السلام عليكم

تقبل الله منا ومنكم جميعا صالح الاعمال برمضان واعطاكم جائزة العيد

وبعد

تنبيه لجميع المشرفين

يا اخوة قمت في منتصف رمضان بوضع مواضيع خاصة للمقترحات كلها في قسم المقترحات وقمنا بمنع الاعضاء من الكتابة بمواضيع جديدة ولكن يمكن للعضو الرد على المواضيع الموجودة فقط

وقمنا بالتنبيه بأنه لا ينظر لأي موضوع نهائي يتمع وضعه بعيد عن الموضوع الاصلي

مثال ذلك : يوجد موضوع بعنوان (اقترح قسم جديد او حذف قسم ) واكيد العنوان واضح

الاقي عضو او عضوة عمل موضوع بخصوص حذف قسم جرس الفسحة والموضوع طبعا لم يستطيع عمله في القسم بتاع المقترحات فقام بصنعه في قسم أخر فقام مشرف او مشرفة او اداري بنقل الموضوع في قسم المقترحات بدلا من ان ينبه صاحب الموضوع بأن هناك موضوع خاص بذلك بل العجب ان الموضوع يتم المناقشة فيه الى ان وصلت عدد المشاركات حتى هذه الرسالة إلى 75 مشاركة

وكأن ما قلنا في موضوع (اقترح قسم جديد او احذف قسم) كلام فاضي

وفي عضوة تانية عايزة تمشي وعملت موضوع والاقي مشرف بينقل موضوعها في قسم المقترحات

بصوا يا جماعة علشان ما حدش يزعل من النظام نهائياً هتكلم في بعض النقاط لكي تسير المركبة بسلام بأذن الله

1- اي موضوع سيتم طرحه خارج قسم المقترحات رجاءاً لا يتم مناقشته نهائيا ويحذف نهائياً لانه ليس في موضوع

وكل ما هو من مقترحات ومشاكل موجود في قسم المقترحات على مواضيع

وفي حد من المشرفين هيقوموا ويقولوا طيب لو في مشكلة مش في مواضيعك العضو يعمل ايه هقولك ان في موضوع اسمه حل مشاكل المنتدى على الهواء

فلو حضرتك قرأت الموضوع بتاعي اللي في قسم المقترحات بعنوان (من أشرف السيد إلى جميع الاعضاء [سياسة الموقع] ) هتعرف كل اسئلتك بخصوص قسم المقترحات

2- اي عضو عايز يمشي وهيعمل موضوع علشان يعرفنا رجاء قم بحذف الموضوع لان العضو اللي عايز يمش احنا مش عايزينه لان لو في عضو بيحب الموقع وعايز يمشي وعنده مشكله هيحاول بعرض مشكلته بدون اللجوء إلى حجة اني عايز امشي

3- اي عضو يقوم بعمل مواضيع يأخذ رأي الاعضاء في هل الموقع كويس ولا ايه / الموقع حلو ولا وحش / وايه احسن حاجة في الموقع واوحش موقع ( رجاء قم بحذف مثل هذه المواضيع )

4- اي عضو يقوم بعمل اي مواضيع يقول فيها ان الادارة ظالمة او ما شابه ذلك رجاء قم بحذف هذه المواضيع لان في موضوع خاص بمشاكل المشرفين والادارة في قسم المقترحات

فلو اتبع جميع المشرفين هذه النقاط انتهت مشكلة المشاكل وهي كثرة الجدل بين الاعضاء والادارة

ورجاء مرة أخرى حاولوا تقرأو موضوعي في قسم المقترحات بعنوان من اشرف السيد لجميع الاعضاء

والسلام عليكم

الله المستعان

ربنا يكون في عوننا جميعا

اقتراحات وحلول (http://www.thanwya.com/vb/forumdisplay.php?f=30)

