الدهب الصينى فى مصر الجرام ب 35 جنيه [الأرشيف] - بوابة الثانوية العامة المصرية

بحر الاحزان

26-09-2008, 09:56 PM

بسم الله الرحمن الرحيم

اولا كل سنه وانتو طيبين

انا عرفت حاجه غريبه جدااا وتقريبا عايزه اتاكد منها اكتر

فى واحد صاحب بابا قالى انو نزل مصر دهب بس اسمه دهب صينى وهو زى الدهب اللى لاعادى بتاعنا ده

بس الدهب الصينى بقى الجرام فيه ب خمسه وثلاثين جنيه مصرى فقط لا غير

فى حين ان الجرام الدهب العادى وصل سعره 150 جنيه

والراجل اللى قالى الكلام ده اكده جداااا واكد ان الناس استعملوه وفى عرايس كمان جابوا منه الشبكه

ياترى ايه معلوماتكوا عن الموضوع ده

ياريت الكل يشارك عشان نتاكد

marwa.m

26-09-2008, 10:45 PM

هو ممكن يكون سعرة كدة بس وانتى ماشية فى الشارع والدنيا مطرت على الخاتم هيصدى

..Just Stop

27-09-2008, 12:42 AM

:d
يعنى ايه دهب صينى اساسا
ممن نقول حديد عز
تليفون نوكيا
اى حاجة من دى
انما دهب صينى ( متمشيش )
هو الدهب انواع واللا ايه:d
تلاقيهم كانو بينكتوا على الحاجات الصينى اللى انتشرت فى مصر
فسرحو بخيالهم ان ممكن يجى اليوم اللى يبقا فيه دهب صينى:rolleyes:
هههههههههه
انا هجيب فانوس صينى شاليمواه شاليمواه:d
شكرا على الموضوع
ودمتم فى رعاية الله

بحر الاحزان

27-09-2008, 01:08 AM

هو ممكن يكون سعرة كدة بس وانتى ماشية فى الشارع والدنيا مطرت على الخاتم هيصدى

لاء مش هيصدى

ده زى الدهب العادى بتاعنا فى الاستعمال

والله مش عارفه ايه الحكايه دى

ميرسى يا مرمر على ردك

بورسعيدى

27-09-2008, 03:22 AM

فعلا الذهب الصينى موجود

وانتشر جدا بعد ارتفاع اسعار الذهب عالميا

وفى البيان التالى التفاصيل

بورسعيدى

27-09-2008, 03:27 AM

انتاج الذهب الصينى السنوى يتجاوز لاول مرة 200 طن

بكين 6 فبراير/ اظهرت الاحصاءات الواردة من جمعية الذهب الصينية ان الانتاج الصينى السنوى للذهب تجاوز لاول مرة حاجز ال200 طن عام 2003 ليصل الى مائتين و598 كيلوغراما.

قال مسؤول من جمعية الذهب الصينية ان الصين انتجت 4.5 طن من الذهب فى عام 1949 من تأسيس الصين الجديدة فقط, وبعد ان تجاوز انتاج الذهب 100 طن عام 1995 وصل الى مستوى جديد اخر ليصل الى اكثر من 200 طن عقب 8 سنوات من ذلك فقط. ووصلت الصين بذلك الى مصاف الدول الرئيسية المنتجة للذهب فى العالم واصبح لديها الان نظام صناعى مستقل لصناعة الذهب.

وذكر هذا المسؤول انه منذ منتصف التسعينات من القرن السابق, شهد النظام الصناعى الصينى للذهب تغيرات هائلة. اذ نهضت مجموعة من مؤسسات ذهب كبيرة ومتوسطة الحجم بسرعة بعد تعديل هيكلة الذهب الصناعية واعادة تنظيم ممتلكاتها. وتتمتع هذه المؤسسات بقدرة اولية على المنافسة الدولية.

: - بس اظن ان العمر الافتراضى للذهب الصينى مش اكتر من اسبووووع مثل باقى منتجاتها

Y U N A

27-09-2008, 03:30 AM

سمعت عنه فعلا

وسمعت ان عياره 14 او حاجه زى كدا

ماعلينا اهو كله دلوقتى بقى صينى فى صينى

احنا مش فاضيين نصنع ولا ننتج ;)

فتاة الاسلام

27-09-2008, 03:31 AM

دهب صينى
حتى الدهب بقى صينى!!!!!!

