مشاهدة النسخة كاملة : عشت أد ايه ؟ طيب اتعلمت ايه ؟
احمد رضا 14-10-2008, 04:32 AM السلام عليكم ورحمة الله وبركاته
عشت أد ايه ؟
مش ده السؤال المظبوط
اتعلمت ايه ؟
ده السؤال المهم والمظبوط
بعد 17/16 سنه عايشهم
بعد 18
19
20
24
36
50
- طبعا 12 منهم طفولة -
اتعلمت ايه ؟
الحياة هي المدرسة الأولي
وطول ما انت عايش بتتعلم
وطول ما انت بتتعلم
بتدفع
وطول ما انت بتدفع
بتتعب
مش لازم كمان انك بتتعلم من تجاربك الشخصية
فيه انك بتتعلم من تجارب الآخرين
اللي بيدولك المعلومة ببلاش
وهو اللي كان دافع تمنها زمان
قولي بقي وسيبك من الكلام ده
انت اتعلمت ايه في الحياة لغاية دلوقتي ؟
وبعد ما تقولي اتعلمت ايه
قولي
ايه هيا مشكلة المشاكل في الحياة
- من وجهه نظرك -
؟
MohammeD el_SadaT 14-10-2008, 05:41 AM بص يا أحمد بالصدفه أنا لسه كاتب موضوع حالاً تقريباً هو ردى على موضوعك
وده لينك
http://www.thanwya.com/vb/showthread.php?t=80389
إعتبر الحياه هى المنتدى ومشكلتها هى المكتوبه وحلها فى نهايه الموضوع وبين السطور
فبدل ما أكتب من جديد أدخل إقرأه هناك
وبجد موضوعك جميل جدااااً
زى ما إتعودنا معاك دائماً
و
بجد أنا سعيد جدااا إنى أكون أول رد فيه
محتــــرف الأدسنس 14-10-2008, 08:35 AM انت اتعلمت ايه في الحياة لغاية دلوقتي ؟
طالما أن عقلي ينبض بالحق ....فأنني على الطريق الصحيح....
ايه هيا مشكلة المشاكل في الحياة
- من وجهه نظرك -
المشكلة في اعتقادنا أن:::
‘‘الملكية تسعة أعشار القانون.....’’والباقي وهو العشر كيفية حماية هذه الملكية...!!!
احمد رضا 14-10-2008, 10:04 AM بص يا أحمد بالصدفه أنا لسه كاتب موضوع حالاً تقريباً هو ردى على موضوعك
وده لينك
http://www.thanwya.com/vb/showthread.php?t=80389
إعتبر الحياه هى المنتدى ومشكلتها هى المكتوبه وحلها فى نهايه الموضوع وبين السطور
فبدل ما أكتب من جديد أدخل إقرأه هناك
وبجد موضوعك جميل جدااااً
زى ما إتعودنا معاك دائماً
و
بجد أنا سعيد جدااا إنى أكون أول رد فيه
رديت فيه انا ياباشا
وفعلا تشبيه مظبوط
تسلم ايدك
نورتني
احمد رضا 14-10-2008, 10:08 AM طالما أن عقلي ينبض بالحق ....فأنني على الطريق الصحيح....
المشكلة في اعتقادنا أن:::
‘‘الملكية تسعة أعشار القانون.....’’والباقي وهو العشر كيفية حماية هذه الملكية...!!!
