سيف-الاسلام
26-09-2008, 09:53 PM
بسم الله الرحمن الرحيم
السلام عليكم ورحمة الله وبركاته
أولاً: آسف على التأخير.
ثانياً: سبب تأخيرى أننى ظننت أن نصائحى ليست فيها فائدة وأنه يجب على أمثالى أن يصمتوا فى وجود الأساتذة الكرام الذين لهم خبرة ودراية فى مجال الثانوية الأزهرية كأمثال الأستاذ أحمد بهدر وكأمثال أستاذى أيمن الوزير وغيرهم من الأعضاء والعضوات الذين لهم باع طويل فى هذا المجال يتيح لهم أن يتكلموا أفضل من أمثالى.
ولكن ما جعلنى أتكلم اليوم هو طلب بسيط من احدى الأعضاء أو العضوات وأردت ألا اخيب ظنه فيا وأن ألبى له طلبه فله عندنا منزلة كبيرة عظيمة فهو أستاذى لى وقد تعلمت منه الكثير والكثير.
فأردت أن ألبى طلبه.
وكذلك أردت أن أكون ايجابيا وأشارك وأنصحكم لعلكم تنصحونى كما أنصحكم ولعلنى أخلص من ذلك كله بدعوة واحدة بظهر الغيب.
فإن فزت بهذه الدعوة فهو الفوز الأكبر عندى.
ثالثاً: لكى لا أطيل عليكم فى الكلام فأنتم من طلاب الثانوية الأزهرية الذين يحتاجون كل دقيقة من وقتهم الثمين.
ولكى لا أطيل عليكم نبدأ سوياً بإذن الله:
ونبدأ ببعض النصائح العامة:
1- إياك ثم إياك ثم إياك وأكرر إياك ثم إياك ثم إياك من السهر للمذاكرة.........فالليل انما هو للنوم. وسأبين فى آخر جزء من هذه الموضوعات بعض الحقائق العلمية التى تؤكد كلامى.
2- وأقول وخاصة للأخوات: إياك ثم إياك ثم إياك أن تكونى إمعة..........فأينما ذهبت البنات فأنت ورائهن..يذهبون لدرس كذا عند الأستاذ كذا لأنه متميز........وأنت ورائهن مع أنك ترتاحين لهذا الأستاذ الذى ما زال صغيراً ولم يأخذ شهرة...........ولكن لأنك امعة فتذهبين ورائهن.......إيام وذلك إياك وذلك إياك وذلك............أينما ترتاحين فهو المكان الأفضل مهما قال الناس ومهما فعلوا.......وقد قلت ذلك من خلال ما أرى فى بلادى ولم تفلح احداهن أبداً........برغم أنهم مجتهدون......ولكن المادة التى تتركها لتذهب مع زميلاتها.........تفشل فيها وتحطم نفسها بنفسها.
3- وأقول وخاصة للأخوات: إياك (ودا أسلوب تحذير هتاخدوه فى النحو وياريت تقولولى حكم ذكر العامل؟؟؟)
إياك ثم إياك ثم إياك من النظر إلى زميلاتك والتنافس بطريقة قد تضيعك.........والتنافس مطلوب لكن ما أراه من الفتيات ليس تنافساً بطريقة عادية............فتلاقى البنت من دول تشوف صاحبتها حافظة كتاب الأدب مثلاً من أوله لآخره زى اسمها......وتلاقى البنت نفسها مش حافظة مثلاً درس العصر الحاضر لأن الأستاذ قاللها دا مش مهم (وهو صحيح مش ليه لازمة لأنه ما بيجيش فى الامتحانات)..........المهم البنت تقول ليه أنا مش حافظاه؟؟؟ تروح تحفظه.........ودا مش عيب انه تحفظه لكن العيب انها تهتم بده وتحفظه وتهمل حاجة تانية أهم منه على حسابه وتيجى فى الآخر تضيع فى الحاجة دى..........وساعات البنت تبقى حافظة شوية أبيات من بتاعوت الأدب اللى مش لازم تحفظهم.......وتلاقى البنات التانيين وراها.....احفظ........احفظ...........ويجوا فى الآخر تدخل اللجنة ناسية المهم..........لأن صحيح صعب انها تجمع كل المواد فى ذاكرتها باتقان...........محتاجة جهد كبير علشان تعمل كده........وطبعاً احنا عاوزين نوصل لاعلى المراتب بأقل جهد...........إذاً فاللى مش ليه لازمة بلاش منه........ما يهمش البنت دى حافظاه.........الولد ده حافظه.........المهم انك ليك طريقتك وبس.............وساعات البنت من دول مش يبقى اللى فى قلبها تنافس......يبقى حقد......وبتحصل كتير معاهم تلاقيهم بيحقدوا على بعض.........مش عارف ليه؟..........ربنا يهديهم..............تلاقيها تيجى تقول للأستاذ: انت بتهتم بالنت دى أكتر منى..ليه؟.....والأستاذ اصلاً بيساوى فى المعاملة........وكلن نيتها السيئة وحقدها على هذه الفتاة صور لها أن الأستاذ يهتم بهذه دونها.............فإياكم وهذا الحقد وهذا التنافس البغيض الذى يأتى على حساب النفس..............نفسك ........نفسك..........الثقة فى النفس مطلب.
