|
مشاهدة النسخة كاملة : بتحب مصر؟----طب ليه!!!!! kotcha 09-10-2008, 09:35 PM طول عمر نفسى امسك كل واحد اشوفة وقالوا سوال . انت بتحب مصر طيب ليه :bosyht9: ممكن كل واحد يسال نفسه السوال ده ويجوبنى عليه:d:d 7med@ 09-10-2008, 10:45 PM علشان دي بلدي وفيها اهلي واصحابي prince man 15-10-2008, 06:19 PM انا بحب مصر عشان اى واحد طبيعى المفروض يحب وطنه مش يقعد طرزان كده Mr Abo Ammar 16-10-2008, 10:37 PM الأخت الفاضله حب الوطن فرض علينا حتي لولم يكن أجمل وطن ولا هو المثالي مثل أنك تحبين أمك مهما أساءت لك وتحبينها مع أنها ليست أجمل إمرأة في العالم مثلا ولكنك تحبينها فالوطن كذلك. بارك الله فيكي مروه 17-10-2008, 12:28 AM أكيد طبعا بحب بلدى بحبها ليه دى عشان حاجات كتير اوى كفايه انها بلدى sad heart@ 21-10-2008, 05:29 PM لو مهما قلت مش كفايه هيا مصر لوحدها اساساً كوطن يتمنى اى جنس بشرى لعى لارض تكون دى ارضه ووطنه عشان كدة حبيتها وحبيتها عشان شفت الملااااااااااااااين الى فيها بيقولو يخرب بيت دى بلد يخرب بيت الزباله يخرب بيت الفقر والجوع والظلم والفساد والزحمه والمواصلات وكل شىء فاسد فى البلد حبيتها عشان شفت الملاااااين الى فيها بيقولو كل حاجه وحشه المفروض تبقى فيها وفى الاخر يقولو بس عااااااااااااااجبانا اوى ومش هنسيبها الا لما نموت دة وطنا حلو وحش وطنا ارضنا عرضنا شرفنا حبيتها عشان النيل والناس والمصريين وخفه الدم والاثار والحضارة وقناة السويس ودهب وشرم الشيخ وطابا والبحر الاحمر سفاجا الاقصر اسوان القاهرة................ قاهرة المعز لدين الله الفاطمى فى اييييييييييييه؟ اقول ايه تانى؟ هنا الفقي 23-10-2008, 06:49 AM الأخت الفاضله حب الوطن فرض علينا حتي لولم يكن أجمل وطن ولا هو المثالي مثل أنك تحبين أمك مهما أساءت لك وتحبينها مع أنها ليست أجمل إمرأة في العالم مثلا ولكنك تحبينها فالوطن كذلك. بارك الله فيكي يعني اقول ايه ماشاء الله عليك والله العظيم انا كنت داخلة عشان هاكتب كده mR . mOstafa Fathi 01-11-2008, 04:13 PM حب الوطن فرض علينا حتي لولم يكن أجمل وطن ولا هو المثالي مثل أنك تحبين أمك مهما أساءت لك وتحبينها مع أنها ليست أجمل إمرأة في العالم مثلا ولكنك تحبينها فالوطن كذلك بالظبط هو علشان مدير اى شركة كانت وحش يبقى الكل وحش لا مصر بحبها اتربيت فيها وفيها كل الحبايب محدش بيكره وطنه _GUIDE_ 01-11-2008, 04:17 PM بتحب مصر؟----طب ليه!!!!! هقول ايه اكتر من اللى قالته شيرين مشربتش من نيلها (وجالك التهاب كبدى من التلوث) .... فكرت تغنلها فكرت فى عز ما تمشى فى شورعها وتشكلها (وتقع فى بلاعه او حفرة ) عرفتى ليه بحب مصر حب ايه اللى انتى غايه تقولى عليه لا مبحبش مصر بقيت بكره مصر وعايش فيها لانى عايش بفلوسى بدفع مايه ونور وضرائب وكفاة مستحقتها قاعد فى شقة مفروشة بالظبط :) dr.saeed 01-11-2008, 04:42 PM لاسباب كتير الدولة الوحيدة الى ذكرت فى القران خمس مرات مع العلم ان مكة مدينة مش دولة لان حب الوطن فرض عليك وتعديل الفساد الموجود بردة فرض عليك نهر النيل ذكر فى السنة انه هو والفرات من انهار الجنة مش عشان الحكومةتعبانة والشعب نايم على ودنه يبقى الواحد يكره بلده فيه فرق كبير جدا بين الحكومة والارض فى 73 الناس ضحت بعمرها وحياتها عشانى وعشانك بس لما بنيجى نفكر فى المصريين مش بنفكر غير فى الفئة التافه اسئل نفسك ليه الناس كانت بتحارب عشان تدافع عن مصر؟ اسئل بردة نفسك ليه الى كان طالع يحط العلم وافق انه هو الى يحطه بالرغم انه معروف جدا ان جسمه فى الثانيه الى هايحط فيها العلم على ارض سينا هياخدله فيها مالا يقل عن 30 40 طلقة اسئل نفسك ليه النبى صلى الله عليه وسلم بالرغم من كل التعذيب والاهانة الى شافها من اهله ومدينته كان حزين جدا لفراقها اسئل نفسك بردة ليه لما والواحد بيغترب بيحس بشور عمره ما يحسه واحد قاعد فى بيته وخلاص ومشكور على موضوعك فى امان الله أسيل رزق 01-11-2008, 06:32 PM لاسباب كتير الدولة الوحيدة الى ذكرت فى القران خمس مرات مع العلم ان مكة مدينة مش دولة لان حب الوطن فرض عليك وتعديل الفساد الموجود بردة فرض عليك نهر النيل ذكر فى السنة انه هو والفرات من انهار الجنة مش عشان الحكومةتعبانة والشعب نايم على ودنه يبقى الواحد يكره بلده فيه فرق كبير جدا بين الحكومة والارض فى 73 الناس ضحت بعمرها وحياتها عشانى وعشانك بس لما بنيجى نفكر فى المصريين مش بنفكر غير فى الفئة التافه اسئل نفسك ليه الناس كانت بتحارب عشان تدافع عن مصر؟ اسئل بردة نفسك ليه الى كان طالع يحط العلم وافق انه هو الى يحطه بالرغم انه معروف جدا ان جسمه فى الثانيه الى هايحط فيها العلم على ارض سينا هياخدله فيها مالا يقل عن 30 40 طلقة اسئل نفسك ليه النبى صلى الله عليه وسلم بالرغم من كل التعذيب والاهانة الى شافها من اهله ومدينته كان حزين جدا لفراقها اسئل نفسك بردة ليه لما والواحد بيغترب بيحس بشور عمره ما يحسه واحد قاعد فى بيته وخلاص ومشكور على موضوعك فى امان الله بتهيقلى مفيش كلام يتقال أكتر من كده مش علشان الحكومة فاسدة يبقا نكره بلدنا زى بالظبط الشخص الفاسد مهما حصل منه صعب إن أمه وأبوه وإخواته يكرهوه وشكراً على سؤالك أمير الظلام 01-11-2008, 07:18 PM لا مش بحبها ونفسى أغور واتنيل أمشى منها وأهاجر الى أى مكان ان شاء الله حتى مدغشقر النهاردة قبل بكرة أسيل رزق 01-11-2008, 07:35 PM لا حول ولا قوة إلا بالله هقول إيه غير كده يعنى على الكلام اللى إتقال ده؟؟!!! يعنى البلد اللى هتهاجرلها هتعتبرك واحد منها وتديك شقة و توفرلك شغل كل اللى بيتخيلوا كده بيرجعوا إيد ورا وإيد ادام ويمكن ما يرجعوش حتى لو هنا مفيش شغل والحياة كئيبة يبقا أحسن تكون فيها بكرامتك بدل ماتخرج منها و تنعدم الكرامة ربنا يهدينا أجمعين الوحيدة 01-11-2008, 07:44 PM لا مش بحبها ونفسى أغور واتنيل أمشى منها وأهاجر الى أى مكان ان شاء الله حتى مدغشقر النهاردة قبل بكرة بصراحة أنا كنت داخلة أقول كدة بس لقيت كلهم حابين مصر إتخضيت بجد مصر بقت لا تطااااااااااااااااااااااااااق :mad: هو إنتم مش عايشين معانا ولا إية :angry2: أسيل رزق 01-11-2008, 08:32 PM مش مصر هى اللى لا تطاق اللى فيها هما اللى لا يطاقوا dr.saeed 01-11-2008, 09:38 PM مش مصر هى اللى لا تطاق اللى فيها هما اللى لا يطاقوا صلى على النبى ريحى دماغك من الموضوع دة لان الردود انا عارف انها هاتكون كدة من قبل ما يتعمل بصوا ومن غير مجاملة كتير مننا يعرفوا قصة الغلام الى ادت لقصة اصحاب الاخدود المهم انا عاوز اقف فيها على حتة واحدة بس الملك بعت الغلام مع بعض جنوده عشان يرموه من فوق الجبل المهم دعى ربنا ان يكفيه شر الملك وجنوده الجنود كلهم ماتوا السؤال هنا انت عندك رسالة عاوز توصلها ايه هى الرسالة الى الغلام كان عاوز يوصلها كان عاوز يوصل للمدينة كلها ان الملك مش هايقدر يقتله الا لو قال بسم الله لو انت كنت مكان الغلام وكل الجنود ماتوا الى حوليك هاترجع للمك تانى رغم انك عارف انه هايقتلك هايقتلك لانه على اقل تقدير لو زهق من قتلك هايجرب يقول بسم الله وهايقتلك لو كنت مكان الغلام كنت هاتهرب ولا هاتعمل ايه اكيد معظم الاجوبة اهرب واعبد ربنا وخلاص لا الغلام راح بردة للملك وبعد عدة محاولات فشل الملك فى قتله وفى الاخر الملك سمى الله ورماه بالسهم ومات الغلام وبدأ يحصل الى زكر فى سورة البروج هاتقولولى قصدك ايه دقصدى لو واحد راح بس مرة لامن الدولة مش عاوز اقول خلاص بيعتبر نفسه انه اتأزى ازيه ماحدش شافها وهو مش عارف ان فيه ناس من الصحابة كانت جلودهم بتتحرق ادام عينيهم عشان يتركوا الاسلام بس الفرق هما عندهم غاية وهدف عارفين ليه