مشاهدة النسخة كاملة : ليه بحبك يا مصر؟؟
http://www.fci4all.com/eg.jpg
http://www.fci4all.com/egypt.jpg
السلام عليكم ورحمة الله
الموضوع دا مفتوح لكل الاعضاء علشان عايزة اعرف من كل واحد
ليه بيحب مصر..؟
عبر باي طريقة انت عايزها
بكلمات حرة طالعة منك
بابيات من الشعر
بمجموعة من الصور
او فيديو
باي اي طريقة تعبير تحبها
معلش مش مسموح لاي حد يبوظلنا الموضوع بكلام ضد احزاب او جماعات او حكومة او تطرف او تعصب
خلينا مره واحدة نتفق على حاجة
ها مين هيبتدي ؟؟
الموضوع منقووول
من اول هنا دا تعليقي الشخصي
طبعا ناس كتير هتقول بنحب مصر:confused: ؟؟
انتي هتضحكي علينا ولا على نفسك ؟؟ :rolleyes:
بس اهو يكفينا شرف المحاولة اننا نحاول نحب مصر
مهما روحنا ولا جينا
هتفضل هي قدرنا الابيض .. وهتفضل هي بلدنا
مصر هي امي ونيلها ابن عمي :lol:
انا عن نفسي بحب مصر كبلد وكشعب طيب وفيه الخير ان لم يكن كله فاغلبه كدا
والي لاحظته ان رغم عدم النظام وقلة الضمير ومش في حد عارف يآخد حقه
البلد دي سبحان الله ماشية بالبركة كدا... واهو اليوم بيعدي على الواحد فينا وبيجي يوم جديد
واغلبنا بيكون راضي بقليله ... واهي المراكب سايرة .. والله اعلم هترسى فين ؟؟ وعلى ايه ؟؟
على كل خير ان شاء الله :bosyht9:
اتمنى التوبيك يعجبكم
في رعاية الله
!!!دمعة حزن!!! 07-10-2008, 06:54 AM انا كمان بحب مصر بس مش عارفه ليه
يمكن عشان اتولدت فيها او عشان اتربيت فيها
بصراحه انا بحب كل حاجه فى مصر من اهلها الطيب
ونيلها اللى بعشقه
معرفش انا بحبها وخلاص
انا بحس انها بتجرى فى دمى يمكن عشان شربت من نيلها....
اه بيقولوا انا مصر نظامها وحش وحاجات كتير
:abdoog8:
انا مالياش دعوه بيه:romarioxp6:
المهم هى اديتنى ايه
مش مهم بيحصل بيها ايه دلوقتى:049gc0:
انا عارفه ان فى مساؤ فى الحكم :slap1qk6:
بس مش مشكله
المهم احنا ايه كويسين ولا وحشين
لو كل واحد حاولت يغير من نفسه للاحسن مصر دى هتبقى اجمل بلد فى العالم من كل حاجه
على فكره انا بحب مصر اوووووى
بس بحب اسوان اكــــــــــتـــــــــــــــر
احتمال يبقى ليا عوده تانى واحتمال لا:bosyht9:
انا كمان بحب مصر بس مش عارفه ليه
يمكن عشان اتولدت فيها او عشان اتربيت فيها
بصراحه انا بحب كل حاجه فى مصر من اهلها الطيب
ونيلها اللى بعشقه
معرفش انا بحبها وخلاص
انا بحس انها بتجرى فى دمى يمكن عشان شربت من نيلها....