وبإذن الله لنا وقفة أخرى مع الثقة فى النفس.
4- بخصوص المعهد: أنا عن نفسى ما كنتش بروح المعهد خالص وأخوكم سيف بقا الحاجة الوحيدة اللى تعيب ملف انه تم فصله بتاريخ 12/12/2007م (تاريخ حلو12/12) وتم اعادة قيده بتاريخ 18/3/2008م (يعنى قعدت 3 شهور فى الشارع مش ليا قيد فى أى حاجة).
أما ليه أنا ما كنتش بروح المعهد؟
لأنى كنت باخد دروس فى المواد كلها واللى ما كنتش باخد فيه هو اللى كنت بفهمه مع نفسى ولذلك المعهد مش ليه لازمة هذا بجانب انه بياخد وقت كبير جداً ومن غير أى فائدة لان المدرسين مابيشرحوش غير واحد أو اتنين وانا طبعاً شيخ المعهد مش هيسمح انى احضر حصة ولا اتنين للمدرسين اللى بيشرحوا وامشى...........لأ لازم أفضل وأضيع الوقت دا كله.......وطبعاً لو غبت شوية ورحت بعدها علشان ما يبقاش الغياب متصل وعلشان ما انفصلش..............شيخ المعهد هيمدنى على رجلى فى الطابور...........هو بيعمل كده مع اللى بيغيب أكتر من تلت أيام بدون شهادة مرضية..........واللى يغيب يوم يجى تانى يوم يتضرب تمن عصيان على ايده.........فأنا لازم لو بدأت غياب........أفضل غايب..........وبالفعل رحت أول يوم فى الدراسة المعهد..........وطلعت........ولكن لقيت ان الوقت دا كله ضاع منى من غير أى فائدة..........والمدرسين مش عاوزينى أقعد فى ركن واذاكر مع نفسى...........لأ عاوزنى أفضل أتكلم معاهم وبس...............فرحت أول يوم دفعت المصاريف.......وتانى يوم فى الدراسة غبت..........وساعتها ما كنتش عارف هاستلم الكتب ازاى؟.........بس قلت لنفسى ما أنا معايا كتب بتاعوت السنة اللى فاتت........لكن اتفاجأت بعدها ان كتاب الفقه اتغير.........طب انا هجيب الكتاب الجديد منين؟؟؟...........لكن الله يسر الأمور..........والمعهد جه ليه قرار ازالة............فنقلوا الولاد فى معهد تانى............لكن قرار الإزالة التغى بعدها بيومين........يعنى بعد ما الدراسة بدأت باسبوع..........فقالوا نرجع المعهد القديم تانى........لكن فضلوا يومين ينقوا فى الديسكات والحاجات دى...........فى اليومين دول جت الكتب ..........فقالوا ننزلها فى المعهد القديم بدام هنرجع فيه...........فكانت الحكاية دى فى صالحى...........رحت طالع أنا من بيتنا رحت على المعهد القديم........وقلت للأستاذ أنا عاوز أستلم الكتب...........وطبعاً هو بيحسبنى أنا جاى من المعهد التانى أستلم الكتب..........ما يعرفش انى كنت غايب...........المهم استلمت الكتب وروحت.......وتانى يوم عرفت ان شيخ المعهد زعق فى الاستاذ وعمل مشكلة مع العمال............دا كله علشان انا استلمت الكتب من غير ما أحضر فى المعهد...........نفسه...........نفسه.......يضرب أخوكم سيف.........بس الحمد لله التلت سنين عدوا من غير أى احتكاك بيه..........بل انى أحرجته فى يوم فى الطابور.........اليوم ده كان علينا الإذاعة الصباحية...........المهم الولاد بتاعوت الإذاعة محدش منهم جه غيرى..........ولو الفصل ما قدمش الإذاعة يبقى هننضرب كلنا.............فطلعت أنا وقدمت لنفسى........وقرأت شوية قرآن........وقدمت لنفسى لحديث........وقلت حديث....