مشاهدة النسخة كاملة : اكتب موضوع التعبير


alexboy88
27-04-2006, 11:53 PM
بسم الله الرحمن الرحيم

السلام عليكم ورحمة الله وبركاته

ازيكم يا ولاد؟ ازيكم يا بنات؟ اخباركم اية؟؟ فينكم من زمان

عموما موضوعنا النهاردة عن موضوع البراجراف اللي بيجي لنا وكلنا بنقع فيه والدرجة بتطير مننا واحنا محتاجين لكل درجة وبنلاقي نفسنا ناقصين ف المادة كلها

طب الاول نفهم اية معني السؤال دة عشان ناخد درجته.

لان تلك من اصعب الاسئله التي تواجه طالب ث.ع والحصول علي الدرجة كامله ليست بالساهل واذلك خليك معايا ومع خبرتي وانت هتبقي بوب ف الموضوع ولا هتقولي مذكرة مستر فلان ولا علان.

نخش بقي ف المفيد.


عليك ببعض الحاجات اللي عندها تاخد الدرجة كلها...

1/الالمام بثروة لغوية قوية مع حفظ ممما يتنسي لك من تعبيرات.

2/ موضوع التعبير هو عبارة عن عدة جمل مترابطة لذلك وجب عليك معرفة اساسيات الجمله الانجليزية.

4/ان تبدا بحرف Capital كبير وواضح.

5/ ان تضع (.) واضحة مع نهاية كل جمله .

6/ابدا الموضوع بجمله رئيسية تحتوي مجملها علي فكرة الموضوع ككل.

7/ ان تراعي التنسيق والترابط العام للموضوع.

8/تجنب استخدام الجمل المعقدة والالفاظ المركبة التي توقعك ف اخطاء انت ف غنئي عنها ولكن استخدم الجمل زات المعاني السهله والبسيطة.

9/خصص صفحة كامله للموضوع ويفضل ان تترك سطر عندك كتابة الموضوع.

10/ اجتهد ثم اجتهد ف تحسين خطك لان هذا يعطي انطباعا جيدا للمصحح ويسهل علية فهم ما تريد تعبيرة.

كدة اشطة يا شباب نكمل بقي

الموضوع هتقسمة لتلت عناصر

1/ المقدمة(-البداية) 2/ الموضوع( جسم الموضوع) 3/ النهاية(الخاتمة)

1/ ابدا بجمله عامة تفهم المصحح من خلاهل الموضوع دة عن اية..

2/ الجمل تكون ف المضمون وتجنب الجمل الطويله حتي لا تقع ف الاخطاء الالملائية

3/ تجنب تجنب ان تتكلم بصيغة الملكية م- My Favourite Game-

,وخلي بالك متكتبش حاجة غير لما تكون اكتملت ف ذهنك كا مله وتمام

اوك يلا بينا بقي نجيب بعض الجمل اللي ممكن تحفظهم وتكتبهم ف اي موضوع

جمل هامة جدا جدا

دي لمواضيع مفيدة(( رياضة- قراءة- التصدير للخارج- الحاسب الالي ...... الخ)

!@#$%^&*!@#$%^&*!@#$%^&*



-نتفق جميعا ان ...... شي مهم في حياتنا.
We All agree that... is important things in our life
--------------------------------------------------------------------.

--------------------------------------------------------------------.
نتفق جمعيا ان....... له دورا حيويا في هذه الايام.
We all agree that ...has vital role nowadays.
------------------------------------------------------------------.
كلنا نتقر باهمية .......... في حياتنا.
We all admit the importance of .... in our life.
------------------------------------------------------------------.
لا عجب اذا قلنا ان ...... له اثار ايجابيا علينا.
No wonder if we say that ... has/have good positive effects on us.
-------------------------------------------------------------------------------------------.
كلنا نتفق ان ...... يلعب دور هام ف حياتنا.
We all agree that ...is plays an important part in our life.
-----------------------------------------------------------------------------.
اننا ندين لـــــ.... والتي تعلب دور حيوي ف حياتنا
We owe to ....which play arole part in our life.
----------------------------------------------------------------.



