أعلن محمد عوض وكيل وزارة التربية والتعليم ان نتيجة اختبارات كادر المعلمين والتي أجريت في أغسطس الماضي سيتم اعلانها نهاية أكتوبر الجاري.. قال سيصل خطاب "سري وشخصي" لكل مدرس علي عنوانه يتضمن نتيجة الاختبارات التي أداها في اللغة العربية والمجال التربوي ومادة التخصص.
قال في الاجتماع الموسع الذي عقده مع قيادات ومديري الإدارات والموجهين بمحافظة السويس للوقوف علي السلبيات والايجابيات في الأيام الأولي من الدراسة ان المدرس الذي لم يوفق في أي مجال بامتحانات الكادر سيعقد له دورات تدريبية تؤهله لاجتياز الامتحان الذي سيعقد في أغسطس من كل عام وذلك تحت اشراف الاكاديمية المهنية لاعداد المعلم وايضا بكليات التربية علي مستوي الجمهورية.
أكد محمد عوض ان المدرس الناجح سيحصل علي المخصصات المالية كاملة اعتباراً من نوفمبر القادم وتتراوح المخصصات مابين 50% إلي 150% زيادة علي مرتبه ووتعتبر هذه هي المرحلة الثانية من تطبيق الكادر.

علي الله قصد السبيل

يارب يكون فعلا سري وشخصي وعلي عنوان البيت مش المدرسة عشان الفضايح وعشان المدرسين الراسبين مثلي مايجلهومش ضغط عالي

الكل خايف من بعضة وخاصة مدرسي الدروس الخصوصية لو واحد رسب زميله في المادة حيفضح الامر ويقول للطلبة عشان يدربة في الدروس !
الوزير اعلن ليس كل من دخل الكادر ناجح
النتيجة يوم 27 اكتوبر ان شأالله على النت في موقع الاكاديمية
ثم جواب الي المدرسة

يا عم ماتفكرناش بقا - سيبنا ننسى شوية
واللى كتبه ربنا هيكون
والله اذا العملية مشيا صح هننجح وميت فل باذن الله
انما لو فى حاجات من تحت لتحت ربنا يسترها بقا
وبعدين يا عم شرشر الولاد عارفين كل حاجةوهما اللى هيجبولنا النتيجة- يعنى بيانا عيانا- هو مش فيه نت- وفيه رقم سرى -0 وفيه ادارة وغيرها هيجبوه هيجبوه ان شااله عن طريق مصباح علاء الدين
ربنا يكرم الجميع باذن الله وتنتهى المسرحية الهزلية دى على خير

ما كده كده هاتتعرف من خلال الزيادة في المرتب

اه كله بيضحك علي كله

شيء مؤسف أن يتعرض المدرس له>ه المهانة

كيف سيتم الصرف من نوفمبر ؟.....يجب صرفه من بداية العام المالى

والله كل ده مهانة للمعلم

كده كده هاتتعرف من خلال الزيادة في المرتب

سرى وشخصى هههههههههههههههههههههههههههههههههههههههههههههههههه هههههههههههههه
الناس دى عبيطة ولا بتستعبط
هههههههههههههههههههههههههههههههههههههههههههههههههه هههههههههههههههههههههههههه:039uw8:

سرى اية النتيجة ستكون على موقع الاكاديمية وكل مدرس
يدخل بالرقم السرى المعرفة النتيجة وستعلن يوم 27اكتوبر الجارى
ونتمنى للجميع النجاح والتوفيق

ربنا يسترها وان شاء الله كلنا ناجحين وحتى لو مانجحناش هنعمل ايه يعنى هنذاكر ذى الطلبة الفاشلين وربنا يستر

ما حدش هيعرف غير المدرسين والطلبه واولياء الامور واصحاب السيبرات الى هتطلع النتيجه
وفراش المدرسه الى هيمضى المدرسن على الملاحق وبس
وبس
مافيش مشاكل
الحكايه هتكون فى غاااايه السريه

النتيجة ستكون على موقع الاكاديمية وكل مدرس
يدخل بالرقم السرى المعرفة النتيجة وستعلن يوم 27اكتوبر الجارى
ونتمنى للجميع النجاح والتوفيق

كل كادر وانتم بخير ،مفيش حد هينجح بعد ما قالو النجاح فى التربوى من 70%

انا معايا كل بيانات المدرسين بتاعت مدرستى بس مش هقول لحد على النتيجه
ههههههههههههههههههههههههههههههههههههههه
كويس والله اننا وصلنا لمرحلة اننا نستنى النتيجه ونخاف كمان
كل اللى عملناه فى الطلبه هيطلع على عنينا
وعجبى

احنا خلاص تعودنا على كذب الحكومة ياخبر انهارده بفلوس بكره ببلاش

مهزلة الكادر ما زالت مستمرة والتعليم محلك سر

انا متوقع ان الوزير هيطلب من اللى نجح فى الكادر انه يطلع القمر عشان يصرف المرحلة الثانية من الكادر ودى الطريقة الوحيدة اللى نحصل بيها امريكا واوروبا

السلام عليكم كل عام وانتم بخير انا خايفه من النتيجه لانى عمرى ما فشلت وانا طالبه كنت متفوقه معقول اسقط وانا مدرسه والله مش عارفه ممكن يجرى لى ايه ولكنى احسن الظن بالله وربنا يستر................

