لكل طلبة تجارة إنجلش أو تجارة عربى بس يكون عنده خبرة فى المذاكرة [الأرشيف]

مشاهدة النسخة كاملة : لكل طلبة تجارة إنجلش أو تجارة عربى بس يكون عنده خبرة فى المذاكرة

amirab2008

03-10-2008, 08:36 PM

إزيكم يا جماعة عاملين إيه

بصوا أنا عايزة أعرف بس انتو بتذاكروا إزاى

أنا حاسة إنى محتاسة.....بصوا أنا شايفة إن المواد لذيذة أوى

و لو أتفهمت حتتذاكر كويس و أنا الحمد لله فى المانجمنت ماشية هى و الأكونتنج لحد دلوقتى

و الhuman behaviour لسة مخدناهوش

بس بقا الإكونومى بجد حاسة أنه ضرب نار و مش عارفة أمسكه إزاى

و كمان مش عارفة طريقة مذاكرتى أصلا فى أى مادة صح و لا غلط

و الماث كمان حاسة أنه حيكون صعب أوى

أنا الحمد لله بعرف أنجد نفسى و مخلصة الثانوية العامة ب 95%

بس بجد حاسة أنى عمالة أعك الدنيا و انى مش بذاكر

انتو بقى شعوركوا إيه و يا ريت نساعد بعض

و يا ريت اللى فى أى سنة غير أولى يقولنا هو كان عامل إزاى من حيث المذاكرة فى أولى

:confused:

و بجد يا جماعة بعتذر أوى لأى حد مردتش على رسايله لأنى لسة جديدة و لازم أعدى ال 50 مشاركة عشان اعرف أبعت

ahmed610

03-10-2008, 10:59 PM

ازيك يا اميرة انا كمان مش فاهم حاجة خصوصا انى كنت فى مدارس عربى وحكاية الغة دى تعبانى شوية كمان نظام المذاكرة فى الكلية مختلف عن المدرسة انا مش عارف اذاكر ازاى على فكرة انا شوفت مكتبة اسمها مى بتبيع ورق ملخص الدروس بيتهيألى ممكن اعتمد عليها بعد كدة ياريت *****وانا بضم صوتى لصوتك ياريت اى حد فى ثانية او ثالثة يرد علينا *********و بجد يا جماعة بعتذر أوى لأى حد مردتش على رسايله لأنى لسة جديدة و لازم أعدى ال 50 مشاركة عشان اعرف أبعت ** افتكر انا المقصود بالحكاية دى ....عادى ولا يهمك

metab9

04-10-2008, 12:53 AM

بعتلك رساله خاصه

vampire1188

04-10-2008, 05:53 PM

يا سبحان الله .. يا جدعان والله العظيم تلاته شئ طبيعي انكوا ماتكونوش عارفين حاجة ..

انتو مستغربين ليه ؟؟؟؟؟ .. مانا كنت زيكوا كدا والله .. بس معا الوقت بعرف النظام

عموما انا كتبت رد قبل كدا على سؤال مشابه لسؤالك دا وهاعملك اقتباس ليه

بص ياسيدي .. انتا شئ طبيعي انك تبقي سايح على نفسك في اول السنة

بمعني انك مش عارف ايه المصدر الاساسي اللي انتا تذاكر منه

بص .. فيه 4 مصادر اساسية للمذاكرة في الكلية دي

محاضرات ، كتب ، ملازم ، تطبيقات

1- محاضرات : فيه حاجتين في كليتنا دي .. مواد عملي و مواد نظري

العملي >> زي الرياضة والمحاسبة في الترم الاول .. اهم حاجة تفهم .. وماتكتبش حاجة وانتا مش فاهمها والا هاتخش في دوامة انعدام الثقة والهاتف اللي يفضل كل شوية يقولك انتا ساقط انتا ساقط !! .. وحط في دماغك ان محاسبة يعني تجارة .. يعني لازم تذاكرها .. ولو شيلتها .. هاتبقي رخمة وحمل عليك مالوش لازمة

النظري >> احفظ وصم .. عايز تحضر محاضرات .. احضر .. مش عايز .. مش مهم .. بس المهم انك تعرف الدكتور شرح ايه ولغي ايه عشان ماتتبهدلش في اخر الترم !!