وبعدين قدمت نفسى لمسابقة وكان معايا فى جيبى أربع اقلام بتاعوتى...........لكن هعمل ايه؟ رحت مطلعهم كإنهم هدايا للمسابقة..........وأول سؤال جه فى بالى: من اول من أقام الجمعة فى الإسلام؟.........فالطلاب طلعوا قالوا: النبى........قلت إجابة خاطئة والإجابة الصحيحة هى أسعد بن زرارة............راح شيخ المعهد..........شايفنى أنا بجيب الإذاعة كلها بكل فقراتها..........قال يبقى الواد ده مش محضر وجاى كده يقول وخلاص........راح قايل لحظة ومسك المايك.........وقال طب لما أسعد بن زرارة كان أول واحد أقام الجمعة.......امال النبى كان فين ساعتها؟ كان من ضمن المأمومين ولا النبى ما صلاش ولا جمعة فى حياته...........فى ايه يا ابنى؟ ادخل على فصلك وحد يطلع يكمل الإذاعة............رحت قايل لحظة لو سمحت حضرتك انا ممكن أقول حاجة قبل ما ادخل.............رحت قايل: بسم الله الرحمن الرحيم........أما ما قال شيخكم فهو كلام خاطئ بل هو استهزاء بمعلومة دينية قيمة ربما لم يقرأ عنها الكثير وسامحنى يا شيخى ولكن طريقة الكلام ليست طريقة تربوية وانت يا شيخنا يجب أن تكون قدوة لنا...........والقدوة يجب أن تكون أول من تواجه بأخطائها........فقد أخطأت فى معلومتك وفى طريقة كلامك..............وأول من أقام الجمعة هو أسعد بن زرارة.......وساعتها بقا كنت حافظ السند والقصة كاملة.................ورحت داخل بقا........فأحرجته ساعتها جداً وبعدها ندمت انى اتكلمت بالطريقة الوحشة دى.......بس صحيح أنا قليل الأدب بل عديم الأدب..........أهكذا أكلم أستاذى وشيخى.........
ايه ده؟؟؟؟؟؟؟؟؟
أنا طلعت بره الموضوع خالص.
ليه كده؟.
أنا آسف جداً جداً جداً.
نرجع لموضوعنا.
وبعدها ما رحتش المعهد.
فتم فصلى بتاريخ 12/12/2007م مع أننى لم أستلم أى انذار بالغياب او الفصل ولكن انا عرفت ان الشيخ بيبعتهم ويستلمهم هو وكمان يمضى عليهم بدل ولى الأمر........وكمان مضى باسم والدى وما علم أن والدى قد اخذه ربه وأنه قد مات..........
المهم انى اتفصلت.
رحت بقا لما ايجت الاستمارات.
رحت أملا الاستمارة.
الشيخ قالى انت مفصول.......ولازم تعيد قيدك واعادة القيد لازم شهادة مرضية بمدة لا تقل عن شهر ودى ما بتبقاش غير فى الامراض المزمنة والعمليات............فرحت التأمين الصحى والدكتور هناك ساعدنى لوجه الله........وعملى شهادة انى عندى ورم فى الفقرات القطنية........عافانا الله وإياكم...............اللهم آمين...........وحقيقة انا ما كنتش راضى عن كده لأنه تزوير ولكن اعمل ايه؟..........ووالله استغفرت كتير بعدها..........فعسى الله أن يغفر لى......وأعيد قيدى ورحت المعهد امتحنت وخلاص.
بس تصدقوا ان اللى كانوا بيروحوا المعهد.........مفيش حد منهم جاب مجموع.......دا عندنا فى المركز بتاعنا............ولا يمكن للتجربة الواحدة أن تثبت نظرية صحيحة.............وبالذات البنات أكترهم كان بيروح.........وكلهم ما جابوش مجاميع...........هى واحدة بس اللى جابت هندسة وكانت بتروح المعهد.
وقد عرضت تجربتى عليكم ولكم الرأى بعد ذلك؟؟؟؟؟؟؟؟؟؟؟؟؟
وأنا آسف هضطر أستئذن دلوقتى وبإذن الله لينا مواضيع قريب وهكمل المواد كلها بإذن الله.
