(((___عمرو خالد يا جماعة ليس بحبر الامة!!!___))) [الأرشيف]

dr.saeed

30-09-2008, 11:31 PM

السلام عليكم ورحمة الله وبركاته
دلوقتى يا جماعة موضوع عمرو خالد الناس اتكلمت فيه كتير واخد حجم على الفاضى
احب بس اقول كام حاجة فى الموضوع
________________________________
اى واحد او شيخ او عالم مهما كان عمله مش من حقه انه يقول على النبى صلى الله عليه وسلم انه فشل فى مش عارف كام وعشرين تجربة
___________________________________
اى عالم او شيخ مش من حقه انه يقوم راسم الرسمة الى الرسول رسمها ويستنتج منها ان التمثيل والاغانى واكتر من امر معروف فى الدين انه حلال ودة بدون دليل ولكنه استنتاج من حديث ليس له صلة بالموضوع الذى يتكلم عنه
_____________________________________
ليس من حق اى واحد او شيخ او عالم انه يتكلم عن سيدنا موسى بهذة الطريقة
_____________________________________
وليس من حقنا نحن ايضا ان نحكم بعلمنا الضئيل عن شخصية معينة الا لما يكون علمنا يتعدى علمه
________________________________________
وليس من حق اى مسلم ان يكفر غيره
___________________________________________
بس عشان مش ابقى خالفت كلامى انا هاجيبلكم رأى الشيوخ الافاضل فى عمرو خالد
______________________________________________
رد الشيخ وجدى غنيم على عمرو خالد
http://www.youtube.com/watch?v=rF38rrQeruE&feature=related (http://www.youtube.com/watch?v=rF38rrQeruE&feature=related)
__________________________________________________ ______
جلسة عمرو خالد فى الكنيسة
واظن عمرو خالد ليس افضل من عمرو بن الخطاب لما اتكلم فى الموضوع دة بالتفصيل الممل
http://www.youtube.com/watch?v=V8DLjfJHBqc&feature=related (http://www.youtube.com/watch?v=V8DLjfJHBqc&feature=related)
__________________________________________________ ___________
الشيخ ابو اسحاق الحوينى فى نفس الموضوع
http://www.youtube.com/watch?v=GkakThjUZKo&feature=related (http://www.youtube.com/watch?v=GkakThjUZKo&feature=related)
__________________________________________________ ________________
الجزء التانى من السابق
http://www.youtube.com/watch?v=_bpwj8tMPLY&feature=related (http://www.youtube.com/watch?v=_bpwj8tMPLY&feature=related)
__________________________________________________ __________________
الجزء التالت
http://www.youtube.com/watch?v=S5vqGXfRFNE&feature=related (http://www.youtube.com/watch?v=S5vqGXfRFNE&feature=related)
__________________________________________________ ____________________
رد الشيخ رسلان عليه
http://www.youtube.com/watch?v=zbQ04JudxJY&feature=related (http://www.youtube.com/watch?v=zbQ04JudxJY&feature=related)
__________________________________________________ ______________________
وفيه على فكرة تنبيهات كتيرة جدا بس مش هاجيبها كلها
وزى ما بقول انا شفت ناس فى موضوع رونالدينيو بتتكلم بالعاطفة بخلاص
بس لازم نعرف ان هذا العلم دين فأنظروا عمن تأخذون دينكم
وعمرو خالد ليس أكبر من الخطأ
ولكن الخطأ له حدود
والكلام عن النبى مش يكون زى كلامنا على بعض
ولا كلامنا على سيدنا موسى يكون كلامنا مع بعض
اذا كان لما سيدنا او وعمر صوتهم اترفع فى مجلس النبى نزلت الاية تحذرهم بأحباط اعمالهم
وقال النبى صلى الله عليه وسلم فى هذا الموقف كاد الخيران ان يهلكا
ودول افضل الاتنين فى الامة

فى امان الله

!!!دمعة حزن!!!

30-09-2008, 11:46 PM

زهرة الاسلام

30-09-2008, 11:51 PM

dr.saeed

30-09-2008, 11:52 PM

بس على فكره 3/4 اللى بيحبوا عمرو خالد وبيسمعوله وبيدفعوا عنه مش بيحبوا الشيخ وجدى غنيم والشيخ ابو اسحاق الحويتى وغيرهم ال>ين يتمسكون بالسنه حفظهم الله جميعن
عمرو خالد انا عن نفسى ساعات بسمعله وساعات برضه بتأثر بكلامه
بس مش معنى كدة انى ادافع عنه ولو اخطأ
فرق كبير
اما موضوع انهم مش بيسمعوا لشيوخ السلفية دى حاجة ترجعلهم
طالما الواحد بياخد علم صحيح يكمل فيه وربنا يوفقه
انما مش اقول مش هاسمع للشيخ كذا وللشيخ كذا وانا اصلا مش بحصل علم فى الدين
وجزاكى مثله
فى امان الله

dr.saeed

30-09-2008, 11:54 PM

يا جماعة كفاية بقى حرام عليكوا كفاية كلام ع الناس.ياريت تسيبوا استاذ عمرو فى حاله كفاية مهاجمات احنا ولا عايزين مهاجمات ولا عايزين دفاع سيبو الناس فى حالهاااااااااااااااااااااااا.........
احنا مش بنتكلم فى حاجة فاضية
احنا بنحذر من حاجة بتحصل
بدل ما تيجى يوم القيامة تسالى اذا كنتى سامعة الكلام دة وساكته ومش تلاقى رد واحد تعرفى تقوليه لربنا ساعتها فى يوم مش ينفع حتى فيه الندم
ومش موضوع مهاجمات
لما الكلام يبقى عن الدين وعن الرسول وعن الانبياء يبقى لازم نقف عنده
مش نمر عليه مرور الكرام
فى امان الله

زهرة الاسلام

30-09-2008, 11:55 PM

وليه نكون مش بنحب الاستاذ عمرو مع الشيخ وجدى غنيم كلهم يصبوا فى منبع واحد بالعكس بقى انا وكثييييييييييييييييير جدا من اصحابى بنحب نسمعهم الاتنين.

dr.saeed

30-09-2008, 11:58 PM

وليه نكون مش بنحب الاستاذ عمرو مع الشيخ وجدى غنيم كلهم يصبوا فى منبع واحد بالعكس بقى انا وكثييييييييييييييييير جدا من اصحابى بنحب نسمعهم الاتنين.

وانا قولت فوق اننا نخلى بالنا من الكلام الى عمرو خالد بيقوله
والمنبع ماشى واحد بس ممكن تسكلى طريق للمنبع دة بدل ما يوديكى ليه يشتتك الف مرة وبعدين تتوهى
وانا الى بعمله تحذير وتنبيه

زهرة الاسلام

01-10-2008, 12:00 AM

وبعدين كل واحد ياخد الحلو من كلامه ويسيب الوحش (دا إذا كان فيه وحش أصلا).مش نعمل اللى احنا بنعمله ده

ayooosh

01-10-2008, 12:00 AM

كفايه بقة مهاجمات:mad:
انا الصراحه بحب اسمعه جدا وبرنامج قصص القرآن اللى قدموا السنه دى كان اكتر من رائع
ومش شايفه فى حاجه وحشه
واللى بيقول اللى بيحب عمر خالد مبيحبش وجدى غنيم وابو اسحاق
ده مش صح:cool:
انا بحب جدا شيوخ كتير زى وجدى غنيم وابو اسحاق ومحمد حسين يعقوب ومحمد حسان وشيوخ كتير ماشاء الله بحب اسمعهم
انا ضد مهاجمه عمرو خالد لانه كلام بسيط وسهل وبيوصل لشباب بسرعه وهو بيحاول يجتهد فى الدين ومبيجبش كلام من دماغه وانا شايفه احسن حاجه فيه انه مبيحاولش يرد على اى اساءه لانه لو رد مش هيخلص
و فى ناس سالوا ايه الحاجه اللى انت لو رجعت لورا تانى هتعملها تانى ومش ندمان عليها
قلهم رحله الدنمارك على الرغم ان ناس كتير وشيوخ هاجموا عليه^_^
على العموم انا عارفه ان كلامى مش هيفرق لان كل واحد مقتنع بوجهة نظره ومش هيغيرها;)

dr.saeed

01-10-2008, 12:04 AM

وبعدين كل واحد ياخد الحلو من كلامه ويسيب الوحش (دا إذا كان فيه وحش أصلا).مش نعمل اللى احنا بنعمله ده

كفايه بقة مهاجمات:mad:

انا الصراحه بحب اسمعه جدا وبرنامج قصص القرآن اللى قدموا السنه دى كان اكتر من رائع
ومش شايفه فى حاجه وحشه
واللى بيقول اللى بيحب عمر خالد مبيحبش وجدى غنيم وابو اسحاق
ده مش صح:cool:
انا بحب جدا شيوخ كتير زى وجدى غنيم وابو اسحاق ومحمد حسين يعقوب ومحمد حسان وشيوخ كتير ماشاء الله بحب اسمعهم
انا ضد مهاجمه عمرو خالد لانه كلام بسيط وسهل وبيوصل لشباب بسرعه وهو بيحاول يجتهد فى الدين ومبيجبش كلام من دماغه وانا شايفه احسن حاجه فيه انه مبيحاولش يرد على اى اساءه لانه لو رد مش هيخلص
و فى ناس سالوا ايه الحاجه اللى انت لو رجعت لورا تانى هتعملها تانى ومش ندمان عليها
قلهم رحله الدنمارك على الرغم ان ناس كتير وشيوخ هاجموا عليه^_^

على العموم انا عارفه ان كلامى مش هيفرق لان كل واحد مقتنع بوجهة نظره ومش هيغيرها;)

انا مش عامل الموضوع عشان اغير وجهة نظر الناس
الى عاوز يسمع الكلام دة عن الرسول هو حر بس انا ابقى عملت الى عليا عشان يوم القيامة لما ربنا يسالنى لما انت شفت الكلام دة عملت ايه ابقى اعرف اقول حاجة
مش موضوع وجهات نظر
دة دين
مش موضوع فلسفى
فى امان الله

اوركيديا

01-10-2008, 12:07 AM

Dr/Fatma

01-10-2008, 12:10 AM

أنا لا أنتقد أ/ عمرو خالد

ما من بشر لا يخطىء و ما من أحد كامل

ولكن حقيقة أحب أن أستمع اليه

كلامه بسيط ومحبب للنفس و استفيد منه كثيرا

ربما لم أشاهد جميع برامجه

أنا أعتقد أن أغلب كلامه يؤيده بآية أو حديث أو حكمة

wafa2y

01-10-2008, 12:12 AM

شكرا ليك يا سعيد علي الموضوع
اللي كان نفسي أشوفه من زمان وأحسن حاجه
إنك جايب الأدله
ربنا يعينك و يثبتك يا رب

الرحمة حلوة

01-10-2008, 12:13 AM

والله العظيم حرررررررررررررام اللى بيتعمل فيه كفاية بس الحاجات اللى بيعملها والنصائح اللى طالعة من القلب للقلب انحنا ديما كده اى حد يحاول يعمل حاجة كويسة فى البلد ده تكون ده الجايزة بتاعته وبصراحة انا لا هقرا اللى مكتوب عنه ولا هبصله حتى لانى وثقة فى كلامه وكفاية كده بقى

nonog

01-10-2008, 12:13 AM

والله حرام يا جماعة اللى بيحصل ده
احنا لو فرضنا ان عمرو خالد اخطى وما ظنش ان ده حصل لان انا متابعة كل برامجه فمننساش ان كان السبب فى هداية ناس كتيير وزى ما قال .........dr saeed (ليس من حقنا نحن ايضا ان نحكم بعلمنا الضئيل عن شخصية معينة الا لما يكون علمنا يتعدى علمه)

