النجم علاء ولي الدين - أعلمك بمطواة يا أبو صلاح ده ختم الصياعة.

أنش

لفظ مختصر لأسم - انشراح الخباثة - وهي شخصية خيالية تعني الشخصية الساذجة إلي درجة الهبل

أملي التنك
عبارة بمعني أن أكل لأن معدتي خاوية والتنك هنا بمعني المعدة. أما البنزين أو السولار الذي يملا التنك هو الطعام


أمبلايز

مصطلح بمعني - في الفشوش - أي أن الموضوع الذي سعيت من أجله لم يتم، أو تعبت علي الفاضي ، وتقال - الحياة في الأمبلايز - أي أن الحياة خربانة وفاشلة

أبجني تجدني
عبارة تعني - أنا يمكن شرائي بالمال - أو أعطي المال لكي أنفذ كل ما تطليه، وغالبا ما يقولها الموظفين المرتشين أو الشاب الذي لا يهمه إلا مصلحته دون الآخرين

أنجز بالونجز

كل المشاكل التي تقابلها لها حل سريع وحاسم مادمت تدفع المقابل. والوينجز يقولون أنها كانت نوع من أنواع السجائر قديما لكنها تطلق علي النقود لأنها حلالة العقد وسريعة التأثير في إنهاء المصالح المتوقفة.

أخلع دلوقتي

عبارة تقال كأعلان رغبتك في رحيل شخصا ما أنهيت الحديث معه مثل - أخلع دلوقتي ورايا شغل - أي أمشي الآن ونتكلم مرة أخري، فلدي ما أهتم به غيرك



أتزرع هنا

بمعني انتظر هنا ولا تتحرك مثل أي جماد أو شجرة وتقال - أتزرع هنا لحد ماجي تاني - أي لا تتحرك من مكانك أو موقعك حتي أعود إليك مهما كانت الأسباب

أعلن فراري

عبارة بمعني أنوي الانسحاب من الجلسة أو الموقف الذي أعاصره وتقال - آسف أنا هأعلن فراري - أي أني ماشي ولن أنضم إليكم في الحديث

رومانسي بس منسي
20-04-2006, 05:23 AM
يا ريت تحملو الملف المرفق وتسمعوه لانه ماشي مع الموضوع. ومستنى الردود ...

katkoutelwady
20-04-2006, 05:04 PM
هم دول جيل المستقبل

امال ايه

جيل يفرح

MohammeD el_SadaT
20-04-2006, 07:39 PM
مشكووووررررررررررررررر بس بيتهيألى :ph34r: اننا مجتمع :ph34r: يدعو الى الاخلاق الحسنه :rolleyes: وليس تعلم هذه الالفاظ البذيئه واحنا طلبت ثانويه عامه يعنى المفروض الحجات دى :ph34r: تبقى فى منتدى الصنايع والحجات دى
إمضاء
go_away_u_broken_my_heart@yahoo.com

رومانسي بس منسي
22-04-2006, 04:17 AM
اخ ميدو اولا انا مش بجيب الكلام ده من عندى وانت متقدرش تقول انك عمرك ما استخدمت الالفاظ اللى انت يتقول عليها دى صح؟ اكيد بتقولها كل شويه وهو ده الواقع اللى احنا عايشينه وعلى العموم شكرااا ليك على اهتمامك ومشاركتك انت وكتكوت الوادى على المرور...

عبدو عزام
17-05-2006, 04:36 PM
رومانسى
شكراااااااااااااااااا

Xx.Youri.xX
17-05-2006, 06:50 PM
اعتقد انه منقول من منتدى روشنه صح . ؟


على العموم مشكو على النقل الجميل


لول


تقبل تحياتى


سلام

قمر قمر
18-05-2006, 01:15 AM
رومانسى بنخاف من الحسد
خليها مستوره

محمد البري
18-05-2006, 01:16 AM
الحمدو لله اول مرة اعرف اني موش روش احمدكــ يا رب لان لو الروشنة كدا تبأى موش روشنة خالص

محمد البري
18-05-2006, 01:17 AM
نسيت اقول شكرا للي كتب الموضوع الاخ رومانتسي لانكــ بجد وريتنا كلمات عشان موش نقولها وشكرا لتبيهكــ لان لاواحد لو قال الكلام دا موش يبأى شخص اصلا

بس افهمني صح يا اخ رومانسي يعني انا موش بغلط فيك واحنا هنا اخوات بس فيها كلمات فعلا الواحد كان بيقولها بس بطلها الحمدو لله هيه كانت كلمه واحده سلاموز بالموز

عبدو عزام
22-05-2006, 11:59 AM
الف شكر يا رومانسى
موضوع عسل

LA STELLA
22-05-2006, 12:51 PM
هههههههههههههههههههههههههههههههههه

كلام اول مرة اسمعه بصراحة


يلا عشان الواحد ياخد باله و يفهم الناس بتقول ايه برده


ربنا يهدى ولاد بلدنا يا اخوانا


شكرا ليك على الموضوع الخفيف ده

tarekalbolkeny
22-05-2006, 04:36 PM
هه كلام جاد كيك يا مان
بالا اسلوب روشنه بقى

Flower
22-05-2006, 06:14 PM
فعلا الكلام ده بقي ظاهر غريبه..اتمني ان تزول قريبا

ونرجع للغتنا الجميله..

مع اني في بعض الاحيان بشوف ان كل واحد لازم يشيل معاه قاموس المصطلحات العجيبه دي ززعشان يفهم الناس بتقول ايه...

تخيلوا بقي..




انا رحت مره معرض الكتاب لقيت قاموس مكتوب عليه "روش طحن"..

يعني فعلا بقت ظاهره ..

ربنا يستر