السلام عليكم ورحمة الله وبركاتة

دايما بنتكلم عن الراجل الى بيضرب مراتة والاب الى بيضرب ولادة

لكن نادر قوى

لما نتكلم عن الاخ الى بيضرب اختة

هى ممكن تكون غلطت وهواكيد مسئول عنها

لكن اكيد نفسيتها بتتدمر لما اخوها بيضربها


وهى اكيد مش هتضربة وتمد ايدها علية

لكن ممكن يحصلها الاتى

1- تشد معاة وتتطاول علية ويحصل مشاكل كتير لانها ممكن متسكتش على الاهانة دى وهو مش هيسمح ليها انها ترد علية

2- تتسامح وتقول اخويا ولية حق علية

3- ترمى اللوم على والدها لانة محمهاش منة

ممكن الاخ الى بيضرب اختة بيبقى عايز يبين لنفسة انة سيد البيت المطلق
و
يعتبر ان ضربة لاختة بسبب ومن غير سبب كنوع للضغط على والدية لتلبية مطالبة عشان يبين ليهم
انة مسيطر وقوى الشخصية
و
ممكن يكون الى بيضرب اختة غير ناضج وضعيف الشخصية
و
ممكن يكون انسان واعى وسوى لكن شايف ان الضرب هو الحل
و
ساعات بيبقى رغبة الاب والام كدة
وهنا لازم نقول ان للاسرة دور

فى انها تفهم ولادها انهم حلقة واحدة وانهم زى بعض ومينفعش قوة تعلى على قوة

وانا اؤيد ان البنت تسمع كلام اخوها فى كل حاجة ينصحها بيها بس انا مش مع انة يضربها


يارب اكون عرفت اوصل وجة نظرى

واتمنى ان ارى ارائكم

وكل عام وانتم الى الله اقرب :)

والله انا شايف ان الضرب عمرة مكان الوسيلة الصح

حتى لو كان فية مشكلة بينهم

الافضل انة يفهمها غلطها براحة

مش بحب الضرب مع اني مليش اخوات بنات حقيقين

بس مش بحب الضرب و لا ضرب اخوه الصغير حتي

ما أظنش أن الضرب حل كويس
لو الأب ضرب الطفل كتير الواد يطلع جبان و يخاف م الضرب
الخ يضرب أخته برضو ممكن ف مرحله توصل لأنها تكرهه
بس في حالات لازم فيها الضرب