اه بيقولوا انا مصر نظامها وحش وحاجات كتير
:abdoog8:
انا مالياش دعوه بيه:romarioxp6:
المهم هى اديتنى ايه
مش مهم بيحصل بيها ايه دلوقتى:049gc0:
انا عارفه ان فى مساؤ فى الحكم :slap1qk6:
بس مش مشكله
المهم احنا ايه كويسين ولا وحشين
لو كل واحد حاولت يغير من نفسه للاحسن مصر دى هتبقى اجمل بلد فى العالم من كل حاجه
على فكره انا بحب مصر اوووووى
بس بحب اسوان اكــــــــــتـــــــــــــــر
احتمال يبقى ليا عوده تانى واحتمال لا:bosyht9:
جزاك الله خيرا يا دمعة على مرورك الطيب دا
وعلى ردك الاحلى
وكلماتك الي طالعة من قلبك بجد :romarioxp6: وفيها براااااءة
طبعا اسواااااان دي عالم تاني
بشهادة الجميييييييييع
والله نفسي آجي اسوان سمعت عنها انها في منتهى الجمال
نورتي التوبيك يا اختي :)
ابن مصر2008 07-10-2008, 08:30 AM اولاانابحب مصر جدا وهى ام الدنيا طبعا
واولا انا اتولدت فيها وفيها اجمل ذكرياتىوفيها اصحابىاللى مااقدرش افترق عنهم
بصراحة ياجماعة مصرادتناكتير واللى يقول مصر وحشة يبقا غلطان لان العيب مشفى مصر العيب فينا احنا
فلا بد نغيرمن انفسنا شوية
شكرا على الموضوع
عاشقـــ الانمى ـــة 07-10-2008, 02:13 PM يا بنتى مش بيقولك
حب الوطن غريزة فطرية تجرى فى عروق كل مواطن مدرى الدم
ياترى يا هل ترى هو ده السبب:stickjo4:
احمد رضا 07-10-2008, 02:53 PM هههههههههه
مفروض السؤال يتقال
هل بتحب مصر ؟
ولو بتحبها بتحبها ليه ؟
ولو مش بتحبها مش بتحبها ليه ؟
--
مش مشكلة
انا اقدر اقولك ان لو حب مصر عشان حب الوطن بس وترعرعت تحت سمائها والشغل القديم بتاع الابتدائي ده
فهقولك اه ماشي ممكن اكون بحبها
لو عشان ذكرها وتقدير الله سبحانه وتعالي والرسول صلي الله عليه وسلم لمصر وجنودها
فأنا أكيد بحبها
لكن لو شغل انها ادتني وعلمتني وحافظت عليا والكلام ده
فأنا هقولك مش بحبها
لان اللي بناخده منها
0
كنت اتمني اني ابقي أمريكي مسلم
وعلي فكرة
الامريكان المسلمين بصراحه ايمانهم عالي للغاية
وده عن تعامل شخصي
مش معلومة سماعية
يالا عالبركة
وفي الأول وفي الاخر ده رأيي الشخصي وحياتي الشخصية
ومشاعري اللي ميمتلكهاش غيري
:)
_GUIDE_ 07-10-2008, 03:20 PM انتى عارفه يا هند
كلنا بنحب مصر مفيش حد فينا مش بيحب بلده
مهما حصل
حتى لو حاول يظهر عكس ده هنفضل برضه نحبها
المشكلة اننا مش بنحاول نفرق بين كرهنا للاشخاص اللى حكمين مصر وبين مصر نفسها
يعنى مثلا لما بنقول هى البلد فيها شغل ولا فيها خدمات ولا فيها عيشه
مش بنتكلم هنا عن مصر انما هنا بنتكلم عن الاشخاص نفسهم اللى مقدروش يوفره ضروريات الحياة لينا
المشكلة عمرها ما كانت فى مصر مصر زى ما هى من 7 الالف سنة بتتسرق ولسه بتسرق وهتفضل تتسرق
لان شعبها طيب لدرجة الغباء بياخد على قفاه وبيكون متكيف و24 قيراط المهم يلاقى لقمة العيش
عكس المثل اللى بيقول هين قرشك ولا تهين نفسك
هو هنا بئا بيهين نفسه وكرمته علشان القرش
غدا تشرق الشمس
بس المشكلة ان غدا ده اتاخر اوى او احنا اللى راحت علينا نومه مش عارف :)
شكرا على الموضوع
Mohamed_AmeesH 07-10-2008, 04:08 PM معرفش بحبها و لا لأ بس اكيد لو بعدت عنها هشتاق لجوها وهشتاق لكلها
بس بحس ان كل اللى يربطنى بيها كلمه فى ورقه صغيره
بس اما فضلها عليا مبحسش انه كبير فاى دوله بتحترم نفسها كانت حتعمل نفس الدور
واكييييييييييييييد احسن كتير
ويمكن انا بحبها علشان انا اتولدت فيها وشربت من نيلها
مصر هى امى نيلها هو دمى
ولو لم اكن مصريا لوددت ان اكون بندرويا
اولاانابحب مصر جدا وهى ام الدنيا طبعا
واولا انا اتولدت فيها وفيها اجمل ذكرياتىوفيها اصحابىاللى مااقدرش افترق عنهم
بصراحة ياجماعة مصرادتناكتير واللى يقول مصر وحشة يبقا غلطان لان العيب مشفى مصر العيب فينا احنا
فلا بد نغيرمن انفسنا شوية
شكرا على الموضوع
شكرا على مرورك :)
صح العيب مش في مصر
مصر بلد زي اي بلد بايدينا احنا الي نخليها كويسة او لأ
يعني هي مش ليها ذنب
مصر جزء من ارض الله الواسعة
وربنا سبحانه وتعالى جعل عمارة الارض امانة على الانسان
واحنا للاسف مش قدها خالص
او مش لاقين فرصة نعمرها :)
يا بنتى مش بيقولك
