خايف من إيييييييييييييه؟ [الأرشيف] - بوابة الثانوية العامة المصرية

lamis11

26-09-2008, 05:17 AM

بسم الله الرحمن الرحيم
بصوا ياجماعة بدون مقدمات أي حد خايف أو قلقان من حاجة من أي حاجة
يدخل ويكتبها عشان اللي عارف حلها يقوله وعشان كمان ندعيلوا في هذا الشهر الكريم.....
أنا عن نفسي خايفة من :
حاضرا:من الدراسة بسبب كتر المواد وبصراحة خايفةجدا منها
مستقبلا :خايفة من نتيجة الثانوية العامة
وخايفة أصحى في يوم وأكتشف أني عايشة في وهم كبير إن بلادنا ممكن تتحسن في يوم و إن قراري تكملة دراستي في مصر كان خاطئا
ياريت تدعولي ياجماعة عسى الله ان يتقبل منكم الدعاء

!!!دمعة حزن!!!

26-09-2008, 05:22 AM

انا خايفه من بكره

يكون اوحش من النهارده

Sharp Nails

26-09-2008, 05:28 AM

حاضرا:من الدراسة بسبب كتر المواد وبصراحة خايفةجدا منها
مستقبلا :خايفة من نتيجة الثانوية العامة

بصى ياجميل اولا المواد دية مقدور عليها
بشوية جهد وارادة وعزيمة ومواظبة
هتكون النتيجة ان شاء الله كويسة جدااااااا
يبقى لما تتعبى شوية وتيجى على نفسك وتحرميها
هتلاقى ثمرة تعبك حلوة جدااااااااا

واوعى تخافى من الثانوية دية
والله اعتبريها سنة زى اى سنة
دية تافهه والله
ومتقوليش على حاجة صعبة
الى عاوز يصعب حاجة هيصعبها
والى عاوز يسهل حاجة هيسهلها
متخديش الثانوية على اعصابك
خاليكى هادية جداا
بمعنى اصح تحلى بالبرود

حاولى تهدى اكتر وهتلاقى نفسك ركزتى اكتر

ربنا يوفقك

وخايفة أصحى في يوم وأكتشف أني عايشة في وهم كبير إن بلادنا ممكن تتحسن في يوم و إن قراري تكملة دراستي في مصر كان خاطئا

كل واحد لازم يرضى بحياته
ان كانت مصر حكومتها وحشة
يبقى انتى احلى
وخلى املك فى ربنا كبير
وقولى يارب

Sharp Nails

26-09-2008, 05:30 AM

انا خايفه من بكره

يكون اوحش من النهارده

الى يخاف من عفريت يطلعله
لية متقوليش بكرة احسن من النهاردة
مع ان النهاردة كان حلو

اوحش صفة فى جيلنا انه متشائم

ربنا يوفقك

Sharp Nails

26-09-2008, 05:31 AM

ان شاء الله احاول اتابع الموضوع
واانا تحت امركوا

Sherif Elkhodary

26-09-2008, 05:34 AM

انا بقا اكتر حاجة خايف منها و بجد هموت من الرعب

اني اموت علي معصية

ربنا يرزقنا جميعا بحسن الخاتمة

Sharp Nails

26-09-2008, 05:37 AM

انا بقا اكتر حاجة خايف منها و بجد هموت من الرعب

اني اموت علي معصية

ربنا يرزقنا جميعا بحسن الخاتمة

يامقلب القلوب ثبت قلوبنا على دينك
ربنا يبارك فيك ياشريف
انت انسان محترم وملتزم
ربنا يهديك يارب ويوفقك

lamis11

26-09-2008, 05:45 AM

Sharp Nails

26-09-2008, 05:50 AM

شكرا جدا على مشاركتكوا وشكر خاص جدا ليكي ياملك .........................ويارب يحقق ليكوا كلكوا امانيكوا ويوفقكوا في حياتكوا الدنيا والآخرة ...............ربنا كن معنا ولا تكن علينا وانصرنا ولا تنصر علينا وامكر لنا ولاتمكر علينا وأعنا ولا تعن علينا واهدنا ويسر الهدي لنا أجمعين ........قولوا آمين

امين يارب
انا فى الخدمة ياقمر
لو احتجتى اى حاجة قولى متتكسفيش
ولو احتجتى اى حاجة فالدراسة معاكى ياجميل
شكلك ثانوية ياعينى
ربنا يوفقك ويوفقكوا كلكوا

nothing

26-09-2008, 05:52 AM

Sharp Nails

26-09-2008, 09:45 AM

انا بقا خايفه طبعا من لقاء ربنا
ربنا يارب يهدينا ويهديكم
وخايفه جدا من القسم بتاعى اللى انا دخلاه اصل انا فى اداب انجلش
كتير قالولى اوعى تسيبه مستقبله حلو
بس الدراسه فيه صعبه اوى ولا تعرف له اى حاجه
تحس انك تايه لوحدك مفيش حد معاك
ايه رايكوا احول القسم؟؟؟؟؟؟؟؟؟؟؟؟

