عندك أي سؤال عن كليه العلوم أو المواد الدراسيه ....أتفضل أدخل [الأرشيف]

***star***

07-10-2008, 09:20 PM

[quote=travel;819938]اولا شكرا ليك اسلام على الموضوع ده

لانى بجد من ساعة ما دخل الكلية وانا خلاص
. . . . .
-1- بالنسبة لمزاكرة وكده
احنا بجدارة لغايت دلوقت مخدناش غير 4 محاضرات
(استاتيكا. . تحليل رياضى. . حقوق الانسان. .كيمياء فيزيا)
المهم يعنى
بالنسبة للاستاتيكا
هى دخلت فى قوانين رياضة 2 على طوول
رغم انها عرفت ان فى علمى علوم (اللى هو انا)
وقالت نجيب اى كتاب رياضة 2 ونشوف الامثلة ونحلها مع نفسينا
(هى مش هتشرح من جديد)
??what shall i do
. . . .

لا اطمني ....مش هتتشرح من جديد:)...بس الدكتور ممكن يساعدكم شويه كدا ((بالنسبه لطلبه علمي علوم))....وبعدين انا منزل ملزمه رياضيات ليا انا في الكليه شارح فيها رياضه 2 بالأنجلش ومفهم فيها الطلبه اللي مأخدوش رياضه اتنين قبل كدا...استني كام يوم كدا وهنزلهالك...معلش علشان انا في القاهره بس

مادة حقوق الانسان . . . .(لا تعليق بجد)
بس سؤال
هى لازم تتحضر؟
. . . .

الصراحه انا معرفش نظام كليتكم في الحضور والغياب....بس احنا عندنا عاااااااااااااادي خالص((صفر علي الشمال))

-2- الدكاترة منزلوش الكتب لغايت دلوقت
طب هزاكر ازاى وكده

سيبك من الكتاب بتاع الكليه لأنك هتتعبي فيه اوي اوي اوي صدقيني وفي الأخر محصلتك هتكون صفر...ودي نصيحه اخويه يعني....ذاكري من ملزمات المعيدين وشرح الدكتور اهم حاجه...ولو حسيتي من الدكتور انه اتكلم عن حاجه بصيغه اعجاب كدا((أو يعني اهتم بسؤال معين أو ...انتي بقي فاهماني))..اعرفي 100% انه هيحط اللي اتكلم عليه كتير ده او اهتم بيه في الامتحان..

المحاضرات بكتبها بس مش متعودة انى ازاكر منها (حاجة جديدة وغريبة) ده غير ان الكتب تقريبا بيكون فيها كل حاجة بشرح مستوفى
. . . .

ماهو اه شرح مستوفي بس الدكتور بيلغي تلات ارباع الكتاب...علشان بس يبقي اسمه اعطي حط ماده علميه كامله...انما الأمتحان بيبقي في حاجات محدده.اطمني المحاضرات مش هيخرج عنها ولا سؤال ان شاء الله هي والملزمات..

-3- ايه نظام المكتبات فى الورق بحيث انه يكون بديل للكتب لغايت ما تنزل او انها تكون حاجة مساعدة جنب الكتب والمحاضرات

اه الملزمات جامده جدا..ياما جبت امتيازات في مواد بسببها :)

***star***

07-10-2008, 09:21 PM

شكرااا ليك يا اسلام على الموضوع ده
بجد الموضوع ده هيبقى مفيد ان شاء الله لطلبة علوم
وان شاء الله لو فى اى حاجة عن الكلية والدراسة هنبقى نسألك فيها
وجزاك الله خيرا

اهلا بيك يااحمد...ولو عندك اي سؤال في اي حاجه بالنسبه للكليه ...صاحبك في الخدمه:)

***star***

07-10-2008, 09:23 PM

عاوزة اعرف ازاى اعمل ريبورت وده عبارة عن ايه

ريبورت يعني ( بحث)؟....ولا ريبورت شيت ((يعني امتحان صغير))...انتي مش محدده يابراءه ولا محدده حتي الدكتور قالك اعملي ايه بالظبط....ياريت تقوليلي وهرد عليكي

براءة

07-10-2008, 09:25 PM

والله زى ما بقولك كده
ريبورت عن تعريف النانو
وانا مش عارفة هى عاوزة ايه
بس تقريبا هو صغيور
والله اعلم

***star***

07-10-2008, 09:30 PM

والله زى ما بقولك كده
ريبورت عن تعريف النانو
وانا مش عارفة هى عاوزة ايه
بس تقريبا هو صغيور
والله اعلم

يبقي عايزه منك حوالي 5 أو 4 ورقات بيتكلمو عن النانو ..من النت ..يااما تعملي ملخص من المذكره بتاعتها للنانو...وعلي فكره الدكتوره دي شكلها كدا مش مريحني...اتمنالك سنه سعيده معاها:).... ((كان ايه بس اللي دخلك فيزيا))...4 بنات النهارده وولدين محولين من فيزيا:)....بطمنك اهه

براءة

07-10-2008, 09:42 PM

الله يكرمك
ويبشرك بكل خيريا رب ،،
بس عاوزة اقولك انى غيرهم

***star***

07-10-2008, 09:45 PM

الله يكرمك
ويبشرك بكل خيريا رب ،،
بس عاوزة اقولك انى غيرهم

يللا ربنا يوفقك في القسم...ويارب كدا تلاقي في اخر التيرم تقديرك ((امتياز مرتفع))

Travel

08-10-2008, 04:33 PM

هى طالبة مننا ريبورت
عن حالة البلازما والنانو تكنولوجي
بس طلبها تحفة

عاوزاه مننا انجلش وفى بروفيل ومطبوع
وده طبعا انا لو لحقت بس اجهزه النهاردة مش اطبعه يبقى خير وبركة

ربنا يستر
ايه النظام فى الريبورتات بقى

انا عملت سيرش على حالة البلازما
بس عربى طلعلى مواقع كاتبة كلام حلو بس عاوز تلخيص جااامد
ووقت كبير
فى مواقع انجلش كاتبة كلام حلو جداا عن الحالة دى بس فى النص فى حاجات مش فاهماها
وحتى القواميس مش مترجماها
بيكتبلى (ايرور)

ايه النظام بقى؟؟

***star***

08-10-2008, 10:05 PM

[quote=travel;821121]هى طالبة مننا ريبورت

عن حالة البلازما والنانو تكنولوجي
بس طلبها تحفة

عاوزاه مننا انجلش وفى بروفيل ومطبوع
وده طبعا انا لو لحقت بس اجهزه النهاردة مش اطبعه يبقى خير وبركة

دي مواقع للنانو
http://www.crnano.org/whatis.htm (http://www.crnano.org/whatis.htm)

http://www.nanotech-now.com/Press_Kit/ (http://www.nanotech-now.com/Press_Kit/)

ودي مواقع لحاله البلازما
http://www.marchplasma.com/pdf/Technology%20Drivers%20for%20Plasma%20Prior%20to%2 0Wire%20Bonding.pdf (http://www.marchplasma.com/pdf/Technology%20Drivers%20for%20Plasma%20Prior%20to%2 0Wire%20Bonding.pdf)

وده كمان فيه كل حاجه عن حاله البلازما
http://en.wikipedia.org/wiki/Plasma_(physics (http://en.wikipedia.org/wiki/Plasma_(physics))

ربنا يستر
ايه النظام فى الريبورتات بقى

انا عملت سيرش على حالة البلازما
بس عربى طلعلى مواقع كاتبة كلام حلو بس عاوز تلخيص جااامد
ووقت كبير
فى مواقع انجلش كاتبة كلام حلو جداا عن الحالة دى بس فى النص فى حاجات مش فاهماها
وحتى القواميس مش مترجماها
بيكتبلى (ايرور)

ايه النظام بقى؟؟

ومتنسيش في أول صفحه وتكون بالألوان تكتبي بخط كبير

to my dear doctor/
>>>>>>>>>>>اكتبي اسم الدكتوره هنا,,,,,,,

عايزه فيه بروفايل تبقي من النوع اللي بتحب الشكليات....شكليها بقي زي مانتي عايزه ....هتلاقي نفسك امتياز في الأخر

شموخ مسلمة

11-10-2008, 02:46 AM

***star***

11-10-2008, 03:03 AM

طيب معلش كان عندى استفسار كده

دلوقتى احنا اخدنا سيكشن فيزيا و كانت التجربة بتاعتى مكافئ جول
و الشغل كله من النت يعنى سمعنا التجربة فيديو و المفروض هنعملا ع طول
المشكلة بقى انى نسيت حاجات منها
و لما جيت ادخل ع اللينك
لاقيتهم غيرو الباس وورد
المهم يعنى ياريت لو تعرف اى موقع فيه تجارب فيزيا او كده اكون شاكرة ليك جدااااااااااا

ربنا يوفقنا كلنا

دي فلاشه متحركه للتجربه
http://www.phys4arab.net/uploood/naser/joule2.swf

ودي رسمه التجربه

http://www.phys4arab.net/uploood/naser/joule4.gif

ده بس كدا مؤقتا لغايه اما انزل ملزمات العملي كلها في كل المواد.... وهيبقي تقريبا الأسبوع الجاي...وهيكون فيها كل تجارب الفيزياء التيرم الأول .....ومنها تجربه جول طبعا.....وفيها كمان ارقام تجريبيه للتجربه...يعني لو معرفتيش بعد الشر يعني تنفذيها تكتبي الأرقام دي..وهيكون فيها الرسومات البيانيه وطريقه التنفيذ والكومنت بتاعها..وعلي فكره انا في امتحان العملي سنه اولي كتبت الأرقام التقريبيه دي ومعملتش التجربه خالص...كانت درجتي في التيرم الأول 30 من 30 والتيرم التاني 28 من 30 ...وطبعا معيد هو اللي كان عاطلينا الملزمه دي قبل الأمتحان....

شموخ مسلمة

11-10-2008, 03:14 AM

دي فلاشه متحركه للتجربه

http://www.phys4arab.net/uploood/naser/joule2.swf

ودي رسمه التجربه

http://www.phys4arab.net/uploood/naser/joule4.gif

ده بس كدا مؤقتا لغايه اما انزل ملزمات العملي كلها في كل المواد.... وهيبقي تقريبا الأسبوع الجاي...وهيكون فيها كل تجارب الفيزياء التيرم الأول .....ومنها تجربه جول طبعا.....وفيها كمان ارقام تجريبيه للتجربه...يعني لو معرفتيش بعد الشر يعني تنفذيها تكتبي الأرقام دي..وهيكون فيها الرسومات البيانيه وطريقه التنفيذ والكومنت بتاعها..وعلي فكره انا في امتحان العملي سنه اولي كتبت الأرقام التقريبيه دي ومعملتش التجربه خالص...كانت درجتي في التيرم الأول 30 من 30 والتيرم التاني 28 من 30 ...وطبعا معيد هو اللي كان عاطلينا الملزمه دي قبل الأمتحان....

بجد ربنا يكرمك يارب يا ستار
جزاك الله كل خير
انا برده فى ملزمة عملى قالولنا عليها و رحنا دفعنا فلوسها بس قالولنا السيكشن الجاى هناخدها
بس هو اللينك مش شغال
جايبلى صفحة بيضا:(
ربنا يوفقك يا ستار

***star***

11-10-2008, 03:22 AM

بجد ربنا يكرمك يارب يا ستار
جزاك الله كل خير
انا برده فى ملزمة عملى قالولنا عليها و رحنا دفعنا فلوسها بس قالولنا السيكشن الجاى هناخدها
بس هو اللينك مش شغال
جايبلى صفحة بيضا:(
ربنا يوفقك يا ستار

لالالالا...اللينك شغال عندي... شوفي بقي عندك برنامج الفلاش بلاير ولا لا...وعلي فكره تقدري تعملي التجربه عملي باديكي دلوقتي عن طريق الفلاشه دي

Travel

11-10-2008, 10:35 AM

اسلام
هى دى مسالة ولا تعريف
WHAT IS THE RATIO OF THE DIFFUSION RATES OF BOTH
H2 AND O2 GASES
??