2- الكتب : فيه برده نظري وعملي ..

النظري >> خلي الكتاب مرجع من مراجع مذاكرتك .. بمعني انك حضرت محاضرة النهارده يبقي ارجع واقرا اللي انا خدته في المحاضرة دي في الكتاب .. لإن السمع في المحاضرة غير القراية من الكتاب .. غير برده الكتابه .. الكتابة عبارة عن خليط من فهمك للي سمعته واللي قريته قبل كدا بطريقتك الخاصة ..

العملي >> ماعتقدش انك هاتفهم حاجة من الكتاب في مواد المحاسبة والرياضة .. كل اللي تعمله ركز في المسائل اللي في الكتاب وحلها .. عشان ساعات كتير الدكتور بيجيب الامتحان من الامثلة دي ..

3 - ملازم : فيه عملي ونظري ..

العملي >> رياضة ومحاسبة .. هاتتلاقي ملازم اسمها ورق الدروس .. هاته وعيش حياتك فيه .. ورق الدروس دا بيشرح المادة كمادة مش كفصول معينة ..

نظري >> فيه سؤال وجواب .. دا برده كويس ..

وفيه ملزمة الامتحانات السابقة .. مهمة جدا جدا جدا ..

4 - التطبيقات : ماهي الا عبارة عن كتاب تدريبات .. في تجارة انجليش بيسموه text book
وغالبا مابينزلش الا في المواد العملي زي المحاسبة والرياضة .. نصيحة اخوية .. امسك الكتاب دا واطحنه حل .. عشان دا مابيخرجش عنه الامتحان .. لإنك لو حليته كله .. كدا يبقي انتا فاهم المادة كويس .. وكدا يبقي انتا معدي فيها ..

دا نبذة صغيرة بس عن كيفية انك تعدي في الكلية بتاعتنا .. لكن انك تتفوق دي بقي .. ليها نظريات خاصة !!

metab9

04-10-2008, 08:40 PM

والله العظيم الراجل ده بيتكلم كلام زي الفل

amirab2008

04-10-2008, 10:24 PM

amirab2008

04-10-2008, 10:25 PM

بعتلك رساله خاصه

آه شكرا على المساعدة:)

amirab2008

04-10-2008, 10:31 PM

vampire1188

04-10-2008, 10:35 PM

التيكست بوك صراحة انا مش عارف .. لإن انا تجارة عربي ..

بس غالبا .. هايبقي من نفس المنفذ اللي جيبتوا منه الكتب العادية ..

jonna

04-10-2008, 10:58 PM

انا سنة اولى زيكوا بس بردوا حسة ان الطريقة اللي بذاكر بيها غلط انا اصلا بجيب ورق المحاضرة عندنا في معيدين بينزلوا المحاضرة و بقارنها باللي كتبته مع الدكتور مش عايزة اقول بعمل حادي بادي بس بختار انهو احسن او فاهماه اكتر و على كدة بذاكرمش عارفة المفروض نعمل حاجة بحيث اللي مش فاهم حاجة التاني يفهمهاله

jonna

04-10-2008, 10:59 PM

هو التيكست بوك ده بيبقى موجود في اي محافظة يعني موجود ف اسكندرية؟

vampire1188

07-10-2008, 01:23 AM

هو التيكست بوك ده بيبقى موجود في اي محافظة يعني موجود ف اسكندرية؟

طالما الجامعة ماشية بنظام ان فيه حاجة اسمها تيكست بوك (كتاب تطبيقات) بينزل .. يبقي اتس اوكي .. لكن لو عندك مش ماشيين بالنظام دا خلاص .. ارضي بوضعك اللي انتي فيه بقي .. بس سواء بينزل او مابينزلش اهم حاجة الاكسرسايز ومسك القلم في مواد الاكاونتينج والماث ..