حب الوطن غريزة فطرية تجرى فى عروق كل مواطن مدرى الدم
ياترى يا هل ترى هو ده السبب:stickjo4:
هههههههههههههه ايواااااا مدرى الدم
الله ينور يا نونا
منورة التوبيك بالكومنت السكر دا بجد
:)
هههههههههه
مفروض السؤال يتقال
هل بتحب مصر ؟
ولو بتحبها بتحبها ليه ؟
ولو مش بتحبها مش بتحبها ليه ؟
--
مش مشكلة
انا اقدر اقولك ان لو حب مصر عشان حب الوطن بس وترعرعت تحت سمائها والشغل القديم بتاع الابتدائي ده
:lol::lol::lol:
فكرتني .. كانت ايام جميلة والله ... فاكرة انا المواضيع دي صورة الجندين الي واقفين جنب علم مصر في كتاب القراءة بتاع سلاح التلميذ :p
فاكرهم ؟؟
فهقولك اه ماشي ممكن اكون بحبها
لو عشان ذكرها وتقدير الله سبحانه وتعالي والرسول صلي الله عليه وسلم لمصر وجنودها
فأنا أكيد بحبها
لكن لو شغل انها ادتني وعلمتني وحافظت عليا والكلام ده
فأنا هقولك مش بحبها
لان اللي بناخده منها
0
كنت اتمني اني ابقي أمريكي مسلم
وعلي فكرة
الامريكان المسلمين بصراحه ايمانهم عالي للغاية
وده عن تعامل شخصي
مش معلومة سماعية
يالا عالبركة
وفي الأول وفي الاخر ده رأيي الشخصي وحياتي الشخصية
ومشاعري اللي ميمتلكهاش غيري
:)
انت احد المناطقة المحدثين يا احمد
ههههههههههه
بس عندك حق في كلامك
انا بحب مصر نفسها .. مش عشان بقى كلام الابتدائي دا
لا انا بحبها ومش هكذب لو قلت اني اجهل كتير من اسباب حبي ليها
وكتير اوي برده بتخنق من اسلوب التعامل فيها والحياة
بس زي ما قلت دا مش ذنب مصر نفسها
دا ذنب نااس تانية
والعارف لا يعرف بقى .. صح ولا ايه ؟؟ :rolleyes:
MohammeD el_SadaT 07-10-2008, 11:39 PM أنا بحب مصر بس ليه مش عارف
عارف
لما كنا بنغنى نشيد بلادى فى المدرسه كنت بحس بالدم بيجرى فى عروقى
بحس إن مصر دى مينفعش أكرها
مش عارف بجد بس اللى أنا متأكد منه إنى بحبها بشعبها بأرضها بنلها لك حاجه فيها بحلوها ومرها
مهما كانت الفوضى بحس فى حضنها بالأمان
Dr/Fatma 07-10-2008, 11:45 PM لا أدرى لما أحبها:)
حبها فى داخلى
و لا تصدق من يقول لا أحبها
جميعنا نحبها والدليل اننا نغضب من الأحداث التى حولنا
موضوع جميل:)
اوركيديا 08-10-2008, 12:52 AM يعنى العمليه ان دى مصر
يعنى اول مكان حسيت فيه انك انسان كبرت فيه و عشت فيه
مش حتقدر و حتى لو حاولت انك تنسى الكلام ده كله
حتى لو انت شايفه مجرد شغل شعارات برده اللى يثبت انه مش شغل شعارات انك بتحس بكده لما تجرب تبعد عنها فتره
يعنى ممكن حته هى ادتنا ايه دى مش باينه قوى فى مصر كبلد على اساس انها خدت منا كتير و كتير قوى
يعنى بس لو فكرنا من ناحيه تانيه لو كان انا ليا حق اختيار البلد اللى اتولد فيها
معتقدش ان مصر حتكون فى المرتبه الاولى انى اختارها
ممكن انى اعيش فى موريتانيا احسن و اجمل بلد مسلم دلوقتى او امريكا برده لو قدرت فعلا انى اتحكم فى نفسى و اللى حواليا حتبقى فعلا احسن
بس العمليه ان ربنا اختارها لينا و اختارنا ليها
يعنى عمليه كرهها او عدم الرضا عنها مش حيبقى هو رد الفعل الانسب و الافضل
معلش ممكن ردى ميكنش مرتب بس هو ده تفكيرى عامه او الخطوط العريضه ليه
:d يالا عالبركه :d
فى رعايه الله
انتى عارفه يا هند
كلنا بنحب مصر مفيش حد فينا مش بيحب بلده
مهما حصل
حتى لو حاول يظهر عكس ده هنفضل برضه نحبها
المشكلة اننا مش بنحاول نفرق بين كرهنا للاشخاص اللى حكمين مصر وبين مصر نفسها
يعنى مثلا لما بنقول هى البلد فيها شغل ولا فيها خدمات ولا فيها عيشه
مش بنتكلم هنا عن مصر انما هنا بنتكلم عن الاشخاص نفسهم اللى مقدروش يوفره ضروريات الحياة لينا
المشكلة عمرها ما كانت فى مصر مصر زى ما هى من 7 الالف سنة بتتسرق ولسه بتسرق وهتفضل تتسرق
لان شعبها طيب لدرجة الغباء بياخد على قفاه وبيكون متكيف و24 قيراط المهم يلاقى لقمة العيش
عكس المثل اللى بيقول هين قرشك ولا تهين نفسك
هو هنا بئا بيهين نفسه وكرمته علشان القرش
غدا تشرق الشمس
بس المشكلة ان غدا ده اتاخر اوى او احنا اللى راحت علينا نومه مش عارف :)
شكرا على الموضوع
الكلام الي بالاحمر دا هو دا الي انا بقول عليها وحساه فعلا في مصر وزي ما قلت البلد دي ماشية بالبركة كدا رغم كل البلاوي الي بتحصل فيها....
