المساعد الشخصي الرقمي

مشاهدة النسخة كاملة : أهم صديق في حياتك

ymymym
27-09-2008, 01:22 AM
أهم صديق في حياتك
تعرف من هو اهم صديق في حياتك
صديق بيخاف عليك و يعينك علي النجاح
بايده ممكن تحقق احلامك و ممكن يكون سبب في ضياعك
لو استغليته صح هتكون انسان عظيم
و لو ضيعته من ايدك هتعيش و خلاص
من غير ابداع
من غير نجاح
هتعيش في سجن اسمه الاحباط
الصديق
هو
هو
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟

نفسك

لو قدرنا نكون اصدقاء نفسنا
هيخلينا دايما نراجع حسابتنا
اقولكوا علي طريقه
حط اهدافك قدامك
و تاني مرحله ابدء التدريب
تدريب............ تدريب ايه؟

اقولكوا
درب نفسك علي حسب نوع هدفك
و في تدريبات عامه
بمعني
لو داخل علي مشروع
محتاج يكون عندك اصرار
محتاج يكون عندك خبرة في فن التعامل مع الناس
محتاج تكون علاقتك مع ربك مستقرة لان التقصير فيها بيسبب الاحباط
محتاج تكون خالي من الضغوط العصبيه زي المشاكل مع الاهل و الاصحاب
محتاج تكون عندك دايرة واسعه من المعلومات في مجال مشروعك
و بكده حددت انت محتاج تدرب و تنمي نفسك في ايه
وطبعا تختلف من فرد للاخر

من مفاتيح النجاح



اول شيء
علاقتك بربك و هي مهمه جدا

حاول تعمل لنفسك جدول و تحط ثوابت و تتابع نفسك اول باول و تانب نفسك وقت التقصير و هتفرح و تحس بالراحه اما تكون عامل اللي عليك و ربنا طبعا هيكرمك

ثانيا
الاصرار و قوة الاراده و هما مفتاح النجاح في رأيي
عن تجربه شخصيه جرب تحط لنفسك عمل شاق و بمده زمنيه محدده عمل لا تتوقع انك تنجزة ولا في الوقت ده
و حط في دماغك انك هتقدر عليه باذن الله
و راقب النتيجه و شوف نسبه نجاحك
كرر الموضوع لحد اما تكون نسبه نجاحك 100 %
ثم غير نوع العمل الشاق
كرر لحد اما يكون عندك الثقه الكافيه في نفسك انك قادر علي انجاز اي شيء باذن الله

تالت شيء
فن التعامل مع الناس
حاول تزود احتكاكك بطبقات مختلفه طبعا علاقات مشروعه و حاول تكون هدفها الخير و تكون مبنيه علي الحب في الله
و ده باشتراكك في انشطه في رساله او في اي نادي او في جامع له انشطه او في كورسات او في شغل

رابع شيء
انك دايما متسبش مشاكل تتراكم

او اي خلافات طبعا بينك و بين اهلك و ده عشان صله الرحم و عشان بر الوالدين و ده عشان ربنا يكرمك و عشان تاخد ثوابك كامل و عشان في الاول و الاخر هما اللي ليك
و نفس الشيء حاول تكسب اصدقاء و
ادعي قول
(اللهم حبب في خلقك و وظفني عندك وظفني لنصرة دينك)
و ازهد فيما في الدنيا يحبك الله و ازهد فيما يحبه الناس يحبك الناس


اما خامس شيء
انك تجمع اكبر معلومات في مجال مشروعك

و قبل ما تعمل اي خطوة في كل حاجه من الفاتو حط نيته انك تعمل حاجه لدينك و نجاحك يكون عشان تكون نموذج لغيرك نموذج للانسان المتدين المسلم الناجح عشان تجذب غيرك لهذا الدين
عشان لما تقف قدام ربك تلاقي حاجه تقولها انك عملتها
و ممكن بانك حطيت النيه دي قبل اي حاجه من اللي بتعملها و تكون نيتك دي خالصه فعلا لله اكيد باذن الله حينجع عملك
و تعيش راضي ربك
و راضي عن نفسك
ymymym
27-09-2008, 12:14 PM
ربنا يخليكي يا يميميم موضوعك اكثر من الرائع يااااااااه