هنا مقترحات وحلول ومشاكل الاعضاء للرقي بالموقع

يعنى الاعضاء عندها افكار بتعرضها
انتا معاك حق فى موضوع المشاحنات وان فيه مواضيع مش بيكون ليها لزمة
وحاجة مش من اختصاص عضو وتلقيه عمل عليها
استفتاء
بس قسم اقتراحات وماشكل
وصفه بيقول : مقتراحات وحلول ومشاكل الاعضاء
مش قصم مقفول للردود بس
وعلى فكرة

مثبــت: اخبرنا عن موضوع أو مشاركة مخالفة (http://www.thanwya.com/vb/showthread.php?t=73277)

مثبــت: اخبرنا عن توقيع مخالف (http://www.thanwya.com/vb/showthread.php?t=73274)

مثبــت: اخبرنا عن صورة رمزية مخالفة (http://www.thanwya.com/vb/showthread.php?t=73275)

:049gc0:التالته دول بيدوره فى فلك واحد ادمجهم بئا
بالمناسبة بعتلك رسالة ولو كنت نسيت كتبتلك فى اخرها متنفضتش كالعادة
وبرضه نفضت
غير الاستايل الجميل ده علشان الصلاحيات

الله المستعان

وان شاء الله يتم التنفيذ

شكرا على التنبيه


اي عضو عايز يمشي وهيعمل موضوع علشان يعرفنا رجاء قم بحذف الموضوع لان العضو اللي عايز يمش احنا مش عايزينه

حضرتك متاكد من دا
:::::::::::::::::::::::::::
القسم اسمه اقتراحات وحلول
طب لو فى عضو عنده اقتراح او اى حاجة من دى
هيكتبها فين ؟؟؟؟
حضرتك منعت الكتابة فى القسم دا
وبالتالى الاعضاء مش هتلاقى ملجأ تكتب فيه مواضيعها غير فى الركن العام
ياريت حضرتك تراجع نفسك فى قرار غلق القسم دا
::::::::::::::::::::::::::::::::
دمتم ولى عودة ان شاء القدير

3- اي عضو يقوم بعمل مواضيع يأخذ رأي الاعضاء في هل الموقع كويس ولا ايه / الموقع حلو ولا وحش
الموضوع حضرتك معمول قبل ما حضرتك تمنع كتابة المواضيع فى القسم
مكنش ينفع يتحذف

ايه ده في ايه



- اي موضوع سيتم طرحه خارج قسم المقترحات رجاءاً لا يتم مناقشته نهائيا ويحذف نهائياً لانه ليس في موضوع

وكل ما هو من مقترحات ومشاكل موجود في قسم المقترحات على مواضيع

وفي حد من المشرفين هيقوموا ويقولوا طيب لو في مشكلة مش في مواضيعك العضو يعمل ايه هقولك ان في موضوع اسمه حل مشاكل المنتدى على الهواء

فلو حضرتك قرأت الموضوع بتاعي اللي في قسم المقترحات بعنوان (من أشرف السيد إلى جميع الاعضاء [سياسة الموقع] ) هتعرف كل اسئلتك بخصوص قسم المقترحات

2- اي عضو عايز يمشي وهيعمل موضوع علشان يعرفنا رجاء قم بحذف الموضوع لان العضو اللي عايز يمش احنا مش عايزينه لان لو في عضو بيحب الموقع وعايز يمشي وعنده مشكله هيحاول بعرض مشكلته بدون اللجوء إلى حجة اني عايز امشي

3- اي عضو يقوم بعمل مواضيع يأخذ رأي الاعضاء في هل الموقع كويس ولا ايه / الموقع حلو ولا وحش / وايه احسن حاجة في الموقع واوحش موقع ( رجاء قم بحذف مثل هذه المواضيع )

4- اي عضو يقوم بعمل اي مواضيع يقول فيها ان الادارة ظالمة او ما شابه ذلك رجاء قم بحذف هذه المواضيع لان في موضوع خاص بمشاكل المشرفين والادارة في قسم المقترحات



