(( ماتوا الرجالة فى حرب 1973 )) [الأرشيف] - بوابة الثانوية العامة المصرية

مشاهدة النسخة كاملة : (( ماتوا الرجالة فى حرب 1973 ))

براءة

12-10-2008, 08:23 PM

بسم الله الرحمن الرحيم

كنت بسمع الكلمة دى كتيييييييييير اوى

بس مفهمتهاش غير النهارده بجد

(( ماتوا الرجالة فى حرب 1973 ))

بجد

والله العظيم شئ محزن جدا

مصر واللى اولادها كانوا معروفين بالجدعنة والاخلاق والرجولة

معرفش ايه حصلهم

النخوة انعدمت مبقيتش تلاقى راجل فى الزمن ده

والموقف ده حصلي النهارده

كنت راكبة الميكروباص عودة من الجامعة وبعد رحلة شاقة فى المترو

وحصل شد ما بين اتنين .. واحدة كبيرة فى السن قد جدتى ،، والتاني راجل عادى

الخناقة كانت ما بينهم هما الاتنين فقط لا غير

الست دى قاعدة جنبى

معرفش فجأه

لقيت شاب عمره ما بين ال 20 و ال 25

قام شاتم الست دى شتيمة قذرة :mellow:

قامت الست شاتماه شتيمة اقذر :mellow:

قام قالها ....... ده يبقي جوزك

قامت قالتله بس يا ...... يا ابن الـ ........

لقيت الراجل قالها متغلطيش ف امى

ده انا هربيكى

والاقى الراجل نزل فى الست ضرب

والناس تهدى فيه وهو لو طال يخرملها عين كان عمل

الست مسكتتش وهاااات يا صويت و قلعت النضارة وشمرت اكمامها و فضلت تضرب فيه وتشتم

انا كنت جمبها كل اللى قدرت اعمله انى مسكتها بجد وكنت بشدها وكنت عمالة اقول اعوذ بالله من الشيطان الرجيم واقولها اهدى يا امى

الست كانت عمالة تقولى حاسبى كده بس بجد مكانش ينفع اسيبها كانت هتتبهدل :(

المهم الواد مسبهاش

واول مرة ف حياتى اسمع واحد بيشتم ف دينه .. ايه ده هو فى ناس كده بجد
:mellow:

وبما ان الرجالة كانت ماسكة ايده لقيت الراجل طالع برجله معرفش ازاى و هات يا ضرب ف وشها و ف جسمها

بجد كان نفسي اخد الست دى ف حضنى انا مش عارفة ازاى فى بنى ادم كده

انا راجعة البيت وايدى واقفة تماما مش قادرة احركها و مليانة كدمات زرقة والله وخربشة

فما بالكوا بيها

وهى انسانة كبيرة فى السن

والبنى ادم ده مش راضي يعتقها

هل بجد وصلت بيه البجاحة لكده ؟

فعلا انا مستغربة اوى

وحزينة اوى اوى اوى

والست بعد ده كله لما هديت

فضلت تحسبن وتعيط

وانا اقولها معلش يا امى حقك عليا يا امى

والاقى الحقير ده نازل عليها ضرب تانى

انا بجد معرفش اتكلمت ازاى بس لقيت نفسي بقوله ميصحش كده ع فكرة عيب اوى اللى انت بتعمله ده :angry2:

كل اللى انا فاكراه انى لقيت ناس بتضحك عليا

الحمد لله ان الواد مقلبش عليا :mellow:

بس قسما بالله انا فعلا كان نفسي انزل فيه ضرب وخاصة اننا كنا اتعلمنا ان فى كذا منطقة ضعيفة فى الجسم بتضعف اللى قدامك اوى وممكن كمان تخدره لمدة بس لو الضربة طلعت صح

بس بجد كنت خايفة اوى

الست وهيا بتعيط جنبى والناس ماسكة الراجل

بجد صوتها والبهدلة اللى شافتها والله خلونى اعيط جنبها

اكيد الناس دى مش بشر عادية

مينفعش ده يكون انسان

والله انا مش مصدقة ان ده حصل ولو حد كان حكهولى مكنمتش هصدق

انا اعرف ان مش من الرجولة ولا الدين ولا الاخلاق ولا اى الانسانية انى امد ايدى ع واحدة

وكمان كبيرة فى السن !!!!!!

لا تعليق

(( فعلا لقد استنوق الجمل !! )

the black rose

12-10-2008, 08:39 PM

فعلا يا براءة دول مش بشر
يعنى فين الرجولة
لا حول ولا قوة الا بالله
ده بدل ما يحامى عنها و يقول دى ست كبيرة
فعلا خلاص الرجالة ماتوا
و انتى عملتى اللى عليكى
بس نقول ايه
لا حياة لمن تنادى

براءة

12-10-2008, 08:50 PM

ولد اخو صاحبتى فى اولى اعدادى
بيحكيلى بيقولى
المدرس بتاعى ضربنى
قمت شتمته
:mellow:
اعصابي باظت يا جماعة خلاص :mellow::mellow:

براءة

12-10-2008, 08:51 PM

شكرا يا شيرين ع ردك
والله والله ايدى واجعانى يا شيرين فما بالك بيها
انا عمالة افكر بجد
يا ترى الست دى عاملة ايه دلوقتى ؟؟؟؟

ابراهيم احمد ابو النجا

12-10-2008, 08:58 PM

اللهم لا حول ولا قوة الا بالله

rose 2010

12-10-2008, 09:01 PM

لا حول ولا قوة الا بالله
اللهم اهدى شباب المسلمين

براءة

12-10-2008, 09:09 PM

اللهم لا حول ولا قوة الا بالله
شكرا ليك ع المرور والتفاعل

dr.zomba

12-10-2008, 09:12 PM

براءة

12-10-2008, 09:14 PM

لا حول ولا قوة الا بالله
اللهم اهدى شباب المسلمين
امين

شكرا ليكى :)

Dr.ahmed91

12-10-2008, 09:28 PM

عشوائية

هي دي الكلمة اللي تلخص الحالة اللي احنا عايشين فيها في مصر

عشوائية في السلوك وانعدام في الاخلاق

العربيات اللي ماشية في الشارع والناس اللي حواليها

العمارت اللي طالعة في العلالي والناس اللي جواها

باختصار بقينا عايشين في عشوائية

احساس عام بالظلم والقهر والكبت

عايز يتفرغ

براءة

12-10-2008, 09:36 PM

والله يا رحمة شكلي انا اللي هتخانق معاكي :stickjo4::stickjo4:

مش معني ان الجملة دي بتنطبق علي عدد كبير من الشباب يبقي معني كدا انها علي كل الشباب

