مشاهدة النسخة كاملة : عمرك عملت كده قبل كده ؟
حامل المسك 30-04-2006, 02:43 PM السلام عليكم يا صحبة الخير
لعبه جديده نوفي لانج اريل برسيل :D
لا دي حاجه بسيطه بس عشان الموضوع يبقى كده نظيف وريحته حلوة :lol:
يللا ما علينا المهم يعني
اللعبه عباره عن ايه
كل واحد هيخش ويسأل سؤال
بس على شرط ان السؤال لازم يكون على نفس النمط دا
>> عمرك عملت كدا قبل كدا
يعني مثلا يسأل
عمرك سافرت ايطاليا قبل كده
عمرك ضربت اخوك الصغير قبل كده
وهكذا اشياء من هذا القـبـيـل
وبعد كده اللي يجاوب هيجاوب الاول طبعا يا اما باه او لا
وطبعا مش هنكتفي باه او لا .. لازم يتكم شوية عن السؤال اللي هو جاوبه يعني مثلا عمل الحاجه دي امتى وازاي وهكذا
وطبعا بعد ما يجاوب بيسأل سؤال تاني واللي بعديه يجاوب عليه
وعايزين طبعا ننوع في الاسئله يعني شوية اسئله فكاهية
وشوية اسئله دينيه برضه عن الصوم وكده عشان يكون دافع وحافظ للناس وهكذا
بس في شرط مهممممممممممم
مينفعش تخش الموضوع وانت خلاص عجبك وهتشترك فيه
وبعد كده تلاقي سؤال محرج ولا انت خايف ولا مش عايز ترد عليه
تقوم طالع وتستنى اي حد تاني يرد عليه
لالالالالالالالا
بدل دخلت وقريت السؤال ترد عليه على طول
اه ودي بقى حكاية امانه
يللا أبدأ أنا
>>>> عمرك أكلت ضفادع قبل كده ؟؟ :huh:
يععععععععع</span> لا طبعا
بس أنا أخواتى الأتنين شرحوا ضفاضع كتيييييييييير
عشان واحدة فى صيدلة وواحدة فى علوم
وأنا كنت بشوفهم بس ما جربتش أكلهم قبل كده
وعمرى ما هفكر أكلهم أبدا إيه الأررررررررررررررررف ده
<span style=\'color:purple\'>عمرك شوفت عفريت قبل كده
حامل المسك 30-04-2006, 05:29 PM طيب طيب يا ستتي براحه متزقيش كده
ربنا يستر بس وميجوش يشرحونا :lol:
هم مين العفاريت دول بالضبط
قصدك يعني جن
عموما لا مشفتش لسه
اللي بعدي هممممممم
استنى بفكر اهو
اه طيب .. حبه تغيير بقى
>>>> عمرك صليت الفجر في حاضر في الجامع اسبوع كامل ورا بعضه دا لو ولد
اما لو بنت فنفس السؤال يعني بس طبعا مش في الجامع يعني عمرك صليتي الفجر حاااضر يعني قبل الشروق اسبوع متواصل
katkoutelwady 30-04-2006, 06:36 PM ايوه
انا سافرت الامارات قبل كده بس كنت صغير ساعتها
سؤالى
المدرس طردك من الفصل قبل كده؟؟؟؟؟؟؟؟؟؟؟؟؟؟؟؟؟؟؟؟
Miss_CaR!zma 30-04-2006, 06:55 PM ليه كده بس
عموما آه حصلت مره وكانت السنه دى
وحتى علشان مش عرفت ادخل الحصه قبل دخوله
فدخلت قللى انتى مش بتحترمينى
وانا مش عندى استعداد احس ان فى اى طالب مش بيحترمنى وبيحترم حصتى
وطبعا قعدت اعيط شويه وفى الآخر جه اعتذرلى بس مش قدام البنات وقللى انا نفسى كنت زعلان لكن دى طريقتى ومش ينفع الاستثناء
وطبعا موقف عمرى ما هنساه
السؤال للى بعدى
عمرك خدعت صديق قبل كده؟
sonson 30-04-2006, 07:05 PM لا هى الحمد لله محصلتش قبل كده ولا مرة
عمرك حصل ليك موقف محرج قبل كده
sonson 30-04-2006, 07:10 PM سورى يا تويتى انا كنت برد على katkoutelwady
وانا مش فاكرة ان انا خدعت حد قبل كده لان ده مش من طبعى
