بسم الله الرحمن الرحيم


كل سنة وشبابنا وشاباتنا بخير بمناسبة العام الدراسي الجديد...

لسة داخل الكلية جديد؟ سنة جديدة ليكي في الكلية؟ ... طب مخططين تعدوها ازاي؟

ياعم...شوية ورق وملازم من برة ونصور محاضرات من العيال المعقدة اللي بتحضر...الدكتور ده رخم ومحاضرته مملة

وبعدين ماقدرش اسيب صاحبتي كدة وباقي الشلة قاعدين برة وانا قاعد باتعذب جوة وسط العيال الدحيحة...دي كلها أسهرلي ليلتين واطبق واروح الامتحان أرص الملزمة بتاعة المراجعة النهائية، واهي بتعدي وبنجيب تقدير كمان



ياترى كام في المية بيفكر كدة؟؟

عن خبرة...مش أقل من 80 في المية، تصوروا؟


تخيل بلد 80 في المية من شبابها وبناتها تفكيرهم منحصر في الخروج سوا والاستظراف واستعراض النفس، وبعد كدة يفتكروا ان مذاكرة يومين أو حتى أسبوع كفيلة بإنهم ينجحوا


ماخبيش عليكم، بينجحوا في معظم الحالات،ياخدوا أي حاجة تعديهم السنة وخلاص، أصل الدكتور مش فاضي يصحح كل كبيرة وصغيرة، لكن...



تيجي تدور على شغل...تدخل المقابلة...تحاول تتكلم في اللي المفروض انك درسته... ماتعرفش

أي كلمتين حفظتهم زي البغبغان ودخلت رصيتهم، طاروا زي ما بيطير البغبغان

واذا كنت غشيتهم...مش عيب عليك، تبقى مسلم وبتغش؟ من غشنا فليس منا... ده مش كلامي ده كلام سيدي وسيدك وسيد الكل محمد عليه الصلاة والسلام

تتخيل كدة تستحق وظيفة محترمة؟ تستحل فلوسها لو جاتلك كدة بواسطة وأخدت حق غيرك؟


اللي احنا فيه ده احنا سبب فيه وجزء منه


نستحق ربنا ينصرنا على أعدائنا وعلى الظالمين واحنا بنغش؟

نرمي العلم في الأرض؟ اتفرجوا على أرض أي كلية بعد مايخلص الامتحان


ادخل كليتك وانت هدفك تتعلم، ترضي ربنا...ترضي حبيبك النبي صلى الله عليه وسلم، تستنفع بعلم الأساتذة...أي نعم ممكن تلاقي منهم معاملة مش كويسة...بس اللي عايز يتعلم بيستحمل


هاتلاقي تيارات سياسية ومذاهب بتقول انها دينية بتحاول تشدك، بس افتكر كويس... الجامعة مكان علم وانا داخل اتعلم


حافظ على صلاتك، على دينك، على نفسك، على أعراض زميلاتك اللي ربنا استأمنك عليهم، ولا تخن أمانتك

اللي بينوي خير، ربنا بيكرمه، ويعينه ويرزقه اللي يساعده في الخير

شباب، أرجوكم...وأستحلفكم بالله، ماتساهموش في ضياع بلدكم اكتر من كدة، ماتكونوش جزء من انتشار الجهل والاستهتار...والخيانة

اسألوا مجرب، احفظ الله يحفظك، ومش هاتلاقوا بعدها فقر أو خوف من مستقبل أو أي حد،،، هاتلاقوا رحمة من ربنا ونصر قريب...

ألا قد بلغت...اللهم فاشهد]

شكرا جداا ليك بس مين هيسمعلك

مهو كل مصدق خرج من ثانوى

واللى تكلمة يقولك اهم حاجة اعدى وخلاص اللى خلاصوا عملوا ايه

قاعدين على القاهوى لو ولاد وفى البيت لو بنات

بالعكس لو كل واحد اجتهد وسابه من تضيع الوقت ده هيجيب تقدير ويشاغل

لان الشغل موجود بس للناس اللى جايبة تقدير مش اقل من جيد جداا وكمان الكورسات اوعى حد ينساها

وربنا يوفقكوا جميعا

كلامك صحيح يا واندا

كلام شياكة وظريف وواقعي ..