يسيبوا انفسهم تتألم انما العرب لا خلينى جنب الحيط احسن وزى ما القران زكر ان بعض الناس بتجعل فتنة الناس كعزاب الله عموما العرب هايفضلوا كدة لغاية نزول المهدى المنتظر فاكرين ان المسئوليه كللها على الحكام وان يوم القيامة اشد الناس عزابا هم الحكام وهما ربنا مش هايسالهم ليه سابوا الظلم دة المصريين مثلا ايه يعنى الى حصل بعد اضراب المحلة الحكومة مش فاقت شوية للموضوع دة انما لو كانوا نايمين خالص ولا الحكومة كانت هاتلتف ليهم اصلا عموما انا قلت بعض الى عندى وعارف ان بردة الردود هاتفضل بنكره بنكره احنا فاكرين ان حب الدولة هو ان لما مصر تدخل كاس الامم نقعد ندعيلها انها تاخده ولما نفوز كل واحد يروح يقابل اصحابه ويشغلوا اغانى على اخرها ويقعدوا مع البنات احتفالا بفوز مصر اسلام المرشد انا عن نفسى شفتله رد فى موضوع تعالوا نتناقش بتاع ارق ملاك فى قسم القضية العربية انه قال انه فعلا كان فرحان جدا بعد فوز مصر وفعلا كلنا كنا كدة بس الى وقفنى فى رده انه قال الواحد بيحب البلد دى بس هى بقت كأنها محتلة فعلا مصر دلوقتى تعتبر محتلة من قلة عصابات كل واحد فيهم عمل انقلاب فى دولة من الدول وتربع على حكمها والشعب بيتفرج وكلنا هانسأل ليه شفنا الظلم وفضلنا نتفرج عليه عموما جزاكم الله خيرا وشكرا لطرح الموضوع فى امان الله nanes 02-11-2008, 12:29 PM لا مش بحبها ونفسى أغور واتنيل أمشى منها وأهاجر الى أى مكان ان شاء الله حتى مدغشقر النهاردة قبل بكرة ياخويا امشي منها وهتشوف ساعتها ...كلو مفكر ان بلاد برة (( زي ما بتقولو )) مثلا جنه او اي حاجه .. اه هناك بتلاقي فلوس واه بتلاقي شغل وشقه وعربيه .. بس مفيش حضن بلدك ..مفيش اهلك وناسك مفيش صحابك والأيام الحلوة ..مفيش داعي يا عمنا ...هو صحيح مفيش اي سبب منطقي يخليك ويخليني ويخلي اي حد يحب مصر .. بس بجد اللي مجرب وفارفها قال ف الدنيا مفيش بعديها طـفـلـة الامـس 02-11-2008, 11:39 PM صلى على النبى ريحى دماغك من الموضوع دة لان الردود انا عارف انها هاتكون كدة من قبل ما يتعمل بصوا ومن غير مجاملة كتير مننا يعرفوا قصة الغلام الى ادت لقصة اصحاب الاخدود المهم انا عاوز اقف فيها على حتة واحدة بس الملك بعت الغلام مع بعض جنوده عشان يرموه من فوق الجبل المهم دعى ربنا ان يكفيه شر الملك وجنوده الجنود كلهم ماتوا السؤال هنا انت عندك رسالة عاوز توصلها ايه هى الرسالة الى الغلام كان عاوز يوصلها كان عاوز يوصل للمدينة كلها ان الملك مش هايقدر يقتله الا لو قال بسم الله لو انت كنت مكان الغلام وكل الجنود ماتوا الى حوليك هاترجع للمك تانى رغم انك عارف انه هايقتلك هايقتلك لانه على اقل تقدير لو زهق من قتلك هايجرب يقول بسم الله وهايقتلك لو كنت مكان الغلام كنت هاتهرب ولا هاتعمل ايه اكيد معظم الاجوبة اهرب واعبد ربنا وخلاص لا الغلام راح بردة للملك وبعد عدة محاولات فشل الملك فى قتله وفى الاخر الملك سمى الله ورماه بالسهم ومات الغلام وبدأ يحصل الى زكر فى سورة البروج هاتقولولى قصدك ايه دقصدى لو واحد راح بس مرة لامن الدولة مش عاوز اقول خلاص بيعتبر نفسه انه اتأزى ازيه ماحدش شافها وهو مش عارف ان فيه ناس من الصحابة كانت جلودهم بتتحرق ادام عينيهم عشان يتركوا الاسلام بس الفرق هما عندهم غاية وهدف عارفين ليه يسيبوا انفسهم تتألم انما العرب لا خلينى جنب الحيط احسن وزى ما القران زكر ان بعض الناس بتجعل فتنة الناس كعزاب الله عموما العرب هايفضلوا كدة لغاية نزول المهدى المنتظر فاكرين ان المسئوليه كللها على الحكام وان يوم القيامة اشد الناس عزابا هم الحكام وهما ربنا مش هايسالهم ليه سابوا الظلم دة المصريين مثلا ايه يعنى الى حصل بعد اضراب المحلة الحكومة مش فاقت شوية للموضوع دة انما لو كانوا نايمين خالص ولا الحكومة كانت هاتلتف ليهم اصلا عموما انا قلت بعض الى عندى وعارف ان بردة