الشيخ عمر عبد الكافي قال جملة عجبتني اوي ان اي راجل يمد ايده علي بنت او ست دي مش اسمها رجولة دي اسمها ذكوره

والمقصود ان صفة الرجولة اتشالت منه

اللي كان بيضرب الست دا مش راجل بكل المقاييس والمفروض ان الناس مكنتش تحوشه المفروض كانت تضربه لحد لما يفوق او يتكسر

والله حصل قبل كدا اني شديت مع واحده و هي غلطت فيا وكنت علي اخري وهضربها بس سبتها ومشيت واحد من صحابي من كتر ما هي مزوداها قالي المفروض كانت تتضرب

دا حتي في الدين الرسول صلي الله عليه وسلم لما كان بيضرب زوجاته كان بيضربهم بالسواك

وعلي الرغم اني حاسس ان الست عملت حاجه جامده في الواد دا بس برضو دا ميبررش ان الواد دا مش راجل

علي فكره كانت هتبقي في زعله بسبب اسم الموضوع دا لولا اني عارف انك متضايقه من الموقف وممكن تكوني بتكتبي وانتي متعصبه لان الموقف اكيد طبعا مش سهل

وعلي العموم ربنا يهدي العيال دول ويبقوا رجاله او ياخدهم لانهم مش هينفعونا بحاجه

ما انتوا بتمسكولنا ف دى حاطة مكياج ودى بتضحك ازاى

وانتوا والله اول ناس عاوزين يتعاد صياغتكوا وتربيتكوا من جديد

مش اقصدك يا عادل انا عارفة انك انسان محترم

بس بجد انا مستغربة اللى حصل ده جدااا جدااااااا مكنتش اعرف انها وصلت لكده :confused:

وبعدين الست مقربتش منه

ده الواد اتحمق للراجل اللى الست دى بتتخانق معاه

ما هو لو كان فى راجل واحد اساسا فى العربية دى مكانش ده كله حصل

لا وف الاخر

السواق وقف الميكروباص

قلت ف بالى هينزل الشئ ده

لقيته رايح يقول للست عيب متشتميش انتى ست كبيرة :confused:

وبعدين هتزعل منى ليه ده واااقع :angry2:

انا متضايقة اوى :(

براءة

12-10-2008, 09:41 PM

dr.zomba

12-10-2008, 09:54 PM

ما انتوا بتمسكولنا ف دى حاطة مكياج ودى بتضحك ازاى

طب وانتي شايفه ان دي حاجه عاديه يعني يا رحمة ؟ ما علينا عشان منخرجش من الموضوع

وانتوا والله اول ناس عاوزين يتعاد صياغتكوا وتربيتكوا من جديد

انا اهو بقولك ان كتير جدا من الشباب عايزين يتربوا من اول وجديد

مش اقصدك يا عادل انا عارفة انك انسان محترم

ربنا يخليكي يارحمة بس في كتير محترمين اكتر من وهما دول اللي بتكلم عنهم

بس بجد انا مستغربة اللى حصل ده جدااا جدااااااا مكنتش اعرف انها وصلت لكده :confused:

هو كدا حاجه؟ في بلاوي بتحصل بس صعب تتحكي بس كل اللي اقدر اقوله ان مصر مبقتش بلد الامن والامان خالص

وبعدين الست مقربتش منه

ده الواد اتحمق للراجل اللى الست دى بتتخانق معاه

ما هو لو كان فى راجل واحد اساسا فى العربية دى مكانش ده كله حصل

لا وف الاخر

السواق وقف الميكروباص

قلت ف بالى هينزل الشئ ده

لقيته رايح يقول للست عيب متشتميش انتى ست كبيرة :confused:

ماهو دا اللي بقول عليه يا رحمة اكيد الست عملتله حاجه انتي مأخدتيش بالك منها بس دا بردو ميمنعش خااالص ان الواد غلطان وان مفيش راجل في العربيه لان حتي لو الست غلطانه مينفعش يسيبوا الموقف كدا

وبعدين هتزعل منى ليه ده واااقع :angry2:

هزعل لان حضرتك جمعتي:slap1qk6:

انا متضايقة اوى :(

بصراحه الموقف يضايق ويصدم ولو كان حصل قدامي كنت هتضايق جدا بردو

biob

12-10-2008, 10:33 PM

انتى عارفه ايه يا رحمه اللى بيعجبنى فى مواضيعك
انها يوميات
يعنى انتى الحاجه بتحصلك فى يوم وبعدين ترجعى تعمنلى عليها موضوع فى المنتدى
بجدحاجه جميله جدا
وده اكبر ضمان على ان موضوعاتك مش مكرره
يا ريتكلنا نبقى زيك

ندخل فى الموضوع بقى

انتى بصراحه حرقتى دمى
وانا بحب اكون موضوعى على قد ما اقدر
يعنى انا حاليا نفسى اعرف الولد ده شتمها ليه
خلاص مش هنعرف وعمرنا ما هنعرف
ما علينا

الست بترد عليه كده ازاى
يبقى الاتنين شلق
طبعا حقها تدافع عن نفسها
لكن يا ريت الواحد لوحاسس انه هيتبهدل ما يدخلش نفسه مع عالم زباله فى مواقف مالهاش لازمه

عموما يا ستى انا حاسس انكلامى مش مترتب ومالوش معنى علشان كده انا هنصحك انتى وخلاص

يا رحمه احناطبعا عارفين مهاراتك فى الكونغفو
بس اعملى دايما حساب لانك بنت محترمه
فى حالك
دول عالم ولا مؤاخذه يعنى مع بعضيها
خدى نفسك على جمب ومالناش دعوه بالعالم دى
انا لو اختى مكانكوعملت زيكهزعقلها
انا ايش يضمنى رد فعل بنى ادم سافل بيتخانق مع واحده فى سن امه على واحده قداختى
اكيد العن واضل سبيلا
يبقى انتى تاخدى بعضك كده وتقومى اصلا من المنطقه دى

موضوع جميل جدا بس صدقينى الرجاله ايام السبعينات ما كانوش رجاله قوى زى ما انتى فاكره
اللى كانوا عايشين فى مصر ما كانوش الجيش المصرى اللى حرر سينا بس

الوحشين والكويسين موجودين فى كل مكان
واضح انى طولت عليكى
اسف
وده ان مجرد راى

MohammeD el_SadaT

12-10-2008, 10:36 PM

اوركيديا

13-10-2008, 03:31 AM

احم
انا الحكايه دى عارفاها من زمااااااااااااان ;)
ماتوا و اللى كان كان
بس صراحه مش عارفه هما كانوا عايشين امتى اساسا :rolleyes:

بجد الموقف اللى حكيتيه ممكن يكون صعب بس بيتكرر بطريقه مصغره يعنى
اللى تلاقيهم طول الطريق قاعدين بيعاكسوا
و اللى تلاقيهم بيشتموا بعض بجد بالالفاظ
و اللى بقى فى الجامعه و ما ادراك ما الجامعه
و قال ايه فى طب امال اللى فى زراعه بيعملوا مع بعض ايه :bosyht9:

يلا الرجوله راحت من سعه ما الواحد مبقاش يعرفلها معنى
و بقى كل ولد بيتقال عليه راجل :(

شكل الموضوع حيقلب علينا المعارضه و القوى الاخرى:unsure:
بس هو محتاج كلام تانى
ليا عوده :)

فى رعايه الله

_GUIDE_

13-10-2008, 02:15 PM

عادى عادى
دى حاجات روتينية جدااا فى حياتنا النهارده
طيب سمعتى عن الولد اللى قتل امه علشان 20 جنيه
ولا الراجل اللى طلق مراته علشان الزمالك خسر
ولا اللى ولع فى مرأته علشان معملتلوش كوباية شاى
ولا اخيرا اول امبارح الظابط اللى فى بلد سملوط اللى فضل يضرب فى ست حامل لغاية ما ماتت من الضرب
عادى كله النهارده عادى

براءة

13-10-2008, 04:04 PM

المشاركة الأصلية كتبت بواسطة براءة http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=827706#post827706)
ما انتوا بتمسكولنا ف دى حاطة مكياج ودى بتضحك ازاى

طب وانتي شايفه ان دي حاجه عاديه يعني يا رحمة ؟ ما علينا عشان منخرجش من الموضوع

هى مش حاجة عادية خالص
اساسا جملة منى مش ف مكانها بعترف ......
بس قصدت ان زى ما فى هنا سلبيات فى هنا سلبيات

وانتوا والله اول ناس عاوزين يتعاد صياغتكوا وتربيتكوا من جديد

انا اهو بقولك ان كتير جدا من الشباب عايزين يتربوا من اول وجديد

خير ان فى ناس مدركة ده

مش اقصدك يا عادل انا عارفة انك انسان محترم

ربنا يخليكي يارحمة بس في كتير محترمين اكتر من وهما دول اللي بتكلم عنهم

:)

بس بجد انا مستغربة اللى حصل ده جدااا جدااااااا مكنتش اعرف انها وصلت لكده :confused:

هو كدا حاجه؟ في بلاوي بتحصل بس صعب تتحكي بس كل اللي اقدر اقوله ان مصر مبقتش بلد الامن والامان خالص

انا اول مرة اشوف حاجة كده بعينى لانى متخيلتش ان فى بشر كده بجد

وبعدين الست مقربتش منه

ده الواد اتحمق للراجل اللى الست دى بتتخانق معاه

ما هو لو كان فى راجل واحد اساسا فى العربية دى مكانش ده كله حصل

لا وف الاخر

السواق وقف الميكروباص

قلت ف بالى هينزل الشئ ده

لقيته رايح يقول للست عيب متشتميش انتى ست كبيرة :confused:

ماهو دا اللي بقول عليه يا رحمة اكيد الست عملتله حاجه انتي مأخدتيش بالك منها بس دا بردو ميمنعش خااالص ان الواد غلطان وان مفيش راجل في العربيه لان حتي لو الست غلطانه مينفعش يسيبوا الموقف كدا

اقولك السبب
مكانتش راضية تقعد راجل جنبيها
بس الواد اللى اتغابي عليها ده اصلا ملوش علاقة بالموضوع
مع ان الست عرضت انها تدفع اجرة المكانين (عداها العيب يعنى)

وبعدين هتزعل منى ليه ده واااقع :angry2:

هزعل لان حضرتك جمعتي:slap1qk6:

اكيد الضربة دى مش ليا :stickjo4:

انا متضايقة اوى :(

بصراحه الموقف يضايق ويصدم ولو كان حصل قدامي كنت هتضايق جدا بردو

باذن الله ميحصلش قدامكوا يا جماعة .. دى ناس صعبة ومش بتفهم :mad:

براءة

13-10-2008, 04:41 PM

انتى عارفه ايه يا رحمه اللى بيعجبنى فى مواضيعك
انها يوميات
يعنى انتى الحاجه بتحصلك فى يوم وبعدين ترجعى تعمنلى عليها موضوع فى المنتدى
بجدحاجه جميله جدا
وده اكبر ضمان على ان موضوعاتك مش مكرره
يا ريتكلنا نبقى زيك

ع فكرة اول سبب بجد انى بحب المنتدى ده جدا وبحب اسمع ارائكو
فى اى حاجة بتحصلى و ببقي حابة اشوف وجهات نظر ناس غيري مش انا لوحدى وكده
ثانيا عارف الناس الطيبة اللى تقولك عندى امل اغير
:d

ندخل فى الموضوع بقى

انتى بصراحه حرقتى دمى
وانا بحب اكون موضوعى على قد ما اقدر
يعنى انا حاليا نفسى اعرف الولد ده شتمها ليه
خلاص مش هنعرف وعمرنا ما هنعرف
ما علينا

انا قلت فى مشاركة عادل
عارف احيانا بيحصل موقف لواحد قصادك وتتغاظله
لكن انك تتدخل وانت ملكش فى الحوار ده اساسا ده اللى صعب !!

الست بترد عليه كده ازاى
يبقى الاتنين شلق

لا شك انها غلطانة بس هو بجد اهانها اوى

طبعا حقها تدافع عن نفسها
لكن يا ريت الواحد لوحاسس انه هيتبهدل ما يدخلش نفسه مع عالم زباله فى مواقف مالهاش لازمه

مش عارفة بس انا كان نفسي (فعل بمعنى اضربه) مش عارفة بيقولوها ايه المهم ياخد قلم منى
بجد بنى ادم مش محترم ومش متربي :confused:

عموما يا ستى انا حاسس انكلامى مش مترتب ومالوش معنى علشان كده انا هنصحك انتى وخلاص

لا والله ليه بتقول الكلام ده ؟.. خليك واثق ف نفسك اكتر من كده

يا رحمه احناطبعا عارفين مهاراتك فى الكونغفو
بس اعملى دايما حساب لانك بنت محترمه
فى حالك
دول عالم ولا مؤاخذه يعنى مع بعضيه
خدى نفسك على جمب ومالناش دعوه بالعالم دى
انا لو اختى مكانكوعملت زيكهزعقلها

