مشاهدة النسخة كاملة : احتاج ارائكم وبشده ارجو الافاده
Dr.memo 26-09-2008, 07:25 PM السلام عليكم ورحمه الله وبركاته
انا اتظلمت جااااااااااااااااااامد ف 2 ثانوي
وجبت 80%
بجد حلمي فدخول صيدله اتدمر خلاص
بس حاولت اتمسك بالحلم ده واخد بالاساباب لحد 100 ف ال100
وقسمت تالته ثانوي على سنتين
ارجوكم ساعدوني لاني تعبت خلاص
قولولي رأيكم
الاساتذه بعضهم يقوللي ادخلي علمي رياضه واقسمي السنه
والبعض الاخر يقوللي علوم وهاتي الدرجات النهائيه هتكوني وصلتي ل90 ف الميه من غير مستوى
واستغلى فرصه السنه الفارغه اللي مافيهاش طلبه كتير ف ثالثه ثانوي
هينزل بكده تنسق الكليات العلميه
وممكن تحصلي كليه كويسه
واقتنعت بالرأي ده لحج اما مستر الفيزيا اناهرده قاللي بلاش المخاطره ادخلي فرياضه عشان لو لاسوأ الاسباب جبتي 88 هتحصلي هندسه وده طبعا بدون مستوى رفيع
انتوا رأيكوا ايه انا خلاص بجد تعبت
افيدوني افادكم الله
وعندي استفسار اخر
بخصوص المستوى
اخد عربي مستوى رفيع ؟
كويس ؟
وليه كتب خارجيه ؟
مع العلم بإني استحاله اخد انجلش لاني فمدرسه حكومي والانجلش المستر قاللي انه بيجيبوا فيه شعر وكلام من ده
ارجوووووووكم ردوا عليا بلييييييييييييييييييييييييييييييييييز ضروري
تحيــــــــاتي
والسلام ختام
marwa.m 26-09-2008, 07:46 PM كملى زى مانتى ماشية ومتقلقيش نفسك
واهدى خالص
وربنا معاكى
Dr.memo 26-09-2008, 07:54 PM ازاي يامروه
اكمل علوم يعني؟
ارجوكي دليني انا خلااااااااااص اعصابي بازط بعد مكالمه المستر ليا
ومتشكره اوي على ردك
تعبتك معايا
marwa.m 26-09-2008, 07:58 PM اة كملى علمى علوم مدام قسمتى السنة
ومتخليش كلام حد يأثر عليكى لو انتى حاسة انك قد المسئولية دى
ومتعمليش حاجة ضد رغبتنك
وان شاء اللة فى السنة الفاضية التنسيق هينزل جامد وتدخلى طب كمان
Dr.memo 26-09-2008, 08:17 PM بس انا جايبه السنادي 80
ولو جبت ف 3 ميه ف الميه
يبقى هجيب ف السنتين على بعض 90.2 من غير مستوى رفيع
هلحق كده اجيب بيهم صيدله تفتكري؟
انا بجد خايفه وقلقانه خالص ومش عارفه اعمل ايه
Erona 26-09-2008, 08:38 PM انا معرفش فى الحاجات دى
بس ربنا يوفقك وتحققى حلمك ولو عرفت اى حاجه اوعدك انى هقولك
Dr.memo 26-09-2008, 08:58 PM متشكره يا ايرونا ياسكره
تعبتك معايا ياقمر
بس بجد انا محتاجه ارائكم ليا
ولا خاب من استشار
bosy .. mostafa 26-09-2008, 10:33 PM انتِ كملي و توكلي على الله طالما ده حلمك
و مش تخلي اي مؤثرات خارجيه تأثر عليكِ ..