بصى يانهال بالنسبة للخوف الاولانى فكلنا خايفين منه
دية حاجة مفروغ منها

لكن بالنسبة للقسم اووووووووووووعى تفرطى ففيه
فى حد يطول يدخل قسم انجلش
يابنتى انتى فى نعمة
منها ممكن تشتغلى فى اى شركة او مترجمة اخر حاجة تفكرى فيها التيتشينج(التدريس)
و طبعا بقى مدرسين الانجلش اغنى اغنياء مصر

يابنتى اعقلى خليكى فى قسمك
وبعدين فكرتى هتروحى اية مكانه
فكرتى مستقبلك هيكون اية
بتوع الانجلش دول اكتر ناس عليهم طلب
انسى حكاية التحويل دية بدل مااقوملك:mad:

واية صعب دية؟؟؟؟
مفيش حاجة اسمها صعب
حاولى مرة واتنين وعشرة والف
بس خلي ليكى هدف وخالى عينك عليه

ربنا يوفقك :)

احمد فاروق1991

26-09-2008, 09:58 AM

انا بقة بقيت بخاف احلم !!!

ودة من الصدمات اللى اتصدمتها من احلامى

انا فعلا بطلت احلم...........احساس زبالة

Sharp Nails

26-09-2008, 10:21 AM

انا بقة بقيت بخاف احلم !!!

ودة من الصدمات اللى اتصدمتها من احلامى

انا فعلا بطلت احلم...........احساس زبالة

لية بس كدة
اية فيدة الحياة من غير احلام
الحلم هو الهدف ولما يكون عندك هدف هيكون عندك اصرار
تحقق الهدف دة او الحلم

يعنى حياتك ليها معنى
عادى لما الانسان يتعرض لصدمة او اكتر
هنتعلم ازاى من غير ماتعدى علينا مواقف صعبة

راجع نفسك تانى
ومتخفش من حاجة
احلم وعيش الحلم وصدقه هتلاقيه اتحقق
ولو مش اتحقق اعرف انه قضاء وقدر مش بأيدك تغيره

احمد فاروق1991

26-09-2008, 10:40 AM

انا حاولت كتير احلم وكل ما احلم الحلم يتحول كارثة بتسيب حفرة فى قلبى مش جرح
انا عايش حياة مملة جدا من غير احلام

هحاول افكر واحلم تانى بس يارب ماموتش المرة دى

Sharp Nails

26-09-2008, 11:05 AM

انا حاولت كتير احلم وكل ما احلم الحلم يتحول كارثة بتسيب حفرة فى قلبى مش جرح
انا عايش حياة مملة جدا من غير احلام

هحاول افكر واحلم تانى بس يارب ماموتش المرة دى

طب ادينا مثل كدة

مستر أحمد دعبس

26-09-2008, 11:23 AM

انا بخاف من الوحده
بخاف اني اكون في يوم وحيده
بخاف من ياسي وعدم ثقتي في نفسي واجوبتي في الامتحان

lamis11

26-09-2008, 11:25 AM

يا جماعة أنا إفتكرت حاجة مهمة جدا قلقاني العيد قرب طبعا المفترض إني أفرح بس المشكلة إن في عيد يعني تنظيف البيت يعني صحيان الصبح بدرييييييي ومتناميش إلا وإنت مخلصة آخر تنتوفة في البيت حاجة تغيظ تلاقي الأولاد بيلعبوا عالنت وأنا معكوكة في المطبخ بما إني البنت الوحيدة إدعووووووووووووووولي

مستر أحمد دعبس

26-09-2008, 11:28 AM

مش انتي الوحدك
ههههههههههههههههههههههه

lamis11

26-09-2008, 11:32 AM

بصي يا يمامة أولا الثقة في النفس تيجي بعد الثقة بالله والثقة بالله مش حاجة سهلة يعني لازم تقعدي مع نفسك شوية وتبدأي تحاسبي نفسك وتحطي حدود لنفسك وتبدأي تؤمني بإن مفيش حد في الدنيا عارف إيه القدر اللي أحسن ليه فبالتالي إنت واثقة إنك ماشية على خط ربنا المستقيم ورنا قدرلك حاجة يبقى بالنسبة لك عادي خاص وتوكلي على الله وانسي كل الأمور التانية والوحدة أحسن بكتير من نافخ الكير يعني لو مقدرتيش تلاقي حامل المسك خليكي لوحدك أحسن وبعدين الله لا يترك العبد الصالح أبدا وبعدين تعالي هنا هو إحنا رحنا فيين؟
هذا وبالله التوفيق

lamis11

26-09-2008, 11:41 AM

ياجماعة نفسييي أتصاحب عليكوا

مستر أحمد دعبس

26-09-2008, 07:01 PM

وانا كمان نفسي

Dr.memo

26-09-2008, 07:33 PM

وانا وانا نفسي اوي والله
تعرفوا ايه اكتر حاجه مخوفاني
بخاف من الغدر
غدر الصحاب
وغدر الحبيب
وغدر ازمن
وغدر الاهل
هو ليه زماننا كده مافيهوش امانه ولا حب ؟؟!!!!!!