فكرتني بحاجة جميله اوي كنت اتعلمتها من دكتور في العلوم الإنسانية بقاله 52 سنه بيدرس فلسفه
كان بيقولي الثقه اللانهائيه في العقل تؤدي دائما للخطأ
لان الإنسان كائن غير مؤهل لاستخدام العقل فقط
والاعتماد الكلي علي العقل بيؤدي لخلل في التوازن النفسي والإنساني وتغيير الحقائق داخليا ً
فيصبح الفرد يتعامل علي اساس الصحة وكل نواتج استدلالاته خاطئه
وذلك لانه اعتبر كل القضايا الدنيوية مجرد استدلالات رياضية
1+1 = 2
اي ان العقل لا يخطئ دائما
:)
نورت
مشتاقة لرضا الله 14-10-2008, 05:05 PM بصراحه رغم عمرى القصير الا انى شايفة انى الحمد لله فهمت بعض حاجات من الدنيا دى
اتعلمت انى احافظ على اسرارى اوى لانى مش هلاقى حد يستاهل اقولهاله
وكمان اتعلمت ان مهما الانسان اللى قدامى ده كويس لازم هيكون فيه عيوب لانى كنت لحد السنه اللى فاتت بس بشوف ناس واقول دول يعنى عيوبهم بسيطة وكده انما بكتشف فى الاخر انهم مالينين عيوب برضه
واتعلمت كمان انى ابطل اثق فى الناس زيادة عن اللزوم
اما مشكلة المشاكل فى الحياة بصراحه
ان الانسان دايما طموح
والطموح طبعا مش وحش انما بيقلب لغل وغيرة وحقد وان الواحد يبقى مشغول باللى مع غيره
فينسى نفسه وينسى هو اتخلق ليه اصلا
طبعا دى اكبر مشكله انه ينسى هو اتخلق ليه
وفى بيت شعر للامام على بن ابى طالب كرم الله وجهه اكيد معظمنا عارفينه
لادار للمرء بعد الموت يسكنها *************** الا التى كان قبل الموت بانيها
بجد البيت ده مفسر كل الدنيا فى كلمتين
والحدق يفهم بقى
احم احم
بسم الله الرحمن الرحيم
فى القيقه من خلال خبراتى الطويله والعريقه
اتعلمت بجد انك لو معملتش الحاجه لنفسك محدش فى الدنيا هيعملهالك(مع نفسك من الاخر)
وان دعوه الام والله والله والله لا تقد ربمال واوعى تستهون بالدعوه اللى فى بؤها عمال على بطال
ربنا يهديك يا ابنى ويصلح حالك ويوقفلك ولاد الحلال
وانك لورحت مكان جديد احسن حاجه تعملها انك تقفل بؤك
والمشكله فى الحياه بالنسبه ليا
الحلقه المفرغه
مفيش مشكله مش متصله بغيرها
ومن الاخر مفيش حل
اوركيديا 15-10-2008, 01:34 AM يلا مع انى مكنتش ناويه ارد فى مواضيع تانيه بس ارد فى ده عشان يستاهل
انت اتعلمت ايه في الحياة لغاية دلوقتي ؟
سؤال صعب
ان الواحد يلخص حياته و كل اللى عاشه و شافه و اتعامل معاه فى شويه حروف مرصوصين جنب بعض
حاجه ميقدرش عليها غير واحد متعلمش حاجه او واحد اتعلم كل حاجه
يعنى بس لو قلنا بوجه عام يعنى ممكن الواحد اتعلم انه مينتظرش مقابل دى بالنسبالى بجد اهم حاجه و ريحتنى من تعب كتير من حاجات كان ممكن اتعب منها
دى على المستوى الشخصى
اما بقى على المستوى العام فممكن تقول اتعلمت الحاجات العامه اللى المفروض الواحد يتعلمها
ايه هيا مشكلة المشاكل في الحياة
اممممممممم
احم
بالنسبالى ممكن يكون الحياه نفسها مع انى لسه مش شفت حاجه وحشه منها :romarioxp6:
احم
شكل الواحد رد على حاجه تانيه غير اللى تقصدها:unsure:
يلا موش اشكال :rolleyes:
فى رعايه الله
marwa.m 21-10-2008, 12:54 PM السلام عليكم ورحمة الله وبركاته
عشت أد ايه ؟