و صلي صلاة استخاره عشان تبقي اخدتي بالأسباب صح :)
و يارب تدخلي صيدله و يحقق لك آمالك
bosy .. mostafa 26-09-2008, 10:34 PM نسيت اقولك بلاش تاخدي مستوى رفيع عربي
لإنه نحو و تباته و ادب و تناحه << حلوه دي :d
لو عايزه مستوى رفيع مضمون
انصحك بالأحياء
وربي يوفقك يا سكره
ربنا معاكى و شدى حالك و خليكى بدماغك
Dr.memo 26-09-2008, 11:46 PM هو انا كده كده شاطره ف الرياضه وبحب هندسه فعشان كده ده اللي محيرني والله
وبالنسبه للاحياء المستوى الرفيع انا كاتبه كده من السنه اللي فات
فينفع لاني قاسمه السنه على 2 اخد الاحياء السنه الجايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدين كمان صحيح انا لسه مش عارفه اعمل ايه
علوم ولا رياضه
مرعووووووووووبه بجد
هو انا نفسي اكتر فصيدله
بس كمان بحب هندسه وبيقولوا انها مضمونه بالنسبالي اكتر
فعشان كده مش عارفه حاجه وااااااااااااااصل
ارجوكوا ساعدوني
انا تعبت بجد
لمى 2016 26-09-2008, 11:58 PM ربنا معاكى بجد يا قمر
انتى فعلا موقفك حرج
مش عارفة اقولك ايه
حتى لو تنسيق الجامعات العلمية نزل
عمره ما هينزل اوى كدة
بس اقولك على حاجة حلوة
استخيرى ربنا و هو هييسر لك الحال ان شاء الله
و يختار لك الامر الافضل
bosy .. mostafa 27-09-2008, 02:10 AM بصي يا حبيبتي صلي استخاره
بس اعرفي ان الرياضه 2 مش مقياس ابدا لرياضه 1
صلي استخاره و ربي يوفقك للي فيه الخير
Dr.memo 27-09-2008, 01:34 PM متشكره بجد على نصيحتكم ليا
وربنا ييسر الامور للافضل بإذن الله
وياريت اذا في اي حد عنده علم بالموضوع ده يقوللي لاني مش عارفه راسي من رجلي بجد
فجر الإسلام 27-09-2008, 01:42 PM صلي استخاره أهم حاجه
بس أنا أعتقد ان الأفضل تكملي رياضه
لأن صعب صيدله تاخد 90 بس سهل هندسه تاخد 90
والله أعلم
الشفق الباكي 27-09-2008, 01:46 PM انا رأيى من رأى فجر الاسلام
nothing 27-09-2008, 01:46 PM بصى يا قمر
انتى من رايى تكملى رياضه احسن
اولا السنادى التنسيق ممكن ينزل لان فيه سنه فاضيه
ثانيا تنسيق الهندسه نزل خالص يعنى لاسوا الظروف فعلا ان شاء الله هاتلحقى هندسه
بالنسبه للمستوى الرفيع فمن رايى خدى انجلش وتوكلى على الله لانه بينفع جامد
لكن لو انتى مش بتحبى الانجلش خدى جغرافيا وربنا معاكى يارب
واهدى كده وان شاء الله خير
والاهم من ده كله صلى صلاة استخارة واقدمى فى الموضوع
واكيد اللى فيه الخير هايقدمه ربنا
Dr.memo 27-09-2008, 01:58 PM والله انا محتاره
ماما بتقوللي ان هندسه مش حلوه للبنت
عشان كده متخوفه من الموضوع ده
مع اني بحب الهندسه والتصاميم والرسم والرياضه
بس لولا كلام ماما ده هو اللي قالقني
هي فعلا مستقبل البنات فهندسه ضعيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدين ياليدي انا فعلا ياريت اقدر اخد المستوى الرفيع جغرافيا
بس كله والانظمه الجديده دي
لازم العلمي ياخدو مستوى رفيع علمي
يعني لو علمي علوم
يا اما عربي او انجلش او احياء
لو رياضه يااما عربي او انجلش او رياضه