بس هاقولك على حاجة .. انا واحد من الناس بعمل كدا .. بس عارف انا بعمل كدا امتي وليه وازاي .. مش اهبل مابحضرش عشان صحابي بره .. وبحضر عشان البنات جوا !!

انا مؤمن بنظرية .. الجامعة 4 سنين .. اعمل ما بدالك فيها بس اعرف انها عاملة زي الصراط كدا اللي جميع البشر بيمروا بيه عشان يخشوا الجنة .. والحساب يومين .. يوم النتيجة .. ويوم الانترفيو بتاع الشغل ..

شكرا جداا ليك بس مين هيسمعلك

مهو كل مصدق خرج من ثانوى

واللى تكلمة يقولك اهم حاجة اعدى وخلاص اللى خلاصوا عملوا ايه

قاعدين على القاهوى لو ولاد وفى البيت لو بنات

بالعكس لو كل واحد اجتهد وسابه من تضيع الوقت ده هيجيب تقدير ويشاغل

لان الشغل موجود بس للناس اللى جايبة تقدير مش اقل من جيد جداا وكمان الكورسات اوعى حد ينساها

وربنا يوفقكوا جميعا

قال رسول الله صلي الله عليه وسلم الخير في امتي الي يوم الدين انا مش تبع اسره نور الحق ولا الاخوان انا شاب عادي بغلط بس نفسي كل واحد يعرف ان لكل اجل اجل يعني الهزار ليه وقته والمذاكره ليها وقتها وعلي فكره الانسان بطبعه اناني بيحب ياخد كل حاجه لنفسه يعني بالبلدي يحب يهظر ويصاحب وكده وفي الاخر يجيب امتياز وجيد واما يخلص يلاقي الشغل مستنيه وهو بيجيب النتيجه ولكنه بيتصدم في الاخر

كلام شياكة وظريف وواقعي ..

بس هاقولك على حاجة .. انا واحد من الناس بعمل كدا .. بس عارف انا بعمل كدا امتي وليه وازاي .. مش اهبل مابحضرش عشان صحابي بره .. وبحضر عشان البنات جوا !!

انا مؤمن بنظرية .. الجامعة 4 سنين .. اعمل ما بدالك فيها بس اعرف انها عاملة زي الصراط كدا اللي جميع البشر بيمروا بيه عشان يخشوا الجنة .. والحساب يومين .. يوم النتيجة .. ويوم الانترفيو بتاع الشغل ..

ممكن اسألك سوءال انت اسمك ايه المهم انت ذكرت حته مثال تحفه وانا ما اقدرش اقول كلمه بعد المثال ده

موضوع جميل ويستحق التثبيت :)

الانسان طبعا لازم يذاكر ويجتهد كمان علشان يجيب تقدير وقال المولى عزوجل(ان الله لا يضيع اجر من احسن عملا) بس برضه لازم الانسان يروح عن نفسه يخرج مرة مع صحابه وكده انا مش بقول ان نقضيها خروجات لا زي ما احنتا بندي الفسح والهزار حقه ندي برضه المذاكرة حقها لازم كل واحد فينا يقف مع نفسه وقفة ويعرف هو عاوز ايه وايه هو هدفه بعد التخرج لازم يكون في مساواة بين كل حاجة وفي الاخر ربنا يوفقك الجميع

