خلاص انا هسكت خالص [الأرشيف] - بوابة الثانوية العامة المصرية

عبقرينومان

16-10-2008, 07:29 PM

فوائد الصمت السبع

الأولى :.

عبادة من غير عناء

الثانيه :.

زينة من غير حلي

الثالثة :.

هيبة من غير سلطان

الرابعة :.

حصن من غير حائط

الخامسة :.

الاستغناء عن الاعتذار لاحد

السادسة :.

راحة للكرام الكاتبين

السابعة :.

ستر لعيوب الجاهلية

::

.. الصمت ..

يمنحك طاقه قويه للتفكير بعمق في كل ما يحصل حولك

والتركيز بعقلانية على اجابتك

.. الصمت ..

يجعلك تسيطر على من أمامك من خلال نظرات محملة بمعان غير

منطوقة تجعلهم حائرين في تفسيرها

.. الصمت ..

المصحوب ببعض الحركات والإيماءات يرغم من أمامك على البوح

بما داخله فيقول اكثر مما يريد فعلا

.. الصمت ..

يولد لدى الآخرين شعورا بالغيظ الشديد لأنهم يعتبرونه هجوما

مستترا ، فتكون الأقوى من دون كلام ولا تعب

.. الصمت ..

هو الحل الأفضل أمام المشاكل الزوجية التافهة

.. الصمت ..

في المواقف الصعبة يولد الاحترام ، بعكس الصراع و الجدل

الذي يولد التنافر والحقد

.. الصمت ..

يدمر أسلحة من تتشاجر معهم ويجردهم من القدرة على

مواصلة الكلام

.. الصمت ..

يعلمك حسن الاستماع الذي يفتقده الكثيرون

-----------

ولذلك انا احب الصمت دائما

Prof.Dr/A.T.M

16-10-2008, 07:34 PM

بكثرة الصمت تكون الهيبة
شكرا على الموضوع المهم فى حياتنا ده

عبقرينومان

16-10-2008, 07:36 PM

بكثرة الصمت تكون الهيبة
شكرا على الموضوع المهم فى حياتنا ده

شكرا لردك الاهم بالنسبة لي

Dr.ahmed91

16-10-2008, 07:39 PM

ولكن قد يعتبر الصمت ضعفا في بعض الأحيان ...

وفي هذه الحالة الذي يتكلم وان كان غير محقا

قد يبدو محقا

ما رأيك؟

Dr.diamond

16-10-2008, 07:41 PM

اذا كان الكلام واجب فالصمت عجز واذا كان الصمت واجب فالكلام عجز

ولا ننسى ان الساكت عن الحق شيطان اخرس

الاسطورة

16-10-2008, 07:41 PM

مش فى كل الاحوال يا استاذ اشرف
فى حالات فيها الصمت بيبقى ضغف وعدم قدرة على المواجهة
وبيكون احساس من الانسان انه غلطان وبيصمت لانه مش عايز يعترف بغلطه
او بيكون حالة من الاستهبال والتطنيش
فى حالات كتير للصمت غير اللى فى موضوعك

وشكر’آ على الموضوع :d

ayooosh

16-10-2008, 07:45 PM

السلام عليكم

موضوع جميل يا استاذ اشرف

بس فى اوقات الصمت فيها مينفعش

مينفعش فى كل الاوقات نسكت

الصمت مثلا لو ادامك ظلم مينفعش

لان الساكت عن الحق شيطان اخرس

.. الصمت ..

في المواقف الصعبة يولد الاحترام ، بعكس الصراع و الجدل

الذي يولد التنافر والحقد

......................

فنكوشه المنكوشه

16-10-2008, 07:45 PM

دا موضوع تبرير او تثبيت يعني ولا ايه
ما علينا
اللي انا اعرفه خير الكلام ما قل ودل
ومن كان يؤمن بالله واليوم الاخر فليقل خيرا او ليصمت
غير كدا انا معرفش :)

عبقرينومان

16-10-2008, 07:55 PM

انا لا املك الا الصمت مع هذه التعليقات الجميلة

بجد بشكر الجميع على المساهمة في موضوعي المتواضع

عن فوائد الصمت

وعمر ما كان الصمت عجز

Dr/Fatma

16-10-2008, 07:58 PM

موضوع جميل

ولكننى أختلف معك سيدى فالكلام مهم دائما بقدرأهمية الصمت بل ربما أكثر

للتعبيرعن فكرة او لشرح موقف أو عرض وجهة نظر أو...........الخ

فهناك الكثيرمن الأشياء لا يمكن أن نعبر عنها بالصمت

تقبل مرورى:romarioxp6:

نورا

عبقرينومان

16-10-2008, 08:00 PM

COoL HEaRT

16-10-2008, 08:02 PM

الصمت اعتقد الموضوع اطرح قبل كده كتير .. بس كلامك هنا عن الجزء الايجابى فى صمت بيدل ع العى والعجز

فى صمت بيدل ع التجاهل

واوحش انواع التجاهل هى عدم الرد مش بيبن غير حاجه ان الشخصيات اللى بتتكلم ملهاش قيمه

لانك كانك بتقول بالظبط للى قدامك اذا اجابك السفيه فلا تجبه خير من اجابته السكوت

وده المعنى اللى بيوصل ومفيش غيره

اذا كان الكلام من فضه فالسكوت من ذهب

فعلا بس فى مناصب بتحتم ع الشخص الاجابه

مثلا زى موضوع الالمان اللى اتخطفوا ومعاهم مصريين مصر طلعت بيان انها رافضه الرد او التحدث لمجموعه من الارهابيين
فى الوقت اللى المانيا بعتت تتكلم وتفاوض عشان ولادها يرجعوا