لكن انا معرفش ايه سببب الهجوم ده كله على رجل محترم يدعوا الشباب اللى النهضة والتغلب على الظروف الصعبة اللى حوليهم وعمل شى نافع وبيحمسهم بمواقف من الدين ومواقف الصحابة
وعلى العموم احنا المفروض نحترم راى كل واحد بس ياريت قبل ما نكتب راينا نفكر شوية ونشوف حلقات من برامج عمرو خالد مش لمجرد اننا سمعنا من حد انه وحش يبقى خلاص وحش ويبقى راينا نابع من نفسنا وبكل امانة
ونعرف ان كل لفظ بنقوله ربنا بيحسبنا عليه

newmake403

01-10-2008, 12:15 AM

..Just Stop

01-10-2008, 12:15 AM

بص يا سعيد
فى مقولة بتقول
خد الوردة وابعد عن شوكها
مش عايزين نهاجم حد
احنا ناخد من عمرو خالد الحاجت الكويسة
ونبعد كل البعد عن شوكه
كل الناس بتخطأ
حتى عمرو خالد
بس مش معنى ان الناس تخطىء
اننا نهاجمهم بالطريقةدى
عمرو خالد مهما كان انسان له مكانته
اهتدى على ايده ناس كتير
ودى طبعا تشفعله
( لان يهدى الله بك رجلا واحدا خير لك من الدنيا وما فيها )
عمرو خالد شخصية مرموقة
ممكن خطأه دا يبقا سهو او ذلة لسان
يعنى لو جينا يا سعيد نقارن اخطاءه بانجازاته هنلاقى اخطاءه وان كانت مبرحة لا تقارن بانجازاته
المفروض ندعيله بالهداية
وان ربنا يحفظه من الخطأ فى مثل هذه الاشياء
ربنا يهديه
وكفاية كلام فى الموضع ده
شكرا يا سعيد

Sharp Nails

01-10-2008, 12:19 AM

اولا شكرا يادكتور عاللينكات
جزاك الله خيرا

وفعلا عمرو خالد عنده غلطات كتير اوى
بس جزاه الله خيرا على حسناته
واحنا ملناش غير اننا ندعيله بالرحمة والمغفرة

وشكرا مرة تانية عاللينكات

away-from-you

01-10-2008, 12:22 AM

عمرو خالد داعيه للدين يعنى الولاد والبنات اللى ميعرفوش حاجه عن دينهم...

هو بيعرف يوصلهم بكلامه السهل ويحببهم فى الدين ... لانهم مش محتاجين واحد زى الشيخ ابو اسحاق ويقولهم علم الحديث

هما محتاجين حد يوريهم الطريق وبعدين هما يكملوا ...

يعنى عمرو خالد بيعرفهم البدايه .... وهو بيعرف يقنعهم ...

الشيوخ ( محمد حسان - ابواسحاق) كلامهم كبير اوووى ... صعب واحد ميعرفش حاجه عن دينه تخليه يتفرج عليهم لانه هيحس ان الدين صعب اووى ....

وده مش معناه انى مع عمرو خالد او ضده ...

ayooosh

01-10-2008, 12:23 AM

انا مش شايفه انه بيسيئ للرسول
وفعلا محدش معصوم من الغلط ومفيش حد مبيغلطش
ممكن يكون قال كلام غلط ده لو قال
احنا بقى ناخد منه الكويس
يعنى عمرو خالد لو بيغلط
ممكن يبقى حوالى 5% كلام غلط و95% كلام صح وكويس
فمش هنقف عند ال5% دول
وهو انا شايفه ايجابياته اكتر من سلبياته

wafa2y

01-10-2008, 12:26 AM

انا عايز ارد رد موضوعى شوية..............
مفيش حد على وجه الارض معصوم من الغلط......نعم عمروخالد له أخطاء مثل اى انسان
فأى انسان له ايجابيات وسلبيات...ولكن المؤكد ان اايجابيات عمروخالد اكبر من مئات الوف اضعاف سلبياته.......
فيكفى انه قدر يوصل للشباب...قدر يعمل كتيير من الشباب القادر على صنع نهضة وحضارة....قدر يخلى صلاة الفجر يوجد بها شباب..حيث ان المعروف لكل من يصلى الفجر فى المسجد أن معظم من يصلون ان لم يكن كلهم عواجيز.......قدر يخاطب الشباب بأسلوب جميل وبشوش وليس عبوس.........متواضع الى اقصى مدى يمكن تخيله.........له جمهور بالملايين وانا بلا شك منهم....لا أعتقد ان هناك داعية منذ رحيل الداعية والمفتى والشيخ العظيم محمد متولى الشعراوى. كان له جمهور بهذا العدد الضخم....مفيش حد قدر يجعل الشاب المتدين......بجانب تدينه له هدف فى الحياة له رسالة.........
ويسعدنى ان اخبركم ان عدد مشاهدين برنامجة الاخير وصل الى 10 ملايين فرد .
أنا أسف و طبعا المثال مش بالظبط
بس عمرو دياب معجبيه بيعدو الملايين
فليس الحق بكثرة الأتباع

..يعنى اكتر من شعوب عربية بأكملها....فعلا اعاد زمن الفتوحات الاسلامية لا بقوة السلاح ولكن بقوة العقل والمنطق
ووصل عدد مرات تحميل بعض حلقات برنامجة "قصص القران" الى اكثر من 100000 "مائة الف"

الخلاصة عمرو خالد رجل رائع ..واذا كنتم تهاجمهوه فهذا دليل على نجاحه .....لأن محدش بيتهاجم الا اذا كان ناجح ......أنا خلصت واتمنى اكون وضحت الامر...واسف على الاطالة

بس حضرتك مينفعش نقول الكلام ده دلوقتي
الأستاذ عمرو خالد علي راسنا من فوق
بس لما المشايخ ينصحوه و يحذروه من بعض الأشياء
و يقدمولوا أيدي العون علي نشر السنه الصحيحه
و يرقض نبقي إحنا أقدام شخص عرف الحق و معملش بيه
و منكرش إن سبب هدايتي
الله تعالي ثم الأستاذ عمرو خالد و لكن يجب التنويه عن أخطائه التي لا يكترث من نصح الناس له بتصحيحها

بص يا سعيد
فى مقولة بتقول
خد الوردة وابعد عن شوكها
حضرتك إحنا عندنا خبره إن إحنا نعرف الورد من الشوك؟؟؟
و لو كان عندنا يبقي إحنا مش محتاجين نسمع بقي!!!!
مش عايزين نهاجم حد
هذا ليس هجوم و لكن تنويه
احنا ناخد من عمرو خالد الحاجت الكويسة
ونبعد كل البعد عن شوكه
كل الناس بتخطأ
حتى عمرو خالد
بس مش معنى ان الناس تخطىء
اننا نهاجمهم بالطريقةدى
عمرو خالد مهما كان انسان له مكانته
اهتدى على ايده ناس كتير
ودى طبعا تشفعله
( لان يهدى الله بك رجلا واحدا خير لك من الدنيا وما فيها )
عمرو خالد شخصية مرموقة
ممكن خطأه دا يبقا سهو او ذلة لسان
يعنى لو جينا يا سعيد نقارن اخطاءه بانجازاته هنلاقى اخطاءه وان كانت مبرحة لا تقارن بانجازاته
المفروض ندعيله بالهداية
وان ربنا يحفظه من الخطأ فى مثل هذه الاشياء
ربنا يهديه
آآآآآآآآمين
والله من قلبي عشان أنا بحب الراجل ده و
وكفاية كلام فى الموضع ده
شكرا يا سعيد

مس رانيا حسن

01-10-2008, 12:26 AM

يا جماعه الهدف من الموضوع
ان نكون موضوعيين
لا نتجعل العاطفه تحركنا
جزاك الله خيرا على موضوعك

mostafa kernawy

01-10-2008, 12:28 AM

عمرو خالد عايش الدين ...الدين مش حكم ومواعظ وايات واحاديث الدين حياة منهج عملي تطبيق اه لازم نتثقف ونفهم دنا كويس ونستمع لقصص المرسلين والصحابة لكن برضه لازم نتحضر لازم نتثقف لازم نشتغل نصنع نهضة نصنع الحياة القائمة على مبادئ الدين فقد امرنا الله بالايمان والعمل الصالح وليس بالايمان فقط وقد خلق الله الانسان ليعمر الارض فاتركو الاستاذ يعمر الارض ويعننا الله لكي نعمرها معه ان شاء الله

wafa2y

01-10-2008, 12:39 AM

النبي يهزر (http://www.youtube.com/watch?v=Bwzk3mQsewI&NR=1)

شوفوا جرئته وصلت لدرجة إن هو خله النصاري ينزلوه علي مواقعهم
و يقولوا إن هو بيسخر بالرسول
و علي فكره كان تفسيره خطأ عشان تبقوا تقولوا
ما كل الناس بتغلط
شوفوا غلطه عمل إيه
و علي فكره حديث ناقصات عقل و دين
معناه واضح زي الشمس و مش عشان يحبب الناس يكدب عليهم
و ناقصات دين عشان بغض الأحكام
مثل الصيام و الصلاه فإنه ينقص عند الحيض وما إلي ذلك
و الله المستعان
وحسبنا الله و نعم الوكيل

dr.saeed

01-10-2008, 12:42 AM

العمليه اننا نكون عندنا زى فلتر للكلام
يعنى مش اى كلام من اى حد من الشيوخ نسمعله
يعنى كل ابن ادم خطاء
انا اسمع للشيخ و الكلام اللى احسه مش بيتوافق مع اللى انا عارفاه بسيبه
و دى قاعده عامه انى ماخدش كل كلامى بثقه مطلقه من مصدر واحد بعد القران و السنه النبويه

فعمرو خالد انا بسمعله و البرنامج بتاعه السنادى كان حلو
بس مش معنى كده ان كلامه خلاص يتاخد بدون ما نتحقق منه

على العموم جزاك الله خير على الموضوع
بس اللى انا بقوله ان يمكن عمرو خالد غلط دلوقتى بس اننا ناخده بالحده مش حينفع
حتى هو علق فى حلقه على الهجوم اللى بيحصل عليه

فى رعايه الله
برافو عليكى يا اسدات
كلامك جاب من الاخر ودة الى اقصده بالظبط
أنا لا أنتقد أ/ عمرو خالد

ما من بشر لا يخطىء و ما من أحد كامل

ولكن حقيقة أحب أن أستمع اليه

كلامه بسيط ومحبب للنفس و استفيد منه كثيرا

ربما لم أشاهد جميع برامجه

أنا أعتقد أن أغلب كلامه يؤيده بآية أو حديث أو حكمة

انا جبت ادلة وليس كلام من دماغى
وطالما بيؤدى ليكى للطريق الصحيح خلاص خدى منه الى ينفعك لدينك

شكرا ليك يا سعيد علي الموضوع

اللي كان نفسي أشوفه من زمان وأحسن حاجه
إنك جايب الأدله
ربنا يعينك و يثبتك يا رب

جزاك الله خيرا

والله العظيم حرررررررررررررام اللى بيتعمل فيه كفاية بس الحاجات اللى بيعملها والنصائح اللى طالعة من القلب للقلب انحنا ديما كده اى حد يحاول يعمل حاجة كويسة فى البلد ده تكون ده الجايزة بتاعته وبصراحة انا لا هقرا اللى مكتوب عنه ولا هبصله حتى لانى وثقة فى كلامه وكفاية كده بقى
خلاص براحتك
مش عاوزة تبصى للكلام او تقرأيه عادى لان انا عن نفسى يوم القيامة هتسأل عن نفسى وليس عليا انى اجبر الناس ان انبهم
بس لما ربنى يسالنى عن الموضوع دة ابقى اقول انى فعلا نبهت بس فيه ناس مش استجابت
وطبعا الى يقول انا مش هابص دة مفروض يكون اعلم من الناس الى انا جيبتها
فقط ولا غير
والى غير كدة يبقى مش عاوز يعرف الحقيقة
ودة انا مش مسئول عنه ادام ربنا

والله حرام يا جماعة اللى بيحصل ده
احنا لو فرضنا ان عمرو خالد اخطى وما ظنش ان ده حصل