الردود هاتفضل بنكره بنكره احنا فاكرين ان حب الدولة هو ان لما مصر تدخل كاس الامم نقعد ندعيلها انها تاخده ولما نفوز كل واحد يروح يقابل اصحابه ويشغلوا اغانى على اخرها ويقعدوا مع البنات احتفالا بفوز مصر اسلام المرشد انا عن نفسى شفتله رد فى موضوع تعالوا نتناقش بتاع ارق ملاك فى قسم القضية العربية انه قال انه فعلا كان فرحان جدا بعد فوز مصر وفعلا كلنا كنا كدة بس الى وقفنى فى رده انه قال الواحد بيحب البلد دى بس هى بقت كأنها محتلة فعلا مصر دلوقتى تعتبر محتلة من قلة عصابات كل واحد فيهم عمل انقلاب فى دولة من الدول وتربع على حكمها والشعب بيتفرج وكلنا هانسأل ليه شفنا الظلم وفضلنا نتفرج عليه عموما جزاكم الله خيرا وشكرا لطرح الموضوع فى امان الله كل ده رد ده موضوع لوحده ممكن اقول رايى فى الموضوع ده احنا لو شايفين اى سلبيات وهى اللى مكرهانا فيها فاحنا السبب فيها فى الاول وفى الاخر اما تلاقى كل واحد بايع القضية ويقولك ماحدش بياخد حقه فى البلد دى والمصيبة انهم بيتمادوا فى الكلام ده لحد مابيصدقوا نفسهم والفكرة دى بتتمركز فى عقلياتهم ويجعلوا اللى حواليهم نفس النظام طب مستنيين ايه بعد كده؟!! حد هاييجى يقولهم اتفضلوا حقكم اهو احنا اللى المفروض نسعى وراء كل حاجة كانت صاحبتى من شهر تقريبا بتحكيلى على مدرسة فى منطقة العجمى بالاسكندرية هى المدرسة بتاعة اخوان وفى وشها دير طبعا كانت بتحصل اجتماعات مستمرة فى المدرسة فراحوا اشتكوا منها وجابوا قرار باغلاق المدرسة راحوا اصحاب المدرسة وكل من يعمل بها للقضاء واخدوا منهم تصريح بفتح المدرسة والحكومة مش موافقة يعنى ماشاء الله تعارض مابين الحكومة والقضاء مش هى دى المشكلة الاولاد اللى كانوا فى المدرسة واولياء امورهم يروحوا يوميا يقفوا ادام المدرسة ويتحايلوا على رجال الامن يدخلوهم ودول مفيش منهم فايدة ولا بيلينوا ابدا لا للاطفال ولا اولياء الامور جه واحد شد معاهم شوية فى الكلام مش هاقدر اقولكم ايه اللى اتعمل فيه اتضرب على القصبة الاولى من رقبته بكل حاجة (شوم وعصيان من اللى بيبقوا ماسكينهم) النخاع الشوكى اتقطع يعنى جاله شلل رباعى وفقد القدرة على كل حاجة يعنى انتهى خلاص لو كان توفى كان هايبقى احسنله من اللى حصل ده ممكن احس بايه بعد اللى حصل ده ايه شعورك لما تسمع حاجة زى كده وبنت صاحبة اختى عشان النقاب اسمها بيتاخد يوميا وهى داخلة الكلية ( بيعملولها تحرى) بقينا فى اوروبا اعتقد ان دى حاجات اهى مالناش دخل فيها يعنى فى حاجات احنا اللى بنزودها عن حدها انما زى اللى انا بقولها دى احنا ايه دخلنا فيها ممكن احس بايه لما اشوف المناظر ويتحكالى دوما حاجات اصعب من دى وتبقى مصر لها منزلتها مهما حدث ماشفتوش مشارى راشد وهو فى دار الاوبرا هنا فى اسكندرية بيغنلها يوم السبت 25/10/2008 كنت حسة انى هاعيط وانا بسمعها هو كان بيقول وهو حاسس بس انا للاسف مش قادرة اعيش الاحساس ده من ضمن النشيد رب العباد يا ام البلاد ياما اصطفى ذكرك اهلك حبايبى طيبين وهاعيش واموت فاكرك وطبعا ماننساش ندعى لكل حكامنا بالهداية والتوفيق دائما وماندعيش عليهم ايا كانوا (باين ان الرد ده اطول يادكتور) فى رعاية الله فداك يامصر 19-11-2008, 08:39 PM ما اختارنا حبك يا وطني لكن الله قد اختارا حب الأوطان من الإيمان إنا لنعلن أسرارا اللي مجرب وفارقها قال في الدنيا مفيش بعديها ، أنا جربت العيشة برا مصر قرق وزهق وملل ومحدش هيعرف قيمتها إلا أما يهاجر ويسبها ميراج 19-11-2008, 09:15 PM النصيب هعمل ايه حسبناالله ونعم الوكيل فى دى بلد ellama 20-11-2008, 09:12 PM الأخت الفاضله حب الوطن فرض علينا حتي لولم يكن أجمل وطن ولا هو المثالي مثل أنك تحبين أمك مهما أساءت لك وتحبينها مع أنها ليست أجمل إمرأة في العالم مثلا ولكنك تحبينها فالوطن كذلك. بارك الله فيكي هو دة الكلام ولا بلاش أ.