التحرش الجنسي.. وجع في جسد مصر [الأرشيف] - بوابة الثانوية العامة المصرية

aly almasry

10-10-2008, 09:37 AM

التحرش الجنسي.. وجع في جسد مصر

http://media.gazayerli.net/photo.aspx?ID=89243&ImageWidth=240 (http://www.almasry-alyoum.com/popimage.aspx?ImageID=89243)
قهر.. كبت.. فراغ ثقافي.. أسباب للتحرش الجنسي، الذي أصبح بركاناً علي وشك أن يثور، يلقي علينا بحممه بين الحين والآخر، مما يمثل أجراس إنذار، لكنها فيما يبدو لا تصل إلي الآذان، فحوادث التحرش تتكرر، يكشف عن بعضها بالمصادفة لكن الكثير منها لا يتم الإعلان عنه، في ظل موروث ثقافي لا يشجع علي المواجهة.
الأمر الذي أصبح وجعاً في جسد مصر، ليس إلا نذير شؤم علي بنياننا الاجتماعي، خاصة أن دراسات وتقارير عديدة تشير إلي أن التحرش ليس في الشارع فقط، بل في منازلنا وأماكن عملنا أيضاً.

7med@

10-10-2008, 09:41 AM

فعلا الموضوع ده خطير جدا
وله اسباب منها تبرج الفتيات وضعف الوازع الديني لدى الشباب
والحل يكمن في التقرب إلى الله
وربنا يهدي المسلمين جميعا
بارك الله فيك وجزاك الله خيرا

محترف الأدسنس

10-10-2008, 10:17 AM

أولا وقبل كل شئ:::

التشريع المناسب....

مثلا...
في بعض الدول يتم اغلاق الحانات والملاهي الليلية في ساعة معينة.....

ثانيا:::
شغل أوقات الفراغ والتوزيع المناسب والعادل للثروة القومية.....

ثالثا:::
رفع وإعلاء شعور المسؤلية والدافع الأممي المتحرر لدى الشعب حتى ينهض ويترك الملهيات مستنهضا بنظرة علوية....

وهناك أشياء كثيرة لولا أني سأكون مملا لكتبتها.....

شكرا.....

aly almasry

10-10-2008, 02:03 PM

والله مشاركتان جميلتان وتصب فى الهدف
جزاكم الله خيرا ومنتظر اقتراحاتكم المفيدة

..Just Stop

10-10-2008, 06:24 PM

حضرتك اتكلمت عن الموضوع
بس ايه اسبابه وايه علاجه
تقريبا دا بيرجع للبطالة
الشاب من دول يتعلم 20 سنة وفى الاخر يلاقى القهوة مستنباه
وبعدها المخدرات تاخده بالحضن وتستمر المسيرة حتى تنتهى بغياب عقل الشباب مما يؤدى الى زيادة فرص التحرش الجنسى
دا ممكن يكون احد الاسباب
ان شاء الله لما الاقى نفسى فاضى هتكلم فى الموضوع ده
وعظيمة يا مصر

pureheart

10-10-2008, 06:50 PM

السبب فى الموضوع دة اكيد الشباب و بنسبة 95%
و البنات ىاللى بتبقى متبرجة محدش بيقربلها
يعنى فى الاحداث اللى حصلت فى العيد الصور اللى جأت فى برنامج العاشرة مساءاً لبنات محترمة
انا شايفة ان الحل فى الموضوع دة ان تصدر قوانين بقتل المغتصبين و حبس المتحرشين مش اقل من 10 سنين عشان ........دية تبطل

..Just Stop

10-10-2008, 06:58 PM

pureheart

10-10-2008, 07:24 PM

شكراً على التعديل:stickjo4:
بس احنا عارفين ان الحكومة مش حتوفر لهم شغل و لا عمل
و البنات مش حتحترم نفسها
طالما مفيش تشريعات تمنعهم من اللى بيعملوا
فلازم الحكومة تدخل بقوانين للحد من كل هذه الاشياء
اما الحلول اللى حضرتك قولتها فهى منطقية و لكن غير قابلة للتطبيق على الاقل فى الوقت الحالى

msamido

10-10-2008, 07:29 PM

أنا عايز أضيف للاسباب اللى اتقالت
إعلامنا المصرى المتميز دائما بيشحن عقول الشباب بكمية مناضر مسفة لا حصر لها .. طبيعى إن المخزون اللا واعى للشباب يدفعهم للكلام ده
كل صورة وكل مشهد وكل كليب بيضيف لمخزون الكبت اكتر وأكتر وبما إن الشباب طبعا صعب أوى يتجوز قبل 28 سنة طبيعى تصدر منه التصرفات دى.
..
.
اللهم إرفع عنا البلاء
.
.