بس انا لو كملت علمي علوم في فرصه هتكون قدامي اني ادخل علاج طبيعي ف السنه الفاضيه دي ؟؟؟؟؟؟؟؟؟؟؟؟؟؟؟؟؟؟؟؟
ارجوكم جاوبوني بليز انا تعبت خاااااااااااااااااااالص
فجر الإسلام 27-09-2008, 02:07 PM والله انا محتاره
ماما بتقوللي ان هندسه مش حلوه للبنت
عشان كده متخوفه من الموضوع ده
مع اني بحب الهندسه والتصاميم والرسم والرياضه
بس لولا كلام ماما ده هو اللي قالقني
هي فعلا مستقبل البنات فهندسه ضعيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدين ياليدي انا فعلا ياريت اقدر اخد المستوى الرفيع جغرافيا
بس كله والانظمه الجديده دي
لازم العلمي ياخدو مستوى رفيع علمي
يعني لو علمي علوم
يا اما عربي او انجلش او احياء
لو رياضه يااما عربي او انجلش او رياضه
بس انا لو كملت علمي علوم في فرصه هتكون قدامي اني ادخل علاج طبيعي ف السنه الفاضيه دي ؟؟؟؟؟؟؟؟؟؟؟؟؟؟؟؟؟؟؟؟
ارجوكم جاوبوني بليز انا تعبت خاااااااااااااااااااالص
بصي مامتك بتقول ان هندسه مش حلوه للبنات بس أنا رأيي انها أحسن من أي كليه تانيه ممكن تاخديها لو
لا قدر الله التنسيق ما نزلش وما لحقتيش صيدله
Dr.memo 27-09-2008, 02:10 PM طب يافجر مش ممكن الحق علاج طبيعي ؟؟؟؟؟؟؟؟؟؟
انا بجد تعبت
ممكن اعرف اقسام كليه هندسه طيب ؟؟؟؟؟؟؟؟؟؟؟؟؟؟؟؟؟؟؟؟؟
ارجوكم جاوبوني
Mostafa 3laa 27-09-2008, 03:02 PM كمللى رياضه وان شاء الله ربنا يوفقك
اهم حاجه تنسى اللى فات وتبدأى السنه بدايه جديده وان شاء الله ربنا مش هيضيع مجهودك
تنسيق هندسه فى النازل وسهل الواحد يدخلها
رونالدينهوو 27-09-2008, 05:45 PM انا على ما اعتقد ومتزعليش منى ان عمر الصدلة هتنزل 91 %خالص ده السنة بتاعتنا اللى هيه 2008كانت امتحناتنا زى الزفت وكانت الصيدلة من 97%
فلو ناوية تكملى ان شاء الله علمى علوم تبقى انتى كده عاملة حسابك على علوم
ولو هتحولى علمى رياضة افضل ليكى لان مجموعك يجيب هندسة
وانا انصحك انك تاخدى مستوى رفيع جغرافيا ....انا والله مخدتش فيها درس وكمان وانا داخل الامتحان مذاكرتش غير خريطة البحيرات فى مصر وجبت الحمد لله 8 من 10
اتوكلى على الله
وفكرى كويس قبل اتخاذ اى خطوة
Dr.memo 27-09-2008, 10:06 PM ياجماااااااااعه
نظام السنادي المستوى الرفيع اللي فيه مش بيتاخد من مواد ادبيه لاني علمي
ده اولا
اما ثانيا
مش ممكن لو كملت علمي علوم اقدر اجيب علاج طبيعي؟؟؟؟؟؟؟؟؟؟؟؟؟؟؟؟؟؟
لاحظوا ان السنه الجايه هتكون فاضيه وهستفيد من انه التنسيق هينزل جاااااااااااامد
بالله عليكوا تساعدوني
Dr.memo 27-09-2008, 10:16 PM ياجماعه ارجوووووووووكم ردوا عليا بليز
بكره هروح المدرسه اعمل التعديل ان غيرت علمي علوم
المدرسه مشدده علينا وبتقول بكره اخر يوم للتعديل واللي هييجي بعد بكره مش هيعدلوله
Dr.memo 27-09-2008, 11:15 PM طب ياجماعه ردوا عليا
قولولي ع الاقل ايه اقسام كليه هندسه ارجوووووووووووووووووووووووووووووووووووكم
Dr.memo 27-09-2008, 11:38 PM فين الردوووووووووووووووووووووووووووووووووووووووووووووو وووووووووووووود
هندسه كويسه للبنات ولا لأ؟؟؟؟؟؟؟؟؟؟؟؟؟؟؟
