مشاهدة النسخة كاملة : ملتقي طلبة علوم....
***star*** 29-09-2008, 08:31 AM http://www.falntyna.com/img/data/media/11/welcomebanner1.gif
الي طلاب كليه العلوم الجدد والقدامي....اهلا بيكم معانا في ملتقي كليه العلوم....الموضوع طبعا باين من اسمه....عايزين نناقش مشاكلنا في الكليه....اي مشكله ممكن تقابلنا علي مدار السنه ان شاء الله ونحاول نحلها مع بعض....بس قبل مانبتدي كل اللي يدخل يجاوب علي الأسئله دي:
1- اسمك ايه...؟؟؟....(أسمك الحقيقي أو المستعار)..
2-كليه علوم..جامعه ايه؟؟؟
3- الفرقه الكام؟
4- قابلتك مشكله في الكليه اما دخلتها؟
5- ايه هي المشكله دي؟....حاجه ترجعلك عايز تقول اهلا وسهلا....مش عايز تقول بردو اهلا وسهلا:)
يـــــــــــــــــــــــللا ....مين يبدأ....؟؟؟
أقولكم ......ااااااااابدأ انا
***star*** 29-09-2008, 08:35 AM 1- الأسم: اسلام
2- جامعه القاهره
3- الفرقه التالته
4- قابلتني مشاكل السنه دي كتير
5- أول حاجه اتأخرت عن التسجيل الأكاديمي....تاني حاجه روحت لقيت الدكتوره متنرفزه قعدت اضحك واتنرفزت عليا اكتر...تالت حاجه رايح جاي من شئون الطلبه للدكاتره لمكتب العميد يجي حوالي كدا 8 أو 9 مرات....بس الحمد لله اخيرا كل ده اتحل:):)
prof.wessam 29-09-2008, 07:29 PM 1-وسام
2- جامعة حلوان
3- الفرقة الأولي
H.H.KH 30-09-2008, 01:28 AM 1- اسمى هنا
2-جامعة القاهرة
3-الفرقة الأولى
4-لا تقريبا ما قابلتش لحد دلوقتى مشكلة فى الكلية
5-المشكلة فيا انا :confused: .....اول حاجة عشان صعبة جدا .....تانى حاجة انا مش من النوع اللى بيصاحب بسهولة خالص يعنى مش اجتماعية عشان كدة مش عارفة اتعرف على حد وده بينرفنى جدا لان بقعد لوحدى فى الBREAK :( وده ملل جـــــــــــــــــــدا.....تالت حاجة انا اساسا مش طايقة الكلية ليه مااعرفش:confused: مع انى كنت بحبها جدا قبل ماادخلها
X Man 30-09-2008, 10:01 PM الاسم:إسماعيل
الجامعه:حلوان
الفرقه:الاولي
الحمد لله مفيش مشكله لحد دلوقتي
احمد زايد 01-10-2008, 12:08 AM الاسم : احمدصبحى زايد
الجامعه:جامعة الازهر
الفرقه:الاولى
التخصص:كيمياء سبيشيال
hanoooooooda 01-10-2008, 11:23 AM 1_الاسم هند
2_جامعه الاسكندريه
3_الفرقه الاولى
4_المشكله دي مشاكل مش مشكله اولا الدكاتره في كويسين وفي مش كويسين ابدااا يعني مدرس الرياضه الكويس مش هيدرسني لانه مش بيدرس مجموعتي وكان ممكن احضر محاضراته بس حظي وقعني انه في نفس معاد المحاضره بتاعته في سكشن والمشكله التانيه انهم حاطين الطلبه بتوع الشهادات المعادله في السكشن الاخير عاملين تفرقه جاااامده وانا من ضمنهم بس هحاول انهم يخلوني في اي سكشن تاني بس يارب يوافقوا ادعووووووووولي وكمان مشكله الانجليش بس بيقولوا المشكله دي هتاخد وقتها وتعدي بعد وقت قصير ان شاء الله ربنا يسهل
Nogha 01-10-2008, 05:02 PM الاسم: Nogha
_جامعه الاسكندريه
_الفرقه الاولى
المشكلة
انا كنت فى مدرسة فرنسية فبالنسبة لى الانجلش حيكون فيه صعوبة فربنا يستر ان شاء الله
غير كدة
انا الحمد لله
مبسوطة جدا بكليتى الجميلة دى الحمد لله
بنت ازهريه 01-10-2008, 08:45 PM 1- اسمك ايه...؟؟؟....(أسمك الحقيقي أو المستعار)..مش مشكله^_^
2-كليه علوم..جامعه ايه؟؟؟كليه علوم جامعه الازهر
3- الفرقه الكام؟الاولى كيمياء انشاء الله