cool sara

28-10-2008, 11:03 AM

cool sara

28-10-2008, 03:31 PM

:av4056bb7jp3::av4056bb7jp3::av4056bb7jp3::av4056b b7jp3:

:av4056bb7jp3::av4056bb7jp3::av4056bb7jp3:

:av4056bb7jp3::av4056bb7jp3:

:av4056bb7jp3:

salyghazy

28-10-2008, 03:55 PM

ياجماعة أنا خلصت كلية تجارة E أسكندرية بس من الأخر الكلية لذيذة بس ادخلmid term مظبط لأنة بينفع مع final ولو حتى ضعيف وتترفع بس من الأخر تذاكر تذاكر مش خأقولك من اول يوم بس يعرف اللي داخل تجارة وخاصة Eالسنة بتخلص هوا تدخل 6 اسابيع mid term وكمان 6 اسابيع finalالمهم تخلي بالك من الوقت وتذاكر

vampire1188

28-10-2008, 11:19 PM

انا سارة زميلة ليكوا في اولي تجارة انجلش جامعة القاهرة انا عاجبني جدا فكرةو المنتدي ونصايح مجرب وياريت حد يقولي اجيب ملازم منين يعني انهي الاحسن مي ولا نور ولا لايف وفنون وانا حاسة اني مدمرة في المواد بجد عشان كنت مدرسة عربي بليز حد يرد عليا ومرسي اوي

بصي انا كل اللي اعرفه ان كنت في مرة روحت مكتبات بين السرايات دي..

وسألت بتوع مكتبة (جنا) على المكتبات اللي بتدي تجارة انجليش ..

قالولي مكتبة نور هيا اللي ميه ميه ..

وانا عن نفسي وقعت بالصدفة في ايدي ملزمة من بتوع ال accounting بتاعة مكتبة نور ..

واتلاقيتها كويسة ..

كفاية انهم بيحلوا الأسئلة والتمارين بتاعة الكتاب الاساسي اول بأول ..

ahmed610

29-10-2008, 11:29 AM

انا سارة زميلة ليكوا في اولي تجارة انجلش جامعة القاهرة انا عاجبني جدا فكرةو المنتدي ونصايح مجرب وياريت حد يقولي اجيب ملازم منين يعني انهي الاحسن مي ولا نور ولا لايف وفنون وانا حاسة اني مدمرة في المواد بجد عشان كنت مدرسة عربي بليز حد يرد عليا ومرسي اوي

اهلا بيكى يا سارة انا زميلك فى جروب a بالنسبة للملازم انا بجيب من مى(لو سألتينى لية هقولك عشان صحابى بيجيبو منها) اما نور جبت منها مرة مانجمينت وكانت كويسة ومرة جبت ماث بس معجبنيش وهما فعلا بيعملو الاسيمنت بتاع الاكونتنج ودى ميزة حلوة اما فنون ولايف مكدبش عليكى مجربتش بصى هما تقريبا زى بعض شوفى انتى الى يريحك ...... المذاكرة بقى انا بعانى من نفس مشكلتك عشان انا مدارس عربى بردة وعشان اذاكر لازم القاموس يبقى جنبى وبتعب فى حكاية الترجمة وفهم الدكاترة فى المحاضرة يلا بقى ربنا يقوينا انتى جروب d مش كدة

cool sara

29-10-2008, 04:24 PM

مرسي يا احمد اوي علي ردك بس انا جبت كل الملازم بتاعة نور من اول شابتر 2 في كل مادة واللي مش عاجبني في مي انها ملخصة اوي اوي بالذات في الاوكانتج فبطلت اجبها خالص وحكاية المحاضرات اللي مش بتفهمها دي فانا زييك بالظبط بس بفهم شوية في الهيومانى انا في جروب d وربنا معانا لان عندي كويز يوم الاحد في المانجمنت ويوم الاربع في كويز في الهيومان ادعيلي:):):):):):):):):):):):)

! MedOo

31-10-2008, 06:09 PM

انا عندى الاحد كويييز فى الايكونوميك ريسورس

وانا باعافية عارف اسم المادة ...!