ناقص اية تانى يبقى صينى

"بس انا فى بالى انهم ممكن يكونوا بيهزروا ..على اساس ان المنتجات الصينية اكتسحت الاسواق المصرية "

والله اعلم
ويستر

elkingahmedtito

27-09-2008, 08:21 AM

احنا ناقص نكلم صينى قريب

SmSm Basha

27-09-2008, 10:02 AM

الحمد لله .... هي المعادن الحاجة الوحيدة اللي كانت مش بيعملوها ..... واهو ربنا اكرمهم يعملوا دهب

عقبالنا يا رب نعرف نعمل بس قلم حبر حتى

شكرا على الخبر وارجو تقبل مروري

عاشقـــ الانمى ـــة

27-09-2008, 10:08 AM

والله الواحدخايف يصحى الصبح يلاقى الصين احتلت مصر:d

reda_mafia50

27-09-2008, 11:33 AM

الصناعه الصينيه وصلت البيوت المصريه من كل ابوابها حتى فوانس رمضان من الصين هما سبوا ايه لينا

the black rose

27-09-2008, 12:15 PM

ايوة انا فعلا سمعت الموضوع ده
هو اكيد نسبة النحاس هتبقى فيه عالية جدا
بس يلا خلو الشعب يتجوز و يجيب شبكة
احسن ملاقيش عريس يشبكنى هههه

MoShaGhB

27-09-2008, 12:49 PM

يعنى هى جت على الدهب
ما الدنيا كلها بقت صينى
وبعدين الذهب الصينى كثيرا من النحاس وقليل من
الذهب

MoShaGhB

27-09-2008, 12:50 PM

الصناعه الصينيه وصلت البيوت المصريه من كل ابوابها حتى فوانس رمضان من الصين هما سبوا ايه لينا
هو انت عملت اية عشان يسيبوا لينا حاجة

فجر الإسلام

27-09-2008, 12:56 PM

مش فاضل بصراحه غير الدهب
أنا عن نفسي أول مره أسمع عنه
شكرا على المعلومه

بحر الاحزان

27-09-2008, 11:04 PM

والله يا جماعه مش فاهمه اى حاجه زيكوا

بس فعلا بقت حاجه تدوش الدماغ

وفعلا الصين ماسبوش لنا اى حاجه

nonog

27-09-2008, 11:19 PM

Sherif Elkhodary

27-09-2008, 11:33 PM

الله اعلم

ممكن بس مش هيكون اكيد زي الي 150

بحر الاحزان

28-09-2008, 12:14 AM

بس انتوا ادعوا ربنا نعرف نعلم حاجه بقى

CoMMaNdo

28-09-2008, 12:19 AM

الصينى واكل السوق :d
ناقص نلاقى الشباشب صينى دا لو مكانش فيه اصلا

بورسعيدى

28-09-2008, 03:25 AM

الصينى واكل السوق :d
ناقص نلاقى الشباشب صينى دا لو مكانش فيه اصلا

ومين قال لك ان الشباشب مش صينى؟؟

90% من منتجات الاسواق صينى وال10% من باقى انحاء الدنيا بما فيهم مصر الغالية

hend ere

28-09-2008, 04:19 AM

بصراحه انا مش عندى اى فكره عن الموضوع
عمرى ماسمعت عن ذهب صينى
لكن كل شئ جائز

MohammeD el_SadaT

28-09-2008, 02:34 PM

أول مره بصراحه أسمع عنه
:d

MoShaGhB

29-09-2008, 10:40 AM

ههههههههههههههههههههههههه
الله فى دهب صينى
صينى صينى كده يعنى زى فانوس رمضان
ايه الحلاوه ده
هى مصر مبتعملش حاجة خلاص
يارب يارب نتعلم نعمل اى حاجة ولو حتى لبــــــــــــــــــــــــــــــــــــــــان اهو ليه نفع برضه
اذا كان على اللبان فدا مصر الحاجة الواحيدة الى بتصنعها
وبعدين يجماعة عمر مصر ما هتعرف تعمل حاجة طول محنا
مريحين بلنا ودماغنا كلها ماشية ورا عقول الاجانب

بحر الاحزان

29-09-2008, 05:32 PM

اذا كان على اللبان فدا مصر الحاجة الواحيدة الى بتصنعها
وبعدين يجماعة عمر مصر ما هتعرف تعمل حاجة طول محنا
مريحين بلنا ودماغنا كلها ماشية ورا عقول الاجانب

