السلام عليكم ورحمة الله وبركاته .


أنا ياجماعة بئالى كتييييييييييييير ملاحظة حاجة ف القسم ده والحاجة دى حراااااااام شرعا.


للأسف الكل هنا بيحتفل بعيد الميلاد ونسينا إن عيد الميلاد بدعة .


بل أى عيد غير عيد الفطر وعيد الأضحى يكون بدعة زى مثلآ :


( عيد الميلاد _ عيد الحب _ عيد الأم _ عيد رأس السنة الميلادية اللى هو أصلآ مش لينا .........)


وللأسف اللى ضايقنى أكتر إن الملتزمين دينيا ف المنتدى بدون ذكر أسماء هما اللى بيحيوا البدعة دى.


أنا بس حبيت أنصحكم من باب الأخوة ف الإسلام .


سلام عليكم .

ايه دا هوا انا لما اقول لواحد كل سنه وانت طيب يبقى حرام
طب والله كويس كدا
هتحرموا ايه تانى بقى

بقى لما نهنى حد بعيد ميلادة حرام :confused::confused::confused:

طيب ممكن نعرف اية المعصية الى عملناها واية الذنب فى كدة

انا مش بقول عيد ميلاد

بقول يوم ميلاد

لاني عارف ان عيد حرام

لكن كل سنة و انت طيب مش فيها حاجة

خوخة ياجميلة الموضوع
بنعمله من باب ادخال سرور على مسلم
ودية حاجة تفرح الشخص الى بنحبه
لما يلاقينا مهتمين بيه

وبعدين لما نفرح حد هيكون لينا اجر
مش كدة ولا انا غلطانة

ايه يا خوخة جرى ايه يعني
مفيهاش حاجة أما اقول كل سنة وانت طيبة
حد يكره يكون طيب كل سنة
اما بمناسبة عيد الميلاد مش جرى حاجة
الاسلام دين يسر لا عسر

اولا جزاكى الله خيرا اختى خوخة ع الموضوع
انا متفقة معاكى فى اللى حضرتك بتقوليه
بس احنا بنقول يوم ميلاد او تاريخ ميلاد
لكن طبعا عيد لا لا لا ومينفعش نحتفل بيه
لكن كل سنة وانتى طيبة دى بنقولها عادى فى اى وقت
ربنا يبارك فيكى ويجعله فى ميزان حسناتك

اولا سلام عليكم
ثانيا دى بتبقا مجرد اعطاء اهتمام لعضو من الاعضاء
علشان نحسسه اننا فاكرينه
بنهيه فى فرحه
وبنباركله
وبنقوله كل سنة وهو طيب
وبندعيله دعوتين حلوين
اظن مفيهاش حاجة

جزاكي الله خير يا خوخة ... أنا معاكي ..
فعلا احنا مش مفروض نحتفل بأعياد الميلاد ... و أنا عن نفسي ما باحتفلش بيها و لا باحضرها ..
بس بنهني بعض مش أكتر ...

جزاكى الله خييرا
بس ده زى ما ووضح الاعضاء
يوم ميلاد او تاريييخ
وفعلا من اجل ادخال سرور عـ مسلم

بجد يا خوخة انتى شجاعة انا جمعت اراء العلماء في الاحتفال بعيد الميلاد وقولت انزله هنا بس خفت من الانتقادات اللى بتترمى على اى حد يعمل حاجة زى كده وانا بالذات فمسحتها تانى بس بحزن اوى كل اما الاقى حد كاتب الموضوع ده بجد جزاك الله خير ولو تحبو اجيبلكو اراء العلماء مش عندى مانع

كل سنة وانتوا طيبيين:)
بصى
هو من نحية الدين فاماشى مرفوض وكده
على اساس ان اعياد الميلاد والاعياد اللى هى مش دينية او كده بدعة:mellow:
. . . .
بس اعتقد يعنى ان ادخل بسمة او فرحة على حد بتبقى كويسة
ده غير اننا بنحس اننا اخوات فعلا لما بنفتكر
عيد ميلاد حد
او بنعيد على بعض
او بنواسى بعض

اعتقد ان مفيهاش حاجة

ولا الضحكة او البسمة اللى تترسم تبقى وحشة:huh:

على فكرة انا يمكن اكون متفق ومختلف معاكى فى نفس الوقت
الرسول صلى الله عليه وسلم قال فى ما معنه
ان المسلمين ملهمش غير عيد الفطر والاضحى
وغير كده يبئا مش من اعياد المسلمين فى شى
بس احنا هنا فى اعياد الميلاد او الاحتفلات الخرى مش بيقصد بيها التمجيد او التخليد
وانما نوع من الفرحة للشخص
يعنى مثلا انا لما اقول لعضو بمناسبة عيد ميلاده كل سنة وانتا طيب ده نوع من الفرحة بيه او تذكير انه فى اليوم ده اتولد
وكلمة عيد ميلاد هنا مش يقصد عيد بمعنى عيد
بس كلمة عيد هى الكلمة الشائعة عندنا لان مفيش معنى اخر للاحتفال
زى ما فى لغة عربية فصحة ودى المفروض نتكلم بيها ولغة العامية اللى احنا بنتعامل بيها فى حياتنا اليومية
دى رأى شخصى ووجهة نظر مش اكتر
فائق احترامى

هو فعلا حرام بس لما يكون فيه احتفال وهدايا والموضوع كبير
بس دي مجرد تهنئه بيوم ميلاده بس مش أكتر

..السلام عليكم ورحمة الله وبركاته ..

::::

:: فمن باب حب الخير لكم .. أردت توضيح هذا الأمر ::
هنا لا أتكلم عن الإحتفال بأعياد الميلاد .. بل بالتهنئة فقط ..

.....
السؤال:ما حكم التهنئة بعيد ميلاد شخص؟
.....

:: وإليكم الفتوى ::

::::

.:: لفضيلة الشيخ .. محمد المنجد ::.

>-حكم التهنئة بعيد الميلاد الشخصي-<
الجواب: طبعاً ]لا يجوز[ لأنها مناسبة ]محرمه[ فأعياد الميلاد فيها تشبه ]بالكفار[ وهم الذين ابتكروها وأدخلوها على المسلمين
ونحن المسلمين ليس عندنا إلا ::عيدان:: الفطر والأضحى، وعيد الأسبوع الجمعة، ومن أدخل عيداً آخر فإنه يكون ]آثماً[ لأن الشريعة حصرت أعياد الأمة بهذه,
فإذاً عيد الأم، وعيد رأس السنة، وأعياد الميلاد كلها من الأمور ]المحرمة[ هذا بالنسبة لهذا الموضوع.

.:: والله الهادي الى سواء السبيل ::.

.:: الفتوى الثانية ::.

.:: مركز الفتوى بإشراف د.عبدالله الفقيه ::.

السؤال : السلام عليكم ورحمة الله وبركاته ماهو حكم الاحتفال بعيد الميلاد للإنسان؟
بارك الله فيكم وجزاكم الله خيراً.

الجواب : الحمد لله والصلاة والسلام على رسول الله أما بعد: فقد ثبت عن عائشة رضي الله عنها أن رسول الله قال: "من أحدث في أمرنا هذا ما ليس منه فهو رد". أي إن أي أمر يحدث في هذا الدين ولم يكن على هدي سيد المرسلين فهو أمر مردود على صاحبه ، وأعياد الميلاد هذه بأنواعها لم تكن من هدي النبي صلى الله عليه وسلم الله عليه وسلم ولا صحابته الكرام ولا عرفت مثل هذه الأعياد إلا بعد القرون الثلاثة الفاضلة مما يدل على أنها محرمة وليس لها أصل في الإسلام – وبدلأ من أن يحتفل الإنسان بعيد مولده كان الأولى به أن يتذكر أنه كلما مر عليه يوم من أيامه فإنما هو يقترب من النهاية أي الموت فلتكن له عبرة بانقضاء الأيام والسنين، وعليه فإن الاحتفال بهذه الأعياد بجميع أنواعها من البدع المحرمة. والله أعلم.

.:: والله الهادي الى سواء السبيل ::.

انا اللى ملاحظ حاجة اغرب انكم علقتم على الموضوع والاخت خوخة ملعاش اى تعليق يا ترى اية السبب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لان هى متاكدة ان المهاجمات هتزيد فالاحسن انها تحط النصيحة وتسيبها وكل واحد يعمل اللى هو عاوزه ويقول اللى هو عاوزة لان الكلام ساعات بيزعل اوى

انا عن نفسي عمري ما احتفلت بعيدميلادي

لا لشئ الا ان عيد ميلادي ده في شهر 6

وما ادراك ما شهر 6

شهر الامتحانات

وانا عموما مش بحتفل بيه ولا احب احتفل بيه

سلام عليكم يا جماعة

أنا حبيت أوف الأول اللى هاينكتب وبعدين أرد .

