حامل المسك
22-04-2006, 05:17 AM
بسم الله الرحمن الرحيم
ازيكم يا جماعه عاملين ايه
بقولكم ايه اللي في سنه تانيه يعني ثانويه عامه مرحلة اولى لسه يطلع بره الموضوع لو سمحتم
احنا هنا ناس كبيره في سنه تالته بس :P
المهم يعني عايزين كده نكون ايد واحده
وبما ان الامتحان خلاص قرب
فانا بقول لو نراجع مع بعض
ونعمل جدول مراجعه كده
بحيث نمشي عليه ونحل امتحانات
وفي برضه امتحانات هنا
يعني هو الموضوع في دماغي وفيه شوية افكار كده عن طيفية المراحعه وهنمشي ازاي
بس المهم الناس هتعجبهم الفكره وهيشتركوا معانا ولا لأ
فالموضوع هيعتمد على عدد الناس اللي هتشترك
يا عم روووح دا لو حد كان عبرك اصلا واشترك معاك
بقلك ايه انا ما مش فايقلك دلوقتي اقعد ساكت
يللا بقى غيظو الواد الغلس دا واشتركوا معايا
مستنييييييييكم
وجزاكم الله كل خير
cool dody
22-04-2006, 07:51 AM
انا مستعده اشترك معاكى
وحاكون سعيده جدا :)
ونغيظ الولد الغلس
وعالعموم انا علمى رياضه
فكرة جميلة جدا واكيد كلنا موافقين عليها وياريت تتنفذ بس يكون ليها تنفيذ منظم
علي العموم انا علمي علوم
محمد سامي
22-04-2006, 08:53 AM
وانا علمي علووم بس في ثانية يلا مش مشكلة اشارك معاكوو في الاحياء بس ...
Miss_CaR!zma
22-04-2006, 10:26 AM
طيب انت كيمياء ولا احياء
انا مرحله اولى كيمياء
=ivan=
22-04-2006, 10:37 AM
معاك ان شاء الله
بس هنواجه مشكلة اختلاف الفروع
the_sun_of_islam
26-04-2006, 04:18 AM
فكره جميله اوى ..وانا معاكم باذن الله ..انا مرحله تانيه علمى علوم .... :) :) :)
لكن انا ملاحظه ان فيه اختلافات فعلا فى الفروع لكن باذن الله نقدر نوفق ربنا معانا
حامل المسك
26-04-2006, 12:07 PM
السلام عليكم يا صحبة الخير
اولا قبل ما أرد على اي حد
صراحه يا جماعه كلكم أذهلتوني
لأن اول حاجه صراحه
اللي كان في دماغي ونيتي
هي ان انا حاطط الموضوع في قسم اللغه العربيه
وكل دماغي بفكر في العربي وجدول ليه ومش عارف
لكن انتو لما رديتو حمستوني جدا
لمضوع كبير
لمراجعه شامله لكل المواد
وفعلا ان امش عارف ليه كان تفكيري منغلق على العربي بس
يمكن عشان استسهلت
لأن زي ما انتو قلتو كدا اختلاف الفروع
لكن بجد اشكركم شكر جزيل على نشاطكم والتفاعل الجميل بيننا وبين بعض
عموما خلاص يبقى احنا فعلا هنبدأ في كل المواد مش مادة واحده بس
وبالمناسبة انا ولـــد مش بنت :rolleyes:
وبرضه عشان الناس تكون عارفه
انا كنت علمي بس للأسف حصلتلي ظروف واضطريت احول ادبي
قدر الله وما شاء فعل يعني
دا مش موضوعنا
فانا تاريخ وعلم نفس
وطبعا عارف مواد العلمي الكيميا والرياضه عارف منهاجهم كويس وكده الحمد لله
فانا بقول عشان الوقت نبدأ ان شاء الله من اول يوم في شهر خمسه ( مايو )
مع اني مش هضحك عليكم كنت بدأت اصلا
بس مفيش مانع عشان نكون ايد واحده
واول شهر خمسه دا عشان نكون لحقنا نظمنا نفسنا وكده
فانا عن رأيي يعني عشان التنظيم يكون كويس
ان كل واحد فينا يكون مسؤول عن ماده او اتنين حسب المقدره
هيكون مسؤوول عن التنظيم ليها لمذاكرتها وجدولها وان يكون في امتحانات مستمره ليها مثلا كل اسبوع او شئ من هذا القبيل
ويكون في تنظيم واتفاق مع المسؤولين على المواد وبعضهم ببعض حتى يتم وضع الجداول حتى ننهي جميع المواد سويا
انا عن نفسي معنديش مشكله في كل المواد اللي معايا سواء من عربي لانجليزي والمواد الادبيه
وبالنسبه للمواد العلمية التانيه هو ممكن انظمها عادي
لكن زي ما قلنا عايزين يكون تنظيم جاد
فهيكون من الافضل طبعا ان يكون حد منكم وهو ماشي فيها اصلا
فياريت بس الناس تبدأ تعرض اللي هيقدر .. اللي هيقدر .. انه يكون مسؤول عن ماده معينه
يقول يا جماعه انا هكون مسؤوول عن الماده دي
ولكن مع العلم انه هيكون عليه تنظيم مذاكرة الماده دي
ومع التنظيم امتحانات مش شرط هنا يعني ممكن مثلا لو هتنفق على كتاب معين نجيبه في الماده دي ويقول المسؤوول هنحل الامتحان الفلاني
وكمان هيكون مسؤول انه لما نتناقش في الماده دي وفي اسئله انه لو معرفناش نوصل لحل هو بيكون عليه ايجاد الحل من احد المختصين في الماده سواء داخل المنتدى او من خارجه
وعشان كده برضه انه يكون قادر يخش المنتدى على الاقل مره كل يومين
المهم يكون في سرعه في الحكاية دي عشان نلحق قبل ما شهر مايو يبدأ
لأن طبعا هيكون في تنظيم مع الكل المسؤولين عن كل ماده زي ما قلت
فانا مستني ردودكم
والمواد اللي هتتبقى همسكها انا مفيش مشاكل ان شاءالله
وجزاكم الله كل خير
hala_abedoo
04-06-2007, 09:40 PM
ربنا يوفقك ف دة لان الفكرة جنان ولو تسمحلى اشترك معاكوا بس انا ادبى
hala_4848@yahoo.com
صوت الحق
04-06-2007, 10:27 PM
وخلص شهر خمسة واليوم 6/6 وباقى على الامتحان ثلاثة ايام ولم يبداء احد يا اللهيبقى اللى بعدنا يبداء ويكمل سلام
هدير جمال ناهض
05-06-2007, 01:00 AM
يا جماعة انا عايزة حد يقولى مراجعة ليلة الامتحان تبقى ازاى انا مرحلة اولى ومش هحضر مراجعات الدروس لانها غالية جدا
صوت الحق
05-06-2007, 10:22 AM
حلى مراجعات ابو نادين وكفاية
اما بالنسبة لموضوع المراجعات المقترح ان شاء الله يبداء فى الصيف علشان الوقت ؟ انتهى العام الدراسى ولم تتم مراجعة واحدة