السلام عليكم ورحمة الله وبركاته
http://www9.0zz0.com/2008/10/07/19/740491273.png (http://www.0zz0.com/)
معلش ياجماعة أصل الواحد خلاص طفح نفاق
بقي بيطلع من ودني النفاق اللي بشوفه
وتعبت نفسيا بجد
الواحد بجد بيكتئب
:(
لما يكون عارف واحد برا المنتدي
ويجي يلاقيه قمه النفاق هنا
ومصطنع الدين والأدب والاخلاق
--
او لما يكون واصله كلام من كذا شخص ان الشخص ده وحش
ويجي بردو يلاقي الشخص ده راسم صورة لاحلي ملاك
بالله عليكم
لو فينا صفه وحشه
مش بقولكم ادخلوا قولوها
عشان متبقاش مجاهره بالذنب
بس متردش ياسيدي
اكتفي بالمشاهده
العبد اللي بتتجمل قدامه ده
وربي ما هو نفعك بحاجة
لما هتيجي تتحاسب وتتظبط يوم القيامة
هتتحاسب لوحدك
ومحدش هيكون فاضي يتفرج عليك يعني
---
فيه مواضيع كتيييييييييرة جدا بحس مثلا انها ممكن بتكون بتحذرني مثلا في عيب فيا
او بتقول علي صفه وحشه فيا
بكتفي بالقراءة بس
مش عيب ياجماعه لما اعرف الشئ الغلط وأحاول اصلحه
مش لازم دايما اظهر بصورة المصطفي الذي لا يخطئ
عادي كلنا بشر
ومن بدء الخليقة لغايه آخر يوم في عمرنا
هنفضل نخطئ
بس اننا ننافق
والله هننسي ياجماعه ونصدق نفسنا
ونطمس حقيقتنا جوانا
--
وحصلتلي كتير
اني نسيت عيوب فيا عشان حاولت انكرها أكتر من مره
انا مش مكسوف اني بقول الكلام ده
لان اللي يهمني في الأول وفي الآخر
اني ابقي شخص كويس وعلاقتي بيني وبين نفسي كويسه
عشان اقدر اكون حياة مستقيمه
---
فعلا ظاهره انا لمستها وإسلام كان نوه ليها من فتره
الموضوع بيفرض حاله عامه
موضوع مثلا بيتكلم عن الكذب
تلاقي الناس كلها كلها كلها بدون استثناء
بتقول احنا مش بنكدب
تلاقي موضوع عن العادة السرية وأضرارها
تلاقي كل الشباب المراهقين كلهم كلهم بلا استثناء
مبيعملوش كدا
ياسيدي انا مبقولكش ادخل قول انا بتنيل والله
لاء
بس متردش وتنافق
اعرف واحذر واقبل النصيحه وبس
بس متحملش نفسك ذنب انك منافق
---
حاجة تانيه كمان
الله يكرمكم ياجماعه
ابعدوا عن الدين واستغلاله
وابعدوا عن العلم واستغلاله
لما الاقي واحد عارفلي معلومتين بيحاول يتعرف بيهم علي بنوته عاجبه النك نيم بتاعها ولا بتاع
لما يفضل يبعت رسايل ويفتح حوارات وظاهرها دينيه وهيا وراها شئ تاني
يبقي بجد حرام
لما الاقي مدرس بيستغل صفته وعلمه عشان يتقرب من طالبه
بجد بجد كفر
---
انا مبتكسفش اني أقول عيوبي اللي ممكن تتقال
وبتكسف جدا وبخجل جدا اني اقول عيوبي اللي متتقلش
بس الحمدلله مبنافقش في الحكايه دي
اينعم دبلوماسي شوية
لكن فضل من عند ربنا
اني محاولت ارسم صورة انا مش فيها
ممكن تكون فيه فتره من حياتي انتوا مكنتوش معايا فيها ولا كنت دخلت المنتدي
حاولت أعمل كدا
لاني كنت بعاني من فشل
فبحاول اداري حقيقتي الفاشله
بشوية نفاق
بس الحمدلله ربنا ردني عن الطريق ده
وبقيت بحاول ابقي احسن بدون نفاق
---
أرجوكم
استحلفكم بالله
الدين
والعلم
والأخلاق