بص يا بيوب
طريق اكتوبر ده كله صحرا x صحرا
المفروض ان اللى كان يتعمل انى انزل
بس مكانش ينفع
وبعدين انا كل اللى كنت بعمله انى ماسكة الست دى بحاول امنعها من انها تضرب الواد ده لانها كل ما تقربله الواد كان ناوى ع موتها بجد لا قدر الله طبعا او لو الموضوع هدى كنت بطبطب عليها معرفش عملت كده ازاى اساسا ومعرفش ازاى دخلت نفسي جوه الخناقة
بس بجد الست دى اتبهدلت وحرام اوى اللى اتعمل فيها ده
وحتى لما اتكلمت بجد ده كان رد فعل انا مفكرتش فيه بس بجد كنت فعلا من جوايا متضايقة اوى
والحمد لله انا يعتبر محصليش حاجة

انا ايش يضمنى رد فعل بنى ادم سافل بيتخانق مع واحده فى سن امه على واحده قداختى
اكيد العن واضل سبيلا
يبقى انتى تاخدى بعضك كده وتقومى اصلا من المنطقه دى

مكانش بايدى والله

موضوع جميل جدا بس صدقينى الرجاله ايام السبعينات ما كانوش رجاله قوى زى ما انتى فاكره
اللى كانوا عايشين فى مصر ما كانوش الجيش المصرى اللى حرر سينا بس

الوحشين والكويسين موجودين فى كل مكان

عندك حق طبعا ،، ده مجرد تعبير

واضح انى طولت عليكى

لالالالالالالالا خالص والله

اسف

بس اسف ع ايه يا ولد :mellow:

وده ان مجرد راى

شكرا يا بيوب ع مشاركتك
تفاعلك مع الموضوع بجد فرحنى

براءة

13-10-2008, 04:46 PM

عارفه يا رحمه أنا لو مش بثق فيكى

كنت قولتلك
إنتى كدابه بجد أنا مش قادر أتخيل المنظر
وبعدين دا مترو يعنى أمه لا إله إلا الله راكبه محدش قام عرفه مقامه
لما مد إيده على ست

بجد أنا عاوز أدعى عليكى لأن الموضوع ده نكد عليا

لا مكانش مترو
اقرا الموضوع كويس بلاش كروته :stickjo4:
ده ميكروباص حضرتك ماشي ف وسط صحرا
والناس كلها كانت بتراضيه مع انه كان المفروض يتربي
تدعى عليا ؟؟؟؟
الملك هيقولك ولك بمثله :p

براءة

13-10-2008, 04:55 PM

احم

انا الحكايه دى عارفاها من زمااااااااااااان ;)
ماتوا و اللى كان كان
بس صراحه مش عارفه هما كانوا عايشين امتى اساسا :rolleyes:

بجد الموقف اللى حكيتيه ممكن يكون صعب بس بيتكرر بطريقه مصغره يعنى
اللى تلاقيهم طول الطريق قاعدين بيعاكسوا
و اللى تلاقيهم بيشتموا بعض بجد بالالفاظ
و اللى بقى فى الجامعه و ما ادراك ما الجامعه
و قال ايه فى طب امال اللى فى زراعه بيعملوا مع بعض ايه :bosyht9:

يلا الرجوله راحت من سعه ما الواحد مبقاش يعرفلها معنى
و بقى كل ولد بيتقال عليه راجل :(

شكل الموضوع حيقلب علينا المعارضه و القوى الاخرى:unsure:
بس هو محتاج كلام تانى
ليا عوده :)

فى رعايه الله

m3aky f kol kelma ya loloz
عاوزة اقولك ان السنة اللى فاتت كان فى اولاد معانا فى الفصل عراقيين مكانوش بيسمحوا لواحدة انها تشيل ولو حتى كرسي
يلا بقي ربنا يباركلهم
وبعدين يا بنتى ما يقلب
متخافيش انتى ف حمايتى :d

..Just Stop

13-10-2008, 05:07 PM

احم احم
فعلا المثل بيقول
الرجولة ادب والراجل اللى انتى بتتكلمى عليه دا قليل الادب
عيب علينا لو قلنا انه راجل
اولا انسان مش محترم مد ايده على واحدة ست
ثانيا سب دينه ودى عارفين عقوبتها
دا انسان معندوش ولا نخوة ولا شهامة
بس عادى جدا يا رحمة فى من النوعيات دى كتير
بس اكيد يعنى مش كل الناس زيه
واكيد اكيد بردو هو معملش كدا من نفسه
لازم الست دى تكون عملت فيه حاجة
عموما ربنا يهدينا ويهديه
وقدر الله وما شاء فعل
ماينوب المحجز الا تقطيع هدومه:slap1qk6:
ولا عزاء للرجال
:::::::::::
ملخوظة
هو مكنش فى حد معاكو واللا ايه
انا حاسس انه كان بيضربها فى صحرا
تقريبا الرجالة ماتو فى73:stickjo4::stickjo4:
ربنا يكرمنا زى ماكرم السادات
دمتم فى رعاية الله

hamo_320

13-10-2008, 05:18 PM

البلد ما بقاش فيها رحمة خلاص

براءة

13-10-2008, 06:21 PM

عادى عادى

دى حاجات روتينية جدااا فى حياتنا النهارده
طيب سمعتى عن الولد اللى قتل امه علشان 20 جنيه
ولا الراجل اللى طلق مراته علشان الزمالك خسر
ولا اللى ولع فى مرأته علشان معملتلوش كوباية شاى
ولا اخيرا اول امبارح الظابط اللى فى بلد سملوط اللى فضل يضرب فى ست حامل لغاية ما ماتت من الضرب
عادى كله النهارده عادى

ايه الناس دى
بجد دول مش بشر عادية مستحيل !!