انا كلامى بأدلة ومن كلام العلماء مش من دماغى زى ما قلت فوق
يعنى مش نقول نظن ومش نظن واحنا اصلا ما شفناش الكلام
لان انا متابعة كل برامجه فمننساش ان كان السبب فى هداية ناس كتيير وزى ما قال .........dr saeed (ليس
من حقنا نحن ايضا ان نحكم بعلمنا الضئيل عن شخصية معينة الا لما يكون علمنا يتعدى علمه)

لكن انا معرفش ايه سببب الهجوم ده كله على رجل محترم يدعوا الشباب اللى النهضة والتغلب على الظروف الصعبة اللى حوليهم وعمل شى نافع وبيحمسهم بمواقف من الدين ومواقف الصحابة
وعلى العموم احنا المفروض نحترم راى كل واحد بس ياريت قبل ما نكتب راينا نفكر شوية ونشوف حلقات من برامج عمرو خالد مش لمجرد اننا سمعنا من حد انه وحش يبقى خلاص وحش ويبقى راينا نابع من نفسنا وبكل امانة
ونعرف ان كل لفظ بنقوله ربنا بيحسبنا عليه

اكيد احنا عارفين الكلام دة
وانا عن نفسى مش عقلى صغير عشان لما حد يقولى وحش اقوله خلاص وحش
انما لما اسمع عالم بيتكلم يبقى لازم اعرف هو بيقول عن عمرو خالد ايه وليه
لانى مش اعلم من العالم دة

انا عايز ارد رد موضوعى شوية..............
مفيش حد على وجه الارض معصوم من الغلط......نعم عمروخالد له أخطاء مثل اى انسان
فأى انسان له ايجابيات وسلبيات...ولكن المؤكد ان اايجابيات عمروخالد اكبر من مئات الوف اضعاف سلبياته.......
فيكفى انه قدر يوصل للشباب...قدر يعمل كتيير من الشباب القادر على صنع نهضة وحضارة....قدر يخلى صلاة الفجر يوجد بها شباب..حيث ان المعروف لكل من يصلى الفجر فى المسجد أن معظم من يصلون ان لم يكن كلهم عواجيز.......قدر يخاطب الشباب بأسلوب جميل وبشوش وليس عبوس.........متواضع الى اقصى مدى يمكن تخيله.........له جمهور بالملايين وانا بلا شك منهم....لا أعتقد ان هناك داعية منذ رحيل الداعية والمفتى والشيخ العظيم محمد متولى الشعراوى. كان له جمهور بهذا العدد الضخم....مفيش حد قدر يجعل الشاب المتدين......بجانب تدينه له هدف فى الحياة له رسالة.........
ويسعدنى ان اخبركم ان عدد مشاهدين برنامجة الاخير وصل الى 10 ملايين فرد ...يعنى اكتر من شعوب عربية بأكملها....فعلا اعاد زمن الفتوحات الاسلامية لا بقوة السلاح ولكن بقوة العقل والمنطق
ووصل عدد مرات تحميل بعض حلقات برنامجة "قصص القران" الى اكثر من 100000 "مائة الف"

الخلاصة عمرو خالد رجل رائع ..واذا كنتم تهاجمهوه فهذا دليل على نجاحه .....لأن محدش بيتهاجم الا اذا كان ناجح ......أنا خلصت واتمنى اكون وضحت الامر...واسف على الاطالة

كلمه توقفنى كتير
..واذا كنتم تهاجمهوه فهذا دليل على نجاحه .....لأن محدش بيتهاجم الا اذا كان ناجح
يبقى اذا الهجوم على اقبال بركة لنجاحها فى التوعية الدينية!!
والهجوم على اليهود لانهم فعلا ليهم هيكل سليمان!!!!!
والهجوم على امريكا لانهم فعلا على حق والى بتعمله فى العرب مشروع

[QUOTE]
بص يا سعيد

فى مقولة بتقول
خد الوردة وابعد عن شوكها
مش عايزين نهاجم حد
احنا ناخد من عمرو خالد الحاجت الكويسة
ونبعد كل البعد عن شوكه
كل الناس بتخطأ

بس خطأ عن خطأ يفرق

حتى عمرو خالد
بس مش معنى ان الناس تخطىء
اننا نهاجمهم بالطريقةدى
عمرو خالد مهما كان انسان له مكانته
اهتدى على ايده ناس كتير
ودى طبعا تشفعله

الله اعلم بموضوع ايه يشفع لايه
ليس لدى علم بمن هم اهل النار ومن هم اهل النة عشان احدد

( لان يهدى الله بك رجلا واحدا خير لك من الدنيا وما فيها )
عمرو خالد شخصية مرموقة
ممكن خطأه دا يبقا سهو او ذلة لسان
يعنى لو جينا يا سعيد نقارن اخطاءه بانجازاته هنلاقى اخطاءه وان كانت مبرحة لا تقارن بانجازاته
المفروض ندعيله بالهداية
وان ربنا يحفظه من الخطأ فى مثل هذه الاشياء
ربنا يهديه
وكفاية كلام فى الموضع ده

شكرا يا سعيد

دة مش كلامى يا محمود
دة كلام علماء
الى عاوز يسمعله او لا دى حاجة ترجعله
بس انا جبت الادلة عشان الى بيتكلموا بدون علم فى الموضوع دة وجبت علماء مش ناس فى سننا

اولا شكرا يادكتور عاللينكات
جزاك الله خيرا

وفعلا عمرو خالد عنده غلطات كتير اوى
بس جزاه الله خيرا على حسناته
واحنا ملناش غير اننا ندعيله بالرحمة والمغفرة

وشكرا مرة تانية عاللينكات
العفو

عمرو خالد داعيه للدين يعنى الولاد والبنات اللى ميعرفوش حاجه عن دينهم...

هو بيعرف يوصلهم بكلامه السهل ويحببهم فى الدين ... لانهم مش محتاجين واحد زى الشيخ ابو اسحاق ويقولهم علم الحديث

هما محتاجين حد يوريهم الطريق وبعدين هما يكملوا ...

يعنى عمرو خالد بيعرفهم البدايه .... وهو بيعرف يقنعهم ...

الشيوخ ( محمد حسان - ابواسحاق) كلامهم كبير اوووى ... صعب واحد ميعرفش حاجه عن دينه تخليه يتفرج عليهم لانه هيحس ان الدين صعب اووى ....

وده مش معناه انى مع عمرو خالد او ضده ...
كلامهم كبير اوى؟
هما بيتكلموا فى اجزاء تانية من الدين؟
مانا عندى 17 سنة وبفهم كل كلامهم
ايه المشكلة فى كدة؟

انا مش شايفه انه بيسيئ للرسول
لا اساء للرسول لما قال انه فشل بدون علم حضرتك

وفعلا محدش معصوم من الغلط ومفيش حد مبيغلطش
ممكن يكون قال كلام غلط ده لو قال
احنا بقى ناخد منه الكويس
يعنى عمرو خالد لو بيغلط
ممكن يبقى حوالى 5% كلام غلط و95% كلام صح وكويس
فمش هنقف عند ال5% دول
وهو انا شايفه ايجابياته اكتر من سلبياته

اخر حتة ربنا هو الى يحددها
لان ممكن كلمة واحدة من سخط الله يهوى بها المرأ فى النار سبيعا خريفا
والعكس صحيح
وغير ان اول من تسعر بهم النار يوم القيمة عالم لم يتقى الله فى علمه
بالرغم ان ناس كتير ممكن يكونوا تحت ايده
العبرة بالقلوب مش الاعمال الظاهرة
يا جماعه الهدف من الموضوع
ان نكون موضوعيين
لا نتجعل العاطفه تحركنا
جزاك الله خيرا على موضوعك
وجزاكى مثله

dr.saeed

01-10-2008, 12:43 AM

النبي يهزر (http://www.youtube.com/watch?v=bwzk3mqsewi&nr=1)

شوفوا جرئته وصلت لدرجة إن هو خله النصاري ينزلوه علي مواقعهم
و يقولوا إن هو بيسخر بالرسول
و علي فكره كان تفسيره خطأ عشان تبقوا تقولوا
ما كل الناس بتغلط
شوفوا غلطه عمل إيه
و علي فكره حديث ناقصات عقل و دين
معناه واضح زي الشمس و مش عشان يحبب الناس يكدب عليهم
و ناقصات دين عشان بغض الأحكام
مثل الصيام و الصلاه فإنه ينقص عند الحيض وما إلي ذلك
و الله المستعان
وحسبنا الله و نعم الوكيل

لو انا على فكرة نقلت عنه كلام مش هاخلص صراحة
انا جبت كلام العلماء عنه عشان الى يرجع يتكلم بهواه تانى ابقى مش مسئول عنه ادام ربنا
وجزاكم الله خيرا

..Just Stop

01-10-2008, 12:51 AM

طب ايه وجه الاستفادة من الموضوع يا سعيد
:::::::::::::::::::::::::::::
هضطر اغلق الموضوع
وتكفينا الادلة
الناس زهقت كلام فىالموضوع بتاع رونالدينهو
يبقا نقفل دا بقا ياسعيد
وهشوف الموضوع التانى وهقفله بردو

dr.saeed

01-10-2008, 12:52 AM

طب ايه وجه الاستفادة من الموضوع يا سعيد
:::::::::::::::::::::::::::::
وجه الاستفادة اننا نعرف الغلط ونصلحه
وانت عارف انى عمرى ما عملت موضوع عشان اتكلم وخلاص
سلام

..Just Stop

01-10-2008, 12:55 AM

وجه الاستفادة اننا نعرف الغلط ونصلحه
انت شايف انه كدا بيتصلح

اللهم انى بلغت
اللهم فاشهد

دى طبعا تكفيك يا سعيد
دمت فى رعاية الله

dr.saeed

01-10-2008, 12:57 AM

انت شايف انه كدا بيتصلح
لو مش كنت شايف كدة مش كنت هاعمل الموضوع
ودة اخر كلامى ليك

..Just Stop

01-10-2008, 11:20 AM

اسف يا سعيد
الظاهر ان انا كنت مخطأ
كمل موضوعك
دمت فى رعاية الله

bosy .. mostafa

01-10-2008, 01:16 PM

بسم الله الرحمن الرحيم
هو كلامي في الموضوع ده هيطوّل شويه لإني بشتغل مع عمرو خالد اصلاً :rolleyes:
بصوا يا جماعه ..
عمرو خالد مهواش ملاك مش بيغلط ..
ما برضو الشيوخ اللي انتوا بتتكلموا عنهم دول اكيد بيغلطوا ..
الشباب بيحبوا عمرو خالد لإنه بيكلمهم بعقليتهم .. و بيوصل لقلوبهم بسرعه ..
و مانكرش أي نعم ان عمرو خالد غلط الغلطات دي ..
و بصراحه و محدش يزعل مني .. انا مش بحب اسمع الشيوخ اللي هما ابو اسحاق الحويني و محمد حسان ..
لإني بصراحه لقيتهم طلعوا مره واحده كده .. و مش حسيت بقلبي اوي لما بسمعهم
عندك مثلاً مصطفى حسني ده شيخ فاضل جداً احسبه على خير ..
و برضو بيخاطب الشباب بعقليتهم .. و مش بيغلط زي ما عمرو خالد بيغلط ..
و بجد لو سمعتوه هتحبوه جداً و هتحبوا كلامه اوي اوي
و خدوا بالكم إن فيه فرق شاسع بين (مفتي) و ما بين (داعيه)
المفتي ده اللي بيقول آراء الدين في الأمور الدنيويه (اللي يقول حرام ولا حلال مع الأدله الشرعيه)
و الداعيه هو اللي بيدعو إلى سبيل الله بالحكمه و الموعظه الحسنه (وده بقى عمرو خالد و مصطفى حسني)
على فكره لما جم سألوا مصطفى حسني عن رأيه في الأغاني حرام ولا لأ قال لهم (انا داعيه و مش مفتي)
و عموماً انا باخد الفتوى من المفتي اللي بحس بصدق أدلته و تأكيدها .. و عامةً بلاقي المفتيين دول على موقع طريق الإسلام و بيعجبني آرائهم
و بحب اسمع عمرو خالد لإنه لما بييجي يحكي اي قصه من قصص القرآن بيصورها لي كأنها حاصله ادامي و ساعات ببكي من تأثري بكلامه و احسبه على خير
و هو اكيد ليه سقطات زيه زي غيره
(لكل عالم هفوه )
شكراً للموضوع