قيم ساميه
بلاش نضيعها وندنسها
بقذارة النفاق
---
وربنا يهدي الجميع
اللهم بلغت اللهم فاشهد

بص يا احمد هو في حاجه والله اعلم ايه هي ومش مشكلة اعرفها

بس عموما كلامك صح وللاسف كان في فتره قريبه كل الناس كانت بتستغل اي سلطه ليها في المنتدي

مش هقولك ان الموضوع دا خلص لا بس قل عن الاول كتير

وبعدين يا عم احمد اي عضو بيحاول انه يظهر حاجه في المنتدي مش موجوده فيه في الحقيقه دا بيبقي نوع من انواع النقص

وبيحاول يعوضها في المنتدي لان الناس مش شايفاه

وعلي العموم ان شاء الله هعمل بنصيحتك

و جزاك الله خير يا احمد علي الموضوع والنصيحه بس ياريت الكل يعمل بيها:)

صعب
حته النفاق بالذات فى الانسان متاصله فيه
بيحب انه يظهر فى صوره مش بتاعته لمجرد انه يبقى فى عيون الناس احلى على حسب ظنه

و خصوصا بقى لما ندخل على النت
على عالم انت مش بتشوف اللى قدامك ده على الطبيعه
بجد ممكن يقنعك بحاجات كتير فيه
و يرسملك صوره ورديه و صعب انك تكتشفها الا بعد فتره كبيره

بس العمليه ان محدش بيعترف انه بينافق
عشان فى الاصل محدش عارف ايه هى عيوبه

يعنى من اصعب الاسئله سؤال اوحش صفه فيك ده
عشان غالبا اللى بيرد مبيكنش عارف ايه الحلو فيه و ايه الوحش

فالحكايه ان اللى بيرد بيكون هو نفسه اساسا مقتنع ان الصفه دى مش فيه
و نطلع من دايره النفاق و نوصل لدايره الكذب على النفس
و دى بقى صعب قوى انك تطلع منها

يلا هو الانسان طول عمره مش حيقدر يعرف فعلا الكائن الغريب اللى هو نفسه

موضوع جميل كالعاده :)
بس بلاش الغيبه الطويله دى ;)

فى رعايه الله

بص يا احمد هو في حاجه والله اعلم ايه هي ومش مشكلة اعرفها


بس عموما كلامك صح وللاسف كان في فتره قريبه كل الناس كانت بتستغل اي سلطه ليها في المنتدي

مش هقولك ان الموضوع دا خلص لا بس قل عن الاول كتير

وبعدين يا عم احمد اي عضو بيحاول انه يظهر حاجه في المنتدي مش موجوده فيه في الحقيقه دا بيبقي نوع من انواع النقص

وبيحاول يعوضها في المنتدي لان الناس مش شايفاه

وعلي العموم ان شاء الله هعمل بنصيحتك


و جزاك الله خير يا احمد علي الموضوع والنصيحه بس ياريت الكل يعمل بيها:)


عادي والله ياعادل ولا مشكلة ولا حاجة
بس كل يوم الاقيلك رد من شخصية اعرفها او اعرف حد يعرفها
وقمه النفاق
بس بندعيله / بندعيلها بالهداية
وندعي للجميع
وعندك حق بجد انه نوع من أنواع النقص
زي اللي كان عندى زمان
الحمدلله ربنا عفانا ياعم
:d

صعب

حته النفاق بالذات فى الانسان متاصله فيه
بيحب انه يظهر فى صوره مش بتاعته لمجرد انه يبقى فى عيون الناس احلى على حسب ظنه

و خصوصا بقى لما ندخل على النت
على عالم انت مش بتشوف اللى قدامك ده على الطبيعه
بجد ممكن يقنعك بحاجات كتير فيه
و يرسملك صوره ورديه و صعب انك تكتشفها الا بعد فتره كبيره