هى وحدة (مكعب)dm
تكافا كام سنتيمتر مكعب
؟؟

بالنسبة للملازم وكده
هو انت عندك ملازم للاستاتيكا او الرياضة عامة:huh:
؟؟

ksh2008

11-10-2008, 12:43 PM

هو قسم فيزيا سبيشيل واحصاء وحاسب مجالات شغلهم ايه

ياريت لو حد يعرف يجاوبنى بسرعة بليييييييز

باى باى

***star***

12-10-2008, 05:20 AM

اسلام

هى دى مسالة ولا تعريف
what is the ratio of the diffusion rates of both
h2 and o2 gases
??

هو ينفع الأتنين مع بعض علي حسب...عايز نسبه انتشار غازات ..او ممكن يتحط كتعريف للdiffusion of gases

هى وحدة (مكعب)dm
تكافا كام سنتيمتر مكعب
؟؟
1000 سم مكعب

بالنسبة للملازم وكده
هو انت عندك ملازم للاستاتيكا او الرياضة عامة:huh:

؟؟
عندي ملازم رياضه كتير...بس في مشكله في الأسكانر أول ماافضي هصلحه...وهحاول انزله علي الأسبوع الجاي تقريبا

هو انتي قسم كيمياء فيزياء؟؟؟؟

***star***

12-10-2008, 05:24 AM

هو قسم فيزيا سبيشيل واحصاء وحاسب مجالات شغلهم ايه

ياريت لو حد يعرف يجاوبنى بسرعة بليييييييز

باى باى

قسم الفيزياء: في المراكز البحثية, زي المركز القومي للبحوث, و مركز الفلزات و هيئة الطاقة الذرية, و في اماكن تانية كتيييييييييييير

قسم الاحصاء: غالبيته مدرسين...

قسم الحاسب: شركات كمبيوتر....الخ الخ....وطبعا لو اتفوقت معيد ان شاء الله:)

Travel

15-10-2008, 08:06 PM

اممممم
عجبنى اوى الموضوع ده

هستغلك اوى فيه:)

-1-ينفع اجبلك حاجات انجلش (مصطلحات) وتترجمهالى؟؟
-2-اسئلة فى مادة الفيزيا

***star***

16-10-2008, 08:05 PM

اممممم

عجبنى اوى الموضوع ده

هستغلك اوى فيه:)

-1-ينفع اجبلك حاجات انجلش (مصطلحات) وتترجمهالى؟؟

-2-اسئلة فى مادة الفيزيا

اممممممم....موافق.....الي حد ما :)

Travel

18-10-2008, 11:41 AM

اسلام
متعرفش موقع او منتدى انزل منه محاضرات
اتشرحت
تبقى مساعدة جنب المحاضرات اللى بنقلها
بس علشان الكتب لسه منزلتش
ومفيش توضيح
مش مهم فرق الجامعات

***star***

18-10-2008, 02:18 PM

اسلام

متعرفش موقع او منتدى انزل منه محاضرات
اتشرحت
تبقى مساعدة جنب المحاضرات اللى بنقلها
بس علشان الكتب لسه منزلتش
ومفيش توضيح
مش مهم فرق الجامعات

لمواد ايه طيب....؟؟؟...علي العموم اما تكتبيلي اسامي المواد هبعتلك المواقع في رساله خاصه

Travel

18-10-2008, 03:48 PM

بصى يا اسلام

مادة/ حرارة وخواص مادة

ومادة/ صوت وامواج

ومادة/ التحليل الرياضى

والرياضة. . (ميكانيكا وتفاضل وجبر)

وكيميا فيزيا

وكيميا غير عضوية

. . . . . .
يعنى كل المواد تقريبا:rolleyes:

. .
حاجة تانية معلش
بالنسبة للمزاكرة وكده
انا بنقل المحاضرات
بس مش بنقل الافتراضات اللى هى بتقولها لنظرية معينة
كان فى مادة الكيميا فيزيا
المهم
انا زاكرت قوانين الفيزيا كلها وكل حاجة وبحل مسائل
بس علشان اتمم المزاكرة
مش عارفة احفظ المصطلحات والافتراضات دى
لانها بتقولها انجلش
مش بلحق اكتبها
فامش عارفة اجيب الحاجات دى منين
علشان كده بفكر فى المواقع اللى قلتلك عليها
وكمان ازود عليها
الورق من المكتبات
لان الكتاب لسه منزلش لغاية دلوقت
والوقت عقبال ما ينزل يكون نص المنهج خلص او متاخر:huh:

انت رايك ايه؟:bosyht9:

***star***

18-10-2008, 04:36 PM

بصى يا اسلام

مادة/ حرارة وخواص مادة

سهله اجيبهالك

ومادة/ صوت وامواج

منزلها في الفيزياء بأسم ال waves...في موضوع الملزمات لكليه العلوم..

ومادة/ التحليل الرياضى

الصراحه ماعرفهاش

والرياضة. . (ميكانيكا وتفاضل وجبر)

عندي بس مش كاملين ...فمستني اجيب بقيتهم من اصحابي في الكليه..وهنزلهم كلهم يعني (math1 ,2)

وكيميا فيزيا

تمام انزلهالك...وكنت جايب فيها جيد جدا :)

وكيميا غير عضوية

العملي بتاعها هنزله النهارده بليل في موضوع مثبت او بكره...والنظري موجود في موضوعات دكتور عاطف خليفه

. . . . . .
يعنى كل المواد تقريبا:rolleyes:

ربنا معاكي....

. .
حاجة تانية معلش
بالنسبة للمزاكرة وكده
انا بنقل المحاضرات
بس مش بنقل الافتراضات اللى هى بتقولها لنظرية معينة
كان فى مادة الكيميا فيزيا
المهم
انا زاكرت قوانين الفيزيا كلها وكل حاجة وبحل مسائل
بس علشان اتمم المزاكرة
مش عارفة احفظ المصطلحات والافتراضات دى
لانها بتقولها انجلش

اي حد جديد لازم تواتجهه المشكله دي..وواحده واحده كل حاجه بتبقي تمام...
مش بلحق اكتبها
فامش عارفة اجيب الحاجات دى منين
علشان كده بفكر فى المواقع اللى قلتلك عليها

هجيبلك افضل مواقع الفيزياء والكيمياء وهبعتهملك في رساله خاصه..علشان مش هينفع احط مواقع لمنتديات في القسم...
وكمان ازود عليها
الورق من المكتبات
لان الكتاب لسه منزلش لغاية دلوقت
والوقت عقبال ما ينزل يكون نص المنهج خلص او متاخر:huh:

انت رايك ايه؟:bosyht9:

ومن رأيي انك تعتبري المحاضرات هي اهم حاجه بالنسبالك....والورق بتاع المكتبات للمعيدين مهم جدا جدا جدا....اهم من الكتاب...وعلي فكره انا مفتحتش كتب الكليه غير تقريبا في مادتين من يوم مادخلتها....

Travel

18-10-2008, 04:46 PM

ومن رأيي انك تعتبري المحاضرات هي اهم حاجه بالنسبالك....والورق بتاع المكتبات للمعيدين مهم جدا جدا جدا....اهم من الكتاب...وعلي فكره انا مفتحتش كتب الكليه غير تقريبا في مادتين من يوم مادخلتها....
ماهو انا معتبرة المحاضرات والله اهم حاجة
بس مش بفهم مادة حرارة وخواص مادة
وده بالاجماع
ولا حد عندنا فهمها
بس انا مهتمية بالمحاضرات وبنقلها زى ما قلتلى
بس فى الفيزيا كيميا الافتراضات اللى عارضت نظرية الانتشار
ملحقتش انقلها من الدوك/ علشان كانت بتقولها انجلش
ده غير انى
يا اما افهم يا اما انقل:redface:
شكرا جداا لتعبك يا اسلام
بجد شكرا جداا
ربنا يكرمك باذن الله:)

الطفشان

18-10-2008, 07:40 PM

الســـــــــــــــــــــــــــــــــــــــــــــــ ـــــــــــــــــلام عليكم كيف الحال انا اولى بيولجى جامعة حلوان

Travel

19-10-2008, 09:05 PM

شموخ مسلمة

23-10-2008, 07:50 PM

معلش ياستار هتعبك شوية
بس عندى سؤالين فيزيا مش عارفاهم
او تقدر تقول مش فاهماهم:(

1-suppose that the three fundamental standards of the metric system were length,density and time rather than length,mass and time . the standard of density in this system is to be defined as that of water . what consideration about water would you need to address to make sure that the standard of density is as accurate as possible

2- A sidewalk is to be constructed around a swimming pool that measures (10.0+/-0.1) m by (17.0 +/-0.1)m . if the sidewalk is to measure (1.00+/-0.01)m wide by (9.0+/-0.1)cm thick ,what volume of concrete is needed , and what is the approximate uncertainty of this volume?

معلش يا ستار تاعباك
ربنا يوفقك

احمد محمد ثابت

24-10-2008, 04:27 PM

انا طالب فى علوم عين شمس
سمعت ان من حق طالب علوم انة يفتح صيدلية على اسمة دة صح ولا اة

ارجوكوا افيدونى ؟

***star***

26-10-2008, 03:39 AM

بالنسبة للى كنت قلتهولك قبل كده على المحاضرات

قلتلك انى هجيب ورق من المكتبة علشان الحاجات اللى بحتاجها ولسه منزلوش الكتب
طب انا سالت فى المكتبات
وطلع الورق لسه منزلش

الحل ايه

:confused:

معلش اتأخرت عليكم في الردود....الحل اطلبي اللي الملزمات اللي انتي عايزاها وعلشان تكون ادق اكتبي اسماء الدروس اللي بتاخديها وانا هنزلهالك..

***star***

26-10-2008, 03:40 AM

انا طالب فى علوم عين شمس
سمعت ان من حق طالب علوم انة يفتح صيدلية على اسمة دة صح ولا اة

ارجوكوا افيدونى ؟

لأ تقريبا مش صح الكلام ده....هو يفتح صيدليه لكن مش بأسمه...بس في دبلومات بتتحضر زي الميكرو بتبقي اقرب حاجه للصيدله..

***star***

26-10-2008, 03:55 AM

معلش ياستار هتعبك شوية

بس عندى سؤالين فيزيا مش عارفاهم
او تقدر تقول مش فاهماهم:(

1-suppose that the three fundamental standards of the metric system were length,density and time rather than length,mass and time . The standard of density in this system is to be defined as that of water . What consideration about water would you need to address to make sure that the standard of density is as accurate as possible

2- a sidewalk is to be constructed around a swimming pool that measures (10.0+/-0.1) m by (17.0 +/-0.1)m . If the sidewalk is to measure (1.00+/-0.01)m wide by (9.0+/-0.1)cm thick ,what volume of concrete is needed , and what is the approximate uncertainty of this volume?