%medo%

01-10-2008, 01:46 PM

الموضوع دا اثير كتير اوى وكل مرة بيتقفل فى الاخر
عشان السب و الشتايم

بسم الله الرحمن الرحيم
هو كلامي في الموضوع ده هيطوّل شويه لإني بشتغل مع عمرو خالد اصلاً :rolleyes:
بصوا يا جماعه ..
عمرو خالد مهواش ملاك مش بيغلط ..
ما برضو الشيوخ اللي انتوا بتتكلموا عنهم دول اكيد بيغلطوا ..
الشباب بيحبوا عمرو خالد لإنه بيكلمهم بعقليتهم .. و بيوصل لقلوبهم بسرعه ..
و مانكرش أي نعم ان عمرو خالد غلط الغلطات دي ..
و بصراحه و محدش يزعل مني .. انا مش بحب اسمع الشيوخ اللي هما ابو اسحاق الحويني و محمد حسان ..
لإني بصراحه لقيتهم طلعوا مره واحده كده .. و مش حسيت بقلبي اوي لما بسمعهم
عندك مثلاً مصطفى حسني ده شيخ فاضل جداً احسبه على خير ..
و برضو بيخاطب الشباب بعقليتهم .. و مش بيغلط زي ما عمرو خالد بيغلط ..
و بجد لو سمعتوه هتحبوه جداً و هتحبوا كلامه اوي اوي
و خدوا بالكم إن فيه فرق شاسع بين (مفتي) و ما بين (داعيه)
المفتي ده اللي بيقول آراء الدين في الأمور الدنيويه (اللي يقول حرام ولا حلال مع الأدله الشرعيه)
و الداعيه هو اللي بيدعو إلى سبيل الله بالحكمه و الموعظه الحسنه (وده بقى عمرو خالد و مصطفى حسني)
على فكره لما جم سألوا مصطفى حسني عن رأيه في الأغاني حرام ولا لأ قال لهم (انا داعيه و مش مفتي)
و عموماً انا باخد الفتوى من المفتي اللي بحس بصدق أدلته و تأكيدها .. و عامةً بلاقي المفتيين دول على موقع طريق الإسلام و بيعجبني آرائهم
و بحب اسمع عمرو خالد لإنه لما بييجي يحكي اي قصه من قصص القرآن بيصورها لي كأنها حاصله ادامي و ساعات ببكي من تأثري بكلامه و احسبه على خير
و هو اكيد ليه سقطات زيه زي غيره
(لكل عالم هفوه )
شكراً للموضوع
انا مقتنع بالكلام دا تماما , وبحب اتفرج على الدكتور عمرو خالد منذ بدايته وانا فى خمسة ابتدائى
وهو شخصية محترمة جدا ,والدكتور عمرو قال فى برنامج قصص القران انه لن يرد على ما يقال عنه

والسؤال لماذا انا وملايين من شباب الأمة نحب عمرو خالد؟
1-لأنة مجدد وصاحب عقلية مستنيرة
2-لانه مخلص , ولو انك صليت معة واستمعت لدروسة وبينك وبينه عده امتار لعرفت ولتأكدت بكل ما اكتبته عنه
3-لأنه افهمنى كيف يكون لى هدف فى الحياه
4-لأنه استطاع ان يجمع عقول الشباب لفكرة واهداف واضحة
5- لأنه كان سببا فى حبى لله وللرسول صلى الله عليه وسلم وللأسلام وكل المسلمين على كافة اشكالهم والوانهم وافكارهم
6-لأنه جعلنى اعشق سيرة الرسول صلى الله عليه وسلم وكأننى اعيش معه
7-لأنه جعلنى احب واعرف حياه الصحابة وسيرتهم وجهادهم وعطائهم
8-لأنه جعلنى احب كل علماء المسلمين .دعوة للتعايش. مع اختلاف مذاهبهم السابقين و المحدثيين (وجدى غنيم-ابن باز -محمد حسان-ابو اسحاق-محمود المصرى-طارق السويدان-عائض القرنى)
ومن قبلهم الائمة الأربعة وابن تيميه و ابن القيم وابن كثير
9-لأنه افهمنى انا ومن مثلى من شباب المسلمين ان نكون فرسان الامة التى تبحث عن امجادها
ارجو ان تعلم لماذا نحب عمرو خالد ومن مثلة

وفى حديث للرسول صلى الله عليه وسلم
قال رسول الله صلى الله عليه وسلم:
«مثل هذا الذي يسمع الحكمة ثم لا يحدث إلا بشرّ ما سمع كمثل رجل جاء إلى صاحب غنم فقال اجزرني شاة, فقال: اذهب فخذ بأذن أيها شئت, فذهب فأخذ بأذن كلب الغنم»
رواه الإمام أحمد في المسند مرفوعاً

bosy .. mostafa

01-10-2008, 07:58 PM

الموضوع دا اثير كتير اوى وكل مرة بيتقفل فى الاخر
عشان السب و الشتايم

انا مقتنع بالكلام دا تماما , وبحب اتفرج على الدكتور عمرو خالد منذ بدايته وانا فى خمسة ابتدائى
وهو شخصية محترمة جدا ,والدكتور عمرو قال فى برنامج قصص القران انه لن يرد على ما يقال عنه

والسؤال لماذا انا وملايين من شباب الأمة نحب عمرو خالد؟
1-لأنة مجدد وصاحب عقلية مستنيرة
2-لانه مخلص , ولو انك صليت معة واستمعت لدروسة وبينك وبينه عده امتار لعرفت ولتأكدت بكل ما اكتبته عنه
3-لأنه افهمنى كيف يكون لى هدف فى الحياه
4-لأنه استطاع ان يجمع عقول الشباب لفكرة واهداف واضحة
5- لأنه كان سببا فى حبى لله وللرسول صلى الله عليه وسلم وللأسلام وكل المسلمين على كافة اشكالهم والوانهم وافكارهم
6-لأنه جعلنى اعشق سيرة الرسول صلى الله عليه وسلم وكأننى اعيش معه
7-لأنه جعلنى احب واعرف حياه الصحابة وسيرتهم وجهادهم وعطائهم
8-لأنه جعلنى احب كل علماء المسلمين .دعوة للتعايش. مع اختلاف مذاهبهم السابقين و المحدثيين (وجدى غنيم-ابن باز -محمد حسان-ابو اسحاق-محمود المصرى-طارق السويدان-عائض القرنى)
ومن قبلهم الائمة الأربعة وابن تيميه و ابن القيم وابن كثير
9-لأنه افهمنى انا ومن مثلى من شباب المسلمين ان نكون فرسان الامة التى تبحث عن امجادها
ارجو ان تعلم لماذا نحب عمرو خالد ومن مثلة

وفى حديث للرسول صلى الله عليه وسلم
قال رسول الله صلى الله عليه وسلم:
«مثل هذا الذي يسمع الحكمة ثم لا يحدث إلا بشرّ ما سمع كمثل رجل جاء إلى صاحب غنم فقال اجزرني شاة, فقال: اذهب فخذ بأذن أيها شئت, فذهب فأخذ بأذن كلب الغنم»
رواه الإمام أحمد في المسند مرفوعاً

لنفس الأسباب انا احب الإستماع لأستاذي عمرو خالد و اضيف عليهم
إنه حببني في شغلي في صناع الحياه .. و حببني في الخير و إصلاح مدمني المخدرات
و علمني ازاي احب الناس و ازاي يكون قلبي على امتي و احاول انهض بيها ازاي

Mr. Medhat Salah

01-10-2008, 08:03 PM

حسبنا الله ونعم الوكيل

Prof.Dr/A.T.M

01-10-2008, 08:08 PM

استاذ عمرو خالد هو الوحيد اللى باسمعله تقريبا لانه فعلا بيدي النصيحة بشكل يمكن فهمه وتقبله وهو من العلماء الاجلاء ومفيش حد يقدر ينكر دوره الكبير فى حياتنا مش بقى اول ما نلاقيله غلطة نعلق المشنقة ده بشر مش ملاك زى ما بوسى قالت جميل انك تنبهنا للاخطاء بس ياريت ده مش يخلى بعض الناس تقلل من شانه

away-from-you

01-10-2008, 09:04 PM

كلامهم كبير اوى؟
هما بيتكلموا فى اجزاء تانية من الدين؟
مانا عندى 17 سنة وبفهم كل كلامهم
ايه المشكلة فى كدة؟

ما انا برضه عندى 15-16 سنه وبفهم كلامهم ... بس ده عشان احنا متربين تربيه دينيه فمؤمنين بربنا وعارفين الصح من الغلط

لكن فى شباب ضايعه ومتعرفش اى حاجه فى دينها وبيعملوا حاجات صعبه اووووى ... وكل حياتهم معاصي

لو خليتهم يسمعوا حد زى الشيخ محمد حسان هيتعقدوا ( النقاب - اللحيه - الخ الخ ) مع احترامى ليهم طبعا ...

لان الشباب دول معندهمش اى خلفيه دينيه .... لو جبت واحده كل لبسها قصير وكت وقلت لها البسي النقاب ... هتحس ان الدين صعب ... لان مينفعش تنقلهم من حياه لحياه تانيه خالص ... لازم بالتدريج

لكن عمرو خالد بيحببهم فى الدين الاول وبعدين هما يكملو افى الطريق الصح ... ويلتزموا بالسنه وبكلام الشيوخ الكبار ( محمد حسان - ابو اسحاق )

مثلا لو جيت تتعلم اى لغه بتبتدى بالحروف ولا الجمل ....

اتمنى انى اكون قدرت اوصلك اللى عاوزه اقوله ....

كولو

01-10-2008, 09:38 PM

اسأل الله ان يهديه !!!!! فكر عمرو خالد معروف
وبدون الدخول فى اى تفاصيل لانى لا اريد فتن واختلاف فى الدين
لاننا والحمد لله بقينا فى زمن الفتن
اللهم نجنا من الفتن ما ظهر منها وما بطن

فراق

01-10-2008, 09:48 PM

شموخ مسلمة

01-10-2008, 09:48 PM

يا جماعة كل ما فى الموضوع
ان اصلا أستاذ عمرو خالد مش شيخ
اه بيصلح كتير و انا ع نفسى بقتدى بيه فى حاجات معينة بس كشيخ و يفتى
لا
و هو قال الكلام ده قبل كده
فمثلا لما ييجى يقول ليه بتقولو الاغانى حرام
المفروض احنا مش ناخدها كفتوى
لا
دى كلمة زى ما ناس كتير بتقول ليه بتقولو الاغانى حرام
و مش عشان بيتكلم فى الدين يبقى شيخ و ناخد منه الفتوى
يا جماعة ده دين و مش لعبة
احنا مش بنقول هو غلط فى كل حاجة
و فعلا الكل بيغلط
بس لما يكون الغلط فى الدين يبقى لازم نتنبه لده
وكمان احنا مش بنقول مش نسمعله
اه نسمعله
و نتعلم منه
بس مش نتعلم منه الدين لانه زى ماقال هو مش شيخ
و انا صراحة من وجهة نظرى استاذ عمرو خالد نقدر نقول عليه مصلح اجتماعى
و انا بجد بكن له كل احترام بس مع التحفظ ع شوية حاجات كده:)
بالنسبة للداعية مصطفى حسنى
هو فعلا ممتاز جدا ماشاء الله عليه
بس هو لما بيتسال ع حاجة زى مابوسى قالت لاما بيقول مااعرفش لاما بيقول انا مش مفتى
الا لو كانت فتوى صريحة جدااااااااا و العلماء متفقين عليها
و انا فعلا قبل كده اتصلت بيه و كنت سالته ع حاجتين
حاجة قالى ماعرفش
و التانية جاوبنى
و بالنسبة بقى
ان الشيخ محمد حسين يعقوب و الشيخ ابو اسحاق الحوينى و الشيخ محمد حسان ممكن كتير من الشباب مش يتجاوبوا مع اسلوبهم فى الاول
عادى جدا يا جماعة الموضوع مش مشكلة
فى الشيخ محمود المصرى و فى زى ماقالت بوسى الداعية مصطفى حسنى و برده استاذ عمرو خالد -بس زى ماقلنا مع بعض التحفظات-
ربنا يباركلهم جميعا فى علمهم و يزيدهم يارب و ينفع بيهم الامة الاسلامية
ربنا يهدينا
شكرا جداااااااااااااا يا دكتور ع الموضوع

فراق

01-10-2008, 09:54 PM

فراق

01-10-2008, 10:15 PM

http://www.y4yy.com/watch619.html

away-from-you

01-10-2008, 10:22 PM

ما انا برضه عندى 15-16 سنه وبفهم كلامهم ... بس ده عشان احنا متربين تربيه دينيه فمؤمنين بربنا وعارفين الصح من الغلط

لكن فى شباب ضايعه ومتعرفش اى حاجه فى دينها وبيعملوا حاجات صعبه اووووى ... وكل حياتهم معاصي

لو خليتهم يسمعوا حد زى الشيخ محمد حسان هيتعقدوا
مين قال كده ؟بالعكس تماما تقدروا تسمعوا للشيخ محمود المصري مثلا لو كانو مبتدئين زى ما حضرتك بتقول لكن رجاء متتهمش الشيوخ دول بانهم بيعقدو بالعكس دول يفهمو كويس يعنى ايه " ادع الى سبيل ربك بالحكمة والموعظة الحسنة" مش بيعقدو الناس
( النقاب - اللحيه - الخ الخ ) مع احترامى ليهم طبعا ...