براءة

13-10-2008, 06:26 PM

احم احم

فعلا المثل بيقول
الرجولة ادب والراجل اللى انتى بتتكلمى عليه دا قليل الادب
عيب علينا لو قلنا انه راجل
اولا انسان مش محترم مد ايده على واحدة ست
ثانيا سب دينه ودى عارفين عقوبتها
دا انسان معندوش ولا نخوة ولا شهامة
بس عادى جدا يا رحمة فى من النوعيات دى كتير
بس اكيد يعنى مش كل الناس زيه
واكيد اكيد بردو هو معملش كدا من نفسه
لازم الست دى تكون عملت فيه حاجة
عموما ربنا يهدينا ويهديه
وقدر الله وما شاء فعل
ماينوب المحجز الا تقطيع هدومه:slap1qk6:
ولا عزاء للرجال
:::::::::::
ملخوظة
هو مكنش فى حد معاكو واللا ايه
انا حاسس انه كان بيضربها فى صحرا
تقريبا الرجالة ماتو فى73:stickjo4::stickjo4:
ربنا يكرمنا زى ماكرم السادات

دمتم فى رعاية الله

الست يا جماعة مقربتلوش ولا احتكت بيه هو اللى شتمها وهى قامت ردت وهكذا
وكمان بتقولى فى من دول كتير ؟
بجد حسبي الله ونعم الوكيل
بس لما ده يتعمل ف والدته يا ترى هيكون ايه رد فعله
ربنا يسترها معانا
ومتدعيش ع نفسك
او بمعنى اصح (متجمعش)

براءة

13-10-2008, 06:28 PM

البلد ما بقاش فيها رحمة خلاص

والله ناس عاوزة تتربي من اول وجديد
اكيد ده عيب فى التربية
اكيد

_GUIDE_

13-10-2008, 06:32 PM

ايه الناس دى
بجد دول مش بشر عادية مستحيل !!

لا ده انتى بس اللى براءة:)

براءة

13-10-2008, 06:54 PM

لا ده انتى بس اللى براءة:)

منكرش انى يعتبر مش عايشة جوه المجتمع اوى
و فجأه اتفرض عليا اعيش مع المجتمع ده
بجد لا دين ولا اخلاق ولا انسانية تخلى الناس بالشكل ده
بقت غابة .. ايوه ملهاش وصف غير انها غابة

ayooosh

13-10-2008, 07:08 PM

zeiad_fares

13-10-2008, 07:14 PM

لا اعرف ما علاقة المقولة "الرجالة ماتوا في 73 " و هذا الموضوع لو حكمنا علي الرجال من هذا المنطلق فلا يوجد رجال اصلا من بدا الخليقة فمنذ بداية الخلق قتل احد الاخوين اخاه فهذا اكثر من سب سيده واذا تقدمنا شيئا فشيئا وجدنا في العصر الجاهلي كيف كانت تعامل النساء و لن اطيل في هذا فكلنا نعلم فلا حكم لاحد علي احد و يجب علي كل منا ان يحكم علي نفسة قبل ان يحكم علية غيره
المقصود " ان الخير موجود في ارض الله و الشر ايضا موجود فيها
و العدل موجود في ارض الله و الظلم موجود فيها
فلن تعرفي يا اختاه حلاوة العدل ان لم تتذوقي مرارة الظلم
فالرجال موجودون في كل مكان رجال رجال رجال
والمسترجلون موجودون ايضا
كما ان المؤدبات موجودات في كل مكان
و عديمات الادب ايضا
فهذا موقف لا يجعلك تقولين ماتت الرجال
ولكن يعلمك ما هي الرجولة ما هي صفات الرجل الحق و عندما تعلميها يا سيدتي ستجدينها في كل مكان حولك
فليس منا نبي او مسيح
ولسنا جميعا شياطين وابالسة
ولا تستائي و تتعجبي فهناك نساء واطفال تفجر رؤوسهم في كل مكان في العالم
فالرجال لم يموتوا ولكنك قابلتي مخلوق في هيئة انسان نزعت من قلبة الرحمة
و هذا ابتلاء من الله سبحانة و تعالي فجميعنا ندعوا له بالهداية
بسم الله الرحمن الرحيم " ادعو الي سبيل ربك بالحكمة والموعظة الحسنة وجادلهم بالتي هي احسن "
بسم الله الرحمن الرحيم " انك لا تهدي من احببت ولكن الله يهدي من يشاء " صدق الله العظيم القدير

الاسطورة

13-10-2008, 07:41 PM

طبعآ قمة المهزلة وقمة قلة الادب انه يعمل حاجة زى دى
مهما كانت قالتله فا هى ست كبيرة برضو وعيب كده
وبعدين ازاى مافيش حد من الناس قالوله عيب كده ولا شالوا عنها
والله الموقف لو حصل قدامى كان الموضوع اتغير خالص !

لكن نعمل ايه بقى
والله عالم غريبة

براءة

13-10-2008, 07:44 PM

فعلا على رايك الرجاله ماتوا فى 73

دى عمرها فعلا ما تتسمى رجوله
زمان الرجاله اللى بجد اللى بيحافظوا وبيخافوا على بنات اللى ماشيين فى الشارع بيعاملوهم على انهم زى اخواتهم

وكمان دى ست كبيره يعنى مفروض يقدرها ويحترمها بس نقول ايه بقى؟!!

وياما فى مشاكل كتير وحوادث موجوده بتحصل كل يوم
بس انا الحمد الله بعيد عن (منطقه العدو) :blush: ههههه
ربنا يكفينا شرهم
والله ما انا عارفه اقول ايه
حسبى الله ونعم الوكيل

ربنا يهدينا جميعا

:078111rg3:

ايه عارفة انا اللى غلطانة
بس ده كلام بينى وبينك محدش هيفهمه :d
عارفة انا ركبت ايه ؟؟ سااااااااااادس
وما ادراكى
انا بعد كده استاهل لو ركبت مع الناس دى تانى :slap1qk6:
انتوا بقي يا ايه بجد عاوزة اقولك مش عايشين فى العالم
اكتوبر دى والله والله جنة
انزلى معايا مرة وانتى هتعرفى ان نظام البنات اللى هنا ده مينفعش تحت :d

براءة

13-10-2008, 07:49 PM

Dr.diamond

13-10-2008, 07:51 PM

ayooosh

13-10-2008, 07:55 PM

ايه عارفة انا اللى غلطانة
بس ده كلام بينى وبينك محدش هيفهمه :d
عارفة انا ركبت ايه ؟؟ سااااااااااادس
وما ادراكى
اه وايه اللى ركبك سادس يا ذكيه
انا بعد كده استاهل لو ركبت مع الناس دى تانى :slap1qk6:
معلش معلش
انتوا بقي يا ايه بجد عاوزة اقولك مش عايشين فى العالم

فعلا ما انا بقول كده برده بس انا اصلا برجع البيت مهدوده ومبعملش حاجه ومش عارفه والله بدعلكم الناس اللى بيسافروا وبيرجعوا دول ربنا يعينكم ده احنا عندنا ناس غريبه اللى بيجوا من الفيوم واللى بيجوا من حلوان كله بيصب عندنا:d

اكتوبر دى والله والله جنة
الحمد الله:)
انزلى معايا مرة وانتى هتعرفى ان نظام البنات اللى هنا ده مينفعش تحت :d

