بجد يا جماعة اللي سمعته ده لو حقيقي تبقى مشكلة كبيرة
أنا سمعت إن هما هيطبقوا من اللي في سنة تاني السنة ديه حقوق وكل اللي بعديهم موضوع سنتين التدريب ده وهو إن إحنا نقضي سنتين تدريب في الجامعة عشان ناخد كارنيه النقابة وديه إجباري في الجامعة وكمان سنة تانية تبقى دبلومة عشان نقدر نكون محامين ونمارس المهنة أرجوكم يا جماعة اللي عنده معلومات مفيدة في الموضوع ده ياريت يقول ويطمننا لأحسن ده لو حصل إحنا هنبقى 7 سنين مش 4 وديه طبعا كارثة ربنا يستر:giljotiiniug3::giljotiiniug3::giljotiiniug3:

ده نبقي مصيبه سووووووووده و نفس الوضع للنيابه ؟؟؟؟؟؟؟؟؟؟؟؟؟؟:(:(:(:(

زعلان أوي ع النيابة
مش إذا عدينا السبع سنين الأول
على العموم شكرا على الرد يا جميل

:abdoog8:انتي ايه مصدر معلوماتك اصلا :(

اوعي تكوني بتاعة اشاعات

الكلام دة مش صحيح
ثانيا فى غلط فى الفهم حضرتك وقعتى فية وهو ان سنتين التدريب دول فعلا موجودين واجبارى بس مش فى الكلية فى مكتب اى محامى
ودة ضرورى عشان تقدر تمارس المهنة لان الممارسة تختلف بشكل كبير عن الدراسة الاكاديمية
وبعدين الدبلومة مش اجبارى وملهاش علاقة لا بكرنية النقابة ولا بالنيابة
بس هو فعلا فى كلام ان نقيب المحامين عاوز يخلى عضوية النقابة للحاصل على تقدير جيد فيما فوق
اما مقبول فملهوش مكان فى اى حاجة
وفعلا الى يدخل حقوق ويجيب مقبول يبقى مكنش يدخلها احسن
gamal saber
etudiant a la faculte des droits

بالنسبة لمصدر معلوماتي فطبعا أي حد هيقرا الموضوع هيفهم إن ده مجرد سمع مش أكتر وبالنسبة للإشاعات أنا طبعا مش بتاعة إشاعات لإني لو بتاعة إشاعات كنت هقولكم إن ديه معلومة مؤكدة إنما أنا عرضت الموضوع عشان أعرف إذا كانت ديه إشاعة ولا لأه والدليل على كده إني طلبت منكم لو حد عنده أي معلومات مفيدة يكتبها ده طبعا بالنسبة للأستاذ tifa_ 2010 أما بالنسبة للأستاذ gamal saber إنت ما ذكرتش أولا في كلامك عشان يكون فيه ثانيا بس بالنسبة لإن سنتين التدريب دول خارج الكلية فديه معلومة معروفة للجميع وأنا فاهماها كويس أوي ويظهر إنه فيه غلط في فهم الموضع بتاعي حضرتك وقعت فيه أنا كان قصدي إن النظام اللي حضرتك قلت عليه هيتغير وهيبقى التدريب داخل الكلية مش خارجها عشان الوسايط وبالنسبة لكلام حضرتك عن اللي جايبن مقبول إنهم ما كانشي ليهم لازمة يدخلوا الكلية فده معناه إنك عاوز تخرج على الأقل نص طلبة كليات الحقوق داخل الجامعات المصرية وده لإن أكثر من النص حاصل على تقدير مقبول
ملوحظة صغيرة أنا جايبة جيد مرتفع يعني مش بدافع عن نفسي
وأشكر كل اللي مروا على الموضوع بتاعي جدا

ياااااااااارب استررررررررر

ربنا يسترها ان شا ءالله مش هترفق اوى يعنى 7 من 4 ولا من 5 كلة بيعدى

الكلام دة مش صحيح والله شيماء بعد كدة يا شيماء لما تكتبى خبر ابقى اتاكدى الاول عشان الاشاعات والترويج وبعدين حقوق اربع سنين فقط وسنتين تدريب بس التدريب مش اجبارى والكلام اللى انا بقولة صح لان عميد كلية الحقوق قلى كدة وشكرا للمحاولة

طب شكرا ليك يا حسن على الكلام دة وكويس انك متاكد من كلامك شكرا على تصحيح المعلومات