دي بقي لمواضيع ضارة( التلوث-الكثافة السكانية-التسرب من التعليم.....الخ)

!@#$%^&!@#$%^&@#$%^&*

نحن نراي ان .....يمثل عقيه ف طريق تقدمنا
We can see that ...... stands for an obstacle in the way of our progress.
------------------------------------------------------------------------------------------------.
من راي اعتقد ان ........ خطير وضار هذة الايام
In my point of view. i think that .... serious nowadays.
----------------------------------------------------------------------------.
من وجهة نظري اعتقد ان يجلب الشر الي مجتمعنا.
In my point of view. i think that .....bring all eveil to our socity.
---------------------------------------------------------------------------------------.
هذا يجلب لنا اثار سيئة وسلبية ف حياتنا
.....are-is harmful nowadays and have abad and negative effects in out life.
----------------------------------------------------------------------------------------------------------.
لابد ان نتحد ونتعاون من اجل مصلحة بلدنا ضد....
We should unit.co-operate and stand shoulder for the sake of our country against...
--------------------------------------------------------------------------------------------------------------------.
تعتبر وباء اجتماعي خطير ف مجتمعنا
is-are aserious social evil in our society.....
-------------------------------------------------------------.
ما لا شك فيه ان ...هي واحدة من اخطر الظواهر ف حياتنا.
There is no doubt that ..... is one of the most dangerous phenomena in our life.
---------------------------------------------------------------------------------------------------------
هذا يجلب لنا اثار سيئه وسلبية في_بلدنا_وقتنا الحالي_حياتنا
..bring us bad and negative effects in our country_nowadays_in our life.
----------------------------------------------------------------------------------------------------.
هناك اسباب مختلفة لمشكله ......... في بلدنا.
There are various causes for the probelm of ...... in our country.
------------------------------------------------------------------------------------------.



كدة خلصنا من المقدمة
سؤاء لموضوع ايجابي او سلبي باسهل الجمل والتراكيبات اللغوية

----------------------------------------------------------...

بعض الروابط اللي ممكن تستخدمها مع بداية كل جمله او فكرؤة جديدة

من ناحية One one hand
من ناحية اخري on the other hand
بالاضافة الي ذلك addition to that
علاوة علي ذلك Moreover
وفوق كل ذلك Above all
في نفس الوقت At the same time
ومع ذلك However


ولسة في شغل تاني بس اشوف ردود وتشجيع لاني ارهقت جدا جدا

ملحوظة-
غلط المدرس اللي يقولك احفظ الموضوع دة افرض ما جاش هتعمل اية؟؟ انا بديك جمل تسلك في اي حاجة..


منتظر ردودكم...

اخوكم


:) Mahmoud_Alex




:) :) :) :) :) :)

alexboy88
27-04-2006, 11:57 PM
ولسة بقي هكمل بعض الجمل اللي تنفع لاي موضوع وبعض التكتيك منك تكتب ال 10 جمل المطلوبين منك مش كدة وبس هقلك خاتمة حلوة تختم بها اي موضوع يعني ان شاء الله مش هتنقص ولا درجة من الاخر انا هظبطكم كللكم...

عاوز اعرف ارائكم اية في الموضوع دة؟

=ivan=
28-04-2006, 01:03 AM
جمييل الموضوع..

شكرا يا باشا

alexboy88
28-04-2006, 01:16 AM
شكرا يااحمد علي مرورك

ونطلب التفاعل لتكلمة الموضوع لان في شغل تاني

The_Relativistic200
28-04-2006, 04:35 AM
بصراحة الموضوع مية مية
ومجهود جميل يا باشا
وانا اعتقد انه مادم ورقة الاجابة ملك الطالب
يبقى يخلى صفحة من اللى فى الاخر يعك فيها الجمل اللى هو عايزها
وبعد ما تترستأ فى دماغه يبدأ ينقلهم بهدوء بدون اخطاء
وعايز اسئلك هى كلمة بناءا على ذلك يعنى ايييييييييه
وشكرا جزيلا alexboy

alexboy88
28-04-2006, 11:35 AM
شكرا يا جن علي تفاعلك

وكلمة بناء علي ذلك Thus

نتيجة لذلك Consequently

وشكرا لكم جميعا

alexboy88
28-04-2006, 11:41 AM
لو ملقيتش ردود وتشيجع مش هكمل الباقي
ودة للثانوية العامة بمرحلتيها 2ث/ 3ث