كل كلمة قولتها عندك حق فيها يا اسلام
لا احنا مش راحت علينا نومة .. احنا دخلنا في حالة غيبوبة ... اللهم اعلم بقى هنفوق امتى
منور الموضوع يا مرشدنا :)
ميرسي على ردك الجميل دا
معرفش بحبها و لا لأ بس اكيد لو بعدت عنها هشتاق لجوها وهشتاق لكلها
بس بحس ان كل اللى يربطنى بيها كلمه فى ورقه صغيره
بس اما فضلها عليا مبحسش انه كبير فاى دوله بتحترم نفسها كانت حتعمل نفس الدور
واكييييييييييييييد احسن كتير
ويمكن انا بحبها علشان انا اتولدت فيها وشربت من نيلها
مصر هى امى نيلها هو دمى
ولو لم اكن مصريا لوددت ان اكون بندرويا
ههههههههههههه عاوزة اقولك
مشربتش من نيلها .. طب جربت تغنيلها
الله يمسيكي بالخير يا شرين
هترك ليها المجال ترد عليك ههههههههه
منور الموضوع يا محمد
ميرسي على ردك :)
أنا بحب مصر بس ليه مش عارف
عارف
لما كنا بنغنى نشيد بلادى فى المدرسه كنت بحس بالدم بيجرى فى عروقى
بحس إن مصر دى مينفعش أكرها
مش عارف بجد بس اللى أنا متأكد منه إنى بحبها بشعبها بأرضها بنلها لك حاجه فيها بحلوها ومرها
مهما كانت الفوضى بحس فى حضنها بالأمان
اكييييييييد لازم تحبها مش السادات بقى :lol:
جرب كدا تقول مش بحبها ... هتحصل ثورة هههههههه
منور بجد يا سادات وردك جميل جدا
ميرسي على ردك وعلى مرورك الرائع دا
ومش تحرمنا من ردودك الحلوة دي :)
لا أدرى لما أحبها:)
حبها فى داخلى
و لا تصدق من يقول لا أحبها
جميعنا نحبها والدليل اننا نغضب من الأحداث التى حولنا
موضوع جميل:)
صح نقطة فعلا اول مرة آخد بالي منها
الاجمل مرورك اكيد
ميرسي على ردك على موضوعي المتواضع
يعنى العمليه ان دى مصر
يعنى اول مكان حسيت فيه انك انسان كبرت فيه و عشت فيه
مش حتقدر و حتى لو حاولت انك تنسى الكلام ده كله
حتى لو انت شايفه مجرد شغل شعارات برده اللى يثبت انه مش شغل شعارات انك بتحس بكده لما تجرب تبعد عنها فتره
يعنى ممكن حته هى ادتنا ايه دى مش باينه قوى فى مصر كبلد على اساس انها خدت منا كتير و كتير قوى
يعنى بس لو فكرنا من ناحيه تانيه لو كان انا ليا حق اختيار البلد اللى اتولد فيها
معتقدش ان مصر حتكون فى المرتبه الاولى انى اختارها
ممكن انى اعيش فى موريتانيا احسن و اجمل بلد مسلم دلوقتى او امريكا برده لو قدرت فعلا انى اتحكم فى نفسى و اللى حواليا حتبقى فعلا احسن
بس العمليه ان ربنا اختارها لينا و اختارنا ليها
يعنى عمليه كرهها او عدم الرضا عنها مش حيبقى هو رد الفعل الانسب و الافضل
معلش ممكن ردى ميكنش مرتب بس هو ده تفكيرى عامه او الخطوط العريضه ليه