أولا أحب أقول إن دى حاجة مش من دماغى . لأ دى فى الدين وأنا مش مفتية وكمان هاجيب الدليل كمان شوية .

ثانيآ أحب أقول إن كلكم م هاتفتو لأن لو كل واحد أفتى خلاص الدنيا باظت .

ثالثا أحب أشكركم كلكم ع المرور سواء تقبلتم أم لا.

رابعآ وأخيرا الدلـــــــــــــــــــــــيــــــــــــــــــــــ ـــل على ذلك , كما وضحت الأخت د نبض الأمة :


www.ebnmasr.net/forum/t22304.html (http://www.ebnmasr.net/forum/t22304.html)


وكمان :

www.da3yat.com/vb/showthread.php?t=18965 (http://www.da3yat.com/vb/showthread.php?t=18965)


يا جماعة أنا والله مش جايبة حاجة من عندى .

دى أقوال علماء أجلاء .

لو مش عاوزين تتقبلوا النصيحة ماشى بس مش تفتوا

لأن الفتوى ليها علمائها

وأنا كمان مش بفتى بس بنقل لكم الفتاوى وأكيد مش قصدى أهاجمكم بس ده من باب الأمر بالمعروف والنهى عن المنكر

وشكرا .

ملحوظة : أنا مارديتش من الاول عشان أجمع أكبر قدر ممكن من الاراء

ياريت د نبض الأمة تفيدنا أكتر بالفتاوى المنقولة .

مش حرام يعني لما نقول كل سنه وانت طيب القصد من الحرام الاحتفال وليس التهنئه

ياريت د نبض الأمة تفيدنا أكتر بالفتاوى المنقولة .
ان شاء الله

حكم الاحتفال بعيد ميلاد الشخص
ما حكم الاحتفال بمرور سنة أو سنتين مثلاً أو أكثر أو أقل من السنين لولادة الشخص وهو ما يسمى بعيد الميلاد ؟ أو إطفاء الشمعة . وما حكم حضور ولائم هذه الاحتفالات ، وهل إذا دعي الشخص إليها يجيب الدعوة أم لا ؟ أفيدونا أثابكم الله .


الحمد لله
قد دلت الأدلة الشرعية من الكتاب والسنة على أن الاحتفال بالموالد من البدع المحدثة في الدين ولا أصل لها في الشرع المطهر ولا تجوز إجابة الدعوة إليها ، لما في ذلك من تأييد للبدع والتشجيع عليها . وقد قال الله سبحانه وتعالى: ( أم لهم شركاء شرعوا لهم من الدين ما لم يأذن به الله ) وقال سبحانه : ( ثم جعلناك على شريعة من الأمر فاتبعها ولا تتبع أهواء الذين لا يعلمون . إنهم لن يغنوا عنك من الله شيئاً وإن الظالمين بعضهم أولياء بعض والله ولي المتقين ) .
وقال سبحانه : ( اتبعوا ما أنزل إليكم من ربكم ولا تتبعوا من دونه أولياء قليلاً ما تذكرون ) .
وصح عن رسول الله صلى الله عليه وسلم ، أنه قال : ( من عمل عملاً ليس عليه أمرنا فهو رد ) أخرجه مسلم في صحيحه . وقال عليه الصلاة والسلام : ( خير الحديث كتاب الله وخير الهدي هدي محمد صلى الله عليه وسلم ، و شر الأمور محدثاتها وكل بدعة ضلالة ) . والأحاديث في هذا المعنى كثيرة.
ثم إن هذه الاحتفالات مع كونها بدعة منكرة لا أصل لها في الشرع هي مع ذلك فيها تشبه باليهود والنصارى في احتفالهم بالموالد . وقد قال عليه الصلاة والسلام محذراً من سنتهم وطريقتهم : " لتتبعن سنة من كان قبلكم حذو القذة بالقذة حتى لو دخلوا حجر ضب لدخلتموه : قالوا يا رسول الله : اليهود و النصارى ؟ .. قال : فمن ) أخرجاه في الصحيحين . ومعنى قوله " فمن" أي هم المعنيون بهذا الكلام وقال صلى الله عليه وسلم : "من تشبه بقوم فهو منهم "