بس ممكن اكون عملتها مع واحدة صحبتى بس بهزار وقولتلها فى نفس اليوم
وسؤالى هل حصلك موقف محرج قبل كده
Miss_CaR!zma 30-04-2006, 07:39 PM لا والحمد لله مش لحد دلوقتى
عمرك (بنت) دخلتى المطبخ تعملى كباية شاى؟
هههههههههههه
basmala 30-04-2006, 07:45 PM اه عملت
عمرك (بنت) كنتى خارجه لوحدك ورجعتى البيت بعد الساعه عشره باليل
Miss_CaR!zma 30-04-2006, 07:51 PM عمرها ما حصلت
بس مع ماما وبابا بتحصل وبتعدى كتييييييييير
عمرك رحت او رحتى تتسوقى ووقعتى اللى بتخدى منه على الارض؟؟
هههه
حامل المسك 30-04-2006, 08:04 PM ازاي يعني ..يعني الراجل اللي بشترى منه وقعته على الارض
هههههههههههه
لالا معتقدش محصلتش دي
اه انتي قصدك يعني وقعت اللي بشتريه وكده
هي حصلت اه في السوبر ماركت واكتر من مره
اوقع علبه لبان ، كرتونة شيبسي
بيبقى موقف وووححححححححشش
اللي بعده
عمرك قعدت اكتر من اسبوع من غير ما تستحمى :P
فتاة الاسلام 30-04-2006, 08:06 PM اه حصلت حامل المسك بس من غير تريقة ماشى
انا قعدت فترة مستحماش لما جالى الجدرى طبعا قالوا ان لو المياة جت علية يحفر فى الجسم ويخلى الواحد كانة جربان هههههه يعنى يقعد يحرش كتيرررررر
عمرك اتسرقت قبل كدة ؟
basmala 30-04-2006, 08:23 PM لا الفلوس وقعت منى لكن ماتسرقتش يعنى حد خاطفها
عمرك قرأت القرأن كله
حامل المسك 30-04-2006, 09:52 PM اكيد والحمد لله حفظته وبحاول اراجع عليه تاني :(
السؤااااال دا بقى غريب جداااااااا
ركزوا كده
عمرك رحت الحمام وبعد ما دخلت الحمام اكتشفت انك مش عايز تعمل حمام اصلا :lol:
Merooo 30-04-2006, 09:55 PM اه الحمد لله .
انا بقرأ الحمد لله جزء كل يوم فتقريبا بختمه كل شهر.
عمرك وقعت فى الشارع قبل كده؟
حامل المسك 30-04-2006, 10:14 PM انا جاوبت قبلك يا ميروو
عموما يللا حصل خير
وقعت في الشارع ؟؟؟
همممممم
هو طبعا بما اني كنت متخصص لعب كورة في الشارع :D فاكيد وقعت كتير
اما وقعت وانا ماشي كده
مش عارف بس صراحه مفتكرش حاجه زي دي
عموما نفس السؤال الغريب بتاعي تاني
>>>>عمرك دخلت الحمام وبعد ما دخلت اكتشفت انك مش عايز تعمل حمام اصلا :lol:
حامل المسك 30-04-2006, 10:49 PM واوعوا تنسو الشرط
انك لو قريت السؤال لازم تجاوب عليه
دا امانة بقى ;)
رومانسي بس منسي 01-05-2006, 12:30 AM ليه كده بس السؤال المحرج ده
المهم يا سيدى حصلتلى كتير ادخل واخرج تانى
وبعدين بعد شويه ادخل واخرج تانى عادى بتحصل لناس كتير وده اظن مش سؤال محرج
هو محرج جداااااااااااااااااااااا بس
سؤالى بقي
عمرك اتخنقت من مدرس وضربته قبل كده؟؟
حامل المسك 01-05-2006, 12:38 AM لا موصلتش معايا للدرجه دي
>>>> عمرك اتهنت من انسان ورحت انت ليه عشان تعتذرله ؟
رومانسي بس منسي 01-05-2006, 02:29 AM لاء محصلتش معايا دى قبل كده
عمرك حبيت واللى انت بتحيه نفضلك وسابك ؟؟؟؟ انا عارف الجواب لو كان اللى بعدى ولد
انما لو كان بنت (بعد الشر) برده انا عارف الرد هيكون ايه.