صدقنى وانا بقلك ان التصرف بتاع مصر كان فى منتهى الغباء

فى مواقف كتير بيحتم عليك الرد فيها حتى لو اللى ايه .. بس لازم ترد عشان تحط حد معين

مش معنى ان الواحد يحب الصمت يبقى يصمت ع طول

فى مقوله لاحد الحكماء وكانت عندنا فى درس قراءه زمان

واحد بيسال بيقله متى تتكلم كان رد الحكيم عندما تشتهى الصمت ومتى تصمت عندما تشتهى الكلام

لو الصمت فى كل وقت حاجه كويسه

مكنش الاسلام انتشر الاسلام انتشر بافواه المسلمين اللى كانوا بيناقشوا الكفره والملحدين

المعتزله فى العصر العباسي اللى نهضوا عشان يجادلو الملحدين

وبردو بكثره الصمت تكون الهيبه

يعنى سلاح ذو حدين

المهم نتعلم نستخدمه ازاى

ونستخدمه كويس كمان

عبقرينومان

16-10-2008, 08:06 PM

ayooosh

16-10-2008, 08:06 PM

اصلا الصمت مش دايما هيبه

سعات بيكون عجز وضعف فى مواقف

وسعات بيكون تجاهل و ده برده صمت سلبى

والانسان الواعى الفاهم يقدر يحدد امتى يصمت وامتى يتكلم

وتقبل مرورى مره ثانيه

عبقرينومان

16-10-2008, 08:09 PM

اصلا الصمت مش دايما هيبه

سعات بيكون عجز وضعف فى مواقف

وسعات بيكون تجاهل و ده برده صمت سلبى

والانسان الواعى الفاهم يقدر يحدد امتى يصمت وامتى يتكلم

وتقبل مرورى مره ثانيه

طبعا متقبل مرورك تاني وثالث والف

لان مش هسكت وهرد عليك ومش هصمت

لان فعلا كلام زي ده محتاج اقول انه متميز

وان ردك اسعدني

وفعلا الانسان الواعي الفاهم الذي يعرف ان الصمت خيرا

وقال صلى الله عليه

فلتقل خيرا او لتصمت

وعموما انا بتكلم في الموضوع عن فوائد الصمت

ولم اقل بلاش نتكلم

ولكن بوصف الصمت

hend ere

16-10-2008, 08:16 PM

مرسى على التوبيك الرائع ده
والردود كلها عجبانى
واكيد الموضوع

FRANKENSTEIN

16-10-2008, 08:19 PM

بحب اوي المواضيع المكرره :d

المهم
الصمت احيانا بيكون مفيد وبيكون كافي جدا وابلغ من الرد
والتجاهل برضه كميل اوي
زي ما بيقول سارتر تقريبا الجحيم الحقيقي ف نظرات الناس ..ف تجاهلهم
بس الاجمل والافيد ان الانسان يعبر عن رأيه او مراده
زي ما بيقولوا ... البحار الهادئة لا تصنع بحارا ماهرا

يعني كمثال ديموستين واحد من اعظم الشخصيات الاغريقية وواحد من اعظم الخطباء ع مر العصور
كان بيعاني ف صغره من التهته والصوت المنخفض
كان بيحبس نفسه فترات بالاسابيع بيتكلم مع نفسه " اهبل بقي "

ثانكس :d

عبقرينومان

16-10-2008, 08:19 PM

مرسى على التوبيك الرائع ده
والردود كلها عجبانى
واكيد الموضوع

ربنا يكرمك يا رب

ويا رب تكون استفد كثير من الموضوع

ومن الردود اللي عجبتك

وانا اللي عاجبني ردك الطيب

عبقرينومان

16-10-2008, 08:21 PM

MohammeD el_SadaT

16-10-2008, 08:23 PM

بجد أنا مش مصدق إن حضرتك نزلت موضوع
" أنا مش مصدق نفسى يالمبى "
:av4056bb7jp3:

نرجع للموضوع بقه
الصمت فى أحيان كثيره بيكون أبلغ من الكلام
على رأى المثل القائل
" إن كان الكلام من فضه فالسكوت من ذهب "
بس ده مش معناه إنى هقضى حياتى كلها صمت
لاء طبعاً أحيان كتيره جدااااً لازم نتكلم ونصرخ بأعلى الصوت لما نلاقى إن صوت الحق كمموه والباطل علوه

لكن للكلام شروط
أو شرط لابد منه
إنى لما أتكلم أتكلم فى الشىء اللى يخصنى واللى عارف أباعده كامله وأتكلم فى مجالى وألا أتدخل فيما لا يعنينى وأتكلم بإسلوب خالى من الأخطاء يكون إسلوبى بيسمح بالنقاش مش إسلوب جاف مانع لأى كلام بعده إسلوب مرن يريح ويستريح

وبجد الموضوع ده جميل جدااااً
وياريت متحرمناش من وجودك المستمر دائماً

عبقرينومان

16-10-2008, 08:28 PM

بجد أنا مش مصدق إن حضرتك نزلت موضوع

" أنا مش مصدق نفسى يالمبى "
:av4056bb7jp3:

نرجع للموضوع بقه
الصمت فى أحيان كثيره بيكون أبلغ من الكلام
على رأى المثل القائل
" إن كان الكلام من فضه فالسكوت من ذهب "
بس ده مش معناه إنى هقضى حياتى كلها صمت
لاء طبعاً أحيان كتيره جدااااً لازم نتكلم ونصرخ بأعلى الصوت لما نلاقى إن صوت الحق كمموه والباطل علوه