يا جدعان فين مشاركاتكم حراااااااااااااام انا كل شويه اعمل كده في موضوعاتي
sunsero2000
27-09-2008, 05:35 PM
يا عينى عليكى يا يميم اتهبلتى وبقيتى بتردى على نفسك لكن من النهارده خلاص مش هتردى على نفسك عشان ايمو العجيب وصل هههههههههههههههههه

وبالنسبه للموضوع انا كنت داخل فاكر ان ده سوال وكنت هرد بنفس الاجابه لان مفيش حد فى النيا هيفهمنى قدى انا
ويا ريت مش تزعلى عشان قلت عليكى اتهبلتى
Erona
27-09-2008, 05:46 PM
الله عليكى
بس الواحد لازم يلجأ لغيره فى مشكله او حياته لان كل واحد بينظر لاى موضوع من زاويه واحده ودى فى حد ذاتها مشكله
رونالدينهوو
27-09-2008, 06:10 PM
هوا طبعا النفس صديقة لاكن لازم يكون لينا على الاقل صديق وفى نحكيله ويحكيلنا انما النفس هتستحمل ايه ولا ايه
ymymym
29-09-2008, 09:19 AM
يا عينى عليكى يا يميم اتهبلتى وبقيتى بتردى على نفسك لكن من النهارده خلاص مش هتردى على نفسك عشان ايمو العجيب وصل هههههههههههههههههه

وبالنسبه للموضوع انا كنت داخل فاكر ان ده سوال وكنت هرد بنفس الاجابه لان مفيش حد فى النيا هيفهمنى قدى انا
ويا ريت مش تزعلى عشان قلت عليكى اتهبلتى




مع اني موش عارفاك بس هقولك ايه رمضان كريم ميرسي علي مرورك
ymymym
29-09-2008, 09:20 AM
الله عليكى
بس الواحد لازم يلجأ لغيره فى مشكله او حياته لان كل واحد بينظر لاى موضوع من زاويه واحده ودى فى حد ذاتها مشكله




ايوه بتراضوني بالله عليكي ماشي ماشي ههههههههه هو فعلا لازم الواحد يبقي يشوف حد يشكيله كده يعني بس الموضوع نفسه عجبني ميرسي علي مرورك
ymymym
29-09-2008, 09:22 AM
هوا طبعا النفس صديقة لاكن لازم يكون لينا على الاقل صديق وفى نحكيله ويحكيلنا انما النفس هتستحمل ايه ولا ايه



اديك قلت واحد وفي ميرسي جدا لانك دخلت وشاركت بردك
uoua
30-09-2008, 01:27 AM
انتى كلامك صح وكل حاجة مش هيكون ف انسان صادق غير نفسك لكن بردوا لزم يكون معاكى صديقة تكلموا مع بعض لانى نفس ممكن بترضى ع اى حاجة ممكن يكون ف عيب ونفس تتغضه عنها
elkingahmedtito
30-09-2008, 06:46 AM
موضوع كويس وجميل بس شايف انه كلام مش واقعى بصراحه
هتلر2006
30-09-2008, 02:40 PM
موضوع اكثر من رائع
biob
02-10-2008, 06:04 PM
يا سلام
يعنى من قله الناس هصاحب نفسى يا يام يام
طيب افرض اتخانقنا
MohammeD el_SadaT
02-10-2008, 06:10 PM
بجد الموضوع قمه فى الروعه والجمال
تسلم إيدك
وياريت فعلاً كل اللى يقرأ الموضوع يفهمه ويحسه ميبقاش زى الرد ده

يا سلام
يعنى من قله الناس هصاحب نفسى يا يام يام
طيب افرض اتخانقنا

لأن رد زى ده أرهن بمليون جنيه إن مقرأش الموضوع
وإلا كان رده إختلف 180 درجه
ymymym
03-10-2008, 08:22 AM
يا سلام
يعنى من قله الناس هصاحب نفسى يا يام يام
طيب افرض اتخانقنا



صباح الخير يا كابتن بيوب هو فعلا يا محمد جايز مقرأش الموضوع ميرسي علي مرورك يا بيوب
ymymym
03-10-2008, 08:23 AM
بجد الموضوع قمه فى الروعه والجمال
تسلم إيدك
وياريت فعلاً كل اللى يقرأ الموضوع يفهمه ويحسه ميبقاش زى الرد ده