معلش يا ستار تاعباك

ربنا يوفقك

حرام عليكي ..... ايه ده....والله ماعرفهم....والأولي دي كمان اللي عايز يحط الكثافه بدل الكتله في النظام المتري...تبقي اسالي فيهم الدوك ....معلش ياارق ملاك مش هقدر اجاوبهملك:(:(

prof.wessam

26-10-2008, 10:39 AM

زينب انتي بتسألي في انهي مكتبات اللي في السنتر عننا

Travel

26-10-2008, 06:54 PM

زينب انتي بتسألي في انهي مكتبات اللي في السنتر عننا
معلش وسام والله ماشفت سؤالك
اسفة بجد:(
انا بلف الجامعة كلها
بروح السنتر بجيب منه المسائل اللى بيقولها الدكاترة بس

بس فى مكتبة اسمها (ابن سينا)
كل الطلبة رجحوهالى وشكروا فيها جدااا

هروحها اجيب منها ورق اشوف ايه نظامه
لان بعض الدكاترة منزلوش الكتب لغايت دلوقت ومش عارفة اتعدل كده فى المزاكرة
وكمان عرفت ان فى قاموس المكتبة منزلاه
لطلبة علوم
بيقيدهم فى المصطلحات وبيساعدهم اوى

اسفة بجد والله مشفتش سؤالك:(

شموخ مسلمة

27-10-2008, 12:42 AM

حرام عليكي ..... ايه ده....والله ماعرفهم....والأولي دي كمان اللي عايز يحط الكثافه بدل الكتله في النظام المتري...تبقي اسالي فيهم الدوك ....معلش ياارق ملاك مش هقدر اجاوبهملك:(:(

و لا يهمك يا ستار
اصل ده بقى رئيس قسم الفيزيا و ماشاء الله عليه و ع مسائله
ع فكرة انا اصلا وديت الشيت النهاردة :)

ربنا يوفقك يارب

Travel

28-10-2008, 08:17 PM

اسلام
مش قلتلى انك هتنزل الملازم بالليل
هو لسه الليل بتاع امبارح
مجاش ولا ايه؟

:confused::confused:

Travel

28-10-2008, 08:21 PM

اسلام
تعرف حاجة عن ده
؟
DESICANTS

TRUE HYDRATE

EFFLORESCENCE

REVESTILITY OF HYDRATION

DELIQUESCENCE

تعريفات وامثلة
:confused:

***star***

29-10-2008, 06:04 AM

اسلام

تعرف حاجة عن ده
؟
DESICANTS

TRUE HYDRATE

EFFLORESCENCE

REVESTILITY OF HYDRATION

DELIQUESCENCE

تعريفات وامثلة

:confused:

EFFLORESCENCE

Definition: the process of losing water of hydration from a hydrate

DELIQUESCENCE

Definition: the process in which a soluble substance picks up water vapor from the air to fom a solution. In order for deliquescence to occur, the vapor pressure of the water in the air must be greater than the vapor pressure of the saturated solution.

DESICCANTS

DEFINITION:A desiccant is a fine grained material which readily absorbs moisture. This is far quicker than simply air drying. The biggest drawback is that the plants become very brittle as a result of this method so you need to take that into consideration. You can used washed fine sand, cornmeal and borax, mixed half and half, or silica gel as your drying medium. Each has good and bad points. If you have to choose only one, silica gel actually works in just a few days and if you choose the horticultural one, it contains a moisture indicator which is blue when dry and turns pink when moisture has been absorbed.

HYDRAYION

A solid compound containing water molecules combined in a definite ratio as an integral part of the crystal.

DEHYDATION

the removal of water. or the loss of two atoms for every oxygen atom(ex:H8O)

علي اد ماقدرت بقي.....وبعدين انتي تقصدي ب
REVESTILITY OF HYDRATION .....REVERSBILITY OF HYDRATION(DEHYDRATION

***star***

29-10-2008, 06:06 AM

اسلام

مش قلتلى انك هتنزل الملازم بالليل
هو لسه الليل بتاع امبارح
مجاش ولا ايه؟

:confused::confused:

معلش اصل كان عندي امتحان genetics ...ومكنتش اعرف....فأضطريت اقعد اذاكر:(....والحمد لله حليت ميه ميه:)... انا بنزلهم دلوقتي اهه

Travel

29-10-2008, 08:35 AM

معلش اصل كان عندي امتحان genetics ...ومكنتش اعرف....فأضطريت اقعد اذاكر:(....والحمد لله حليت ميه ميه:)... انا بنزلهم دلوقتي اهه

ولا يهمك
ربنا يكرمك باذن الله:)

علي اد ماقدرت بقي.....وبعدين انتي تقصدي ب
REVESTILITY OF HYDRATION .....REVERSBILITY OF HYDRATION(DEHYDRATION

هى كانت كاتباها كده
موش عارف
بس دول هيتحفظوا اللى انت نزلته على فكرة اسلام
متعرفش بقى تجيبلى امثلة عليهم
:confused:

***star***

29-10-2008, 08:43 AM

ولا يهمك
ربنا يكرمك باذن الله:)

هى كانت كاتباها كده
موش عارف
بس دول هيتحفظوا اللى انت نزلته على فكرة اسلام
متعرفش بقى تجيبلى امثلة عليهم
:confused:[/center]

حاضر اجيبلك امثله...وانا دلوقتي بنزل حاجات جديده في الموضوعات المثبته اهه

الحب الولهان

30-10-2008, 04:12 PM

***star***

30-10-2008, 04:15 PM

انا فى حاجات كتير محتجاها اوى من حضراتكم وبتبقى فى ملفات مرفقة بس مش بعرف انزلها ارجوكم ساعدونى لان انا محتاجهم اوى واتمنى منكم المزيد وشكرا على المجهود الرئع جدا جدا لستار والدكتور عاطف خليفة

اتفضلي اطلبي اللي انتي عايزاه..اما بالنسبه للتحميل فالروابط شغاله وانا حاططها اكتر من مره ..ومنزل العملي والشيتات في مواقع تحميل وفي المرفقات كمان...

اذكر الله

30-10-2008, 11:04 PM

على فكرة يا ترافل احنا بردة بناخد حرارة وخواص مادة ولا بنفهم منها اى حاجة ابدا :)والدفعة كلها
حتى كمان الكهربية والمغناطسية والضوء
وبصراحة مش عارفين العيب منين

محمد.فوكس

31-10-2008, 12:44 AM

***star***

31-10-2008, 08:45 AM

مش عارف انا شايف ان كل مذاكرتي هتبقى من الكتب و شوية من الشيتات بس المحاضرات حاسس انها مش هيبقالها الزمة.
مع ان في اجماع من كل الطلبة ان المحاضرات مهمة اوي .. بس يا ترى انا مش شايفها مهمة ليه؟

بص يامحمد......قولتلك كتب او محاضرات او ورق المكتبات كله تمام....بس اهم حاجه تذاكر صح ...مش تقعد تقول الماده ي سهله جدا وانا ممكن اخلصها في يوم واحد....وتيجي في الأخر كله يتراكم عليك...علشان كدا ابتديها صح مع اول شيت اخدته ...

Travel

31-10-2008, 08:48 AM

على فكرة يا ترافل احنا بردة بناخد حرارة وخواص مادة ولا بنفهم منها اى حاجة ابدا :)والدفعة كلها

حتى كمان الكهربية والمغناطسية والضوء

وبصراحة مش عارفين العيب منين

مش عارفة العيب من مين فعلااا
انا مش فاهمة اى حاجة فى الحرارة والخواص
وصوت وموجات مش اوى
بفهم 60% بمخى انا معاه
المحاضرة والله كله بيخرج مش فاهم اى حاجة

ربنا معانا:)

Travel

31-10-2008, 10:16 AM

اسلام
بالنسبة لل

BASIC RADICAL 2

اللى انت نزلتها
فى حاجات فيها احنا مخدنهاش

املاح معينة
وكتيير

ايه نظامها
؟؟
:confused:

sheets_of_physical_&organic

وده مش فاهماه
:confused:

***star***

31-10-2008, 10:22 AM

اسلام
بالنسبة لل

BASIC RADICAL 2

اللى انت نزلتها
فى حاجات فيها احنا مخدنهاش

املاح معينة
وكتيير

ايه نظامها
؟؟
:confused:

sheets_of_physical_&organic

وده مش فاهماه
:confused:

بصي ياترافيل....الشيتات دي لازم تبقي مقرره عليكم...لأنها ثابته علي كل الجامعات....وانتو لسه التيرم طويل اكيد هتاخدو بقيتها....اما بالنسبه لشيتات physical & organic.....فتقريبا مقرره عليكم التيرم التاني

Travel

31-10-2008, 12:35 PM

اسلام لو سمحت

***star*** تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.

فى حاجة ضرورى

***star***

31-10-2008, 12:41 PM

اسلام لو سمحت

فى حاجة ضرورى

الغي الرسايل اللي انتي مش عايزاها .... وادخلي عادي ...انا بردو عندي مساحه الرسايل 100% ...وبلغي في الرسايل اهه

Travel

31-10-2008, 12:43 PM

الغي الرسايل اللي انتي مش عايزاها .... وادخلي عادي ...انا بردو عندي مساحه الرسايل 100% ...وبلغي في الرسايل اهه

ده عندك انت
لما اجى ابعت رسالة ليك
بيقولى كده:angry2:

Travel

06-11-2008, 10:29 AM

اسلام
نزلوا عندنا فى المكتبات امتحانات
للمواد كلها
بحلولها
بس انا شاكة انها حل الطلبة نفسها مش الدكاترة
واكيد طبعا هيفرق كتيير
اجيبها واطلب من الدكاترة انها تحلها
:confused:

***star***

08-11-2008, 09:21 PM

اسلام

نزلوا عندنا فى المكتبات امتحانات
للمواد كلها
بحلولها
بس انا شاكة انها حل الطلبة نفسها مش الدكاترة
واكيد طبعا هيفرق كتيير
اجيبها واطلب من الدكاترة انها تحلها

:confused:

تمام جيبيها وذاكري منها....لأني مااعتقدش ان الدكاتره هترضي تحل من ملزمات بره...ممكن الدكتور يحل كام سؤال منها لو انتي سألتيه...انما غير كدا مااعتقدش اني هيرضي....

Kareem Ahmed

13-11-2008, 12:11 PM

بسم الله الرحمن الرحيم

انا كريم علوم اسكندرية شعبة جيولوجيا و احب ابلغ حضرتك ان الخرائط الكنتورية انا ميح فيها مش فاهم فيها حاجة يا ريت اى وسيلة مساعدة و لو حتى حذف جابتين ههه نرجو سرعة الرد ( سلام )

lodge

13-11-2008, 04:13 PM

ممكن يعنى تجبلى اى شرح مبسط للاستاتيكا

ellama

22-11-2008, 02:23 PM

انا احمد فى علوم القاهرة وبش عارف اذاكر ازاى وقاعد فى المحضرات تاية وبش فاهم اى حاجة حد يقولى اعمل اية
يعنى مش انا لوحدى

ربنا معانا كلنا

ellama

22-11-2008, 02:41 PM

هو اللى مايحلش كويس فى المد ترم يجرالة اية؟؟؟؟؟؟؟؟؟؟؟
:(

***star***

22-11-2008, 04:08 PM

هو اللى مايحلش كويس فى المد ترم يجرالة اية؟؟؟؟؟؟؟؟؟؟؟
:(

والله العظيم تقدر تعوض وتجيب تقدير حتي لو محلتش حاجه خالص في الميد تيرم...بس انت دلوقتي ركز علي العملي كويس اوي...وبعدين \ركز علي النظري....وان شاء الله ربنا هيوفقك

meeky

24-11-2008, 09:12 AM

في ناس بتقول لوقفلت العملي علشان تجيب مقبول تجيب في النظري 8%
انا مش فاهمة ازاي ؟ واصلا العملي عليه 30% بس