في ايه استاذ اشرف

و انت طيب

كل دي عيدية

في ايه

مش موافق حضرتك بالمرة

ممكن راي ميغيرشي حاجة بس مش معاك في ده خالص

ادخل اي منتدي لازم القسم ده يتفتح

و الله مشرفي العام كده هيتعبوا جدا مش كفاية الحمل اللي عليهم

حرام استاذ اشرف

و بعدين عاوز تحذف كل المواضيع دي

و علي فكرة سبق انك رديت علي موضوع قيم منتدي الثانوية

ليه بقا دلقتي عاوز تحذف ؟؟؟؟

في ايه استاذ اشرف

و بعدين لو عضو عاوز يمشي و بيعرفنا ده فيها ايه

مش بدل منقعد نسال عليه كام مرة و محدش يعبرنا ولا حد يعرف عنه حاجة

و حكاية الادارة الظالمة دي مفيهاش حاجة

فيه اعضاء جديدة اول مبتدخل بتدخل شمال علي طول

و بعدين بتفهم ده انت عاوز بارده يتحذف الموضوع

اي موضوع سيتم طرحه خارج قسم المقترحات رجاءاً لا يتم مناقشته نهائيا ويحذف نهائياً لانه ليس في موضوع

و هيتم طرحه في المقترحات ازاي و انت قافله ؟؟؟؟

الكلام متناقض 180درجة لاما انا بقيت غبي

و بعدين استاذ اشرف انت م شعاوز تفتحه ليه

طيب يا سيدي افتحه و الموضوعات اللي برده موضوع الاقتراحات ابقي احذفها يا سيدي

مع اني شايف ان موضوعات قليله جدا اللي بتبقي بره المواضيع

و كلها مشاكل او اقتراح

لكن تقفله

افتحه يا استاذ اشرف

انت كنت بادي بالايجاب و بالايجاب اوي كمان

هتكمله سلب ؟؟؟؟!!!!!

طيب عندي حل لاني عارف انك مش هتنفذ غير اللي انت عاوزه

بص اعمل نسخة من الموضوع ده في اقتراحات و حلول و اعمله موضوع مثبت

و قول للاعضاء انهم يعملوا كل المشاكل و الموضوعهات بتاعتهم في موضوع حل مشاكل المنتدي علي الهواء

عرف الاعضاء بده

مع اني عارف ان فيه مواضيع مش هتنفع

بس مفيش غير الحل ده

و زي ما اسلام قالك

ده اقراحات و حلول

يعني بقفلك ليه

بتقولهم مش عاوزين اقتراحات و مش هنحل مشاكل

انا عارف ان كلامي مش هيفيدك بحاجة لان ده مش اقتراح زي مبتقول دي اوامر

علي العموم مش موافقك خالص

فائق احترامي

انا فيه حاجه بشوفها في منتديات تانية

وهي انه في القسم ده

الموضوع يظهر لصاحبه فقط

ربنا يسهل ويقدم مافيه الخير

الاعضاء مش هيكتبوا فى المواضيع المثبتة
لانهم لما بيعملوا مواضيع بيترد عليهم اسرع
لكن فى المواضيع المثبتة فين لما حد يرد
ياربت لو هيفضل مفقول ينظر فى المواضيع دايما
بص اعمل نسخة من الموضوع ده في اقتراحات و حلول و اعمله موضوع مثبت

و قول للاعضاء انهم يعملوا كل المشاكل و الموضوعهات بتاعتهم في موضوع حل مشاكل المنتدي علي الهواء

عرف الاعضاء بده
برده يا شريف لو اتحط فى اقتراحات و حلول محدش هيدخل يشوفه
انا راى يتعمل اعلان فى كل الاقسام

يا جماعة من الواضح انكم لم تقروأ موضوعي في المقترحات والحلول بعنوان (من أشرف السيد لجميع الأعضاء - سياسة الموقع)

لو حضرتكم شفتوا الموضوع هتلاقوا ان لو في مقترح او مشكلة مش موجود في اي موضوع من المواضيع المثبتة يقوم بكتابتها في موضوع بعنوان حل مشاكل المنتدى على الهواء مباشرة

يا جماعة من الواضح انكم لم تقروأ موضوعي في المقترحات والحلول بعنوان (من أشرف السيد لجميع الأعضاء - سياسة الموقع)