مصطفي نور 30-11-2008, 03:33 AM السلام عليكم ورحمه الله اولا بنحب مصر لانها بلدنا لان من الطبيعي جدا كل واحد مش بيرتاح الا في بلده دا أولاً ثانيا اننا المفروض نذكر بعض المميزات ولو قليله عشان نقدر نصمد ونستحمل ومفيش حياه سهله يا جماعه وكمان مصر اللي مش عاجبه البعض دي فعلا بلد الامن والامان كفايه بس اي واحده بتروح من شغلها الساعه 12 او 11 مساءا ولا يستطع احد ان يتعرض لها او واحد برده دي ميزه مش موجوده في اي بلد في العالم اكرر في اي بلد في العالم و اظن فيه حد هنا من المملكة السعوديه يذكرلكم ازاي هناك بيخطفوا النساء الساعه 8 مساءا وبتحصل دون ان ي حد يتكلم فرجاء ايها الاخوه تحلو بالمميزات قبل ان تستاءوا من العيوب جزاكم الله خيراً هانى الشرقاوى 30-11-2008, 07:53 PM أنا مش بحبها مش بحبها مش بحبها ومخنوق من امها واللى قال مصر دى امى كداب لانها مرات أبويا أنا نفسى أتنيل وأغور ومش منها وأروح أى حته فى العالم ان شاء الله حتى جزيرة سيشل أو دارفور أو أى مخروبة بعيد عن البلد دى وأنا اللى غلطت من الاول ان رجعتلها بس معلش كله يصلح شيماء شريف 30-11-2008, 10:50 PM ياجماعة والله الدنيا حلوة ومصر جميلة وبلد طيبة بحبها عشان جيرانى واصحابى وكل الناس اللى عشت واتربيت فى وسطهم طيبين لو رحتى مكان تانى دنا لو رحت وغيبت شوية عن بيتنا مش بعرف اخد راحتى اهى مصر كده بالظبط بيتى لو خرجت منها معرفشى اعيش فيها كل حاجة عشتها وحبيتها ااقوم اسيبها منيفعشى واينعم العيشة صعبة دلوقتى بس تفتكر مهما تسافر وتجمع فى فلوس بتخسر قبال كده حاجات كتيرة اوى وانا مجربة والله لان معظم منطقتنا مسافرة برة مصر والواحد يقعد بال15 سنة برة ويرجع بفلوس بس والله والله شهر ولا اتنين ويموت وبيكون تعبان قبلها وتعب وحش ربنا يكفينا الشر فالغربة مش حلوة وزى مابتديك بتاخد وبتاخد كتير يكفى انك لو متجوز ومخلف وبتنزل لولادك كل سنة بيعتبروك غريب عنهم (ضيف)جاى تقعد شهرين وتمشى المهم عندهم الفلوس عشان يصرفوا وبس لما تكون عايش مع اسرتك وراضى بالقليل بس عندك رضا وستر وقناعة وتربى اولادك على الخير والصلاح وتقعد وسط اهلك واقسم بالله احسنلك مليون مرة من ملايين بتجمع فيها وانت بعيد عنهم ياريت تكونوا فهمتوا حاجة من كلامى ويكون وصلكم Golden Eagle 01-12-2008, 02:06 PM و الله دي يمكن رابع مره أدخل الموضوع ده و ف كل مره ما كنتش عارف أكتب إيه بحب مصر بس المشكله أني مش عارف ليه !!!!!!!!!! رغم الحاله الزفت اللي عايشينها و رغم الفقر و الجوع رغم الفساد و الوسايط و الناس اللي بتموت و ما لهاش ديه بس برضو لو دخلت مصر مثلا ً حرب ( ف الحلم طبعا ً )ما أظنش أني هاعمل حاجه غير أني أحارب برضايا من غير إجبار يا ريت لو حد فهم اللي أنا كتبته يترجملي الحاله دي إيه shouaeb 27-01-2009, 01:17 AM يوجد حكمة صينية تقول لتكن جميلة او قبيحة فهى بلدى بس منى ذكى 27-01-2009, 05:35 AM علشان بحب شوارعها وناسها الطيبين وعلشان ملناش ولا نعرف بلد غيرها BaNZeR 27-01-2009, 08:03 AM بعد اللى قلته يا د/سعيد معنديش كلام تاني بجد حبها غريزة فطرية احياناً ادعي إني بكره مصر بس حتى في الالعاب لما العب لعبة ويكون فيها اختيار بلد بلاقيني فرحت اوي لما القى مصر واختارها بفرح لما الاقي منتخبنا وضعه اسمه في قمة الفرق الافريقية بفخر لما اختار دولتي مصر على اي حساب ليا عالنت (عضوية يعني) بجد كفاية تشريف القرآن والحديث للبلد ده البلد اللى لو كتبت فيها مواضيع تعبير في السياسة بس مش حتكفي في العلوم بس مش حتكفي في السياحة والآثار اللى فيها مش حتكفي في تاريخها العريق مش حتكفي في الشخصية المصرية على طول الازمنة برده مش حتكفي الكلام مهما قلت مش حعرف اوفي مصر حقها من الاف السنين مصر بلد جديرة بالاحترام مصر كانت في يوم من الايام سيدة العالم ومازالت وإلا لما التفت إليها كل محتلين العالم الضوء الشارد 28-01-2009, 12:06 AM على اسم مصر التاريخ يقدر يقول ما شاء انا مصر عندى احب واجمل الاشياء بحبها وهية مالكة الارض شرق وغرب وبحبها وهية مرمية جريحة حرب بحبها بعنف وبرئة وعلى استحياء واكرها والعن ابوها بعشق زى الداء واسيبها واطفش فى درب وتبقى هى فى درب وتنده تلاقينى جنبها فى الكرب.