اسفه يا اسلام .. اخر موضوع ليا :d [الأرشيف] - بوابة الثانوية العامة المصرية

COoL HEaRT

26-09-2008, 01:07 PM

بسم الله الرحمن الرحيم

محدش يستغرب من العنوان .. انا فعلا بقول انا اسفه يا اسلام

وهو اخر موضوع ليا السنه دى نبقى نشوفكو السنه اللى جايه باذن الله :)

بالرغم انى مش بحب اكتب مواضيع كتير ورا بعض بس خلاص بئا سماح ;)

المهم مين اسلام .. اسلام شاب مصرى عادى واحد بيحط جيل شاب عادى بنشوفه كتير فى حياتنا .. وبردو ليه كليته وحياته طبيعيه

قرر يفتح مشروع وهو بيدرس هو يكسب منه

الكلام عادى .. اى نعم مش كل الشباب كده بس فى بردو يعنى لسه احنا طبيعيين

اسلام عمل ايه فتح شركه كده للكمبيوتر والتصليح وبيوصل نت والكلام ده .. عاااادى بردو فى كتير كده

من كام يوم حصله حاجه كان قاعد لواحده فى الشركه طلع عليه اتنين بلطجيه طبعا اتثبت :d واتاخد منه الفلوس

واتسرقت الشركه :) اسلام بلغ زى اى مواطن عادى ^_^

الكميل جدااا ان البوليس جه فى نفس اليوم الساعه 2 الفجر ;) الاستجابه السريعه سبقوا خدمه التوصيل للمنازل

المهم اسلام لسه بيتكلم بيقول كذا وكذا حصل البوليس او الظابط اللى موجود مسكه واتهمه هو انه عمل كده عشان يسرق الشركا بتوعه

المهم اسلام طبعا اعد يحلف وبتاع لقى الظابط بيضربه وفى الشارع .. وطبعا زى مالكتاب بيقول (( عشان متضربش ع قفاك ))

الظابط وبكل قله ادب اخد اسلام والواد اترمى فى الحجز

ولمحاسن الصدف وهو قاعد فى امان الله لقى مين داخل معاه :rolleyes: حبايبنا البلطجيه

اسلام هيتهبل .. وطلب يقابل الظابط وقاله المهم مش عارفه ايه الللى حصل واسلام خرج وهو فى البيت حاليا

طبعا الموضوع عادى وماله وفيها ايه :)

كلامى هنا حصل فعلا لان اسلام ده اللى موصلين من عنده تمام

وامبارح كنت بسأل بابا قلتله هو مشي كان جاى بيظبط حاجه فبابا قالى انه مش هو

وان اللى جه واحد تانى

عشان اسلام خايف من البلطجيه دول ومش بينزل الشارع :)

القصه عاديه جدااااااااااااااااااا

وبتتكرر فى حياتنا .. او فى مصر ان الواحد يتهان من الشرطه .. بقى عادى

مالشرطه فى خدمه الشعب

لما الواحد يبقى خايف انه ينزل الشارع عشان بلطجيه .. عااااااااااادى

محنا بلد الامن والامان

لما ولما ولما وهنفضل نتكلم كتير

بس رساله لما واحد زى ده يقرف من بلده ويكرهها يبقى حقه ;) متستنوش منه انه يفيد بلده متستنوش انه يجبها فى يوم من الايام ولما يبقى ارهابى اوا او متولموش اسلام

اسلام شاب مصرى بيمثل كتير مننا

واحد حب يغير حياته اخدله قلم فى اولها

قلم بسيط اى نعم

بس اثره هيبقى كبير بس انا بجد خلاص .. فحبيت اقول اانا اسفه يا اسلام اسفه لكل اللى حصلك واللى حصلنا اسفه انى اتولدت هنا ىفى البلد دى اسفه للحكومه اللى حاسه ان عال عليها

انا اسفه

Ra2oF

26-09-2008, 01:13 PM

و الله كلنا اسفين لاسلام
و اسفين لنفسينا :( :(
من البيحصل ده

عاشقـــ الانمى ـــة

26-09-2008, 01:13 PM

مالشرطه فى خدمه الشعب

والله من حقهم دلوقتى يقولوا

الشعب فى خدمة الشرطة
الشرطة دلوقتى بقت حطة ايديها فى المياه الباردة
لو رحتى قولتلهم فلوسى اتسرقت هيقولوك واحنا مالنا انتى ال مهملة
يلا مهو الدنيا معتش فيها امان

** MR.SmilE **

26-09-2008, 01:17 PM

و لله الواحد بيصعب عليه الناس اللي
بتحصل لهم مشاكل زي دي
ربنا يكون في عونهم

dr.zomba

26-09-2008, 01:31 PM

طبعا موضوع جميل جداا

انا هكلمك عن ناس اعرفهم
وهما رجعين من شغلهم الساعه اتنين بليل وشافوا ميكورباص واقف الحكايه دي حصلت مع اتنين ومكنوش مع بعض ودا في وقت ودا في وقت تاني يعني انا بتكلم عن شخصيت مختلفين

الاول كان ماشي في امان الله لقي واحد بيندهله من الميكورباص راح يشوف في ايه راح مشدود لجوا ولقي في زباين كتير زيه وكل الاشكال المحترم والشوارعي وطبعا اللي بيتكلم بيتلطش

راح الاسم واترمي في الحجز ولسؤ حظه بقي ان اسمه جه غلط مع الناس اللي عندهم قضايا وهيترحلوا علي النيابه لقي اسمه بيتنده ولحسن حظه كان كلم واحد قريبه شغال تبع الجيش يعني مش ظابط ولا حاجه المهم قريبه دا جيه وراح للظابط وكلمه و طبعا الواد كان اتعمله محضر شويه ولقي واحد داخل عليه انت فلان الفلاني قاله اه قاله خد المحضر بتاعك قطعه بايدك
وخلاص وروح

