aly almasry
07-10-2008, 06:31 PM
700 تلميذ بالمنوفية يُضربون عن الذهاب إلى مدارسهم!
مدارس مصر في حالة يرثى لها
أعلن أولياء أمور أكثر من 700 تلميذ من مدرسة عزبة محسن الابتدائية والإعدادية المشتركة التابعة لإدارة الشهداء التعليمية بالمنوفية؛ أنهم قد منعوا أبناءهم من الذهاب اليوم إلى مدارسهم احتجاجًا على عدم بناء مدرستهم (مدرسة عزبة محسن)، والتي كانت قد أُضيرت في زلزال التسعينيات وتم هدمها، علمًا بأنها هي المدرسة الوحيدة للقرية.
يُذكر أنه تم نقل التلاميذ إلى مدرستين في قريتين مجاورتين؛ هما: مدرسة إبشاي الإعدادية ومدرسة كفر السبع الابتدائية، واللتان تبعدان 8 كيلومترات عن محل إقامتهم بقرية محسن، ولا توجد وسيلة مواصلات إلى هاتين القريتين؛ مما يضطر الطلاب للسير على أقدامهم وسط الأراضي الزراعية والعودة ليلاً؛ حيث إنهم مُلتحقون كفترة مسائية بهذه المدارس؛ مما يعرضهم لخطر محقق.
وقد أكد أولياء الأمور أنهم سيدخلون في اعتصام مفتوح أمام مديرية التعليم بشبين الكوم إذا لم تتم الموافقة على بناء المدرسة في أسرع وقت.
mr_s@ber
08-10-2008, 12:50 AM
حسبنا الله و نعم الوكيل ..........................
لا تعليق
بورسعيدى
08-10-2008, 01:56 AM
8 كيلو سير ذهاب واياب ؟؟؟
يعنى 16 كيلو كل يوم ؟؟؟
مستحيل
والله حكومه مافيش عندها دم
7med@
08-10-2008, 02:11 AM
لا حول ولا قوة الا بالله العلى العظيم
نورا ميلاد
08-10-2008, 07:09 PM
والمدارس المبنية المدرش مش بيلاقى كرسى يقعد علية ولما المدرس يقول للعامل هات كرسى يرد يقولة مافيش كراسى اقعد على الارض
aly almasry
09-10-2008, 12:06 AM
والله دى مهزلة وقال ايه حكومة الكترونية وحوايب وكلام كبير ليس له معنى
aleslambuly
23-11-2008, 06:35 PM
طب انتوا معندكوش مدارس احنا بقي في المنوفيه مافيش تلاميذ نهائي في المدرسه المدرسه عباره عن مدرسين فقط الطلاب مش بيحضروا
aly almasry
23-11-2008, 08:59 PM
طب انتوا معندكوش مدارس احنا بقي في المنوفيه مافيش تلاميذ نهائي في المدرسه المدرسه عباره عن مدرسين فقط الطلاب مش بيحضروا
دى ليست فى المنوفية فقط
بس ربما الكلام ده فى الاعادى والثانوى لكن فى الابتدائى بتلاقى حضور كويس
وبعدين عاوز اقول لك ان هجر الطلاب للمدرة فشل تعليمى وجريمة خطيرة فى حق المجتمع الكل يشارك فيها
أ.مصطفي نور
24-11-2008, 11:05 AM
أنا بصراحه علي عاوز اوضحلك حاجه معينه
أولا مش ممكن مدرسه زي دي تضم 700 طالب
ثانيا اعتقد ان قريه زي دي مش معقول يوصل بيهم التفكير انهم يعملوا اضراب لانهم ارياف ودول اصلا بيتعلموا حتي لو قاعدين علي الارض حتي لو قاعدين عالحوش في عز الشمس هياخدوا الدرس يعني هياخدوه دا لو في حاله انهم كلهم بيحضروا ومنتظمين يا اخي الفاضل
أما عن انهم لو غير ملتزمين وهذا ما يحدث الان سواء اعدادي وثانوي فلماذا يشتكون؟ المفروض انهم يفروحوا من حاجه زي دي
مش يعملوا اعتصام لان الاعتصام ده الناس المدنين بس اللي بيعملوه عمر مابتوع الارياف ميعملوا كده ابدا ابدا
ولا هو اي كلام بيتقال عشان نعد نغلط في الحكومه باي اتهامات فارغة والسلام وحتي يعني لو كلامك صح .هل لما يبنوا المدرسه اللي (هههههههههه) اتهدت من زلزال 1991 اللي معملش حاجه تقريبا لاني حضرته ، هل لما يبنوها من جديد الطلبة
دول اللي عددهم ميزدش عن 450 اقصاهم وليس 700 ، هل دول هيروحوا فعلا يتعلموا زي الناس المتحضرين .