aly almasry

11-10-2008, 09:16 AM

شكرا جدا لكلامكم المفيد وننتظر ان نخرج بتوصيات عملية ممكن ناهم نحن فيها

thesailor

11-10-2008, 01:24 PM

اهم حاجة تخلوا البنات تحترم نفسها وتلبس ملابس محترمة
لأن الشباب عندهم مشاعر وطاقة مكبوتة
طبقاً لغلاء الاسعار:الشباب هاتتجوز ازاي؟؟؟؟؟
انا شخصياً التمس لهم العذر لكن دة مايمنعش ان كدة غلط
البنت لو محترمة نفسها عمر ما حد هايتحرش بيها
هاتلي بنت محترمة حد اتحرش بيها

mido125

12-10-2008, 12:00 AM

من وجهة نظرى ده له سببين

اولا الاعلام وما يحضره امام اعيننا من مناظر تثير الشهوات وتحرك النفوس
ثانيا اللبس الذى ترديه الفتيات اليوم فى الشوارع , اللبس الذى يناقض الاسلام ويثير شهوات الشباب لان الشباب بشر وليسوا بالملائكة او بالمعصومين من الاخطـــــاء
فأنا ادعو كل فتــــــــاه تعانى من التحرش او مـــــن المعــاكسة ان تلتزم بالزى الاسلامى الصحيح لان والله لو هى التزمت باللبس المحترم الذى لايصف معالم الجســــــــم لن يجرؤ احد على الاقتراب منها او مضيايقتها

وشكرا على موضوعك البالغ الاهميـــــــة

pureheart

12-10-2008, 12:17 AM

بس قليل الادب مش بيفرق معاه حاجة لية:1_ عشان المخدرات اللى بيشربوها
2- الافلام اللى بيتفرجوا عليها فى الانترنت و اكيد الشباب اللى بيدافع عن المغتصبين و يقول عليهم انهم مكبوتين عارف الاى بيحصل فى الكافيهات بتاعت النت و اللى بتسبب الكبت
يعنى لو واحدة ماشية بنقاب و هم جتلهم حالة السعار بردة حيضروها

aly almasry

12-10-2008, 05:28 AM

لابد من وقفة جادة مع هذه الظاهرة التى جعلت الناس لاتامن على نسائهم وبناتهم واخواتهم

MohammeD el_SadaT

12-10-2008, 11:06 PM

الموضوع فعلاً كبير جداااً ويستاهل مناقشه
لكن أنا حالياً وقتى محدود لذلك هكتفى برد بسيط الآن

لكل فعل رد فعل
ده شىء مسلم به فحالياً بص على منظر الفتيات فى الشوارع وعلى منظر الشباب وحاول ترسم صوره فى ذهنك
كبريت بجوار بنزين
وكل مدى بيقترب أكتر وأكتر
النطيجه طبعاً
إنفجار
ودى نفسه النتيجه اللى بتترتب على منظر الفتيات والشباب بص للبس والأخلاق
أنا مش قادر أفهم إزاى أب ولا أم أخ ولا عم خال ولا خاله يسمح لبنت تخرج بالمنظر ده لبس من غير لبس

وفى النهايه نقول
إنتهاك وتحرش طب ما دى رد فعل متوقع

بجد الموضوع طويل وأنا لازم أخرج أوعدك إن شاء الله ليا رد تانى مفصل أكتر

aly almasry

12-10-2008, 11:26 PM

الموضوع فعلاً كبير جداااً ويستاهل مناقشه

لكن أنا حالياً وقتى محدود لذلك هكتفى برد بسيط الآن

لكل فعل رد فعل
ده شىء مسلم به فحالياً بص على منظر الفتيات فى الشوارع وعلى منظر الشباب وحاول ترسم صوره فى ذهنك
كبريت بجوار بنزين
وكل مدى بيقترب أكتر وأكتر
النطيجه طبعاً
إنفجار
ودى نفسه النتيجه اللى بتترتب على منظر الفتيات والشباب بص للبس والأخلاق
أنا مش قادر أفهم إزاى أب ولا أم أخ ولا عم خال ولا خاله يسمح لبنت تخرج بالمنظر ده لبس من غير لبس

وفى النهايه نقول
إنتهاك وتحرش طب ما دى رد فعل متوقع

بجد الموضوع طويل وأنا لازم أخرج أوعدك إن شاء الله ليا رد تانى مفصل أكتر

والله حضرتك لخصت جانب كبير من المشكلة "فجزاك الله خيرا "
لكن ياريت ننتقل من مرحلة التوصيف
الى مرحلة الاقتراح والحلول