ياحلاوة

cool sara

02-11-2008, 04:19 PM

هههههههههههههههههههههههههههههههههههههههههههههههههه هه الحال من بعضه انا كمان عندي امتحانات و مش عارفة حاجة في المواد ههههههههههههههههههه الواحد بيدخل تجارة عشان يكبر الجي و يروق الدي

ahmed610

04-11-2008, 08:46 PM

واللة انتى رايقة قوى يا سارة يا بنتى دا احنا امتحانتنا يوم الاحد ربنا يستر

! MedOo

06-11-2008, 02:27 AM

يوم الاحد يا شباب عندى كويز ميكرو ايكونوميك

والاربع محاسبة ..

والميد تيرم 23/11

ياحلااااوة

استرها معانا ياارب

cool sara

06-11-2008, 07:46 PM

يااااااااااااااااااااااااااااااااااااااااااااااااا اااااااااااااااااااااا بختك انا عنندي انا و احمد امتحانات الميد ترم والبانامسبة يا احمد ابقي حاول تكتب في امتحلن اليكونومي باسلوبك يعني احفظ من الملزمة وافهمها وحاول تكتب باسلوبك لاحسن عندنا عيال كتييييييييييييييييييير شيلن المادة دي عشان كانوا بيذاكروها من الملازم والحكاية دي اتاكدت منها فعلا النهاردة من معيد عندنا وكذا بنت معانا قالتلي كدة الدكتارة بيبقي معاهم نسخ من الملازم دي ومش عارفة هعمل اية في حكاية الاسلوب دي ربنا يستر وتعدي علي خير

مصطفى كريم

06-11-2008, 08:04 PM

انا فى تجارة حلوان وعايز اعرف اة الميد ترم الرجاء الرد بسرعة وسلامممممممممممممممممممممممممممممم

amirab2008

09-11-2008, 11:21 PM

هااااااااااااااااى يا جماعة إزيكم و إزيك يا سارة عاملة إيه و أهلا بيكى

قولولى عملتوا إيه فى إمتحان الإكونومى
و الله كان حلو أوى الحمد لله .......أنا كنت مرعوبة

cool sara

12-11-2008, 03:03 PM

وانا كمان كنت مرعوبة جدا من امتحان الاكونومي دة عشان مادة غبية وكلها حفظ بس الحمد لله اكتر مادة حليت فيها كويس يلا ربنا يستر عشان حاسة ان الميد ترم دة وقع مني الترم دة ربنا يسهل في الفينال

ahmed610

13-11-2008, 01:33 PM

مبروووووووووووووك يا جماعة لكل طلبة تجارة انجلش الميد تيرم خلص حلينا حلو بقى حلينا وحش اهو خلص وخلاص ..........انا عن نفسى الايكونمك بالنسبالى كان مأساة ضربت لخمة فى الامتحان وكتبت اجابات غريبة والاكونتنج الوقت مكفاش اما المانجمينت كانت احسن نسبيا وال o b كان كويس والماث الامتحان جة سهل اوى انتو عملتو ا اية

the_guilty

15-11-2008, 06:10 AM

امتحانات ايه اللى خلصت انتوا اكيد مش سنه اولى صح؟ اصل احنا هنبدا 26

ahmed610

15-11-2008, 01:52 PM

احنا امتحنا وخلصنا يا guilty وانا فى سنة اولى بس فى القاهرة انت فى المنصورة مش كدة ربنا يوفق فى الميد تيرم بتاعك شد حيلك بقى عشان متعملش زيى

