يا جماعه حد يعرف المسرح القومى اللى اتحرق النهارده قبل الفطار اتحرق ازاى
وياريت اللى يعرف معلومات عن الموضوع ده يقولها
انا مش عارفه ايه اللى بيحصل بالظبط
من فتره اتحرق مجلس الشورى والنهارده حاجه تانيه بتتحرق
ياريت ياجماعه نحاول نتكلم عن الموضوع ده
واللى عنده معلومات مؤكده يكتبها علشان الكل يستفيد.

ياريت يا جماعه تردو بسرعه لانى محتاجه اعرف الموضوع ده اوى
وكل واحد يقول اللى يعرفه

وقالت مصادر بادارة المطافئ ان النيران بدأت في الاشتعال في نحو الخامسة وخمس وثلاثين دقيقة بتوقيت القاهرة وبدأت بستارة المسرح وأنها لاتزال مشتعلة منذ نحو 120 دقيقة لكنها الان "تحت السيطرة" مرجحة عدم وقوع اصابات باستثناء بعض حالات الاختناق المحدودة.
وأضافت أن أكثر من 30 سيارة اطفاء انتقلت الى المسرح المشتعل الذي يقع في ميدان العتبة حيث توجد الادارة الرئيسية للحماية المدنية بالعاصمة.

وقد رجح العميد نصر زكريا رئيس غرفة العمليات بالإدارة العامة للدفاع المدنى والإطفاء بالقاهرة أن يكون سبب الحريق ماس كهربائى تلاه انفجار بعض أجهزة التكييف الخاصة بالمسرح .
وقال العميد نصر زكريا أن انفجار أجهزة التكييف الخاصة بالمسرح أدى الى حدوث إنهيار فى جزء من ديكورات وواجهات المسرح المطلة على ميدان العتبة .
وأوضح رئيس غرفة العمليات بالإدارة العامة للدفاع المدنى والإطفاء بالقاهرة أن النيران إمتدت بفعل الرياح إلى لوحتين إعلانيتين فى الدورين السادس والسابع فى العقار المواجه للمسرح وتم إطفاؤهما فى الحال قبل أن تمتد النيران إلى شقق العقار ، كما امتدت النيران الى بعض المخلفات الموجودة أعلى سطح أحد العقارات الكائنة فى شارع عبدالعزيز وتم ايضا اطفائها فى الحال .
وقد صرح الدكتور محمد سلطان رئيس الإدارة المركزية للاسعاف والطوارىء بوزارة الصحة والسكان ، بأن عدد المصابين فى حريق المسرح القومى بميدان العتبة ، ارتفع إلى ستة أشخاص.. مؤكدا أنه لاتوجد أى وفيات ، وحالة جميع المصابين جيدة ومطمئنة .
وقال سلطان إن مصابين اثنين تم إسعافهم فى موقع الحادث وحالتهما لاتستدعى النقل للمستشفيات وهما صلاح فاروق توفيق "22 عاما " مجند وأصيب باختناق ، ومختار محمد مختار "21 عاما" مجند وأصيب بجرح فى ذراعه .
وأضاف أنه تم نقل مصابين آخرين إلى مستشفى العجوزة وهما الرائد تامر خلف الله محمود "45 عاما" اشتباه كسر بالساعد ، والعقيد فتحى عبدالحميد حسن "52 عاما" وأصيب بكدمة بالركبة .
وأشار إلى أنه تم أيضا نقل أحمد عطية شحاتة عامل بالمسرح "40 عاما" إلى مستشفى صيدناوى للتأمين الصحى ، وسليمان سيد سليمان مجند إطفاء "22 عاما" إلى مستشفى أحمد ماهر حيث أصيب بحالة اختناق ، وتم إجراء الإسعافات اللازمة لهما ، ومن المتوقع خروجهما بعد الإطمئنان على حالتهما الصحية .
وأوضح رئيس الإدارة المركزية للاسعاف والطوارىء ، أنه يوجد حاليا فى موقع الحادث نحو 19 سيارة إسعاف و 45 مسعفا ومساعد أخصائى إسعاف وخمسة أطباء تحسبا لأية ظروف طارئة .
ولفت إلى أن الدكتور حاتم الجبلى وزير الصحة والسكان شدد على ضرورة تواجد الأطقم الطبية وسيارات الإسعاف فى موقع الحادث لنقل أى مصابين وإسعافهم والإطمئنان تماما على استقرار الوضع بموقع الحريق .
ويعد المسرح القومي من العلامات الثقافية المصرية منذ بدأ نشاطه في الخمسينيات وقدم روائع المسرح العالمي ثم أعيد افتتاحه عام 1986.
المصدر: وكالة أنباء الشرق الاوسط، رويترز

اشكرك على هذه المعلومات.
لكن فى حاجه غريبه سبب الحريق برده ماس كهربائى!!!!!!!!
هو ايه الحكايه اليومين دول,الموضوع غريب شويه.
لكن ربنا يستر.
وياريت اى حد يعرف اى معلومه اخرى يكتبهلنا علشان نستفيد منها

ههههههههه

كله بسبب ماس كهربى

دى دولتنا الجميلة

على فكرة برده السنة دى الواحد كان هيسقط فى الثانوية .. علشان ماس كهربى

ههههههههه

على رأى القرموطى: بينها هتولع!!! :d:lol::confused:

وأهى ولعت!!!!!!!:eek:

ياترى مافيش حد عرف معلومات جديده عن الموضوع ده؟

في ستين داهيه مش المسرح ده حرامولا حلال

في ستين داهيه مش المسرح ده حرام ولا حلال

ياست البنات هنوده هو فعلا الانسان لابد ان يهتم بامور المسلمين
جزاك الله خيرا هو دا المسرح اللى بيتحرق دا البنى ادمين جواها حرايق ياما بس ناقص الماس يعنى اللى هيلمسها كده هاتطق لوحديها
شوفى انت المدرسين --بس --ولا الموظفين ولا ولا ولا كتير حاجات كتير ياهنوده هاتولع ربنا يسترها

هم يضحك و هم يبكي

مسارح ايه

في ستين داهية

الظاهر ان الكهربا فى البلد كتير و مش عارفين نوديها فين

ما هو حاجة من اتنين

يا البلد دى مكهربة يا البلد دى بتسخن

و فى الحالتين النتيجة واحدة

هم يضحك و هم يبكي

مسارح ايه

في ستين داهية
الموضوع مش موضوع المسرح اللى اتحرق
انت ناسى مجلس الشعب اللى اتحرق بنفس الطريقه
فى حاجه غريبه بتحصل.
لكن الناس بقت بتنسى بسرعه
او بتحاول تنسى الله اعلم

يا انسه ممكن ليه لا د شئ وارد

هتقول المجلس بعدين المسرح طب المجلس وقولنا ممكن يكون فيه اوراق واتحرق بفعل فاعل انما المسرح هيتحرق ليه ؟ لازم نسال الهدف من حرقو ايه ؟!

ودمتم

يا انسه ممكن ليه لا د شئ وارد

هتقول المجلس بعدين المسرح طب المجلس وقولنا ممكن يكون فيه اوراق واتحرق بفعل فاعل انما المسرح هيتحرق ليه ؟ لازم نسال الهدف من حرقو ايه ؟!

ودمتم

والله انا مش عارفه الهدف من حرقه ايه
علشان كده كتبت الموضوع وسألت هو فى ايه,لانى كنت حيرانه زى ناس كثير
وانا عارفه ان الاعضاء هنا بتكتب كل المعلومات اللى عندها
يعنى بنستفيد من بعض.

من الاخر لا مجلس الشوري ليه لزمه ولا المسرح ليه لزمه يلا خليهم يحرقوا مجلس الشعب بالمره ونخلص وبعدين انا سمعت ان فيه مطافي علي بعد قليل اوي من المسرح ومعرفوش ينقذوا الموقف ده ناس لو مصر كلها ولعت هيقفوا يتفرجوا

ابنتي الجميلة / هنـــد


كل الحوادث اللي عايزين يحفظوها في الدرج في مصر


سببها اما ماس كهربائي أو مختل عقلياً


ولو تابعتي بريد الأهرام ص 11


هتلاقيني كاتب عن العلاقة بين الأثنين دول


لأن ىخر كلمة في التحقيقات دي هاتكون


ولقد قررناحفظ القضية لأن سببها القضاء والقدر !!



كابتن عز ،،،

شكرا لمرورك الجميل كابتن عز
وربنا معانا جميعا

آآآآآآآآه يا هند السبب دايماً بيكون الشمعة أو ماس كهربائي .. لازم صدقيني نعدم الشمعة والكهربا .. معندهومش قلب ولا ضمير .. لازم نجيب الشمعة والكهربا في ميدان عام ونعدمهم أدام الناس عشان يكونوا عبرة لمن يعتبر .. أصدقائي ماتوا في مسرح بني سويف اللي اتحرق لو كنتي سمعتي عنه .. أهوال حصلت في الحريقة دي .. فرن مغلق على البشر بيشوي فيهم .. والسبب كان شمعة شايلها أحد ممثلي العرض المسرحي ونساها جنب الستارة في الكواليس .. الشمعة يا هند .. لو اعدمانها .. هنبقى خلصنا من هم كبير .. ولازم منحطهاش في التورتة في أعياد الميلاد عشان مجرمة وحشة ... ولازم نعمل سجن خاص للشموع .. وللدموع .. وللآهات .. ولعلامات التعجب والاستفهام .. زي ما عملنا سجن لكلمة .. لا .. وأرفض .. وليه كده ؟ .. صدقيني يا هند الحل يا أختي .. إعدام الشمعة .. وشكراً لرجال الإطفاء .. أنهم قدروا يسيطروا على الوضع قبل ما توصل الضحايا ل 80 مليون ضحية .. تحياتي ..

اشكرك على مرورك استاذى الفاضل
انا مش سمعت عن المسرح اللى اتحرق اللى حضرتك بتقول عليه وربنا يرحم اصدقائق ويرحم الجميع
احنا بجد محتاجين رحمة ربنا

المعنى ببطن الشاعر يا هنود ماتوجعيش دماغك يا خبر النهاردة كاش بكرة هيبقى ببلاش
السبب معروف للكل والكل متغاضى؟؟؟؟؟؟؟؟؟؟؟؟؟؟؟؟؟؟؟؟؟؟؟؟