والله ـ أفكر في إبداع تصميم جديد لشكل منتدانا الجميل

((((((( بصراحة غرت .... كل ما ادخل منتدى صدفة من منتديات الحب والغرام وخلافه ... ألاقي تصميمات رهيبة وألوان رائعة .... فقلت لنفسي : منتدى البوابة يجب أن يعاد شكل تصميمه بشكل جذاب وممتع ـــ
صحيح ـ ان فيه أعضاء محترمة منكم هتقولي : يا مستر المهم الجوهر ـ مش المظهر ...
لكن مع احترامي لهم .... أنا شايف ان المظهر مهم جدا جدا أيضا ، ولا يقل أهمية عن الجوهر

يعني يا أخي تخيل نفسك داخل الفصل أمام طلابك بجلبيه أو ببدلة فيها كل ألوان الطيف كرافته حمره وبدلة صفرة وجزمة بيضا وقميص فوشيا ـ ها دلوقتي هتقولي برضه المظهر مالوش لازمة ...

من وجهة نظري
المعلم يجب أن يكون في كامل شياكته ، ويكون ثيابه منظمة جدا ، ويهتم بأدق التفاصيل ، ويهتم بتناسق الألوان ــ لأن الطالب بيدقق في أقل تفاصيل مظهرك ... فإن كان منظرك لائقا جذبت الطالب من أول وهلة ، وإن كان منظرك عاديا مملا رتيبا فقد تفقد الجاذبية الأولى ، وإن كان مظهرك غير لائق فلن تنال أي اهتمام من الطلاب إلا القليل منهم ، لأن الباقين سيهتمون بالسخرية سرا على مظهرك ، وستكون حدييييييييييييث المدينة
وطبعا . قس كل ما فات على منتدى بوابة الثانوية العامة ، فيجب أن يكون المظهر مبهرا جذابا
ــــــــــــ والآآآآآآآآآآآآآن
هل اقتنعت بوجهة نظري ؟؟؟
إن كنت قد اقتنعت فوافقني على إعادة تصميم شكل البوابة ـ حتى نبدأ في مخاطبة الإدارة والمسئولين عن ذلك .

وشكرا عظيما لكم جميعا ، ووفقكم الله ، ورزقكم الخير أينما كنتم

أؤيدك يا مستر

شوف يااخ محمد
هحكيلك حكاية زمان كنت بروح بيت جدى كان الباب من جريد النخل والحوائط طوب لين والدهان جير وكان الباب كل مايفتح او يغلق يعطى صوت غريب وكان بيت ريفى ممكن تلاقى الجاموسة جمبك وصوت الحمار فى ودنك حاجة صعبة
الان انا اعيش فى قلب القاهرة الشقة فيها كل حاجة وعلى احسن مايمكن وفى مكان رائع انا مش عايز اوصف لتظن انى اعرض الشقة للبيع ولا حاجة
ولكن الان كلما اتذكر بيت جدى احس فى قلبى احساس جميل لمجرد التذكر نفسى ياخدوا نصف عمرى ويرجعوا لى يوم واحد من الايام الى كنت اروح ازورهم فيها كلما اتذكر صوت الباب الجميل قلبى يتخطف كلما اتذكر جوانب بيت جدى روحى تروح متفكرنيش حرام عليك لان ذلك يؤلمنى
ياسيدى سيبوا كل حاجة زى ماهية علية
ياسيدى علشان خاطر ربنا سيبوا بيت جدى

أؤيد الفكرة لأن المنتدى يستحق أن يكون في أفضل شكل

طبعا ياابوحميد مؤيدين