الشخص التاني واقف عادي بردو لقي ميكورباص وقف وراح واخد ناس كتير وجاي بيقوله خد انت كمان قاله حضرتك انا شغال مدرس ( مدرس العاب ولسه متخرج شكله صغير ) قاله مدرس علي نفسك قاله يا باشا انا اخويا ظابط ومش هينفع البهدلة دي قاله اركب وراح شتمه بالام قاله انت بتشتمني طيب انا هركب معاك

وهما في السكه راح مكلم اخوه اخوه راحله علي الاسم ( اخوه نقيب او ملازم اول باين مش فاكر يعني ) المهم شافه وراح داخل علي مأمور الاسم طبعا زعيق وتهليل والمأمور يقوله بس لازم يتعمله محضر قاله لازم مين يا باشا دا احنا اللي عملنا اللازم دا مبروم علي مبروم ميلفش

وراح الواد خرج بضمان بطاقته الشخصيه

طب لو واحد غلبان معندوش ضهر ممكن يتسجن بقي وعلي فكره اي حد بيجيلهم وبيعملولو محضر دي بتكون سبب في الترقيات والعلوات والذي منه

وبالنسبه لموضوع الامان او الوهم دا لانه مبقاش موجود طبعا لان حميها حراميها والشرطه في خدمة المصلحة الا من رحم ربي

انا واحد من الناس لو حصلت ظروف واكنت ولدتي واخواتي خارجين وانا مش قادر اخرج معاهم لظروف مثلا انا ببقي اعد في البيت ودماغي بتودي وتجيب وبدعي ربنا انهم يرجعوا والله العظيم

يبقي امان ايه بس

شكرا علي الموضوع الجميل :)

سؤال هو انتي مش هتكتبي تاني ليه؟:huh:

EnG.BeLaL

26-09-2008, 01:33 PM

خلاص مبقاش ف يفرق بين الشرطة و الحرامية هم هم نفس الصفات
و مفيش حد بيحاسبهم برضه و ملناش غير ربنا

KHALOOOD

26-09-2008, 01:38 PM

هو قبل مشكله اسلام فى مشكله تانيه
هو ليه دا اخر موضوع ليكى ؟
نرجع لاسلام بقى
على فكره انا فكرته اسلام المرشد فى الاول
قلت بس فى مشكله وطالما جات فى بنوته اهلاويه
يبقى هيحصل ضرب نار النهارده
بس ربنا ستر الحمد لله
اسلام اللى انتى تقصديه دا فى كل مكان فى ممصر
اسلام اللى بيتخرج من كليه العلوم ويشتغل فرد امن
اسلام الطيب الكويس بيبقى حرامى زى ما حضرتك قولتى
سلام اللى ممكن يفكر فى مشروع يفيد البلد ويروح يقدمه
ويقولوله فوت علينا السنه الجايه الساعه اممممم....زى دلوقتى
اسلام اللى بيصلى المحترم الحافظ للقراءن بيبقى ارهابى وبيتسجن
اسلام اللى بيقدم الخير والمساعده للناس ويقولوا عليه منافق دا عشان الانتخابات
فى اسلام اكتر من كدا بكتير بس انا مش مركز كتير دلوقتى
وبعدين اشمعنا بقى يكون اسلام ومش يكون خالد :p
مانا غلبان اهو:p
سورى الهزار دا مش عارف امسك نفسى منه
تقبلى مرورى بنوته اهلاويه
وبلاش تمشى او تبعدى عننا:)

CoMMaNdo

26-09-2008, 01:42 PM

الناس بقت تخاف من الحكومه اكتر من الحراميه اصلا :d

the black rose

26-09-2008, 01:43 PM

ايه يا بنتى مش كفاية انهم مستحميلنا فى بلدهم
و كمان عايزة يبقى لينا حقوق
انتى غريبة اوى
احنا خلاص مبقاش لينا فى البلد دى حاجة
بقينا احنا خدامين الحكومة

حسبنا الله و نعم و الوكيل

سؤال هو انتي مش هتكتبي تاني ليه؟:huh:
عشان هى مش هتدخل تانى من بعد العيد
بس هتيجى تانى فى الاجازة الجاية ان شاء الله

بنوته مسلمه

26-09-2008, 01:49 PM

لا حول ولا قوه الا بالله
اكيد عنده حق
بجد حاجه تكسف وتحزن
ربنا بقي يصبرنا او يرحمنا

حسبنا الله ونعم الوكيل

Empty Heart

26-09-2008, 01:55 PM

هي دي مصر
عمرنا ما هنتغير
الشرطة دلوقتي بقيت بتمسك المحترم تبهدله
والحرامي يحترمه
احنا اكيد في مصر

COoL HEaRT

26-09-2008, 03:19 PM

و الله كلنا اسفين لاسلام
و اسفين لنفسينا :( :(
من البيحصل ده

ربنا يرحمنا برحمته

والله من حقهم دلوقتى يقولوا

الشعب فى خدمة الشرطة
الشرطة دلوقتى بقت حطة ايديها فى المياه الباردة
لو رحتى قولتلهم فلوسى اتسرقت هيقولوك واحنا مالنا انتى ال مهملة
يلا مهو الدنيا معتش فيها امان

والله عندك حق

حجتهم ان

القانون لا يحمى المغفلين :)

و لله الواحد بيصعب عليه الناس اللي
بتحصل لهم مشاكل زي دي
ربنا يكون في عونهم

يارب بس المشكله انه ممكن يكون حد مننا احنا ..