لان الشباب دول معندهمش اى خلفيه دينيه .... لو جبت واحده كل لبسها قصير وكت وقلت لها البسي النقاب ... هتحس ان الدين صعب ... لان مينفعش تنقلهم من حياه لحياه تانيه خالص ... لازم بالتدريج

لكن عمرو خالد بيحببهم فى الدين الاول وبعدين هما يكملو افى الطريق الصح ... ويلتزموا بالسنه وبكلام الشيوخ الكبار ( محمد حسان - ابو اسحاق )
مهما كان فيه فرق بين تحبيب الناس فى الدين وبين التكلم بالفاظ لا تليق بالنبى او بالله كالتى ذكرها الدكتور سعيد لان دى اخطاء عقدية
مثلا لو جيت تتعلم اى لغه بتبتدى بالحروف ولا الجمل ....

اتمنى انى اكون قدرت اوصلك اللى عاوزه اقوله ....

انا مبتكلمش عن ناس فاهمه الدين وعارفه الصح والغلط ... انا بتكلم عن ناس تايهه بجد

ناس لما بتشوف واحد بلحيه بتفتكروا ارهابي ... وللاسف الناس دى موجوده كتير ..

انا بحترم الشيوخ دى وبحبهم ... بس اسلوبهم اعلى من مستوى حد ميعرفش حاجه عن دينه ..

عمرو خالد ليه اخطاء .. بس بيعرف يدخل للشباب صح ...

الشباب دول عاوزه حد يشجعها ... ويعرفها ان الدين يسر ...

لكن الشيوخ دول ملتزمين جدا ... يعنى كلامهم بيخاطب الانسان اللى بيصلى وبيصوم وبيعرف ربنا وعاوز يعرف السنن عشان يدخل الجنه ...

مش الناس اللى متعرفش القبله فين ....

انا مش بتابع عمرو خالد كتير ... بس الناس اللى اهتدت ع ايده دى كفيله بانى ادافع عنه ..

انتم عملين تقولوا اخطاء عمرو خالد ... تقدروا تقولوا كام واحد مبيصليش بكلامكم خلتوه يصلى .. كام واحده مش محجبه اقنعتوها بالحجاب ...

مش نقعد نقول اخطاء فلان واحنا واقفين فى مكانا ومبنعملش حاجه ....

عمرو خالد احسن من ناس كتير مننا ....

اللى كاتب الموضوع ... كان افيد له انه يكتب موضوع عن فايده الصلاه والصوم الخ الخ ..

ع الاقل كان هياخد ثواب ... بدل ما نتكلم عن واحد كان سبب فى هدايه مسلمين كتيرر ..

dr.saeed

01-10-2008, 10:58 PM

دى مش غلطة واحدة ولا اتنين ولا عشرة دا كتير والمشكلة انها اخطاء عقدية يعنى ف العقيدة لازم نفهم معنى الكلمة دى كويس

حضرتك بالكلام دة جبتى من الاخر صراحة
وانا يا جماعة ما جبتش كلام من دماغى
ومش قصدى ان الناس تسيب عمرو خالد على جنب وتسمع التانيين
بس مش معنى كدة اننا نغلط فى العقيدة ذات نفسها
هو فيه حاجة مثلا اسمها اربعة مكروه بواحد حرام؟
فيه حاجة اسمها (ربنا عاوز؟)
فيه حاجة اسمها (ابليس لم يكفر)
يعنى ربنا يقول الا ابليس ابى واستكبر وكان من الكافرين وانا اقول لا مش كفر
يا جماعة عمرو خالد لا يصلح ابدا انه يفتى
وللاسف هو كل مرة يقول انا مش بفتى
ويرجع يقول فتاوى
واشهرها فتاويه فى الفنون
وعلى العموم انا جبت الكلام والادلة
الى هياخد باله منه بعد كدة فله ما سأل
والى مش هياخد بيه فأنا لست وكيلا على الخلق
والله على ما أقول شهيد
فى امان الله

boody1001

01-10-2008, 11:04 PM

يا جماعة مش فاهم مشاسخ السلفية ما وراهمش غير عمرو خالد وخالد الجندي ليه
هما عايزين لا يرحمو ولا يسيبو رحمة ربنا تنزل ؟

ahmed2845

01-10-2008, 11:13 PM

عمرو خالد الصراحة والله راجل محترم ومتدين وشخصية جميلة جدااا
بس هو فى بعض الاحيان بيغلط غلطات صغيرة جداا مش مقصودة ومفيش انسان معصوم من الخظا ده اذا اعتبرنا ان دى اخطاء ممكن يكون ليها تاثير يعنى على اللى بيسمعه
انما هو والله راجل محترم جدااا وانا من اشد المعجبين بيه وبكلامه وكفاية بس مجهوداته فى مجال الشباب والتنمية ودعوته للتعايش وبجد الراجل ده بيعمل اقصى من عنده وربنا يوفقه
وشكرااا على الموضوع

wafa2y

01-10-2008, 11:15 PM

يا جماعة مش فاهم مشاسخ السلفية ما وراهمش غير عمرو خالد وخالد الجندي ليه
هما عايزين لا يرحمو ولا يسيبو رحمة ربنا تنزل ؟

هذه الكلمه لا تجوز شرعا
لأن لا أحد يمنع نزول رحمة الله
و ثانيا
لو سمحتم اللي هيكلم و يشارك يقول دليل علي كلامه
زي ما في أدله علي كلام سعيد
من القرأن و السنه و من العلماء
اللي معترض يجيب دليل و ده يبقي نقاش سليم

away-from-you

01-10-2008, 11:21 PM

اللي معترض يجيب دليل و ده يبقي نقاش سليم

dr.saeed (http://www.thanwya.com/vb/member.php?u=52181) جايب اخطاء عمرو خالد .... طيب اللى معترض هيجيب ايه .. !!!

wafa2y

01-10-2008, 11:26 PM

dr.saeed (http://www.thanwya.com/vb/member.php?u=52181) جايب اخطاء عمرو خالد .... طيب اللى معترض هيجيب ايه .. !!!

هيجيب حاجه من الإتنين:
1- حاجه تقول إن هو مش غلطان في مسأله
2- حاجه تبرر أن هو لن يحاسب علي ذلك
و ممكن حاجه تثبت نفيه للكلام ده
زي الشيخ محمود المصري في شريط
هؤلاء سمعوا عذاب القبر
لما الشيخ يعقوب قال إن في أخطاء في الشريط
الشيخ محمود بعديها علي طول إعتذر ونفي الكلام ده و إن حد ينسبه إليه
هي دي حكمة أهل العلم

احمد رضا

01-10-2008, 11:29 PM

السلام عليكم ورحمة الله وبركاته

في البدايه انا اتناقشت في القضيه بتاعت الاستاذ / عمرو خالد دي كتير جدا
عمرو خالد مُفكر ومٌصلح اجتماعي
وليس داعيه إسلامي بالمعني المعروف
عمرو خالد قد يفشل في ربط الأفكار
لانه يختار موضوع الحلقه ولا يجهز كل الكلام
بل يجمعه في ذهنه
ودي معلومه قد يُستدل عليها من اللي هقوله بعد كدا
وده بيؤدي لتولد بعض الأفكار اللي بيسقط فيها المنطق القرآني
واللي بيصدقها ده بيكون علي غفله بما ورد في القرآن الكريم
يعني مثلا في الفيديو وهو بيقول هل ابليس كفر ؟
ورد بيقول لاء مكفرش
هو ربط بعض الالفاظ اللي وردت علي لسان ابليس
مثل
" خلقتني .. وعزتك وجلالك .. إلي اخره مما ذكر "
ونسي فعلا ان ربنا سبحانه وتعالي أعلن كُفر ابليس
{وَإِذْ قُلْنَا لِلْمَلاَئِكَةِ اسْجُدُواْ لآدَمَ فَسَجَدُواْ إِلاَّ إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ }
نساها ياجماعه مُجرد سهو
والسهو يحسب عليه
لان ممكن يحصل فتن بسبب كلامه من غير ما يقصد
--
وبالنسبه بقي للفيديو التالت
فبتاع المونتاج بتاعهم دماغه شغاله شوية - بس علي نفسه دي لعبتنا -
:d
جاب الجمله بس وعلق عليها الحج
مكملش بقيت الكلام
ومكملش ومربطش هو كمان بفكرة منطقية
بالنسبه لحرية الاعتقاد
عمرو خالد قال
" الإسلام سمح ان كل واحد يعبد اللي هو عايزه "
اينعم سمح بحرية الاعتقاد والتسامح مع من يعتقدون غير الإسلام
الرسول صلي الله عليه وسلم جنازه يهودي معديه قام واقف ولما استعجب الصحابه قالهم دي نفس بشرية من صنع الخالق ويجب احترامها
في ظل ان اليهوديه بعد ظهور الإسلام التمسك بيها كفر
لان لو اليهودي ده يهودي بحق كان زمانه اسلم
لان كل ديانه بتسلم للديانه اللي بعديها
لذلك ففيه احترام اهوه
كمان حاجة
"لَكُمْ دِينُكُمْ وَلِيَ دِين "
ومع ذلك فمسكتش القرآن علي كدا واننا نتركهم
لاء
بل انه امرنا بالدعوه للخير والأمر بالمعروف
والجدال بالحكمه والموعظه الحسنه
وفي الآخر كمان امرنا ان لو محدش اقتنع بقي بالدعوة
فنسيبه ونتمسك بديننا ونحافظ عليه
--
ده بالنسبه لشوية اللي بيتكلموا في الفيديوهات ومفكرينا بهايم زي معظم اللي عندهم
المصابين بأخطاء المسرح (:d)
--
انما بنسبه لعمرو خالد مره تانيه
ففعلا ينقصه ترتيب الأفكار
وينقصه المعرفه الكليه الشامله بالقرآن الكريم
عشان تقدرتربط بين كل الأفكار
--
ينقصه كمان تقبل النصيحه والاعتراف بالخطأ
--
حاجة مهمه اوي بقي ياجماعه
معظم متبعي عمرو خالد هم في الأصل لا يفقهون شيئا ً في الدين
يعني معظمهم من الطبقات الارسترقراطيه اللي اتولدت وفي بطاقتها مسلم وبس
ميعرفهوش يعني ايه صلاه
او صوم
او اي شئ
يعني واحده تعرف ازاي انها تشرب مخدرات
تسهر في الملهي الليلي
تجامع ده
تهزر مع ده
وده كلام معظمهم
واحد غرقان
بس غرقه غصب عنه نتيجه للي حواليه
وربنا رازقه جواه بفطره سليمه عايزه الحقيقه
يعني غريق بيتعلق بقشايه
اوكي لو هتنقذك اتعلق بيها
لكن مش تمشي متعلق بيها طول حياتك
لاء اصنع لفسك قارب بقي
يعني عمرو خالد سبب وجزء
مش غايه وكل حاجة
لذلك
فأي ترتيب منطقي في نظر الناس اللي بتسمع - اكيد هيبقي منطقي لواحد مش فاهم -
ده شئ
--
حاجة كمان
مش اي حاجة حواليها لمه وجماعه
تبقي صح
وتبقي الناس كويسه
واللي ملمومين عليه كويس
دي مش قاعده أساسيه