Kareem Ahmed

24-11-2008, 11:27 AM

في ناس بتقول لوقفلت العملي علشان تجيب مقبول تجيب في النظري 8%
انا مش فاهمة ازاي ؟ واصلا العملي عليه 30% بس

و لية نفكر فى مقبول مع ان ممكن نجيب جيد جدا و امتياز كمان ان شاء الله بس بشوية مجهود و مذاكرة منك ممكن تجيبى درجات كويسة و ربن يوفقك يا رب و يبعد عنك المقبول و تكونى من اهل الجيد جدا و الامتيازات امين

prof.wessam

12-12-2008, 12:58 PM

شموخ مسلمة

12-12-2008, 07:42 PM

السلام عليكمم انا مش هسأل عن الكلية
انا هسأل عن اغنية سمعتها عن الطلبة اللي في علوم
هي تريقة شوية علينا بس جميلة والله
من واحدة في علوم القاهرة

يا ريت لو تعرف تنزلها عشان انا نفسي اسمعها تاني واحطها عندي

ههههههههههههههههه
معايا ع فكرة يا وسام
واحد علمى رياضة عاملها بس يابنتى عادى يعنى كل كلية بيعملولها اغنية تريقة كده
ميزة دى بقى مش فيها ميوزيك خالص بس مضحكة جدااااااا
ياللا غيظتك انا كده:pكفاية بقى
يابنتى شدى حيلك اهم حاجة
بالتوفيق يا قمر
************************************************** **

معلش يا ستار كان عندى استفسار فى الرياضة
يعنى ايه العدد"b"هو النهاية اليمنى للدالة"f"عند النقطة"a"اذا كان لكل
ابسلون>0,دلتا>0 بحيث انا :
لكل xتنتمى لG
0<x-a<دلتا..........|f(x)-b|<ابسلون
و زيها برده النهاية اليسرى للدالة
مش فاهمة اى واحدة منهم خااااااااااااااالص:(

و كمان يا ستار هو القوس ده [] بيرمز لايه؟

prof.wessam

13-12-2008, 01:48 PM

طب يا ريت ترفعيلي الاغنية بليز

شموخ مسلمة

13-12-2008, 02:35 PM

طب يا ريت ترفعيلي الاغنية بليز

و الله يابنتى هيا الاغنية عندى ع الموبايل و نظرا لان الموبايل مش عايز يتعرف ع الجهاز فمش هقدر ارفعها :(
متاسفة بجد يا وسام كنت اتمنى اجيبهالك
ربنا يوفقك

H.H.KH

14-12-2008, 08:56 PM

***star***

15-12-2008, 06:31 PM

هو انا عندى الأغنية ديه على الموبايل ......وبما انى شايفاكى مهتمة اوى ونفسك فيها جدا ...فهحاول ارفعهالك .....بس معلش ممكن مش الايام ديه لان عندى امتحانات عملى....وربنا يوفقك ويوفقنا كلنا:)

طيب ياريت تبقو تنزلوها علشان نلحق نشوفلها anti songs قبل ماتنتشر وتبقي خطر علينا:angry2::angry2::angry2:

zoro_st

16-12-2008, 10:14 PM

انا عايز شيتات العملى بتاعت الجيوفزيا لسنة اولى
جف 101

mahmouedr

08-01-2009, 08:49 AM

يا ريت تقولى مجموع الكلية دى من كام تقريبا علشان أنا نفسى أدخلها

***star***

09-01-2009, 03:49 AM

يا ريت تقولى مجموع الكلية دى من كام تقريبا علشان أنا نفسى أدخلها

ان شاء الله تدخلها وتكون معانا فيها....وابقي ابحث في جوجل عن نتيجه تنسيق المرحله الأولي والثانيه من تنسيق 2007 و 2008 وانت تجيب متوسط مجموعها:)

sama17

13-02-2009, 01:11 PM

اسلام:)
ميرسي على كل الحاجات الجامدة دى و الله :)
انا ليا سؤال :)
انا كلية علوم قسم علوم طبيعية و رياضة...
طبعا احنا لسه فى سنة اولى:...و نزلت درجات معمل الفيزياء ...جبت فيه درجه حلوة 43-45
سؤالى بقى..انا حاسة انى مش حليت حاجة فى امتحان النظرى بتاعها..هو ممكن اشيل المادة؟؟؟ولا العملى هيرفعنى و لا ايه؟؟
و سؤالى التانى ..بجد بجد اانا عاوزة ابقى حاجة جامدة فى القسم دة...اعمل ايه؟؟؟و على فكرة انا مش بحب شغل الدح دة بيتعبنى ..هو المحاضرة بحضرها و سلام عليكم على كدة..صح ولا غلط؟؟؟
و شكرا اوى و الله انتا برنس..

thief

06-03-2009, 02:21 AM

ياجماعه لو سمحتم كنت عايز اعرف منكم الله يكرمكم ايه هى الاقسام اللى ممكن خريج علمى رياضه ثانوى عام يخشها فى علوم جامعه القاهرة ارجوكم محتاج ردكم عليا لانى بجد مش عارف وهل ياترى انا ينفع اخش قسم جيولوجيا ولا لا
اخوكم اسلام ابراهيم تالته عام علمى رياضه

thief

11-03-2009, 11:25 PM

لو سمحتم ياجماعه كنت عايز اعرف فى فالتنسيق بيكتبو علوم/رياضه وعلوم بس وكل حاجه وليها مجموع معين ايه دة وليه الاختلاف فى المجموع ياريت تقيدونى انا اخوكم سامو علمى رياضه سنه تالته وكنت عايز اعرف لو سمحتم ضرورى

thief

12-03-2009, 03:18 PM

لو سمحتم ياجماعه كنت عايزة اسالكم هو علوم عين شمس/رياضه احسن ولا القاهرة /رياضه مع العلم بان عين شمس واخده اقل فى المجموع انا اختكم تالته علمى رياضه ممكن تفيدونى وياريت تعرفونى هو نظام المصاريف ايه سواءا فى القاهرة او عين شمس الله يكرمكم ياجماعه فيدونى

karem20055002

13-04-2009, 02:09 PM

***star***

14-04-2009, 02:50 PM

طيب استاذ / استاذة ***star***

انا عندي كام سؤال كدة فأرجوا انك توسع صدرك معايا شوية

انا كريم طالب اولي ثانوي لسة وداخل علمي ان شاء الله

1_ هل كلية العلوم بتاخد من علمي علوم ولا علوم ورياضة ولا اقسام ( ارجوا التوضيح )
2_ بالنسبة للعمل بمجال البترول هل هو متوفر ام انة حلم كما يقول الاغلبية . وان هندسة بترول افضل ؟
3_ هل كلية العلوم افضل ام الهندسة (بصفة عامة ) من ناحية العمل . المرتب . الدراسة . المجموع . الخ الخ

وانا بسأل الاسئلة دي لأن في ناس كتيير قالولي بلاش علوم وحرام تضيع اربع سنين وكأنك معملتش حاجة
او بمعني اصح ( كسروا مجاديفي )

في انتظار الرد .

بالنسبه لعلمي علوم تقدر تدخل منها بيولوجي وجيولوجي.....اما بالنسبه لعلمي رياضه تقدر تدخل منها علوم جيولوجيا او رياضيات بس....

هو هندسه بترول افضل شويه انما بصراحه لو لقيت فرصه شغل في المجال ده كويسه....يمكن تبقي في يوم احسن من واحد في هندسه بترول بكتير...

مفيش حاجه اسمها كليه كذا افضل من كليه كذا صدقني.....طيب كليه الطب ماهو الواحد هيتخرج منها بمرتب قليل جدا اما يشتغل في مستشفي....وحلني بقي عقبال مايعمل اسم ويشهر نفسه....وبالنسبه للمرتب دي مقدرش اضمنهالك في اي حاجه ...هي وظروفها.....

خلص انت بس وسيبك من حكايه المرتب دلوقتي..وان شاء الله تدخل كليه حلوه وتكون جايب مجموع احلي:).... وربنا يوفقك

محمد.فوكس

14-04-2009, 08:05 PM

بعد اذنك يا معلم اسلام ..
لازم يعني نعرفه ان علوم طبيعية اللي هو من علمي رياضة بيدخل فيزياء و كيمياء و حاسب.
لامؤاخذة ..
شكرا

thief

15-04-2009, 06:17 AM

thief

15-04-2009, 06:20 AM

ولو سمحتم ياجماعه هو ممكن خريج علمى رياضه يلتحق بقسم العلوم الجيولوجيه والجيوفزيائيه ولا لا بكليه عين شمس او القاهرة

محمد.فوكس

15-04-2009, 08:06 PM

سلام عليك ياشباب لو سمحتم انا كنت عاوز اعرف ايه برنامج او قسم جيولوجيا البترول دة اللى موجود بجامعه القاهرة كليه العلوم وهو ياترى بمصاريف دة ولا ايه وبيقبل من علمى رياضه ولا لا
انا اسلام 3 ث رياضه وكنت عاوز حضارتكم تفيدونى يعنى
شوف يا ريس .. انا معرفش النظام في جامعة القاهرة .. بس برنامج جيولوجيا البترول موجود عندنا في جامعة اسكندرية.. و هو بمصاريف 10000 جنيه في السنة...و بيقبل من علمي رياضة

محمد.فوكس

15-04-2009, 08:08 PM

ولو سمحتم ياجماعه هو ممكن خريج علمى رياضه يلتحق بقسم العلوم الجيولوجيه والجيوفزيائيه ولا لا بكليه عين شمس او القاهرة
اكيد ممكن.. انا اعرف في تلات اربع جامعات انه ممكن اكيد برضه عين شمس ممكن..و القاهرة اكيد.

thief

16-04-2009, 01:33 AM

شكرا يامان على ردك
بس كنت عاوز اعرف من حضرتك هو القسم دة ممكن الواحد يروح صندوق التكافل الاجتماعى ويعمل بحث ويتعفى بجزء من المصاريف ولا ملهومش دعوة ولازم تدفع اصل بصراحه يامان المصاريف عاليه اوى
ارجو الرد منك يافوكس اخوك فى الله اسلام

محمد.فوكس

16-04-2009, 03:01 AM

فعلا المصاريف دي كتير اوي يا معلم .. الحقيقة انا معرفش موضوع التكافل الاجتماعي ده في الكلية و معرفش يمشي ولا لا...بس اعتقد ما ينفعش لانك قدامك اقسام تانية ببلاش.
احنا عندنا لما نتيجة الترم الاول طلعت .. الاول شالو عنه المصاريف .. و التاني شاله عنه 75%منها.. و التالت50%
بس انا عايز اقولك ان في اقسام تانية حلوة اوي زي الجيوفيزياء انا كنت هغير رأيي و ادخله بس جت معايا طبيعية..و بعيدا عن الجيولوجيا انت عارف طبعا الكيمياء اكتر قسم ليه مجالات عمل.. بس مدام انت رامي عالجيولوجيا فزي ما قولتلك بالاضافة لجيولوجيا البترول في الجيوفيزياء و تخصص الجيولوجيا نفسه.

thief

16-04-2009, 03:25 AM

يعنى يامان ممكن لو مدخلتش جولوجيا البترول دى ممكن اخش قسم جولوجيا اوجيوفيزيا واتخصص جوة بقى
وليا طلب تانى معلش انا كنت عاوزك تعرفنى ايه نظام التشعيب اللى على الموقع دة
http://sci.shams.edu.eg/InformationForStudents_index.ASP
مع العلم يامان انى علمى رياضه ممكن تقولى ايه الاقسام اللى ممكن اخشها وممكن لا ؟
وايه احلى الاقسام بالنسبه لفرص العمل وازاى باختار القسم اللى انا عايزة