kalefam

13-10-2008, 04:57 PM

السلام عليكم ورحمة الله وبركاتة
من وجهة نظرى :
إن التحرش الجنسى بيكون من جهة بعض الشباب نحو الفتيات و أحيانا بيكون من جهة الفتيات نحو الشباب
و الكلام دة أنا لمستة بنفسى وشفته بعينى الله أعلم إن كانت الفتاه قاصدة و لا مش قاصدة
و إن التحرش ده سلوك و بالتالى لا تنفع معه القوانين
إنما السلوك المعوج يقوم عن طريق التربية السليمة فى المنزل و فى المدرسة و الإعلام
عنى المجتمع بأسرة مشترك فى تقويم هذا السلوك الشاذ
عن طريق إعادة تربية أولادنا و بناتنا على السلوك السوى
و الإعلام يساعد على هذه التربية بمنع كل المواد التى تحض على هذه الأعمال المشينة
هذه وجهة نظرى
و السلام عليكم ورحمة الله وبركاتة

aly almasry

14-10-2008, 04:50 PM

Drowns in a sea grief

17-10-2008, 05:12 PM

السلام عليكم اولا
مع الاسف الكل لما بيجى يتكلم بيجيب العيب على البنت
انا معاكم ان فى بنات عوزة الحرق بالجاز و بتبقا مشيه منظرها قزر
بس الولد لما بيجبى يتنيل على عين اهلوا سورى فى اللفظ يعنى مبيشفش
مبيفرقش بين دى محترمه ولا دى زباله اولا هو الموضوع مرفوض اصلا
سوء مسلم ولا مسيحى كل الديانات بتحرم دة و هو لو عارف دينه كويس
مكنش يعمل حاجة زى دى محدش يقلى المنظر ادامه معرفش ايه و البنت معرفش مشيه ازاى هو لو فكر فى لحظة ان دة هيحصل اخته او ولدته
او اى وحدة تمس شرفة مكنش هيفكر فى نهائى
بنات كتير بتبقا مشيه محترمه و فى حلها و مش لبسه حاجة ضيقة
و تلاقى واحد ابن00000 و ميشبهاش فى حلها
المفروض ايه اللى يحصل يعنى نقعد فى بيتنا و مننزلش لا نتعلم ولا نشتغل
ال ايه عشان واحد اهلوا مش عرفة يربوة ولا عارف دينوا كويس
الواحد من كتر اللى بيشوفوا مبقاش عندة ثقه حتى فى الناس الكبار
لو كل شاب شايف نفسوا عاطل و بيقول ان البطاله هى السبب
فبيتهيقلى من الافضل انوا ينزل يدول على شغل ولا يحاول
يحسن من مستوى تعليمه مش يمشى يهتك فى اعراض الناس
والله دى بقت حاجة تقرف
اسفة ان كنت خرجت فى كلامى
او طولت عليكم بس بصراحة الموضوع دة منرفزنى جدا

CoMMaNdo

17-10-2008, 05:37 PM

الضوء الشارد

17-10-2008, 05:42 PM

أنا نفسى نعمل ذى دول العالم المتقدم. نجيب اللى بيتحرشوا ونشوف ايه اللى بيخليهم يعملوا كده . مع اعترافى طبعا انهم شباب مش محترم بس لازم نعمل كده وندرس المشكلة ونحاول نحلها لكن احنا فى مصر اخرنا كلام الشعارات . واكيد لو احنا بنطبق القانون والنظام صح فى مصر ماكنش يحصل كده . فيها ايه لو يقف عسكرى فى كل شارع ذى ماكان زمان .. أظن زمان ماكناش بنسمع عن المواضيع ده لأن الأمن كان مممستتب بس ياخسااااااااارة:angry2:

! MedOo

17-10-2008, 05:57 PM

الأمن كان مممستتب

وحيباتك انت الامن هم احيانا اللى بيبدأوا التحرش .. ولو بالكلام .. لانه شايف نفسه ليه سلطة .. ومحدش قده

مشكلة التحرش مينغعش تتعالج لوحدها .. فى مشاكل كتير ادت للتحرش .. لازم نعالج المشاكل دى الاول .. وبعدها نشوف موال التحرش

aly almasry

17-10-2008, 08:45 PM

الحل الامثل فى حاجة زى كده
اعدام اى مغتصب وحبس كل المتحرشين عشان طالما مفيش حاجة تخوف الشاب اكيد
مفيش حاجة هتمنعه على عمل حاجة زى كده...وده بالنسبة للشباب!

لكن للبنات يحسو على دمهم شوية بقى
ويلبسوا محترم اى نعم انا عارف ان المحترمه واللى مش محترمه باردو الاتنين بيتعرضو
للكلام ده لكن عشان تكون عملت اللى عليه من الناحية الدينية انها لابسه محترم جدا
وطووول ما هى مع ربنا ان شاء الله مش هيحصلها حاجة ولو حصل بقى .....
ربنا يحفظ الجميع يارب بنات وولاد.