انا برده مقتنعه بكده

ويعنى زى ما بيقول الشاعر

نعيب زماننا والعيب فينا وما لزماننا عيب سوانا

ونهجو ذا الزمان بغير ذنب ولو نطق الزمان لنا لهجانا

يعنى برده اذا كان عندنا تخلف وتاخر فعلا

فده بسبب تهاوننا واعتمادنا على غيرنا

ayman24279

29-09-2008, 10:31 PM

الصين بلد محترم استطاع احتلال السواق العالمية والمنافسة فيها ، فمثلا الصين تصدر منتجات لأوربا بمواصفات السوق الأوربى ويقبل عليها الجميع ويخشى منها صناعيو أوربا ، وتنافس بقوة رهيبة داخل أمريكا ومكتسحة السوق الأمريكى ، وتصدر لمصر وفقا لمواصفات مصر وفلوس الناس اللى فى مصر ومكتسحة السوق وما من بيت فى الحضر أو الريف إلا وبه منتجات من الصين ، والله ياجماعة لو الصين اللى كانت أساءت للرسول فى قضية الرسوم مش الدانمارك ما كنا نحن فى مصر استطعنا إعلان مقاطعة للسلع الصينية وإلا انهارت البيوت والاقتصاد كله فمن الإبرة للصاروخ إن وجد فى مصر صناعة صينى ثم يعاد تغليفه ويكتب عليه صنع فى مصر الحمد الله إن الدانمارك هى اللى أساءت وإحنا قدرنا نقاطع منتجاتها إللى إحنا أساسا مبناكلهاش

والسلام ختام

فاعــ خير ــل

30-09-2008, 05:42 AM

والله انا خايف في الاخر انا مطلعش مصري اطلع صيني انا كمان

والله محدش عارف

يلا صيني صيني

شكرا ليكي كل سنة وانتي طيبة

http://m7ml.com/uploads/ab2b6f9664.gif

MoShaGhB

30-09-2008, 03:45 PM

والله انا خايف في الاخر انا مطلعش مصري اطلع صيني انا كمان

والله محدش عارف

يلا صيني صيني

شكرا ليكي كل سنة وانتي طيبة

http://m7ml.com/uploads/ab2b6f9664.gif
لو طلعت صينى مش هنلاقى ليك قطع غيار هههههههههههه

بحر الاحزان

01-10-2008, 11:08 AM

بحر الاحزان

01-10-2008, 11:09 AM

والله انا خايف في الاخر انا مطلعش مصري اطلع صيني انا كمان

والله محدش عارف

يلا صيني صيني

شكرا ليكي كل سنة وانتي طيبة

http://m7ml.com/uploads/ab2b6f9664.gif

مبقاش ممكن نستغرب اى حاجه فى الزمن ده

كل ممكن يحصل

بحر الاحزان

01-10-2008, 11:11 AM

لو طلعت صينى مش هنلاقى ليك قطع غيار هههههههههههه

ممكن فى الخطه القادمه ينزلوا قطع غيار برده عشان الجوده

Mr. Medhat Salah

01-10-2008, 11:20 AM

الصين بلد متحضر حاسه بالشعوب كلها مش زي حكومتنا الموقره دايما بتاخد مقياس مش من توبها دايما في تصريحاتها زي الدول الاوربيه فتحيا حومه الصين حومه الشعب المصري حكومه الغلابه سلالالالالالالالالالالالالام يا صين:lol:

بحر الاحزان

01-10-2008, 11:24 AM

ملكة زمانى

01-10-2008, 11:27 AM

انا اول مرة اعرف الموضوع دة
اخر مرة سالت علية الدهب العادى يعنى كان ب145 جنية
بس كويس دا بقى يحل موضوع الشبكة والرجالة بتدفع ادة كدة ياعينى
مشكووووووووووورة

بحر الاحزان

01-10-2008, 11:32 AM

انا اول مرة اعرف الموضوع دة
اخر مرة سالت علية الدهب العادى يعنى كان ب145 جنية
بس كويس دا بقى يحل موضوع الشبكة والرجالة بتدفع ادة كدة ياعينى
مشكووووووووووورة