لان الذباب بيتلم علي القذاره بردو
والهايفين بيتلموا علي النصاب اللي بيلعب تلت ورقات
والاغبياء اللي بيسمعوا كلام من شخص من غير ما يفكروا فيه
والمنافقين اللي بيوافقوا شخص عشان مصلحه معينه

يعني نظرية التجمع علي شئ كويس دي
نظرية ساقطه
واتمني من عمرو خالد ميستخدمهاش تاني
ومحدش يستخدمها تاني
شكرا
واسف جدا للإطاله
اتمني الإفادة
واتمني اننا نلتزم الموضوعية بأي شكل من الأشكال

واضح اني هنسخ الرد ده ع الجهاز
واحطه في السبعه وسبعين موضوع اللي اتعملوا عن عمرو خالد
مش عارف ليه كل واحد عامل رده في موضوع لوحده ؟
شكرا ع الموضوع ياشباب
:d

ahmed2845

01-10-2008, 11:46 PM

--
حاجة مهمه اوي بقي ياجماعه
معظم متبعي عمرو خالد هم في الأصل لا يفقهون شيئا ً في الدين
يعني معظمهم من الطبقات الارسترقراطيه اللي اتولدت وفي بطاقتها مسلم وبس
ميعرفهوش يعني ايه صلاه
او صوم
او اي شئ
يعني واحده تعرف ازاي انها تشرب مخدرات
تسهر في الملهي الليلي
تجامع ده
تهزر مع ده
وده كلام معظمهم
واحد غرقان
بس غرقه غصب عنه نتيجه للي حواليه
وربنا رازقه جواه بفطره سليمه عايزه الحقيقه
يعني غريق بيتعلق بقشايه
اوكي لو هتنقذك اتعلق بيها
لكن مش تمشي متعلق بيها طول حياتك
لاء اصنع لفسك قارب بقي
يعني عمرو خالد سبب وجزء
مش غايه وكل حاجة
لذلك
فأي ترتيب منطقي في نظر الناس اللي بتسمع - اكيد هيبقي منطقي لواحد مش فاهم -
ده شئ
--
حاجة كمان
مش اي حاجة حواليها لمه وجماعه
تبقي صح
وتبقي الناس كويسه
واللي ملمومين عليه كويس
دي مش قاعده أساسيه

لان الذباب بيتلم علي القذاره بردو
والهايفين بيتلموا علي النصاب اللي بيلعب تلت ورقات
والاغبياء اللي بيسمعوا كلام من شخص من غير ما يفكروا فيه
والمنافقين اللي بيوافقوا شخص عشان مصلحه معينه

يعني نظرية التجمع علي شئ كويس دي
نظرية ساقطه
واتمني من عمرو خالد ميستخدمهاش تاني
ومحدش يستخدمها تاني
شكرا

ياريت حضرتك تاخد بالك من الكلام اللى بتقوله ده
لان مش معظم اللى بيسمعوا عمرو خالد زى ما انت بتقول ميعرفوش حاجة عن الدين
فى ناس كتير جدااا متدينة وبيحبوا عمرو خالد وبيسمعوله
وياريت والنبى يا جماعة سيبوا الراجل فى حاله كفاية الراجل ده عايز يعمل نهضة ويساعد الشباب وليه هدف فى الحياة
واذا كان على الاخطاء فكل انسان بيغلط غظب عنه
واتقوا ربنا

away-from-you

01-10-2008, 11:48 PM

هيجيب حاجه من الإتنين:
1- حاجه تقول إن هو مش غلطان في مسأله
2- حاجه تبرر أن هو لن يحاسب علي ذلك
و ممكن حاجه تثبت نفيه للكلام ده
زي الشيخ محمود المصري في شريط
هؤلاء سمعوا عذاب القبر
لما الشيخ يعقوب قال إن في أخطاء في الشريط
الشيخ محمود بعديها علي طول إعتذر ونفي الكلام ده و إن حد ينسبه إليه
هي دي حكمة أهل العلمكلامك صح ميه فى الميه .... انا معنديش اى دليل لانى مش بتابعه اوووى

بس ليه بنهاجمه وفى ناس بتسمعه وبترجع لربنا ...

اذا كان عمرو خالد هو الوسيله الوحيده اللى بتوصل للشباب دى .... ليه نمنعها

الشباب اللى ضايعين نسيبهم ضايعين ولا يصلوا ويصوموا ويتقربوا لربنا .... انهى الاحسن

انا شفت ناس مكنتش تعرف اى حاجه فى الدين وسمعوا عمرو خالد والحمدلله بيقيوا بيصلوا ...

يعني معظمهم من الطبقات الارسترقراطيه اللي اتولدت وفي بطاقتها مسلم وبس
ميعرفهوش يعني ايه صلاه
او صوم
او اي شئ
يعني واحده تعرف ازاي انها تشرب مخدرات
تسهر في الملهي الليلي
تجامع ده
تهزر مع ده
وده كلام معظمهم
واحد غرقان
بس غرقه غصب عنه نتيجه للي حواليه
وربنا رازقه جواه بفطره سليمه عايزه الحقيقه
يعني غريق بيتعلق بقشايه
اوكي لو هتنقذك اتعلق بيها
لكن مش تمشي متعلق بيها طول حياتك
لاء اصنع لفسك قارب بقي
يعني عمرو خالد سبب وجزء
مش غايه وكل حاجة هو ده اللى انا اقصده ...

عمرو خالد مجرد بدايه للطريق الصح ... مش المفروض ان حد يقف عنده وخلاص

بس مش معنى كده اننا نقعد نهاجمه ونقعد نتكلم ع عيوبه وخلاص ... لان محاسنه اكتر من عيوبه

احمد رضا

01-10-2008, 11:55 PM

الشفق الباكي

01-10-2008, 11:57 PM

عمرو خالد ليس بحبر الامه وكذلك ابو اسحاق ووجدى غنيم ليسا بحبرا الامه ومعروف مين هو حبر الامه
ولو جينا قارنا علم اى حد موجود دلوقتى بعلم غيرهم من السابقين مش هيبقى حاجه
ولو سمعنا اى حد بدون عاطفه هنطلعله اخطاء ولو زلات لسان
لو فتحنا باب الهجوم هنهاجم كتير كل واحد ياخد الحاجه الحلوه من كل عالم او شيخ او داعيه او حتى مصلح اجتماعى زى مابتقولوا
ومفيش مانع ان احنا نعمل ربط بين الدين والحياه ومفيش مانع ان هناك امور حديثه مش موجوده من زمان ممكن تختلف فيها الاقوال والاراء وانا مش هتكلم كتير علشان ماغلطش انا كمان لان كل ما الكلام بيكتر كل ماالاخطاء تزيد وانا متأكده ان الموضوع معدش ليها لزمه النقاش فيه لاننا اتكلم فيه اكتر من مره وكل واحد رأيه زى ماهو وبيتكلم بنفس الطريقه ومتحمس ومنفعل لوجهة نظره

الشفق الباكي

02-10-2008, 12:00 AM

جزاك الله كل خير يادكتور سعيد

بس على فكره 3/4 اللى بيحبوا عمرو خالد وبيسمعوله وبيدفعوا عنه مش بيحبوا الشيخ وجدى غنيم والشيخ ابو اسحاق الحويتى وغيرهم ال>ين يتمسكون بالسنه حفظهم الله جميعن

وارجوا من الاعضاء عدم الدفاع عن عمرو خالد لان اخطاءه تزداد يوم بعد يوم

يارب اهدى المسلمين

وليه نكون مش بنحب الاستاذ عمرو مع الشيخ وجدى غنيم كلهم يصبوا فى منبع واحد بالعكس بقى انا وكثييييييييييييييييير جدا من اصحابى بنحب نسمعهم الاتنين.

العمليه اننا نكون عندنا زى فلتر للكلام
يعنى مش اى كلام من اى حد من الشيوخ نسمعله
يعنى كل ابن ادم خطاء
انا اسمع للشيخ و الكلام اللى احسه مش بيتوافق مع اللى انا عارفاه بسيبه
و دى قاعده عامه انى ماخدش كل كلامى بثقه مطلقه من مصدر واحد بعد القران و السنه النبويه

فعمرو خالد انا بسمعله و البرنامج بتاعه السنادى كان حلو
بس مش معنى كده ان كلامه خلاص يتاخد بدون ما نتحقق منه

على العموم جزاك الله خير على الموضوع
بس اللى انا بقوله ان يمكن عمرو خالد غلط دلوقتى بس اننا ناخده بالحده مش حينفع
حتى هو علق فى حلقه على الهجوم اللى بيحصل عليه

فى رعايه الله

والله حرام يا جماعة اللى بيحصل ده
احنا لو فرضنا ان عمرو خالد اخطى وما ظنش ان ده حصل لان انا متابعة كل برامجه فمننساش ان كان السبب فى هداية ناس كتيير وزى ما قال .........dr saeed (ليس من حقنا نحن ايضا ان نحكم بعلمنا الضئيل عن شخصية معينة الا لما يكون علمنا يتعدى علمه)

لكن انا معرفش ايه سببب الهجوم ده كله على رجل محترم يدعوا الشباب اللى النهضة والتغلب على الظروف الصعبة اللى حوليهم وعمل شى نافع وبيحمسهم بمواقف من الدين ومواقف الصحابة
وعلى العموم احنا المفروض نحترم راى كل واحد بس ياريت قبل ما نكتب راينا نفكر شوية ونشوف حلقات من برامج عمرو خالد مش لمجرد اننا سمعنا من حد انه وحش يبقى خلاص وحش ويبقى راينا نابع من نفسنا وبكل امانة
ونعرف ان كل لفظ بنقوله ربنا بيحسبنا عليه

ياريت حضرتك تاخد بالك من الكلام اللى بتقوله ده
لان مش معظم اللى بيسمعوا عمرو خالد زى ما انت بتقول ميعرفوش حاجة عن الدين
فى ناس كتير جدااا متدينة وبيحبوا عمرو خالد وبيسمعوله
وياريت والنبى يا جماعة سيبوا الراجل فى حاله كفاية الراجل ده عايز يعمل نهضة ويساعد الشباب وليه هدف فى الحياة
واذا كان على الاخطاء فكل انسان بيغلط غظب عنه
واتقوا ربنا
احمد ياريت تقول لا اله الا الله

wafa2y

02-10-2008, 12:01 AM

ياريت حضرتك تاخد بالك من الكلام اللى بتقوله ده
لان مش معظم اللى بيسمعوا عمرو خالد زى ما انت بتقول ميعرفوش حاجة عن الدين
فى ناس كتير جدااا متدينة وبيحبوا عمرو خالد وبيسمعوله
وياريت والنبى يا جماعة سيبوا الراجل فى حاله كفاية الراجل ده عايز يعمل نهضة ويساعد الشباب وليه هدف فى الحياة
واذا كان على الاخطاء فكل انسان بيغلط غظب عنه
واتقوا ربنا[/
quote]

أولا قل لا إله إلا الله
أنا لما أغلط و إنت تنصحني لو أنا صادق هرجع للصواب
لكن تنصحني و أقولك إنت بتهاجمني يبقي إنت أكييد مش صح

[quote=away-from-you;809463]كلامك صح ميه فى الميه .... انا معنديش اى دليل لانى مش بتابعه اوووى

بس ليه بنهاجمه وفى ناس بتسمعه وبترجع لربنا ...