أرجو من السادة المعلمين ــ

الاهتمام بالرد ــ لأن الردود يطلع عليها الطلاب ..

وبالنسبة للكادر ونيتجة الكادر ، وما ننتظر من الكادر أطلب منكم أن تتذكروا قول سعد زغلول :

((( مفيش فايدة )))

اقترح خطف الوزير وعدم الافراج عنه الا بعد نجاح الجميع وصرف الزيادة

مين اللي قال ان التربوي من 70

الاخوة الافاضل احنا نتمنى التوفيق لشخص دخل امتحان وكان عالرف النهج اللى ح يمتحن فية لكن نتمنى التوفيق لشخص ما كنش عارف الامتحان فى اية وعن اية ..................يوةةةةةةة مش عارف واللة اكمل واقول اية دى لخبطة .................يعنى ازعق لنفسى واقول ما ذكرتش ولا اقول مسئولين مش كويسين ولا اقول اية بسسسسسسسسسسسسسسس

ياعم فيه فايدة بس أن شاء يوم 30 فبراير وكل عام وانتم بخير

ياريت كلنا ننجح اوكلنا نسقط عشان ماحدش يشمت فيحد

كان لي زميل وأخ مدرس لغة عربية اثناء التعاقد بالسعودية وأبحث عن وسيلة للاتصال به بلا جدوي هل من اخ عزيز يساعدني في الوصول اليه واسمة /محمد عبد العزيز عبد السلام/ م لغة عربية/ المنوفية /الباجور / اسطنه
برجاء من أي زميل يمكنه مساعدتي الاتصال بي علي موبايل رقم /0129115929 المهم يساعنى في لقاء صديقي الغالي الذي انقطعت كل اخباره عني بسبب سفري 000ولكم جزيل الشكر/ محمد جمعه

كان لي زميل وأخ مدرس لغة عربية اثناء التعاقد بالسعودية وأبحث عن وسيلة للاتصال به بلا جدوي هل من اخ عزيز يساعدني في الوصول اليه واسمة /محمد عبد العزيز عبد السلام/ م لغة عربية/ المنوفية /الباجور / اسطنه
برجاء من أي زميل يمكنه مساعدتي الاتصال بي علي موبايل رقم /0129115929 المهم يساعنى في لقاء صديقي الغالي الذي انقطعت كل اخباره عني بسبب سفري 000ولكم جزيل الشكر/ محمد جمعه

يا خوفى من اسرار الوزارة

عموما ربنا يستر

مين اللى عرف نسبة النجاح فى التربوى

حسبي الله عليه توكلت وهورب العرش العظيم

كله زى بعضه وبعضه موش زى كله وكله وبعضه راحوا يتمشوا ولسه مرجعوش وكله قال لبعضه متيجى نرجع رد بعضه وقال نرجع مين ونرجع ليه هناك زى هنا وهنا زى هناك قال له كله : صحيح مهو كله زى بعضه شعبان البدحى مدرس لغة هندية ولوغاريتمات بمدارس تعليم جمهورية تربتا تاتاتا تووووووووو

بقى النجاح فى التربوى من 70

والنتيجة مع العضو الفلانى

يا سلام كله يعنى قاعد نايم فى الوزارة وبيجيب الاخبار من هناك

صدقونى البلد دى عايزة بلد

اه يا بلد كل اللى فيكى فهيمة وهم يتعدوا

كل كادر وانتم بخير ،مفيش حد هينجح بعد ما قالو النجاح فى التربوى من 70%
هما مين اللى قالو

اللهم وفقنا جميعا

يارب الاكاديمية تتحرق زى المسرح القومى عشان النتيجة ماتظهرش

شكرا على الخبر
وأرجو لى ولكم التوفيق إن شاء الله -تعالى-

كل سنة وانتم طيبين نتبجة الكا در معروفة

يبقى محدش ناجح لو التربوى من 70%

يلا خلى الفضيحة تكمل بدل المدرسة حتبقى فى الحى والشارع وشيخ الحارة واللى قاعدين على القهوة ولسه

اللهم ارحمنا بالقرأن واجعله لنا اماما ونورا

معنديش غير انى اقول حسيى اللة ونعم الوكيل

okkkkkkkkkkkkkkkkkkkkkkkkkk

أساليب السادة المدرسين حاجة تكسف

ياريت مانطلعش اشاعات كل شويه
يامعلمين
النتيجة سريه فى إجماليها على مستوى الجمهورية
وليست سريه بالنسبه للأفراد
الوزارة ليس لها علاقه بالنوايا بيننا
وفقكم الله وسدد خطاكم

اللصوص و الترزية بتوع الوزارة بيسوفوا فى الفلوس لكن المفروض ان اللى ينجح يئبض بأثر رجعى من تاريخ ميزانية العام المالى اللى إترصدت فيه الفلوس
دا لو إدرت حاجة تعدى من تحت إيد اللصوص دول اصلا

الكادر من الكدر والفجر من غدر وقاكم الله شر كادر وغادر وكل عام وانتم متكودرين

توقعوا الخير تجوووووووووووووووووووووه
وانسوا بقى عشان تعرفوا تعيشوا

توقعوا الخير تجدوه

استر يا رب علينه جميعاً
اتمنى التوفيق للجميع

يارب الاكاديمية تتحرق زى المسرح القومى عشان النتيجة ماتظهرش
لا يمكن الاكاديمية تتحرق مثل المسرح القومي لان الاكاديمية شئ اعتباري ليس مادي