لو حضرتكم شفتوا الموضوع هتلاقوا ان لو في مقترح او مشكلة مش موجود في اي موضوع من المواضيع المثبتة يقوم بكتابتها في موضوع بعنوان حل مشاكل المنتدى على الهواء مباشرة

بالعكس انا فاهمك و قريت الموضوع

لكن عرف الاعضاء بده

اعمل اعلان زي ماشرين بتقول

و الله انت لو فتحته هتسهل علي نفسك

ربنا معاكو
دعوة جماعية باسم اعضاء منتدى الثانوية ( شكلىهالف شعر )
بفتح القسم
على فكرة انا مش مقتنع بالمواضيع اللى حضرتك عاملها
كل واحد ليه مشكلة
انا عن نفسى لو ليا مشكلة هكتب موضوع
مش هعمل مشاركة فى المواضيع دى
لو انا كتبت موضوع هلاقى ايجابية والمشكلة هتتعرف اسرع وهتتحل اسرع
اما لو شاركت فى احد الموضوعات
يبقا يامين يعيش على ما المشكل د ى تتحل
من الاخر كل الناس عايزة القسم يتفتح
:::::::::::::::::::::::::::
انا بصراحة زهقت من نقل المواضيع من الركن العام
من زهقى
جالى فترة مكنتش بنقل المواضيع دى بسبها منورة القسم
ياريت تشوف حل
:::::::::::::::::::::::ك
ملحوظة

قرات موضوعك بتاع سياسة المنتدى

دمتم فى رعاية الله

أنا من وجهة نظرى
إن القسم يتفتح زى ما كان لأن اللى بيحصل ده مينفعش يعنى إيه 3 أو 4 مواضيع يتكتب فيهم كل مشاكل المنتدى
فيه كام عضو هيدخل فيه كام عضو هيناقش

دا إسمه حجر فكرى
أنا من رأى القسم يتفتح ويفضل زى ما كان زى أى قسم إقتراحات فى أى منتدى مش كل يومين هنألف حاجه جديده هنه فى المنتدى

ثم إن فيه أساسيات إحنا بنادى بيها من 3 أو 4 سنين ويامولاى كما خلقتنى
هو حضرتك بتناقش اللى على هواك بس

أنا عن نفسى زهقت من اللى بيحصل ده
ثم ياريت حضرتك
بعد كده قبل ما تفكر تاخد قرار تبقى ترجعلنا مش منك لنفسك كده ونبقى آخر من يعلم ولا إحنا إداره صوره ومتقوليش الإداره إنت والأستاذ عصام والأستاذ حسام
لأن الإداره من أول عضو مسجل لآخر عضو وده مش قرار فردى عشان تاخده منك لنفسك وتطلب مننا نمشى عليه
وإحنا أصلاً مش موفقينك


سلام
وطبعاً كالعاده هتنفض لردودنا واللى فى دماغك هتمشيه محنا ملناش لزمه

شكرا لردك يا سادات

لا الادارة يا سادات مش اول عضو لاخر عضو
ومش كل حاجة في الموقع لازم نأخذ فيها رأي الأعضاء

يبقي كل موضوع اكتبه اعرضه ع الاعضاء الاول

وكمان لازم يكون في ترتيب في الادارة مش كل حاجة تعرض ع الاعضاء لاخذ رأيهم

واظن كان في كل يوم بتاع 20 موضوع جديد في المقترحات وكان الحلول من قبلكم 10 في المائة

واظن المواضيع المثبتة الآن بتريح ناس كثيرة في معرفة المشكلة ورابط المشكلة وسرعة حلها

انما ان الاقي موضوع جديد بيشتم فيه مشرف او اداري او الاقي عضو عامل موضوع يأخذ رأي الاعضاء في الموقع

ولا علشان عضو راح منه موضوع او اتنقل الاقيه عامل موضوع ولا علشان واحد نسي كلمة السر عمل لي موضوع