محمد.فوكس

16-04-2009, 03:46 AM

ش فاهم يعني ايه تتخصص جوه ..هو لو دخلت مثلا جيوفيزياء هتتخرج بتخصص جيوفيزياء.
بالنسبة لللينك انا هدخل و احاول اشرحهولك .. بس لو انا فهمته اصلا
و زي ما انت عارف انا علوم اسكندرية

thief

17-04-2009, 02:57 AM

ايه يامان بص يافوكس انا كنت عاوز اقولك بمعنى اصح انا ينفع يعنى اخش جيوفيزيا ولا لا اصل كل ماسال حد يقولى انتا عشان رياضه مينفعش تخش جيو انتا علوم طبيعيه فقط دة صحيح ولا لا؟

محمد.فوكس

17-04-2009, 01:22 PM

لا مش صحيح ..علمي رياضة يدخل جيولوجيا و جيوفيزياء

thief

01-05-2009, 12:01 PM

لو سمحت يافوكس هو ايه الفرق بين قسم الكميا فقط وقسم الكميا والفيزيا معا وهل خريج علمى رياضه ينفع يخشه ولا لا ؟ ارجو الرد من حضرتك:049gc0:

محمد.فوكس

01-05-2009, 02:55 PM

في حاجة اسمها بكالوريوس خاصة و دي بياخدها اللي دخل شعبة خاصة اللي هي مثلا كيميا بس و بنسميها كيميا سبيشيال و البكالوريوس العامة دي بياخدها اللي دخل شعبة عامة زي كيميا/فيزيا و بنسميها كيميا جنرال و في الحالة دي بيبقى الكيميا اسمها تخصص رئيسي و الفيزياء تخصص فرعي.
الفرق ان اكاديميا الكيميا سبيشيال احسن لان اللي بيدخلها عدد قليل و هم الاوائل على دفعتهم و بيبقى ليها شروط في التقدير.
الكيميا فيزيا بيدخلها اللي كانو عايزين يتخصصوا في الكيميا بس مقدروش يدخلو سبيشيال.
بالنسبة للمواد الكيمياء سبيشيال بيدرسوا كيميا بس بمعنى كل انواع الكيمياء حيوية و تحليلة و فيزيائية و عضوية و غير عضوية.
الجنرال بياخدو انواع كيمياء اقل من سبيشيال في مقابل انهم بياخدو مواد فيزياء.
انا اسمع ان كيميا فيزياء بيبقوا مطلوبين اكتر في الشغل بس برضه كلنا بنسعى اننا ندخل سبيشيال لان غالبا بياخدو منها المعيدين.
و بالنسبة لسؤال علمي رياضة ينفع يخشه ولا لا .. احب اقولك ان قسم الكيميا سبيشيال ينفع يدخله اي حد في كلية العلوم بس يطلع منن الاوائل زي ما شرحتلك .. اما قسم كيميا/فيزيا فاحب اقولك ان علي رياضة بس هم اللي بيدخلوه و عموما اي حاجة فيها فيزياء يبقى علمي رياضة و طبعا قسم الفيزياء مينفعش يدخله غير علمي رياضة بس يكون دخل علوم طبيعية مش جيولوجيه.
لو دخلت جيولوجية ممكن تبقى كيميا سبيشايل بشروطها او تبقى كيميا/جيولوجيا.

mora-x29

11-05-2009, 04:27 AM

السلام عليكم ..

لو سمحتو ممكن اعرف معلوماتـــــــ عن تخصص zoology&chemistry

وايهـ الفرق بينهـ وبين special zoology..

من حيث كل حاجهـ الدراسهـ والعمل والافضل فيهم ..

وثاانكس..

mora-x29

11-05-2009, 04:35 AM

اوه ..

وياريتـــــــــ كمان لو اعرفــــــــ ايهـ الدبلوماتــــــــ المتاحهـ للقسمين ..

هاجر مرسى

18-05-2009, 08:14 PM

MuHaMeD kHaLeD

22-05-2009, 05:36 AM

صباح الفل يا ستاااار ..... !!!!!

انا عندي كام سؤال كده

السؤال الاول ... الموبايل اللي في ايدك ده نوعه ايه و بكام !!!!!

السؤال الثاني .... عايز اعرف ايه هو افضل اقسام علوم بيولوجي

عشان ان ناااوي ادخل علوم السنادي .... !!!!

دعواتكم يا جماعه .... !!!!!

:p

محمد.فوكس

22-05-2009, 04:35 PM

السلام عليكم انا هاجر فى 3ث رياضة وكنت عايزة اطلع عالمة فضاء وسمعت عن قسم فللك وارصاد جوية فى علوم القاهرة فكنت عايزة اسال عن تخصصاته وهل القسم دا موجود فى علوم الاسكندرية
وايه الدبلومات اللى اقدر اعملها علشان اتخصص فضاء
او من الاخر انا مستعدة اعمل اى حاجة علشان اطلع عالمة فضاء ومش اعمل ايه؟؟؟؟؟؟؟؟؟؟؟؟؟
قسم علوم الفضاء المفروض انه كان هيتفتح اول سنة في جامعة اسكندرية لطلبة المستوى الاول 2008/2009 اللي انا منهم .. لكن العميد قال ان التجهيزات لسه مخلصتش و انه ممكن يبقى متاح للدفعة اللي بعدنا.
بالنسبة للدبلومات مش عارف لانه لسه مفتحش.

هاجر مرسى

23-05-2009, 03:57 PM

طيب هو القسم دا موجود فى اى جامعة تانية فى مصر حتى ولو كانت جامعة اسوان

زيزو1900

06-06-2009, 05:03 AM

طبعا يا هاجر اسالي في القاهرة وعين شمس

nadalove

07-06-2009, 01:02 PM

[COLOR=red]ياشباب انا طالبه فى الثانوى عاوزه اعرف العلوم مجمعها كام ممكن تطمنونىCOLOR]

nadalove

07-06-2009, 01:04 PM

علوم اسكندريه مجمعها كام

زيزو1900

08-06-2009, 01:13 AM

علوم اسكندريه مجمعها كام

بتختلف من سنة لسنة وبتختلف اذا كنتى علمى علوم ولا علمى رياضة

سنتى انا كانت علمى علوم علوم طنطا 95 وعلمى علوم اسكندريه 93 وعلوم من علمى رياضة كانت 87
ودة طبعا بيختلفوا في الاقسام مش بيبقي للعلمى رياضة اقسام غير الرياضة والفزيا وبعض الكليات بيبقي ليهم الحق في انهم يدخلو قسم كميا
انما علمى علوم بيبقي ليه الحق في انه يدخل اي قسم من اقسام الكليه

السنة اللي فاتت كانت علوم طنطا من علمى علوم كانت 90% ومن علمى رياضة كان 88

وعلي فكرة بعد ماهتدخلي الكليه هتلاقي ناس معاكى جايبين 96 و97 حتى لو التنزيل كان نازل لانهم بيكتبو ترتيب الرغبات فبيجلهم طب بيطري فيحولو من بيطري لعلوم عشان التحاليل وعشان من وجهة نظري ان افضل كليتين في مصر هم الصيدله وعلوم

نادر خطاب

17-06-2009, 09:33 PM

ما مزيا قسم علوم الحاسب جامعة الزقازيق وهل هذا القسم افضل من قسم الفيزياء ام لا

m_E_zayed

26-06-2009, 03:19 AM

انا طالبه في اولى علوم طبيعيه – علوم دمنهور
انا عيزه اعرف التحويل من الكليه بيكون على أي اساس واي الاقسام الخاصه بمصاريف الموجوده في جامعة القاهره واسكندريه عشان انا حسه ان انا باخد ماتريل ناقش وضعيف
و كمان يريت تقولولي هو ايه علوم الحاسب ديه وهل هي قسم خاص وفعلا زي ما ناس بتقول انها زيها زي حاسبات
و التخصاصات ممكن تكون من سنه اولى وله بتكون في تالته
و هل تخصص حاسب احسن وله حاسب واحصاء وايه الفرق في المواد
وهل مستقبل خريج علوم قسم حاسب بيكون نفس خريج حاسبات يريت الافاده بسرعه عشان بجد انا عيزه احول
و يريت تقولوي ايه الاحسن هل اسكندريه وله القاهره
و معلش آخر حاجه انا سمعت ان طلبة الشهادات المعدله إلي واخد ثانوي من بره مصر لو حد منهم سقط في سنه اولى عادي انه يحول رغم سقوطه بعكس الشهاده المصريه يا عني الي واخد ثانويه عامه من مصر لازم يكون معدي عشان يحول .......... يريت تفيدوني بسعه ومعلش لو كان في اسأله مكرره وشكرا ليكم

MOHAMED SAMIR1

26-06-2009, 04:04 PM

زيزو1900

29-06-2009, 10:09 PM

السلام عليكم ورحمة الله بداية احب ان اشكرك علي هذا الموضوع الرائع واريد ان استفسر منك عن الفرق بين المواد اللي بيدرسها طالب علمي علوم (في الثانوية) بعد التحاقه بكلية علوم وطالب علمي رياضة ومجالات التوسع في الدراسة والشغل (بعد التخرج باذن الله ) بتبقي متاحة لمين اكتر

فيه فرق شاسع بين طالب علمى علوم وعلمى رياضة في كليه العلوم

علمى علوم متاح له جميع انواع الاقسام في الكليه زى قسم الكميا وقسم الميكروبيولوجى وقسم الكميا والميكروبيولوجى وقسم الكميا الحيوى اللي هم اصلا اساس التحاليل الطبيه وبيطلع بعدها بياخد دبلومة 7 شهور وبيبقي دكتور تحاليل وكمان ممكن يشتغل في شركة ادويه زيه زى الصيدلي او بترول او بلاستك او اسمنت او اي حاجة داخله فيها كميا وممكن يشغل مديكال ريب برضة زى الصيدلي وبمرتبات عاليه جدا 2000 جنيه وبيدولك عربيه بعد 4 شهور

اما علمى الرياضة له قسم العلوم الطبيعية اللي بيتدخله قسم رياضة او فزيا او حاسب وبعض الكليات تسمح للمتفوقين في علمى رياضة واللي جايبين جيدجدا في سنه اولي بدخول قسم الكميا وقسم الجيلوجيا

eng--zako

09-07-2009, 06:16 PM

لو سمحتم عاوز معلومات عن قسم علوم الحاسب الي من شعبة فيزيا رياضة

صديقة الذكريات

16-07-2009, 10:10 PM

هو لازم اللى يدخل كلية علوم يبقى كان علمى فى الثانوى مينفعش ادبى

البروفيسير55

17-07-2009, 02:28 PM

انا فى 3 ثانوى حاصل على 93%
هل ممكن الحق علوم(المنصورة)
هل دخول القسم مرتبط بدرجة الاحياء ولا المجموع الكلى
درجة الاحياء37.5
وياريت اعرف احسن اقسام الكلية

زيزو1900

17-07-2009, 07:54 PM

هو لازم اللى يدخل كلية علوم يبقى كان علمى فى الثانوى مينفعش ادبى

طبعا بالتاكيد لازم يكون علمى

زيزو1900

17-07-2009, 09:44 PM

انا فى 3 ثانوى حاصل على 93%
هل ممكن الحق علوم(المنصورة)
هل دخول القسم مرتبط بدرجة الاحياء ولا المجموع الكلى
درجة الاحياء37.5
وياريت اعرف احسن اقسام الكلية
ان شاء الله تلحق علوم وتحققكلك كل احلامك

وبالنسبه لدخول الاقسام كل كليه لها نظامها
وبالنسبة للاقسام الكليه والتعريف بالكليه

.................................................. ................................
كليه العلوم