عامه انا عاوزه اعتذر ع اسلوبى الركيك فى الكتابه بس انا كتبته فى 7 دقايق :) سرعه خارقه

وتانى حاجه هرد ع باقى الردود لما ارجع من الدرس ان شاء الله ;)

ادعولى ده امتحان ^_^

ملكة زمانى

26-09-2008, 03:47 PM

mas2000

26-09-2008, 03:58 PM

يا عم البلطجيه شغالين تبع الحكومه
مين يعني المصادر السريه بتاعته الامن
دول هم الي بيوزعوا المخدرات لحساب الظباط

COoL HEaRT

26-09-2008, 05:29 PM

طبعا موضوع جميل جداا

ربنا يخليك :)

انا هكلمك عن ناس اعرفهم
وهما رجعين من شغلهم الساعه اتنين بليل وشافوا ميكورباص واقف الحكايه دي حصلت مع اتنين ومكنوش مع بعض ودا في وقت ودا في وقت تاني يعني انا بتكلم عن شخصيت مختلفين

الاول كان ماشي في امان الله لقي واحد بيندهله من الميكورباص راح يشوف في ايه راح مشدود لجوا ولقي في زباين كتير زيه وكل الاشكال المحترم والشوارعي وطبعا اللي بيتكلم بيتلطش

راح الاسم واترمي في الحجز ولسؤ حظه بقي ان اسمه جه غلط مع الناس اللي عندهم قضايا وهيترحلوا علي النيابه لقي اسمه بيتنده ولحسن حظه كان كلم واحد قريبه شغال تبع الجيش يعني مش ظابط ولا حاجه المهم قريبه دا جيه وراح للظابط وكلمه و طبعا الواد كان اتعمله محضر شويه ولقي واحد داخل عليه انت فلان الفلاني قاله اه قاله خد المحضر بتاعك قطعه بايدك
وخلاص وروح

:)تحيا جمهوريه مصر العربيه :)
انت عارف ده بيفكرنى بايه بالظبط
فيلم الباشا تلميذ بس كريم كان ظابط محترم
خلاهم يعملوا مشاكل
عشان يسترزقوا
اهى محاضر وشغل للقسم
بس بدام الموضوع دخل فى الوسايط

يبقى سلملى ع الحكومه
الكوسه تشتغل
والمحضر الاخ يقطعه بايده
وعاااااادى

الشخص التاني واقف عادي بردو لقي ميكورباص وقف وراح واخد ناس كتير وجاي بيقوله خد انت كمان قاله حضرتك انا شغال مدرس ( مدرس العاب ولسه متخرج شكله صغير ) قاله مدرس علي نفسك قاله يا باشا انا اخويا ظابط ومش هينفع البهدلة دي قاله اركب وراح شتمه بالام قاله انت بتشتمني طيب انا هركب معاك

وهما في السكه راح مكلم اخوه اخوه راحله علي الاسم ( اخوه نقيب او ملازم اول باين مش فاكر يعني ) المهم شافه وراح داخل علي مأمور الاسم طبعا زعيق وتهليل والمأمور يقوله بس لازم يتعمله محضر قاله لازم مين يا باشا دا احنا اللي عملنا اللازم دا مبروم علي مبروم ميلفش

وراح الواد خرج بضمان بطاقته الشخصيه

طب لو واحد غلبان معندوش ضهر ممكن يتسجن بقي وعلي فكره اي حد بيجيلهم وبيعملولو محضر دي بتكون سبب في الترقيات والعلوات والذي منه

اها شغل للقسم ومنظر للظابط
انا بعد اضحك ع الموضوع ده
بالنسبه ليهم ان لما لامن يكون مستتب كده يبقى فى حاجه غلط
الامن والامان مش بكتره المحاضر
الامن احساس افتقدناه
وزى مانت قلت اللى ملوش ضهر بيداس بالرجلين

وبالنسبه لموضوع الامان او الوهم دا لانه مبقاش موجود طبعا لان حميها حراميها والشرطه في خدمة المصلحة الا من رحم ربي

انا واحد من الناس لو حصلت ظروف واكنت ولدتي واخواتي خارجين وانا مش قادر اخرج معاهم لظروف مثلا انا ببقي اعد في البيت ودماغي بتودي وتجيب وبدعي ربنا انهم يرجعوا والله العظيم

يبقي امان ايه بس

شكرا علي الموضوع الجميل :)

سؤال هو انتي مش هتكتبي تاني ليه؟:huh:

والله عندك حق
فعلا ال امان ال احنا نفس النظام
يوم منخرج من غير بابا بيكون فى ميه تيليفون
ودوشه وبحس ان بابا قاعد مش مستريح ..
كل البلاوى اللى بتحصل دى متخليش حد يعد ع بعضه
لانه شاكك ان فى مصيبه هتحصل فى اى لحظه
وبالنسبه لموضوع مش هكتب تانى اصل ناويه ابقى زيك :)
السنه الجايه اجيلكم دكتوره :)
ان شاء الله

وبجد ردك فرحنى يا عادل والمواقف العجيبه دى هتفضل تتكرر وع طوول

COoL HEaRT

26-09-2008, 05:36 PM

هو قبل مشكله اسلام فى مشكله تانيه
هو ليه دا اخر موضوع ليكى ؟
بعد العيد هختفى بس راجعه ع الاجازه الجايه ان شاء الله ;)
نرجع لاسلام بقى
على فكره انا فكرته اسلام المرشد فى الاول
قلت بس فى مشكله وطالما جات فى بنوته اهلاويه
يبقى هيحصل ضرب نار النهارده
بس ربنا ستر الحمد لله
ههههههههههههههه
اراهنك ان تلت تربع اللى دخلوا فكروا كده :)
يلا مش مشكله المره الجايه بئا ;)
اسلام اللى انتى تقصديه دا فى كل مكان فى ممصر
اسلام اللى بيتخرج من كليه العلوم ويشتغل فرد امن
اسلام الطيب الكويس بيبقى حرامى زى ما حضرتك قولتى
سلام اللى ممكن يفكر فى مشروع يفيد البلد ويروح يقدمه
ويقولوله فوت علينا السنه الجايه الساعه اممممم....زى دلوقتى
اسلام اللى بيصلى المحترم الحافظ للقراءن بيبقى ارهابى وبيتسجن
اسلام اللى بيقدم الخير والمساعده للناس ويقولوا عليه منافق دا عشان الانتخابات
فى اسلام اكتر من كدا بكتير بس انا مش مركز كتير دلوقتى
هو لسه فيه .. والله تجميعه كميله
فى مليون اسلام مبنا
فى مليون واحد حقه اتهدر
فى مليون واحد كره بلده
ده لو مش اكتر :)
فى ملايين مستنيين فرصه سفر عشان يبعدوا
وبعدين اشمعنا بقى يكون اسلام ومش يكون خالد :p
مانا غلبان اهو:p
هههههههههههههه
ماشي يا عم الغلبان
المره الجايه ;)
بس والله مكان نفسي اعمل موضوع زى ده
كان نفسي اكتب حاجه للاصلاح او التعمير
بس البلد بايظه بايظه
سورى الهزار دا مش عارف امسك نفسى منه
لا هزر عادى مهو ده بردو بيقع تحت اطار هم يبكى وهم يضحك
تلت تربعنا بيضحك عشان ميعيطش
تقبلى مرورى بنوته اهلاويه
منور والله ياخالد
وبلاش تمشى او تبعدى عننا:)

