التقت الست طماطم بصديقها الاستاذ خيار .. فبادرته بالسلام قائلة
- صباح الخير ياجميل .. سكتك خضرا ويومك مخلل بالسعادة بإذن الله
- يا صباح النور ع البنوروالخدود الحمرا اللي زي التفاح الأمريكاني
- فشر .. أمريكاني مين وبتاع مين .. د أنا طماطم والأجر على الله
- خلاص ياست الستات .. أنا غلطان .. خلليها التفاح اللبناني
- لبناني ماشي .. أهو مننا وعلينا .. إنما قطع الأمريكاني وسنينه
- ياه .. د انت قرفانة من الامريكاني ع الآخر
- ومين سمعك .. بيجيلي أرتيكاريا لما حد يجيب سيرته .. هو انت يغرك الأشكال دي .. وعلى رأي المثل من برة هللا هللا ومن جوة يعلم الله
- ليه يابت .. د الأمريكاني أمريكاني برضه
- كان زمان .. لما كنا فاكرين إنه تفاح بحق وحقيق
- إمال طلع إيه؟
- طلع خيار معفن .. وبالهندسة الوراثية عملوه شبه التفاح
- وماله الخيار؟
- مالوش .. بس الخيار لما يقول أنا خيار من خيار .. يبقى جدع وسيد الجدعان .. لكن يضحك ع الناس وينفخ نفسه ويلونها ويقول أنا تفاح .. يبقى إيه؟
- يبقى نصاب وضلالي وما يسواش عود برسيم
- اسم الله على مقامك .. أهو انت قلتها بلسانك
- ومين اللي كشف الملعوب ده ؟
- الواد فجلة ابن المعلم دجلة
- إزاي؟
- شافه وهوه بياخد حقن من اللي بتنفخ وحبوب من اللي بتلون
- يبقى لازمنا قاعدة عشان نشوف حل فى الواد النصاب ده .. ونعرف ليه بيعمل العمايل السودة دي؟
- بس متقولش قاعدة أحسن الامريكاني عليه عفريت اسمه قاعدة .. المهم حتعمل إيه؟
- حنعمل مؤتمروندعوا فيه كل جنس خيار .. الخيار الاستراتيجي والخيار العسكرى والخيار الوحيد .. ونشوف إزاي يتم مكافحة هذا التزوير اللاأخلاقي .. بكرة البتنجان الاسود يشم خبر ويعمل لي فيها هو كمان مانجة هندي !!
- بس انا سمعت إن الخيار العسكري خرطوه حتت حتت وعملوه سلطة يقدموها للضيوف
- يعني إيه؟
- يعني الخيار العسكري مش موجود في السوق يا حبة عيني .
- طب والخيار الوحيد؟
- ما فيش حباية واحده منه عندنا .. يامستورد يا مفيش
- بس المستورد غالي .. يعني ما نعرفش نزرعه عندنا؟
- نعرف .. بس ممنوع
- مين اللي منعه؟ هوه إحنا حنزرع مخدرات
- ممنوع وخلاص .. ولو كان مخدرات ماكانوش منعوه
- والخيار الاسترا .. تيجي !!!!
- تيجي لما أقول لك حاجة ف ودنك
- نعم
- إنت عايش في الدنيا بتاعتنا ولا عايش في دنيا تانيه
- لأ .. في الدنيا بتاعتنا طبعا
- إمال بتسأل ع الاستراتيجي ليه
- هوه ماله .. جراله حاجه بعد الشر
- الخيار الاسطى راتيجي بتاعك انكشف واتعرف
- حصل إيه؟؟؟؟؟؟
- مش طلع بلاستيك !!
- يا سلام!! الأسطى راتيجي طلع بلاستيك ؟
- أي والله .. كنا ننزل السوق نلاقيه مرطرط اقفاص اقفاص وبعد ما تشتريه تروح البيت تكتشف النصيبة الكبيرة
- ولاينفع أكل ولا شرب .. ولا سلطة ولا مخلل ..
- واللي اشتراه؟
- لبس الملعوب واللي كان كان
- وبعدين؟
- ما عادش فيها بعدين .. فيه خيار جديد اسمه خيار المقاومة ملأ السوق وسلم لي ع الأسطى راتيجي بتاعك .. وعلى رأي الشاعر الهمام بن إمام "القرع لما استوى قالوا للخيار يا لوبيا"
- لوبيا!!!
- أيوة لوبيا يا نور عيني .. عشان تحرموا تتلزقوا في الأمريكاني

