مشاهدة النسخة كاملة : حوار بين اتنين سمعهم تقيل .....


رومانسي بس منسي
26-04-2006, 12:46 AM
تخيلوا لو اتنين سمعهم تقيل بيتكلموا مع بعض !! ايه اللى ممكن يحصل ؟؟ تعالوا نشوف اتنين واقفين على محطة الاتوبيس و دار بينهم الحوار ده


الاول : الاتوبيس ده بيروح مصر الجديده ؟؟

التانى : على الحديده ..........ليه انت طالب احسان !!!

الاول : بذرة الكتان !!............لا دى تلاقيها عند العطار

التانى : جزار !! ............اه قول كده عايز تشترى لحمه

الاول : معك حق الدنيا زحمه ........علشان ده معاد خروج الموظفين

التانى : نور الدين !!!............لا و الله معرفوش

الاول : ما بتشربوش !! ليه كفا الله الشر

التانى : راس البر !!!!!!!! ده مصيف هادى

الاول : عايز تركب للمعادى .........دى منطقه جميله

التانى : بليله !!!! انت شكلك كده جعاااااااااااااان

الاول : عيان !!!! اه و الله انت باين عليك عيان ما تروح للدكتور

التانى : الحنطور !!!! ده احسن من الاتوبيس .............و بيوصلنى لحد الباب

الاول : هبــــــــاب و انا اللى كنت فاكرك محترم

التانى : اتخرم !!! هو مين

الاول: عاوز اسبرين !! ليه هو انت عندك صداع

التانى : قراااااااااااع !!! يا نهار اسود ده مرض خطير

الاول : لا و الله مش عايز و بعدين مش بحب الفطير تقيل على المعده و تمنه غالى

التانى : خالى ؟؟؟!!! انت تعرف خالى ؟ ده راجل كبير فى السن

الاول : الجن نهارك مش فايت انت عليك عفريت !؟

التانى : لا و الله ممعايش انت عايز الكبريت ليه عايز تولع ؟؟؟؟؟

الاول : ادلع ادلع عليك انت........... انت متملاش عينيا

التانى : يقبضوا عليا ليه ؟؟؟؟!!!!!!!!!!!!!!!!!

الاول : انت غريب يا راجل انت شكلك شحات (و راح زقه من القميص ) روح اشتغل شغلانه تاكل منها عيش

التانى : خيش !!!! و الله ده صوف انجليزى

الاول : بنتك زيزى ...............ربنا يخلى

التانى : انتاج محلى ........ ده مستورد

شاويش من بتوعنا يعدى يلفت انتباههم : بتعمل ايه يا جدع منك له ؟؟؟؟؟

الاتنين بقى : ايوه يا شاويش !!!!!!!!!!!! مستنيين الاتوبيس !!!!!!!!!!!

الشاويش : نهاركم مش فايت ............جواسيس ؟؟؟؟؟ادامى على القسم


اتمنى الموضوع يعجبكم ويهمنى اوى بجد المشاركات والرد على الموضوع.

sonson
26-04-2006, 09:31 PM
شكرا يا رومانسى

حلوة اوى اوى اوى

فتاة الاسلام
26-04-2006, 11:14 PM
..................................

رومانسي بس منسي
27-04-2006, 01:59 AM
شكرااا ليكي يا سوسن انتى وفتاه الاسلام


اتمنى الموضوع يعجب باقى الاعضاء

:::::::::::::::::::::::::::::::::::::::::::::::::: :::::::::::::::::::
{ مدلع حبيبته}
{ رومانسي بس منسي}

becham37
29-04-2006, 01:34 PM
شكرا رومانسي على الكلام

محمد البري
29-04-2006, 01:37 PM
شكرا حبيبي بس الموضوع للاسف مكرر

رومانسي بس منسي
01-05-2006, 04:42 AM
شكرااا يا بيكهام انت ومحمد ولو كنت اعرف ان الموضوع متكرر كنت مش هنزله والله بس مفيش مشاكل.