بسم الله الرحمن الرحيم

قام أحد الأخوه الكرام بعرض سؤال هام و أشار إليه بسؤال تحدي للمدرسين,و أنا أوافقه الراي فأي شخص قد يغفل عن اجابة هذا السؤال لأننا اعتدنا على أن معامل انكسار الضوء في الهواء او الفراغ فهو أقل ما يمكن و هوا الواحد الصحيح و بالتالي فسيكون معامل انكسار الليفه اكبر من الواحد فيكون النسبه معامل الانكسار الليفه و معامل انكسار الهواء أكبر من الواحد....عفواً! لكن اذا نظرنا الى قيمة الكثافه الضوئيه لليفه و هي قدرتها على كسر الضوء داخلها-نجد أنها أقل منها في الهواء و بالتالي تزداد سرعة الضوء فيها و يقل معامل انكسارها...لذا تكون النسبة بين معامل انكسار الليفه و معامل انكسار الهواء تكون < الواحد الصحيح

ايه يا جماعه...ما حدش عايز يناقش و يشوف اذا كنت صح و لا غلط؟؟؟

كيف تعمل الألياف الضوئية و كيف توصل الضوء
افترض انك تريد أن توصل ومضة ضوئية خلال مسار طويل مستقيم كل ما عليك هو أن توجه الضوء خلال هذا المسار و لان الضوء ينتقل في خطوط مستقيمة فانه سيصل للطرف الآخر بلا مشاكل. لكن ماذا لو كان المسار به انحناء؟ بسهولة يمكن أن تتغلب على ذلك بوضع مرآة عند الانحناء لتعكس الضوء إلى داخل المسار مرة أخرى . و بنفس الطريقة تحل المشكلة لو كان المسار كثير الانحناءات حيث تصف مرايا على طول المسار لتعكس الضوء باستمرار من جانب لأخر ليبقى في مساره. هذه بالضبط هي فكرة عمل الألياف الضوئية. حيث ينتقل الضوء بواسطة الانعكاس المستمر عن الجدار المحاذي للقلب الزجاجي(cladding) انعكاسا داخليا كليا. و لان هذا الجدار لا يمتص أي من الضوء الساقط عليه فان الإشارة الضوئية يمكن أن تسافر مسافات طويلة. و لكن يحدث أحيانا أن يفقد جزء من الضوء حيث تمتصه الشوائب الموجودة في القلب الزجاجي.

فى أعتقادى لادخل لإنكسار الضوء هنا؟؟؟

وجهة نظرك صحيحه....لكن هوا كان عايز النسبه فقط يعني كان يفضل لو كان سأل "معامل انكسار الليفه (أكبر- أقل - يساوي) الواحد الصحيح" و كده كانت هتكون الإجابه أقل من الواحد الصحيح برده و على العموم انا هارسل مرفق يوضح العمليه اكتر

اتفضلوا المرفق اللي يوضح الحل بكل سهوله بعد تعديل صيغة السؤال بس مافيش فرق بين الصيغتين

انا لا اتفق مع هذة الاجابة لان معامل انكسار مادة الليفة الضوئية تتناسب عكسيا مع جيب الزاوية الحرجة وبما ان الزاوية الحرجة لمادة الليفة الضوئية صغيرة جدا حتي يحدث للاشعة انعكاس كلي اذن معامل انكسار مادة الليفة الضوئية يكون كبير جدا وبما ان اصغر معامل انكسار هو معامل انكسار المطلق للهواء الذي يساوي الواحد الصحيح اذن النسبة بينهما اكبر من الواحد الصحيح

إلى زميلي العزيز :-
من حقك أن تعارض إجابتي..ومن حقي أن أنتقد الإجابه :
لقد اجبت على السؤال بنفسك بقولك "الزاوية الحرجه لمادة الليفه الضوئيه صغيره جداً" و هذا معناه ان الزاوية تكون < 10 درجات , لذا فإن جيب الزاويه بالتقدير الدائري يساوي الزاوية نفسها تقريباً و من قانون معامل الانكسار يساوي مقلوب جيب الزاوية الحرجه نجد ان معامل الانكسار يساوي عدد أقل من الواحد...و لكي اوضح اكتر..سأرسل مرفقاً يوضح العمليه بصورة اثباتيه رياضيه.


