هههههههههههه
طبعا الناس داخلة و ناوية تبهدلنى
صح؟
انا قصدى فى الوقت الحالى

ماتيجوا نتكلم بموضوعية شوية
حضرتك عضو نشيط بقسم الكادر
وكل يوم بتقدم موضوع جامد جدا
انا معاك ...... بعد ما تكتب الموضوع تستمر فى متابعته وتشوف الردود طبعا
وكلما زادت الردود ارتفعت الانا عندنا كلنا ..... واللى ينكر يبقى منافق صح؟

مفيش حد هنا بياخد فلوس لا انت ولا انا .... بس مش معنى كده انك تتأمر صح؟ مش معقولة تتبرع بوقتك علشان تعطى درس خصوصى لوجه الله وكل ما تروح الدرس تقعد تقول كل شوية انا بشتغل لوجه الله صح؟
نفس الكلام هنا .... الشغل لوجه الله بس مش معنى كده انك تتأمر هههههههههه

ومش كل ما حاجة تحصل الادارة تتشتم ويتقال انهم مابيفهموش وانت بقى اللى بتفهم

واحد تانى كل ما يحلم حلم يحكيه فى موضوع ننقل الموضوع لقسم تانى ميعجبوش

تعالوا واحدة واحدة كده علشان ننهى الموضوع ده
حلم قسم الكادر ده والمدينة الفاضلة الوهمية اللى البعض عايزينها غير مقبولة تماما بالعقل والمنطق

قسم الكادر له دور كبير فى تجميع كم هائل من الاعضاء بس ده مش معناه ان الاعضاء هم من سيفرضون قوانينهم
القوانين اصلا موجودة
والمكان اللى قوانينه لا تنفذ يسمى فوضى صح؟

خلاص

لو عايز تفضفض فى امور تعليمية
او ليك وجهة نظر
ادخل هنا (http://www.thanwya.com/vb/forumdisplay.php?f=21)

طيب لو عايز تطرح موضوع عام خارج المجال التعليمى
ادخل هنا (http://www.thanwya.com/vb/forumdisplay.php?s=&daysprune=-1&f=12)

لو سيادتك عندك خبر جديد او خبر جامد جدااا هتلاقى الناس مستنية
هنا (http://www.thanwya.com/vb/forumdisplay.php?s=&daysprune=-1&f=79)

عندك معلومة مفيدة
اعرفها منك ازاى؟
ضعها هنا (http://www.thanwya.com/vb/forumdisplay.php?s=&daysprune=-1&f=230)

معاك برنامج يفيدنى معقولة الاقيه فى قسم الكادر
ادخل هنا (http://www.thanwya.com/vb/forumdisplay.php?s=&daysprune=-1&f=27)

معلومة حلوة تعرفها فى مجال الحاسب الآلى اديها للى محتاجنها
ادخل هنا (http://www.thanwya.com/vb/forumdisplay.php?s=&daysprune=-1&f=34)

وابحث بنفسك فى المنتدى هتلاقى ناس محتاجين لك وانت محتاج لناس

وحاجة تانية حتى لا نختلف
انا كمشرف ادارى على الموقع
اعذرونى
حتى لو كنت مدرس ناجح فى عملك انا لا اعترف بك الا عندما ارى ذلك
هل ده موقف عدائى ؟
هل يستوى الذين يعلمون والذين لا يعلمون ؟
ارجو الاتجاه الى المنتديات التعليمية من فضلك لتغيير صفتك لمدرس على المنتدى وافادة الطلبة

اما بخصوص الاساتذة الافاضل اللى كانوا زعلانين زى الاستاذ وليد
مالكش دعوة بيهم
هم فاهمين اكتر منك ويعرفوا يجيبوا حقهم واسألو وليد نفسه

الاستاذ منتصر غلطان 100%
موضوع زعله خد موقف غريب
المفروض انه اكتر الناس اللى عارفين ان المنتدى ليس ملكية شخصية
المفروض بقى موضوع زعله يجمع المسئولين التعليميين على المنتدى ونشوف فى ايه .... مش يسيب
راجل عامل مجهود جامد جدا بسهولة يسيب كده .... ليا كلام معاك يا ريس

المعلم هنا له مكانة عالية
بس اخذ الحق حرفة
لكن اللى بيحصل مش كده
واحد شتمنى وانا ارد عليه ليه ؟
هيتوقف على طول
لكن لو رديت يبقى اخدت حقى
ازاى ارجع اطالب بيه ؟

المنتدى هنا اسماء واحنا لن نتقابل من قبل صح؟
يعنى ممكن الاستاذ الكبير المشرف الادارى بدوى الدجوى يكون عيل وبيضحك علينا ومش مدرس اصلا
صح؟ بس واخد وضعه على الفاضى
خلاص اشتغل انت وورينا العملى وسيبك من النظرى وتولى انت المسئولية مش بالكلام