لكن للكلام شروط
أو شرط لابد منه
إنى لما أتكلم أتكلم فى الشىء اللى يخصنى واللى عارف أباعده كامله وأتكلم فى مجالى وألا أتدخل فيما لا يعنينى وأتكلم بإسلوب خالى من الأخطاء يكون إسلوبى بيسمح بالنقاش مش إسلوب جاف مانع لأى كلام بعده إسلوب مرن يريح ويستريح

وبجد الموضوع ده جميل جدااااً
وياريت متحرمناش من وجودك المستمر دائماً

لا صدق يا محمد

انا عملت موضوع جديد

وهخذ على كدا

ويا سيدي كل سنة هتلاقي لي موضوع جديد

وكلامك جميل وردك مقنع بنسبة 78 %

وشكرا لمرورك

COoL HEaRT

16-10-2008, 09:26 PM

انا اللي شاكر مرورك

واكيد في فرق كبير بين الصمت والتجاهل

والرسول في مواقف كثيرة علم الأمة معني الصمت

بس اي دخل موضوع البحار الهادئة بالصمت

يقصد هنا ان الشخصيات الهاديه اللى مش بترد ولا بتتكلم لو شبهاناها بالبحار بالشده فهى عمرها مهتكون ماهره الا فى حاله انها تخوض التجربه وترد وتتكلم و تعبر عن نفسها زى مالبحار عمره مهيكون ماهر الا لو جرب انه يخوض البحار اللى امواجها صعبه وهكذا هو ده اللى وصلنى :)

***star***

16-10-2008, 10:11 PM

موضوع جميل جدا استاذ اشرف...ويارب تنزل مواضيع جميله كدا باستمرار.

صوت الحق

16-10-2008, 10:17 PM

ahmed2845

16-10-2008, 10:42 PM

bosy .. mostafa

16-10-2008, 10:59 PM

الصمت من ذهب و الكلام من فضه
.. موضوع أكثر من رائع ..
أحييك عليه ..
جزاك الله خيراً

عبقرينومان

17-10-2008, 01:32 AM

يقصد هنا ان الشخصيات الهاديه اللى مش بترد ولا بتتكلم لو شبهاناها بالبحار بالشده فهى عمرها مهتكون ماهره الا فى حاله انها تخوض التجربه وترد وتتكلم و تعبر عن نفسها زى مالبحار عمره مهيكون ماهر الا لو جرب انه يخوض البحار اللى امواجها صعبه وهكذا هو ده اللى وصلنى :)

لا حضرتك

الصمت الذي في كل وقت وحين

وشكرا للتوضيح

عبقرينومان

17-10-2008, 01:34 AM

موضوع جميل جدا استاذ اشرف...ويارب تنزل مواضيع جميله كدا باستمرار.

ربنا يبارك فقك

مرورك حضرتك هو الاجمل

ادعي لي انزل مواضيع باستمرار

عبقرينومان

17-10-2008, 01:37 AM

لن اتكلم عن نص الموضوع هخرج به شوية
حضرتك عارف افضل شيء فى هذا الموضوع ايه
تواجدك بين الاعضاء تناقش تحاور تنتقد ترد تشارم تعيش بين الجميع ولو استمريت على هذا سوف تعود الى الوضع الصح وهو تواجدنا بين الاعضاء بكل روح وحب ومودة لكى تعود اسرة واحدة باذن الله
اختلف معك فى هذا الموضوع لسبب بسط
يعتبر الصمت عجز فى اشياء كثيرة جدا عند عرض قضية معينه لا يجب ان تصمت
يعتبر الصمت عجز هند مشاهدة ضرر يقع
وهكذا
ثانيا توقيت هذا الموضوع لعد المشكلة ممكن يفسر على احتمالات اخرى
اسمه احى الفاضل اجعل له مدة تستمتع بقراءة موضوعات ومناقشات الاعضاء افرح ازعل انتقد تنتقد سوف يصبح الجميع صفا واحد

انا فعلا محتاج اكتب مواضيع كثيرة
بس انت بنفسك شايف كم المشاكل

وحضرتك اخر موضوع لحضرتك كان امتى

والمشرفين الاداريين

والمشرفين ع الاقسام

هتلاقي الناس دي مواضيعها قليلة

بس انا فعلا بعشق الصمت

ولكن لو احتاج الامر للكلام كنت من ابلغ المتكلمين

ولكني احب الصمت كثيرا لكي لا اعتذر كثير

لانني عندما التزم الصمت وحين أبدأ بالكلام الجميع ينصت إلي لاني كلامي قليل

وفي النهاية ادعي لي ان استمر في كتابة مواضيع

وربنا يتقبل من الجميع

وبشكر مرور حضرتك الطيب

وان كان الموضوع نزل في توقيت مش صح

بس انا لم اربط الاحداث لحسن النية والله

دموع الفراق

17-10-2008, 01:38 AM

.. الصمت ..

يعلمك حسن الاستماع الذي يفتقده الكثيرون

موضوع جميل

عبقرينومان

17-10-2008, 01:40 AM

انا شايف ان الصمت فعلا بيدى هيبة واحترام والواحد لو يقدر يصمت وميتكلمش غير فى الضرورة يبقى عمره ما هيدخل نفسه فى مشاكل ملهاش لزمة
بس ده فى حالة اذا كان الكلام ملهوش لزمة يعنى الرغى على الفاضى بيجيب مشاكل الانسان بيبقى فى غنى عنهاا
انما طبعا فى حاجات مينفعش الصمت فيهاا وهى الضرورة او توضيح شى معين مينفعش تحقيقه بالصمت
وشكرااا على الموضوع

وانا شايف فعلا ان الصمت ميزة جميلة تجعل لك هيبة واحترام كبير

واكيد برضوا معاك ان في حاجات كثيرة يجب البوح بالكلام وما ينفعش فيها الصمت

وانا اللي بشكر حضرتك على ردك في الموضوع

ويا رب تكون استفدت حاجة وأفدني بالكثير

عبقرينومان

17-10-2008, 01:42 AM

الصمت من ذهب و الكلام من فضه
.. موضوع أكثر من رائع ..
أحييك عليه ..
جزاك الله خيراً

هو مثل مشهور وخكمة عظيمة

ان الصمت من ذهب والكلام من فضة

والاروع من الموضوع هو رد حضرتك الذي احييك انا عليه

وجزاكي الله كل الخير

عبقرينومان

17-10-2008, 01:44 AM

.. الصمت ..