:abdoog8::abdoog8::abdoog8::abdoog8::abdoog8::abdo og8:

أي خدمات و أنا جاهز للنقاش من أي مدرس فاضل أو زميل

الأخ زوراندو
قرأت ما كتبت أولاً ولم أفهم ماذا تقصد تماماً ..
ولكن بعد قراءة الملف المرفق عرفت انك عندك لبس كبير وتصارب في بعض اجزاء المنهج ... وسوف اعقب على بعض ما ذكرت بغض النظر عن فهمي للموضوع نفسه
يجب ملاحظة ان (السرعة تتناسب عكسيا مع الجذر التربيعي للكثافة) فهذا يخص سرعة الصوت .. وأيضا في الغازات فقط وليس سرعة الضوء وفي المواد الصلبة مثل الألياف الضوئية
ثانيا : مين اللي قالك الجملة الغريبة دي : (من المعروف ان الكثافه الضوئيه لليفه الضوئيه أقل من الكثافه الضوئيه لأي وسط آخر)
يعني مين ضحك عليك وقالك كده ؟؟
لو فيه مشكلة .. يا ريت ترد عليا

الكثافة الضوئية المقصود بها درجة شفافية المادة وليس قدرتها على انكسار الضوء داخلها ... ده حتى التعريف التاني ده ما لهوش معنى أصلاً
يعني المادة الي شفافيتها عالية تبقى كثافتها الضوئية صغيرة والعكس صحيح

يا عم زوراندو انت بتقول ان الزوايا الصغيرة تساوي جيب زاويتها بالتقدير الدائري صح وانت بتقول ان مقلوب الزوايا دي اقل من واحد وانا معاك ولغاية هنا كلامك مظبوط بس مش كان المفروض انك تجيب الزاوية دي بالتقدير الدائري ولوجبته هتلاقيه اقل من واحد فهتلاقي ان قيمة معامل الانكسار اكبر من واحد صح ولا ايه علي سبيل المثال هنفترض ان الزاوية الحرجة تساوي3 هتجيب sin3 وهتجيب 3 بالتقدير الدائري هتلاقيهم قد بعض بس ايه اقل من الواحد يعني معني كدة هيطلع معامل الانكسار اكبر من واحد لانك هتجيب المقلوب صح وبعدين سيبك من دة كله احنا عارفين ان اي معامل انكسار في الدنيا اكبر من الواحد الصحيح ما عدا معامل الانكسار المطلق للهواء يساوي الواحد الصحيح يعني معني كدة ان النسبة اكبر من الواحد الصحيح


ولو عندك كلام تاني ياريت تبقي تقوللي

بص يا باشا...دلوقتي sin 3 تساوي 3 ...و معامل الانكسار هيساوي 1\3 (واحد على تلاته)...مش ده أقل من الواحد؟؟؟

الأخ زوراندو
قرأت ما كتبت أولاً ولم أفهم ماذا تقصد تماماً ..
ولكن بعد قراءة الملف المرفق عرفت انك عندك لبس كبير وتصارب في بعض اجزاء المنهج ... وسوف اعقب على بعض ما ذكرت بغض النظر عن فهمي للموضوع نفسه
يجب ملاحظة ان (السرعة تتناسب عكسيا مع الجذر التربيعي للكثافة) فهذا يخص سرعة الصوت .. وأيضا في الغازات فقط وليس سرعة الضوء وفي المواد الصلبة مثل الألياف الضوئية
ثانيا : مين اللي قالك الجملة الغريبة دي : (من المعروف ان الكثافه الضوئيه لليفه الضوئيه أقل من الكثافه الضوئيه لأي وسط آخر)
يعني مين ضحك عليك وقالك كده ؟؟
لو فيه مشكلة .. يا ريت ترد عليا


بص ياأخ Physics...سيبك بقا من الأسلوب بتاع المدرسين اللي كنت باكتب بيه و تعالى نتكلم بلدي...