لا اله الا الله محمد رسول الله
عارفين يا شباب انا نفسي نفسي اشوف الموظف نازل من بيته سعيد مش حامل هم حاجه سايب حمله علي الله ونفسي اشوف الطالب نازل نفسه يروح المدرسه مش يعد يعيط ويودوه المدرسه بالعافيه عارفين ليه عشان احنا معندناش ثقافه الحب ...... ةنفسي اشوف الام اعده بتحكي قصه نفيده للاولاد والاب بيعلمهم القران والجد بيحكلهم قصص الانبياء والاخ الكبير بيوعظ اخوه الصغير والاب يعامل ابنه المراهق علي انه بني ادم والام تهتم ب بنتها وتفهمها ان جسمها ما ينفعش اي حد يشوفه؟؟؟؟
ياااااااااااه تصورو لو كل ده تحقق ؟؟؟؟
عاوزين نقول تعالو نحلم لبكره .......
عاوزين نشوف مصر ام الدنيا .....
عاوزين نشوف مصر بلد الامن والامان زي زمان......؟
ياااااااااااااااه؟
تعالو نحلم ببكره

واحد بعتلي رساله خاصه وقالي بلاش كلام عاوزين الحل بعتيبه اولتله
علي فكره اهم نحلم تعرف ان الواحد بقي امنيته ايه انه يعيش مستور ؟
علي فكره انا الانسان لازم يتطور احنا مستيين الحل بتاع الازمه الماليه محدش فينا فكر حتي انه يحاول يعرف الحل علي فكره الناس في مصر عايشه في غيبوبه مش هتصحي منها الا علي كارثه عارف الحل ايه العمل والجد والشغل والراحه النفسيه والتقرب لله عارف الحل ايه ؟\
الحب لو كل واحد عرف يحب الحاجه الي بيشتغلها هنتقدم عارف الحل ايه ؟
ان احنا ما نبقاش بنقول الكلام الي انتي اولته
عارف الحل ايه ؟
الشباب يموت نفسه في الشغل ؟
عارف الحل ايه؟
ان الاب ما يخليش بنته تنزل عريانه الشارع
عارف الحل ايه ؟
ان الراجل اما يشوف واحده عريانه يقول
اني اخاف ان عصيت ربي عذاب يوم عظيم

ياريت الي يعرف الحل يكتبه ويقول يلا بقي عاوزين نفكر كفايه سلبيه يلا نبقي ايجابيين

كلام نور سليم مليون المية وبرضة فامبير حبيب قلبى وحشنى يابنى والله

كلام كويس والله

ومن غير زعل يا صحبى ومش قصدى اقلل من اللى بتقوله

بس ناس كتير كويسة زى حالاتك قالته

ومحدش سمع بيه

الناس مش حاسة بحاجة

الناس همها تصحى الصبح تلحق العيش وتفطر .. وتروح اشغل ترجع تلاقى الغدا وتنام القيولة

يصحو باليل عالهوة .. او يخرجو

بس ده اللى بيحصل

مفيش تغير .. مفيش ابداع

ياجدعااان فى روسيا عندهم فى الابتدائى مادة شطرنج ..!

نقول ايه ولا ايه

ربنا يصلح احوالنا .. ويدينا القدرة احنا الشباب اللى محترمين نفسنا اننا نغير العالم .. ولا حتى نعمل اى حاجة ..؟


يارب

اخي قال رسول الله الخير في امتي الي يوم الدين
نحن نريد نعيش في عصر االتكنولوجي وعارفين ان في ناس كتير بتقول زيك كل واحد يجب تاديه واجبه كاملا دون شوائب

السلام عليكم ورحمة الله وبركاتة على فكرة الموضوع دة ناس كتير اتكلمو فية وانا من الي فهمتو منكم انكم عيزين الحل انا عندى حل بس ياريت يعجبكم (ان كل واحد مننا يبص لنفسة قبل ما يبص لغيره ويحاول كل واحد فينا يصلح نفسة الاول قبل ما نتكلم علشان مش معقول نوعظ ومانعملش الي بنوعظ بية )وكما قال تعالى (اتامرون النا س بالبر وتنسون انفسكم وانتم تتلون الكتاب افلا تعقلون)واهم ما فى الموضوع التمسك بكتاب الله تبارك وتعالى (يارب يكون ده الحل المناسب)اخوكم فى الله _عبدالرحمن (اولى تجارة جامعة الاسكندرية)(وحدة التعليم المفتوح)وجزاكم الله خيرا واسف على الازعاج(والسلام عليكم ورحمة الله وبركاتة)