:d يالا عالبركه :d
فى رعايه الله
منوووووووووورة يا اسدااااااات
من الاخر كدا حب مصر ورطة هههههههه
مجبر أخاك لا بطر ... صح ؟؟
على فكرة انا طول عمري وانا صغيرة برده واحيانا دلوقتي بقول نفس جملتك يا ريتني طلعت من الصومال ولا طلعت من مصر
مع مراعاة اختلاف المكان الي انا كنت عاوزة اطلع منه ههههههههه
يلا مش هتفرق موريتانيا من الصومال كلهم جيران وفي افريقيا ... :)
ميرسي يا قمر على ردك ... ردي انتي بس وخلي علينا الترتيب ولا يهمك
اهم حاجة تنورينا :)
..Just Stop 08-10-2008, 03:11 PM هههههههههه
جامد يا هند الموضوع ده
انا مرة سالت نفسى
انت حابب مصر ليه واللا حابب فيها ايه ( ظاظا )
فقولت لنفسى مصر هى امى دايما حارقة دمى
عمتا ان مش بحب مصر كلها لو بنتكلم عن الوطن
انا بحب المنطقة اللى اتولدت فيها
اى نعم مصر هيا الملجأ بتاعنا
بس غصب عنى هحبها لانها اولا واخيرا بلدى
نيلها بيجرى فى الشارع اللى جمبى
النظرية مش حب مصر
النظرية احنا ليه هنحبها
اى نعم احنا دايقين فيها الذل بس فى الاخر هى بلدنا ولازم هنحبها
كفاية ان مصر هى
هبة
.....
......
......
محمد ابراهيم:av4056bb7jp3:
::::::::::::::::::::
شكرا على الموضوع يا هند
دمتى فى رعاية الله
هههههههههه
جامد يا هند الموضوع ده
انا مرة سالت نفسى
انت حابب مصر ليه واللا حابب فيها ايه ( ظاظا )
فقولت لنفسى مصر هى امى دايما حارقة دمى
عمتا ان مش بحب مصر كلها لو بنتكلم عن الوطن
انا بحب المنطقة اللى اتولدت فيها
اى نعم مصر هيا الملجأ بتاعنا
بس غصب عنى هحبها لانها اولا واخيرا بلدى
نيلها بيجرى فى الشارع اللى جمبى
النظرية مش حب مصر
النظرية احنا ليه هنحبها
اى نعم احنا دايقين فيها الذل بس فى الاخر هى بلدنا ولازم هنحبها
كفاية ان مصر هى
هبة
.....
......
......
محمد ابراهيم:av4056bb7jp3:
::::::::::::::::::::
شكرا على الموضوع يا هند
دمتى فى رعاية الله
شكرا على مرورك يا باشمهندس محمود ... ردك هو الاجمد:)
منور التوبيك
مصر هي امي دايما حارقة دمي
جملة معبرة اوي عن ما بداخلي من مشاعر وعواطف لا حصر لها
ههههههه
ميرسي على ردك .... :)
دمت في رعاية الله
leprince 08-10-2008, 10:49 PM طبعا بحب مصر
رغم كل شئ ؟؟؟؟؟؟؟؟؟؟؟؟؟؟؟؟
وجزاك الله خيرا على هذا الموضوع الجميل
طبعا بحب مصر
رغم كل شئ ؟؟؟؟؟؟؟؟؟؟؟؟؟؟؟؟
وجزاك الله خيرا على هذا الموضوع الجميل
صح كلنا بنحب مصر رغم كل شئ فيها
جزانا واياكم يا استاذي الفاضل
ميرسي على مرورك الكريم
دمت بود ...