يعلمك حسن الاستماع الذي يفتقده الكثيرون

موضوع جميل

جميل اختبار حضرتك لهذا الجزء من الموضوع

وفعلا بجد

ان الصمت يعلمك حسن الاستماع الذي يفتقده الكثيرون

والاجمل من الموضوع بجد ان تكون تاني مشاركة لحضرتك في موضوعي المتواضع

ويارب نلاقي مساهمة من حضرتك اكبر بكثير

الضوء الشارد

17-10-2008, 01:48 AM

عبقرينومان

17-10-2008, 01:55 AM

قال رسول الله صلى الله عليه وسلم . من كان يؤمن بالله واليوم الأخر فليقل خير أو ليصمت . يعنى المفروض معظم كلامنا يبقى فى الخير والا السكوت الأفضل وفى قول أخر يقول رسول الله سلام ماسكت فأن تكلمت فلك أو عليك

جزاك الله خيرا على هذه الاحاديث التي تصف الصمت وتقدم قيمته الحقيقة

وفعلا الصميت يريح الملكين

والجميل فعلا رد حضرتك على موضوعي

msamido

17-10-2008, 01:58 AM

الأستاذة أم معتصم

17-10-2008, 02:00 AM

الضوء الشارد

17-10-2008, 02:01 AM

جزاك الله خيرا على هذه الاحاديث التي تصف الصمت وتقدم قيمته الحقيقة

وفعلا الصميت يريح الملكين

والجميل فعلا رد حضرتك على موضوعي
والأجمل موضوع حضرتك . شكرا لحضرتك

عبقرينومان

17-10-2008, 02:02 AM

أنا عايز أضيف فى الموضوع ده إن فى نوع تالت للصمت غير الصمت العاجز وصمت الحكمة
لما يكون فى فهم عام لموضوع وانا شايف إن الفهم ده غلط
يبقى لازم وضرورى اتكلم ووضح للناس لأن الصمت فى الحالة دى معناه اثبات للفهم العام
.
.

منور الموضوع يا بطل

وجميلة الاضافة

واخيرا حد عرف المعنى الحقيقي من الموضوع

واجمل ما في ردك عدم خلط الاوراق

وفعلا الموضوع يتكلم ان الصمت حكمة

عبقرينومان

17-10-2008, 02:05 AM

استاذى اشرف

الموضوع جميل جدا

من منا لا يريد ان يدرب نفسه على الصمت فى لحظات

ولكن ماهى هذه اللحظات؟

لحظات الانفعال لكى نملك انفسنا وقت الغضب

لحظات التفكير من اجل الوصول الى القرار الصحيح

لحظات التأمل فى خلق الله

لحظات التدبر فى ايات الله

لحظات استسلام القلوب لحب خالقها

لكنننننننننن

الصمت فى لحظات اخرى

يكون بركان من الغضب

فى لحظات الظلم

الصمت قد يقتل صاحبه

عند عدم قدرته على النطق بالحق

الصمت قد يجعل من صاحبه شريرا من الاشرار يدفعه للانتقام مجددا

من منا لا يريد ان يفرق بعقله وادراكه وحواسه بين لحظات الصمت واوقات الكلام ؟

وفى النهاية

نجد الصمت هو ما يدفعنا للكلام

الله واكبر

حضرتك بنفسك بتردي على موضوعي الصغير ده

يا رب تكوني حضرتك استفدي من موضوعي ده

وانا فعلا استفدت كثير جدا من ردك

وفعلا ليس الصمت دائما هو الحل

فلا ينفع الصمت عن الحق

واجمل ما في الصمت كما ذكرتي حضرتك

ان الصمت عبادة بدون عناء

فهي عبادة تجعلك تتفكر في خلق الله دون الكلام

روميو

17-10-2008, 02:09 AM

الصمت لغة العظماء

موضوع رائع بجد

wafa2y

17-10-2008, 02:11 AM

هو فعلا الصمت أحسن إن يكون ديدن الشخص
عن الكلام
لأن من كثر كلامه كثر ذلله و خطأه
و هذا عن تجربه
كثرة الكلام لا يأتي من ورائها سوي المشاكل و المتاعب
أما الصمت فهذا يميز الشخص عن غيره
علي عكس الشخص الذي يصمت نتيجة الإنغلاق
فهو يجد في العزله ملجأ يحتمي به من الناس
و لا يفتح قلبه لأحد
و لكن هذا بالتأكيد يؤدي بالسلب
و لا ينفع في تلك الأيام:
يا من في الحقيقة ملتزم للصمت :. أفصح عن نفسك و أخبرنا من أنت
ليس من الصواب أن تظل صامتا:. إذ أن الكلام يدل علي ما في القلب
و جزاكم الله خيرا علي الموضوع المهم