uoua

26-09-2008, 11:30 PM

انا خيفة من دنيا كلها خيفة من اى حاجة ع طوال ف قلق

رونالدينهوو

27-09-2008, 12:01 AM

انا خايف انى اصحى فى يوم الاقى نفسى لوحدى وحد من اهلى يتوفى
وخايف من اليأس والاحباط اللى بيمسكنى ساعات
وخايف من اللى هيحصل فى المستقبل ومصيرى بعد ما اخلص جامعة هعمل ايه
وخايف انى احب مرة ويكون الحب ده جرح فى الاخر
وخايف ان اصحابى فى يوم يتخلوا عنى وتكون الصداقة كأنها اتبخرت
وخايف انى اشوف حد عزيز عليه بيموت قدامى ومش عارف اعمله حاجة
وخايف انى اغلط

lamis11

27-09-2008, 05:19 AM

ياه ده إنت قولت كل حاجة كنت بفكر أكتبها إنت تقريبا قلت كل حاجة بيتخاف منها

withoutname2100

27-09-2008, 09:03 AM

اولا عاوزه اقلك رنا يوفقك لان شكلك ثانويه عامه وباذن الله متندميش انك كملتي تعليمك مصر لان بجد شفت ناس خدوا ثانويه عامه من برا ولما دخلوا الكليات هنا ممشوش فيها..وبعدين الثانويه العامه المصريه باللي بيحصل فيها تعتبر للي اجتازها شهاده جامعيه[معلش اصل معايا ثانويه 2008]..المهم لازم تعرفي ان الثقه بالنفس اهم حاجه ولازم تثقي فقدرتك وتفكيرك ..وافتكري ان المذاكره بالتحصيل مش بالكم ..معلش اتفلسفت عليكي شويه..عالعموم انا كنت علمي علوم ودلوقتي فطب فلو انتي علوم انا فالخدمه..المهم بالنسبه لاكتر حاجه خايفه منها اني فعلا اموت علي معصيه ..لان بجد اي شئ فالدنيا ممكن نتجاوزه وننساه الا دا..سوري طولت ..فينلي ثانكس عالتوبيك

Sharp Nails

27-09-2008, 10:38 AM

انا بخاف من الوحده
بخاف اني اكون في يوم وحيده
بخاف من ياسي وعدم ثقتي في نفسي واجوبتي في الامتحان
:mellow:يابنتى متسبيش نفسك كدة
وبطلى تكلمى نفسك بالاسلوب المحبط دة
مرة دكتور علم نفس قال لما الانسان يقعد يقول انا فاشل
نفسه بتتأثر وبيفشل فعلا
لكن لما يقول انا ناجح حتى لو كان فاشل
بيتقدم يوم عن يوم
شيلى الافكار الشييوعية دية من نفوخك
حاولى تكونى ريلكس

يا جماعة أنا إفتكرت حاجة مهمة جدا قلقاني العيد قرب طبعا المفترض إني أفرح بس المشكلة إن في عيد يعني تنظيف البيت يعني صحيان الصبح بدرييييييي ومتناميش إلا وإنت مخلصة آخر تنتوفة في البيت حاجة تغيظ تلاقي الأولاد بيلعبوا عالنت وأنا معكوكة في المطبخ بما إني البنت الوحيدة إدعووووووووووووووولي
ياسلام :d
تصدقى انك رايقة

مش انتي الوحدك
ههههههههههههههههههههههه

يابنات لو حبيتوا تيجوا عالميل تعالوا
واعرفكوا بالعالم كله
هتلاقوا عندى كل ماتشتهى الانفس :d
مستنية ردكوا :)

Sharp Nails

27-09-2008, 10:40 AM

وانا كمان نفسي

ياجماعة نفسييي أتصاحب عليكوا

ياحينى :(
صعبتوا عليا تعالوا عندى تعالوا

lamis11

09-02-2009, 03:39 PM

والله وحشتيني يا ملك فين أيامك ............... معلش قطعت عن النت فترة كده بس الحمدلله أديني رجعتله تاني

bosy .. mostafa

09-02-2009, 10:20 PM

انا من كتر خوفي بطلت احلم اصلا
انا بخاف ان مستقبلي يضيع و ماوصلش للكليه اللي بحلم بيها
و بخاف حلم جميل اوي في حياتي اصحى في يوم الاقيه سراب
ربنا يستر