ههههههههههههههههه
هههههههههههههههه
هههههه هههههههه
ههه هه هههههه
هههههههههههههههههههههههه
ههههههههههههههههههههههه



جامد حوار الطماطم ده :lol: :lol: :P

لبس الملعوب واللي كان كان

هههههههه
دايما مواضيعك غريبةولكنها مميزة يا استاذ بورسعيدى

مش طلع بلاستيك !!

فعلا بلاستيك

الموضوع مع انه بيغلب عليه الكوميديا
لكن كله ذكاء بجد
ده الموضوع ده شامل سياسة العالم كله امريكا ومصر وافغانستان
بجد موضوع رائع وعرضه جميل جدا
ومتعودين على كده من زمان يا استاذنا
موضوع راااااااااائع رااااااااااااائع

ههههههههههههه

بجد حوار لذيذ اوى يا استاذ بور سعيدى

انت فنان اوى

صحيح موضيع مميزة اوى

هههههههههههههه
شكراااا أستاذ بورسعيدى موضوع رائع

الله عليك يا استاذ بورسعيدي

موضوع فكاهي ملئ بالسياسات المعاصره

وسلملي بقي علي خيار السلم وطاولة المفاوضات

بجد موضوع جمييييل

ساعلق عليك حين الإنهاء من القرآة والتمعن في الموضوع

شكرا لمروركم جميعا

الموضوع يا جماعة مش تهريج

الموضوع مثلما قال الاخ ميدو وكما نوه البعض

انه سياسى من الدرجة جدا

شكرا على مروركم جميعا

لا لا لا لا لا الراجل ده مشكلة بجد

انت يا اللي اسمك أبو مازن



انت مش بتكتب
اللي يقرأه كويس لازم يعيط يعيط على السلطة اللي بقى مجتمعنا فيها


احنا بقينا سلطة أيوة متستغربوسش أحنا بقينا سلطة



حتى كمان مش طايلين نكون سلطة




احنا خلاص مقدمناش أي خيار خالص علشان نكله كل الخيار انتهى من السوق مبقاش بقى لوبيا يعني مفيش حتى سلطة يعني هناكل السلطة من غير خيار وأنا مش بحب الطماطم

يعني سلطة من غير سلطه

حال موسف وواقع مرير أفيقوا بالله عليكم حاولوا ان تصنعوا خياركم بايدكيكم خيار عربي مائة بالمائة


لعل اليوم يأتي ونستطيع أن نأكل السلطة

أنا بهلوس بقول أي كلام هم يضحك وهم يبكي الواحد مبقاش عارف يعمل ايه في دنيتوه دورولي على خيار انتم بقى


أستاذي أنا مش عارف أصلا أناقش ولا أتكلم لأن أنت قلت كل حاجة

اذا كنت لا تحب الطماطم وكمان اصبح مافيش الان خيار
صحيح هتاكل السلاطة ازاى؟
مافيش امامك ( خيار) غير انك تستبدل ال(خيار) بالكوسة
فالكوسة تشبة الخيار الى حد كبير او القته ههههههههههههه

طيب ما زلت عندي مشكلة الطماطم طيب دي مشكلة الخيار اتحلت

ههههههههههههههههههههه

ليه تقليب المواجع محنا عيشين ورضيين

Originally posted by zizo2_2@May 2 2006, 12:21 AM
طيب ما زلت عندي مشكلة الطماطم* طيب دي مشكلة الخيار اتحلت

ههههههههههههههههههههه
103863


ولو حليت لك مشكلة الطماطم هاتقولى لسة مشكلة الجرجير والجزر والبصل
ماهو كل دى مكونات السلاطة !!!!!!!!!!!!!
دى مش مشكلتنا يا محترم
احنا مالنا بتاكل طماطم والا مش بتاكل طماطم
احنا مش فاضيين لك
احنا ورانا 70 مليون غيرك عايزين ياكلوا والا انت فاكر نفسك ان انت وبس الشعب ؟ :D
وبعدين انت من الاول قولت نك مش بتاكل الطماطم واعترضت على مشكلة الخيار
وكان واجب علينا ان نستبدل لك الخيار بالكوسة او القتة وقد فعلنا
عايز ايه تانى
اووووووووووووووووووووووووووف :P