بس العمليه ان محدش بيعترف انه بينافق
عشان فى الاصل محدش عارف ايه هى عيوبه

يعنى من اصعب الاسئله سؤال اوحش صفه فيك ده
عشان غالبا اللى بيرد مبيكنش عارف ايه الحلو فيه و ايه الوحش

فالحكايه ان اللى بيرد بيكون هو نفسه اساسا مقتنع ان الصفه دى مش فيه
و نطلع من دايره النفاق و نوصل لدايره الكذب على النفس
و دى بقى صعب قوى انك تطلع منها

يلا هو الانسان طول عمره مش حيقدر يعرف فعلا الكائن الغريب اللى هو نفسه

موضوع جميل كالعاده :)
بس بلاش الغيبه الطويله دى ;)


فى رعايه الله



والله ما متأصله ولا حاجة ياولاء
بس احنا لازم يكون فينا حاجة وحشه
عشان منبقاش كاملين
الكمال لله وحده سبحانه وتعالي
وعندك حق فعلا في معظم كلامك
وبالنسبه للغيبه فالله المستعان
وعايز اقولكم حاجة كمان ياشباب
مادام الردود مجاتش كتيرة
فقد يكون النصيحه جابت فايدة
او قد يكون محدش موجود أصلا
ربنا يهدي الجميع
:d

دا هنا فيه احلى نفاق ومجامله فى المنتدى
جبت من الاخر انت يا احمد :d
يعنى مثلا تلاقى واحد فى المنتدى بيتكلم فى الدين وكل كلامه محترم
وتلاقى على اميل الياهو عنده حاطط صورة بنت :d
محترم طبعا مفيش كلام

سأبدأ حديثي بتحية الاسلام السلام عليكم ورحمة الله وبركاته
أخي أحمد لقد طرحت موضوعا مهما نعاني منه وقد عانى منه الكثيرون قبلك
وبالرغم كل المحاولات الا انها قد باءت بالفشل
فلكل منا قناعات بداخله لا يريد تغييرها وفرق كبير بين وضع الأقنعة وبين استخدامنا القلم أو الكيبورد لطريقة تعبير أفضل أو كوسيلة مساعدة لجعل الناس تفهم بوضوح أكثر أو أجمل ما هو ظاهر لهم.

كل شخص دائما يحاول عرض الجانب الايجابي في حياته بصورة بشعة وفظه ينافق هذا وينافق ذاك لأنه يتوارى وراء شاشة ويعلم جيدا ان من يحدثه لا يعرفه جيدا ولا يعرف حقيقة شخصيته فتجد الشخص مضطرا الى الخروج عن شخصيته الحقيقية ليتبنى شخصية جديدة تحبها الاعضاء في المنتديات. مع تحفظي الشديد على مضطرا لانه ليس هناك ما يجعلنما نضطر لأن نكون منافقين

لا بد أن يكون هناك اسبابا لجعل ذلك الفرد منافقا ومن ضمن تلك الاسباب التي تجعل المنافق بعيد عن شخصيته الحقيقية هو نظام المنتدى او هدفه العام الذي يفرض قيمه وأخلاقه ومبادؤه وقوانينه .و بالتالي يجد الانسان نفسه مضطر لللخضوع الى هذا البروتوكول وخضوعه هذا لكي يصل الى هجف أو غرض معين نوع من انواع النفاق ايضا . فيعيش شخصية تختلف تمام الاختلاف عن شخصيته الواقعية ومن الممكن ان يكون حبه لتلك الشخصية أكثر من حبه لشخصيته الواقعية
(بالبلدي زي ما بيقولوا بيكدبوا الكدبة وتعجبهم ويصدقوها ويعيشوا جواها ويدافعوا عن الكدبة على انها حقيقة )
ولنرجع الى بيئة تلك الشخصية المنافقة التي من الممكن أن تكون بيئة متحجرة أو متأخرة أو متخلفة أو بيئة لا تعرف شيئا عن الأخلاق الخ .. فاإنسان كما يقول البعض ابن لبيئته يتأثر بكل شيء محيط حوله ى وتتكون جوانب شخصيته وفقا لتلك البيئة التي نشا وترعر ع فيها وفبالتالي فهو مضطر لان يخفي شخصيته الحقيقية حتى لا ينفضح أمر بيئته بالمنتدى
تلك الشخصية الموجوده في المنتديات تحاول الهرب من الظروف القاسية التي فرضتها عليها البيئة و بالتالي فذلك الشخص يحاول اللجوء الى تلك الشخصية للتعويض النقص بدخله .

