اهلا بكل طلاب كلية تجارة انا محمد في سنة اولي
انا كنت عايز اعرفكم ان في تدريب في شركة بترول والشركة اسمها spe
وهي بتاخد طلاب كلية تجارة وطلاب كلية هندسة والتقديم مفتوح لكل الطلبة في كل السنين بس قبل ما تتقبل في التدريب الشركة هتعمل ليك انترفيو
والتقديم موجود في كلية هندسة اول ما تدخل من الباب علي اليمين.
وفي شركة تانية اسمها stpالشركة دي بتعمل تدريب في سبع موضوعات
1-Businesses and the Economy
2-crisis utilization risk Elimination
3-E4life
4-Human investment -resources Employment
5-marketing-Advertising-revealing
6-successful techniques and applications for managing project
7-stock Trading art
شركة stpهتلاقيها اول ما تدخل من باب هندسة علي اليمين جنب شركة spe
انا قولت اقولك عشان تقدموا وما تخافوش انكم في سنة اولي مش هتخسر حاجة لما تدخل انترفيو
ادعولي يا جدعان انا عندي انترفيو يوم الخميس و يوم الاحد ادعولي يا جماعة الله يكرمكم
ولما تقدم في شركة stpللتدريب هيشرحلك ايه مميزات علي واحدة من السبعة عشان تشوف ايه اللي هيفيدك.
سلام

شكرا جدا لحضرتك علي المعلومات

بس دلوقتي الموضوع دا في تجارة القاهره ولا حتة تانيه؟

و الانترفيو مفتوح لحد امتي ؟

التقديم علي ما اعتقد لحد اخر شهر عشرة واي حد عايز يقدم يروح يقدم مش لازم تكون في جامعة القاهرة

الف شكر ليك يا باشا لكن انا اولى تجاره و لسه فى اول السنه يعنى لسه بنعرف الف باء تاء محاسبه هل هيقبلوا يدربوا ناس لسه فى اولى تجاره او اولى هندسه انا متهيالى ان الموضوع ده للى فى تلته او رابعه هندسه او تجاره لكن انا من جامعه القاهره و هسال عندى فى الجامعه الحكايه دى فى جامعة القاهره بس ولا فى جامعه المنصوره و لو ينفع اروح هرح
بكرر شكرى ليك لانك بصراحه راجل محترم و جدع قوى انك تقولنا و ده معناها انك بتتمنى الخير للناس زى ما بتمناها لنفس و دى سمه قليله لما الواحد يلاقيه

هو علي فكره مش هيسألك في الدراسة خالص هو هيسألك في ليه اخترت شركتنا عشان تتدرب فيها
وممكن يسألك سؤال يقولك انتا شايف نفسك بعد عشر سنين ازاي
وانا متأكد ان التقديم مفتوح لكل السنين لان في ورقة الابليكيشن مكتوب من سنة اولي لحد سنة رابعة وانتا بقي تشوف السنة الدراسية اللي انتا موجود فيها وتعلم قدمها علامة صح