هنا الفقي 09-10-2008, 12:47 AM بجد والله العظيم كنت هاعيط وانا بقرأ الموضوع (اياك حد يضحك)
عاوزة اقول حاجة صغيرة خاالص
انا ما اتولدتش ف مصر
عندي 16 سنة وماشيةف 17 عشت منهم 5 بس ف مصر
اول ما بدأت اعيش فيها كنت حاسة اني بكرهها بكرهها اوي اوي اويييييييييييييييييييي موت
شوية كده لما بدأت الاحظ ان في فساد بينتشر وبلاوي زرقا بتحصل
وبدأت ادافع واعترض واطالب بحقوق ناس ما اعرفهمش
واعيط لما اشوف حاجة وحشة بتحصل قدامي
اكتشفت اني بعشقها
معرفش ليه
بعد ال5 سنوات بقى لما سبتها تاني وعشت ف بلد كل اللي اعرفهم فيها صاحباتي وجراني والخروج والدخول بيبقى بحساب ولو شفت ولد ف الشارع اكون عاوزة الارض تتشق وتبلعني م الخوف على نفسي بالرغم من اننا عرب زي بعض
ساعتها بدأت افتكر وانا ف مصر اول ما بخرج من بيتنا وامشي ف الشارع والله الناس كلها اللي بقابلها لازم يسلمو عليا ويبتسمولي ولو حد كلمني الاقي ميت واحد يدافعوا عني
اتأإكدت اني بموت فيها
لكن هاقولكم ايه غير الاية اللي كل ما ادخل توبيك في كلمة مصر لازم اكتبها
ان الله لايغير ما بقوم حتى يغيروا ما بانفسهم
شكرا
بورسعيدى 09-10-2008, 01:43 AM مين بس الى قال انى مش باحب بلدى
حب الوطن انتماء
حب فطرى
مش شرط ان تكون البلد كويسة علشان احبها او تكون وحشة علشان اكرهها
فرضنا مثلا انا اسرائيلى
اظن اسرائيل مكروهه مثل العمى من كل المسلمين والعرب
بس لو انا من اسرائيل تفتكر هايكون انتمائى رايح فين ( اكيد لبلدى )
الخلاصة ان الانتماء والوفاء غريزة موجوده بالفطرة فى الانسان عموما وليس فى المواطن المصرى فقط
مثل حب الطفل لامة حتى وهو فى ايامه الاولى
قبل ان يعرف ان امه انسانه طيبة او حنونه او حتى شريرة
واحب افرق بين شيئين مهمين جدا ومعظم الناس تخلط بينهم
حب الوطن غير حب او الولاء للحكومة
لان الحكومة متغيرة
ولكن الوطن واحد لا يتغير
شكرا
اه .... كنت هانسى .... ياريت تغيرى نوع الخط لانه صعب جدا فى القرائة
يوسف الشوري 09-10-2008, 01:52 AM طبعا بنحبها علشان أتولدنا فيها ونفسنا تبقي أجمل بلد في الدنيا
***star*** 09-10-2008, 03:09 AM ممكن اكون بحبها علشان اهلي واصحابي وجيراني....وفيها الديانه اللي انا نشأت عليها...ويمكن لو كنت اتولدت في دوله التانيه كان زماني دلوقتي حاجه تانيه ....وكمان بحبها علشان باخد منها اللي انا عايزه من غير مااضطر اني اظلم حد او اجي علي حق حد.. حبيتها علشان شوفت فيها الحب ....مش المشاعر المتبلده اللي في معظم الدول... يمكن دي اسباب كافيه اني احبها
انا بشكر جميع الي ردوا على الموضوع
مش عارفة كنت نسيته
وفجاة افتكرته وانا قاعدة مع نفسي
قلت لازم أدخل اشكر كل الي ردوا عليا
ولولا اني هخرج دلوقتي كنت رديت على واحد واحد فيهم
ان شاء الله لما ارجع هرد على كل واحد باذن الله
وشكرا لمروركم الرائع وكلماتكم الأروع
دمتم بود جميييييعا
اختكم في الله : همس المشاعر:)
JusT DreaM 20-10-2008, 02:16 AM الموضوع جميل جدا وبجد حرك جوايا حاجات كتير
انا دخلت المووضوع ده اكتر من مرة
كل مرة ادخل ابقى مش عارفة هكتب ايه
بس حاليا استجمعت قوايا:romarioxp6:
انا بحب مصر
دي حاجة فطرية
زي مابنحب والدينا
مفيش حد في الدنيا مش بيحب بلده
لكن مش معنى كده اني شايفاها احسن بلد في الدنا
طبعا مصر مش احسن بلد في الدنيا
واللي يقول غير كده يبقى بيضحك على نفسه طبعا
بس بالرغم ان هي مش احسن بلد في الدنيا
وان العيوب اللي فيها اكتر من مميزاتها
انا مش عاوزه اكون من اي بلد غيرها
لانها بلدي
بعيد عن اصحابي وقرايبي
ماحنا ممكن نكون كلنا مع بعض في بلد تانية
بس برده هنبقى غربا
نيجي بأه لحتة مصر ادتني ايه
ادتني ارض اعيش عليها
بس مش ادتني امان على الاض دي
ادتني نيل اشرب منه
بس ماوصلتش الميا دي لناس كتير
ادتني اهل اعيش وسطيهم
بس ماكنتش اهل لاطفال الشوارع اللي مش ليهم اهل
ادتني تعليم..صحة..اكل..مكان اعيش فيه
بس للاسف
كله بحسابه واكتر من حسابه بالضعف