ممكن برده ادينا بنشوف ناس جديده
ايه يعنى نظام البنات هناك؟؟

ربنا يعينك بجد يا رحمه:(

براءة

13-10-2008, 08:04 PM

بجد يا رحمه حكايتك دى تعبتنى اوى ونكدت عليا
انا قريتها امبارح ومن ساعتها مش عارفه اعلق اقول ايه بس
انا اصلا مش متخيله المنظر ازاى بنى ادم زى ده ( نسميه بنى ادم مجازا يعنى ) يمد ايده على ست قد جدته
بجد قمه قله الادب وعدم التربيه
بس نفسى اعرف هو الرجاله اللى كانوا فى الاتوبيس راحوا فين وقتها ؟؟
لو كانوا ما عملوش حاجه زى مهو واضح كده يبقى فعلا ميستهلوش يعيشوا
والولد ده مسيره يتعمل فى امه ولا مراته كده
كما تدين تدان

انا والله مستغربة زيك تمام
اقولك حاجة ؟
فى رجالة نزلت من الميكروباص ف نص الصحرا كده
معرفش طيب ده دليل ع ايه
خايفين مثلا ؟؟؟
مقدرش الومهم اساسا الواد كان شكله يخوف :(
وبردوا لسه متمسكة بان معادش فى رجالة زى زمان
شكرا ليكى جولييت ع التفاعل
وبجد اشكرك انك شاركتينى احساسي بالموضوع ده
بتفرق معايا كتير بجد

ahmed2845

13-10-2008, 08:06 PM

انا مش قادر والله اتخيل المنظر
لان والله مشفتش منظر زى ده قبل كده قدامى

اقسم بالله لو حاجة زى دى حصلت قدامى انا ممكن اموت البنى ادم ده لانى ساعتها هحط الست دى مكان امى
انا عارف ردى مش هيعجبكم وهتقولولى انت بق
بس والله انا شايف ان ده تصرف طبيعى من اى راجل عنده نخوة
ازاى اصلا قدر يضرب ست والست دى كبيرة فى السن كمان
انا مستغرب ازاى محدش قدر يوقف البنى ادم ده عند حده
على العموم شكرااا على الموضوع
ويا جماعة رجالة مصر لسه بخير
تقبلوااا مرورى

EnG.BeLaL

13-10-2008, 08:08 PM

اقول ايه بس غير ربنا يهدينا الناس خلاص اتوحشت
انا خلاص مبقتش اثق في حد بشك في اي حد ماشي في الشارع
الفقر اللي هما فيه هيخليهم ياكلوا بعض
حسبي الله ونعم الوكيل في اللي كان السبب

براءة

13-10-2008, 08:12 PM

ممكن برده ادينا بنشوف ناس جديده
ايه يعنى نظام البنات هناك؟؟

ربنا يعينك بجد يا رحمه:(

لا يعنى نظام انك تجرى ورا ميكروباص مثلا
ولا تتفرمى وانتى داخلة المترو ( انتى تغمضى عينك وتزقى :d )
ولا لو فرضا يعنى بعد الشر وانتى واقفة جوه المترو وقفتى ع رجل واحدة ؟ (وارد وارد عادى :romarioxp6:)
اتفرجى ع اللى هيحصلك بقي
لو كانت ذوق ممكن تقبل منك سورى وتقولك بكل رقة .. اوووووف يخريبيت العمى
ولو كانت بقي بنت من اياهم هتعيطى منها :d
ده غير القرف والبهلونات اللى هتلاقيها فى الشارع
بجد لما خرجت مع اسماء اول يوم اشوفها بعد الجامعة
اساليها انا كان ناقص انزل ابوس شوارع اكتوبر والناس الذوق الرقيقة اللى فيها
تيجى كده وانتى بتركبي المواصلة تلاقى الرجالة تستنى الستات تركب
مش تحت بقي بيبقي ناقص يقوموهم ويقعدوا مكانهم
اقولك ايه بس
انا بتبهدل بجد :078111rg3:

براءة

13-10-2008, 08:17 PM

انا مش قادر والله اتخيل المنظر
لان والله مشفتش منظر زى ده قبل كده قدامى

اقسم بالله لو حاجة زى دى حصلت قدامى انا ممكن اموت البنى ادم ده لانى ساعتها هحط الست دى مكان امى
انا عارف ردى مش هيجبكم وهتقولولى انت بق
بس والله انا شايف ان ده تصرف طبيعى من اى راجل عنده نخوة
ازاى اصلا قدر يضرب ست والست دى كبيرة فى السن كمان
انا مستغرب ازاى محدش قدر يوقف البنى ادم ده عند حده
على العموم شكرااا على الموضوع
ويا جماعة رجالة مصر لسه بخير
تقبلوااا مرورى

خير يا احمد
كويس ان ده رد فعلك ولو حتى كان مجرد ان ده تفكيرك بس
انا فكرت بجد لو كنت راجل فى العربية كنت هعمل ايه
اقلها بجد كنت هنزل الراجل ده من الميكروباص ده اقلها
يلا ربنا يهديه ويغفرله
وبجد نفسي اوى اطمن ع الست دى زمانها بجد لسه متدمرة
الناس دى بتبقى مش حمل بهدلة ع كبر .. ربنا يصبرها
شكرا يا احمد ع ردكـ

براءة

13-10-2008, 08:20 PM

اقول ايه بس غير ربنا يهدينا الناس خلاص اتوحشت
انا خلاص مبقتش اثق في حد بشك في اي حد ماشي في الشارع
الفقر اللي هما فيه هيخليهم ياكلوا بعض
حسبي الله ونعم الوكيل في اللي كان السبب

يا ريتها كانت مشكلة فقر
بجد الظاهرة دى للاسف مرتبطتش اوى بالمستوى الاجتماعى دى عامة ع كله
و عاوزة اقولك اننا عمالين نقول فقر فقر وفى المقابل نص مصر مدخلة ولادها جامعات خاصة مع ان فرصهم فى الحكومى كانت كتيرة
بلاش اخرج عن الموضوع ،،
شكرا ليك ع المرور بلال

wafa2y

13-10-2008, 08:27 PM

براءة

13-10-2008, 08:50 PM

و ربنا أنا دمي غلي

و مقدرتش أكمل قرايت بقيت الموضوع
إيه الهبل
ده هو مفيش رجاله
و حضرتك بتقولي ماسكينه
و ربنا ده كانو ينزلوه في ميدان عام و ينزلو فوقه كلهم ضرب
ده راجل عايز الحرق
ربنا..................
يهديه و يتوب
و يهدي والدتنا اللي حصلها كده و يتوب عليها
هي دي المسخره بعينها بتظهر بعد ما نبعد عن الدين
بقي الإسلام بيقولوا متلمسش الست الأجنبيه
من أساسه
و هو بيضرب
و يقول ألإشوا السلام
و ده بيضرب واحده زي والدته
و ربنا ده لو عندنا لكان السواق نزله تحت و داس عليه
و أنا أد كلمتي
عندهم حق النصاري و الغرب يقولوا علي المسلمين متخلفين
و إرهابيين
لما واحد مراته مطلعه عينه في البيت
و أول لما صدق طلعه في والدته
ده مش ميستحقش لقب راجل
و الله ميستحقش لقب إنسان
_______________________________
أنا أسف أعصابي فلتت
ودي أول مشاركه ليه في المنتدي بكتبها بالعصبيه دي
و باللهجه

