المساعد الشخصي الرقمي

مشاهدة النسخة كاملة : النصرة وكسة لليهود

أحمـدنجـم
06-10-2008, 01:15 PM
في 5 من شهر يونيه بلدنا اتألمت

وسينا لبست سواد ملاها لون الحداد

والأرض اتكلمت

في 5 من شهر يونيه دوقنا مر الهزيمة

سمينا اليوم دا نكسة

مرفوعة الهامة لسه

جوانا الروح كريمة

ترفض معنى الهزيمة

ورجعنا لعين جالوت

وصلاح هزم الطاغوت

وعزمنا عزم الأسود

عزم الجبل العنيد

وسيناء لازم تعود .. سيناء لازم تعود

وقطعنا شريان دماهم ..

والخوف عشش وبات

طوربيد عارف طريقه

ورصيف تنقاد حريقه

الاتنين أطلال إيلات

والخوف عشش وبات

داسين عيونا بينهم لو كانوا في القمر

شوان زي الرادار

هجان واخد بتار

أطفال بحر البقر

وفي ستة من شهر عشرة

وفي عشرة من شهر صومنا

طارت نسورنا برق

تجلجل في السما

عشان ترد الحق

تعود بالأوسمة

وركبنا قارب ما يغرق

عبرنا بيه القناة

مركبنا بشوق يكبر

والمية كمان تكبر

مدفعنا الله أكبر

وسيناء لازم تعود .. سيناء لازم تعود

بارليف يا خط عافي

لو داسك طفل حافي

بيقول الله اكبر

تاخد بعضك وترحل

ومسكنا رمل سينا

اللي عشانه قسينا

ونزفنا م الادين

دم بيجري حنين

وكتبنا أغلى راية

كتبنا الله أكبر

شلوم يا يهود شلوم

ونفسي ييجي يوم

في الأقصى نعلي صوت

ونقول الله اكبر

في غزا وف اريحا

بيت لحم ودير ياسين

وتل أبيب يصوت

ويقول قوتنا أكبر

عشان احنا في ايدنا

سلاح الله أكبر

الله أكبر

إن روح سيناء الكريمة .. روح السادس من أكتوبر العاشر من رمضان 1973.. جاءت تسلم راية الأجداد للأحفاد .. تنادي على الذين لا تزال الرصاصة في جيوبهم .. وتقول لهم .. الرصاصة لم تصدأ بعد .. والعدو لم يخرج بعد .. أنتم صدقاً مهددون مهددون .. فيها أخرجوا الرصاصة من جيوبكم .. صوبوا نحو عدوكم .. هيا رددوا .. ما قاله الأجداد .. الله أكبر .. الله أكبر
hend ere
06-10-2008, 01:51 PM
بجد جميله جداااااااااااااااااا
وياريت الموضوع ده يثبت لانه جميل جدا
sunsero2000
06-10-2008, 01:53 PM
جمييييييييييييييييييييييييييييل
احمد رضا
06-10-2008, 01:56 PM
جميل يا ابو حميد
بس مش عارف ليه بحس ساعات انك بتكون لسه عامله دلوقتي
وده شئ مش تمام
مفروض تحطه عندك
وتنقحه الأول
وتشوف هتزود ايه وتنقص ايه
وبعدين تنزله
بحيث ميكونش كل شغلك يبقي كدا
عشان ممكن تخسر قدرة معينه من قدراتك اللغوية
وبتقفل علي نفسك باب الإبداع والتأثير
ففكر في كلامي وحاول ياباشا
بس جميله
تسلم ايدك
أحمـدنجـم
06-10-2008, 02:29 PM
كلامك في عين الاعتبار اخي العزيز وبإذن الله هعمل بنصيحتك بس ادعيلي ألقى وقت
أحمـدنجـم
06-10-2008, 02:30 PM
بجد جميله جداااااااااااااااااا
وياريت الموضوع ده يثبت لانه جميل جدا

شكرا هند على مرورك الرائع وشكرا على رغبتك في تثبيت الموضوع
أحمـدنجـم
06-10-2008, 02:32 PM
جمييييييييييييييييييييييييييييل