واللي مش معاه الحساب مش ليه ده كله
وخدت مني كتييييييير
خدت من كرامتي ان كل العرب مش بيحبونا
وكل العالم اخدو فكرة وحشة عننا بسبب تصرفات الناس التانين
اخدت من حقي كتير من الفلوس اللي بيسرقوها
اخدت من كل ام فرحتها
بسبب موت ابنها من الاهمال
اخدت كتير اوي
بس بردو ارجع واقول انا بحب مصر
عشان بلدي
dr.zomba 20-10-2008, 10:52 AM ياترا بحب مصر ليه ؟ بحب مصر ليه ؟:slap1qk6:
ايوه افتكرت
بصي يا هند مصر في حد ذاتها نعمه هتقولي ازاي هقولك لاني اتولدت لقيت مكان بتاعي واتسميت باسمه (مصري) غير ناس مش لاقيه بلد تلمهم
عشان كدا الناس دول حاسين بقيمة البلد اكتر مننا لانهم مش لاقيين انما احنا عشان عندنا بلد مش حاسين احساس المشرد اللي منغير بلد
مصر بلد جميل جدا جدا من كل النواحي الجغرافيه والتاريخيه وشعبها كان (للاسف)احسن الشعوب واجدعها
المشكله مش في مصر المشكله في اللي ماسكين مصر هما دول اللي زي ما بيقولوا واكلنها والعه
واكلين البلد كلها بخيرتها بفلوسها بسلطاتها ببابا غنوجها
عشان كدا انا واحد من الناس نفسي اطفش من البلد دي واغور من وش اللي ماسكنها واسيبهالهم مخضره
انما مش هبقي ابدا عايز اطفش من مصر كمصر
والحمد لله علي نعمة مصر في الاحوال
شكرا يا هند علي الموضوع الجميل:)
marwa.m 20-10-2008, 12:14 PM يمكن الواحد يكون تعبان من الى شايفة من مصر
لكن بنحبها وبحس انى لما بغنى نشيد بلادى ببقى حاسة بكل كلمة فية
وانا بحبها عشان هى بلد ادت ليا جنسيتى بمجرد ما اتولدت
ورحت المدرسة فيها وهدفن فى ترابها وهى بلد ابويا وامى
osho6a1 20-10-2008, 02:19 PM علشان مصر امي ههه
انا اللى بيحببنى فى مصر 3 حاجات
اغنيه شرين ماشربتش من نيلها
ومسلسل رأفت الهجان
وابو تريكه
غير كده انامش لاقى سبب بصراحه
أحمـدنجـم 21-10-2008, 02:36 AM هو بصحيح يا جماعة لو كان الواحد فينا اتولد لقى امه غير امه الموجودة حالياً بالفعل كان حب الموجودة حالياً بالفعل ولا كان حب امه اللي اتولد اتلقاها امه ؟
سؤال مهم جداً .. أقولكم ليه .. لو كنا مثلاً أتولدنا في السعودية .. كنا أكيد هنحب السعودية .. عشان اتولدنا فيها .. وكلام الابتدائي زي ما قال أ/ احمد رضا ..
بس في فرق بين حب الأبناء لأمهم وحب الأم لأولادها ..تعالوا نفكر شوية مع بعض ..
حب الأم لاولادها .. غريزة فطرية واللي بيسموه الأمومة لكن حب الأولاد لأمهم دا مكتسب من معاملتها ليهم .. يعني لو في أم قاسية ودا قليل جداً .. أكيد حب الأولاد ليها مش زي الأم الحنينة ..
يمكن كان فيه عهد من العهود اكتسب فيه المصريين حب البلد دي جداً عشان كانت حنينه ..
والسؤال دلوقتي .. هل مصر حنينه ؟
والسؤال الأهم .. هند إنتي تقصدي ايه بـ (مصر ) ؟
المكان .. ؟ الشعب ..؟ الحكومة؟ المناخ ؟ الأهرامات .. النيل ؟ ايه بالظبط ..
أنا عن نفسي يا جماعة ليا سلسلة زجليه اسمها أنا المصري وسلسلة تانية اسمها لحظات وجع .. معلش اوعو تعتبروه إعلان وتحذفوه ..ههههههه
القصائد دي بحب مصر فيها جداً .. بس بلوم عليها .. بحب المكان .. وأكره الأوان .. بحب النيل وأكره اللي يلوثه (درس قراءة ) هههههههه ، بحب الشعب وأكره سلبيته وإحساسه إنه لو اتكلم هيجوع ويتسجن ويتشحطط ويحصله زي ما حصل في فيلم (عايز حقي) يعني وطنه يتباع ويطلع عمنا عبد المنعم مدبولي الله يرحمه يقولنا (عواد باع أرضه)
الخلاصة يا هند عشان مرغيش كتير زي الصابونة اللي بترغي ع الفاضي .. إني بحب مصر والله بحبها .. بس ساعات من كتر حبي لها وزي ما قالت طنط إليسا (من كتر حبي ليك خلاص قربت أكرهك عشان مش عارفة أكتر م اللي عملته أعمل ايه)
ساعات من كتر حبي بزعل منها وعليها .. بزعل عليها ساعات مننا _الشعب_ ومنهم "الحكومة" وبزعل عليها لما اتلاقي ولادها مش بيفرقوا بين المكان وبين الأوان .. لان ممكن يجوز الله أعلم ناس ييجوا بعدنا في عهد الملك (فلان) أو الرئيس (علان) يحبوها .. يعني يحبوا الأوان والمكان مع بعض ..