بلاش نضحك علي بعض يا جماعة الطلبة معظمهم بيزوغ واللي ميعرفش بيتعلم وانا مدرس عارف كويس كام واحد بيقضيها في الفصل وكام واحد في بوفيه المدرسه وكام واحد عالقهوه علما بان اللي بديهم دول اولي اعدادي فماذا سيفعلون حين كبارهم .
أشكرك علي خبرك السقيم يا سيدي الفاضل ومش المفروض اننا نتهم الحكومه عشان ناس اصلا بتنقد نفسها
او خبر قاريه في صحيفه متدنيه متخلفه راجعيه غرضها الاساسي الغلط في الحكومه وخلاص
شكرا ليكوا جميعا
مع تحياتي
أ مصطفي نور مدرس اللغة الفرنسية
aly almasry
24-11-2008, 03:34 PM
أنا بصراحه علي عاوز اوضحلك حاجه معينه
أولا مش ممكن مدرسه زي دي تضم 700 طالب
ثانيا اعتقد ان قريه زي دي مش معقول يوصل بيهم التفكير انهم يعملوا اضراب لانهم ارياف ودول اصلا بيتعلموا حتي لو قاعدين علي الارض حتي لو قاعدين عالحوش في عز الشمس هياخدوا الدرس يعني هياخدوه دا لو في حاله انهم كلهم بيحضروا ومنتظمين يا اخي الفاضل
أما عن انهم لو غير ملتزمين وهذا ما يحدث الان سواء اعدادي وثانوي فلماذا يشتكون؟ المفروض انهم يفروحوا من حاجه زي دي
مش يعملوا اعتصام لان الاعتصام ده الناس المدنين بس اللي بيعملوه عمر مابتوع الارياف ميعملوا كده ابدا ابدا
ولا هو اي كلام بيتقال عشان نعد نغلط في الحكومه باي اتهامات فارغة والسلام وحتي يعني لو كلامك صح .هل لما يبنوا المدرسه اللي (هههههههههه) اتهدت من زلزال 1991 اللي معملش حاجه تقريبا لاني حضرته ، هل لما يبنوها من جديد الطلبة
دول اللي عددهم ميزدش عن 450 اقصاهم وليس 700 ، هل دول هيروحوا فعلا يتعلموا زي الناس المتحضرين .
بلاش نضحك علي بعض يا جماعة الطلبة معظمهم بيزوغ واللي ميعرفش بيتعلم وانا مدرس عارف كويس كام واحد بيقضيها في الفصل وكام واحد في بوفيه المدرسه وكام واحد عالقهوه علما بان اللي بديهم دول اولي اعدادي فماذا سيفعلون حين كبارهم .
أشكرك علي خبرك السقيم يا سيدي الفاضل ومش المفروض اننا نتهم الحكومه عشان ناس اصلا بتنقد نفسها
او خبر قاريه في صحيفه متدنيه متخلفه راجعيه غرضها الاساسي الغلط في الحكومه وخلاص
شكرا ليكوا جميعا
مع تحياتي
أ مصطفي نور مدرس اللغة الفرنسية
اولا اخى الكريم جزاكم الله خير الجزاء على ردك الكريم لكن هناك بعض الملاحظات وللامانة
1- انا ناقل الخبر من مصدر موثوق عندى
2- موضوع اهمال الحكومة انا لامسه بنفسى فى مدرسة قريتنا الابتدائية ظلت 11 سنة والتلاميذ يقطعوا كيلو ونصف ليكونوا فترة مسائية مع مدرسة اعدادية
3 - موضوع التزويغ فى الارياف ده نادر جدا جدا وانا لا اتكلم كلام مرسل انا مدرس رياضيات فى مدرسة اعدادى واقسم لك ان الحضور جيد جدا جدا وبالامس فقط كتب طلاب 3 اعدادى الاستمارة واليوم هم فى الطابور كما هم ناهيك عن 2ع و 3ع ممكن كلامك يصدق فى الثانوى لكن وللامانة فى الارياف الحضور جيد جدا وعلشان كده مفروض مدرى الارياف يعاملوا افضل من الحضر لانهم شغالين طوال السنة فى حصص واقعية وليس على الورق
واشكر حضرتك مرة تانية وربنا يبارك فى عمرك
أ.مصطفي نور
24-11-2008, 04:13 PM
انا اللي متاسف فعلا اني هاجمت حضرتك في الرد
بس صدقني كل واحد بيتكلم علي اللي هو بيشوفوه في المدارس والمعاناه اللي الواحد بيعاني منها
وميرسي علي ردك المهذب جدا علي هجومي
ومع تحياتي يا مسيو علي