4- قابلتك مشكله في الكليه اما دخلتها؟
انا لسه اصلا مرحتش علشان تقابلنى مشاكل
وشكرا لحضرتك على التعارف ده اهو نفيد بعض
فى رعايه الله
***star*** 02-10-2008, 02:32 AM 1_الاسم هند
2_جامعه الاسكندريه
3_الفرقه الاولى
4_المشكله دي مشاكل مش مشكله اولا الدكاتره في كويسين وفي مش كويسين ابدااا يعني مدرس الرياضه الكويس مش هيدرسني لانه مش بيدرس مجموعتي وكان ممكن احضر محاضراته بس حظي وقعني انه في نفس معاد المحاضره بتاعته في سكشن والمشكله التانيه انهم حاطين الطلبه بتوع الشهادات المعادله في السكشن الاخير عاملين تفرقه جاااامده وانا من ضمنهم بس هحاول انهم يخلوني في اي سكشن تاني بس يارب يوافقوا ادعووووووووولي وكمان مشكله الانجليش بس بيقولوا المشكله دي هتاخد وقتها وتعدي بعد وقت قصير ان شاء الله ربنا يسهل
مدرسين اااااه...شكلك نسيتي انك في كليه:d:d.....علي العموم احمدي ربنا ان في مدرسين رياضه كويسين....داحنا عندنا المدرس قصدي يعني الدكتور:dبيبقي زي الفل....بتلاقي الدفعه ناجح منها تلاته او اربعه في الرياضيات بعد تعب طول السنه.....
الحب الولهان 02-10-2008, 05:19 AM الاسم.الحب الولهان (منة) الفرقة الاولى علوم بورسعيد المشكلة ان عندنا مفيش كتب واانا علشان كدة خايفة جدااااااااااااااااا والدكاترة يقولوا هاتوا مراجع من النت دى اصعب مشكلة بصراحة والكليلة لسة جديدة ومفهياش مكان نقعد فية بعد اى محاضرة فالشمس بتحرقنا بس ربنا ينجحنى وينجحك
ma3ak_hamada 02-10-2008, 04:41 PM أنا أحمد وحيد
أولى علوووووم أسكندرية
أنا كنت تجارة أسكندرية بس مجموعى أكبر منها بكتير ومن علوم كمان
قالولى حول علوم أحسن من تجارة فحولت وطلع عينى فى التحويل
كنت متأخر فى كل حاجة فى التقديم
بس الحمد لله أنا دلوقتى مبسوط فى الكلية
بالنسبة للدكاترة أحم أحم .........هو واحد اللى داخل دماغى اوى دكتور محمد عباس فى الرياضة
hana_h 04-10-2008, 12:32 AM انا اللى عليا الدور
الاسم هنا _هانى
جامعة المنصورة ويارب ما احول
الفرقة لسة اولى
برنامج احصاء وعلوم حاسب
انا هسال سؤال يا اسلام اية المرشد الاكاديمى دة ممكن تقولى هو بيعمل اية
بالنسبة للمشكلة فواجهنا مشاااااااكل كتييييييييييييييييييير جدا
منها انى لسة مخدتش ولا محاضرة وكمان الجدول رخم جدااااااااااااااا ومش اعمل اية بالمرشد دة ومش عارفة اذاكر من ورق المحاضرات بس ولا اخد كورسات ولا حتى اجيب ورق من برة بتاع المعيدين ياريت تفيدنى
وشكرا على التوبك
***star*** 04-10-2008, 12:48 AM انا اللى عليا الدور
الاسم هنا _هانى
جامعة المنصورة ويارب ما احول
الفرقة لسة اولى
برنامج احصاء وعلوم حاسب
انا هسال سؤال يا اسلام اية المرشد الاكاديمى دة ممكن تقولى هو بيعمل اية
بالنسبة للمشكلة فواجهنا مشاااااااكل كتييييييييييييييييييير جدا
منها انى لسة مخدتش ولا محاضرة وكمان الجدول رخم جدااااااااااااااا ومش اعمل اية بالمرشد دة ومش عارفة اذاكر من ورق المحاضرات بس ولا اخد كورسات ولا حتى اجيب ورق من برة بتاع المعيدين ياريت تفيدنى
وشكرا على التوبك
المرشد الأكاديمي ده دكتور عندك في الكليه...ممكن يكون في قسم انتي مش فيه حتي....بس هو مهمته انه يساعدك ويعرفك كل حاجه ...وتتفقي معاه علي جدولك اللي تختاريه...يعني انا دلوقتي المرشد الأكاديمي بتاع حضرتك علي المنتدي...