:::::::::::::::::::::::::
سلاموز بالموز
:::::::::::::::::::::::::
The_Relativistic200 01-05-2006, 05:46 AM اييييه الفطنة دى يا عم
طبعا لأ
هعرفهم منين اساسا
وحب ايه دلوقتى فى الامتحانات
اللى بيحب دلوفتى
حبه
برص فى ليلة العرس
للى بعدى
رحت للحلاق وده للولاد طبعا
وحلقت حلاقة ضحكت الناس عليك
=ivan= 01-05-2006, 12:45 PM اااااااااه
مرة ...رحت وحلقت وسشورت كمان..
وبعدين كان الجو حااااااااااااااااااااااااارررررررررر
قمت داخل على حمام وغاسل وشى وطسيت حبة مية ...لالالا ..حبتين..
راحت المية مفنكشة شعرى ..(حلوة مفنكشة دى؟).......بقى عامل زى عرف الديك...
الحلاق ده كان فى النادى...
والحمام مفيهوش مراية.....طلعت العب بعديه....
واللى حصل حصل بقى <_<
ــــــــــــــــــــــــــــــــــــــــــــــــــ ـ
عمرك مرة وقعت فى بلاعة؟؟
مش قصدى من اللى بتاخد على المجارى وتموت متعرفش تطلع منها..
قصدى حفرة كبيرة
katkoutelwady 01-05-2006, 01:06 PM هههههههههههههه
انا حصلتلى مرة وكانت بلاعة (حفرة كبيرة جدا )
وكنت بالعب بالعجلة وانا صغير طبعا
وبعدين واحد زميلى قال ايه بيهزر معايا وراح خبطنى بايديه
وانا سايق وطبعا كانت الحفرة جمبى
ودريب ...... روحت مقلوب فى الحفرة
طبعا ايدى اتكسرت واتجبست
دلوقتى سؤالى ......
عمرك دخلت فى خناقة وكلت علقة محترمة؟؟؟؟؟؟؟؟؟؟؟
الصراحة
momi1985 02-05-2006, 12:34 AM لا الحمد لله
لاني مبخشش في خناقات اساسا
عمرك ركبت اتوبيس (او اي وسيلة مواصلات) واكتشفت انك نسيت الفلوس في البيت؟؟؟؟؟؟
msamido 02-05-2006, 01:10 AM ايوه بس الحمد لله كانت مواصله البلد يعني السواق عارفني رجعت معاه تاني جبت الفلوس وحاسبته علي الاجره 3 مرات رايح جاي رايح
مش عارف اسأل
momi1985 02-05-2006, 01:56 AM اسال انا
عمرك قعدت تدور على حاجة مدة كبية جدا وفي الاخر اكتشفت انك ماسكة في ايدك او مثلا حاططها ورا ودنك (قلم مثلا)؟؟ او حاجة زي كدة؟؟؟
حامل المسك 02-05-2006, 09:38 AM ايوه كنت نازل اشترى حاجه
وفجأه لقيت نفسي بدور على الفلوس
وخدت الشارع رايح جاي الفلوس فين وقعت فين
وكانت يجي عشره جنيه تقريبا
في الاخر ياريت لقيتها في جيبي
لا لقيتني ماسكها في ايدي اصلا
>>>> عمرك فضلت يومين من غير ما تصلي ؟ (( طبعا باستثناء الاعذار لو كان للبنات او لو كان حد مثلا مريض في المستشفى او كده لقدر الله ))
Flower 02-05-2006, 07:33 PM لا طبعا الحمد لله
عمري مافوت الصلاة
لازم الصلاة في وقتها
سؤالي
عمرك رحت رحله استكشافيه وسفاري..وغطس بقي وكده؟؟
روميو 02-05-2006, 08:51 PM لا مارحتش قبل كده بس باذن الله قريب حروح قريب اوى
عمرك خفت من كلب قبل كده فى الشارع وجريت منه ؟
=ivan= 02-05-2006, 09:15 PM يووووووووووووووووووووه...كتييييير
انا ساكن فى العاشر من رمضان...