Sharp Nails

17-10-2008, 02:14 AM

عبقرينومان

17-10-2008, 02:16 AM

الصمت لغة العظماء

موضوع رائع بجد

الصمت لغة العظماء

ولهذا فانت تفعل كالعظماء وترد بكلمات قليلة

بس ردك انت الاروع من موضوعي

عبقرينومان

17-10-2008, 02:19 AM

هو فعلا الصمت أحسن إن يكون ديدن الشخص

عن الكلام
لأن من كثر كلامه كثر ذلله و خطأه
و هذا عن تجربه
كثرة الكلام لا يأتي من ورائها سوي المشاكل و المتاعب
أما الصمت فهذا يميز الشخص عن غيره
علي عكس الشخص الذي يصمت نتيجة الإنغلاق
فهو يجد في العزله ملجأ يحتمي به من الناس
و لا يفتح قلبه لأحد
و لكن هذا بالتأكيد يؤدي بالسلب
و لا ينفع في تلك الأيام:
يا من في الحقيقة ملتزم للصمت :. أفصح عن نفسك و أخبرنا من أنت
ليس من الصواب أن تظل صامتا:. إذ أن الكلام يدل علي ما في القلب

و جزاكم الله خيرا علي الموضوع المهم

مش الموضوع هو اللي المهم

الاهم في الموضوع ردك

انا عجبني قوي كلام حضرتك قوي

وفعلا مش لازم نصمت ع طول

بس لو استطعنا الصمت دائما فلنصمت دائما

عبقرينومان

17-10-2008, 02:24 AM

بجد هايل جداااااااااااااا:av4056bb7jp3:

حاسة انى بحلم بصراحة ماعلينا ندخل فالموضوع

الصمت جميل بس بحدود
اسكت عشان اسمع الى قصادى وافهمه
اسكت عشان افكر كويس
اسكت عشان اكتسب خبرة

لكن مينفعش نقول

كلمة دائما قلبت الموضوع
كدة مش هنسميه مجرد صمت وهيجى وراه كلام
لا كدة بقى انطواء وعزله

وبعدين المقولة المشهورة

((تكلم حتى اراك ))

الانسان لازم يتكلم ويظهر شخصيته
زي حضرتك كدة
كنت طول الوقت ساكت مش بتتكلم ولا بتتناقش
بس لما فتحت مجال الكلام تقريبا شخصيتك ابتدت تظهر

استمر يااستاذ اشرف عرفنا بيك اكتر :)

على فكرة الموضوع مش هايل

الهايل في الموضوع ردك الذي اوضح لي انه من الافضل اني لو لم استخدم كلمة دائما

ولكني لم اقصد اني التزم الصمت دائماً

ولكني اتمنى الصمت كثيرا لكي يزعل مني احد

ولكن عندما يستدعى الامر الحديث اتكلم

وللعلم الموضوع ليس يتكلم عن شخصي بصفة كبيرة

ولكني اتكلم عن الصمت كموضوع

وانا احب الصمت

وشكرا لمروك الكريم يا اخت ملك

همس

17-10-2008, 02:46 AM

والله انا وجهة نظري في الصمت حسب المقولة الي بتقول

ان صمتي لا يعني ضعفي ولكن من حولي لا يستحق الرد

طبعا مش قصدي احتقار الجميع ولا حاجة

بس فعلا فعلا في اوقات كتيرة اوي الناس الي بيتكلموا كتير افضل علاج ليهم الصمت

حاجة تانية كمان :

يكفيني ان أتأمل كلمات رسول الله صلى الله عليه وسلم حين قال:
(من كان منكم يؤمن بالله واليوم الآخر فليقل خيرا او ليصمت)

يبقى لما آجي اتكلم يا اما اقول خير يا اما الحل الي امامي هو الصمت ودا امر مش شئ اختياري

سبحان الله بجد

بربط بين الحديث دا والحديث الاخر
(وهل يكب الناس على وجوههم في النار الا حصائد السنتهم؟؟)

فعلا احنا مش بنآخد بالنا من كلامنا ... يبقى الكلام ممكن يآخدنا الى حيث لا ندري

برده المقولة الي بتقول

من كثر لغطه كثر غلطه

اللغط الي هو الكلام

برده الواحد لما بيتكلم كتير في الاخر بيبدا يدخل المواضيع في بعض وبيغلط كتيييييييييير
وبيكون مضطر انه يعتذر اكتر

يبقى من الاول يلتزم الصمت

في الاخر الانسان بيكتشف ان كل الطرق تؤدي الى الصمت فعلا

انا مش عاوزة اطول على استاذ اشرف في قراءة ردي عشان مش احرم بقية الاعضاء من انه يقرأ ردوهم

وبجد ليا تعليق كدا

لما قرأت الموضوع دا يا استاذ اشرف

فعلا حسيت ان دا يوم ميلاد المنتدى من جديد

اد ايه الهدوء حلو

وكلامنا مع بعض اجمل

ونقاش حضرتك معانا اجمل

بجد الموضوع دا هو اول نقطة في الصفحة الجديدة الي احنا بنفتحها النهاردة كلنا مع بعض

اعضاء ومشرفين واداريين وكل واحد من اكبر واحد لاصغر واحد

واخيرا احنا بنتكلم عن الصمت و انا برغي :)

ههههههههههههههههههههههههههههه

يلا في رعاية الله

دمت بود يا استاذ اشرف وموضوع رائع صراحة وكلمات أروع

عبقرينومان

17-10-2008, 10:18 AM

Sharp Nails

17-10-2008, 10:45 AM

على فكرة الموضوع مش هايل
انا بتقول هايل على ان حضرتك ابتديت
تشاركنا وتتحاور معانا
ما علينا مش موضوعنا

الهايل في الموضوع ردك الذي اوضح لي انه من الافضل اني لو لم استخدم كلمة دائما

ولكني لم اقصد اني التزم الصمت دائماً

ولكني اتمنى الصمت كثيرا لكي يزعل مني احد
قصدك لا يزعل منى احد
بس انا مش مع حضرتك فى الكلام دة
اولا احنا لازم نتكلم ونحتك اكتر
عشان لما هنتكلم هنغلط وهنصحح غلطنا
وهنتعلم كل يوم درس جديد

