مشاهدة النسخة كاملة : هتذاكر في الكلية ولا هتنفض
محمد يسري خالد 03-10-2008, 02:10 PM (هتذاكر في الكلية ولا هتنفض) استطلاع حبيت اني اعمله بعد الاجابات السخيفة اللي انا سمعتها من بعض الناس واكترهم منفض وداخل الجامعة على اساس خاطىء ويقولك انا داخل الجامعة عشان تبقى (فري) وخليك( روش ) يعني بعني اصح تكلم بنات وكدة يعني وتعيش حياتك وسيبك من الدراسة وفي ناس في دماغها ان الثانوية العامة هي اخر المطاف واني المذاكرة هتبقى عادي وقبلت ناس ياما وسئلتهم انت ماشي ازاي في الكلية منهم اللي يقول لك انا منفض وباجي في اخر شهر واذاكر وبعدي (مقبول) وناس تقولك مهما عملت اية في الاخر هتجيب مقبول وفي واحد قبلتة قلي انا قعدت 8 سنين في كلية تجارة وفي ناس حولت من اول سنة عشان دول مش قد المسئولية ......... حبيت اقولكوا انت هتعملوا اية في استطلاع ضغير لان الموضوع دة مهم ومحتاج وقفة لعل اللي في دماغة كدة يتراجع عن هذا الاختيار او الراي الخاطىء
amirab2008 03-10-2008, 03:18 PM أنا إن شاء الله نفسى أكون دكتورة فى الجامعة
و انا داخلة الجامعة من اول يوم مذاكرة لأنى مقدرة إن تجارة إنجلش لازم أجيب فيها تقدير عشان ألاقى شغل محترم
أينعم انا لحد دلوقتى مش عارفة انا يه اللى المفروض يتعمل بس سنه أولى كلها كدة و الكلام ده حيجى مع الوقت و الإحتكاك بالداكترة
و أنا شايفة أنه اللى داخل الجامعة عشان يعيش حياته و ينفض للماكرة حيفضل طول عمره كدة و حيبقى بنى آدم عادى جدا و حيسيب الدنيا زى ما جه
TAREK KEWAN 03-10-2008, 05:03 PM انشاء الله هذاكر بس مش عيب برده ان الواحد يعيشله يومين فى الجامعه لانها بتبقى احلى فتره فى حياة الانسان
بس اكيد المذاكره فى المرتبه الاولى لان تجاره انجليزى صعبه وعاوزه مذاكره وانا لسا اول سنه فيها ومش فاهم
حاجه لسا بس ربنا يسهل ونعدى السنه دى بتقدير كويس
metab9 03-10-2008, 05:17 PM أنا إن شاء الله نفسى أكون دكتورة فى الجامعة
و انا داخلة الجامعة من اول يوم مذاكرة لأنى مقدرة إن تجارة إنجلش لازم أجيب فيها تقدير عشان ألاقى شغل محترم
أينعم انا لحد دلوقتى مش عارفة انا يه اللى المفروض يتعمل بس سنه أولى كلها كدة و الكلام ده حيجى مع الوقت و الإحتكاك بالداكترة
و أنا شايفة أنه اللى داخل الجامعة عشان يعيش حياته و ينفض للماكرة حيفضل طول عمره كدة و حيبقى بنى آدم عادى جدا و حيسيب الدنيا زى ما جه
وجهه نظرك حلوه وعجباني وبضم صوتي لصوتك
TAREK KEWAN 03-10-2008, 07:06 PM دكتوره فى الجامعه حلم كويس وهل انتى بقى عندك وسطه عشان تبقى دكتوره؟؟؟؟؟؟؟؟
محمد يسري خالد 03-10-2008, 07:21 PM هو اللي عايز يطلع دكتور يبقى بواسطة؟ .... اعتقد ان دة مفهوم خاطىء
ماهينور 2 03-10-2008, 07:43 PM طبعا مفهوم خاطئ اللي بيقول انه الدكتور في الجامعه لازم له واسطه علي كده بقي كل دكاتره الجامعه قرايب
لوانا ان شاء الله من النوع اللي باذن الله ليه طموح في كليه تجاره الاول ان شاء الله اني ابقي الاولي علي دفعتي ان شاء الله وبعد كده يارب ماانزل عن المستوي ده لحد ماابقي ان شاء الله معيده في الجامعه ودكتوره ان شاء الله
والحلم ده ان شاء الله يكون عند ناس كتير في الجامعه وبالذات في سنه اولي عشان نرتقي سويه بكليه التجاره
قولوا اميييييييييييييييييين