انا معاك اننا يجب ان نغلظ الردع بمعنى لازم يكون هناك موقف شديد مع امثال هؤلاء
لكن الاسلام العظيم فيه مبدأ جميل جدا الا وهو د الذرائع
بمعنى لازم دراة المشكلة من جذورها ماهى الاسباب التى ادت لمثل هذا السلوك المشين
بطالة
عدم زواج
قلة تربية
وسط وبيئة مشجعة
اعلام هابط مبتذل
تعليم باهت
اصدقاء السوء
مجتمع صامت لايتحرك ولاينكر منكر
ولازم نحلها من جذورها منكتفيش بالعقوبة وفقط لاننا عاوزين مجتمع نظيف
بمعنى انك لن تعين وراء كل شاب حارس

النوبة

18-10-2008, 09:57 AM

على كلام حضرتك يبقا معملناش حاجة لو قانون الاعدام اتطبق
يعنى مثلا لو حد قتل حد بياخد اعدام ومع ذلك العالم مبتبطلش تقتيل فى بعضها
احنا عايزين حلول منطقية
لو هنتكلم عن الشباب هنقول عايزين نلغى البطالة ونزود الايمان فى النفوس والقرب من ربنا
لو البنات هنقول
عدم التبرج وهنقولهم ارحمونا اتقو الله فينا احنا بشر واحترمو نفسكو شوبة
لو هنتكلم عن الاهل
هنقول خلو بالكو من عيالكو
احسنو التربية
تابعو اولادكو ومتسيبوهمش يرزحو طريق الضلال برجليهم
ربنا يرزقنا التقوى
الموضوع كبير كبير كبير
انا معاك فى الى بتقوله لكن انا راى ان نبدا بالاهل لانهم البداية الطفل بيتولد نقى زى الصفحة البيضا فلو الاهل اهتموا بتربية الاولاد كويس مش هنلاقى البنت الى لابسه وحش ولا الولد الى مش محترم يعنى بالعربى البيت هو المسؤل الاول لكن للاسف فى البيت الاب مشغول اما بنفسه او بمصدر الرزق وكذلك الام اما مشغولة بنفسها او مشغولة بالطبيخ والغسيل----------وغيره يا ايها الاباء والامهات اولادنا هم اهم شئ فى الحياة وهم امانة عندنا وسيسالنا الله عز وجل عنها فهل انتم مستعدين لذلك اليوم وفقنا الله جميعا لاخراج جيل يرفع الامة وينفعها اللهم اميييين

النوبة

18-10-2008, 10:23 AM

على كلام حضرتك يبقا معملناش حاجة لو قانون الاعدام اتطبق
يعنى مثلا لو حد قتل حد بياخد اعدام ومع ذلك العالم مبتبطلش تقتيل فى بعضها
احنا عايزين حلول منطقية
لو هنتكلم عن الشباب هنقول عايزين نلغى البطالة ونزود الايمان فى النفوس والقرب من ربنا
لو البنات هنقول
عدم التبرج وهنقولهم ارحمونا اتقو الله فينا احنا بشر واحترمو نفسكو شوبة
لو هنتكلم عن الاهل
هنقول خلو بالكو من عيالكو
احسنو التربية
تابعو اولادكو ومتسيبوهمش يرزحو طريق الضلال برجليهم
ربنا يرزقنا التقوى
الموضوع كبير كبير كبير
لاخراج جيل ير انا معاك فى الى بتقوله لكن انا راى ان نبدا بالاهل لانهم البداية الطفل بيتولد نقى زى الصفحة البيضا فلو الاهل اهتموا بتربية الاولاد كويس مش هنلاقى البنت الى لابسه وحش ولا الولد الى مش محترم يعنى بالعربى البيت هو المسؤل الاول لكن للاسف فى البيت الاب مشغول اما بنفسه او بمصدر الرزق وكذلك الام اما مشغولة بنفسها او مشغولة بالطبيخ والغسيل----------وغيره يا ايوها الاباء والامهات اولادنا هم اهم شئ فى الحياة وهم امانة عندنا وسيسالنا الله عز وجل عنها فهل انتم مستعدين لذلك اليوم وفقنا الله جميعا فع الامة وينفعها اللهم اميييين

aly almasry

18-10-2008, 11:54 PM

انا شايف ان البيت عليه عامل كبير لكن ليس البيت فقط من يقع عليه المسئولية

ريم البنا

19-10-2008, 02:25 AM

انا من نظري ان سبب التحرش الجنسي الاتي \
اوللا\بطاله الشباب واوقاتهم الفارغه الذي يستغلونها استغلال سيء
ثانيا\لبس البنات اليومين دول الغير محترم والغير شرعي والذي يثير الشهوات
ثالثه\وسائل الاعلام والافلام الخليع والغير محترمه والكليبات
رابعا\ والاهم النت والمواقع الاباحيه
خامسا\ الجهل بالدين وعدم وجود وعي ديني
سادسا\ الانشغال عن تربيه الاولاد ومتابعتهم
سابعا\ التربيه الدينيه وده دور الوالدين
ثامنا\ المدارس لي بقت كوسه لسه من كام يوم قرات موضوع ان انتشرت الموبيلات في المداس وسمعت عن مدرسه بنين ثانويه ان انتشر فيه الموبيلات وللاسف بها اشياء قذره وصور اباحيه والهم الي بيضحك ان المدرسين اخذوا هذه الموبيلات من الطلاب بحجه امساكهم ولاكن للاسف الشديد والمحزن انهم بيتفرجوا عليها