ولا علشان واحد اتوقف يعمل استفتاء عام على قرار الوقف

ولا ولا ولا

المواضيع كثيرة

واي مشكلة في المقترحات اساسها التقصير من المشرفين

فقمت بعمل موضوع هنا يخص المشرفين بقسم الكادر لم يرد عليه مشرف من الكادر

وهكذا

والسلام عليكم

لا الادارة يا سادات مش اول عضو لاخر عضو
ومش كل حاجة في الموقع لازم نأخذ فيها رأي الأعضاء

يبقي كل موضوع اكتبه اعرضه ع الاعضاء الاول

وكمان لازم يكون في ترتيب في الادارة مش كل حاجة تعرض ع الاعضاء لاخذ رأيهم

واظن كان في كل يوم بتاع 20 موضوع جديد في المقترحات وكان الحلول من قبلكم 10 في المائة

واظن المواضيع المثبتة الآن بتريح ناس كثيرة في معرفة المشكلة ورابط المشكلة وسرعة حلها

انما ان الاقي موضوع جديد بيشتم فيه مشرف او اداري او الاقي عضو عامل موضوع يأخذ رأي الاعضاء في الموقع

ولا علشان عضو راح منه موضوع او اتنقل الاقيه عامل موضوع ولا علشان واحد نسي كلمة السر عمل لي موضوع

ولا علشان واحد اتوقف يعمل استفتاء عام على قرار الوقف

ولا ولا ولا

المواضيع كثيرة

واي مشكلة في المقترحات اساسها التقصير من المشرفين

فقمت بعمل موضوع هنا يخص المشرفين بقسم الكادر لم يرد عليه مشرف من الكادر

وهكذا

والسلام عليكم
اولا انا مع حضرتك يا استاذ اشرف
و فعلا اللى قلته دة بيحصل و هجيب لينكات تاكد دة
لكن فى حاجة تنيا بردة المفروض تحصل
لما يكون 3 او 4 مواضيع بس عددهم قليل
هيبقا فيهم تكدس كبير من المشاكل
المفروض يبقا كل موضوع مختص بنوع معين
من المشاكل على الاقل عشان المشرف او الادارى
لما يجى يدخل عشان يعدل او يحل مشكله ميصبش بملل
و يلاقى موضوع مليان اكتر من 100 مشكله
فلوا خصصنا كل موضوع لععد او انواع معينه
و تعددت المواضيع بيتهيالى هيكون افضل
و اللينك دة بيتهيقلى على ما فهمت كدة انوا المفروض يتحزف
و هجيب لينك تانى نفس النظام
http://www.thanwya.com/vb/showthread.php?t=73336
http://www.thanwya.com/vb/showthread.php?t=76961

واي مشكلة في المقترحات اساسها التقصير من المشرفين


تحليل رائع بل وحكيم يا اشرف
عموما انتو حررين
تفتحوه تقفلوه تعبوه فى ازايز وتبيعوه
ربنا معاكو
بس على فكرة مش احنا لحدنا السبب
معظم المشاكل سببها الادارة
ودا بشهادة شهود
دمت فى رعاية الله

لا الادارة يا سادات مش اول عضو لاخر عضو

امال الادارة ايه ؟؟ المنتدى دا اصلا مش قائم غير بمواضيع الاعضاء .. والادارة مش ليها اي معنى من غيرهم
الفرق الوحيد بين الاعضاء والادارة ... ان الادارة بتقدم كل جهدها عشان المنتدى يكون منظم ... وعشان المشاركات المخالفة.. وهذا لا يعني ان دور الادارة والاشراف مش سهل .. بالعكس دورهم كبير جدا .. واي اداراي او مشرف اصله عضو .. ما عدا حضرتك طبعا :)
ومش كل حاجة في الموقع لازم نأخذ فيها رأي الأعضاء
والله هو دا المفروض صراحة ... بس مش بيحصل المفروض .. مش كل حاجة يعني .. المقصود في قرارات كتير لازم ناخد راي الاعضاء فيها .. وهي الحمد لله بين ليلة وضحاها بتتم من غير اي مقدمات .. تعجب بقى مش تعجب مش مشكلة
يبقي كل موضوع اكتبه اعرضه ع الاعضاء الاول
لا لا لا مش هو دا المقصود .. بعدين المواضيع الي حضرتك بتكتبها اصلاااااا مش محتاجة عرض على الاعضاء قبل ما تنزلها .. كلها اخبار عن النتائج وقوانين وسياسة المنتدى

وكمان لازم يكون في ترتيب في الادارة مش كل حاجة تعرض ع الاعضاء لاخذ رأيهم
رديت على النقطة دي ...