انتم عليكم واجب ولكم حق
قوموا بواجبكم ولا تفرطوا فى حقكم

وعلى فكرة من الاخر علشان منضحكش على بعض
مفيش حد هنا اهم من الاخر
والدنيا عمرها ما وقفت على شخص
ولا حتى اكثر من شخص
وكما قالتها من قبل الاستاذة امال
السفينة تسير ومش عارف ايه اللى بيحصل .... مش فاكرين ولا ايه؟

عندك موضوع لصوت الحق فوق
لما تلاقى مخالف ضع اللينك بتاعها
ولما مشرف يغلط بلغنا
وبلاش تعمل موضوع لانه هيتحذف
والمنظر مش هيبقى حلو

اكثر الناس عرضة للفضايح من يهوى التظاهر فبلاش منظرة واراء مالهاش اهمية واللى عندوا كلمة مش مضبوطة بلاش يرميها فى وشنا
والمقصود وجه كل من يقرأ

شكرا لكم

اتمنى من الجميع يعى هذا الكلام المنطقى
والله العظيم عندها سوف يستمتع بالوقت الذى يقضيه هنا فى المنتدى ولن يغادره نهائيا
الكل يمد يد العون ونفتح صفحة جديدة بيضاء لا نتذكر الماضى بحلوة ومره بل دع الزمن والوقت كفيل بازالة اى رواسب الاول ابداء باليوم ونتقرب لبعض يمكن نلتقى فى نقة نستطيع بناء جسر المودة بيننا يمكن اكون جار ك وعزيز عيك ولا تدرى بى ولا ادرى بك مين عارف
اجعل شعارك فى الحياة والنت صدق واخلاص عندها تسعد بكل شيء

برغم أن موضوعي الاخير هو الذي لفت الانتباه لقسم الكادر وأثار كل ما حدث الا انه كان رد فعل متوقع لاستفزازات شخص ما و لم أكن أعلم أنه سيقلب الامور رأسا علي عقب ووالله كنت من اكثر الناس تذكيرا للاعضاء بخصوصيه هذا القسم بالكادر

و موضوعي كان هدفه رد الاعتبار لمشرفه أحببناها و البادي أظلم ولم نكن نحمل في قلوبنا كرها لاحد وموضوعي كان بشكل عام و لم أسب أحد فانا مدرس محترم أربي أجيال مثلكم تماما ! ورغم ذلك أبصم علي كلامك بالعشره دجوي بيه * لأن الحق ابلج

إذا كان هذا الأمر فى صالح المنتدى

يا ريت الأخوة القائمين على المنتدى يقومون بحذفه من القائمة والتنويه عنه كموضوع مثبت داخل الركن التعليمى مثلاً
وليس كقسم منفصل يحتاج إلى مشرفين إداريين يضيعون أوقاتهم بكلام لا يخص كادر المعلم.

:giljotiiniug3: :giljotiiniug3: :giljotiiniug3: :giljotiiniug3:

اختلف معك فقط علي العنوان الذي يقلل من شأننا ومجهوداتنا طوال الفتره الماضيه وأعلم أنك لا تقصد هذا المعني* فالقسم بالغ الاهميه لنا مع يقيني بأهمية الأقسام الاخري

مستر شريف :

نعم لا أقصــد ، لأن هذا القسم هو من عرفنى بالمنتدى ، والأعضاء المتميزين .

لكن : تعودنا أن يسلب منا ما نحتاجه ...

( حذف القسم وجعله موضوع مثبت يريح أناس كثيرون )

لله ما أبقـــى .... ولله ما أخـــذ ...

قال صلى لله عليه وسلم : " إذا قامت القيامة وفي يد أحدكم فسيلة فاليغرسها" قوما بغرس العلم والفضائل وجزا كل مشرف جديد أو من القدامى كل خير والسادة الأفاضل من المعلمين برجاء ترك القيل والقال فهذ القسم جمع شمل المعلمين في وقت ختبارات الكارد و نريد أن يفرقنا لأسباب دنيوية وبواطن الأمور وصدقوني كثير من المعلمين يعرفون مشاكلكم فلا تنشروها وانشروا كل خير من عضو أو مشرف جديد أو قديم فالكل معلم وكونوا معلمين للخير وجزاكم الله خيراً

ده انا اسف جدا ليكم
انتوا متأكدين من كلامكم ؟

بص معايا كده على الكلمات اللى خارجة من مدرس لزميله علشان الامور تبقى واضحة
تعودنا ان يسلب منا ما نحتاجه