أما حكايه الكورسات لا لا لا ....ورق معيدين احسن ..هتدفعي فلوس علي الفاضي....والأحسن من ده كله تنتبهي للمحاضرات لأن الدكتور هو اللي هيحط الأمتحان...فمش هيحط حاجه في الأمتحان بره عن الحاجات اللي كان بيشرحها يعني...
hana_h 05-10-2008, 01:06 AM شكرا يا اسلام على ردك للاسئلة وقبل كل دة طبعا كل سنة و حضرتك طيب وعيد سعيد علينا وعليك وانا عارفة انها متاخرة بس مش مشكلة واكيد طبعا انت مرشدنا كلنا فى كلية علوم
Nogha 05-10-2008, 06:58 PM مدرسين اااااه...شكلك نسيتي انك في كليه:d:d.....علي العموم احمدي ربنا ان في مدرسين رياضه كويسين....داحنا عندنا المدرس قصدي يعني الدكتور:dبيبقي زي الفل....بتلاقي الدفعه ناجح منها تلاته او اربعه في الرياضيات بعد تعب طول السنه.....
ربنا يطمنك
هههههههه
AHMED OS 06-10-2008, 10:06 PM الاسم:احمد
الجامعة:علوم القاهرة
الفرقة:الاولى
عندى مشكلة ان انا حاسس ان انا تاية وبش فاهم اى حاجة ودة مضايقنى جدا عايز اذاكر بس بش عارف حد يقولى اعمل اية
MeMoOo~3aSaL 19-10-2008, 10:27 PM انا اسمي مي فوزي
اولى علوم بيولوجي جامعة الزقازيق
انا ما عندي مشاكل الحمدالله غير مشكلة واحدة
انه انا صحيح مصرية بس ماما فلسطينية وعايشة طول عمري في الامارات
وطبعا في الجامعة انا اعتبر حاجة غريبة عشان هيك لما يكون عندي سؤال للدكاترة بضطر اني ما اسال عشان ما
يقعدوا اللي حواليا يطلعوا فيا واضطر اسمع الcv تبعي كتير
وطبعا كانت حاجة كتييييييير صعبة اني الاقي صاحبة بس الحمدالله لئيت واحدة
يعني انا يمكن احسن من غيري:redface:
ثانويه يا ثانويه 20-10-2008, 05:35 PM ممكن سؤال هو اللي فى رياضه ممكن يدخل علوم قسم كيمياء؟
tbarak765 21-10-2008, 02:33 PM الاسم :محمد محمد عبد الوهاب
الجامعه:جامعة المنوفيه
الشعبه:الكمياء
المستوى:اكثر من 108س.م
المشاكل : هى الصراحه الكليه جميله جدا ...وسيئه جدا فى نفس الوقت وبنفس الدرجه...جميله لان التقديرات والدرجات عندنا زى الرز ..هتاخد درجات زى منتا عايز واكتر شويه...بس ان حاولت تتعلم وتبحث عن العلم..ان شاء الله مش هتاخد حاجه خالص.
|