و أرجو مراعاة حالتي النفسيه و جزاكم الله خيرا

ولا يهمك
اتكلم براحتك خااااااااااااااااالص
ع الرحب والسعة
ع فكرة مفيش ولا راجل قاله حتى عيب
من الاخر تقدر تقول محدش كان قادر يكلمه
كان الولد ده كبير القعده زى ما بيقولوا
ربنا يهديه
انا بجد نفسي اعرف هل هو يا ترى حس انه غلطان ؟
افتكر لأ
رد الفعل اللى شافه كبره وعلاه ده زمانه فرحان باللى حصل
ربنا يهديه
ربنا يهديه
وربنا يهدينا جميعا
ويا ساي كلامك بجد مظبوط
فعلا لمس المرأه لا يحق له اصلا
فما بالك بضربها
عموما ربك سبحانه وتعالى قال
ليجعل مايلقي الشيطان فتنة للذين في قلوبهم مرض‏,‏ والقاسية قلوبهم‏,‏ وإن الظالمين لفي شقاق بعيد‏ ....
اشكرك ع المرور يا ساى

** MR.SmilE **

13-10-2008, 09:53 PM

هي الدنيا بقت عاملة كدة ليه؟؟؟؟؟:angry2:

حوادث و مصايب بتعدي ع الواحد كل يوم لازم تنكد عليه

المجتمع دلوقتي فقد مبادئه يا رحمة

يعني دلوقتي الشاب اللي ميشربش سجاير يبقي في نظر غيره معقد

الشاب اللي مبيضربش يبقي برضو معقد

فالواحد دلوقتي معادش قادر يعمل حاجة

الا انه يدعي ربنا ان المجتمع ده يتعدل و يرجع زي زمان

و الانسان يعرف ربنا في حياته

شكرا جدا جدا ع الموضوع يا رحمة

تقبلي مروري

فرسان الحق

25-10-2008, 08:55 PM

لا حول ولا قوة الا بالله
انا راجل لكن و الله مش عارف اقول ايه اقول ايه لما اشوف الولاد بيعكسوا البنات و مقدرش اعمل حاجه اقول ايه لما اشوف بنت ماشيه مع ولد لوحدهم اقول ايه لما الاقى بنت غبيه واقفه مع ولاد قلات الادب و شكلهن مش مظبوطين و الواحد ما يقدرش يعمل حاجه لانه خايف ان يتحرج او يحصله حاجه او اتدخل و الله الواحد بقى بيتخنق لما بيشوف احوالنا دى و بيتخنق لما يشوف حاجه زى دى
و لكنى حاسس ان اكيد ان الست دى سببت للراجل ده مشكله كبيره قوى و ممكن تكون دمرت له حياته و لما شافها مستحملش و مقدرش يسكت و حب ينتقم منها لان ده هو التحليل الوحيد للى حصل ده على ظنى

SmSm Basha

26-10-2008, 02:43 AM

السلام عليكم ازاي حضرتك ... سوري بقالي كتيير مش دخلت المنتدى بس الدراسة بقى صعبة اوي

وكمان اول لما لقيت موضوع لحضرتك حبيت اقرا واشارك وارجو اني مش اتقل عليكم

>>>>>>>>>>>>>

النخوة انعدمت مبقيتش تلاقى راجل فى الزمن ده
والله حضرتك عندك حق انا كمان غير دا بشوف بجد مناظر حاجة تفرس بجد يعني

والموقف ده حصلي النهارده

كنت راكبة الميكروباص عودة من الجامعة وبعد رحلة شاقة فى المترو

وحصل شد ما بين اتنين .. واحدة كبيرة فى السن قد جدتى ،، والتاني راجل عادى

الخناقة كانت ما بينهم هما الاتنين فقط لا غير

الست دى قاعدة جنبى

معرفش فجأه

لقيت شاب عمره ما بين ال 20 و ال 25

قام شاتم الست دى شتيمة قذرة :mellow:

والله انا حاسس ان موضوع الشتايم دا بقى حاجة عادية كدا يعني مثلا شتيمة في منتهى الفظاعة تلاقي الناس بتقولها عادي زي اهبل وعبيط كدا عندنا .... اقول لحضرتك على حاجة احنا في المدرسة المدرسين بيشتمونا بشتايم والله انا حاسس ان وداني اتلوثت من كتر القعدة في المدرسة ..... ما علينا

قامت الست شاتماه شتيمة اقذر :mellow:

والله احسن امال تسكتله ؟؟؟!!!!!!

قام قالها ....... ده يبقي جوزك

قامت قالتله بس يا ...... يا ابن الـ ........

لقيت الراجل قالها متغلطيش ف امى

ده انا هربيكى

والاقى الراجل نزل فى الست ضرب

هو اساسا يعني لا متربي ولا عارف يعني ايه ست كبيرة.... دا اكييد بيعمل كدا مع والدته في البيت والا مش كان عمل مع الست دي كدا

والناس تهدى فيه وهو لو طال يخرملها عين كان عمل

اها بيتصرف بحماقة وللا كاننا في العصر الجاهلي يعني

الست مسكتتش وهاااات يا صويت و قلعت النضارة وشمرت اكمامها و فضلت تضرب فيه وتشتم

اللي زي دا مش ينفع معاه الا كدا والا كان زمان الست مش عايشه اساسا لا قدر الله

انا كنت جمبها كل اللى قدرت اعمله انى مسكتها بجد وكنت بشدها وكنت عمالة اقول اعوذ بالله من الشيطان الرجيم واقولها اهدى يا امى

الست كانت عمالة تقولى حاسبى كده بس بجد مكانش ينفع اسيبها كانت هتتبهدل :(

المهم الواد مسبهاش

واول مرة ف حياتى اسمع واحد بيشتم ف دينه .. ايه ده هو فى ناس كده بجد

لالالالالالا دا بقى شييء عادي جدا لان هو اساسا مسلم بالفطره كدا يعني على ورق وخلاص انما هو تقريبا لا بيصلي ولا بيصوم وللا اي حاجة