والحل لهذه المشكله من نظري
1- الوعي الديني والاخلاقي
2- التربيه منذ الصغر لان التعلم في الصغر كالنقش علي الحجر وده له دور كبير وخاصا من الاباء والامهات والمدارس
3- علي الاباء والامهات متابعه ابنائهم
4-النت لابد من ان يكون له رقابه لان ده مصيبه لوحده
5- محاوله الشاب العاطل ان يشغل نفسه باي شيء يفيده
مثلا ياخذ دورات كمبيوتر كرسات في الانجلش لحد لما ربنا يفرجها من عنده
6-البنات لازم نوعيهم بالدين والاحترام والاحتشام لان صدقوني والله لو البنت محتشمه في لبسها لا يمكن حد يقرب منها ليه لانها حفظت نفسها ومفاتنها
وجزاكم الله خيراا علي طرح هذا الموضوع الشديد الاهميه
وربنا يهدي شباب وبنات المسلمين
ويحفظهم ويردهم ردا جميلا
اللهم امين
تقبلوا مروري

aly almasry

19-10-2008, 07:26 AM

aly almasry

19-10-2008, 09:28 AM

هؤلاء الشباب نتاج بيوت متصدعة، مفككة الأوصال واهية، فهي أوهي من بيت العنكبوت، لم يعد اختيار الزوج والزوجة بمعيار القيم الأخلاقية، ولم يعد السؤال عن البيئة والوسط الذي نشأت فيه الفتاة وتربت بين جنباته، بل أصبح اختيار الزوجة علي أساس المستوي المادي لوالدها، وكذلك الخاطب أصبح المعيار الحديث هل عنده شقة جاهزة أم لا؟! ما مقدار المهر والشبكة.. والفرح في أي قاعة؟ شهر العسل في الساحل الشمالي ولا الجنوبي؟.
الإسلام وضع الأساس السليم لبناء الأسرة في قول سيدنا محمد (صلي الله عليه وسلم) «إذا جاءكم من ترضون دينه وخلقه فزوجوه، وإلا تفعلوه تكن فتنة في الأرض وفساد كبير» ويقول في المرأة «تنكح المرأة لأربع، لمالها، ولحسبها، ولجمالها، ولدينها، فاظفر بذات الدين تربت يداك» .
فإذا وضع الخاطب نصب عينيه أن أهم هذه المعايير هو معيار الدين، وأنه بقدر حرصه علي ذلك بقدر ما يكون استقراره وسعادة أسرته، كذلك خروج الأم للعمل وترك الأطفال بين الخدم المأجورين والشارع، وسفر الأب للعمل تاركاً مسؤولياته.. الشاب عند سن المراهقة يكون محتاجاً للأب الصديق.
وعند فقدان الأب يجد الشاب ضالته في رفاق السوء.. لما لا يكون في مصر نظام راتب كامل للأم المحتاجة للعمل لفترة محددة وتتفرغ فيها لرعاية أطفالها؟.. لا يوجد أي اهتمام ببناء الإنسان.
فطفل اليوم هو رجل الغد، ضعف الرواتب يجعل الأب يعمل صباحاً ومساء، فينفصل عن أسرته.. لا رعاية ولا قدوة أمام الشاب سوي القنوات الفضائية المربحة لأصحابها.. المدمرة للمجتمعات المؤثرة أكثر من تعاطي المخدرات!!

هذا الكلام منقول من مشاركة فى احدى الصحف نقلتها للافادة

Drowns in a sea grief

20-10-2008, 01:39 PM

انتى داخله خناقه ولا ايه
هههههههههه
بس انا معاكى فى كل كلمه
لا والله لا دخله خناقة ولا حاجة
هو بس الموضوع منرفزنى جدا
فخلانى اتكلمت بنرفزة من غير مقصد
و اسفه جدا على اسلوب كلامى

osho6a1

20-10-2008, 01:46 PM

نيس توبيك شكرااااااااااااااااااااااااااااا

nada hosam

20-10-2008, 05:43 PM

جزاك الله خيرا على الموضوع

فعلا الموضوع جميلا جدا بس انا من رايى ان السبب الرئيسى

فى الى بيحصل البعد عن ربنا والدين ده اولا

ثانيا البطاله وتقعد الشباب على القهاوى و ادمان المخدرات

ثالثا لبس البنات لبس خليع يجعل الشاب مهما كان يبص عليها حتى و مش للشهوه ممكن علشان يتريق عليها