لا انا لازقه متقلقوش;)
هفضل دايما فى المكان اللى ادانى حاجتين كنت مفتقداهم :)
بس الاحلى
انى ارجع دكتوره
عشان تفرحوا بيا كده :p

COoL HEaRT

26-09-2008, 05:39 PM

خلاص مبقاش ف يفرق بين الشرطة و الحرامية هم هم نفس الصفات
و مفيش حد بيحاسبهم برضه و ملناش غير ربنا

هو فى فرق ان الحرامى ممكن يتعاقب اما الحكومه فمستحييييييييييل

الناس بقت تخاف من الحكومه اكتر من الحراميه اصلا :d

بالظبط لان مع الحكومه مش هتعرف تاخد حقك اما مع الحرامى هتعرف

نورت الموضوع يا محمد انت والباشمهندس بلال :)

COoL HEaRT

26-09-2008, 05:42 PM

ايه يا بنتى مش كفاية انهم مستحميلنا فى بلدهم
و كمان عايزة يبقى لينا حقوق
انتى غريبة اوى
احنا خلاص مبقاش لينا فى البلد دى حاجة
بقينا احنا خدامين الحكومة

حسبنا الله و نعم و الوكيل

عشان هى مش هتدخل تانى من بعد العيد
بس هتيجى تانى فى الاجازة الجاية ان شاء الله

اه فعلا كتر خيرهم :) انا عارفه مستحملنا ازاى :rolleyes:
وحسبى الله ونعم الوكيل فيك يا فخرى :cool:
اكيد فخرى مش الظابط :)

لا حول ولا قوه الا بالله
اكيد عنده حق
بجد حاجه تكسف وتحزن
ربنا بقي يصبرنا او يرحمنا

حسبنا الله ونعم الوكيل

حاجه تكسف .. احنا بقى منظرنا كمييييييل جداااا عالميا ومحليا ربنا يستر علينا يارب

منورين الموضوع يا بنانيت ;)

COoL HEaRT

26-09-2008, 05:46 PM

ربنا معاة
صدفة غريبة اللى احنا موصلين من عندة اسمة اسلام برضو
وقال على راى المثل الشرطة فى خدمة الشعب
نعم؟! انتى ياختى بتجيبى الامثال دى منين ؟
قال على راى المثل الشوربة فى خربة الشعب
ويحيا العدس :p
مشكوووووووووووووووووووورة ع الموضوع

هههههههههه ايه اللى بيحصل ده الاسلامات كتير

لا شكر ع واجب منوره الموضوع بامثالك العجيبه دى ;)

يا عم البلطجيه شغالين تبع الحكومه
مين يعني المصادر السريه بتاعته الامن
دول هم الي بيوزعوا المخدرات لحساب الظباط

انا مش مسؤله عنك ;) ممكن بردو زى مسلسل قلب ميت من وسائل التعذيب عشان الواحد يعترف يعملك زنزانه فيها كام واحد كده مش ولا بد ويمسكوا الاخ اللى مفروض بيعترف
ع حاجه اكيد معملهاش :d
طبعا وبياكل علقه ميه ميه

يبقى مش بعيد انهم يجندوا ناس من بره عشان يشغللهم القسم ^_^

Hamset_Etab

26-09-2008, 05:51 PM

حلو اوى موضوعك يا بنوته والحمد لله مطلعتش خناقه زى ما كنت فاكره
وبجد حكايه اسلام دى بقت العادى بتاع مصر ( لا حول ولا قوه الا بالله)
دنابطاقتى طايعه ومرعوبه ادخل القسم اعمل محضر يلبسونى تهمه ولا حاجه
(ايه الهبل ده يا بت يا بوسى ده مصر بلد الامان) ;)

COoL HEaRT

26-09-2008, 06:13 PM

حلو اوى موضوعك يا بنوته والحمد لله مطلعتش خناقه زى ما كنت فاكره
ههههههههههههههه
انتو سيئين الظن اوى
هو انا بتاعه مشاكل لا سمح الله :rolleyes:
وبجد حكايه اسلام دى بقت العادى بتاع مصر ( لا حول ولا قوه الا بالله)
دنابطاقتى ضايعه ومرعوبه ادخل القسم اعمل محضر يلبسونى تهمه ولا حاجه
(ايه الهبل ده يا بت يا بوسى ده مصر بلد الامان) ;)

ههههههههههههههه
والله انتى سكره ..
لا متخافيش مصر بلد الامن والامان فعلا ;)
بس بالشقلوب

لو عاوزه تدخلى القسم مطمنه
اقري كتاب عشان متضربش ع افاك :d اهو توعيه بردو

منى ذكى

26-09-2008, 06:21 PM

COoL HEaRT

26-09-2008, 06:37 PM

هقول ايه يعنى بجد موضوع يقهر انا لما بسمع الكلام ده والحمد لله يعنى بسمعه كتير اوى اوى بحس انى عاجزة ومش عارفة اعمل اى حاجة انا ليا واحدة صحبتى عمها شاب صغير اضرب لحد الموت فى قسم الشرطة مع انه مكنش متهم ولا حاجة وقصص من دى كتير ولسة برضو مفيش حد للمهزلة دى.......بجد انا كمان اسفة لكل الناس دى

لا اله الا الله

والله احنا مافى ايدنا نعمل حاجه غير ان احنا ندعى ونترحم ع نفسنا

انا ممكن سمعت حجات كتير بس اللى بياثر فيا عاده اللى بشوفه او اللى بيحصل قدامى او لحد اعرفه