طب شكرا ليك يا حسن على الكلام دة وكويس انك متاكد من كلامك شكرا على تصحيح المعلومات
لا شكرا على واجب يا اية انا بس كنت عاوز اصحح المعلومات دية وبعدين انا فى خدمتكم فى اى معلومات وشكرا ليكى اية على الرد:078111rg3::078111rg3:

بيهيئلي أنا وضحت وجهة نظري من كتابة الموضوع ده يا أستاذ حسن وأنا ما كانش قصدي إني أكتب إشاعة أو أروج ليها عشان كده أنا طلبت منكم معلومات صحيحة يعني م الآخر زي ما إنت سمعت من عميد الكلية بتاعك أوسألته أنا برضه جيت سألتكم هنا عشان أعرف إذا كانت إشاعة ولا لأه وكمان أنا ما جيتش قلت إن ده خبر الموسم زي ما إنت كاتب إني أتأكد من أي خبر قبل كتابته وللمرة المية بقولها إن ده مش خبر ده مجرد إستفسار عن حاجة سمعتها وكان قصدي إني أعرف منكم الحقيقة
وعلى العموم شكرا على الرد وعلى المعلومات ويارب تكون معلومات صحيحة
وميرسي ليكي أوي يا آية على ردك يا قمر

هنبقى 7 سنين مش 4 وديه طبعا كارثة ربنا يستريعنى اربع سنين وبنقول هنعدى منهم ازاى والواحد فاقد الامل كمان هيخلوها 7 سنين هى الحكايه ناقصه
طب والنبى ده ينفع لو سمحتى يا شيماء ممكن المصدر للخبر
يارب استرها علينا يا كريم يا ذا الجلال والاكرام

ربنا يستررررررر

الموضوع ده لو اكيد هتبقي العمليه معقده

لا يا جماعة خلاص مهو حسن دخل وصحح المعلومات هما اربع سنين حقوق وسنتين تدريب
مفيش حاجة تانية

*=== (( ما يلفظ من قول إلا لديه رقيب عتيد )) ===*

السلام عليكم ورحمة الله انا مصطفي عضو جديد يالمنتدى اتمنى ان اكون عضو خفيف وصديق عزيز لكل الاعضاء
وانا في حقوق عين شمس لو في حد في حقوق عين شمس ياريت يكلمنى

لسلام عليكم ورحمة الله انا مصطفي عضو جديد يالمنتدى اتمنى ان اكون عضو خفيف وصديق عزيز لكل الاعضاء
وانا في حقوق عين شمس لو في حد في حقوق عين شمس ياريت يكلمنى
أهلا وسهلا بيك يا جميل نورت المنتدى كله
ومستنيين مشاركاتك ومواضيعك

السلام عليكم ورحمة الله وبركاتة
انا عضو جديد معاكم ويارب اقدر افيدكم فى كل المشاركات,واسف لو الرد متاخر لكن موضوع السنتين ده مجرد كلام كلنا بنسمعه يعني المعلومة لا تتعدى زميل اخر يكلمك عنة يعنى مفيش مصدر موثوق فيه لدرجة التاكيد كلمنا في الموضوع دة.
وبعدين زملائي الاعزاء نحن مجبرين لا مخيرين المهم ربنا يسترها علينا ونعدى من الامتحانات بخير .انا قرات كل الردود على الموضوع ده وربنا يوفقكم جميعا .
ارجو اكون خفيف عليكم ومفيد ليكم
( شكرا )

يانهار أثود .....يا نهار أثود

سبعه ...سبعه ازاي

هلى كليه طب ولل ايه

ربنا معاكم يا شباب

:)اسمه يانهار اسود..... وليس اثود.....وربنا يسطر ويباه ابيض ..ان شاء الله


ده وقعنا في مدرث لغه عربية بجد ربنا يثـتر

:):):):)

السلام عليكم ورحمه الله وبركاته انا عضو جديد في المنتدي و يا ريت اعرف المزيد عن الكليه لان انا مش بنزل الكليه انا في الفرقة الثانيه ب و انا حاصل علي بكالوريوس تجاره و قدمت في كليه الحقوق لبعض الاسباب
المهم
يا ريت اي حد في الفرقه بتعتي يقولي اي حاجه عن المقرر و الملغي
ع فكره انا مش فاشل زي ما انتوا متوقعين علشان انا مش بنزل الجامعه بالعكس الحمد لله انا تقريبا ترتيبي التالت في السنه اللي فاتت ع الدفعه بتعتي
و اتمنلكم انتوا كمان التوفيق
محمد رجب