لو عايز تدرس طب ومواد طب فسيولوجى وانسجة وخليه وتحاليل كميائيه وطبيه الخ وتشتغل دكتور تحاليل طبيه في الستشفيات والمعامل يبقي مكانك في كليه علوم
لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه يبقي مكانك عندنا
لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم
لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم
لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم
لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا
لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم

هى الكليه التى يدرس بها كل العلوم الحيه والغير حيه الخاصه بالطبيعه والدراسه طبعا فيها باللغه الانجليزيه في كل الجامعات المصريه
والدراسه على اربع سنوات(نقطة نقاش)

اقسام الكليه الرئيسيه

1- قسم الكمياء الخاصة( special chemistry)
وتدرس فيه كل فروع الكميا من

الكمياء الحيويه

( وتدرس فيها جميع التفاعلات الخاصه بالكائن الحى وخصوصا جسم الانسان
وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه
وهى غير موجوده فى كل الكليات كأقسام ولكن تتدرس كمواد في قسم الكميا الخاصة زى الكميا العلاجيه وزى الكميا الحيويه 1 وكميا حيويه 2

الكمياء التحليليه

( ويدرس فيها كل مايخص التحليل الكميائى لاى شئ بالقوانين والمعادلات والنظريات
وتاتى فى المرتبه الثانيه من الكمياء لارتباطها الشديد بالاجهزه التحليليه
ويكون المتخصص فيها قدر على استخدام شتى الاجهزه

الكمياء العضويه

( ويدرس فيها كل مايخص العضويه من تفاعلات خارج الجسم وفى التربه وفى الطبيعه
وهى مرتبطه كثيرا بالصناعه فى مختلف المجالات )

الكمياء الصناعيه

( ويدرس فيها المواد الصناعيه مباشره وبعض المؤثرات والعلاقات فى الصناعه )زى industrial chemistry- اللي بتدرس فيها الصناعات الكميائيه زى صناعة الكميائيه للدهانات والخشب والزيوت

وهناك مواد اخرى كثيره ولكن لن اعرف وصفها بالعربى او حتى اسمها مثل
spectroscopy- sterochemistry- inorganic chemistry - physical organic- quantm- natural product - and more

2 - قسم البيولجى ويندرج تحته اقسام

قسم microbiology الميكرو بيولجى

وده مهم جدا زى الكمياء الحيوى ويختص بدراسه الكائنات الدقيقه (بكتريا وفيروسات وفطريات وطحالب)

قسم zoology علم الحيوان

وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه

قسم Botony علم النبات

ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا

بدراسه الفيروسات

قسم entomology الحشرات

ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
بمقاومه الافات والحشرات ( الجراد)

قسم الكميا الحيوى ( موجود في بعض الجامعات وليست كلها

وتدرس فيها جميع التفاعلات الكميائيه الخاصه بالكائن الحى وخصوصا جسم الانسانة وتدرس فيها الكميا العلاجيه زى المسكنات وخافضات الحرارة وزىمضادات البكتريا والفطريات والفيروسات والطفيليات
وهى من اقوى الفروع فى الكمياء وتتخصه من بيولوجى وتفتح مجا لات عمل
للمتخصصين فيها مثل التحاليل والادويه

قسم علوم وبحار والاسماك
ودة بتدرس فيه كل ما يتعلق بعالم البحار وانواع الاسماك
ودة طبعا شغله في المزارع السمكيه ومجال البحث العلمى

قسم الكميا والميكروبيولوجى
وهو قسم مهم جدا بيملكلك العصايه من النص يعنى انت كميائي وفي نفس الوقت microbiologist
تدرس فيه كل فروع الكميا السابقة (حيويه وعضويه وتحليله وفزيائيه ) وايضا تدرس فيه كل فروع الميكروبيولوجى السابقة (البكتريا والفطريات والطحالب والفيروسات)

قسم الكميا والحيوان
وهو قسم هجين بين الكميا والحيوان وتدرس فيه علوم كل فروع الكميا وكل فروع الحيوان من الطفيليات والفسيولوجى والامراض الوراثية والانسجة وعلم الخليه الخ

قسم الكميا والنبات
هو قسم هجين بين الكميا والنبات وتدرس فيه كل فروع الكميا وكل فروع النبات من امراض نباتيه ووراثيه

قسم البيوتوكنولوجى (قسم موجود في بعض الجامعات فقط)
تدرس فيه DNA وماشبه الخ
والخ

3-قسم الجولوجيا

وهوقسم يختص بدراسه سطح الارض ومافيها من معادن وغيره

4-قسم الفيزياء

قسم خاص بالتجارب والقوانين والعلاقات الرياضيه والدوائر الكهربائيه

5-قسم الحاسبات والرياضه

وهوقسم تدرس فيه كل فروع الرياضيات والحاسبات

6-قسم الفلك والارصاد الجويه (موجود في بعض الجامعات وليست كلها)
تدرس فيه كل ما يتعلق بالفلك والنجوم والكواكب والارصاد الجويه

hemahemo

18-07-2009, 10:37 AM

اذيكو ياعباقر
عايز ادخل علوم بس قلقان
اية رايكم

hemahemo

18-07-2009, 10:38 AM

اي احسن مكان

hemahemo

18-07-2009, 10:45 AM

هو الكميا الحيوى زى الكمياء الحيوية

hemahemo

18-07-2009, 10:53 AM

يا عم star انا بفكر فى علوم اية رايك
على فكرة انا شايفك جامد وفاهم

silent_eyes

18-07-2009, 06:30 PM

زيزو1900

18-07-2009, 08:53 PM

اذيكو ياعباقر
عايز ادخل علوم بس قلقان
اية رايكم

بص لازم تكون واخدها تحدى من اول يوم في الكليه وماتقلقش ادام انت بتعمل اللي عليك

زيزو1900

18-07-2009, 09:00 PM

هو الكميا الحيوى زى الكمياء الحيوية

بالنسبه لسؤالك افضل كليات العلوم بص معظم كليات العلوم حلوه انا درست في تلات جامعات وكلهم كويسين

وبالنسبة للفرق مافيش فرق في الكلمه ذات نفسها
لكن الفرق في ان الكميا الحيوى الاولي تتاخد كمواد تابعة لقسم الكميا ودة بيدرس كل انواع الكميا
انما الكميا الحيوى الثانى هو قسم كامل موجود داخل بعض كليات العلوم اللي فيه بيدرسو مواد كميا حيويه بس

زيزو1900

18-07-2009, 09:04 PM

جزاك الله خيرا على مساعدتك
وانا طالبه شويه معلومات عن قسم علوم الحاسب
انا طالبه علمى رياضه
وكنت عايزه اعرف هل القسم ده جزء من قسم الرياضه
بمعنى ان هل الطالب فى هذا القسم يقوم بدراسه الرياضه البحته والتطبيقيه الى جانب علوم الحاسب
وهل هو بينزل منفصل فى التنسيق ولا لازم يقبل فى قسم رياضه وبعد كده بيكون فى تنسيق داخلى ؟
وجزاك الله خيرا

بصراحة معنديش معلومات عن القسم لانى كنت علمى علوم
بس اللي اعرفة ان فيه قسم حاسب خاص موجود عندنا هنا في طنطا
بس بتدخلي اولي علوم فزيائيه وبعدين بتتخصصي بعد كدة
دة علي حد معلوماتى

hemahemo

19-07-2009, 01:28 PM

Merce Kateeeer ya Mr. zeeroo
اية رايك تمريض ولا علوم

hemahemo

19-07-2009, 01:32 PM

i so so so sorry Mr. zezo

hemahemo

19-07-2009, 03:46 PM

هو انت يا زيزو فى علوم المنصورة

زيزو1900

19-07-2009, 09:37 PM

Merce Kateeeer ya Mr. zeeroo
اية رايك تمريض ولا علوم

the first thing im a doctor not mr
لان كلمة دكتور لا تطلق الا علي من حمل دكتوراه لكن تطلق مجازا علي اي واحد بيشتغل في المجال الطبي ومعاه بكالوريوس
عشان كدة انا دكتور تحاليل طبيه(اخصائي تحاليل طبيه)

والكارنيه في النقابه مكتوب فيه اخصائي تحايل طبيه لان الدوله مش بتفرق بين خريج طب اخصائي تحاليل طبيه وبين خريج علوم اخصائي تحاليل طبيه والاتنين ع نفس الدرجة
فانت لو زاكرت شويه وحضرت ماجستر ودكتوراه هتبقي استشاري تحاليل طبيه بردو زى الطبيب

تانى حاجة لا توجد وجه مقارنه اساسا بين علوم وتمريض لا في الدراسه ولا في الشغل ولا في اي حاجة تانيه
زى ماقلت ممكن تبقي دكتور تحاليل وتفتح معمل باسمك ممكن تبقي كميائي وتشتغل في شركات الادويه زيك زى الصيدلي
ودلوقتى شركات الادويه بقيت بتجيب كميائئين وعشان كدة الصيادله عامليين حمله ضد الكميائيين عشان الشركات بقيت بتطرد الصيادله وبتجيب كميائيين
وممكن وممكن الخ
اقل مافي علوم تشتغل ميدكال ريب ودى بيشتغلها علوم وصيدله وطب وبالميت هتاخد1000-1500 جنيه وعربيه ع الزيرو
قولي بقي تمريض بيشتغلوا ايه.....................

زيزو1900

19-07-2009, 09:44 PM

هو انت يا زيزو فى علوم المنصورة

نو انا خريج جامعة جنوب الوادى 2008
دبلومة كميا حيوى وفسيولوجى من جامعة قناه السويس فرع الاسماعليه 2009
وان شاء الله هسجل ماجستير ميكروبيولوجى جامعة طنطا

hemahemo

20-07-2009, 02:25 AM

معلش يا دكتور زيزو
اما بالنسبة لموضوع تمريض فهو فرص شغلة اضمن
هولا ليك شغل حكومى مضمون + القطاع الخاص
غير ان من المتاح ليك السفر للخارج ...............................الخ

hemahemo

20-07-2009, 02:29 AM

اما علوم اذا لقدر اللة راح منك التقدير ابقى ابلنى ان اشتغلت وهتكمل حياتك جنب الحاجة او اى شغلانة والسلام
والاسلام ختام........................................