(فتاوى إسلامية 1/115)

سبحان الله قلت رايي ومعجبش واتحذف عشان انا قلت كلمه حق بس

بحب المواضيع دى مش عارف ليه .. كان معمول موضوع السنه اللى فاتت ودخل عبقر يقول حاجه زى كده كان اللى حصل ان رده تاخد اقتباس واتقال كل عيد وانتى طيبه :d لغايه دلوقتتى لما بتخنق بروح اتفرج ع الموكوع ده .. يا جماعه انما الاعمال بالنيات ولكل امرىء مانوى .. اللى بيعمل كده مش بيعترض ع الدين .. قضوها عنجليزى وخلاص
happy birthday
ولا حرام دى كمان
ربنا يهدى

اللهم إنى قد بلغت اللهم فاشهد أنى بريئة مما يفعلون

عادى يا خوخة والله
فيها ايه لما الواحد يقول كل سنة وانته طيب مش غلط يعنى
والا ايه الغلط اللى فيها

بجد يا خوخة انتى شجاعة انا جمعت اراء العلماء في الاحتفال بعيد الميلاد وقولت انزله هنا بس خفت من الانتقادات اللى بتترمى على اى حد يعمل حاجة زى كده وانا بالذات فمسحتها تانى بس بحزن اوى كل اما الاقى حد كاتب الموضوع ده بجد جزاك الله خير ولو تحبو اجيبلكو اراء العلماء مش عندى مانع

انا اللى ملاحظ حاجة اغرب انكم علقتم على الموضوع والاخت خوخة ملعاش اى تعليق يا ترى اية السبب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




لان هى متاكدة ان المهاجمات هتزيد فالاحسن انها تحط النصيحة وتسيبها وكل واحد يعمل اللى هو عاوزه ويقول اللى هو عاوزة لان الكلام ساعات بيزعل اوى




اللهم إنى قد بلغت اللهم فاشهد أنى بريئة مما يفعلون

وأنا معكم من الشاهدين
بلعتم ... ونصحتم ...
فجزاكم الله ألف ألف خير

سلام

السلام عليكم ورحمة الله وبركاته
انا بحيكى على عمل مثل هذا الموضوع الرائع
وطبعا متفقة معاك ان لا يوجد اعياد للمسلمين غير عيدان عيد الفطر وعيد الاضحى
كلام مظبوط فعلا
واى مناسبة يطلق عليها عيد فهى بدعة
لكن احنا بنقول يوم الميلاد وطبعا مفيش احتفال فيه ولالا هدايا وكدة علشان حرام اكيد
لكن لما فى يوم \ميلاد شخص ما
نقوله كل عام وانت الى الله اقرب ومن جنته اسبق وعن ناره ابعد وعلى طاعته ادوم
وندعيله السنة الجاية يقضيها فى طاعة الله
كدة انا اخدت ثوابين
ان انا دعيتله بخير والملائكة بيردوا ويقولولى ولك بمثل مادعوت
ثانيا احب الاعمال الى الله ادخال الفرح والسرور على قلب المسلم
مش لازم يكون السرور فى معصية الله مثل الاحتفال واغانى وهدايا وكدة
لكن مجرد بندعو له ونشاركه سروره فقط
اعتقد الكفار مش بيقولوا كل عام وانت الى الله اقرب صح؟
فانها ليست بدعة والله اعلم
وكلل شئ اختى حلال ولكن بشروط فى اطار ديينا الاسلامى
وجزاك الله خيرا على موضوعك الاكثر من الرائع:)

جزانا الله خيرا وإياكم

جزاكى الله خيرا يا قمر((نورى حجابى))
جعله الله فى ميزان حسناتك
هذه هى خلاصة الموضوع دون جدال
والشيخ محمد المنجد جزاه الله خيرا عن المسلمين
من افضل المشايخ السعوديين
يا جماعه الانسان لايعارض الشرع فى الاساسيات
وحتى ولو لم تكن توافق هواه
اذا قال الله للعبد افعل يفعل دون جدال
واذا قال امتنع نمتنع حتى ولو كنا نريد هذا الشئ
ومن ترك شيئا لله ابدله الله خيرا منه
وده كلام حبيبنا المصطفى صلى الله عليه وسلم

جزاكى الله خير الجزاء يا خوخه

ربنا يبارك فيكى ويجعله فى ميزان

حسناتك ان شاء الله