amirab2008

15-11-2008, 05:24 PM

الحمد لله الإمتحانات جت تحفة بجد
بس الإكونتنج الوقت مكفاش و فى الob
المراقب شد منى الورقة قبل الوقت بخمس دقايق و قالى الإمتحان خلص فا ملحقتش أكمل آخر سؤال

v.nistelrooy

19-11-2008, 10:37 PM

Ya Gama3a AnA m3ako Fe Tegara Eng .... Bs GAm3t El AZhar ...... 3ayz a3raf bs Heya Heya Nafs El Books .... Ya rEEt 7ad Tell mt .... Thx :D

اسلام ابو السعود

28-11-2008, 09:01 PM

اى حد عايز حاجه فى ماده انا موجود

اسلام ابو السعود

28-11-2008, 09:06 PM

اى حد عايز حاجه فى ماده انا موجود

لومة fces

09-01-2009, 03:01 AM

هاااااااى عليكوا يا جماعة :av4056bb7jp3::av4056bb7jp3:
انا معاكوا سنة تانية تجارة انجلش القاهرة

طبعا الموضوع قديم جدا بس انا لسه شايفاه :078111rg3:
وبيتهيالى اللى كلن بيسال على حاجة عرفها
واللى عايز اى استفسار انا موجودة ويارب اقدر افيدكم

وربنا معاكوا فى الامتحانات :giljotiiniug3:

molly_2010

12-01-2009, 11:53 PM

ازيكوا ياطلاب الجامحه الاخبار عنكوا ايه انا امتحنت والامتحان كان اوك طمنونى عليكوا بقى سلام
فرقه اولى تجارة المنصورة عايزة اتفاعل معاكوا ومتحملوش هم لاى ماده لان
من جعل الله همه
كفاه الله هم كل شىء
واهى ايام وباذن الله هتعدى وخلوا عندكوا امل فى ربنا ان شاء الله ناجحين
وكفايه كده عشان امى هتجرى ورايا بالمقشه
سلام
يالهوىىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىى
الحقونىىىىىىىىىىىىىىىىىىىىى موت خلاص
ههههه سلام يااحسن ناس ...موللى

romer

31-01-2009, 02:50 AM

اية يا جماعة جو الرعب اللى انتو فية دة
انا فى تالتة تجارة انجلش المنصورة والحمد الله كل حاجة ماشية تمام
هيا بس سنة اولى اللى بتكون صعبة شوية لانك مش بتكون واخد على النظام وطريقة المزاكرة
انما بعد كدة هتلاقى كل حاجة معاك تمام لدرجة انك هيجى عليك ايام مش هتعرف تزاكر مواد العربى (اللغة )
زى ما حصل معايا وبالنسبة اللى كان بيتكلم على التيكست بوك انا اول مرة اسمع عتها بصراحة يمكن يكون دى موجودة فى تجارة عربى انما انجليزى ما اعتقدشى لان احنا اصلا بندرس من كتب امريكية وغالبا ما حدش بيجيب الكتب دى يعنى كل معتمد على المزكرات والمحاضرات والكورسات . وبالنسبة لللى كان بسال عن الاقتصاد فاصلا المادة دى معروفة انها مادة رخمة وامتحانتها صعبة و كالعادة تلاقى اسئلة فى الامتحان اول مرة تشوفها ودرجاتها مش عالية اووى
واللى كان بيسال عن المحاسبة فالمادة دى تبع الدكتور لو كان طيب او كان ..........
من الاخر يا جماعة الكلية دة جامدة بجد بكفاية انك تكون بس خريج او خريجة تجارة انجلش دى لواحدها كفاية انها تتكتب فى CV بتاعتك
ولو فى اى حد عندة سؤال عن اية حاجة تخص الكلية ممكن يكلمنى على ميل الياهو : malak_in_the_sky