أولاً:الكثافه الضوئيه لليفه أقل من الكثافه الضوئيه للهواء....دي معلومه حقيقيه و ممكن تدور عليها في اي موقع علمي و لو لقيت غير كده ياريت تعرفني ضروري عشان كلنا بنغلط بس المهم تجيب لي المصدر؟

ثانياً:أنا هاسمع كلامك في قانون (السرعه تتناسب عكسياً مع الكثافه) بس هابعتلك مرفق في الرد الجاي باذن الله الساعه 1 عشان اجهز ملف الوورد..

يا عم الحج افهم وركز شوية sin3 لا تساوي 3 وانما تساوي 3 بالتقدير الدائري يعني بتساوي تقريبا0.0523 يعني لوجبت معامل الانكسار هيطلع 1/0.0523 يعني هيطلع ب 19.12 اكبر من واحد اهه مش كدة برضه ولا ايه


ولو عندك راي تاني غير كدة ابقي قوله بس انا شايف اننا بنضيع وقت في سؤال اجابته معروفة وسهلة لانه من المعروف ان معامل الانكسار دائما اكبر من الواحد الصحيح (ما عدا معامل الانكسار المطلق للهواء يساوي واحد) وفيه سؤال علل علي الكلام دة لان سرعة الضوء في الهواء او الفراغ c دائما اكبر من سرعته في اي وسط اخر v يعني انت لو في مسالة طلعت فيها معامل الانكسار المطلق اقل من الواحد اعرف ان حلك غلط علي طول من غير ما تفكر


ويارب تكون ما اتضايقتش من كلامي

اتفضلوا يا جماعه المرفق التالت...و انا مش هتضايق يا كيرو...عادي

ابقي رد عليا ماشي لاننا في الاول او في الاخر احنا بنتناقش في العلم

بس لازم ارد برده يا كيرو...

بس يا عم عشان تعرف ان sin3 = 3 و ياريت تراجع الجزء بتاع المنشور الرقيق...و انتا تعرف انا قصدي ايه...و لو ما عرفتش قول لي و انا هاقوللك على طول انا قصدي ايه

بص انا هتاكد من كل الكلام دة وهناقش مدرسين وهبقي ارد عليك لاني ما اقدرش افتي في حاجة انا ما اعرفهاش ماشي في خلال الاسبوع اللي جاي هاكون جبتلك اجابة ماشي

اوك ماشي...بس ياريت لو عندك ايميل عشان نتواصل احسن

بس بص دلوقتي ياعم الحتة بتاعت المنشور الرقيق كنا بنحول الفا نود +a علي2 بالتقدير الدائري صح وكمان كنا بنحول a/2 ايضا بالتقدير الدائري فبتضيع a مع a بس هما الاتنين بالتقدير الدائري وال2 مع ال2 يعني زي ما قلنا قبل كدة نعتبرa=3 يعني3 بالتقدير الدائري يساوي 0.0523 هتروح مع ال3 التانية بالتقدير الدائري اللي هي برده 0.0523 فهمت بس معلش قبل ما ترد عليا قوللي ازاي بتحول من التقدير الستيني الي الدائري لحسن شكلك فاهم الحتة دي غلط


وماتزعلش العلم مالوش كبير انا بتعلم وانت بتتعلم

أنا فهمتك...بس أظن مش محتاجين نحول للتقدير الستيني دلوقتي.

تاني حاجه...انا مش باعرف احول للتقدير الستيني او العكس...لأني نسيت...و مش عيب ان الواحد ينسى او يتعرف انه نسا

بس ياريت تشوف المرفق التالت و تقول التعليق بتاعك...أنا فاتح الموضوع ده للنقاش

ابعتلي انت ايميلك وانا هسجلك عندي

بص انا مش هديك تعليق عليه دلوقتي لما اتاكد من المعلومات اللي فيه الاول لاني ما اقدرش افتي في حاجة انا معرفهاش ماشي ياعم

ماشي يا كيرو

ok يا كيرو ده ايميلي xerox_hero2000@yahoo.com

انا اتكدت من الاجابات كلها و اجاباتي صح...أرجو من احد المدرسين الأفاضل الدخول عشان باقي الزملاء يتأكدون

بص يا عم هجيبلك م الاخر


اولا هاسالك سؤال انت مثلا بتحل مسألة وطلع معاك معامل الانكسار يساوي 0.99 او بمعني اصح اقل من الواحد الصحيح يبقي انت كدة اجابتك صح




