هاوى إبداع
13-11-2020, 01:50 PM
حنيت لوقت ما كنت عيل
كنت عايش مش بفكر
ومش مضطر اخد قرار
حنيت لضحكة صافية بيني
وبين صحابي ف الهزار
لسهرة طول الليل معاهم
وانام قتيل طول النهار
حنيت لوقت كانت فيه
اكبر همومي ازاي
ما اروحش المدرسة
واكبر مخاوفي إزاي هزعّل
امي لو مجموعي
مجابش طب و هندسة
وازاي هلم المادة .. ليلة الامتحان
وازاي مشاعري تحسها بنت الجيران
وازاي مخفش واقولها كل القوايل
كانت همومي في طقم عيد
وساعة روشة ونوع موبايل
مكنش لسة القلب داق
طعم الوجع والاشتياق
مكنش فيه غياب وموت
وحرقة قلب على الفراق
حنيت لوقت ماكنت اخاف
من حقنة في روشتة علاج
وقت مش مميز فيه
يعني ايه الصحة تاج
الصحة كانت مش أهم من المزاج
كبرت ليه ؟!!
وليه حياتي اتغيرت واتطورت واتكدرت
والمفاهيم الثابتة عندي اتكسرت
بقيت بخاف على ناس معايا ان يسيبوني
بقيت بخاف من القدر من البشر من الزمان
بقيت بخاف الناس يلوموا ويعيبوني
بقيت جماد من جوا .. واللقب انسان
Mr. Hatem Ahmed
16-11-2020, 08:01 PM
حلوة يا دُك .. ورجوعك للمنتدى أحلى
الأستاذة ام فيصل
28-11-2020, 07:09 PM
واحنا حنينا الى مواضيك المبدعة
ربنا يوفقك ويرعاك
تحياتي
هاوى إبداع
26-01-2021, 02:49 AM
مستر حاتم
استاذتنا ام فيصل
مستر ايمن
خلود
سعيد جدا برؤيتكم مره اخري وانتم ف صحه وسلامه
وسعيد جدا انكم لسه فاكرني
كل الحب والتقدير لحضراتكم
أبوبسملة ياسر خليفة الطحاوى
23-02-2021, 12:46 PM
بسم الله ما شاء الله
منور كعادتك يا دكتور والله
ربنا يبارك فيك و سلمت يداك
هاوى إبداع
05-03-2021, 11:37 AM
بسم الله ما شاء الله
منور كعادتك يا دكتور والله
ربنا يبارك فيك و سلمت يداك
ويبارك ف حضرتك يا ا.ياسر حضرتك ال نورت والله
smsmzeros
30-10-2022, 01:27 PM
كلنا حنين لتلك الايام وتلك السنين والناس الطيبين
تحياتي لك ي دكتور ولكل الناس إللى هنا والذكرى خير ✌ï¸ڈâ¤ï¸ڈ
هاوى إبداع
07-02-2023, 01:15 AM
كلنا حنين لتلك الايام وتلك السنين والناس الطيبين
تحياتي لك ي دكتور ولكل الناس إللى هنا والذكرى خير ✌ï¸ڈâ¤ï¸ڈ
كااانت ايام جميله والله ياصالح اتمني انك بخير اينما كنت يا صديقي
smsmzeros
26-05-2023, 11:06 AM
كااانت ايام جميله والله ياصالح اتمني انك بخير اينما كنت يا صديقي
الحمد لله على الذكرى الطيبه ، كانت ايام جميله بصدق
بخير اخي الحمد لله وأنت كيف الحال عساك طيب . إشتقت لكل الايام مهما مرت الايام
Only Forward
16-06-2023, 05:54 PM
الحمد لله ع الذكريات و كل حاجة عدت، كانت ايام متعوضش فعلا
بس ياريت الزمن يرجع فعلا و تكون اكبر همومي احضر الطابور الصبح أو اخلص الواجب قبل ما اروح الدرس ��
هاوى إبداع
05-07-2023, 09:50 PM
الحمد لله على الذكرى الطيبه ، كانت ايام جميله بصدق
بخير اخي الحمد لله وأنت كيف الحال عساك طيب . إشتقت لكل الايام مهما مرت الايام
بخير والحمد لله تسلم وكل سنه وانت طيب
هاوى إبداع
05-07-2023, 09:52 PM
الحمد لله ع الذكريات و كل حاجة عدت، كانت ايام متعوضش فعلا
بس ياريت الزمن يرجع فعلا و تكون اكبر همومي احضر الطابور الصبح أو اخلص الواجب قبل ما اروح الدرس ��
ازيك يا ايه يارب تكوني بخير
ربنا يجعل ايامك كلها خير ويكون ال جاي احسن من ال فااات
Only Forward
09-07-2023, 10:12 PM
ازيك يا ايه يارب تكوني بخير
ربنا يجعل ايامك كلها خير ويكون ال جاي احسن من ال فااات
الحمد لله، ازيك انت يا دكتره، يارب تكون بخير
يارب يجعل ايامنا خير و رزق و بركة، اللهم امين اجمعين 🌹
هاوى إبداع
16-07-2023, 04:57 PM
الحمد لله، ازيك انت يا دكتره، يارب تكون بخير
يارب يجعل ايامنا خير و رزق و بركة، اللهم امين اجمعين 🌹
الحمد لله بخير تسلمي
الأستاذة ام فيصل
07-02-2025, 01:30 AM
حنيت لوقت ما كنت عيل
كنت عايش مش بفكر
ومش مضطر اخد قرار
حنيت لضحكة صافية بيني
وبين صحابي ف الهزار
لسهرة طول الليل معاهم
وانام قتيل طول النهار
حنيت لوقت كانت فيه
اكبر همومي ازاي
ما اروحش المدرسة
واكبر مخاوفي إزاي هزعّل
امي لو مجموعي
مجابش طب و هندسة
وازاي هلم المادة .. ليلة الامتحان
وازاي مشاعري تحسها بنت الجيران
وازاي مخفش واقولها كل القوايل
كانت همومي في طقم عيد
وساعة روشة ونوع موبايل
مكنش لسة القلب داق
طعم الوجع والاشتياق
مكنش فيه غياب وموت
وحرقة قلب على الفراق
حنيت لوقت ماكنت اخاف
من حقنة في روشتة علاج
وقت مش مميز فيه
يعني ايه الصحة تاج
الصحة كانت مش أهم من المزاج
كبرت ليه ؟!!
وليه حياتي اتغيرت واتطورت واتكدرت
والمفاهيم الثابتة عندي اتكسرت
بقيت بخاف على ناس معايا ان يسيبوني
بقيت بخاف من القدر من البشر من الزمان
بقيت بخاف الناس يلوموا ويعيبوني
بقيت جماد من جوا .. واللقب انسان
يمر الزمان أسرع مما نتوقع ولكل فترة أحلام وأمنيات تتغير مع الوقت
اتمنى للجميع ان يحقق الله لهم كل مايتمنوه . 🙏🏻