وهناك شخصيات تتعامل مع اعائلاتها ببرود ووسكوت وتفضل دائما الهروب من المواجهة و والابتعاد عن الحياة الاجتماعية . و الاستسلام للاوهام على مواجهة الواقع و ايجاد الحلول للمشاكل التي تعتريه بالتالي يلجأ الى المنتديات لتفريغ ما يجول في أعماقه من أحاسيس ومشاعر تعتري نفسه.

وهناك الكثير والكثير من الاسباب التي تجعل هناك اناس مزيفون ومستعارون كأسمائهم

اشكرك اخي احمد فلقد قرات عن هذا الموضوع من زمن مضى وأحببت أن اعرض لكم عصارة ما توصلنا اليه

شكرا لك اخي الفاضل
دمت مبدعا بكل خير

على فكرة ممكن العضو يكون غرضه انا لا اكذب ولكنى اتجمل
كل واحد فينا ليه عيوبه
لكن لما بنعد مع ناس منعرفهمش حتى فى حياتنا الحقيقية لو واحد اول مره تشوفه
وفيه مناقشة موضوع معين اتفتحت
اكيد الانسان اللى حاسس انه عنده عيب او غلطان بالنسبة للموضوع ده هيقول انا مابعملش كده
وده طبيعى لانه لو سكت يبقى هتتفسر بمعانى كتير
وممكن ده يكون سبب فى ان الشخص ده يسيب الحاجه الغلط عشان لقى ناس ممكن يعيش معاهم بشخصية جديدة
ويبقى ده طبعه الحقيقى بعد كده
واكيد فة ناس كتير حصلها كده
وانا نفسى كان ليا صفات كتير بحاول لما ادخل المنتدى اتخلى عنها
عشان تبقى طبع فيا
والمفروض اننا مانجهارش بالذنب بتاعنا
وشكرا ع النصيحة الغالية

شكرا ليك يا أحمد علي الموضوع
بس فعلا الموضوع ده أنا أي حد عارفه بكلمه فيه
حتي محمد عارف كده
في شخصيات في المنتدي بتدي إنطباع عنها إن هيا محترمه و شخصيه في الخيال
و للأسف تيجي في الحقيقه تلاقيها شخصيه
ميزيتها إن هيا كلها عيوب
أصل فعلا المنتدي محدش عارفك و لا شايفك
و لا عارف أخلاقك
فيها إيه لما بقي تعيش اللحظه
و تبين إن إنت مفيش أحسن منك
و ربنا أعلم باللي في السر
و أنا عن نفسي اللي أعرفهم من المنتدي شخصيات معدودة
و تقريبا عارفين كل حاجه عني كأنهم معايا في البيت
و جزاكم الله خيرا

مشكلة الفرض انه فيه فعلا حتت نفاق
من اجل مصلحة ما
وفى ناس بترمى الحقيقة كده عارية
بس عالم النت عالم غريب
ساعات ممكن تلقى واحد بيهرب من الواقع بتاعه للنت وبيحاول يظهر نفسه
بصورة هو مش قادر يحققها فى واقع حياته
بس مش معنى كده انه يظهر نفسه على انه ملاك
ابسط مثال لما لود يكلم بنت على الشات بيحاول يصور ليهاانه
ملاك برىء ونسمة وانه هو فتى احلامها
لدرجة انه هو نفسه بيصدق الكلام ده
شكرا على الموضوع