ثانيا افتح كتاب المدرسة صفحة 49 هتلاقيه بيقوللك معامل الانكسار دائما اكبر من الواحد الصحيح ماشي سلااااااااااام

برضه مالهوش علاقه باللي انا عايزه و مش مكتوب "دائماًَ" مكتوب "أكبر من الواحد الصحيح" و مالهوش دعوه برضه بالليفه الضوئيه
انتا ما فهمتش المرفق التالت...الكثافه الضوئيه لليفه الضوئيه أقل من الكثافه الضوئيه للفراغ او الهواء
ما عنديش كلام تاني اقوله...غير انك لازم تقرا المرفق التالت كويس و افهمه و ركز في سؤال علل
ثانياً: الجملة دي صحيحه ميه بالميه و انا مش هاقول غيرها "الكثافه الضوئيه لليفه الضوئيه أقل من الكثافه الضوئيه للهواء"

سلااااااااااااااااااااااااام

ملاحظة: الاثبات في المرفق الأول خاطيء

المرفقين 2 و 3 لايوجد بهما اي عيب... وباتحمل مسؤولية كلامي

انا بعد ما قرات الموضوع والنقاش كله مازلت اصر على ان الاجابة هتكون اكبر من الواحد الصحيح

انا بعد ما قرات الموضوع والنقاش كله مازلت اصر على ان الاجابة هتكون اكبر من الواحد الصحيح

من حقك تصر يا باشا...و انا من حقي اتأكد من اللي باقوله
اللهم قد بلغت اللهم فاشهد
انا سألت اكتر من 10 طلاب جايبين فوق ال44 في الفيزياء بانسبه للامتحان الفظيع بتاع السنه اللي فاتت و كلهم ايدوا رأيي
ياريت لو في مدرس "كبـــــير" و داري بالمادة يدخل يشوف الكلام ده

انا مش هاستنا مدرس...انا معايا مصدر يؤكد ان الكثافه الضوئيه لليفه أقل من الكثافه الضوئيه للهواء

ده جزء من المصدر :
تحدث ظاهرة الانعكاس الكلي الداخلي اذا تحقق الشرطين التاليين:
(1) ان ينتقل الضوء من وسط ذو كثافة ضوئية أعلى (معامل انكساره كبير) إلى وسط أقل كثافة ضوئية (معامل انكساره اقل).
(2) ان تكون زاوية السقوط اكبر من الزاوية الحرجة.

أكيد طبعاً الضوء بينتقل من الهواء الى الليفه؟؟؟

رابط المصدر http://www.hazemsakeek.com/QandA/FiberOptics/fiber_optics.htm

و بصراحه انا زهقت من كتر الكلام و كتابة الاثباتات انا عملت اللي عليا و جاوبت السؤال...و صاحب السؤال أساساُ خلع و كله عمل الحل اكبر من الواحد :stickjo4::stickjo4::stickjo4:

انا مش عارف اعمل ايه تاني عشان تتأكدوا اكتر من كده...احنا شعب بيحب الحفظ اكتر من الفهم و البحث

[CENTER]:040vk0:[CENTER]

مزعل نفسك لية دة كلة من احمد رجب صاحبي هوا اللي حاطط السؤال دة

مش زعلان و الله...بس انا حليت السؤال و حطيت اثباتات...و مش عارف اعمل ايه اكتر من كده يعني

طب ماشفتش الحتة دي من مصدرك


تحدث ظاهرة الانعكاس الكلي الداخلي اذا تحقق الشرطين التاليين:
(1) ان ينتقل الضوء من وسط ذو كثافة ضوئية أعلى (معامل انكساره كبير) إلى وسط أقل كثافة ضوئية (معامل انكساره اقل).
(2) ان تكون زاوية السقوط اكبر من الزاوية الحرجة.