مشمشمة
28-04-2006, 05:42 PM
ان مش عارفة اقولك ايه الموضوع روعة
واتمني انك تكمله لحسن السنة اللي فاتت ربنا سترها معايا وجيه letter
لاني فعلا بعك البراجرف
جزاك الله كل خير

m.h.b
28-04-2006, 06:05 PM
الله الله الله الله الله الله الله على الروعة
ولكن

سر بنجاحك و علمك الى الأمام دوما
M.H.B

alexboy88
28-04-2006, 06:54 PM
شكرا يا مشمشة علي ردك الجميل واظن كدة مفيش مشكله ومتخفيش لو مش هكمل هكمل مخصوص عشانك علي فكرة انا ضعيف ف الاحصاء..

وشكرا يا ام اتش علي مجاملتك الرقيقة.

واتمني من الادارة لو موضوعي حلو يتثبت.
--------------------------------------------------

وعلي فكرة لطلبة 3ث كمان كم يوم كدة هظبط موضوع فيه

كم جمله اختار وريرايت وكم سؤال ف القصة وحبه حجات بسيطة تحفظهم هتلاقي منهم كتير ف الامتحانات طبعا كله بعد -ان شاء الله تعالي-

وميرسي اوي اوي اوي.

----------------------------

alexboy88
28-04-2006, 11:11 PM
65 ومحدش رد

طب بالله عليكم شفتم كدة ف مزكرة مدرس ولا مدرسة؟؟

Miss_CaR!zma
28-04-2006, 11:46 PM
بصراحه موضوع روعه روعهد
ربنا يجازيك بيه خير

وياريت كمان تقولنا نعمل ايه فى ال letter
اصلى عكسكم بكتب paragraph تمام
وفى الخطاب اكتب العنوان وdear والمقدمه واحتار فى الموضوع
علشان بيختلف عن الموضوع انه لازم يبقى فيه روح زى ماتكون بتكلم شخص قدامك مثلا

وجزاك الله كل كل الخير بهذا الموضوع
وانا استفدت كتير جدا

مشمشمة
29-04-2006, 10:52 AM
Originally posted by alexboy88@Apr 28 2006, 06:54 PM
شكرا يا مشمشة علي ردك الجميل واظن كدة مفيش مشكله* ومتخفيش لو مش هكمل هكمل مخصوص عشانك* علي فكرة انا ضعيف ف الاحصاء..

وشكرا يا ام اتش علي مجاملتك الرقيقة.

واتمني من الادارة لو موضوعي حلو يتثبت.
--------------------------------------------------

وعلي فكرة لطلبة 3ث كمان كم يوم كدة* هظبط موضوع فيه

كم جمله اختار وريرايت وكم سؤال ف القصة* وحبه حجات بسيطة تحفظهم هتلاقي منهم كتير ف الامتحانات طبعا كله بعد -ان شاء الله تعالي-

وميرسي اوي اوي اوي.

----------------------------
101594

متشكرة اوي واي حاجة في الاحصاء انا في الخدمة

ReceptiveGuy
09-05-2006, 11:51 AM
جزاكم الله خيراً
و أنا عرفت دلوقتي بس ليه الواحد لازم يتاعب المنتدى يوم بيوم مش كل مدة يدخل على كله مرة واحدة
بجد و الله موضوع جميل
و يا ريت تستنى مني زيارة خاصة
قصدي رسالة خاصة
والموضوع بجد رائع و مستني التكملة
و أوعدك إن شاء الله هنكون (قصدي كلنا يعني) أكثر تفاعلاً مع الموضوع
و بالنسبة لسؤالك ففعلاً أنا ما شفتش الكلام ده في ملازم أي أستاذ (يمكن عشان ما بخدش درس!!!!!!!!!!!!!!!!!!!) هههههههههههههه
مستنين يا باشا
و إلى الأمام

alexboy88
11-05-2006, 08:17 PM
شكرا لردك الجميل واستجابتك لنا

بس انا والله كل دة جيبه نتيجة تفاعلات من نفسي من غير لا مزكرة ولا كتاب

والف شكر يا باشا....

!_____جــدو_____!
16-05-2006, 08:10 PM
شكرا جدا على الموضوع الجميل دة ال اخوك فاشل طحن وعايز يعدى السنة دى اى حاجة حلوة تنجح الواحد هاتها تنفعنى فى الامتحان