شعب غلبان فى بلد تعبانه لحكومه اكثر تعبا .. وع رايهم حاميها حراميها

marwa.m

26-09-2008, 06:44 PM

الحمد لله انا كمان قلت فية مشكلة :eek:
وقلت اما ادخل اهدى النفوس:mad:
المهم:)
ان البلد دى خربت من كل حتة ومبقاش فيها حاجة عدلة:confused:
والى ملوش دهر فيها بيضرب على قفاة:eek:
ربنا مايحوجنا ليهم ابدا:mellow:
متميزة كالعادة ياياسمين:p
وبجد هتوحشينا قوى:rolleyes:

COoL HEaRT

26-09-2008, 06:57 PM

الحمد لله انا كمان قلت فية مشكلة :eek:
وقلت اما ادخل اهدى النفوس:mad:

وااااااااااااااااااااااضح انك داخله تهديها;)
متقلقوش ع اسلام منى .. حد هيزعل اخوه:)

المهم:)
ان البلد دى خربت من كل حتة ومبقاش فيها حاجة عدلة:confused:
والى ملوش دهر فيها بيضرب على قفاة:eek:
ربنا مايحوجنا ليهم ابدا:mellow:

يارب

متميزة كالعادة ياياسمين:p
وبجد هتوحشينا قوى:rolleyes:

انتى اللى متميزه بردودك ياجميل.. منوره الموضوع :)

وانتو هتوحشونى اكيد اكتر ..^_^

الضوء الشارد

26-09-2008, 07:16 PM

والله عندك حق فى كل كلمة قلتيها وهتوحشنا مواضيعك والله لأنها مميزة وترجعى للمنتدى بالسلامة ... وعايز أقولك أن جهاز الشرطة له دور فى كوارث كتير بتحصل . يعنى مثلا أحداث المحلة الكبرى المسؤل الأول عنها الشرطة المصرية ليه لأنها هى اللى سايبة البلطجية بمزاجها وبترهب بيهم المواطنين والبلطجية دول هم سبب التخرييب اللى حصل فى احداث ابريل . يعنى أنا عايش فى المحلة فى جو من البلطجة ومأكثر البلطجية بسبب الأمن اللى سايبهم .فالضابط أكيد فى موضوع اسلام ده مستفيد وقليل ان ماكانش مقسم مع البلطجية . باختصار الشرطة لم تصبح فى خدمة الشعب. وربنا يستر ععلينا بعد الكلمتين دول:)

COoL HEaRT

26-09-2008, 07:38 PM

بنت ازهريه

26-09-2008, 08:15 PM

السلام عليكم ورحمه الله وبركاته
هتوحشينا والله يابنوته وهتوحشنا كتير مواضعيك
بس طبعا اهم حاجه ركزى فى مذاكرتك
ادخل فى الموضوع بئى بجد مصر لاص خربت ومعداتش بترحم حد
دول بئى بيقولوا الشرطه والشعب فى خدمه الوطن
مش الشرطه فى خدمه الشعب
بس بيتهيئلى بئى ان خدمه الوطن بئت متعه انها تذل ولا د الوطن
يلا ربنا يرحمنا برحمته ويهدينا ويهدى حكومتنا
فى رعايه الله

COoL HEaRT

26-09-2008, 08:28 PM

السلام عليكم ورحمه الله وبركاته
هتوحشينا والله يابنوته وهتوحشنا كتير مواضعيك
ربنا يخليكى وانتو اكتر والله بجد احسن اخوات ليا
بس طبعا اهم حاجه ركزى فى مذاكرتك
اها ان شاء الله :)
ادخل فى الموضوع بئى بجد مصر خلاص خربت ومعداتش بترحم حد
فعلا مصر بقت قاسيه اوى ع اهلها
او بلاش نقول مصر
هنقول اللى ماسكينها
دول بئى بيقولوا الشرطه والشعب فى خدمه الوطن
مش الشرطه فى خدمه الشعب
بس بيتهيئلى بئى ان خدمه الوطن بئت متعه انها تذل ولا د الوطن
يلا ربنا يرحمنا برحمته ويهدينا ويهدى حكومتنا
يارب امين
فى رعايه الله

هو الواحد يدعى بالرحمه اما بالنسبه لهدايه الحكومه فصعبه شويه

منوره يا جميل الموضوع

فى امان الله

hema_maf

26-09-2008, 08:35 PM

خلاص مبقاش ف يفرق بين الشرطة و الحرامية هم هم نفس الصفات
و مفيش حد بيحاسبهم برضه و ملناش غير ربنا

الشرطة دلوقتى بقيت عصابة كبيرة شوية , بس فيها مميزات انها منظمة و رئيسها لازق فى الكرسى لحد ما خلل.

و الله أنا اصحاب والدى ظباط بس من القلة القليلة النادرة من الناس المحترمين و هم بيحكوا آلاف المهازل اللى بتحصل , و ما أكثر الرشاوى و الوسايط .....

يالله فى الآخر على فكرة احنا الغلطانين.....;);)

COoL HEaRT

26-09-2008, 08:52 PM

الشرطة دلوقتى بقيت عصابة كبيرة شوية , بس فيها مميزات انها منظمة و رئيسها لازق فى الكرسى لحد ما خلل.

لزقه مش طبيعيه .. لا امير ولا ولا ماده غريبه

و الله أنا اصحاب والدى ظباط بس من القلة القليلة النادرة من الناس المحترمين و هم بيحكوا آلاف المهازل اللى بتحصل , و ما أكثر الرشاوى و الوسايط .....