فى رقم واحد مين الوسط الاكبر كثافة الليفة الضوئية ومين الاقل الهواء والوسط الاكبر كثافة هو الليفة معامل انكساره كبير (زي ماالمصدر بيقول) يعني معني كدة النسبة اكبر من واحد





معلش هسالك سؤال وهعرف منه اذا كنت فعلا ذاكرت الحتة دي كويس ولا لا بس ياريت تجاوبني عليه



افرض مثلا وانت بتحل مسالة طلعلك معامل الانكسار مثلا 0.99 هتعتبر اجابتك صحيحة بس ياريت تجاوبني

لو الرقم طلع 99. هيكون أقل من الواحد...بس هيعتبر يساوي الواحد الصحيح بالنسبه للتقريب

و انا هاسال سؤال..هوا الشعاع بينتقل من الليفه الى الهواء و لا من الهواء الى الليفه؟؟؟ و ياريت تجاوبني

تاني حاجه...انا زي ما قولت الكثافه الضوئيه لليفه أقل من الكثافه الضوئيه للهواء

طب أنا عندي فكرة حلوه

أنا هاضحك على نفسي و اقول زي ما انتوا كلكوا قولتوا

الحل هيكون أكبر من الواحد

زغردوا يا ولاد و اعملوا فرح بس ما حدش يعزمني

هههههههههههههههههههههههههههه توت توت

يا عم مش الليفة تستخدم للوصول للاماكن الصعبة يعني الشعاع في الليفة تحدث له عدة انعكاسات ثم يخرج من الجانب الاخر علشان نقدر نشوف الاماكن التي يصعب الوصول اليها وبعدين مش عشان يبقي فيه زاوية حرجة لازم الضوء ينتقل من الوسط الاكبر كثافة الي الوسط الاقل كثافة مش كدة برضه ولا ايه


وبعدين لو طلعت النسبة معاك 0.99 مثلا يبقي حلك غلط لان معامل الانكسار دائما اكبر من الواحد الصحيح يبقي لازم تراجع اجابتك

طب انا همشي علي كلامك تمام بس معني ان النسبة اقل من الواحد الصحيح يعني ان معامل انكسار مادة الليفة الضوئية اقل من الواحد الصحيح وكتاب المدرسة بيقول ان مفيش اي معامل انكسار في الدنيا اقل من الواحد الصحيح وبعدين متزعلش وماتتريقش احنا بنتناقش

يا كيرو انا مش قصدي انك تمشي على كلامي و خلاص...صدقني انا باحب النقاش بس المشكلة هيا اني لحد دلوقتي بادور على المصدر اللي لقيت فيه ان الكثافه بتاعت الليفه اقل من الكثافه الضوئيه للهواء...و المستر كمان اكدلي الكلام ده...وناس في كلية علوم و هندسه اكدوا ان الكثافه الضوئيه لليفه أقل من الكثافه الضوئيه للهواء

ياة ياجماعة لسة بتتكلموا في السؤال لغاية دلوقت

اه طبعاً...افرض جه في اخر السنه

ايه يا زوراندو

ليه السؤال شاغلك اوي كدة؟؟؟

ع العموم و لا تزعل يا سيدي

تفسير انتقال الضوء هو ان الالياف الضوئية مصنوعة

من طبقتين

فالضوء الساقط ينكسر في أول طبقة بزاوية ما

و الطبقة الثانية مصنوعة من زجاج زاويته الحرجة اقل من زاوية الانكسار

فينعكس انعكاسا كليا

و هكذا

و لو مش مصدق ارجع للرابط اللي انت حاطه

يا رب تكون اقتنعت

من الاخر يا عم زورنادو
اكتب قيمة
1/sin10 (دة طبعا علشان انت بتقول ان الزاوية عشرة فاقل)
وابقى اتكلم
انت مفيش عندك جيب لزاوية اكبر من الواحد
بمعنى: اكبر جيب بيكون واحد زى الزاوية القائمة
انت ماشى على التقدير الستينى
وانت بتحول من الستينى للدائرى بانك تضرب فى باى/180
عندك هتكون 10*باى /180= 174532925.
يعنى 1/ 174532925. =5.7
القيمة دى طبعا اكبر من الواحد
احنا فى الاخر بنتناقش
رد عليا بسرعة

ما هو السؤال الذي عرضه احد الاخوة الكرام اصلا رجاء عرضه للافادة

الاخ زوراندو بيققول ان معامل انكسار الليفة الضوئية اقل من الواحد يا عم maiay