ولكن عندما يستدعى الامر الحديث اتكلم

وللعلم الموضوع ليس يتكلم عن شخصي بصفة كبيرة
كفاية ان الكلام ابتدى يطلع
كون انك تتكلم عن فكرة معينة دية هتبن شخصيتك
يعنى لما اتكلم عن موضوع حيوي
يبقى انا شخصية واعية ولما اتكلم عن موضوع تافهه
يبقى انا شخصيتى مش منضبطة

هو دة الى انا قصده ان اى كلمه الانسان بيطلعها
بتبين حاجة فى شخصيته:)
كلامى صح ولا بخرف ؟؟؟

ولكني اتكلم عن الصمت كموضوع

وانا احب الصمت

وشكرا لمروك الكريم يا اخت ملك

شكرا عالموضوع
بس انا وجهة نظرى الخاصة
انى افضل الكلام اكتر من الصمت
لانه زى ما قولت ترجمان للشخصية مبهمة
ولكن الكلام بحدود برضه
لان طبعا كل شئ لما يزيد عن حده يتقلب ضده

شكرا مرة تانية:)

welcomeeee

17-10-2008, 11:19 AM

موضوع رائع من حضرتك
ونفسنا ان حضرتك تكون بيننا دايما
شكرااااا

عبقرينومان

17-10-2008, 11:23 AM

موضوع رائع من حضرتك
ونفسنا ان حضرتك تكون بيننا دايما
شكرااااا

هو طبعا موضوع رائع علشان حضرتك شاركتي فيه

ونفسنا احنا نلاقي مشاركات اكبر وتواجد اكبر منك بينا

وشكرا ليكي على المرور

CoMMaNdo

17-10-2008, 11:31 AM

بس حضرتك الصمت على طول بيبقى فيه نوع من الغموض
يعنى منقدرش نحكم على الشخص الى قدامنا وهوا على طول صامت
فانا رايى ان الصمت له وقته والكلام له وقته
لكن الصمت على طول مش مفيد

_GUIDE_

17-10-2008, 11:36 AM

الاسطورة

17-10-2008, 11:38 AM

تم نقل الموضوع لقسم فلاسفة تحت التمرين

COoL HEaRT

17-10-2008, 11:46 AM

لا حضرتك

الصمت الذي في كل وقت وحين

وشكرا للتوضيح

لا العفو عادى بس اللى عاوزين نقوله ع المكشوف شويه ان مثلا حضرتك مش مدير موقع اهو لما تلاقى مجموعه من الناس بتتكلم او اعضاء زى الموضوع اياه ده يحتم ع حضرتك الرد لان احنا مش مجموعه سفهاء يعنى اعتقد ان فينا ناس بتفهم

لان الصمت هيتفهم هنا ع اساس انه تجاهل تمام

فى جمله بتقول قالوا سكت قلت لهم ان الجواب لباب الشر مفتاح

بس بردو مش معنى ان الجواب ممكن يكون مفتاح للشر انه ميكنش سبب فى فتح ميت باب للخير

عبقرينومان

17-10-2008, 11:51 AM

بس حضرتك الصمت على طول بيبقى فيه نوع من الغموض
يعنى منقدرش نحكم على الشخص الى قدامنا وهوا على طول صامت
فانا رايى ان الصمت له وقته والكلام له وقته
لكن الصمت على طول مش مفيد

السلام عليك

انا لم اقل الصمت دائما ولكن اقول فوائد الصمت

بس اكيد الشخص الصامت مش هتعرف تحكم عليه وهتضع له الهيبة والمكانة

اكيد الصمت له وقته والكلام له وقته

واكيد الصمت على طول مش مفيد

عبقرينومان

17-10-2008, 11:57 AM

موضوعك اكثر من رائع
الصمت ساعات بيكون ابلغ من الكلام
لكن فى بعض الاشخاص بيعتبره ان ده ضعف
بس مش عارف انا ليه مؤمن ان الحق صوته عالى
عمتا شكرا على الكلامات الجميلة
بالمناسبة الموضوع مكانه
فلاسفة تحت التمرين

اكيد الموضوع رائع علشان حد رائع زيك رد فيه

وفعلا الصمت ساعات كثيرة بيكون ابلغ من الكلام

اللي بيعتبر ان الشخص الصامت ضعيف مش بيعرف يحكم

يعني مثلا دخل رجل على ابو حنيفة شكله جميل وعليه عباءة جميلة وذو هيبة

وكان ابو حنيفة يمدد قدميه في وجه تلاميذه

فلما دخل هذا الرجل لم ابو حنيفة قدماه

وظل الرجل صامت

وظل ابو حنيفة والحاضرين يضعون لهذا الرجل هيبة لصمته

وعندما تحدث الرحل سأل سؤال غبي دل على شخصيته

فلم يجب ابو حنيفة على السؤال (وكان السؤال هو قرصة الباعوضة تنقض الوضوء)

وانما قال ابو حنيفه ( الآن قد آن لابو حنيفة ان يمدد قدماه)

ومدد قدماه لما عرف شخصية الرجل

انما الصمت كان حافظ له الهيبة

ولو هتنقلوا الموضوع انقلوه لقسم التنمية البشرية بقي

عبقرينومان

17-10-2008, 11:58 AM

تم نقل الموضوع لقسم فلاسفة تحت التمرين

ما انت رديت قبل كدا في الموضوع

ورديت بصمت

لازم تتكلم ده الوقت

ما تخليك حلو وخلي الموضوع يوم كمان هناك في العام

وبعد كدا انقله في للتنمية البشرية

عبقرينومان

17-10-2008, 12:00 PM

لا العفو عادى بس اللى عاوزين نقوله ع المكشوف شويه ان مثلا حضرتك مش مدير موقع اهو لما تلاقى مجموعه من الناس بتتكلم او اعضاء زى الموضوع اياه ده يحتم ع حضرتك الرد لان احنا مش مجموعه سفهاء يعنى اعتقد ان فينا ناس بتفهم