ثالثا الغلا كل حاجه غاليه جدا الشباب مش عرفين يتجوزو حتى لو شاب فكر بس انه يتجوز

اهل العروسه يكبتوه عيزين شبكه بكذا وشقه بكذا الخخخخخخخخخخخخخ

الحل هو اننا نرجه لربنا ونحافظ على نفسا وكل اب يحاسب بنته على طريقه لبسها

ويارب راقيى يعجبكم

aly almasry

20-10-2008, 11:42 PM

entesar ahdy

20-10-2008, 11:52 PM

رايى فى الموضوع ده انه مابيحصلش هنا فى مصر على الاطلاق
ربما فى اى بلد غربى لغياب القيم والدين
الشباب فى مصر بخير وعندهم ذوق وبيخافوا على البنات زى اخواتهم بالضبط
والله اعلى واعلم..............................

aly almasry

21-10-2008, 05:43 AM

sun rays 2010

21-10-2008, 09:43 PM

هنقول عايزين نلغى البطالة ونزود الايمان فى النفوس والقرب من ربنا
لو البنات هنقول
عدم التبرج وهنقولهم ارحمونا اتقو الله فينا احنا بشر واحترمو نفسكو شوبة
لو هنتكلم عن الاهل
هنقول خلو بالكو من عيالكو
احسنو التربية
تابعو اولادكو ومتسيبوهمش يرزحو طريق الضلال برجليهم
ربنا يرزقنا التقوى
الموضوع كبير كبير كبير
انا آسفة بجد بس ليا شوية تعليقات على كلام حضرتك ,, بيتهيألي انت بتخفف شوية مصيبة جريمة زي دي من ع الشباب .. لو كان بالكلام هنقدر نحل مشكلة زي البطالة ما كانش حد غلب دة احنا بقالنا سنين بنحاول وبنبني ف مصانتع وبنعمل حاجات كتيرة وبرده ما بتتحلش ,, الموضوع أكبر من كدة بكتير ... وتفتكر انلو البنات خرجت محتشمة ولابسة حجاب إسلامي كامل هتنتهي ظاهرة التحرش ف مصر ....مش كل البنات اللي بيتعرضوا للتحرش مش محترمات ... كما ان السيدات أيضا يتعرضن لظاهرة التحرش ...و النسار أثنار تأدية أعمالهم وأكيد مش نقدر نقول لن كلهم متبرجات ... والدليل علىكدة اللى حصل ف الانتخابات من تحرشات بالمنتخبات والصحفيات ... وكفاية كدة رغي أنا إيدي وجعتني

aly almasry

21-10-2008, 10:47 PM

القاهرة (رويترز) -
أدانت محكمة جنايات القاهرة مصريا يبلغ من العمر 27 عاما بالتحرش وحكمت عليه بالحبس ثلاث سنوات مع الشغل.

وقالت المحكمة ان الضحية نهى رشدي صالح التي تعمل مخرجة أفلام وثائقية تستحق تعويضا مؤقتا 5001 جنيه من شريف رجب جبريل الذي يعمل سائق شاحنة.
وقالت مصادر قضائية ان القاضي أحمد شوقي الشلقاني أصدر الحكم في نهاية أول جلسة في القضية.
وكانت المحكوم لها قالت للشرطة في يونيو حزيران الماضي ان جبريل مد يده من السيارة ********وكانت صالح تسير في شارع بضاحية مصر الجديدة في شرق القاهرة ومعها صديقة شهدت لها في تحقيق أجرته النيابة العامة.
وقالت المصادر القضائية ان محامي جبريل قال للمحكمة ان الشريعة الاسلامية تقبل بشهادة رجلين أو رجل وامرأتين لكن المحكمة اعتمدت على تقرير تحريات كتبه ضابط شرطة تضمن شهادة أصحاب متاجر في الشارع.
وقال محامي جبريل ان موكله حاول دفع المرأة بعيدا عن سيارته خوفا من تعرضها لاذي لكنها صرخت فيه واستنجدت بالمارة الذين أمسكوا بموكله وسلموه الى نقطة شرطة قريبة.
وعقدت جلسة المحاكمة سرية.
وقالت صحف محلية ان عشرات الرجال تحرشوا بنساء في شارع جامعة الدول العربية في غرب القاهرة ثاني أيام عيد الفطر. وألقت الشرطة القبض على 27 رجلا في الشارع لكنها أفرجت بعد أيام عن 25 منهم.
وتقول جمعيات نسائية ان نساء كثيرات يتعرضن للتحرش في الشوارع وان مرتكبي التحرش يفلتون من العقاب