بجد حضرتك بتتكلم فى نقطه مهمه جدا
بحس ان النفاق بقى ماشى فى الدم مع الكرات البيضا والحمرا
مش عارفه ليه بلاقى ناس بتحب تظهر فى صوره غير صورتها الحقيقيه
مع انى واثقه ان ده بيخليهم يبذلوا جهد عشان يقدروا يحافظوا عالصوره الفالصو دى ادام الناس
بس برضه بيتكشفوا فى الاخر
مهو محدش بيقدر يمثل طول الوقت
خاصه اللى بيحبوا يظهروا انفسهم علماء دين وعلم
دول بقى بيتكشفوا اسرع ناس
لانه بيبان من سلوكهم وتعاملتهم انهم ابعد ما يكونوا عن العلم والدين
وللاسف بينزلوا من نظر الناس
كان فيها ايه بقى لما يظهروا من الاول بصورتهم الطبيعيع فى حياتهم العاديه
عالاقل الناس تبقى عارفه بتتعامل مع مين من الاول
ولا هو عشان الكلام من ورا الشاشه ومحدش شايف حاجه يضحكوا على نفسهم
ربنا يهدى الجميع
وشكرا عالموضوع الرائع كالعاده

يا باش مهندس
اناماكنتش هفهم من الموضوع ده حاجه
الا لما جبت الامثله التوضيحيه
(الموضوع بتاع العاده السريه)
انت صح
ماهو اساس مفضوح و على راسه بطحه وحاسس ان اصابع الاتهام مشاره نحيته بمجرد فتح الموضوع
وماحدش ساله اصلا علشان يجاوب بس فيه ناس كده فاضحه نفسها بنفسها
(اللى قاعديجرى ورا البنات وعاوز يكلمهم ومتستر فى موضوع عن الدين)
على فكره
انا شايف ان البنات هنا فى المنتدىبسم الله ما شاء الله مش هبل
لا دول فاقسين الاعضاء اللى بيجروا وراهم وعاوزين يكلموهم كويس قوى
ولوالبنت هى اللى بمزاجها بترضى تكلمه او ما بترضاش هى حره
(المدرس اللى مستغل منصبع علشان يتكلم مع بنت هو عاوز يكلمها)
بصراحه الحاله دىانا مش لاقيلها تفسير
الله يرحمك يا استاذ حازم


وفى الاخر يا احمد احب اقولك فعلا فيه ناس بتدارى عيوبها مش نفاق اوى يعنى
علشان ما تفتحش للاعضاء التانين باب يهاجموهم منه

انا عن نفسى معترف بعيوبى
اسألوا
وانا هجاوب


موضوع جميل جدا على فكره
انت بتستخبى وتستخبى وتروح طالع مره واحده

شعار المنتدى ( ما يلفظ من قول إلا لديه رقيب عتيد ) ومع حداثة عهدي بالمنتدى ولكني آمنت بذلك الشعار والذي هو آية كريمة من سورة (ق) ولذلك أخي العزيز / أحمد رضا .. كلامك في صميم هدف المنتدى .. وفي صميم إنما الأعمال بالنيات .. بارك الله لك في توجيهك المفيد و نجانا الله من النفاق ومن الرياء والسمعة وجعلنا ممن يعملون لوجهه الكريم ابتغاء مرضاته رب العالمين وتجاوز عن أخطائنا وزلاتنا .. أمين يا رب العالمين

تسجيل متابعة

واحترام لقيمة الموضوع

بجد موضوع جميل وهايل جدا
وفي نفس الوقت موضوع شائك واذا كان ظاهره مشكله واحده فباطنه مشاكل كتير
يعني عنوانه النفاق ومحتواه بيضم اكتر من مشكله
واحب اوضح ان النت ملجأ لناس كتير اووي من مشاكلها ومن حياتها الواقعيه وبتعيش بشخصيات غير الحقيقه تماما
علي سبيل المثال لا الحصر واحد متجوز ومش طايق مراته ومش طايق نفسه يدخل ويعمل فيها ولد صغير ويعيش اللي هو مش قادر يعيشه في الواقع
ودي طبعا ظاهره غير صحيه
وحاجات كتيرررررر لو قعدنا نسردها مش هيكفينا منتدي بحاله نتكلم في الموضوع ده
شكرا ليك علي الموضوع الجميل
جزاك الله كل خير

شكرا على النصيحة
وان شاء الله اعمل بها
جزاك الله خيرا