طبعا دى مش كلامى دى كلام الأستاذ صلاح جاهين اللى بيقول احنا بنحب مصر ليه. سـهيـلـة 11-02-2009, 03:52 PM اكيد علشان هى بلدى وهى اللى انا اتولدت على ارضها وترعرت فى خيراتها وطبعا زى ما قال د/ سعيد ان مصر ذكرت 5 مرات فى القران فده شرف كبييير جدا لينا كمصريين lamar 21-02-2009, 10:19 AM اكيد بحب مصر هو صحيح اوضاعها بقت صعب وصفها بس ده مش مبرر اننا نكرهها ونتمنى اننا نسيبها ونمشى بالعكس لازم نفضل فيها ونحاول نطلعلها من القاع اللى وصلت ليه واللى بيشوف ان الكلام ده عبيط ومالهوش وانه مش بياكل جعان ولا بيجيب وظيفة لعاطل ولا بيسكن واحد نايم على الرصيف ولا بيحافظ لطفل من اطفال الشوارع على اعضاؤه ولا ولا ولاحاجات كتيرة اوى اقوله افتكر معايا هو ربنا اصلا خلقنا ليه؟ عشان حاجتين : عبادته وعمارة الكون عبادته وعرفناها من كتابه عز وجل وسنة رسوله الكريم ويا ترى ايه هى عمارة الكون؟ ان الواحد فينا يتعلم وياخد شهادة كبيرة وبعديها يلاقى شغلانة محترمة بمرتب كبير وانه يجيب شقة وعربية ويقدر يجوز! معقول الدنيا المفروض انها سهلة كده مفيهاش اى كفاح او جهاد ولا عمارة الكون بارساء الخير والفضيلة والعمل والاخلاص والتقدم الى كل يسمو بالانسان روحيا وفكريا واجتماعيا بتحقيق العدل ورفع صوت الحق ودحض الباطل بالمساواة والحرية ورفع الظلم وبمحاربة الفساد والمفسدين فى الارض اعتقد هى دى عمارة الكون اللى احنا مطالبين به واللى احنا برده عايزين نهرب من ادائها عايزين نهرب من السبب والهدف من وجودنا فى الحياة بندق__2007 23-02-2009, 06:49 PM موضوع حلو أوى أوى أوى يا Kotcha و سؤال مهم جدا ليه ؟؟ بنحب مصر ليه ؟؟ بس بعد إذنك تعرفوا إيه السؤال الأهم و اللى اجابته هتقودنا مباشرة لسؤال ( ليه ) عارفين ايه هو السؤال بنحب مصر انهى ..... بنحب ايه فى مصر ...... ؟؟ مصر النيل و الاهرامات و لا مصر الفراعنة و التفوق التاريخى و لا مصر الناس و الأهل و لا مصر الشوارع و الميادين و لا مصر الحكومة و الحزب الفلانى و لا مصر قريتى اللى اتربيت فيها و لا مصر زعيمة العرب و قائد الاقليم و لا ولا ولا ولا و لا انهى مصر بتحب ايه فى مصر هيخليك تعرف بتحب مصر ليه عبدالله شلبي 01-03-2009, 09:32 PM عفوا .. مصر متتحبش ..؛ تقبلي ردي المتواضع ..؛ احمد بن عبدالله 20-05-2009, 06:46 PM كله بيقول بحبها وموش بحبها بحبها ومش عارف ليه اولا حب الاوطان من الايمان ثانيا كلنا سبب فى اللى بيحصل فى مصر وكلنا سنحاسب بالفساد ده ومش هقول لاننا ساكتين عليه معظم اللى فى المنتدى هنا مدرسيين حد فيكم يقولى عمل ايه عشان يصلح المناهج الفساده اللى بنربى ولادنا عليها دى حد علم ولاده فى المدرسه حب الوطن وحاول يخرج جيل واعى عنده ضمير وجواه هم اصلاح حال البلد دى احنا بنتكلم عن الحكومه الوسخه دى كانها هى 90 ولا80مليون مواطن دول شرذمه قليله وربنا ابتلانا بيهم بسبب اعمالنا ومش هيتغيروا الا لو احنا فعلا اتغير حالنا ورجعنا لربنا ان الله لا يغيير ما بقوم حتى يغيروا ما بانفسهم ويقول العلما ان ما الاولى متعلقه بماء الثانيه اى ان تغير الحال متعلق بتغير ما بنفس فلو فعلا بنحب البلد دىوخايفين عليها لازم نتغير بجد ونرجع لدينا واسلامنا الصحيح سيبونا بقى من حكايه الجماعات والاخوان والكلام الفاضى ده كله لازم نرجع لصحيح الدين يا اخوانا مش لاراء وجماعات وفرق لاء صحيح الدين عشان ربنا يصلح حال البلد دى ومش نكرهها زى البعض ما بيقوللو