عشان كده بنحبها .. وخلاص ..
هو بصحيح يا جماعة لو كان الواحد فينا اتولد لقى امه غير امه الموجودة حالياً بالفعل كان حب الموجودة حالياً بالفعل ولا كان حب امه اللي اتولد اتلقاها امه ؟
سؤال مهم جداً .. أقولكم ليه .. لو كنا مثلاً أتولدنا في السعودية .. كنا أكيد هنحب السعودية .. عشان اتولدنا فيها .. وكلام الابتدائي زي ما قال أ/ احمد رضا ..
بس في فرق بين حب الأبناء لأمهم وحب الأم لأولادها ..تعالوا نفكر شوية مع بعض ..
حب الأم لاولادها .. غريزة فطرية واللي بيسموه الأمومة لكن حب الأولاد لأمهم دا مكتسب من معاملتها ليهم .. يعني لو في أم قاسية ودا قليل جداً .. أكيد حب الأولاد ليها مش زي الأم الحنينة ..
يمكن كان فيه عهد من العهود اكتسب فيه المصريين حب البلد دي جداً عشان كانت حنينه ..
والسؤال دلوقتي .. هل مصر حنينه ؟
والسؤال الأهم .. هند إنتي تقصدي ايه بـ (مصر ) ؟
المكان .. ؟ الشعب ..؟ الحكومة؟ المناخ ؟ الأهرامات .. النيل ؟ ايه بالظبط ..
أنا عن نفسي يا جماعة ليا سلسلة زجليه اسمها أنا المصري وسلسلة تانية اسمها لحظات وجع .. معلش اوعو تعتبروه إعلان وتحذفوه ..ههههههه
القصائد دي بحب مصر فيها جداً .. بس بلوم عليها .. بحب المكان .. وأكره الأوان .. بحب النيل وأكره اللي يلوثه (درس قراءة ) هههههههه ، بحب الشعب وأكره سلبيته وإحساسه إنه لو اتكلم هيجوع ويتسجن ويتشحطط ويحصله زي ما حصل في فيلم (عايز حقي) يعني وطنه يتباع ويطلع عمنا عبد المنعم مدبولي الله يرحمه يقولنا (عواد باع أرضه)
الخلاصة يا هند عشان مرغيش كتير زي الصابونة اللي بترغي ع الفاضي .. إني بحب مصر والله بحبها .. بس ساعات من كتر حبي لها وزي ما قالت طنط إليسا (من كتر حبي ليك خلاص قربت أكرهك عشان مش عارفة أكتر م اللي عملته أعمل ايه)
ساعات من كتر حبي بزعل منها وعليها .. بزعل عليها ساعات مننا _الشعب_ ومنهم "الحكومة" وبزعل عليها لما اتلاقي ولادها مش بيفرقوا بين المكان وبين الأوان .. لان ممكن يجوز الله أعلم ناس ييجوا بعدنا في عهد الملك (فلان) أو الرئيس (علان) يحبوها .. يعني يحبوا الأوان والمكان مع بعض ..
عشان كده بنحبها .. وخلاص ..
والله يا استاذ احمد انا سعيدة جدا بمرور حضرتك على موضوعي المتواضع دا
وسعيدة اكتر بردك الأروع
انا اقصد بمصر .. مصر نفسها بنيلها بأهرماتها بكل حاجة فيها
الا حاجة واحدة بسسسسسسسسس
الحكووووووووووووووومة
ويارب ياااااااارب افضل قاعدة معاكم في المنتدى بعد الجملة دي هههههههههههه
الحكومة دي لو يشيلوها بجد
وناس بتتقي الله وعارفة ربنا كويس
والله والله مصر دي هتبقى حاجة تانية خالص
وعلى راي الشيييييييخ الطنطاوي في احدى خطب الجمعة الي هو قالها
مصر ... مصر .. التي قال عنها القرآآآآآآن
(ادخلوها بسلاااام آمنين)
الي خايفة منه بقى يجي اليوم الي مصر تنطق فيه بقدر قادر وتقول مش طيقاااااااكم يا مصريين
ربنا يستر :av4056bb7jp3:
هرد على باقي الردود ان شاء الله
بس انا قلت لازم ابدأ بحضرتك الأول
دمتم بود جميعا
وبشكركم كلكم بجد على كلماتكم الرائعة وردودكم على كلماتي المتواضعة الي انا كتبتها
|