يالله فى الآخر على فكرة احنا الغلطانين.....;);)

مهو دايما احنا الغلطانين .. يلا مش مشكله .. انست وشرفت :)

ENG:3assoma

26-09-2008, 09:01 PM

:pوالله عادي:p
انا في تالته ثانوي وليا واحد صاحبي بيبنو بيت جديد فكنا واقفين تحت البيت وفجأة نبص لاقيلك البوكس جاي وبيركن جنبنا ونزل , والضابط بيقول إنتوا صحاب البيت فرد صاحبي قال اه انال ابن صاحبه قاله ودول قاله لا قال للعساكر اللي معاه هاتوه ...
شفتوا الغبــــــــــــــــاء وصل لفين واخد عيل في تالته ثانويه علشان مخالفة مباني ومش بس كده خدوا طبعا الموبايل n95 .
ما علينا غير قول :d" اللهم اضرب الظالمين بالظالمين":d
وهتوحشنا مواضيعك وتواجدك معانا في المنتدى , بس غالبا كلنا كده , وانا عن نفسي هبقى اشقر عليكم كل خميس
سلام:lol:
:rolleyes:عصام:rolleyes:

COoL HEaRT

26-09-2008, 09:07 PM

..Just Stop

26-09-2008, 09:47 PM

وهو اخر موضوع ليا السنه دى نبقى نشوفكو السنه اللى جايه باذن الله :)

لا حول ولا قو ة الا بالله
هتوحشنا مواضيعك
وهيوحشنا وجودك معانا سوف نفتقدك كثيرا يا بنيتى:d
انتم السابقون ونحن الاحقون:d
مالشرطه فى خدمه الشعب

ههههه
الشعب فى خدمة الشرطة ودا ناتج عن التطور الطبيعى للحاجة الساقعة
هو دا حال البلد من يوم ما حكمها الرئيس
عادى جدا ياسو
دا العادى بتاع البلد دى
دايما بنسمع شعار الشرطة فى خدمة الشعب
لكن الحقيقة احنا اللى فى خدمة الشرطة
دايمن مذلولين ومقهورين ومتهانين
وعادى جدا م البلد
مش عارف اقول غير
اللهم انى لا اسألك رد القضاء ولكنى اسالك اللطف فيه
اللى عايز يعيش فى البلد دى
لازم يطبقالقانون رقم 65246 :d
اللى بيقول
عش فى المحروسة كانك غريب او قاطع طريق
ربنا يرحمنا م البلد دى
شكرا ياسو
ودمتم فى رعاية الله
ومتحرميناش من طلتك:d

رونالدينهوو

26-09-2008, 11:24 PM

mR . mOstafa Fathi

27-09-2008, 12:45 AM

للاسف هكذا سيظل الحال

عجبتنى اوى الجملة دى

الناس بقت تخاف من الحكومه اكتر من الحراميه اصلا :d

COoL HEaRT

27-09-2008, 08:35 AM

لا حول ولا قو ة الا بالله
هتوحشنا مواضيعك
وهيوحشنا وجودك معانا سوف نفتقدك كثيرا يا بنيتى:d
بنيتى :) ههههههههه ماشي ياجدو .. كلها كام يوم وتحصلنى:p
انتم السابقون ونحن الاحقون:d

ههههه
الشعب فى خدمة الشرطة ودا ناتج عن التطور الطبيعى للحاجة الساقعة
هو دا حال البلد من يوم ما حكمها الرئيس
عادى جدا ياسو
دا العادى بتاع البلد دى
دايما بنسمع شعار الشرطة فى خدمة الشعب
لكن الحقيقة احنا اللى فى خدمة الشرطة
دايمن مذلولين ومقهورين ومتهانين
وعادى جدا م البلد
مش عارف اقول غير
اللهم انى لا اسألك رد القضاء ولكنى اسالك اللطف فيه
اللى عايز يعيش فى البلد دى
لازم يطبقالقانون رقم 65246 :d
اللى بيقول
عش فى المحروسة كانك غريب او قاطع طريق
ربنا يرحمنا م البلد دى
شكرا ياسو
ودمتم فى رعاية الله
ومتحرميناش من طلتك:d

مش عارفه بضحك ليه لما اشوف ردك .. :)
مش مشكله انا بضحك ع طول اصلا :d
بتفحمنى ومش بلاقى حاجه اقولها ..
عامه هى المصيبه مش فى الراس الكبيره بس ..
هى المشكله فى الاخوه التانين
واللى هو سابلهم البلد كده من غير رابط
عامه منور يا محمود
ومش هحرمكوا من طلتى البهيه :rolleyes:
هبقى ازوركوا فى الاعياد وشم النسيم

COoL HEaRT

27-09-2008, 08:39 AM

انتوا عارفين اللى بتعمله الحكومة ده بيفكرنى بأيه
بالحديث الشريف
غضب رسول الله صلى الله عليه وسلم من شفاعة أسامة بين زيد في حد من حدود الله وهو السرقة، فعن عائشة رضي الله عنها أن قريشًا أهمهم شأن المرأة المخزومية التي سرقت، فقالوا: من يُكلم فيها رسول الله صلى الله عليه وسلم؟ فقالوا: من يجترئ عليه إلا أسامة بن زيد حِبّ رسول الله صلى الله عليه وسلم؟! فكلمه أسامة فقال رسول الله صلى الله عليه وسلم: "أتشفع في حدٍّ من حدود الله؟". ثم قال: "إنما أهلك الذين قبلكم أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد، وايم الله لو أن فاطمة بنت محمد سرقت لقطعت يدها".
مع ان اللى احنا عايزينه ميعتبرش سرقة ده حقنا فى البلد دى لاننا عايزين العدل فى البلد ولو اطبق العدل كل حاجة هتمشى صــــــــــــــــــــــــــــــــــــح.