اقتباس:
يا سلام
يعنى من قله الناس هصاحب نفسى يا يام يام
طيب افرض اتخانقنا
لأن رد زى ده أرهن بمليون جنيه إن مقرأش الموضوع
وإلا كان رده إختلف 180 درجه





ميرسي علي مرورك
hend ere
03-10-2008, 08:38 AM
موضوعك بجد جميل
لكن الانسان محتاج برده يكون عنده صديق يشجعه, وانا الحمدلله عندى.
ويارب يرزق الجميع باصدقاء اوفياء.
ومرسى لموضوعك الجميل ده
محمد فريد الشناوى
06-10-2008, 10:42 PM
صديقك من يصارحك بأخطائك لا من يجملها ليكسب رضاك
الوحيدة
18-10-2008, 09:08 PM
موضوعك رائع

سلمت يداك

وتبلوا مروري
عطر الجنه
22-10-2008, 08:31 PM
انا مشكلتي بالنسبه للناس بس في نظري ميزه ان اي حد قدامي بعرف اخليه يحكيلي واسمعه وممكن احل مشاكله بس انا مش بعرف اشتكي ولا بحب اطلب حاجه من حد بس لو حد طلب مني حاجه غالبا مش بقول لا بس فعلا لما الواحد يبقي في ضيقه اوي ويروح يصلي ويسجد لربنا ويشتكيلوا هيحس براحه اكتر من الشكوي لاي صاحب بس كل انسان وطبيعته يعني انا من النوع الحمد لله اني لما ببقي عندي مشكله جامده او مكتئبه او زعلانه ادخل علي شات مع صحابلي واشوف هما زعلنين ايه ويحكوا هما مشاكلهم بحس مثلا حاجه زي الي يشوف بلاوي الناس تهون عليه بلوته الحمد لله علي كل شيئ
ymymym
26-10-2008, 06:10 PM
انا مشكلتي بالنسبه للناس بس في نظري ميزه ان اي حد قدامي بعرف اخليه يحكيلي واسمعه وممكن احل مشاكله بس انا مش بعرف اشتكي ولا بحب اطلب حاجه من حد بس لو حد طلب مني حاجه غالبا مش بقول لا بس فعلا لما الواحد يبقي في ضيقه اوي ويروح يصلي ويسجد لربنا ويشتكيلوا هيحس براحه اكتر من الشكوي لاي صاحب بس كل انسان وطبيعته يعني انا من النوع الحمد لله اني لما ببقي عندي مشكله جامده او مكتئبه او زعلانه ادخل علي شات مع صحابلي واشوف هما زعلنين ايه ويحكوا هما مشاكلهم بحس مثلا حاجه زي الي يشوف بلاوي الناس تهون عليه بلوته الحمد لله علي كل شيئ



ميرسي علي مرورك يا عسل وطبعا علي مروركم جميعا ولو عوزتي انتي اي حاجه احنا في الخدمه
sloom2oo9
01-11-2008, 09:00 PM
موضوع ممتاااااااااااااااااااااااز
biob
06-11-2008, 10:40 PM
ايوه فعلا يا جماعه
اكيدانا مقراتش الموضوع
لان الردده مجردجواب على العنوان واولجزء
انا اسف يا يام يام يام

ثانكس ع التصييح يا حماده
اما نصيح للاستاذ بقى علشان نبقى خالصين
صديقك من يصارحك بأخطائك لا من يجملها ليكسب رضاك



المهم
بصراحه يا يام يام يام
محدش بيلتزم بخطط لعمل مشروع معين مهما كان هومنظم
لاننا عمرناما سمعنا عن حد حط جدول مزاكره كمثال مثلا وفضل عليه لاخر السنه
وده لان الانسان اصلا من طبعه انه يهرب من التقيد من القانون
فمابالك لوهو اللى حاطط لنفسه النظام والقانون اللى يمشى عليه
100% هيكسره
ومحدش يقدر يطبق الكلامده الا الانسان المثالى



بعيدا عن الموضوع بقى
حرام عليكى يا شيخه
عامله اسم الموضوع فى وادى والموضوع اصلا بيتكلم عن حاجه تانيه
ماكنتى تكتبى اسم الموضوع المفاتيح الخمسه للنجاح
لازم يعنى الاحراج ده