ودلوقتى
لا تنسونى من دعائكم
والسلام عليكم ورحمة الله وبركاته
السلام عليكم ورحمة الله وبركاته
أولاً: آسف على التأخير.
ثانياً: سبب تأخيرى أننى ظننت أن نصائحى ليست فيها فائدة وأنه يجب على أمثالى أن يصمتوا فى وجود الأساتذة الكرام الذين لهم خبرة ودراية فى مجال الثانوية الأزهرية كأمثال الأستاذ أحمد بهدر وكأمثال أستاذى أيمن الوزير وغيرهم من الأعضاء والعضوات الذين لهم باع طويل فى هذا المجال يتيح لهم أن يتكلموا أفضل من أمثالى.
ولكن ما جعلنى أتكلم اليوم هو طلب بسيط من احدى الأعضاء أو العضوات وأردت ألا اخيب ظنه فيا وأن ألبى له طلبه فله عندنا منزلة كبيرة عظيمة فهو أستاذى لى وقد تعلمت منه الكثير والكثير.
فأردت أن ألبى طلبه.
وكذلك أردت أن أكون ايجابيا وأشارك وأنصحكم لعلكم تنصحونى كما أنصحكم ولعلنى أخلص من ذلك كله بدعوة واحدة بظهر الغيب.
فإن فزت بهذه الدعوة فهو الفوز الأكبر عندى.
ثالثاً: لكى لا أطيل عليكم فى الكلام فأنتم من طلاب الثانوية الأزهرية الذين يحتاجون كل دقيقة من وقتهم الثمين.
ولكى لا أطيل عليكم نبدأ سوياً بإذن الله:
ونبدأ ببعض النصائح العامة:
1- إياك ثم إياك ثم إياك وأكرر إياك ثم إياك ثم إياك من السهر للمذاكرة.........فالليل انما هو للنوم. وسأبين فى آخر جزء من هذه الموضوعات بعض الحقائق العلمية التى تؤكد كلامى.
2- وأقول وخاصة للأخوات: إياك ثم إياك ثم إياك أن تكونى إمعة..........فأينما ذهبت البنات فأنت ورائهن..يذهبون لدرس كذا عند الأستاذ كذا لأنه متميز........وأنت ورائهن مع أنك ترتاحين لهذا الأستاذ الذى ما زال صغيراً ولم يأخذ شهرة...........ولكن لأنك امعة فتذهبين ورائهن.......إيام وذلك إياك وذلك إياك وذلك............أينما ترتاحين فهو المكان الأفضل مهما قال الناس ومهما فعلوا.......وقد قلت ذلك من خلال ما أرى فى بلادى ولم تفلح احداهن أبداً........برغم أنهم مجتهدون......ولكن المادة التى تتركها لتذهب مع زميلاتها.........تفشل فيها وتحطم نفسها بنفسها.
3- وأقول وخاصة للأخوات: إياك (ودا أسلوب تحذير هتاخدوه فى النحو وياريت تقولولى حكم ذكر العامل؟؟؟)
إياك ثم إياك ثم إياك من النظر إلى زميلاتك والتنافس بطريقة قد تضيعك.........والتنافس مطلوب لكن ما أراه من الفتيات ليس تنافساً بطريقة عادية............فتلاقى البنت من دول تشوف صاحبتها حافظة كتاب الأدب مثلاً من أوله لآخره زى اسمها......وتلاقى البنت نفسها مش حافظة مثلاً درس العصر الحاضر لأن الأستاذ قاللها دا مش مهم (وهو صحيح مش ليه لازمة لأنه ما بيجيش فى الامتحانات)..........المهم البنت تقول ليه أنا مش حافظاه؟؟؟ تروح تحفظه.........ودا مش عيب انه تحفظه لكن العيب انها تهتم بده وتحفظه وتهمل حاجة تانية أهم منه على حسابه وتيجى فى الآخر تضيع فى الحاجة دى..........وساعات البنت تبقى حافظة شوية أبيات من بتاعوت الأدب اللى مش لازم تحفظهم.......وتلاقى البنات التانيين وراها.....احفظ........احفظ...........ويجوا فى الآخر تدخل اللجنة ناسية المهم..........لأن صحيح صعب انها تجمع كل المواد فى ذاكرتها باتقان...........محتاجة جهد كبير علشان تعمل كده........وطبعاً احنا عاوزين نوصل لاعلى المراتب بأقل جهد...........إذاً فاللى مش ليه لازمة بلاش منه........ما يهمش البنت دى حافظاه.........الولد ده حافظه.........المهم انك ليك طريقتك وبس.............وساعات البنت من دول مش يبقى اللى فى قلبها تنافس......يبقى حقد......وبتحصل كتير معاهم تلاقيهم بيحقدوا على بعض.........مش عارف ليه؟..........ربنا يهديهم..............تلاقيها تيجى تقول للأستاذ: انت بتهتم بالنت دى أكتر منى..ليه؟.....والأستاذ اصلاً بيساوى فى المعاملة........وكلن نيتها السيئة وحقدها على هذه الفتاة صور لها أن الأستاذ يهتم بهذه دونها.............فإياكم وهذا الحقد وهذا التنافس البغيض الذى يأتى على حساب النفس..............نفسك ........نفسك..........الثقة فى النفس مطلب.