واظن كان في كل يوم بتاع 20 موضوع جديد في المقترحات وكان الحلول من قبلكم 10 في المائة
بجد الكلام دا ؟؟؟
وهو بقفل القسم .. وعمل موضوع واحد للمشاكل ؟؟ بقت الحلول من قبلنا 100 في المائة ؟؟

واظن المواضيع المثبتة الآن بتريح ناس كثيرة في معرفة المشكلة ورابط المشكلة وسرعة حلها
والله ما حد مرتاح خالص بجد في المنتدى بشهادة جميع الاعضاء تقريبا .. الا الجداد .. الي بيتعبوا بعد فترة قصيرة

انما ان الاقي موضوع جديد بيشتم فيه مشرف او اداري او الاقي عضو عامل موضوع يأخذ رأي الاعضاء في الموقع

ولا علشان عضو راح منه موضوع او اتنقل الاقيه عامل موضوع ولا علشان واحد نسي كلمة السر عمل لي موضوع

مش هي دي المشاكل الي قصدنا عليها .... هي مشاكل المنتدى مقتصرة عل كدا وبس ؟؟؟ :rolleyes:

ولا علشان واحد اتوقف يعمل استفتاء عام على قرار الوقف

ولا ولا ولا

المواضيع كثيرة

واي مشكلة في المقترحات اساسها التقصير من المشرفين

تقصير المشرفييييييييييييييين ؟؟؟:eek:

يا نهار ابيض .. :confused:

على كدا عندي اقتراح .. كلنا هنسيب الاشراف وحضرتك بقى تجرب يوم تعمل دا كله ... وقول رايك بقى لينا ... بعد دا كله المشرفين مقصرين ؟؟

يا استاذ اشرف المشرفين هما الي موقفين المنتدى دا على رجله على فكرة
حضرتك وااااااااااضح انك مش واخد اي فكرة عن الي بيحصل هنا في المنتدى

ولا بتشوف المواضيع والمهازل الي بتحصل

ودور المشرفين في وقفها ..

من الاخر كدا ... حضرتك مش عايش معانا في المنتدى :)

فقمت بعمل موضوع هنا يخص المشرفين بقسم الكادر لم يرد عليه مشرف من الكادر
بارك الله فيك على مجهودك الي بذلته في عمل الموضوع :rolleyes:
وهكذا

والسلام عليكم
وعليكم السلاااااااااااااااااااااام ورحمة الله وبركاته:078111rg3:
...........................................

ربنا يديك الصحة

يا ريت كل المشرفين يشوفوا الكلام دا
وويسيبوا ليك الاشراف بقى


كام يوم كدا

ونشوف هيرجع المنتدى لاحسن فترة ولا لا


طالما بوجودنا انتهت احسن فترة

اصل المنتدى كان فيه كل هذه الاقسام على ما اتذكر ؟؟؟

صح ؟؟

ربنا يديك الصحة يارب

الله هو حضرتك حذفت ردك ليه ؟؟؟ :)


سبحان الله


على العموم انا هقول الي حضرتك كنت كاتبه


ان من سنتين كان المنتدى في افضل حال

وحضرتك كنت المشرف والاداري الوحيد

وكنت عارف كل صغيرة وكبيرة فيه
واييييييييه كماااااااااان ؟؟
ااااااااااه افتكرت ... وانه كمااااااااااان حضرتك حاليا عارف كل صغيرة وكبيرة فيه