زيزو1900

20-07-2009, 02:33 AM

معلش يا دكتور زيزو
اما بالنسبة لموضوع تمريض فهو فرص شغلة اضمن
هولا ليك شغل حكومى مضمون + القطاع الخاص
غير ان من المتاح ليك السفر للخارج ...............................الخ

مين اللي قال كدة كل اللي متخرجين من تمريض قاعديين في البيت + نظرة المجتمع لهذة الطبقة +عدم وجود فرص عمل ليهم
ع العموم لو هتدخل تمريض هتتخرج وهتشوف

زيزو1900

20-07-2009, 02:40 AM

اما علوم اذا لقدر اللة راح منك التقدير ابقى ابلنى ان اشتغلت وهتكمل حياتك جنب الحاجة او اى شغلانة والسلام
والاسلام ختام........................................
مين اللي قال كدة ماحنا متخرجين اهو وشايفين ان علوم اكتر كليه ليها فرص عمل عن اي كليه تانيه
واللهى انا واحد صاحبي اقل واحد فينا بيزاكر وكان جايب جيد ع حاجة بسيطةدفعة 2008
حاليا شغال وبياخد في الشهر 1800 + العموله
وهياخد الشهر الجاي عربيه ع الزيرو

hemahemo

20-07-2009, 05:37 PM

شكلك مش مركز
ركز وبعدين اسال وبعدين احكم وابقى رد على

hemahemo

20-07-2009, 05:42 PM

اما بالنسبة لنظرة المجتمع لو فعلا نظرة مش الى هى زى مابتقول وانا معاك فى دة
بس هل هتفضل زى ما هى لما يجدوك بتجهز حجاتك ومسافر للخارج؟؟؟؟؟؟؟؟؟؟؟؟؟؟؟؟؟؟؟؟؟؟؟

زيزو1900

20-07-2009, 07:37 PM

شكلك مش مركز
ركز وبعدين اسال وبعدين احكم وابقى رد على

مش مركز هههههههههه علوم دلوقتى بقيت افضل من صيدله وطب بمراحل واللهى دى حقيقة
وفيه ناس بتسيب صيدله وطب وبتدخل علوم دلوقتى
انا بقولك كدة عشان مصلحتك عشان ماترجعش تندم بس نصيحة اخويه بس مش اكتر

زيزو1900

20-07-2009, 07:45 PM

[quote=hemahemo;1426430]اما بالنسبة لنظرة المجتمع لو فعلا نظرة مش الى هى زى مابتقول وانا معاك فى دة
بس هل هتفضل زى ما هى لما يجدوك بتجهز حجاتك ومسافر للخارج؟؟؟؟؟؟؟؟؟؟؟؟؟؟؟؟؟؟؟؟؟؟؟[/
quote]

يعنى هتسافر برة هتشتغل ايه ممرض بردو نفس النظرةو هترجع هنا هتشتغل ايه ممرض
انما لو سافرت بره وانت علوم هتسافر علي ايه اخصائي تحاليل طبيه يعنى دكتور تحاليل طبيه انا عن نفسي ان شاء الله هعمل كدة بعد الماستر لانى ناوى اشتغل انشاءالله في المستشفي السعودى الالمانى باذن الله شوف بقي الفرقفي المرتب في العقعد حتى مابين الدكتور والممرض هتلاقيه فرق شاسع جدا في المرتبات
في الاخر دى رغبتك وانت حر انا نصحتك بس عشان ماتندمش
وفي نفس الوقت لو انت مش هتذاكر ماتدخلش علوم لان علوم اصعب كليه عمليه بس اللي بيحبها وداخلها بمزاجو هيبدع فيها وهيتفوق فيها

hemahemo

21-07-2009, 10:33 AM

Merceeeeeeeeeeeeeeeeeeeeeeee Kateeeeeeeeeeeeeeeeeeeeeeeeeeeeeerrrrrrr

ahmedthefox

21-07-2009, 12:07 PM

أنا عايز اشتغل في كلية بترول وأنا جايب 90 % إيه القسم اللي يسمح بكده

زيزو1900

21-07-2009, 06:23 PM

أنا عايز اشتغل في كلية بترول وأنا جايب 90 % إيه القسم اللي يسمح بكده
ادامك كذا طريق

ممكن حضرتك تدخل 1- تدخل قسم جيولوجيا دة قسم جامد جدا بالنسبه للبترول وبيندرج تحته كمياوجيلوجيا او جيوفزيا اوجيلوجيا سبيشيل
2-تدخل قسم جيولوجيا بترول دة موجود في الاسكندريه والقاهرة وهو قسم خاص وبتدفع فلوس تقريبا حوالي 10 الاف جنيه في السنه عشان تدخله وبيبقي تدريب القسم دة في المانيا

3-تدخل قسم كميا سبيشيل
4- تدخل اي قسم مزدوج يعنى تكون كميا و اي حاجة

hana999

23-07-2009, 01:11 AM

هاي يا جماعة بما انكم قدام عند الست علوم
بالنوسبة لينا احنا اللي رايحين أولى اية نظام الدراسة والأدوات والحاجات دي يعني واية حكاية رياضة دي بأة إذا كنت انا هربانة منها ف ثانوي ألاقيها ف علوم يا نهار منقط

أسورة

24-07-2009, 12:19 AM

السلام عليكم ورحمه الله وبركاته
انا عندى سؤال "هى كليه علوم السنه دى بتاخد من كام فى الميه "
وياريت برده قسم "علم الفلك والارصاد الجويه " عايزه شويه معلومات عنه

زيزو1900

24-07-2009, 12:27 AM

السلام عليكم ورحمه الله وبركاته

انا عندى سؤال "هى كليه علوم السنه دى بتاخد من كام فى الميه "

وياريت برده قسم "علم الفلك والارصاد الجويه " عايزه شويه معلومات عنه

احتمال السنه دى 94 او 95 من علمى علوم

و 90 او 91 من علمى رياضة

هو قسم الفلك هو قسم جميل جدا موجود في القاهرة
بس بيشتغلوا فقط في مراكز بحوث الفلك فقط
وطبعا دى معظمها بالواسطة
انما هو دراسته ممتازة وقسم ممتاز
ولو انتى مصممه عليه ادخليه بس بعد ماتخلصي كليه كملي ماجستير في الفلك وسافري ع بره او خدى منحة وسافري ع اوروبا او امريكا

violin_sound

24-07-2009, 12:43 AM

انا متهيألى نستنى نشوف العلوم رياضة هتاخد من كام بعد التنسيق لانى شايفة 90% كتير شوية على علوم رياضيات

وميرسى كتير على التوبيك المفيد

sama saso

24-07-2009, 02:00 AM

زيزو1900

24-07-2009, 03:54 AM

السلام عليكم ... انا جيبة 88.5% وكنت عايزة اعرف لو دخلت كلية العلوم اختارقسم اية ؟؟؟؟ وكان فى حد قالى ان قسم رياضة وحاسب الى حلو واسهل شوية ومجاله اوسع ؟؟؟؟؟ يرات حد يرد عليا ضرورى .... على فكرة الكلية وخدة السنة الى فاتت من87%
السنه اللي فاتت دى اقل سنه خدت فيها كليه العلوم من 10 سنين

ولو انتى رياضة ليكى قسم رياضة وحاسب وجيولوجيا وبعض الكليات بتتيح لعلمى الرياضة قسم الكميا

sama saso

24-07-2009, 03:33 PM

thanks alot

hana999

24-07-2009, 04:53 PM

زيزو1900

24-07-2009, 08:09 PM

ماحدش بيرد ليه على فكرة انا جايبة 94.3 علوم يعني انشاء الله علوم أكيد

هتاخدى رياضة بس قليل
وبعد ماتتخصصي مفيش رياضة

أسورة

25-07-2009, 01:22 AM

احتمال السنه دى 94 او 95 من علمى علوم

و 90 او 91 من علمى رياضة

شكرا جزيلا على الافاده
بس انا شايفه ان 94 و 95 كتير على علوم انا اعرف انها واخده السنه الى فاتت من 88%
لو كانت المعلومه خطأ فأرجو منكم تصحيحها لى
وشكرا مره اخرى

زيزو1900

25-07-2009, 02:20 AM

شكرا جزيلا على الافاده

بس انا شايفه ان 94 و 95 كتير على علوم انا اعرف انها واخده السنه الى فاتت من 88%
لو كانت المعلومه خطأ فأرجو منكم تصحيحها لى

وشكرا مره اخرى

لا علوم ع طول بتاخد من 94 ومن 95
يعنى انا من6 سنين وكانتع سنتى علوم طنطا 95.5
وانا كنت جايب 93
ورحت علوم قنا في الصعيد بسبب 2 في الميه

أسورة

25-07-2009, 05:55 AM

شكرا مره اخرى على متابعتك للردود:d:d

hana999

25-07-2009, 10:48 PM

ميرسي يا جماعة بس انا فعلا حبيت علوم وكمان أكتر من الصيدلة اللي كنت هاموت عشان أدخلها وكمان مش هكمل ف خاضصة بعد ما أخلص الكلية وربنا يوفقنا جميعا ودايما يختارلنا الأصلح

es_raa

26-07-2009, 11:07 AM

هل صحيح يمكن دخول كلية طب عن طريق كلية العلوم؟؟؟؟؟؟؟؟؟:excl:

حكايات

26-07-2009, 02:31 PM

السلام عليكم ورحمة الله وبركاته

لو سمحتم انا عندى استفسار وياريت بجد حد يفيدنى واللى يرد يبقى متاكد 100%
انا كنت اخده ( احياء وكيمياء وجيلويجيا ) وعايزة ادخل كلية علوم هو ينفع اصلا ولا مينفعش
وجزاكم الله خيرا

زيزو1900

26-07-2009, 04:06 PM

حكايات

26-07-2009, 05:10 PM

انت علمى علوم ولا علمى رياضة

هى الشعبه دى اسمها علمى متأدب انا اخدت كيمياء فى تانيه واحياء فى تالته وجيلوجيا بدل الفزياء فى تالته

ينفع ادخل كلية علوووووم ولا لااااااا ياريت حضرتك

حكايات

26-07-2009, 05:11 PM

دى اسمها شعبه علمى متادب انا اخدت كيمياء واحياء وجيلوجيا بدل الفزياء

ينفع ادخل كلية علوم ولا لا ياريت حضرتك تفيدنى بعد اذنك

hemahemo

26-07-2009, 10:11 PM

هل صحيح يمكن دخول كلية طب عن طريق كلية العلوم؟؟؟؟؟؟؟؟؟:excl:
ياريت حد يوضح المعلومة دى بجد
مستنيك يادكتور زيزو

زيزو1900

26-07-2009, 10:37 PM

دى اسمها شعبه علمى متادب انا اخدت كيمياء واحياء وجيلوجيا بدل الفزياء

ينفع ادخل كلية علوم ولا لا ياريت حضرتك تفيدنى بعد اذنك

بصراحة معرفش اللي اعرفه ان فيه تنسيقين لكليه علوم تنسيق بياخد من علمى علوم وتنسيق بياخد من علمى رياضة

وع العموم لما هتكتب الرغبات اكيد يبقي حاطين الكليات المتاحة ليك انك تدخلها

زيزو1900

26-07-2009, 10:48 PM

هل صحيح يمكن دخول كلية طب عن طريق كلية العلوم؟؟؟؟؟؟؟؟؟:excl:
ياريت حد يوضح المعلومة دى بجد
مستنيك يادكتور زيزو

اللي موجود انك تطلع دكتور تحاليل وتفتح معمل باسمك عادى وممكن تكتب عليه الدكتور فلان

وممكن تاخد بكالوريوس علوم وبكالوريوس صيدله بعد مابتخلص بكالوريوس علوم بتروح جامعة خاصة وبيشوف المواد المشتركةوبيحزفها ودة بيتوقف ع قسمك في كليه العلوم واللي المواد اللي مش مشتركة بيديهالك

طبعا انا منصحكش انك تعمل كدة لان مفيش مجال بيشتغل فيه الصيادله الكميائيين مش بيشتغلوا فيه ولما هتتخرج هتعرف بنفسك الكلام دة

hemahemo

26-07-2009, 10:49 PM

انت مش معبر لية يا دكترة

hemahemo

26-07-2009, 11:01 PM

اشكرك وبشدة
وربنا يخليك ويوفقك ويوفقنا

MeanOfDeath

27-07-2009, 12:49 PM

دلوقتي انا خلصت ثانويه عامه السنه دي

انا في الثانويه درست جيولوجيا بدلاً من الفيزياء و كنت واخد كيمياء و احياء ...

يعني بقيت علمي متأدب :o

و مجموعي 375

يعني %91.5

ادخل كده كليه علوم ولا اقسام معينه و لا مينفعش خالص .....

و لو ما درستش الفيزياء لازم أخد كورس الفيرياء بتاع الثانويه ......:angry2:

الكلام ده صح ؟؟؟؟؟

و لو صح ايه الجهه اللي هنقدم ليها طلب الامتحان الفيزياء ؟؟؟؟ تبع الكليه ولا تبع ايه ؟؟؟؟ و امتي

ارجو الرد السريع ..... لأن التنسيق بعد بكره ....