مش ده السؤال المظبوط
اتعلمت ايه ؟
ده السؤال المهم والمظبوط
بعد 17/16 سنه عايشهم
بعد 18
19
20
24
36
50
- طبعا 12 منهم طفولة -
اتعلمت ايه ؟
الحياة هي المدرسة الأولي
وطول ما انت عايش بتتعلم
وطول ما انت بتتعلم
بتدفع
وطول ما انت بتدفع
بتتعب
مش لازم كمان انك بتتعلم من تجاربك الشخصية
فيه انك بتتعلم من تجارب الآخرين
اللي بيدولك المعلومة ببلاش
وهو اللي كان دافع تمنها زمان
قولي بقي وسيبك من الكلام ده
انت اتعلمت ايه في الحياة لغاية دلوقتي ؟
وبعد ما تقولي اتعلمت ايه
قولي
ايه هيا مشكلة المشاكل في الحياة
- من وجهه نظرك -
؟
انا اكتر حاجة اتعلمتها انى مديش للصداقة دور فعال فى حياتى واتعلمت كمان ان محدش عايز لية الخير اكتر من والدى ووالدتى وان طول مانا فى حالى ومبجبش فى سيرة حد عمر المشاكل ما هتجيلى وبجد اكتر حاجة اتعلمتها هى انى اسامح على قد ما قدر لان الدنيا مش مستاهلة كل دة
*****************
اما بالنسبة لمشكلة المشاكل هى النفاق بجد نفسى الناس يبقوا طيبين
انا اصحابى الغالبية العظمى منهم منافقين رغم انهم يعرفون الله جيدا
لكن ممكن نقول جزء من شخصيتهم
احمد رضا 21-10-2008, 04:53 PM جميل اوي ان الواحد يتبادل الخبرات ويعرف تفكير الناس
وجميل اوي ان الواحد بردو يلاقي الناس اللي تستجيب لدعوة زي دي
شكرا للناس المحترمه اللي ردت
لمى 2016 21-10-2008, 05:36 PM اتعلمت ايه فى حياتى؟!
انا على العموم حياتى مش طويلة اوى
بس الحمد لله اتعلمت كتير
اتعلمت ان مفيش حد فى الدنيا ملوش لازمة و ان كل واحد لازم يكون له دور
فى حياته و حياة الناس اللى حواليه
اتعلمت ان مش اى حد بيعمل ادامى اى حاجة كويسة لازم يبقى انسان كويس
و اكيد ان مش اى حد يعمل حاجة مش كويسة يبقى انسان مش كويس
اتعلمت ان اسوا حاجة ممكن تعملها فى حياتك هى الحاجة اللى بتعملها و انت مضطر
اتعلمت اخلى عندى دم و ماطولش على الناس فى الردود عشان ابعد عنهم الملل
شكرا استاذ احمد على الموضوع الجميل دة
hend ere 21-10-2008, 11:34 PM بصراحه حاسه انى مش اتعلمت كثير خالص
وبتمنى انى اكتسب ثقافه اكثر من كده بكثير
انا نفسى اعرف احنا بننسى ليه المواد اللى بندرسها فى المدارس!!!
ملهاش لازمه مثلا ولا ايه,انا مبقتش فاهمه حاجه
يعنى عمرنا ده كله عدى على الفاضى؟؟؟؟
يارب يوفقنا جميعا ونقدر نثقف نفسنا بنفسنا
بجد موضوعك جميل اوى.
انا بقيت حاسه ان المنتدى ده اصبح بيشكل جزء كبير من حياتى
موضوعاته بجد جميله اوى وبشعر فيه بالعدل
وبحس انه دوله مستقله كل عضو عايش جواها
جزاك الله كل خير على موضوعك الرائع ده.
وبالنسبه لسؤالك الاخير
اصبحت اغلب الاشياء بتمثل مشاكل
المشاكل بقت فى كل بيت من البيوت
وبجد نفسى ان العرب كلهم يصبحو ايد واحده وفكر واحد
ونحاول نحرر اخوانا فى كل الدول العربيه المحتله
بجد انا لسه شايفه صور صعبه جداااااااااا
وبجد بتوضح فظاعة الاستعمار
ربنا يعنا جميعا.
يارب مكنش طولت عليك
صدى الاحاسيس 15-11-2008, 09:08 PM ;829392'] السلام عليكم ورحمة الله وبركاته
وعليك السلام ورحمة الله وبركاته
:
الاخ الفاضل والعزيز , تحيه طيبه وبعد:...