اكيد صح .. بس مين يسمعك يعنى :rolleyes: .. هو اللى فعلا موجود فى مجتمعنا حاليا وبشكل كبير ان اصحاب الوسايط ولا بيحصلهم حاجه وده اللى معناه كلمه الشريف
اما الضعيف بيقيموا عليه الحد
مش مشكله مهو يستاهل
دلوقتى مش اللى بيتحاكم الضعيف وهو غلطان
حاليا
اللى بيتحاكم وبيتبهدل الضعيف (اللى ملوش ضهر يعنى) وهو مش غلطان
بكده تتحقق العداله :d فى وجه نظر الحكومه

COoL HEaRT

27-09-2008, 08:41 AM

للاسف هكذا سيظل الحال

عجبتنى اوى الجملة دى

اه كانت عجبانى بردو :)

وبحب انا النظره التشائميه دى للاسف هكذا سيظل الحال :)

نورت يا مصطفى

reda_mafia50

27-09-2008, 11:39 AM

دى مصر يا شباب مش غريبه علينا

يبقى انتا اكيد اكيد فى مصر:o

COoL HEaRT

27-09-2008, 04:51 PM

دى مصر يا شباب مش غريبه علينا

يبقى انتا اكيد اكيد فى مصر:o

اانا بكره الاغنيه دى :) هى ومشربتش من نيلها :rolleyes: ماعلينا منور ..
بس مفروض تبقى انت اكيد اكيد مواطن فى حكومه مصريه

reda_mafia50

27-09-2008, 04:56 PM

marwa.m

27-09-2008, 06:02 PM

طب انا عايزة احكى على موقف حصل لواحد قريبنا هوفى تانية اعدادى

وكان راكب مترو

جالة ظابط وقالة لازم تطلع بطاقتك اشوفها

قريبنا قلة انا لسة مكملتش 13 سنة

راح الظابط قالة ضربت فى دماغى انى اشوف البطاقة بتاعتك وقالة اصرف
الناس الى جنبية فى المترو فضلوا يقنعوا الظابط ان دة عيل صغير بالعافية

عايز بطاقة من واحد فى تانية اعدادى

بلد غريبة

COoL HEaRT

27-09-2008, 06:16 PM

طيب يا ترى يا شباب اوضاع لبتحصل فى مصر وبنخلى صورتها وحشه

هو كل واحد همه الا مصلحته صراحه

علشان كده البلد خربانه

لو حكومه !!!!!!!!!!!!!!! هيبقى مشاكل كلها هتحل !!!!!!!!!!!!!!

بس امتى بظبط
علامه تعجب

العلم عند الله :)

طب انا عايزة احكى على موقف حصل لواحد قريبنا هوفى تانية اعدادى

وكان راكب مترو

جالة ظابط وقالة لازم تطلع بطاقتك اشوفها

قريبنا قلة انا لسة مكملتش 13 سنة

راح الظابط قالة ضربت فى دماغى انى اشوف البطاقة بتاعتك وقالة اصرف
الناس الى جنبية فى المترو فضلوا يقنعوا الظابط ان دة عيل صغير بالعافية

عايز بطاقة من واحد فى تانية اعدادى

بلد غريبة

بلد غريبه .. يارتها ع الغرابه دى بلد ....:rolleyes: ماعلينا

كويس ان الناس عرفوا يقنعوا الظابط ده شكله ابن حلال :d

فى غيره لو طلعت فى دماغه ياخده ع القسم ;)

وهيخلوه يطلع بطاقه بعد كده ويتعلم الكوانين صح

يابنتى الظباط -اغلبيتهم - مفكرين نفسم اللى خلقهم مخلقش غيرهم ^_^

مفكرين نفسم جند الله المختار ولا هم حاسين باى حاجه

نادر اوى لما تلاقى حد عنده ضمير فى الدنيا دى

طـفـلـة الامـس

27-09-2008, 11:54 PM

hema_maf

28-09-2008, 01:47 AM

مهو دايما احنا الغلطانين .. يلا مش مشكله .. انست وشرفت :)

لا مش قصدى , احنا الغلطانين دلوقتى لإن دى بلدنا و سايبين العصابة دى فيها بس هنعمل ايه مش ذنبنا لإن احنا طلعنا لإناهم كبروا و محدش قادر عليهم , بس لازم نعمل حاجة , مممممممم الحل الوحيد بعد التفكير العمييييييق : تكرار الحملة الفرنسية....... بكل تفاصيلها..

COoL HEaRT

28-09-2008, 11:27 AM

انا نفسى اما شنطتى اتسرقت زى ماقلت فى موضوعك التانى
كنت منهارة والناس ماشية بتتفرج عليا
عادى من وقتها وانا اتعودت ان الواحد يعتمد على نفسه فى كل حاجة
كل واحد همه نفسه وبس
هما الناس ولا الحكومة هايعملولك ايه يعنى
انتى عارفة كان فى قناة العفاسى
هو مشارى راشد بيدعى لواحد اسمه جابر يعنى من احد الحكام وهو بيبكى بكاء غير عادى
احنا تفتكرى مين فينا يعمل كده مع حكومتنا
منهم لله وربنا ينتقم منهم

فعلا والله كل واحد بيدور ع مصلحته ولا البوليس هينجدك ولا حد من الشارع كل واحد بئا لواحده ..وربنا ينتقم من كل ظالم

لا مش قصدى , احنا الغلطانين دلوقتى لإن دى بلدنا و سايبين العصابة دى فيها بس هنعمل ايه مش ذنبنا لإن احنا طلعنا لإناهم كبروا و محدش قادر عليهم , بس لازم نعمل حاجة , مممممممم الحل الوحيد بعد التفكير العمييييييق : تكرار الحملة الفرنسية....... بكل تفاصيلها..

والله كنت عارفه تقصد ايه بالعكس انا بقول زيك دايما بس كنت مفروسه شويه ساعتها ردى طلع عجيب
وبالنوسبه للحمله الفرنسيه فصعبه الحكايه دى الناس جبانه ويخافوا من اى نوع من انواع العصيان ضد الحكومه اللى عامله زى الاحتلال تمام .. ده هم يوم موضوع المحله مش اتوحدوا ع راى وكل واحد راح فى حته ماعلينا ربنا بصبرنا

No_Way

28-09-2008, 11:30 AM

شكـــرا.....