amirab2008 03-10-2008, 07:51 PM أنا أعرف داكترة و من غير واسطة و على فكرة بقى موضوع الواسطة ده أينعم لسة موجود بس مش بنفس المنظر بتاع زمان
أنا أعرف واحدة صحبتى عيلة مامتها و باباها كلهم فى الخارجية و أختها دخلت سياسة و إقتصاد و كانت ناوية على قسم سياسة باباها قالها أنا مقدرش أعديكى فى إمتحانات الخارجية غير من أول إمتحان و بعد كدة لازم أنتى تكونى كويسة عشان تعدى لأن محدش حيعملك حاجة و وراها إمتحانات الخارجية راحت محولة إقتصاد لأنها لقتها صعبة
و الموضوع دلوقتى بالمجهود مش كل حاجة نقول واسطة و نفضل حاطين إيدنا على خدنا....أحنا نعمل اللى علينا و أكيد ربنا حيجازينا
ماهينور 2 03-10-2008, 09:22 PM والله عندك حق يا amirab2008 ولو فيه واسطه اليومين دول يبقي الانسان اللي دخل بالواسطه اي حاجه هايفشل فيها
wanda 03-10-2008, 10:07 PM على فكرة بقى لو حتى اتعينت دكتور ونصيبك وحظك بقى طلع فى دفعتك بنت دكتور او ابن دكتور
صدقنى ولا هتبقى دكتور على المادة اللى انت عايزها ودية متجربة واللى اعرفه ده جاب اكتر منها امتياز وهى كانت جايبه جيد جداا
هى اتعينت على القسم اللى هى عايزاه وهو اخد قسم تانى مش عايزه فين العدل هنا طبعا واسطه
وانا ناوية ان شاء الله اطلع بتقدير كويس جداا وابقى معيدة بعون الله
ماهينور 2 03-10-2008, 10:13 PM احنا يانور مش بنقول مفيش واسطه بس بنقول حتي لو اتعين حد بالواسطه معيد او اي حاجه وهو مش مؤهل يبقي هايفشل ده اللي احنا بنتكلم فيه وده رايي صح ولا ايه
metab9 03-10-2008, 11:35 PM والله يا جماعه انا وجهتي في الحياه لكل مجتهد نصيب انا كنت جايب في تانيه ثانوي 83 عشان ما كنتش بذاكر وبعد كده شديت حياي وجبت 97 في تالته شدوا حيلكم وباذن الله هتعملو الي انتو عايزينه
vampire1188 04-10-2008, 06:05 PM يعجبني التفاؤل اللي فيكوا يا بتوع سنة اولي ..
نتيجة الترم الاول هى الفيصل لكل الكلام اللي فوق دا !!!
دا مش احباط والله .. بس عشان تجيب تقدير .. هايطلع عينك وروحك وكل حاجة فيك !
في الترم الاول مكانليش الشرف .. لكن الترم التاني عملتها .. والفرق كان شاسع طبعا سواء في طريقة مذاكرتي او في حضوري للمحاضرات مابين الترم الاول والترم التاني ..
اهم حاجة والله العظيم وعن تجربة .. الايمان بالنفس وبالقدرات الذاتية ..
انا في الترم الاول كنت محبط احباط منييييييل بطريقة لا توصف وماحدش يتخيلها .. وكانت ظروف خارجة عن ايدي كمان .. اما في الترم التاني شديت كويس ومش جامد كمان .. وجيبت التقدير والحمدلله ..
انتوا مش كل شوية تقولوا ياريت حد من الدفعات اللي قبل كدا يخش يتكلم ؟ .. انا قدامكوا اهو .. سنة اولي عدت عليا زي غمضة العين .. وبندم اشد الندم اني ماجيبتش فيها تقدير جامد (طبعا بسبب انتكاسة الترم الاول) .. فبجد بجد بجد اللي مش هايجيب تقدير في سنة اولي يبقي حرام عليه .. لإن السنين الجايه اصعب بكتير من سنة اولي ..
محمد يسري خالد 04-10-2008, 09:11 PM شكرا يا vampire1188 (http://www.thanwya.com/vb/member.php?u=104746) على الرد
TAREK KEWAN 05-10-2008, 11:06 PM والله يبقى انتوا مش عاشين فى البلد ابن الدكتور هيطلع الدكتور وابن لعيب الكوره نفس النظام ونفس النظام مع الكل .... بلد ماشيه بالكوسه فى كل حاجه وده سبب ان انا مدخلش هندسه
يلا هنعمل ايه يعنى
|