تسجيل الدخول

مشاهدة النسخة كاملة : نوادر الكادر

nahoous
07-10-2008, 09:50 PM
شعر قرأته لأحد الزملاء في مسألة الكادر

أرجو التعليق

سألتنى حفيدتى حياة .. بمنتهى البراءة
* فى أربع خمس حاجات.. مش فى كتاب القراءة
قوللى إنت ليه ياجدى دايما قاعد تذاكر
*شايفاك نهار وليل بتقلب فى الدفاتر
هو انت ياجدى بكره داخل على امتحان
* واللا انت ياجدى أصلا ماتعلمتش زمان
طب يعنى إيه ياجدى كادر معلمــين
* وليه انت وستى دايما مفلســــــين
بيقولوا اللى حينجح حياخد فلوس كتير
* واللى حيسقط ياجدى ح يحوّلوه غفــير
ماتبعتوا للريس واشتكوا م الوزيـــر
* أنا أسمع إن الريس بينصف الفقــــير
ويعنى ايه ياجدى تمتحنوا بالرصاص
* يعنى حيضربوكوا بالنار كده وخلاص
ماتروحش الامتحان أحسن تروح بلاش
* دا يادوب تلات سنين وتطلع ع المعاش
ونزلت دموع كتيرة من عيون حفيدتى
* قلتلها مش حاروح ماتعيطيش يابنتى
أنا والله مش هاممنى أبدا أى امتحان
* أنا كل اللى قاهرنى إن المعلم يهان
عاوز كرامته دايما تنصان طول الزمان
* والبركة فى النقابة وفى نقيبنا الهمام
يردوا لنا اعتبارنا ويلغوا الامتحان
* ويعيدوا للمعلـــم المجد بتاع زمـــان
ويعيــدوا للمعلم العزة والأمــــــان
* وكفاية بقى يابنتى علشان نعرف ننام
مروة سامي
07-10-2008, 09:55 PM
ايه الجمال وخفة الدم دي الف مليون شكر وتقدير لسمو معاليكم وربنا ينجحنا في الامتهان وبقى سلم لي على حفيدتك
مستر// فيكتور بخيت
07-10-2008, 10:32 PM
ان شاء الله لن تهان ويوم 27 اكتوبر تكون تمام التمام
ايمن الشريف
07-10-2008, 11:57 PM
والله انت بكلامك دا قلبت علينا المواجع
بس خطيييييييييييييييييييير
ayman615
08-10-2008, 06:09 AM
عجبى على زمن يهان فيه المعلم ولا يقدر
سيف سالم
08-10-2008, 11:35 AM
ان شاء الله لن تهان ويوم 27 اكتوبر تكون تمام التمام
الاهانة تمت هو لسه في 27/10 لن يهان
تمام تمام كلمة عسكرية
واعتقد - وقد اكون مخطئ - ان مصر عامة وليس المعلمين فقط تمام تمام تمام تمام