لا لا بجد أنا نفسي حد يحللي مشكلة الطماطم أنا بجد مش باكللها

وإذا مكنتش انا اللي هقرفك مين غيري هيقرفك


طيب هسيب المنتدى يومين كدة وارجع لما أشوفك بقى هتعمل ايه علشان احتمال أعمل العمليه اياها اللي بتسبب لي صداع
أنت ناسي أن احنا مرتبطين ببعض زي الخيار والطماطم في السلطة هههههههههههههههههههههههههههههههههههه

كلة إلا الطماطم يا حلو
انا لا اقدر اتخيل الدنيا بدون طماطم
مافيش خيار مش مهم
مافيش جزر مش مهم
مافيش هواء ولا ماء ولا كهرباء مش مهم
لكن الطماطم لالالالالالالالالالالا و 1000 لالالالالالا
طيب انا ممكن نستبدل الطماطم بالصلصة
هااا
قولت ايه؟

يلا نشوف ده كمان بالمره
من المواضيع التحفه بتاعت استاذ بورسعيدى
و شكلى كده حبقى متخصصه لتنشيط المواضيع الجميله دى
فى رعايه الله

يادى النيلة

يابنتى انتى لو شوفتى صندوق رسائلى هتلاقلى كله رسائل خاصة بنقل موضوعاتى
كل موضوعاتى بتتنقل الى مزبله التاريخ او كما يطلقون عنها ( المواضيع المكررة والمحذوفة )
والحجة انها موضوعات قديمة ومهملة !!!!!
بس مش مهم عذائى الوحيد اننى ممكن ارجعها لكنى ارفض ذلك

شكرا لك على مرورك الجديد

هههههههههههههههه

بجد مش عارفة دماغك دى فيها ايييييييييييييييييه؟؟؟؟؟؟؟؟؟؟؟؟؟؟؟؟؟

موضيعك بجد راااااااااااااااااااائعة بتعرف تمخمخ وتطلع حاجات جمييييييييييييييييييييييلة

انا الحمد لله بتابع معظم موضيعك وعجبانى جدااااااااومنتظرة المزيد وسيبك من المعارضين لموضيعك

المهم انها بتعجبنى انا ههههههههههههه

وبعدين انتم قعدين تكلمو كده ومش عارفين السلطة دى بتكلف كام !!!!!!!!!!

الدولة بتدفعلكم فلوس كتيييييييييييييييييرة عشان توفرها وانتم مش شاكرين؟؟؟؟؟؟؟؟؟؟؟؟

انتو عايزين ايه اكتر من كده ؟؟؟؟؟؟؟؟؟؟

احمدوا ربكم واسكتوا غيركم فى الصومال ودول كتيرة مش لاقى لقمة عيش ولا كوباية ميا

ومتبصش للناس العليا خليك فى حالك ......... قيمتك فى كمية فلوسك

دى السياسة اللى احنا عيشين بيها وسكتين فربنا يرحمنا بقى ويصبرنا

موضوعك فعلا مميز جدا ... بنشكرك على مجهودك ..
( الدنيا دي زي الخيارة يوم فإيدك .. و يوم فالسلطة !! )

لسه عند رأيي في كل مواضيع حضرتك
رااااااااااااااااااااااااااائع وجميل جداااااااااا
بجد فنان

هههههههههههههههههه
دايما مواضيع حضرتك مميزة يا استاذنا
( الدنيا دي زي الخيارة يوم فإيدك .. و يوم فالسلطة !! )
حلوة الجملة دى:D

هههههههههههههههههه


حلو اوى على فكرة بس مش اى حد يفهمو


شكرا لموضوعك الفوق الرائع مستر بور سعيدى

هههههههههههههههههههههه
على فكره والله انت اقل ما يقال عنك ان دمك خفيف جدا جدا جدا