لكى الشكر على مشاركتك العطره معنا

sweet heart

01-10-2008, 07:25 PM

انا اول مرة اسمع عن الموضوع ده
انا كنت بحسب تريقه طلع الكلام بجد

بحر الاحزان

01-10-2008, 08:49 PM

انا اول مرة اسمع عن الموضوع ده
انا كنت بحسب تريقه طلع الكلام بجد

الحقيقه ان انا كمان لحد دلوقت مش فاهمه

يعنى لو فيه دهب صينى زى ما سمعنا هل هيكون زى الدهب العادى ولا ايه

كولو

01-10-2008, 09:55 PM

بحر الاحزان

08-10-2008, 04:13 PM

ههههههههههه يعنى هيا وقفت على الدهب
اى حاجه فى مصر تلاقيها صينى
انا متهيقلى لو شلنا البيوت ورفعنها هلاقيها من تحت صنع فى الصين ههههههههههه بس مش بعيد ان يكون فى دهب زى ما حضرتك بتقول ههههههههههه والله (حسبى الله ونعم الوكيل )

يارب نفهم احنا ونتحرك بقى

على الاقل نعمل زيهم اللى يخصنا احنا ومش لازم نصدر

بس نكون عندنا اكتفاء ذاتى

..حدوتة..

08-10-2008, 08:42 PM

مضرووووووووووووووووووووووووووووووووووووووووووووووو وووووووووووووووووووووووووووب

leprince

08-10-2008, 10:33 PM

Cray_Bird91

09-10-2008, 07:13 PM

الله الدهب بقى صينى:romarioxp6:

ناقص غير ان احنا نلاقى نفسينا تانى يوم صينين:d

بصراحة اول مرة اعرف المعلومة دى:bosyht9:

بحر الاحزان

27-10-2008, 09:00 PM

الدهب الصينى موجود بالفعل

وله عيار وشروط جوده عالميه

اما الجرام اللى ب 35 جنيه

دهب صينى فعلا ومش بيصدى خالص

ومتين لكن نسبه الدهب والنحاس الموجوده فيه
هيا السبب فى السعر

لكنه حيحل ازمه خطيره

بجد افاده جميله جداا جدااا

اسعدتنى بهذا الرد المنفرد

لان تقريبا محدس عارف حاجه

وكنا فى انتظار من يوكد لنا صحة الخبر او ينفيه

بارك الله فيك

محمد data

30-07-2009, 06:39 PM

الصين دى الى أثبتت المثل الى بيقول ولسه ياما فى الجراب ياحاوى

شهدالجنة

30-07-2009, 06:57 PM

يعنى انتوا سبتوا كل حاجة يعنى صينى فى مصر ومسكتوا

الدهب الصينى كل حاجة باقت صينى دلوقت الدهب والموبايلات

والفوانيس واللعب وكل حاجة

للاسف يلا خير ربنا يسترها

علاء سيف

31-07-2009, 09:25 AM

انا اعرف هذا الذهب عن تجربة شحصية
وهو مش حديث قوي زوجتي اشترته من حوالي سنة وكان ساعتها بالطقم مش بالجرام وكان ارخص كتير من كده
يعني الغويشه كانت في حدود 10 او 15 جنية والانسيال جابته بحوالي 25 حسب ما اذكر
وهو زي ما شترته يعني لا صدى ولا طوس ولا لونه اتغير
وسبب ردي اني لقيت ناس كتير سمعت لكن قليل اللي جربه قلت اقوللك تجربتي

ملاحظة تانية اخيرة الصين بلد لايعرف اي ديمقراطيه والحكومة هناك شرسة وممكن تنزل الدبابات للمتظاهرين
وفي مواقع نت غير متاحة وسجل حقوق الانسان هناك سئ جدا وع ذللك غاية في التقدم والقوة يعني المشكلة مش لازم تكون في التعددية والديمقراطيو هما اللي جايبننا لورا
بس الشعب الصيني يعمل كالنمل بلا كلل
وللشباب اللي مش عارف يتجوز سمعت ان العروسة الصيني ها تنزل على العيد :022yb4::022yb4::022yb4:
ومميزاتها
حجمها صغير ومش بتحتاج اكتر من وجبة واحدة في اليوم
بتقول 3 كلمات بس ايوة وحاضر وطيب
مش بتحتاج شبكة ولا شقة ولا مهر
مالهاش اهل ولا حماتك تتعبك
بتاخد معاها واحدة هدية

amr_2010

31-07-2009, 10:11 AM

يا جماعة انتو كلكو سمعتو وفيه الي مسمعش حد فيكو بقا شاف
والي شاف يا را\يت يجيبلنا المصدر
يا جماعه مينفعش هو الدهب ده بيتصنع

MBM-MaDo

31-07-2009, 10:26 AM

اه فيه دهب صينى...