انا غلطان فى حقكم بجد
واكرر اعتذارى

السلام عليكم ورحمت الله وبركاته
اذا كان المقصود من الكادر هو تحسين الاحوال المادية للمعلم للنهوض بالعمليه التعليمة
فلما لا يكون هذا القسم مهتم بذالك وهو النهوض بالعملية التعليمة
انا عن نفسى وجد به موضوعات افتدنى كثير
ولما لا يكون قسم للتعارف والتاخى والتحاب بين الاعضاء كما كان عند البداية

مفيش فائدة
العقل المصرى الجبار
لما بيحط حاجة فى دماغه
لزم ينفذها حتى لو غلط :d

أريد الدخول على الغرف الصوتية ولا اعرف كيف دلونى على الطريق الصحيح لذلك ارجو الافادة

يا جماعة نحن نريد منتدى أو قسما فى منتدى للحوار البناء بين المدرسين فى شتى المجالات فنحن أبناء مهنة واحدة لها خصوصية جبارة وبيننا نقاط مشتركة لا حصر لها وعددنا يقدر بمئات الآلاف فلا يعقل الا نستفيد من كل تلك الخبرات ومن مجموع تلك العقول .
سموه قسم كادر أو قسم أى حاجة الملهم أن يكون هناك فرصة للحوار وتبادل الخبرات فى شتى المجالات بين معلمى مصر وألا تكون هناك اى قيود على ذلك غير القيود التى تحكم المنتديات المحترمة .

الاساتذة الافاضل : اعلى الصفحة : تحياتى لكم
اشكركم جميعا و كم استفدت منكم و بلا مقابل
اتمنى ان تكونوا فى احسن حال و نترك مافات ونستمر فى العطاء

بصراحه انا اللى عرفنى على المنتدى هو الكادر ولما يتلغى القسم وتيجى امتحانات كادر اغسطس الجاى المواضيع والاخبار والامتحانات مكانها حيكون فين ؟
رأيى الابقاء على القسم وحذف كل موضوع خارج عن الهدف الاساسى من القسم
انما حذف القسم نفسه ارى ان المسأله فيها تصفيه حسابات اداريه لا نعلم عنها شيئا

هو فى إيه ؟
ما معنى هذا الكلام الذى قاله كاتب هذا الموضوع
" حضرتك عضو نشيط بقسم الكادر
وكل يوم بتقدم موضوع جامد جدا
انا معاك ...... بعد ما تكتب الموضوع تستمر فى متابعته وتشوف الردود طبعا
وكلما زادت الردود ارتفعت الانا عندنا كلنا ..... واللى ينكر يبقى منافق صح؟

أنا أنكر هذا الكلام .
هل أُعد منافق .
فوالله عمر ما زادت الأنا عندى .
أخوك / أحمد حجازى

مع إحترامى للأستاذ كاتب هذا الموضوع والساده الزملاء أرى أن انتهت فترة التلاحم بين المدرسين وانكار الذات والإيثار التى عايشناها مع المنتدى أثناء وقت الكادر العصيب والآن دخلنا فى مرحلة حقى وحقك وموضوعاتى وموضوعاتك وليس كذلك وكفى بل أيضا نقل موضوعات بدون تعريف أصحابها مكانها وهذا حدث معى وهناك من يقول المكان للكادر فقط وموضوعاته وسؤالى أين الموضوعات التى تهم فى الكادر الآن تصريحات الوزير طيب ممكن أقرأها فى الصحف ولكن كان نفسى أن يتبنى قسم الكادر تنمية المعلم وكل طوائف العمليه التعليميه للنهوض بنا وتبادل الخبرات بين المعلمين وليس التخاصم والانشقاق الذى صدمت به هنا الآن ياجماعه ممكن المكان ده يكون مناره للمعلم ومايحتاجه فى اى معلومه أو خبره من خلال التجمع والتعود على دخول المنتدى الذى حدث أثناء موضوع الكادر ودعائى هو يارب ترجع الروح الجميله اللى وجدناها فى المنتدى تانى

هو فى إيه ؟
ما معنى هذا الكلام الذى قاله كاتب هذا الموضوع
" حضرتك عضو نشيط بقسم الكادر
وكل يوم بتقدم موضوع جامد جدا
انا معاك ...... بعد ما تكتب الموضوع تستمر فى متابعته وتشوف الردود طبعا
وكلما زادت الردود ارتفعت الانا عندنا كلنا ..... واللى ينكر يبقى منافق صح؟

أنا أنكر هذا الكلام .
هل أُعد منافق .
فوالله عمر ما زادت الأنا عندى .
أخوك / أحمد حجازى

انا اسف لو دى ضايقتك يا استاذ احمد
وبما انك معلم لغة عربية
" كاتب هذا الموضوع "
للتنكير وتقليل الشأن ولا ايه ؟

كلامك صح

ركن الكادر مهم جداااااااااااااااااااااااااااااااااااااااااااا

بس فى وقته