البيئة صحراوية حبة...مع ان البلد بتتقدم بسرعة البرق
لكن فى نفس الوقت...الكلاب بتتقدم برضه......
المدينة مع انها صحراوية ...الا انه بالمجهود ...حاسس انها اكتر بلد فيها زرع......ودى المصيبة
تبقى ماشى جنب سياج من الشجر...وتلاقى الكلب طالعلك ولا اكن قرصه تعبان...طبعا عشان عديت جنب بيته...
وده بيضطرك تروح وسط الشارع.....ودى مصيبة اكبر...ليه؟؟
لا بلاش اكمل عشان ما اتقلش...هههههههههه ...آل يعنى انا متقلتش اصلا
عمرك جرى وراك شعب من النحل ؟؟؟ من فضلك اذكر النتيجة
لااا عمرها ما حصلت
لكن مرة وأنا فى البلد............. قرصتنى نحلة وكاااان يوووووووم :blink:
بلاش أفتكر أحسن :huh:
عمرك وقعت من البلكونة قبل كده ؟
foxxx 02-05-2006, 10:13 PM بلكونة لالالالالا افتكرى حاجة حلوة بلكونة استغفر الله العظيم
حد جرب يغرق فى البحر قبل كدة
basmala 02-05-2006, 10:53 PM انا كنت هغرق مره ...لقيت الميه بتسحبنى لجوه يوميها اصلا الموجه كانت عليا جدا ...وشربت ميه بملح ...بس فى الاخر نقذونى ..بس انا مكنتش عايزه ازعق او اصرخ قلت اموت بكرمتى احسن
عمرك قعدت كام يوم من غير ما تنام
حامل المسك 03-05-2006, 12:39 AM معظم الاوقات مش بحب النوم عموما
فبتحصل كتير يومين تلاته اربعه
عادي
عمرك بكيت من الفرحه ؟
msamido 03-05-2006, 01:11 AM ايوه يا بسمله انا في كليه حاسبات ومعلومات وكان مطلوب مني برنامج يتسلم بعد تلات ايام وكان صعب اوي وقعدت التلات ايام شغال فيه بدون نوم بالظبط تقريبا 52 ساعه
بس الحمد لله خلصته
سؤالي بقي
عمرك في مره وقعت في موقف مطلوب منك فيه تنقذ حياة انسان بس مش عارف ؟:
يعني مثلا حد بيغرق قدامك وانت مش بتعرف تعوم .؟؟ويا تري عملت ايه في موقف زي ده
ايه ده يا عم هو أنت مش فى ثانوى زينا
طب مش كنت تقول عشان يبقى فى أحترام شويه
يلا أدينى عرفت
الرد..........