وبإذن الله لنا وقفة أخرى مع الثقة فى النفس.
4- بخصوص المعهد: أنا عن نفسى ما كنتش بروح المعهد خالص وأخوكم سيف بقا الحاجة الوحيدة اللى تعيب ملف انه تم فصله بتاريخ 12/12/2007م (تاريخ حلو12/12) وتم اعادة قيده بتاريخ 18/3/2008م (يعنى قعدت 3 شهور فى الشارع مش ليا قيد فى أى حاجة).
أما ليه أنا ما كنتش بروح المعهد؟
لأنى كنت باخد دروس فى المواد كلها واللى ما كنتش باخد فيه هو اللى كنت بفهمه مع نفسى ولذلك المعهد مش ليه لازمة هذا بجانب انه بياخد وقت كبير جداً ومن غير أى فائدة لان المدرسين مابيشرحوش غير واحد أو اتنين وانا طبعاً شيخ المعهد مش هيسمح انى احضر حصة ولا اتنين للمدرسين اللى بيشرحوا وامشى...........لأ لازم أفضل وأضيع الوقت دا كله.......وطبعاً لو غبت شوية ورحت بعدها علشان ما يبقاش الغياب متصل وعلشان ما انفصلش..............شيخ المعهد هيمدنى على رجلى فى الطابور...........هو بيعمل كده مع اللى بيغيب أكتر من تلت أيام بدون شهادة مرضية..........واللى يغيب يوم يجى تانى يوم يتضرب تمن عصيان على ايده.........فأنا لازم لو بدأت غياب........أفضل غايب..........وبالفعل رحت أول يوم فى الدراسة المعهد..........وطلعت........ولكن لقيت ان الوقت دا كله ضاع منى من غير أى فائدة..........والمدرسين مش عاوزينى أقعد فى ركن واذاكر مع نفسى...........لأ عاوزنى أفضل أتكلم معاهم وبس...............فرحت أول يوم دفعت المصاريف.......وتانى يوم فى الدراسة غبت..........وساعتها ما كنتش عارف هاستلم الكتب ازاى؟.........بس قلت لنفسى ما أنا معايا كتب بتاعوت السنة اللى فاتت........لكن اتفاجأت بعدها ان كتاب الفقه اتغير.........طب انا هجيب الكتاب الجديد منين؟؟؟...........لكن الله يسر الأمور..........والمعهد جه ليه قرار ازالة............فنقلوا الولاد فى معهد تانى............لكن قرار الإزالة التغى بعدها بيومين........يعنى بعد ما الدراسة بدأت باسبوع..........فقالوا نرجع المعهد القديم تانى........لكن فضلوا يومين ينقوا فى الديسكات والحاجات دى...........فى اليومين دول جت الكتب ..........فقالوا ننزلها فى المعهد القديم بدام هنرجع فيه...........فكانت الحكاية دى فى صالحى...........رحت طالع أنا من بيتنا رحت على المعهد القديم........وقلت للأستاذ أنا عاوز أستلم الكتب...........وطبعاً هو بيحسبنى أنا جاى من المعهد التانى أستلم الكتب..........ما يعرفش انى كنت غايب...........المهم استلمت الكتب وروحت.......وتانى يوم عرفت ان شيخ المعهد زعق فى الاستاذ وعمل مشكلة مع العمال............دا كله علشان انا استلمت الكتب من غير ما أحضر فى المعهد...........نفسه...........نفسه.......يضرب أخوكم سيف.........بس الحمد لله التلت سنين عدوا من غير أى احتكاك بيه..........بل انى أحرجته فى يوم فى الطابور.........اليوم ده كان علينا الإذاعة الصباحية...........المهم الولاد بتاعوت الإذاعة محدش منهم جه غيرى..........ولو الفصل ما قدمش الإذاعة يبقى هننضرب كلنا.............فطلعت أنا وقدمت لنفسى........وقرأت شوية قرآن........وقدمت لنفسى لحديث........وقلت حديث....وبعدين قدمت نفسى لمسابقة وكان معايا فى جيبى أربع اقلام بتاعوتى...........