لان الصمت هيتفهم هنا ع اساس انه تجاهل تمام

فى جمله بتقول قالوا سكت قلت لهم ان الجواب لباب الشر مفتاح

بس بردو مش معنى ان الجواب ممكن يكون مفتاح للشر انه ميكنش سبب فى فتح ميت باب للخير

بلاش الموضوع اياه

واحب اني التزم الصمت

ومش بالمعنى ان الصمت يفتح باب للشر

يعني في مثل مشهور بيقول (السكوت علامة الرضا)

وشكرا لمرورك العطر بجد مرة تانية

نسمة هوى

17-10-2008, 05:28 PM

شكرا على المعلومات المفيدة جدا

the black rose

17-10-2008, 07:19 PM

أنا شايفة أن الموضوع كله بيعتمد على القدرة
يعني لو الأنسان سكت في موقف معين وهو قادر على الرد
ده معناه قوة منه مش ضعف خالص وزيي ما انتوا قلتوا (( اذا كان الكلام من فضة فأن الصمت من ذهب)) متهيقلي ان المقوله نقدر نستشف منها أن هنا الي بيصمت بيصمت وهو قادر يتكلم بس هو أختار الصمت وهنا بيكون الصمت راحة

لكن لو أنا أصلا مش قادرة أتكلم يعني نفسي أرد واتكلم وأقول كلام كتير بس معنديش الشجاعة او الجرأة والقدرة على كدة يبقى ده الصمت الي بيترجم الضعف

وطبعا زيي ما الكل قال في حاله أنك قادر ترد يبقى كل حاجة في وقتها
لأن في حاجات تستاهل أن البني أدم يرد عليها و في حاجات الصمت فيها أحسن رد

و الصمت يعطي الانسان فرصة للتأمل وادراك حقائق الأمور والصمت مثل الكلام من أسلحة الانسان ويجب عليه حسن الاستعمال الكلام يعني التواصل والتراسل والدفئ والأنس بين الناس والصمت حكمة وطريق للتأمل ومعرفة الحق
أما الاسراف في الكلام أو الصمت يعكس مغزاهما الكلام الكتير ملل ويزهق واسكت يبني شوية...والصمت الكتير وحشة وبعد عن الناس ومالك ساكت يا ابني

شكرا عالموضوع و انك ابتديت تكتب و تشارك معانا يارب دايما

تقبل مرورى :)

عبقرينومان

17-10-2008, 08:42 PM

شكرا على المعلومات المفيدة جدا

ده انا اللي شاكر على ردك في موضوعي

ويا ريت تشرفي موضوع بردك دائما

عبقرينومان

17-10-2008, 08:45 PM

أنا شايفة أن الموضوع كله بيعتمد على القدرة

يعني لو الأنسان سكت في موقف معين وهو قادر على الرد
ده معناه قوة منه مش ضعف خالص وزيي ما انتوا قلتوا (( اذا كان الكلام من فضة فأن الصمت من ذهب)) متهيقلي ان المقوله نقدر نستشف منها أن هنا الي بيصمت بيصمت وهو قادر يتكلم بس هو أختار الصمت وهنا بيكون الصمت راحة

لكن لو أنا أصلا مش قادرة أتكلم يعني نفسي أرد واتكلم وأقول كلام كتير بس معنديش الشجاعة او الجرأة والقدرة على كدة يبقى ده الصمت الي بيترجم الضعف

وطبعا زيي ما الكل قال في حاله أنك قادر ترد يبقى كل حاجة في وقتها
لأن في حاجات تستاهل أن البني أدم يرد عليها و في حاجات الصمت فيها أحسن رد

و الصمت يعطي الانسان فرصة للتأمل وادراك حقائق الأمور والصمت مثل الكلام من أسلحة الانسان ويجب عليه حسن الاستعمال الكلام يعني التواصل والتراسل والدفئ والأنس بين الناس والصمت حكمة وطريق للتأمل ومعرفة الحق
أما الاسراف في الكلام أو الصمت يعكس مغزاهما الكلام الكتير ملل ويزهق واسكت يبني شوية...والصمت الكتير وحشة وبعد عن الناس ومالك ساكت يا ابني

شكرا عالموضوع و انك ابتديت تكتب و تشارك معانا يارب دايما

تقبل مرورى :)

الله واكبر
بسم الله ما شاء الله

المشرفة بتاع الركن العام بنفسها بترد على موضوعي

ده شرف كبير ليا

وبجد جميل قوي ردك على الموضوع

وفعلا كلامك عن الصمت جميل

والصامت دي شخصية قوية جدا مش عادية

وطبعا لازم اتقبل مرورك

في حد تشرفه مشرفة العام ولا يتقبل مرورها

نتمنى من الله ان رأئ مشاركات حضرتك كثيرا

بورسعيدى

21-10-2008, 03:04 AM

ايه المفاجأة الحلوة دى
عبقرينو منزل موضوع
يالا الهول يالا الهول
والله حاجه جميله جدا يا استاذ اشرف واتمنى دائما اشوفك بين الاعضاء بالشكل الممتع ده
تعالى بقا جرب ردود بورسعيدى
فوائد الصمت السبع
الأولى :.
عبادة من غير عناء