احنا اتغيرنا بجد البلد دى هتتغير وتبقى فعلا ام الدنيا مش امنا احنا بس ولا مرات ابوى زى الاخ اللى بيقول انها مرات ابوه ويارب يكون كلامى المقصود منه وصلكم يلا سلام عليكم Mr. Medhat Salah 20-05-2009, 08:14 PM بحبك يامصر بحبك ومهما قولت الزير سالم 06-06-2009, 01:52 PM قالولي بتحب مصر فقلت مش عارف أحب اقعد على القهوة مع القاعدين وابص في وشوش بشر مش مخلوقين من طين واحد كإنه تحتمس، يشرب القرفة والتاني غلبان يلف اللقمة في الجرانين والتالتة من بلكونتها تنادي الواد والواد بيلعب وغالبهم ثلاثة اتنين أتوبيس كإنه كوساية محشي بني آدمين أقول بحكم القاموس، إن الهواء جماد واشم ريحة شياط بس اللي شايفه رماد عكازة الشيخ منين نابت عليها زناد يسند على الناس ويعرج من شمال ليمين والراديو جايب خبر م القدس أو بغداد قالولي بتحب مصر فقلت مش عارف لا جيتها سايح ولاني أعمى مش شايف ولاني هايف اردّ بخفّة وبسرعة وكل من رد يا كذاب يا هايف أصل المحبة بسيطة ومصر تركيبة ومصر حلوة ومُرَّة وشِرْحة وكئيبة دا نا اختصر منصب الشمس وأقول شمعة ولا اختصر مصر وانده مصر يا حبيبة يا أهل مصر اسمعوني واسمعو الباقيين إن كنت انا رحّلوني كلنا راحلين يا أهل مصر يا أصحابي يا نور العين يا شنطة المدرسة يا دفتر العناوين يا ضغطة البنت بلكراسة ع النهدين ترقص قصاد المراية، واحنا مش شايفين يا صحن سلطان حسن يا صحن كحك وتين يا ألف مدنا وجرس، لألف ملّة ودين يا أهل مصر اسمعوني، والكلام أمانات قلتولي بتحب مصر فقلت مش عارف روحوا اسألوا مصر هيّه عندها الإجابات شــــعر تميم البرغوثى وفى النهاية اقول بلادى وإن جارت على عزيزة وقومى وإن ضنوا على كرام يعنى بحبها وامرى لله JusT l0sT 06-06-2009, 06:42 PM طبعا بحبها كفايه اننا عايشين فى امان مش بنصحى كل يوم على صوت صواريخ او رصاص ومعتقدش ممكن نحس دا اوى الا اذا بعدنا عنها بغض النظر عن كل اللى احنا شايفينه فيها el sa7er 06-06-2009, 08:40 PM أنا مابحبش مصر .....واله كلمه بحبك يا مصر قليله ده أنا بموت فى ترابها وأولا أنا عاوز أقول لكل من قال انه لا يحبها أنت تقول هذا علشان إنت مش عارف تعملها إيه قاعد فيها فى أمان واخد رحتك على الآخر تأكل وتنام عمرك ما فكرتك تقوم بنفسك وتعمل لها حاجه حتى لو بسييطه ...... هترد عليا وأقول اعملها إيه يعنى فين الموارد اللى موفرهالى علشان أبدع أقولك مش لازم موارد عندك كثير من الطرق اللى تشرف بيها مصر أولهم: معامله السائحين أحسن معامله متخدش فلوسهم ولما حد يقولك كده حرام تقوله من شده الفقر أحلفلك بالله العظيم وأقسم بالله وأقسم بالله وأقسم بالله مافى واحد فى مصر فقير والله الناس كلها بتأكل وعايشه مش لازم تعيش عيشه بشواتى مش لازم يكون عندك عربيه مش لازم يكون عندك رصيد فى البنكمش لازم يكون عندك خدم وقصر ربنا وزع الارزاق على الناس .... عيش اليوم بيومه يا أخى وهتلاقى نفسك راضى وشاكر ربنا مش لازم تشتغل شغلانه حكومى عندك الشغل الخاص كثير والله والله والله إحنا عندنا فى القريه مافى واحد من غير شغل من الطفل إلى الشيخ بيشتغلوا مابيهمهمش يشتغلوا شغلانه حكومى المهم يجيبوا فلوس وأنا واحد منهم عيب يا مصرى لما تقول أنا بكره مصر إنت بتقول كده علشان إنت فاضى وإنت اللى عاوز تبقى فاضى إنت اللى كسول لكن أقسم بالله مره تانيه أن لو فى حرب على مصر إنت ياللى بتقول بكرهها هتقوم أول واحد تدافع عنها لو بطوبه مش بسلاح ومره تانيه عيب على أى واحد بيقول بكره مصر علشان مافى ولا واحد بيكره مصر وعلشان الردود أنا من الناس الميسورين الحال فى مصر عايش حياه بسيطه جدا أيام الدراسه أمى تصرف عليا من معاش أبى وانا محروج وهى تصرف على أما فى الأجازه أنزل الشغل من أول يوم وأجيب فلوس وأصرف على أمى فبلاش تقول بكره مصر candy nemo 07-06-2009, 12:11 AM معرفش انا بحبها ليه !! وميهمنيش اعرف كمان :) ... بس اللي اعرفه اني بعشقها وبموووووووووووت فيها والله والله والله بحبها جدااااااااااااااا رغم اللي بتعملو فينا (l) ... ينطبق عليها اغنية " بحبك وحشتيني" اوييييي -ده وانتي مطلعة عيني بحببببببك مووووت - :) dr.asmaa 07-06-2009, 12:12 PM نعيب زماننا والعيب فينا وما لزماننا عيب سوانا عارفين انا كاتبة بالاحمر لية لان الاحمر رمز لدم شبابنا اللى ماتوا فى الحرب عشان مصر انا بحب مصر بارغم من الفساد لانى مهما الف واسافر مش حاقدر اقول غير انى مصرية ولاحيبقى لية كرامة غير هنا فى بلدى يا جماعة احنا محتاجين لثورة لكن شبابنا عايز يسافر ويشتغل ويرتفع ببلدة غير بلدة ولو الشباب اشتغلوا هنا زى ما يشتغلوا هناك اكيد حالنا حيتغير ولو الناس مخافتش تتكلم وقالت لا اكيد حنتغير برضة ياريت اللى عايزين يسافروا يفكروا تانى habhoop 10-07-2009, 02:03 AM الصراحه انا بحب مصر مش عارفه ليه يمكن لان مشوفتش بلد تانيه تستحق ان الواحد يحبها غير مصر هواها وشمسها حتي زحمتها وبلاعتها علي راي بعض الاخوة بس كل بلاد ليها عيوبها واحنا اللي بنجيب العيوب دي الشعب هو اللي بيخرب ومش بيحافظ عليها مصر ملهاش ذنب كفايه ذكرها في القران اكتر من مرة ده فخر لينا بين كل الدول اكتر من فخرنا بالحضارات والفراعنه جنودنا حسن جنود الارض بس ان شاء الله مصر هترجع تاني احسن من الاول وهتقوم من جديد والناس اللي عايز تهاجر دي بكرة تروح يوم بس وتعرف قيمه بلدها koper_9992010 10-07-2009, 03:00 PM مهما كانت .... البلد اللي اتولدت فيها اللي عشت فيها اللي درست فيها اللي صاحبت وحبيت فيها .. بغض النظر عن قبحها او حسنها .... مقدرش محبهاش حتى لو كنت زعلان منها عشان اي سبب تافه نابع من ظروف سيئة في فترة ما ... واعتقد انها مظلومه بين دول العالم ... لأننا فعلا ً أقوياء أذكياء ... فالطفل المصري أذكى طفل في العالم ... بتقارير علمية موثقه .. المفروض نأخذ مكانة اكبر من كده بكتيييييييييير أوي ... لما منتخب مصر بيلعب ... بحس بالروح المصرية اللي اعتقد انها مش موجودة في اي دولة تانية غير مصر في العالم .. بجد يا جماعه كل حواسي بتشتغل وبشجع من قلبي .... الانسان المصري عنده القدرة انه يفعل اي شئ لو توافرت الروووووح .... ممكن نبقى افضل دولة في العالم ... بس لو غيرنا ثقافة الشعب و نبهناه بضرورة التقدم الحضاري ... عندها ... الروح المصرية ستشتعل وتتوهج ... وهنسوي البدع .... من قلبي ... انا مصري ... بحب مصر ... بحب النيل وكفر الشيخ والفيوم .... بحب كل شبر فيها .... مهما حصل :redface: yomna1993 11-07-2009, 01:16 AM الحب مفهوش ليه ولا ازاي:friendsxs3: و فعلا انا بحب مصر من غير حاجة (و الاهل و الاصحاب و الحبايب هم الي ربطنا بيها اكتر ) مهما تتعبنا فعلا و مهما نااََسي فيها (وقت الغضب كده ) و مرسي على السؤال الذيذ دا محمود12345 13-07-2009, 09:56 AM سؤال مهم بس يعنى لكل واحد فينا وجهة نظر وانا اعتقد انى بحبها علشاااااان حاجات كتير اوى ........... علشان فطااااااار الفول والفلافل كل يوم وعلشااااااااان نظام الثانوية الكوسة اللى احنا فية وكمان علشاااااان اهلها اللى عايشين فيها اللى هما عايشين ومش عارفين حاجة واكيد علشاااااااااان المنتخب اللى مش عارف يدخل كاس العالم وكمان علشاااااان نظااااام الوسايط يعنى اللى عندة وسطة هو اللى يسلك فيها والله اسباب كتير اوى قد النجوم بعدين انتم اتفرجتم على فيلم عايز حقى !!!!!!!!!!!!!! محمد ممدوح سعيد 08-08-2009, 02:29 PM بعيدااااااااااااا عن كل الردود السابقة لو عايز تعرف إنت بتحب مصر ولا بتكرهها باختصار اتفرج علي فيلم عايز حقي وشوف المشهد الرائع بين الراحل عبد المنعم مدبولي وهاني رمزي وإنت تعرف قد إيه إيه الواحد بيحب بلده مهما كانت ............................... |