;829392'] بعد 25سنه عايشهم
انت اتعلمت ايه في الحياة لغاية دلوقتي ؟
وبعد ما تقولي اتعلمت ايه
اتعلمت ان الحياه جنة العاصى ونار المطيع , اتعلمت ان الحياه عباره عن فترة اختبار لنا جميعا عشان فى الاخر هيكون فيه فلاح وخسران,
اتعلمت انى لازم اتزود بالزاد الكافى لكى اكمل بقية الرحله وهى رحلة ما بعد الموت . ده الى اتعلمته فى حياتى بالنسبه للعقيده , اما بالنبسه للبشريه اتعلمت وشوفت ناس قلوبهم حجر لا بل اقسى واشد لان من الحجاره من يتفجر منها الانهاروالبعد عنهم غنيمه الاذيه عندهم شيئ عادى فالحياه صعبه قوى
;829392']
ايه هيا مشكلة المشاكل في الحياه
المشكله هى البعد عن المنهج الرئيسى وغفلتنا عن حقيقة موجوده وهى الموت هيكون مصيرنا , احنا ابتعدنا عن ديننا وترف الحياه ونزواتها ضحت علينا بدل مايكون شعارنا اتبع السيئه الحسنه تمحوها وخالق الناس بخلق حسن , اى اخلاقنا مع باقى البشر .
:
الاخ المميز
:
موضوع يستحق كل تقدير وطرحك هادف وقيم
فجزاك الله كل خير وبارك الله فيك وارضى اللهم عنك
واحبك حبا يغنيك عن كل شيئ
تقبل تحياتى وشكرى
nothing 16-11-2008, 11:13 AM بصراحه ولا حاجه
لانى بردو بخطئ نفس الاخطاء مع انى عارفه العواقب ومع ذلك بغلط نفس الغلطات
مش عارفه بصراحه انا اتعلمت ايه
اما بقا مشكله المشاكل بالنسبالى ان مفيش حد بيفهم حد او بمعنى اصح مش بيحاول يفهمه وبيتعمد انه مش يفهمه كنوع من انواع تريييييييييح الدماغ
وكمان السلبيه الامتناهيه اللى الناس بقت فيها بقت حاجه رخمه اوووووووى
ياااااااااااه يا احمد الواحد مش عارف يقول ايه ولا ايه
بس توبيك جميل كعادتك طبعا
سيـــــــ(الحق)ـــــــف 16-11-2008, 08:07 PM جزاك الله كل خير
Eng.Rasha 05-12-2008, 03:03 PM اتعلمت ان الحياة زى ما بتدى زى ما بتاخد
ريحانه من الجنه 05-12-2008, 03:37 PM السلام عليكم
اولاا الف شكر لحضرتك على الموضوع
جزاك الله خيرا
ثانيا بالنسبه
للسؤال
و بردو رغم انى معشتش كتير
بس اكيد اتعلمل حاجات جايز تكون كتير فى وجهه نظرى و قليله فى وجهه نظر حد تانى
و لسه بتعلم
و هفضل طول عمرى اتعلم
لان المواقف اللى بتحصل للانسان مش بتخلص
بس فى حاجه بتكرر دايما و كتيير
عشان كده اخيرا اتعلمت منها
ان الانسان
بيظهر
فى المواقف
فقط
يعنى المواقف هى اللى بتظهر الناس و تبين حقيقتهم
ده جزئ بسيييييييط
و اخيرا اسفه للاطاله
و بارك الله فيكم
و كل عام و انتم بخير جميعاا
(ملحوظه )
توقيع حضرتك صعب اووى
و الاصعب
الكلام اللى تحته
(فعلا عند حضرتك حق )
Sharp Nails 05-12-2008, 04:00 PM اتعلمت انى مش اصدق اى كلام يوصلنى عن اى حد
عشان لا اظلم ولا اجرح
مشكلتنا اننا شعب بتاع كلام واشاعات
وهو دة الى جايبنا كلنا لورا
الكلام بيزيد وعمال يفرق بنا
كل يوم اتنين يخصروا بعض
عشان دة سمع كذا عن حد
ومحولش يواجهه او يعتبه
بجد دية اكبر مشكلة واجهتها فى حياتى
ممكن توصلنا لمشاكل كتير اوى
شكرا يااحمد عالموضوع
وطلب صغنون غير التوقيع الله يخليك
|