كلام منطقى بس مش فى كل الاحيان

الثانيه :.
زينة من غير حلي
احيانا يكون الكلام يزين الانسان افضل من الحلى حسب طريقته واسلوبه فى الكلام
الثالثة :.
هيبة من غير سلطان
معنى كده ان السلطان يقعد ساكت يعنى ؟؟:redface:
انا معاك ولكن احيانا الصمت يضيع الحق واحيانا ينصف ظالم على مظلوم
الرابعة :.
حصن من غير حائط
يا استاذ اشرف حضرتك جعلت الصمت قاعدة لكل شيئ جميل ولازم نفرق بين نوعيه الصومت
الخامسة :.
الاستغناء عن الاعتذار لاحد
ومين قال لك ان الاعتزار عيب او يسبب العناء
بالعكس الاعتزار قوة واعتراف بالخطأ
وفى نظرى المعترف بخطأة اقوى من المكابر والمجادل
السادسة :.
راحة للكرام الكاتبين
كمان مين الى قال لك ان الكرام الكاتبين بيتعبوا او بيبطلوا يكتبوا ؟
حتى لو كنت مش بتعمل حاجه غلط بيكتوا لك حسنات على عدم ارتكاب معاصى
السابعة :.
ستر لعيوب الجاهلية
وليه مش تقول خديعة للامام ابو حنيفة ؟
مش هو عمل هيبه ومكان لرجل صامت ( جاهل) وكان هذا الرجل لا يستحق هذه الهيبه؟
اذا الصمت كان هيبة لرجل جاهل وكان خديعة لرجل عالم
وهذا ضد المنطق

وكمان احب اوضح المقصد من حديث رسول الله صلى الله عليه وسلم لما قال ( من كان يؤمن بالله واليوم الأخر فليقل خير أو ليصمت )

القول الخير هنا مُقدم عن الصمت وله الاولوية

وواضح جدا فى الحديث الشريف انه يأتى الصمت فى المرتبة الثانية وليس الاولى لان القول الخير سابق للصمت
كما ان الله سبحانه وتعالى خلق لنا لسان ولو كان الصمت هو المطلوب فى كل الاحيان لخلقنا الله بدون لسان
وخلاصة القول
ان الصمت اى نعم مطلوب بس فى حالات معينه وليس على الاطلاق
اذا كان الكلام فى غير طاعة الله ...نصمت
اذا كان الكلام مع سفيه .. منافق .. كذاب .. نصمت
اذا كان الكلام نميمة ... نصمت
لكن
اذا كان الكلام فى الدفاع عن النفس .... نتكلم
اذا كان الكلام فى اظهار حق ضائع ... نتكلم
اذا كان الكلام فى توضيع وجهة نظر ... نتكلم
اذا كان الكلام شهادة حق .... نتكلم
اخى العزيز ماذال فى نفسى الكثير والكثير ولكن اخشى عليك من عدم تكرار تنزيل موضوعات
وبصراحة احنا ماصدقنا انك تتكرم وتتعطف علينا ونشوف اسمك بين موضوعات المنتدى
وكان يجب ان يحدث هذا من زمان على الاقل لتشجيع للاعضاء والرفع من روحهم المعنوية
اتمنى ان يتكرر هذا الحدث
واتمنى ان لا اكون اطلت عليك
شكرا لك

بورسعيدى

عبقرينومان

23-10-2008, 02:20 PM

ايه المفاجأة الحلوة دى
عبقرينو منزل موضوع
يالا الهول يالا الهول
والله حاجه جميله جدا يا استاذ اشرف واتمنى دائما اشوفك بين الاعضاء بالشكل الممتع ده
تعالى بقا جرب ردود بورسعيدى

وكمان احب اوضح المقصد من حديث رسول الله صلى الله عليه وسلم لما قال ( من كان يؤمن بالله واليوم الأخر فليقل خير أو ليصمت )

القول الخير هنا مُقدم عن الصمت وله الاولوية

وواضح جدا فى الحديث الشريف انه يأتى الصمت فى المرتبة الثانية وليس الاولى لان القول الخير سابق للصمت
كما ان الله سبحانه وتعالى خلق لنا لسان ولو كان الصمت هو المطلوب فى كل الاحيان لخلقنا الله بدون لسان
وخلاصة القول
ان الصمت اى نعم مطلوب بس فى حالات معينه وليس على الاطلاق
اذا كان الكلام فى غير طاعة الله ...نصمت
اذا كان الكلام مع سفيه .. منافق .. كذاب .. نصمت
اذا كان الكلام نميمة ... نصمت
لكن
اذا كان الكلام فى الدفاع عن النفس .... نتكلم
اذا كان الكلام فى اظهار حق ضائع ... نتكلم
اذا كان الكلام فى توضيع وجهة نظر ... نتكلم
اذا كان الكلام شهادة حق .... نتكلم
اخى العزيز ماذال فى نفسى الكثير والكثير ولكن اخشى عليك من عدم تكرار تنزيل موضوعات
وبصراحة احنا ماصدقنا انك تتكرم وتتعطف علينا ونشوف اسمك بين موضوعات المنتدى
وكان يجب ان يحدث هذا من زمان على الاقل لتشجيع للاعضاء والرفع من روحهم المعنوية
اتمنى ان يتكرر هذا الحدث
واتمنى ان لا اكون اطلت عليك
شكرا لك

بورسعيدى

الاسد العجوز يشرفني في موضوعي المتواضع

ويطرح وده نظر بشكل عصري ولا بشكل عقلي كما أرى

ولكن هناك بعض الكلمات استفدها من ردك تجعلني اشعر بالخجل

لانك معلمنا جميعا في مثل هذه النوعية من المواضيع

واسمحي لي ان تجرأت وكتبت موضوع من نفس فصيلة مواضيع القوية

واتمنى ان نرى بورسعيدي اسد شاب بالمواضيع عجوز بالفكر الراقي دائما كما تعودنا