hend ere

21-10-2008, 11:00 PM

aly almasry

22-10-2008, 05:41 AM

فعلا الموضوع ده انتشر اوى
وفعلا تبرج الفتيات سبب من اسباب حدوث هذه الافعال
بجد ملابس بعض الفتيات اصبحت صعبه جدااااا لدرجة انها بتلفت نظر الفتيات الاخرى لها
لكن للاسف فى فتيات بتكون مشيا ومحترمه ومافيش فائده
طيب نعمل ايه,انا بقيت لما بخرج مش عارفه اللى ماشى قدامى ممكن يعمل ايه
هو فعلا الايمان عند الشباب قل اليومين دول
ربنا يهدينا جميعا
نعم ولازم نعترف بكده انه هناك بنات تخرج سافرة وكانها راقصة او احط سبيلا فتترك فرصة للشباب انه يهيج عليها وعلى كل من يجد من البنات ايا كان سواء كانت محترمة ومحتشمة او كانت الاخرى
عودة الى ديننا وعودة ان تأخذ الفتاة حقها ولا تكون سلعة معروضة للجميع ان ينهشوا لحمها وهى سافرة متبرجة

mR . mOstafa Fathi

23-10-2008, 12:10 AM

قولنا بيرجع للاسباب كتير
النهاردة وانا بقرأ الاخبار
فى نص كلمة قال احمد رجب
لماذا اصبحت حوداث التحرش بابا فى الصحف ؟
اين ذهبت شرطة الاَداب ( والجانب دا نسيناه بردو)
التى كانت تحمى بيناتنا ولا تتسامح حتى فى توجية الالفاظ غير المسيئة
زى يا قمر ولم يكن التحرش كما هو الاّن بمد اليد ؟ هل انتهى دور شرطة الاّداب
أم تم ادماجها فى شرطة مكافحة البطاطة ؟

بجد ربنا يخليك عقلك وقلمك يا احمد يا رجب
جاب المفيد
ولو حد متابع 90 دقيقة بتاع معتز نفس الكلام
وفى اتصال مع احد البنات قالت ومفيش استجابة من الشرطة

وبردو على شانل الحياة
الاخت بتاع المحلة قالت نفس الكلام

هنقول البنت ولبسها دليل ان البنت بتاعت المحلة
والشهود اكدم انهم واحدة فيها كانت لابسه اسدال
والتانية عادى

ملف مفتوح
والكلام فيه مش هيخلص
ولنا تشووف اخرتها ايه ؟
امتى كل واحد هيراعى ربنا فيما رزقه

صفاء عزمى

24-10-2008, 08:13 AM

قبل تطيبق قانون على التحرش الجنسى اولا لابد من معاقبة مل من يتحرش بالاخر سواء ولد ولا بنت ثانيا معاقبة الممثلين والممثلات بافلامهم القذرة ومعاقبة البنات اللى لابسهم فاضح

صفاء عزمى

24-10-2008, 08:17 AM

الحل فى الاسلام منع النظرة الثانية وربنا يستر

aly almasry

24-10-2008, 10:44 AM

صحيفة سان فرانسيسكو كرونيكل الأمريكية نشرت، فى عددها الصادر الأحد الماضى مقالاً عن تجربة سائحة أمريكية من أصل آسيوى مع التحرش الجنسى فى مصر، ختمته بتحذير النساء اللائى يسافرن إلى مصر، حيث طالبتهن بالحذر والاحتشام والاستعداد النفسى لتقبل ثقافة أكثر تسامحاً مع التحرش الجنسى.
وقالت لين دوان، وهى كاتبة فى صحيفة كارتفورد كورانت، التى تصدر فى ولاية كونكتيكت الأمريكية التى نشرت سان فرانسيسكو كرونيكل المقال عنها: «إن التحرش فى إيطاليا سيئ السمعة لكنه يتضاءل مع العبارات الجنسية الصادمة ومحاولات لمس الأجساد» التى تحملتها هى ورفيقتها فى الغرفة خلال زيارتهما السياحية لمصر.
ووصفت دوان الرحلة بأنها لم تخل فى أى من أقسامها من التحرش الجنسى، بدءاً من صاحب الفندق الذى نزلتا فيه فى القاهرة الذى حاول التودد لهما، وصولاً إلى محاولة سائقى الفلوكة التى استأجرتاها فى مدينة الأقصر تقبيلهما، ومروراً بإصرار أحد المواطنين فى شرم الشيخ على تدليكهما..
أوضحت دوان أنهما توقعتا بعض التحرش، مشيرة إلى أن مسؤولى السفر فى أمريكا يحذرون النساء من أنهن قد يتعرضن لتحرش جنسى وانتهاكات لفظية عند سفرهن دون مرافقين إلى مصر.
وقالت إنها وزميلتها استعدتا على المستوى المادى وليس النفسى حيث أنفقت ٢٠٠ دولار على ملابس طويلة وفضفاضة للرحلة.. وأشارت لين دوان إلى الدراسة التى أجراها المركز المصرى لحقوق المرأة، التى توضح ارتفاع نسب تعرض الأجنبيات للتحرش الجنسى فى مصر إلى ٩٨%..
الغريب أن المقالة نشرت لأول مرة يوم الأحد ٢٨ سبتمبر الماضى فى صحيفة كارتفورد كورانت، ونشرتها بعد ذلك صحيفة سياتل تايمز يوم الأحد ١٢ أكتوبر الجارى، ثم أعادت صحيفة سان فرانسيسكو كرونيكل نشرها الأحد الماضى، وتناقلها عدد من المواقع السياحية ومدونات حقوق المرأة.