زي ما قلت ربنا يديك الصحة

خلاص يا همس ملوش لازمة الكلام ده

استاذ اشرف مش هينفذ غير اللي قاله

و مش هيفتح القسم

متتعبيش نفسك

خلاص ياهند
قدر الله وما شاء فعل
لقد اسمعت لو ناديت حيا
ولكن لا حياة لمن تنادى
دمتم فى رعاية الله

اسمحلى يا استاذ اشرف حكاية ان القسم كله يتجمع ف كام موضوع دى مش عمليه خالص

يعنى موضوع زى اللى بيناقش المشاكل ده افرض حضرتك اكتر من عضو عايزيم يناقشوا اكتر من موضوع فى وقت واحد يبقى ايه الحل ساعتها ولا نعمل طوابير للمواضيع كمان والصلاح للاسبق وعما المشكله تتحل تكون خربت

وبعدين ايه اللى مضايق حضرتك ف كثرة المواضيع ماهى كده مشاكل وكده مشاكل ولا لما يبقى موضوع واحد المشاكل هتقل؟

العبره مش بكم المواضيع ولا بكم المشاكل العبره باللى هيتحل منها

فانا عن نفسى مش محبزه الفكره دى خالص

بجد أنا مش لاقى أى تعليق ومش عارف أقولك إيه
مش عارف ليه حاسس إننا أعداء مش فى جبهه واحده حاسس كده إنك فاكر إننا همنا الأول إننا نحبطك أو نشوه صورتك

يا أشرف إحنا هدفنا الأول والأخير المصلحه
وإنت باللى بتعمله ده بجد بتجيب أخرنا وياريت تعرف كويس إن ساعات كتير ممكن الإنسان يغلط ومش عيب إنك تقول أنا غلط وخصوصاً لما تبقى غلطان فعلاً

يا أشرف دلوقتى لو حصل إن بقى فى كل موضوع من انت عاملهم دول 3 أو 4 مشاكل وكل مشكله عاوزه تتناقش وعاوزه حل هنحل أى واده فيهم ياترى الأولى ولا التانيه ولا اللى فى النص ولا هنعمل حادى بادى ولو إتكلمنا فيهم كلهم المشاركات هتتلخبط ومش هنبقى عارفين رأسنا من رجلينا
فياريت تاخد بالك من نقطه زى دى

عمرك ما ينفع تلم مشاكل منتدى بالكامل فى 5 ولا 6 مواضيع

أما بقى للكلام اللى حضرتك قولته
إن معظم مشاكل المنتدى بسبب تقصير المشرفين بجد أنا مش عارف أرد أقولك إيه إنت آخر مشاركه ليك كانت إمته آخر إقتراح إقترحناه وإنت نفذته من كام ألف سنه يا أشرف إن كنا مقصرين فأنت أول واحد مقصر فينا

وإن كنا هنشتغل فينشتغل إيد واحد
ومفيش حاجه تتنفذ غير بموافقه الجميع يبقى قول أنا سياستى كده واللى مش عاجبه الباب يفوت جمل وساعتها أوعدك إننا مش هتناقش معاك فى أى حاجه وهنمشى من سكات والمنتدى بتاعك وإنت حر فيه

سلام عليك ورحمه الله وبركاته

اه بالمناسبة يا اشرف
الاستايل الجديد معلش فى الكلمة يعنى ذبالة باجماع عدد كبير من الاعضاء
ياريت تغيره
او تسيبه على قديمه
لان من ضاع قديمه تاه
:::::::::::::::::::::::::::::::::::::::::::::::::
ايه يا جماعة احنا هنفضل نتكلم كتير
يا جماعة احنا مقصرين جامد
بطلو كلام شوية اشرف خلاص مش هينفذ حاجة سيبو القسم مقفول
وطالما كل واحد هيعمل اللى فى دماغه
يبقا انا كمان هعمل اللى فى دماغى
اى موضوع عبارة عن مشكلة فى الركن العام
هنقله لقسم اقتراحات وحلول
ولو عايز تحذف الموضوع بعد ما يتنقل براحتك بقا
دمتم سالمين