MohammeD el_SadaT

28-09-2008, 02:27 PM

يافرعون إيه فرعنك ال ملقتش حد يصدنى
وهو ده حال الشرطه مع الشعب الشرطه تهين وإحنا ساكتين يوم والتانى عرفوا انهم مهما يعملو يلفقو قواضى يضربو ينهبو يسرقو يعملو اللى هما عاوزينه محدش هيتكلم محدش هيقول أى حاجه فساقو فيها

لو كل واحد عرف اللى له واللى عليه وبطلنا نقول وأنا ملى هو أنا اللى هغير الكون ولو بطلنا نقول بدام بعيد عن بيتى يتحرقو بجاز
حاجات كتير هتتغير فى حياتنا

خارج عن القانون

28-09-2008, 02:31 PM

البلد زى الفل وكل حاجة تمام التمام

ولوعندك مانع روحى اشكينى في القسم و وانتى تعرفى

تقبلى مرورى

COoL HEaRT

28-09-2008, 02:40 PM

شكـــرا.....

العفو .. :rolleyes: وعاجبنى اووى الرأى ده ;)

يافرعون إيه فرعنك ال ملقتش حد يصدنى
وهو ده حال الشرطه مع الشعب الشرطه تهين وإحنا ساكتين يوم والتانى عرفوا انهم مهما يعملو يلفقو قواضى يضربو ينهبو يسرقو يعملو اللى هما عاوزينه محدش هيتكلم محدش هيقول أى حاجه فساقو فيها

لو كل واحد عرف اللى له واللى عليه وبطلنا نقول وأنا ملى هو أنا اللى هغير الكون ولو بطلنا نقول بدام بعيد عن بيتى يتحرقو بجاز
حاجات كتير هتتغير فى حياتنا

مختفى
ولما بتيجى بترد ع كل المواضيع
ماشاء الله هحسدك :rolleyes:
المهم انت جبت تقريبا الخلاصه
يافرعون ايه فرعنك ملقتش حد يصدنى :d
ومين هيقدر :)
هى ممكن تيجى بعد موضوع عصيان مدنى
بس انت عارف المصريين مهما حصلهم
بيقدروا يتأقلموا
عندهم قدره غريبه
ومش بيثوروا الا لما بتكون فى كارثه حقيقيه
وبتبقى ثوره وقتيه لا تتعدى الكام يوم
وموضوع انا مالى ناتج عن الخوف بردو :)
كل واحد خايف ع بيته ع مراته وع عياله ..
بس كله ناتج عن نقص وعى سياسي ..
بس والله انا كل مفتكر كتاب عشام متضربش ع قفاك ..
وبعدين اشوف لو حد فينا عرف يطبقه .. مش بلاقى
ممكن الواحد يكون عارف حقوقه
بس مش قادر يطالب بيها
عامه منور :d

COoL HEaRT

28-09-2008, 02:41 PM

البلد زى الفل وكل حاجة تمام التمام

ولوعندك مانع روحى اشكينى في القسم و وانتى تعرفى

تقبلى مرورى

لا ياسيدى اشيك واروح اقسام وادبهدل .. وع ايه :d الطيب احسن

الاستاذ محمد سرور

06-06-2009, 08:29 PM

للتنشيط
......

ymymym

06-06-2009, 08:45 PM

اقتباس:
مالشرطه فى خدمه الشعب

والله من حقهم دلوقتى يقولوا

الشعب فى خدمة الشرطة
الشرطة دلوقتى بقت حطة ايديها فى المياه الباردة
لو رحتى قولتلهم فلوسى اتسرقت هيقولوك واحنا مالنا انتى ال مهملة
يلا مهو الدنيا معتش فيها امان

لأ يا حبيبتي هيقولوله تدفع كام واحنا نجيبهالك

برجاوى

06-06-2009, 10:38 PM

واللة انتى جدعة علشان حاجتين
1- انك اهلاوية
2- ان دى واقع وليس خيال

شهدالجنة

06-06-2009, 11:20 PM

يااااااااااااااه الدنيا فيها مصايب كتير ياجماعة

والدنيا مبتسبش حد غير لما تديله

بس ربنا يهدى وربنا مبيسبش حق حد والله

وان شاء الله الحق هيبان وبارك الله لكى

مستر محمود صادق

08-06-2009, 12:59 AM

حسبنا الله ونعم الوكيل وانا لله وانا اليه راجعون

أسيل رزق

09-06-2009, 11:10 AM

ههههههههههه
أنا قلت البت إتهفت فى مخها ولا إيه
هو فى حد يزعل من إسلام ويعمل موضوع
الكل بيزعل منه من غير مواضيع والكلام الفارغ ده :d
هههههههه
أول مرة أشوف الموضوع ده يا سمنة
يلا فات الكتير ما باقى إلا القليل وترجعلنا تانى:bosyht9:
اللى قبلى قالوا كل حاجة
مش ناقصة رغى :d

Observer

09-06-2009, 07:55 PM

مثال يتكرر كل يوم

عفواً ... كل لحظة !!

COoL HEaRT

18-06-2009, 07:16 PM

يااااااااااااااه الدنيا فيها مصايب كتير ياجماعة

والدنيا مبتسبش حد غير لما تديله

بس ربنا يهدى وربنا مبيسبش حق حد والله

وان شاء الله الحق هيبان وبارك الله لكى

هى الفكره ان الحقق ممكن يبان بس المشكله فى الوقت الطويل جدا اللى بياخده فى البلد دى عشان يظهر

ههههههههههه

أنا قلت البت إتهفت فى مخها ولا إيه
هو فى حد يزعل من إسلام ويعمل موضوع
الكل بيزعل منه من غير مواضيع والكلام الفارغ ده :d
هههههههه
أول مرة أشوف الموضوع ده يا سمنة
يلا فات الكتير ما باقى إلا القليل وترجعلنا تانى:bosyht9:
اللى قبلى قالوا كل حاجة

مش ناقصة رغى :d

ههههههههههه وبعدين يا حبيبتى انا لو زعلت منه هل مثلا هعمل موضوع مانتى عارفه الطريقه
اه يارب اخلص وارجعلكوا بئا
واللة انتى جدعة علشان حاجتين
1- انك اهلاوية
2- ان دى واقع وليس خيال
طب الحمد لله انى اهلاويه دى نعمه اصلا
اما بالنسبه للواقع ففى اصعب من كده بمراحل