عمرى ما وقعت فى الموقف ده الحمد لله
كنت هافضل حاسه بالذنب أوى
عمرك عملت خناقة جامدة أوى فى المدرسة
حامل المسك 03-05-2006, 10:17 AM خناقة جامده اوى ؟؟؟
لا معتقدش
بحاول اتجنب اني اخش اي خناقات (( خلينا في السليم احسن بدل ما ننضرب وييبقى شكلنا وحش ))
لكن ممكن ساعات بتبقى حاجه غصب عن الواحد حاجات على بسيط كده
عمرك حافظت على صيام الاتنين والخميس لمدة شهر كامل ؟؟
بسملة 03-05-2006, 10:44 AM بصراحة انا كنت ناوية انى اصوم الاثنين والخميس من كل اسبوع بس للاسف عملت اسبوعين بس وكسلت بعد كده بس والله انا مضايقة جدا علشان دايما اليوم بكون فيه مرهقة طول اليوم وغصب عنى
momi1985 04-05-2006, 02:19 AM مش مشكلة اسال انا
عمرك اتصلت بواحد ولما رد عليك نسيت انت كنت عايزه ليه؟؟؟
او عمرك كنت عايز تتصل بواحد، اتلخبطت واتصلت بواحد تاني؟؟؟
ههههههههههههه
ياه حصلت كتيييييييييييير أوى
ساعات أكون عايزة أكلم أسماء صاحبتى
وأتصل بى هالة صاحبتى برضة
لا ومصممة أن أنا أتصلت بى أسماء وأقولها أنتى عندها
عمرك قعدت تذاكر لحد الصبح ولقيت نفسك مش عارف تحل حاجة فى الأمتحان؟
mR . mOstafa Fathi 04-05-2006, 01:01 PM انا مش بذاكر
يعنى اية المذاكرة دى
بتعملوها ازاااااااااى
براءة 04-05-2006, 03:34 PM انا عن نفسي النص ده فى امتحانات اول شهر ...
كنت اول ما ارجع البيت امسك الكتاب من الساعه 3 ل12 مع العلم ان دى كانت اول مرة افتح فيها الكتب .. وبعدين كنت بنام 3 ساعات واصحي على 3 بليل اذاكر لحد ما اروح المدرسة بدون نوم ورحت الامتحان وشفت اسئله غريبة ممكن اكون يوميها حليتها 17 مرة لكن فى الامتحان كنت ابيض يا فل وكمان اول شهر بقي لا جبت درجات ولا طلعت فى الترتيب اساسا
تانى شهر كبرت دماغي على الآخــــــــــر وقضيتها معلومات عامة طلعت التالته والفرق بينى وبين التانية درجة واحده بس >> اصل الدرجه عندنا فى الشهور من 300 >> وده يعتبر انجاز ..
السؤال بقي :
عمرك زوغت من المدرسة _اكيد طبعا_ انا قصدي اسبوع كاامل ؟؟ وايه العواقب اللى حصلت لك ؟؟
رومانسي بس منسي 04-05-2006, 06:26 PM ياااااااااااه اسبوع بس انا اصلا روحت اكشف على غيابي مره بعد اما انفصلت
اصل انا انفصلت فى اول شهر وبعد ما عملت اعاده قيد والحمد لله مرحتش المدرسه خالص (قال يعني كنت روحت قبل كده)
المهم لقيت عدد ايام الحضور (16) يوم كلهم ده عدد ايام الحضور مش الغياب خلى بالك
المهم هى كانت كوسه اصلا وبعدين عملت اعاده قيد وبعدها ما دخلتش المدرسه والله لحد الان ومش هدخل الا فى الامتحانات
المهم سؤالى للى بعدى
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::
لو ولد يبقي السؤال عمرك شتمت بنت قبل كده ؟
ولو بنت يبقي نفس النظام : عمرك شتمتى ولد قبل كده ؟
بس تجاوبوا بصراحه
:::::::::::::::::::::::::::::::::::::::::::::::::: ::::::::::::::::::::::::::::::::::::::::::::
::::::::::
سلاموز بالموز
::::::::::
فتاة الاسلام 04-05-2006, 07:15 PM لا الصراااااحة عمرى ما شتمت ولد