وايه احسن قسم فكليه هندسه للبنات ارجوكم انا خلاص تعبت
amoula adel 28-09-2008, 12:24 AM بجد انتى لازمى تعملى احطياتك
انتى ايه يضمنك التنزيل ينزل
لازم تتأكدى الاول
وعلى العموم انا هدعيللك وربنا يوفقك وابقي عرفينى باخبارك
amoula adel 28-09-2008, 12:26 AM الهندسه جميله وفيها اقسام حلوه للبنات وربنا يوفقك
أحمدعلاء7 28-09-2008, 12:32 AM بصى انتى لو كويسة فى الرايضة و هاتضمنى تجيبى الدرجة النهائية فيها كملى رياضة اما لو مش بتحبيها خشى احياء و هو فعلا راى كويس
بس انا بسمع مدرسين كتير بيقولوا الهندسة السنة دى هاتنزل وتبقى بين ال86% و 88%
ايه رأيكم؟
أحمدعلاء7 28-09-2008, 12:34 AM فين الردوووووووووووووووووووووووووووووووووووووووووووووو وووووووووووووود
هندسه كويسه للبنات ولا لأ؟؟؟؟؟؟؟؟؟؟؟؟؟؟؟
وايه احسن قسم فكليه هندسه للبنات ارجوكم انا خلاص تعبت
يعنى لو ناوية على هندسة ابعدى عن مدنى علشان المدنى صعب شوية للبنات :rolleyes:
bosy .. mostafa 28-09-2008, 12:57 AM ممكن اعرف اقسام كليه هندسه طيب ؟؟؟؟؟؟؟؟؟؟؟؟؟؟؟؟؟؟؟؟؟
معماري و ده حلو للبنات
بس هترجعي من الكليه الساعه 7 المغرب
==
مدني و ده لذيذ يعني مش فيه حاجه .. بس الشغل بتاعه ولادي شويه
==
ميكانيا و ده تبت اوي و صعب جداً و مش تدخليه لإن صاحب اخويا الأنتيم دخله و بيشد في شعره اصلاً و قرب ينتحر
==
هندسة طيران و ده في هندسة القاهره بس
و برضو اجهزه طبيه
و هندسه كيميائيه
دول في القاهره
دي الأقسام بتاعة هندسه ..
و عموماً انتي بتدرسيهم كلهم في اعدادي و بتختاري منهم الأسهل ليكي و اللي بتحبيه
و اي مساعده تخص كلية الهندسه انا هنا .. قولي لي
و ربنا يوفقك
Dr.memo 28-09-2008, 01:00 AM طب ياجماعه
ممكن تستحملوني شويه
معلش انا هتعبكم حبتين
ف السنه الفاضيه
كل الطلبه فيها هيكونوا راسبين او وافدين من الخارج وقله قليله اللي قاسمين السنه
وكلكم عارفين ان كليه القمه فعلمي رياضه هي هندسه
وواخده اهيه من 86 زي ما بيقول احمد ده السنه الجايه
فما بالكم بالسنه اللي مافيهاش طلبه فتالته الا قله قليله واغلبهم راسبين يعني نسبهم ف النازل؟؟؟؟؟؟؟
وما بالكم بكليات القمه من علمي علوووووم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Dr.memo 28-09-2008, 02:54 AM ها يا جماعه ماقلتوليش
فين باقي الردووووووووووووود ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
bosy .. mostafa 28-09-2008, 08:11 PM طب ياجماعه
ممكن تستحملوني شويه
معلش انا هتعبكم حبتين
ف السنه الفاضيه
كل الطلبه فيها هيكونوا راسبين او وافدين من الخارج وقله قليله اللي قاسمين السنه
وكلكم عارفين ان كليه القمه فعلمي رياضه هي هندسه
وواخده اهيه من 86 زي ما بيقول احمد ده السنه الجايه
فما بالكم بالسنه اللي مافيهاش طلبه فتالته الا قله قليله واغلبهم راسبين يعني نسبهم ف النازل؟؟؟؟؟؟؟
وما بالكم بكليات القمه من علمي علوووووم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مش عارفه والله ..