اذا كان عمرو خالد هو الوسيله الوحيده اللى بتوصل للشباب دى .... ليه نمنعها

الشباب اللى ضايعين نسيبهم ضايعين ولا يصلوا ويصوموا ويتقربوا لربنا .... انهى الاحسن

انا شفت ناس مكنتش تعرف اى حاجه فى الدين وسمعوا عمرو خالد والحمدلله بيقيوا بيصلوا ...

هو ده اللى انا اقصده ...

عمرو خالد مجرد بدايه للطريق الصح ... مش المفروض ان حد يقف عنده وخلاص

بس مش معنى كده اننا نقعد نهاجمه ونقعد نتكلم ع عيوبه وخلاص ... لان محاسنه اكتر من عيوبه

حضرتك عندك حق في كل كلامك
و لكن الهدايه مش بأيد الأستاذ عمرو خالد
و لا بأيد الشيخ حسان
"إنك لا تهدي من أحببت و لكن الله يهدي من يشاء"
و إحنا بنتكلم علي الهدايه الصح من الأول
مش يقولك إبتدي ب3 فروض في المسجد و 2 في البيت
و بعدين 4
و يقولك متبطلش تسمع أغاني ولا ولا
بالله عليكوا الواحد يصفي قلبه وسط كل ده إزاي
و جزاكم الله خيرا

ahmed2845

02-10-2008, 12:05 AM

ههههههههههه
يا استاذي الفاضل
فيه حاجة اسمها
صح
وفيها حاجة اسمها الأصح
فيه حاجة اسمها خطأ
وفيه حاجة اسمها الاكثر خطأ
في حاجة اسمها ذنب
وفيه حاجة اسمها كبيرة
لما اتطاول علي الله بالألفاظ وإن لم يكن في نيتي التطاول
فانا مخطئ
وتعتبر كبيرة من الكبائر
لما اكذب الله سبحانه وتعالي في آياته
ولما اعرف خطأئي معترفش
ابقي انا مش محترم
وبعدين فيه فرق بين المتدين
والمتفقه والجاهد علي فهم دينه
يالا ربنا يوفقكم
:)

ماشى بس ده مينكرش ان الراجل ده ليه مجهودات كبيرة جدااا فى مجال الشباب وكفاية بس ان عايز يعمل نهضة
فالراجل على اى حال يستحق الشكر على المجهودات دى
انما مش نقف له على كل غلطة

away-from-you

02-10-2008, 12:15 AM

حضرتك عندك حق في كل كلامك
و لكن الهدايه مش بأيد الأستاذ عمرو خالد
و لا بأيد الشيخ حسان
"إنك لا تهدي من أحببت و لكن الله يهدي من يشاء"
و إحنا بنتكلم علي الهدايه الصح من الأول
مش يقولك إبتدي ب3 فروض في المسجد و 2 في البيت
و بعدين 4
و يقولك متبطلش تسمع أغاني ولا ولا
بالله عليكوا الواحد يصفي قلبه وسط كل ده إزاي
و جزاكم الله خيرا

كلامك صح .... عمرو خالد مجرد سبب مش اكتر

بس انا بتكلم عن شباب اتولدوا فى بيئه مش كويسه ( الخمر - الزنا الخ الخ )

ازاى فجاة تيجى تقولهم لازم النقاب او اللحيه ...

والشباب دول بيبقى تفكيرهم بالعقل اكتر .. لانهم مش مؤمنين

وده اللى بيقدر يوصله ليهم عمرو خالد فى كلامه ..

لان الشيوخ ( محمد حسان - ابو اسحاق ) بيقولك لازم تعمل كده يعنى كده ... واحنا بنسمع الكلام لاننا مؤمنين والحمدلله ..

انا مره شفت بنت مسلمه واحد سالها انتى مش بتصلى ليه قالته عشان مش مقتنعه ان الصلاه هى اللى هتقربنى من ربنا ... ( تفكيرهم بالعقل اكتر )

لو البنت دى قالت الكلام ده لمحمد حسان شوف كان هيعمل فيها ايه ...

فده اللى انا عاوزه اقوله لك عمرو خالد مجرد وسيله بتحبب الشباب دول فى الدين .. بتعرفهم ان فيه ربنا وفى عقاب ..

اتمنى انى اكون قدرت اوصلك كلامى ....

wafa2y

02-10-2008, 12:23 AM

كلامك صح .... عمرو خالد مجرد سبب مش اكتر

بس انا بتكلم عن شباب اتولدوا فى بيئه مش كويسه ( الخمر - الزنا الخ الخ )

ازاى فجاة تيجى تقولهم لازم النقاب او اللحيه ...

والشباب دول بيبقى تفكيرهم بالعقل اكتر .. لانهم مش مؤمنين

وده اللى بيقدر يوصله ليهم عمرو خالد فى كلامه ..

لان الشيوخ ( محمد حسان - ابو اسحاق ) بيقولك لازم تعمل كده يعنى كده ... واحنا بنسمع الكلام لاننا مؤمنين والحمدلله ..

انا مره شفت بنت مسلمه واحد سالها انتى مش بتصلى ليه قالته عشان مش مقتنعه ان الصلاه هى اللى هتقربنى من ربنا ... ( تفكيرهم بالعقل اكتر )

لو البنت دى قالت الكلام ده لمحمد حسان شوف كان هيعمل فيها ايه ...

فده اللى انا عاوزه اقوله لك عمرو خالد مجرد وسيله بتحبب الشباب دول فى الدين .. بتعرفهم ان فيه ربنا وفى عقاب ..

اتمنى انى اكون قدرت اوصلك كلامى ....

أنا عارف حضرتك قصدك إيه و عايزه تقولي إيه
بس في نقطه أعتقد إن ممكن يتلبس علي حضرتك
و الي هما ملونين فوق
أولا الشيوخ مبتتكلمش كده إلا في الدروس المخصصه
مثلا شريط وصف النار للشيخ محمد حسان
شريط يخلع القلوب
شريط بداية الهدايه للشيخ محمود المصري
في قمة الجمال
و شريط مستني إيه للدكتور حازم شومان
بيخاطب فيه جميع طبقات المجتمع
من أفجرها لأتفاها
النقطه التانيه
الشيوخ أكيد بيتبعوا الأيه الكريمه
"ادعوا إلي سبيل ربك بالحكمة والموعظة الحسنه"
هو بس الشباب اللي واخدين فكره سيئه عنهم
و الله المستعان
اللهم ثبتك علي الحق و يزيدك إيمانا
و المسلمين أجمعين

ayooosh

02-10-2008, 12:29 AM

[quote=احمد رضا;809424]حاجة مهمه اوي بقي ياجماعه
معظم متبعي عمرو خالد هم في الأصل لا يفقهون شيئا ً في الدين
يعني معظمهم من الطبقات الارسترقراطيه اللي اتولدت وفي بطاقتها مسلم وبس
ميعرفهوش يعني ايه صلاه
او صوم
او اي شئ
يعني واحده تعرف ازاي انها تشرب مخدرات
تسهر في الملهي الليلي
تجامع ده
تهزر مع ده
وده كلام معظمهم
واحد غرقان
بس غرقه غصب عنه نتيجه للي حواليه
وربنا رازقه جواه بفطره سليمه عايزه الحقيقه
يعني غريق بيتعلق بقشايه
اوكي لو هتنقذك اتعلق بيها
لكن مش تمشي متعلق بيها طول حياتك
لاء اصنع لفسك قارب بقي
يعني عمرو خالد سبب وجزء
مش غايه وكل حاجة
لذلك
فأي ترتيب منطقي في نظر الناس اللي بتسمع - اكيد هيبقي منطقي لواحد مش فاهم -
ده شئ

انا الصراحه شايفه الكلام ده مش صح خالص;)
متحكمش على كل الناس اللى بيسمعوا عمرو خالد انهم طبقه لا يفقهون عن الدين شيئا^_^
لا خالص احنا فى البيت اسره متدينه جدا وعلطول بنسمع محمد حسان وابو اسحاق
والحمد الله فاهميين الدين كويس اوى
ده ميمنعش ان احنا نسمع عمرو خالد
كل البيت عندنا كانوا متابعين البرنامج بتاعه وكان اكثر من رائع
واكيد استفدت منه كتير
والداعيه مصطفى حسنى برده تحفه وداعيه بسيط

وعمرو خالد اهتدى ناس كتير على ايده وشغل ناس وعمل صناع الحياه عشان الشباب يشغلوا وقتهم ويستفادوا
الشباب استفاد منه اوى وهو حاطط فى دماغه هدف عايز يعمل نهضه وان شاء الله هنعمل نهضه على ايده والشباب كمان
اعتقد ده اول داعيه يطلع ويكلم ويقول عايزين نعمل نهضه وبعدين يليه مصطفى حسنى ويليه عصام حمدى وربنا يكتر من امثالهم

وحرام بقى بجد عليكوا احنا اتكلمنا فى الموضوع ده كتير:mad:
وانا مش شايفه لى اهميه
مش محمود قفله ليه فتحه تانى
انا شايفه ان الكلام دلوقتى مش هيفرق
والسلام عليكم ورحمه الله:)

away-from-you

02-10-2008, 12:36 AM

أنا عارف حضرتك قصدك إيه و عايزه تقولي إيه
بس في نقطه أعتقد إن ممكن يتلبس علي حضرتك
و الي هما ملونين فوق
أولا الشيوخ مبتتكلمش كده إلا في الدروس المخصصه
مثلا شريط وصف النار للشيخ محمد حسان
شريط يخلع القلوب
شريط بداية الهدايه للشيخ محمود المصري
في قمة الجمال
و شريط مستني إيه للدكتور حازم شومان
بيخاطب فيه جميع طبقات المجتمع
من أفجرها لأتفاها
النقطه التانيه
الشيوخ أكيد بيتبعوا الأيه الكريمه
"ادعوا إلي سبيل ربك بالحكمة والموعظة الحسنه"
هو بس الشباب اللي واخدين فكره سيئه عنهم
و الله المستعان
اللهم ما ثبتك علي الحق و يزيدك إيمانا
و المسلمين أجمعين
مش عارفه اقول لحضرتك ايه .... كلامك مقنع جدااااااا

وانا هدور ع الشرايط دى وهسمعها ... :)

رفعت الرايه البيضا ... :d

جزاك الله خيراً ....

ماشاء الله اسلوبك مقنع ....

احمد رضا

02-10-2008, 12:42 AM

ألا انتوا مش شايفين معظم ولا ايه
هههههههههههه
ربنا يوفقكم
انا عارف اني الغلطان
وربي انا الغلطان
معلش
ربنا يهديني
يارب اهديني عشان مبوظش تفكير الشباب اليومين دول
:d

..Just Stop

02-10-2008, 12:43 AM

ربنا يسهلكو

bosy .. mostafa

02-10-2008, 12:47 AM

معظم متبعي عمرو خالد هم في الأصل لا يفقهون شيئا ً في الدين

لا تعليق
جزاك الله خيراً

Lost Dreamer

02-10-2008, 01:07 AM

ياريت يا جماعه نلتزم بالهدوء وعدم الحده في الحوار لان هذا الموضوع موضوع نقاشي وكل واحد بعرض وجهة نظره في الموضوع بهدوء

وبالتالي الرد ايضا بهدوء

ارجو التزام الهدوء

وشكرا

wafa2y

02-10-2008, 01:07 AM

مش عارفه اقول لحضرتك ايه .... كلامك مقنع جدااااااا

وانا هدور ع الشرايط دى وهسمعها ... :)

رفعت الرايه البيضا ... :d

جزاك الله خيراً ....

ماشاء الله اسلوبك مقنع ....

جزاكم الله خيرا ولكن
لو المشرف ما يمانعش الدروس أهيه

مستنيه إيه (http://way2allah.knoz4arab.com/media/audio/4/bedayt_alhdaya/mastnyeh.rm)

مستني إيه (http://way2allah.knoz4arab.com/media/audio/4/bedayt_alhdaya/mstnyeh.rm)
__________________________
سلسلة التوبه

التوبه الصادقه (http://www.zshare.net/download/1515567970efbf90/)

التوبه الكاذبه (http://www.zshare.net/download/1515600492b43848/)

___________________________________
وصف النار (http://download.media.islamway.com/lessons/hasan/451_WasfAnnar.rm)

away-from-you

02-10-2008, 01:13 AM

ميرسي اووووووووى ....