بس علشان ابقى مكدبتش انا اوقات لما بكون ماشية رايحة اى مكان وولد رخم عليا طبعا بالكلام انا والله مش بسكت له بشتمة وبقول علية رخم لكن طبعا ههههههههههههه فى سرى مش فى وشة وبمشى فى حالى مع ماما لانى مش بعرف انزل لوحدى خااااالص وبصراحة اخاف انى اشتم لانى مش بعرف وكمان عيب انى اعملها المهم سؤااالى
سؤالى بقى
عمرك رحت عند ناس انت معزوم عندهم وكانوا عاملين اكل انت مش بتحبة وصاحب البيت حلف انك تاكل وانت اتكسفت تقول ان الاكل مش بتحبة ؟وكانت النتيجة اية ماذا فعلت
طبعا السؤال بنت او ولد يردوا
اه[SIZE=14]
حصلت معايا قبل كده :blink:
ومكنتش عارفة أقول إيه :huh:
بس كالت معلقتين كده وقولت (أنا شبعت خلاص) :rolleyes:
لكن تانى مره قولت لاااااااااااا أنا ما بحبش أكله :o
عمرك أستاذ/أبلة تردتك من الفصل(بتحصل كتير ) وقلت أدبها لدرجة أنك كنت هتشتم؟
رومانسي بس منسي 04-05-2006, 09:53 PM كتييييييييييير اوى ومش بشتم بس دى فى حاجات تانيه
سؤالى بقي::
عمرك نطيت من على سور المدرسه؟ ه للبنات وللاولاد كمان ؟
:::::::::::::::::::::::::::::::
سلاموز بالموز
::::::::::::::::::::::::::::::
زمااااااان ايام الشقاوة ايام الابتدائى والاعدادى لاكن الواحد دخل ثانوى طول وبقى شحط يبقى شكلة ازاى لما ينط من على السور والحمد لله فى الثانوى الواحد كان الواحد واخد وضعة فى المدرسة يدخل وقت ما يحب ويخرج وقت ما يحب دا لوكنت بدخلها اصلا
عمرك ضربت واحد معاك فى المدرسة لدرجة انك تعورة للبنات وللولاد ؟
momi1985 08-05-2006, 05:12 PM لا طبعا
الحمد لله عمري مادخلت في اي مشاحنات من اساسه
عمرك في مرة جيت (او جيتي) تحدف (او تحدفي) حاجة لواحد صاحبك (او صاحبتك) وبدل ما تروحله (او تروحلها) وقعت على بنت (او ولد)، وموقفك (اكسري الفاء هههه) ايه ساعتها؟؟؟؟؟؟؟؟
ياااه كل دي اقواس معلش بقى :D :D
basmala 09-05-2006, 10:26 AM وانا فى الفصل فى اعدادى .....الولاد كانوا بيرموا الاستيكه على بعض وبعدين الاستيكه وقعت على دسكى..... جيت احدفهلهم
وقعت فى جيب القميص بتاع واحد فيهم
عمرك قبلت حد فى الشارع وسلمت عليه وطلع هو مش فاكرك
براءة 09-05-2006, 10:32 PM ياااه
اه حصلت مرة
جيت اسلم على واحده مكنتش شفتها من فترة وكمان كنت ناسية اسمها بقولها ازيك ولسه هسلم لقيتها
بتقوللى _لا مش انا_ وراحت واخده نفسها جرى وكنا وسط ناس كتير وكان شكلى بااااااااااااااايخ جداا
السؤال بقي :
عمرك فى حياتك عزت تصاحب واحد انت بتكرهه علشان تامن شره ؟؟؟؟
الدجنوشة 09-05-2006, 11:48 PM لالالالالالالالالالالالالالالالالالالالا
خالص انا بكرهه اصحبه ليه وبعدين ايه نوعية الشر بالظبط
عمرك اتخنقت مع باباك اوممتك لدرجة انك كنت هتضربه او هو هيضربك ؟ بالصراااااااااااااحة
فتاة الاسلام 10-05-2006, 01:55 AM لالالالالالالالالالالالالا عمرها ماحصلت خالص
لكن بتحصل معايا انا واخواتى ننا نتخانق مع بعض وبابا وماما يفضوا الخلاف بينا ونرجع نتخانق تانى وبابا وماما بفضوا الخلاف وهكذا لكن مع بابا وماما لا
عمرك عمرك كنت عندك امتحان ونسيت انة عندك ؟ السؤال بنت او ولد