انا مش فاهمه اوي .. ممكن توضحي لي :huh:
Dr.memo 29-09-2008, 01:57 AM انا يابوسي قسمت تالته ثانوي على ستنين
يعني السنادي واللي وراها بإذن الله هكون فتالته ثانوي
ده اولا
ثانيا والاهم
انا محتاره بين علمي علوم او عمي رياضه
مع العلم يبإني جبت ف تانيه 80 ف الميه
وان السنه اللي جايه بإذن الله واللي هكون برضو فيها قتالته ثانوي هتكون مافيهاش 3 ثانوي الا للراسبين او الوافدين من الخارج
وعدد قليل جدا من الطلبه اللي قسمين 3 ثانوي
فبالطبع التنسيق هينزل خااااااااااااااااااااااااااالص لكل الكليات
العلمي رياضه والعلوم
بس انا حتى ان جبت ال100 ف الميه السنادي هجيب ف السنتين 91 ف الميه
وكان نفسي الحق كليه صيدله
خصوصا ان التنسيق ف النازل السنادي
يعني فرصه ذهبيه
بس محتاره لحسن التنسيق مايقبلنيش من 90 صيدله
فكتيير نصحوني بهندسه لانها مضمونه
بس انا شايفه انه لو نزلت الكليات العلميه ف السنه الفاضيه دي وخصوصا ان تقريبا مافيهاش طلبه يبقى ممكن الحق صيدله
وكنت عاوزه ارائكم بخصوص الموضوع ده
marwa.m 29-09-2008, 02:05 AM يابنتى متقلقيش نفسك كدة
الدنيا مش مستاهلة حاجة
انا عايزة اقولك حاجة مفيش حاجة اسمها عاوزة صيدلة وهندسة فى نفس الوقت مينفعش شوفى انت عايزة اية
المهم ان السنة الفاضية محدش عارف اية الى ممكن يحصل فيها وهل فى نظم هتتغير ولا لأ
وانا عايزة اقوللك حاجة
لازم تعرفى وتسألى حد عن نظام السنة الفاضية
وانا هعمل كل الى هقدر علية عشان اعرفلك
بس هدى اعصابك عشان انت قلقانة قوى
bosy .. mostafa 29-09-2008, 02:06 AM انا يابوسي قسمت تالته ثانوي على ستنين
يعني السنادي واللي وراها بإذن الله هكون فتالته ثانوي
ده اولا
ثانيا والاهم
انا محتاره بين علمي علوم او عمي رياضه
مع العلم يبإني جبت ف تانيه 80 ف الميه
وان السنه اللي جايه بإذن الله واللي هكون برضو فيها قتالته ثانوي هتكون مافيهاش 3 ثانوي الا للراسبين او الوافدين من الخارج
وعدد قليل جدا من الطلبه اللي قسمين 3 ثانوي
فبالطبع التنسيق هينزل خااااااااااااااااااااااااااالص لكل الكليات
العلمي رياضه والعلوم
بس انا حتى ان جبت ال100 ف الميه السنادي هجيب ف السنتين 91 ف الميه
وكان نفسي الحق كليه صيدله
خصوصا ان التنسيق ف النازل السنادي
يعني فرصه ذهبيه
بس محتاره لحسن التنسيق مايقبلنيش من 90 صيدله
فكتيير نصحوني بهندسه لانها مضمونه
بس انا شايفه انه لو نزلت الكليات العلميه ف السنه الفاضيه دي وخصوصا ان تقريبا مافيهاش طلبه يبقى ممكن الحق صيدله
وكنت عاوزه ارائكم بخصوص الموضوع ده
مش عارفه والله
مش هقدر اتوقع لك التنسيق :confused:
بس انا شايفه انك تكملي علمي رياضه و توكلي على ربنا
بس بصي ..