انت الأجمل ومرورك رائع
بورسعيدى
07-10-2008, 01:29 PM
جميله جدا

روحها عايه وتدعو للاعتزاز بالنفس

شكرا لك
أحمـدنجـم
07-10-2008, 01:48 PM
شكرا بورسعيدي وعلى فكرة أنا من بورسعيد أهلا بيك
ايهاب حلمى سعد
07-10-2008, 10:23 PM
والله كلام جميل

تسلم ايد اللى كتبة

بجد انا بشكرك على هذا الموضوع الرائع
أحمـدنجـم
07-10-2008, 10:29 PM
الله يخليك يا إيهاب .. أنا اللي كاتبه يا هوبه وعلى فكرة كل أعمالي في ركن إبداعات الأعضاء الحمد لله من كتابتي وارجو ان تنال إعجابك وتشرفها دايماً بحضورك
أحمـدنجـم
07-10-2009, 06:45 AM
إحياء للذكرى العطرة
الأستاذة ام فيصل
07-10-2009, 11:03 AM
احييكم ايها المصريون الشجعان
واحييك استاذ نجم على روحك
الوطنيه العاليه.
وسيبقى نصر 6 اكتوبر
اعظم وأنبل وأروع وأهم وأخلد وأقوى وأعمق
وأجمل وأنقى تاريخ في حياة الشعب المصري
بورك فيكم
وتقبلو تحيات اختكم نغم
هانى الشرقاوى
07-10-2009, 01:16 PM
والله زمان يا أستاذ أحمد
من زمان أوى مشفتش لحضرتك حاجة

رائع كالعادة يا أستاذى
وطريقتك فى الكتابة بالعامية جيدة
تسلم الايادى
أحمـدنجـم
15-10-2009, 06:26 PM
احييكم ايها المصريون الشجعان
واحييك استاذ نجم على روحك
الوطنيه العاليه.
وسيبقى نصر 6 اكتوبر
اعظم وأنبل وأروع وأهم وأخلد وأقوى وأعمق
وأجمل وأنقى تاريخ في حياة الشعب المصري
بورك فيكم
وتقبلو تحيات اختكم نغم
ألف شكر أختي نغم على ذوقك العالي وردك الرائع
والله زمان يا أستاذ أحمد
من زمان أوى مشفتش لحضرتك حاجة

رائع كالعادة يا أستاذى
وطريقتك فى الكتابة بالعامية جيدة
تسلم الايادى
حبيب قلبي عندليبو وحشني والله
ألف شكر على ذوقك يا غالي
بندق__2007
16-10-2009, 03:22 AM
بارليف يا خط عافي

لو داسك طفل حافي

بيقول الله اكبر

تاخد بعضك وترحل

أبلغ من سيد حجاب و أعظم من الأبنودى و ما تقلش عن صلاح جاهين

بجد مش هقول اكتر من إنك أستاذ أحمد نجم
Mr. Medhat Salah
16-10-2009, 10:26 AM
جميييييييييييييييييييل
أحمـدنجـم
16-10-2009, 10:54 AM
أبلغ من سيد حجاب و أعظم من الأبنودى و ما تقلش عن صلاح جاهين

بجد مش هقول اكتر من إنك أستاذ أحمد نجم
ألف شكر ليك يا بندق بس أنا هاجي فين جنب الأساتذة الكرام دول
بس يا رب نبقى مجرد معنى في قصيدة واحدة من قصائدهم
الف شكر يا بندق الغالي
جميييييييييييييييييييل
شكراً أختي الكريمة على المرور الدائم
وجزاك الله كل الخير
الجويرية
16-10-2009, 11:16 AM
بارليف يا خط عافي

لو داسك طفل حافي

بيقول الله اكبر

تاخد بعضك وترحل



بجد مفييش تعبير ممكن يوافق لذة وسحر هذه القصيدة
حضرتك شاعل اجلْ
لا تحرمنا من ابداعات حضرتك لكى نزيد علما
وجزاكم الله خيرا
أحمـدنجـم
16-10-2009, 01:14 PM
بجد مفييش تعبير ممكن يوافق لذة وسحر هذه القصيدة
حضرتك شاعل اجلْ
لا تحرمنا من ابداعات حضرتك لكى نزيد علما
وجزاكم الله خيرا
ربنا يكرمك يا مشرفتنا الإدارية المتميزة
ومبدعتنا الفائقة
وألف شكر على مرورك الرائع وردك المتميز الذي ملأني سعادة وحبوراً
وجزاك الله الخير كله