لكن هعمل ايه؟ رحت مطلعهم كإنهم هدايا للمسابقة..........وأول سؤال جه فى بالى: من اول من أقام الجمعة فى الإسلام؟.........فالطلاب طلعوا قالوا: النبى........قلت إجابة خاطئة والإجابة الصحيحة هى أسعد بن زرارة............راح شيخ المعهد..........شايفنى أنا بجيب الإذاعة كلها بكل فقراتها..........قال يبقى الواد ده مش محضر وجاى كده يقول وخلاص........راح قايل لحظة ومسك المايك.........وقال طب لما أسعد بن زرارة كان أول واحد أقام الجمعة.......امال النبى كان فين ساعتها؟ كان من ضمن المأمومين ولا النبى ما صلاش ولا جمعة فى حياته...........فى ايه يا ابنى؟ ادخل على فصلك وحد يطلع يكمل الإذاعة............رحت قايل لحظة لو سمحت حضرتك انا ممكن أقول حاجة قبل ما ادخل.............رحت قايل: بسم الله الرحمن الرحيم........أما ما قال شيخكم فهو كلام خاطئ بل هو استهزاء بمعلومة دينية قيمة ربما لم يقرأ عنها الكثير وسامحنى يا شيخى ولكن طريقة الكلام ليست طريقة تربوية وانت يا شيخنا يجب أن تكون قدوة لنا...........والقدوة يجب أن تكون أول من تواجه بأخطائها........فقد أخطأت فى معلومتك وفى طريقة كلامك..............وأول من أقام الجمعة هو أسعد بن زرارة.......وساعتها بقا كنت حافظ السند والقصة كاملة.................ورحت داخل بقا........فأحرجته ساعتها جداً وبعدها ندمت انى اتكلمت بالطريقة الوحشة دى.......بس صحيح أنا قليل الأدب بل عديم الأدب..........أهكذا أكلم أستاذى وشيخى.........
ايه ده؟؟؟؟؟؟؟؟؟
أنا طلعت بره الموضوع خالص.
ليه كده؟.
أنا آسف جداً جداً جداً.
نرجع لموضوعنا.
وبعدها ما رحتش المعهد.
فتم فصلى بتاريخ 12/12/2007م مع أننى لم أستلم أى انذار بالغياب او الفصل ولكن انا عرفت ان الشيخ بيبعتهم ويستلمهم هو وكمان يمضى عليهم بدل ولى الأمر........وكمان مضى باسم والدى وما علم أن والدى قد اخذه ربه وأنه قد مات..........
المهم انى اتفصلت.
رحت بقا لما ايجت الاستمارات.
رحت أملا الاستمارة.
الشيخ قالى انت مفصول.......ولازم تعيد قيدك واعادة القيد لازم شهادة مرضية بمدة لا تقل عن شهر ودى ما بتبقاش غير فى الامراض المزمنة والعمليات............فرحت التأمين الصحى والدكتور هناك ساعدنى لوجه الله........وعملى شهادة انى عندى ورم فى الفقرات القطنية........عافانا الله وإياكم...............اللهم آمين...........وحقيقة انا ما كنتش راضى عن كده لأنه تزوير ولكن اعمل ايه؟..........ووالله استغفرت كتير بعدها..........فعسى الله أن يغفر لى......وأعيد قيدى ورحت المعهد امتحنت وخلاص.
بس تصدقوا ان اللى كانوا بيروحوا المعهد.........مفيش حد منهم جاب مجموع.......دا عندنا فى المركز بتاعنا............ولا يمكن للتجربة الواحدة أن تثبت نظرية صحيحة.............وبالذات البنات أكترهم كان بيروح.........وكلهم ما جابوش مجاميع...........هى واحدة بس اللى جابت هندسة وكانت بتروح المعهد.
وقد عرضت تجربتى عليكم ولكم الرأى بعد ذلك؟؟؟؟؟؟؟؟؟؟؟؟؟
وأنا آسف هضطر أستئذن دلوقتى وبإذن الله لينا مواضيع قريب وهكمل المواد كلها بإذن الله.
ودلوقتى
لا تنسونى من دعائكم
والسلام عليكم ورحمة الله وبركاته