momi1985 10-05-2006, 02:02 AM لا الحمد عمرها ما حصلت
لاني دايما باكتب الحاجات اللي ورايا واخليها قدامي طول الوقت
عمرك انهيت علاقة صداقة قبل كدة؟؟؟؟؟؟؟
فتاة الاسلام 10-05-2006, 02:08 AM اه مرة حصلت انهيت علاقة صداقة مع صدقيتى لانى اكتشفت انى اساءت الاختيار
ودلوقتى انا مع صديقة مخلصة جدا والحمد لله المرة دى مش اساءت الاختيار
عمرك شاهدت موقف حصل امام عينك اثر فيك جدا للدرجة البكاء؟
momi1985 10-05-2006, 02:19 AM ياااااااااه كتيييييييير
اخرها كنت انا واصدقائي بتوع ثانوي متجمعين كعادتنا فلقينا ولد صغير قاع بيعيط عشان مش لاقي مامته وقعدنا ندور عليها في الشوارع اللي حوالينا
وتقريبا قعدنا طول اليوم عمالين نلف وندور
لغاية اخيرا م لقيناها وكان شكلها صعب جدا وهي يا عيني عمالة تدور عليه
طبعا اول ما شافته راحت واخداه في حضنها وقعدت تبوس فيه وهوو بردوه كانن فرحان جدا
وانا مقدرتش امسك نفسي م المنظر وخاصة منظر الام لما شافته بعد م تقريبا كانت فقدت الامل
عمرك وانت ماشي في الشارع شفت حاجة ع الارض ففكرتها حتة طوبة صغيرة كدة قمت حاولت تشوطها بقلب جامد وبكل قواك روحت اووووووووووب لقيتها ثابتها في الارض؟؟؟؟؟؟؟
ههههههههههههههه
وايه اللي حصل ساعتها
فتاة الاسلام 10-05-2006, 02:27 AM يادددددى الاحراج اه حصلت امام باب المدرسة كنت خارجة وهنمشى فواحدة مننا قالت انها نسيت الكتاب فى الفصل فطلعت تانى تجيبة وانا واقفة كان فى طوبة صغنونة كانت جنبى فانا بقول لزميلتى تاعلى شوطيها وندخلها جوة فى الملعب بتاع المدرسة ونلعب بيها لحد ما زمليتنا تنزل تلاقى الطوبة دى اصلا كانت كبيرة وواضح انة من المطر او التراب غرست لتحت وانا بكل قوة رحت شوطها برجلى لاقيت الشوز اتخلع وطار وانى وقعت معرفش ازاى وقمت ولا كان حاجة حصلت عااااادى وكان موقف محرج وحش خاالص بس انا كل اللى حاسس فى نفسى انى لما وقعت زميلتى مقدرتش تقومنى لا فضلت تضحك وانا الحمد لله انى وقعت ادام المدرسة يعنى مكنش فى ناس غيرى انا وهى لان الباقين مشيوا
عمرك كنت بتتكلم مع حد واكتشفت انة لادغ فى حرف الراء وفضلت تعلق على كلامة ؟ وعلقت قلت اية؟ وهو عمل اية ؟
msamido 10-05-2006, 01:00 PM لا محصلش لاني انا اصلا لغتي سبعه وعشرين حرف بس وطاير الحرف اياه ده
هههههههههه يلا حصل خير
مش في بالي اسئله اللي بعدي يسأل بقي
براءة 28-05-2006, 05:46 PM يللا يا جماعه حد يسال وينشط الموضوع
farouk 30-05-2006, 08:39 AM انا اول مره اخش على الموضوع ده بس من الواضح انو جميل وهسال سؤال بس مش عارف يتناسب مع نوع اسالتكو ولا لا
عمرك قبل كده توهت وانت كبير كده في ثانوي وعيط
بجد يا فاروق تهت
وعيط
معلش ... معلش
الحمد لله ممكن اغلط فى العنوان .. بس توصل للعياط لاء صعب
بس عارف لو تخيلينا ان وصولك للمكان اللى انت عاوزة عامل الوقت مهم فيه ...ممكن فعلا تنهار مش تعيط بس
زى انقاذ مصاب للمستشقى ويحتاج لاسعاف سريع او اى حاجة زى كده
بس تعرف يا فاروق .. سؤال جامد وحلو
...
عمرك تخيلت نفسك عصفور جميل تمرح بين الازهار فى حديقة غناء ..؟؟؟
|