انا اهو بنزلهم ..... :)

dr.saeed

02-10-2008, 10:56 AM

اللى كاتب الموضوع ... كان افيد له انه يكتب موضوع عن فايده الصلاه والصوم الخ الخ ..

ع الاقل كان هياخد ثواب ... بدل ما نتكلم عن واحد كان سبب فى هدايه مسلمين كتيرر ..

سبحان الله
انا حاسس انى بتكلم صراحة كلام مش مفهوم
كل شوية اقول مش معنى الى انا بقوله اننا نتركه كلية
وانى عامل الموضوع عشان ناخد بالنا من الاخطاء دى
وبردة احنا مصممين نخلى فكرة الموضوع على مزاجنا
اما موضوع موضوعات الصيام والاحدايث الى مفروض اعملها
فأكيد الحمد لله موجودة
____________________________
اسطوانة صحيح البخارى ومسلم
http://www.thanwya.com/vb/showthread.php?t=53287
___________________________
•.¸¸.• إسطوانة سلسلة أمراض الأمة للشيخ محمد حسان حفظه الله '•.¸¸.• (http://www.thanwya.com/vb/showthread.php?t=53282)
http://www.thanwya.com/vb/showthread.php?t=53282
___________________________
البرهان فى اعجاز القران (هدية لكل مسلم ومسلمة )صوت وصورة</STRONG>
http://www.thanwya.com/vb/showthread.php?t=56833
________________________________
هدية لكل مسلم و مسلمة تجميع سلسلة احداث النهاية لفضيلة الشيخ محمد حسان (http://www.thanwya.com/vb/showthread.php?t=53112)
http://www.thanwya.com/vb/showthread.php?t=53112
__________________________________
[[[[[[ ..مجموعة رهيييييبة من البرامج الاسلامية.. ]]]]]] (http://www.thanwya.com/vb/showthread.php?t=53489)
http://www.thanwya.com/vb/showthread.php?t=53489
_____________________
(((___القدر,والعقل بين التخيير والاجبار___))) (http://www.thanwya.com/vb/showthread.php?t=67442)
http://www.thanwya.com/vb/showthread.php?t=67442
_________________________
اسطوانة الا رسول الله: للتحميل</STRONG>
http://www.thanwya.com/vb/showthread.php?t=53284
__________________________
مسلمون يسيئون للنبى صلى الله عليه وسلم دعنا نرفع حاجز الصمت</STRONG>
http://www.thanwya.com/vb/showthread.php?t=41749
______________________________
هذا اصل اهل القران (الذين ينكرون السنة)تفضلوا هام جدا وتفضل( العندليب الحزين)
http://www.thanwya.com/vb/showthread.php?t=43647
___________________________________
دى انا جايبها كلهم من اول صفحات مواضيعى
ومش جايبها انى ابين انى بعمل مواضيع
لا
جايبها عشان اقول لحضرتك ان المنتدى فيه موضوعات دينية كتير
بس المهم الى يدخل الاقسام الدينية ويشوف
ومش معنى كدة بردة ان تبقى كل الموضوعات فى الاصول
لازم الدين نعرفه بحذافيره
ولازم على الاقل نعرف الصح من الغلط
::::::::::::::::::::::::::::::::::::::::::::::
والى بيتكلموا على النهضة
انا عارف ان الاستاذ عمرو خالد بيشارك بشكل كويس جدا فى حاجات تساهم بشكل كبير فى النهضة
مثل حملة محاولة تقليل عدد مدمنى المخدرات بشكل كبير
ودة شىء عظيم وفاضل منه
انما زى ما قلت ميت مرة وبقولها للمية وواحد
ان الموضوع عشان ننتبه للغلطات
:::::::::::::::::::::::::::::::::::::::::::::::::: :::::::::::::::::::::
وانا عن نفسى لما بسمع للشيخ محمد حسان او ابو اسحاق
عادى بشوف بردة اراء علماء زى الامام النووى مثلا وكدة عشان اتأكد وهل واوازن بين اراء ائمة المسلمين
مش باخد كلامه على انه قران يتلى او حديث شريف
ايوة هو بيجب ادلة على كلامه وكدة
بس مثلا فى موضوع اسبال الازار مش يمنع انى شفت اراء علماء كتير واشهرها رأى الامام النووى
لان دة بيختلف بردة على طريقة فهم القران والحديث
وعلى العموم اعتقد ان ناس كتير كدة بقى بقت فاهمه الغرض الاساسى من الموضوع
لان اى مسلم مش يقبل كلام يخالف القران او السنة
والامام مالك قال كل يؤخذ منه ويرد الا صاحب هذا القبر
والامام احمد بن حنبل اذا وجد فى كلامى ما يعارض القران والسنة فأضربوا به عرض الحائط
دة الى اتعلمناه من ديننا
نستفاد من كل جزئياته
ومن كل حذافيره
:::::::::::::::::::::::::::::::::::::::::::::::::: ::::::::::::::::::
اما موضوع ان الشيوخ مثلا السلفية كلامهم تقيل
انا شايف ان الشيخ محمود المصرى كلامه خفيف جدا
وانا مثلا اخويا مش كان حتى بيصلى الجمعة ولما قعدته يسمع للشيخ محمود المصرى فهم كل كلامه واستجاب بشكل سريع له
لان الى بيدور على الهداية هايلاقيها
انما فيه ناس انا سمعتهم بودانى بيقول الشيخ دول شكلهم يخوف
طب الشيخ دة ذنب ايه انه سمع امر النبى فى اطلاق لحيته واعفاء شاربه
وبردة واحد تانى يقولى كل دى لحيية لعالم يطلع على التلفزيون
هاقوله امال انت ما سمعتش وصف لحية النبى صلى الله عليه وسلم
::::::::::::::::::::::::::::::::
على العموم اعتقد كدة انى وضحت كلامى شوية عن الى فات
وربنا يقدم الى فيه الخير
فى امان الله
</STRONG>

dr.saeed

02-10-2008, 11:10 AM

متأكده ان الموضوع معدش ليها لزمه النقاش فيه لاننا اتكلم فيه اكتر من مره
الى يحدد كدة المشرف الادارى ومشرفى القسم
حضرتك انا مش عامل الموضوع لواحد او اتنين
فى امان الله

ananoo

02-10-2008, 01:26 PM

بسم اله الرحمن الرحيم

بصراحة يا جماعة موضوع عمرو خالد ده مضيقني جدا و فعلا لازم يكون في موضوع للنقاش لازم نعرف الصح من الغلط ونحكم عقولنا قبل عواطفنا و نبص للموضوع من اكتر من زاوية

انا بصراحة في الاول كنت لما حد يقول علية وحش او كدة كنت بضايق و بقول زي كتير من الردود هنا فان شيفة ان فعلا في كتير اهتدوا على اديه و انه يعتبر مرحلة في التدين لان الناس اللي اهتدت بمسعدته دلوقتي ممكن تلقيهم مش بيسمعولوا خالص

لحد لم لقيت الشيوخ الكبار اتكلموا و اللي ان عمري و لا عمر اي حد سمعهم بيتكلموا عن اي حد
و جه في بالي سؤال

هوة ليه مش بيرد؟؟؟؟؟!!!!!!!!

ليه مش بيرد على كلام الناس اللي بيقولوا عليه انه اخطء خاصتا انهم مش اي حد

و جه في بالي فيديو كان فيه مفيد فوزي مع هالة سرحان و كان بيشتم فيه و في نفس الحلقة نفسها اتصل ...........

مش حاجة غريبة جدا يعني لما واحد مالوش علاقة خالص بشغلك او اهتماماتك و يشتم فيك ده ممكن تقول علية عدو النجاح
لكن لما يكون واحد هدفه هو نفس هدفك و يقول عليك انك فيك اخطاء مش ترد؟؟؟؟؟؟؟؟؟؟؟؟

خدوا بالكم بقى ان عمرو خلد بدا الدعوة من يجي 5 او 6 سنين
لو فعلا الناس اللي بتقول علية مخطئ زي ما ناس بتقول اعداء النجاح كانوا طلعوا من زمان و لكن هما مقلوش كدة غير لما كثرت اخطاءه و قلت اعترفاته بها (او انعدمت)

و على فكرة الرسول صلى الله عليه وسلم لما بعث كانت الامة في ضياع (خمر و زناو وئد و......)
و لكنة امرة بالصلاة مرة واحدة مش واحدة واحدة وكذلك اللحية و الحجاب و غيرها
فمينفعش اببر اخطاء عمرو خالد بانه بيخاطب طبقة معينة

و انا دلوقتي بصراحة مش بحب اسمع ليه مش لانه وحش لا والله
بس ده لاني خيفه من اخطاءة لاني لما هسمع حد مش هروح اتاكد من كل كلمه قالها لا انا عوزة اسمع لحد كلامه موثق فيه
ومش اقصد بكلامي ان محدش يسمعة بس اللي هيسمعه لازم يروح يتاكد من كلامة بعد كدة عشان انت لو عملت بكلامه و كان في حاجة خطأ مش هوة بس اللي هياخد ذنوب لا انت كمان لا انك كنت عارف انه بيقول حاجات غلط كتييييير و انت برده فضلت تسمعه

اسفة اني طولت و شكرا على الموضووووووووع

اللهم اغفر لي ماقدمت و ما اخرت و ما اسررت و ما اعلنت و ما اسرفت و ما انت اعلم به مني انت المقدم و انت المؤخر لا اله الا انت

dr.saeed

02-10-2008, 07:16 PM

ليه مش بيرد على كلام الناس اللي بيقولوا عليه انه اخطء خاصتا انهم مش اي حد

و جه في بالي فيديو كان فيه مفيد فوزي مع هالة سرحان و كان بيشتم فيه و في نفس الحلقة نفسها اتصل ...........

مش حاجة غريبة جدا يعني لما واحد مالوش علاقة خالص بشغلك او اهتماماتك و يشتم فيك ده ممكن تقول علية عدو النجاح
لكن لما يكون واحد هدفه هو نفس هدفك و يقول عليك انك فيك اخطاء مش ترد؟؟؟؟؟؟؟؟؟؟؟؟

خدوا بالكم بقى ان عمرو خلد بدا الدعوة من يجي 5 او 6 سنين
لو فعلا الناس اللي بتقول علية مخطئ زي ما ناس بتقول اعداء النجاح كانوا طلعوا من زمان و لكن هما مقلوش كدة غير لما كثرت اخطاءه و قلت اعترفاته بها (او انعدمت)

و انا دلوقتي بصراحة مش بحب اسمع ليه مش لانه وحش لا والله
بس ده لاني خيفه من اخطاءة لاني لما هسمع حد مش هروح اتاكد من كل كلمه قالها لا انا عوزة اسمع لحد كلامه موثق فيه
ومش اقصد بكلامي ان محدش يسمعة بس اللي هيسمعه لازم يروح يتاكد من كلامة بعد كدة عشان انت لو عملت بكلامه و كان في حاجة خطأ مش هوة بس اللي هياخد ذنوب لا انت كمان لا انك كنت عارف انه بيقول حاجات غلط كتييييير و انت برده فضلت تسمعه

اخيرا لاقيت حد يفهمنى
وعلى رايك يرد عل مفيد فوزى
ولما يجى عند عالم زى ابو اسحاق يقول مش هارد
الاستاذ عمرو خالد مثلا لما قال ابليس ماكفرشى
مش مستنى اصلا عالم يرد عليه
لان لو جبت طفل صغير حافظ صورة البقرة هاقوله ابليس ربنا كتب عليه ايه فى سورة البقرة هايعرف يقول الا ابليس ابى واستكبر وكان من الكافرين
يعنى مش مستنين رده
لانه اصلا من غير دليل
وجزاكم الله خيرا
فى امان الله

wafa2y

03-10-2008, 01:27 AM