و اللى بيدور ع المصدر يقرا الموضوع من اوله....

والحمد لله فوانيس و شباشب و هدوم و مستحضرات تجميل و التك تك ......

و اللبان صينى برده..المصرى طعمه وحش ....

الصينى حلو ..الصينى حلو....

و الحمد لله الحريم بقوا صينى...

واحد من المنطقة اللى انا فيها تاجر دهب...

اتجوز واحدة صينية ( مش صينية بطاطس) الجنسية ...

و الحمد لله هانفضل نتكلم و ننادى و محدش بيعمل حاجة...

لانه محدش بيحاول يعمل من الاساس...

و حتى الفول بقى صينى...

حد شاف فيلم اتش دبور....كان فيه فول صينى....وطلع فيه فى الحقيقة....

و انا شفت العربية بتاعة الشركة....

احنا محتلين اقتصاديا.....هه...

سلاااااااااااااااااااااااااااااااصين....

عاشقة الموج

01-08-2009, 06:05 PM

نعم هناك ذهب صينى و ليس له نوع فى الجرامات بل بالقطعة
و إذا اردت أتعرف قيمته
1 - لو كنت تلبسه وانت معطر أو لامس العطور فإن لونه يتغير
2 - سعر رخيص جداً و ينفع أكسسوار زهيد الثمن
3 - الشبكة هى هدية يقدمها العريس لعروسه لإظهار حبه
و تقديره لها
مشكوووووووووووور لا تستخدم الذهب الصينى

ومع هذا الرابط لترى أفعال الصينين

http://www.roo7oman.com/tube/watch1434.html (http://www.roo7oman.com/tube/watch1434.html)

و هذا الرابط للموضوع
ياليت تفاعلكم

http://www.thanwya.com/vb/showthread.php?t=138451 (http://www.thanwya.com/vb/showthread.php?t=138451)

د/بسمة الاسلام

08-08-2009, 11:14 PM

دهب صيني
وماله
هما يعملو دهب صيني احنا نعمل ماس مصري
انا مبهزرش
احنا ليه عقولنا جامدة
ليه بنقف قدام التقدم مزهولين
ليه مبنفوقش ونرد الخبطة في ساعتها
هما عملو دهب صيني كتير منه نحاس وقليل منه دهب
احنا نعمل ماس مصري كتير منه زجاج وقليل منه ماس
ليه مبنواكبش العصر
ليه مبنحركش دماغنا
ايه رأيكم نبقى
غير
اللى بجد عايز يشاركنى في حملة شباب غير
يعاهد
احنا هنبقى غير
ثقافتنا غير
دماغنا غير
تفكيرنا غير
هنتبع تعاليم الدين وهنشتغل شغل غير
هنخالف الركود والتخلف والعبط .............................
ايه رأيكم
ااحنا الامل

د/بسمة الاسلام

10-08-2009, 03:57 AM

لأ معلش

ممكن سيادتك تشليها

سيادتك مقرتيش الردود والتفاعل و طريقة التفكير
اللى كنا طرحنها
بجد شكرا
لو سيادتك شلتيها
هيبقى احسن
بكتيييير
على الاقل
هدور على حد او هدور على اسلوب
اعرف اوصل بيه قصدي

شليها من فصلك

الاستاذ على الدين يحيى

12-08-2009, 03:23 PM

الذهب الصينى ليس بالجرام
وهو ذهب قشرة
بنتى أشترت غويشة دهب صينى بمبلغ عشرة جنيهات
وأشترت غويشة دهب هندى بمبلغ 2.5 جنيه
أولاً حسب شطارة البائع والمشترى
ثانياً الدهب الصينى أحسن من الدهب الهندى لأن الصينى لا تؤثر فيه المياة ( أى لا يصدأ ) ولكن لونه يتغير بالعطور
أما الهندى فيتأثر بالماء والعطور
وفى الآخر كله قشرة وليس ذهباً .
ولكنه يعتبر مصيبة لأنه من الصعب تمييزه عن الذهب الأصلى فلو أشترت منه أى بنت كمية كبيرة ولبستها فذلك سوف يغرى أى مجرم لسرقتها فأحذروا من ذلك .