و السلام عليكم و رحمه الله و بركاته:078111rg3:

مريم ابوبكر

27-07-2009, 06:31 PM

سؤال مهم جدا؟

احنا بندرس ايه فى سنة اولى؟

ارجو الرد

زيزو1900

27-07-2009, 06:59 PM

سؤال مهم جدا؟

احنا بندرس ايه فى سنة اولى؟

ارجو الرد

علي حسب القسم اللي هتدخليه
حددى انتى هتدخلي ايه وهقولك انتى هتدرسي ايه

joyweak

27-07-2009, 08:03 PM

بليز اولى علوم بيولوجى بيدرسوا اية ؟ ياريت بشئ من التفصيل والادوات المطلوبة وانا كنت سمعت على ان النظام الجديد فى مواد اختيارية انا مش فاهم

زيزو1900

27-07-2009, 08:20 PM

بليز اولى علوم بيولوجى بيدرسوا اية ؟ ياريت بشئ من التفصيل والادوات المطلوبة وانا كنت سمعت على ان النظام د فى مواد اختيارية انا مش فاهم

بتدرس1- كميا وطبعا ليها كزا فرع وكل جامعة بتختلف في المناهج بس غالبا بتبقي كميا عضويه وكميا ذريه

و2-حيوان وليه كزا فرع وكل جامعة بتختلف في المناهج بس هو عموما بيبقي هيستولوجى (علم انسجة) وسيتولوجى (علم الخليه) وايمبر يولوجى (علم الاجنه) وتشريح وبتاخد تشريع الضفادع الخ
و3-نبات وليه كزا فرع زى الفسيولوجى والميكروبيولوجى
و4-رياضة وليها فرعين غاليا بتبقي جبر وهندسه
و5-الفزيا ولها بردو تقريبا فرعين زى الكهرومغناطسيه وفزيا كهربيه
و6-لغه انجليزيه مادة كدة تاهيليه

بس النظام الجديد دة نظام جامد جدا و هو بيحددلك ساعات معينه في الترم الواحد وكل مادة بتبقي مخصص ليها عدد ساعات معينه
واختار انت بقي بحيث ماتزدشي عن عدد الساعات اللي محددوهولك

زيزو1900

27-07-2009, 08:27 PM

الادوات
طبعا البلطو اساسي
وبالنسبه للكميا لما هتدخل هيطلبوها منك بس هى بتبقي في سنه اولي
test tubes انابيب اختبار
conical flask الدورق
Absorbent الماصة اللي بتسحب بيها المواد
وبالنسبه لمواد اللي هتشرح فيها هتحتاج ادوات تشريح بردو

emy_maryooo

28-07-2009, 12:51 AM

هاي يا جماعا
انا كنت في تجاره انجليزي بس انا اسلان مش حباها
و سقت فيها و عايزه احول كليه علوم فا انا مش عارفه اعمل ايه اكمل ولا احول علوم
حد يقولي عشان خاتري

حكايات

28-07-2009, 02:59 PM

زيزو1900

28-07-2009, 03:10 PM

يا جماعه ياريت حد يرد على سؤاله عشان انا عايزه اعرف انا كمان ينفع ولا مينفعش
فيه ناس كتير بتقول مينفعش بس اسالي وشوفي ايه الكليات المتاحه ليكى لان انا بسمع ان العلمى المتادب ليه الكليات النظريه بس

7ewaraat

30-07-2009, 02:01 PM

انا عندي سؤال ضرررررررروري جدا قسم جيولوجيا ليه اي شروط عشان اخش القسم ده

زيزو1900

30-07-2009, 03:32 PM

انا عندي سؤال ضرررررررروري جدا قسم جيولوجيا ليه اي شروط عشان اخش القسم ده

قسم جيولوجيا ملوش شروط في اغلب الجانعات
بس فيه قسم جديد اسمه جيولوجيا بترول فاتح جديد ودة قسم خاص بمصاريف وليه شروط

princes

31-07-2009, 12:34 AM

ما هى اقسام الكليه وهل يوجد قسم اسمه الكترونيات

احمد سمهان

31-07-2009, 10:55 AM

انا فى سنه اولى كلية علوم وعايز ادخل كلية الصيدلة . هل توجد معادلة؟و كيف اعمل المعادلة؟ افيدونى افادكم الله وجزاكم الله خيرآ. ارجو الرد سريعا

زيزو1900

31-07-2009, 04:47 PM

ما هى اقسام الكليه وهل يوجد قسم اسمه الكترونيات

1-الكميا سبيشيل2-كميا وميكروبيولوجى3-كميا حيوى4-كميا حيوى وكميا5-كميا حيوى وميكروبيولوجى6-كميا وحيوان 7-كميا ونبات8-كميا وفزيا9-ميكروبيولوجى سبيشيل10-حيوان سبيشيل11-نبات اسبيشيل12-فزيا13-فزيا حيوى14رياضة15-حاسب16-جيولوجيا سبيشيل17-جيوفزيا18-جيولوجيا وكميا19-جيولوجيابترول

تقية الله

01-08-2009, 11:03 PM

انا فى علوم بنها ولسا هدخللسه السنادى وعاوزه اعرف لو لازم ااخز اقراص انجليزى وعاوزه فكره عامة عن الكليه

زيزو1900

02-08-2009, 12:55 AM

انا فى سنه اولى كلية علوم وعايز ادخل كلية الصيدلة . هل توجد معادلة؟و كيف اعمل المعادلة؟ افيدونى افادكم الله وجزاكم الله خيرآ. ارجو الرد سريعا

اقرا الموضوع دة يمكن تغير رائيك

http://www.thanwya.com/vb/showthread.php?t=142016

eng...lido

02-08-2009, 07:02 PM

ممكن سؤال
هو قسم الجيوفيزيا زى قسم البترول يعنى اتخرج منه واشتغل مهندس فى شركات البترول
ولو كده...القسم ده بياخد من تقدير عالى ولا؟؟؟

aliaa 1992

02-08-2009, 07:59 PM

السلام عليكم ورحمة الله وبركاتة
اولا احب اشكركم شباب وبنات كلية علوم علي مجهودكم الرائع دة واهتمامكم بكل الاسالة اللي بتتوجة ليكم لانكم فعلان بتساعدو طلبة الثانوية انهم يخدو فكرة عن كلية علوم ويحددو اذا كانت الكلية المناسبة ليهم ولا الا
بجد شكرا ليكم
ثانيا : انا اختكم علياء لسة مخلصة ثانوية عامة وكنت علمي رياضيات وحلمي من وانا طفلة في اعدادي اني ادخل كلية علوم واشتغل في مجال البحث العلمي لكن للاسف لما كبرت فهمت ان الموضوع مش سهل ولازم وسطة وكلام من دة بس ربنا مبينساش حد
اسفة اني طولت عليكم
وانا نفسي ادخل قسم فيزيا نووية وسؤالي : 1 -هو ياتري اية مجالات القسم دة في الشغل غير البحث العلمي؟
2-هل الجامعة بتعطي منح دراسية للطلبة المتفوقيين ؟ يعني لو ربنا كرمني وقدرت اجيب تقدير عالي علي مدار الاربع سنين اقدر احصل علي منحة من الجامعة واعمل ابحاث في مجال تخصصي؟
3-هو اية نظام مركز البحوث؟يعني هل لو ربنا كرمني واتعينت فية اقدر اشتغل بفاعلية واعمل ابحاث وافيد البلد ولا هيبقي مجرد تعيين علي الورق وخلاص؟
طبعا انا بسال السؤال الاخير دة لاني ديما بسمع كلام كتير محبط بخصوص مستقبل البحث العلمي في البلد دي
اشكركم علي مساعدتكم واتمنلكم كل التوفيق

تقية الله

02-08-2009, 11:06 PM

حد يجاوبنى على سؤالى

scre3m

04-08-2009, 05:01 AM

لو سمحت انا عايز اعرف اقسام كلية العلوم و تخصص كل قسم

eng...lido

04-08-2009, 12:32 PM

اقسام الكليه الرئيسيه1- قسم الكيمياء chemistry ويندرج تحته كل فروع الكيمياءالكيمياء الحيويه ( وتدرس فيها جميع التفاعلات الخاصه بالكائن الحى وخصوصا جسم الانسان وهى من اقوى الفروع فى الكيمياء وتفتح مجالات عمل للمتخصصين فيها مثل التحاليل والادويه وهى غير موجوده فى كل الكليات كأقسام ولكن تتدرس كمواد )الكمياء التحليليه ( ويدرس فيها كل مايخص التحليل الكيميائى لاى شئ بالقوانين والمعادلات والنظريات وتاتى فى المرتبه الثانيه من الكيمياء لارتباطها الشديد بالاجهزه التحليليه ويكون المتخصص فيها قادر على استخدام شتى الاجهزه) الكيمياء العضويه ( ويدرس فيها كل مايخص العضويه من تفاعلات خارج الجسم وفى التربه وفى الطبيعه وهى مرتبطه كثيرا بالصناعه فى مختلف المجالات )الكيمياء الصناعيه( ويدرس فيها المواد الصناعيه مباشره وبعض المؤثرات والعلاقات فى الصناعه )وهناك مواد اخرى كثيره ولكن لن استطيع وصفها باللغه العربيه او حتى اسمها مثل spectroscopy- sterochemistry- inorganic chemistry - physical organic- quantm- natural product - and moreومن هنا تجد ان الكيمياء هى من اهم متطلبات سوق العمل لانها تدخل فى الكثير من المجالات لذلك قامت الكثير من كليات العلوم بوضع التخصص المذدوج مع اى فرع اخر _يعنى التخصص ومعاه الكيمياء_والعيب الموجود فى الدراسه بالنسبه للكيمياء لايوجد تخصص للجوده فى كليات العلوم على الرغم من ان معظم العامليين فى مجال الجوده كميائيين 2 - قسم البيولوجىوينقسم الى ثلاث اقسام قسم zoology علم الحيوان وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره طبعا قسم ابحاث ومواد بحثيه قسم Botany علم النباتويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا بدراسه الفيروسات قسم entomology الحشرات ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا بمقاومه الافات والحشرات كالجرادوهناك قسم microbiology الميكروبيولجى وده مهم جدا زى الكمياء الحيوى ويختص بدراسه الكائنات الدقيقه ودايما بتوع حيوان ونبات بيتنافسوا عليه لاهميته فى الابحاثوطبعا لاننسى ان كل من هذه التخصصات مذدوج مع الكيمياء حتى يسهل وجود فرصه عمل فى بلد لاتعرف معنى للبحث العلمى ويأتى بعد ذلك قسم الجيولوجياوهوقسم يختص بدراسه سطح الارض ومافيها من معادن وغيره قسم الفيزياء قسم خاص بالتجارب والقوانين والعلاقات الرياضيه والدوائر الكهربائيهقسم الحاسبات والرياضه وهوقسم قوى جدا ومعقد جدا ولكنه مطلوب فى سوق العملقسم الفلك والارصاد الجويه وكان هذا موجز عن الاقسام الاساسيه فى كليات العلوم المصريه

without mercy

04-08-2009, 02:22 PM

انا الحمدلله جاتلى علوم رياضه اسكندريه
ممكن حد يقولى ايه هى الاقسام اللى ليا ؟؟؟؟
وايه احسنهم؟؟؟؟؟
وما هى تكاليف احسنهم ؟؟؟؟؟؟؟
ولكم جزيل الشكر

زيزو1900

04-08-2009, 09:27 PM