يا جماعة عشان ما أطولشي عليكم
مشكلتي مع الكيمياء غريبة أوي
أنا بفهم الباب و من ثم مش بعرف أحفظه !!!!!!!!!!!!!!!!!!!!!!!!!!!!!!!!!!!!!!!!!!
آجي أحل لازم يكون الكتاب مفتوح قدامي
و بالطريقة دي لسه ما دختليش في العضوية
ممكن حد يساعدني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

يا ريت بسرعة عشان يمكن ألحق نفسي

يا جماعة عايز مساعدة بجد
plzzzzzzzzzzzzzzzzzzzzzzzzzzzzz

ممكن توضيح بس؟؟!!
ازاى بتفهم الباب ومش بتعرف تحفظه
مش غريبه شويه
يعنى انت المفروض بتفهم الباب
يعنى كل اللى فيه صغير او كبير بيدخل دماغك
وبالتالى لما تحفظه هتبقى بتحفظ حاجه فاهمها فمش هتاخد وقت ولا مجهود

أنا قصدي إني فاهمه
لكن لما باجي أحل
بيطلب معلومة معتمدة على حفظي
أبسط مثال بس عشان أوصلهالك مع إن دي أسهل حاجة تتحفظ
القوانين
لما أحل مسألة لازم أكتب القانون بعدين أحل
لو مش عارف القانون مش هاعرف أحل
يا ترى قدرت أوصلها
فلو أنا مش عارف أنهي عنصر أحمر و أنهي واحد برتقالي مثلاً مش هاعرف
أو حتت الحفظ اللي في العضوية بتخنق مش بعرف أحفظ
آسف لو بشغلكم معايا بحاجة زي ديه
بس شكراً على الردو يا ريت اللي يقدر يساعد أنا محتاج أي حاجة قشة أتعلق بيها
و ما حدش يقوللي الفهم بيحفظ لو سمحتم
علشان أنا لما بفهم الباب بفهمه للي حواليه
لكن بعد يومين ولا كأني شوفت حاجة زي ديه قبل كده
معلش بقه يا ريت مساعدة
و شكراً على ردك
و يا ريت أقدر ألحق نفسي مع المنتدى ده (ده لو في حد هيقدر يساعدني)

مش عارف أقول لك أه
لكن حاول تضغط على نفسك وتسترجع المعلومات مرة وأثنين بينك وبين نفسك

شكراً على الرد
و على العموم (بيتهيأ لي كده من الرتبة إن حضرتك أستاذ) مش حضرتك أو واحد يقوللي كده
لكن برضه شكراً على الرد
و أهي مش أول محاولة أعملها وتفشل
يلله ربنا معايا
كنت عايز بس أقول معلومة يمكن تساعد
إن المشكلة دي مش عندي في الكيمياء بس موجودة في كل المواد
لكن بصورة ملحوظة أكبر من غيرها في الكيمياء
لو حد يقدر يقول حاجة يا ريت ما يخافش
انا زي ما قلت عايز لو قشاية أتعلق بيها
شكراً