aly almasry

24-10-2008, 10:47 AM

الحل فى الاسلام منع النظرة الثانية وربنا يستر
نعم الحل فى الاسلام
لكن مين يمنع النظرة التانية
نحتاج تربية على مبادىء الاسلام
نحتاج اسلام حقيقى
نحتاج ان نخرج من عباءة الغرب والتاسى بهم
ونرجع الى ديننا وقيمنا

pureheart

24-10-2008, 05:35 PM

لو اعتبرنا ان التحرش انحراف يبقى ليه خطوات محددة تبدأ ب :
1-العقاب الجنائى لردع المنحرفيين و تاديبهم
2-العلاج الاجتماعى و الطبيى و النفسى
3-الحماية (وده تبقى بعد العلاج للمنحرفيين) و حماية اللى عرضة للانحراف
و طبعاً الكلام دة مش من عندى و اللى فى علم النفس اكيد عارفيين اللى كتبته

aly almasry

24-10-2008, 06:10 PM

aly almasry

04-11-2008, 05:51 AM

.. إحصائية أمنية : 300 حالة معاكسة و80 فعل فاضح في الطريق العام خلال يوم واحد

( المصريون) : بتاريخ 3 - 11 - 2008http://www.almesryoon.com/Public/ALMasrayoon_Images/55986.jpg كشفت وزارة الداخلية المصرية أن الحملات التي شنتها أجهزة الأمن في محافظات القاهرة والجيزة والمنوفية أسفرت عن ضبط المئات من حالات التحرش الجنسي حيث ضبطت في محافظة القاهرة 300 حالة معاكسة في الطريق العام و80 فعل فاضح و30 حالة تحريض على الفسق وفقا لما أعلنته إدارة مباحث العاصمة ،في حين أسفرت الحملة التي تمت في محافظة الجيزة خلال يوم واحد فقط عن ضبط 41 حالة تعرض للأنثى ومعاكسات بالطريق العام و7 مشتبه بهم و8 قضايا معاكسة
أما في شبين الكوم بالمنوفية قد تم القبض على مجموعة من العاطلين والطلبة يتحرشون بالفتيات وطالبات جامعة المنوفية أمام مجمع الكليات بشبين الكوم
وأصدر المركز القومي لحقوق المرأة بيانا مساء أمس الاثنين طالب فيه وزارة الداخلية بإنشاء وحدة داخل كل قسم ومركز للشرطة تختص بتلقي شكاوى عن تعرض الفتيات للتحرش الجنسي على أن تتمتع هذه الوحدة بقدر من الخصوصية ،كما طالب المركز بإنشاء أكشاك للتبليغ السريع في الشوارع بجوار أكشاك الأمن لديها إمكانية استيقاف المتحرش وتحرير محضر بالواقعة وقت حدوثها لتسهيل إثبات الجريمة
كما طالب المركز جميع مؤسسات المجتمع المدني التضامن مع حملة "شارع للجميع" وتقديم كافة أشكال المساعدة لإصدار قانون رادع للحد من ظاهرة التحرش الجنسي في الدورة البرلمانية الجديدة وقرر المركز تنظيم 16 مؤتمر في 16 محافظة مختلفة في أنحاءالجمهورية للعمل على إصدار قانون يعيد الأمن والانضباط للشارع المصري على ألا يتضمن اى انتهاك للحريات العامة"

يأتي هذا في الوقت الذي قررت الأمم المتحدة إعلان يوم 25 من نوفمبر من كل عام يوما عالميا لمناهضة العنف ضد المرأة وقالت في بيان صحفي أمس أنها ستبدأ حملة تستمر لمدة 16 يوما بدأ من يوم 25 نوفمبر حتى 10 ديسمبر لمناهضة العنف ضد المرأة
من ناحية أخرى ذكرت منظمة العفو الدولية أن امرأة من كل 3 نساء تتعرض للعنف وان عددهن يصل إلى مليار امرأة على مستوى العالم حيث يتضمن العنف الإكراه على ممارسة الجنس والتحرش الجنسي والضرب ، كما ذكرت المنظمة أن أكثر من 135 مليون فتاة وامرأة على مستوى العالم يتعرضن لتشويه الأعضاء التناسلية الأنثوية بمعدل 6 آلاف حالة كل يوم.