مافيش حاجه اسمها مضمون ولا مش مضمون
ده حسب ميولك انتِ يا قمر
الرحمة حلوة 29-09-2008, 03:00 AM انت ملغبطة نفسك جامد اوى اسئلى نفسك حبة اسئلة واتى هتعرفى..... مثلا زى انا نفسى ادخل كلية ايه ؟ هقدر اجيبها؟ بحب ازاكر مثلا ايه رياضة ولا احياء؟ هقدر على رياضة اواحياء ؟ المهم تحددى هدفك وان كان ليكى نصيب فى حاجة هتخديها هتخديها وانا ياباشا فى تالتة زيك وكنت فى تانية احياء لو عاوزة اى استفسار عن اى حاجة انا ممك اساعدك
Dr.memo 29-09-2008, 02:59 PM ربنا يخليكي ليا يامروه معلش هتعبك معايا بخصوص الموضو ده
وميرسي ليكي يابوسي ياقمرايه ع المشاركه نورتي الموضوع
واكيد يارحومه انا سألت نفسي الاسئله دي كلها
انا هاقولك حاجه
انا بحب الاحياء وفنفس الوقت الرياضه
يمكن الرياضه اكتر كمان
بس ماما عايزاني ادخل صيدلاه وبيني وبينك انا كمان نفسي
ومحيرني اوي الموضو ده
واكيد لو احتجت اي حاجه ف الاحياء ان اخدجتها هاطلب مساعدتك
انتي اختي هنا ف المنتدى
ربنا يخليكوا ليا
ميرسي ع المرور
نورتوا الموضوع
Dr.memo 29-09-2008, 11:14 PM فين باقي الردود ارجوكوا ساعدوني انا محتااااااااااااااااااااااااااااااااااااااااااااااا ااااااااااااااااااااااره موت طحن خااااااااالص
خلاص قربت اتجنن ع العيد
الحقوني قبل ما البرج اللي فاضللي يطيييييييييييييييييييييير
Dr.memo 30-09-2008, 11:49 PM ايه ياجماعه محتاجه بجد ردودكم
افيدوني الله يخليكم
mohammed hamdy 28-10-2008, 06:51 PM السلام عليكم
كملى علمى علوم وخودى مستوى رفيع (الاحياء) لان الاحياء اسالتها مباشره وسهله انا كمان جايب 87%واخد مستوى رفيع (رياضه)وقولى يا رب ومع التوفيق
مع تحياتى
محمد حمدى
E/GOGO 28-10-2008, 10:49 PM ربنا يخليكي ليا يامروه معلش هتعبك معايا بخصوص الموضو ده
وميرسي ليكي يابوسي ياقمرايه ع المشاركه نورتي الموضوع
واكيد يارحومه انا سألت نفسي الاسئله دي كلها
انا هاقولك حاجه
انا بحب الاحياء وفنفس الوقت الرياضه
يمكن الرياضه اكتر كمان
بس ماما عايزاني ادخل صيدلاه وبيني وبينك انا كمان نفسي
ومحيرني اوي الموضو ده
واكيد لو احتجت اي حاجه ف الاحياء ان اخدجتها هاطلب مساعدتك
انتي اختي هنا ف المنتدى
ربنا يخليكوا ليا
ميرسي ع المرور
نورتوا الموضوع
انتى حاليتى الموضوع انتى بتحبى الرياضة اكتر طب متكملى
انا علمى رياضة
و اللهى الرياضة كويسة بس كل الى فيها الميكانيكا رخمة حبتين زى اى مادة علمية
وكمان اناراى تكملى رياضة احسنلك عشان مجموعك وانشاء الله هتزيدى
وكمان هندسة دايما بتاخد مجموع مش كبير
اما صيدلة الله اعلم لى تنسيقك هتاخد كام
وبالنسبة للمستوى لوكماتى رياضة انصحك بالانجليزى
ملحوظة النجليزى مفهوش شعر خالص
انا بدات مستوى انجليزى وجميل جدا وهيفيدك وانا فى مدرسة حكومية زيك وعادى مش معضلة
وربنا معاكى
|