وبما ان الرجالة كانت ماسكة ايده لقيت الراجل طالع برجله معرفش ازاى و هات يا ضرب ف وشها و ف جسمها

ايه دا ؟؟؟ .... وللا كانه انسان بدائي او وحش مفترس ...لا حول ولا قوة الا بالله

بجد كان نفسي اخد الست دى ف حضنى انا مش عارفة ازاى فى بنى ادم كده

انا راجعة البيت وايدى واقفة تماما مش قادرة احركها و مليانة كدمات زرقة والله وخربشة

الف سلامة على حضرتك .... والله انا مش فاهم البني آدميين دوول بيفكروا ازااااي

فما بالكوا بيها

هي لها الله هو حسبها

وهى انسانة كبيرة فى السن

والبنى ادم ده مش راضي يعتقها

هل بجد وصلت بيه البجاحة لكده ؟

فعلا انا مستغربة اوى

وحزينة اوى اوى اوى

والست بعد ده كله لما هديت

فضلت تحسبن وتعيط

وانا اقولها معلش يا امى حقك عليا يا امى

والاقى الحقير ده نازل عليها ضرب تانى

انا بجد معرفش اتكلمت ازاى بس لقيت نفسي بقوله ميصحش كده ع فكرة عيب اوى اللى انت بتعمله ده :angry2:

كل اللى انا فاكراه انى لقيت ناس بتضحك عليا

الحمد لله ان الواد مقلبش عليا :mellow:

بس قسما بالله انا فعلا كان نفسي انزل فيه ضرب وخاصة اننا كنا اتعلمنا ان فى كذا منطقة ضعيفة فى الجسم بتضعف اللى قدامك اوى وممكن كمان تخدره لمدة بس لو الضربة طلعت صح

والله يا ريتك كنتي عملتيها كنتي ريحتي المجتمع من تلك الفئات الضالة

بس بجد كنت خايفة اوى

الست وهيا بتعيط جنبى والناس ماسكة الراجل

بجد صوتها والبهدلة اللى شافتها والله خلونى اعيط جنبها

اكيد الناس دى مش بشر عادية

مينفعش ده يكون انسان

والله انا مش مصدقة ان ده حصل ولو حد كان حكهولى مكنمتش هصدق

انا اعرف ان مش من الرجولة ولا الدين ولا الاخلاق ولا اى الانسانية انى امد ايدى ع واحدة

وكمان كبيرة فى السن !!!!!!

لا تعليق

(( فعلا لقد استنوق الجمل !! )

لا حضرتك صدقي اي حاجة في زمننا دا .... ما هو مش في تعليم مش في تربية مش في احترام لاب او لام مش فيه اي حاجة خالص

بجد شكرا لحضرتك على الموضوع وربنا يهدي الشباب جميعا ويهدينا معاهم واسف على الطالة وارجو تقبل مروري

Travel

26-10-2008, 08:33 PM

(( ماتوا الرجالة فى حرب 1973 ))
فعلاااا

انا الحكايه دى عارفاها من زمااااااااااااان ;)
ماتوا و اللى كان كان
بس صراحه مش عارفه هما كانوا عايشين امتى اساسا :rolleyes:

مصر واللى اولادها كانوا معروفين بالجدعنة والاخلاق والرجولة
كويس انك بتكتبى بصيغة الماض
معرفش ايه حصلهم
النخوة انعدمت مبقيتش تلاقى راجل فى الزمن ده
تاقلموا مع العصر الحديث
وده شئ طبيعى جداا
لقيت شاب عمره ما بين ال 20 و ال 25

قام شاتم الست دى شتيمة قذرة :mellow:

قامت الست شاتماه شتيمة اقذر :mellow:

قام قالها ....... ده يبقي جوزك

قامت قالتله بس يا ...... يا ابن الـ ........

لقيت الراجل قالها متغلطيش ف امى

ده انا هربيكى

والاقى الراجل نزل فى الست ضرب

والناس تهدى فيه وهو لو طال يخرملها عين كان عمل

الست مسكتتش وهاااات يا صويت و قلعت النضارة وشمرت اكمامها و فضلت تضرب فيه وتشتم

المهم الواد مسبهاش

وبما ان الرجالة كانت ماسكة ايده لقيت الراجل طالع برجله معرفش ازاى و هات يا ضرب ف وشها و ف جسمها

الست وهيا بتعيط جنبى والناس ماسكة الراجل

بجد صوتها والبهدلة اللى شافتها والله خلونى اعيط جنبها

انتى عارفة يا رحومة
انا قلتلك على الموقف ده
حصل قبل الموقف اللى حصلك فى الميكروباص ب3 ايام
:angry2::angry2:
واقفة مستنية الاتوبيس وده الوحيد اللى كان جى للمنطقة بتاعتى
وكنت مستنياه ساعة الا ربع :angry2:وكان فاض مش اوى يعنى
المهم
لاقيت شاب كده نازل فى سن برضه 20 - 18
وهو نازل
بيشتم فى راجل كبير
قام الراجل شتمه وبيقوله بتشتم راجل قد ابوك
يا .........:mellow:
قاله ده انت لو ابويا انا كنت دفنتك يا ..............:mellow:
الراجل قام شتمه شتيمة وحشة
قام الواد طلعله الاتوبيس وقام ضاربه بالشلوت جااامد:angry2:
الناس حدفت الشاب ده برة الاتوبيس
:slap1qk6:
والراجل العجوز ده اتضايق جداا وقام حادف الشاب بشوية حاجات معرفش ايه هى
(مكنتش واضحة من الزحمة)
الواحد مبيعرفش يشوف الخناقات كويس فى الشارع
فى المنتدى بس بيشوفها واضحة:d

المهم
الشاب ده مرة واحدة
لاقيته بيطلع حاجة من بقه:huh:
وعمل بايده اللى فيها الحاجة دى 8 حركات
لاقيت بعدها دم بينزل من الاتوبيس
:excl::excl:
الشاب عور الراجل
مش معروف عوره بايه لان الناس كلها قالت انه مش موس
الله اعلم
يااااااااااااااااه
هى وصلت لكده
!!
ان الكبار بدل ما نراعيهم ونعوضهم من سنين عمرهم
نهينهم
!!

ربنا يسترها بجد فى الزمن ده

dr.saeed

26-10-2008, 11:35 PM

(( ماتوا الرجالة فى حرب 1973 ))
الرجالة موجودين الا ان تقوم الساعة
والا لن ترجع الخلافة مرة اخرى
ولكن
الغالبية العظمى الان اتكتبوا فى البطاقة غلط

hala3

27-10-2008, 11:36 PM

لا حول ولا قوة الا باللة