مشاهدة النسخة كاملة : الكل لازم يدخل وبسرعة !
ELANDALEEP 19-10-2008, 06:47 PM أنا العندليب اللى اتوفقت ده مش مهم
المهم ان فيه موقف صعب اوى اتعرضتله ولازم حد يساعدنى
أنا ليا صديقة على النت من المنصورة أكبر منى بسنتين هى فى خدمة اجتماعية فى جامعة المنصورة فى سنة تالتة
المهم البنت دى عايشة بعيد عن أهلها لانهم منفصلين وعايشة لوحدها فى المنصورة وطبعا هى متحررة بعض الشئ وده دفعها انها تتعرف على شاب عن طريق النت وقابلته فى الجامعة واتعرفوا على بعض أكتر وفى يوم راح الجامعة عشان يشوفها فلاقها قاعدة مع واحد فضربه وكسرله دراعه وبهدله فلما البنت دى شتمته ضربها بالقلم يعنى بهدلها وشوه صورتها فى الجامعة ومن يومها وهى قاعدة فى البيت ما بتروحش الجامعة لحد ما ضغطت عليها وحكتلى الحكاية
المهم أخدت منها ايميل الشخص ده واتعرفت عليه وطلبت منه يبعد عنها فرفض وطلع شخص حقير وسافل وسرق منى باسورد الايميل وكان حيدمر الجهاز
المهم هو قالى انه كل يوم بيروح الجامعة ولو شافها حيعورها ومش بعيد يقتلها حاولت معاه بكل الطرق الذوق والادب حاولت أذكره بربنا والاخرة وبدينه رفض انه يستجيب تكلمت معاه بشده عند أكتر
مش عارف أعمل ايه
أنا دلوقتى معتش بعرف أكلمها عن طريق الايميل لانه مراقبه وأنا مستنى تليفون منها كمان شوية عشان تقولى نعمل ايه وانا فكرت كتير ومش لاقى حل مناسب فكرت أروحلها المنصورة دلوقتى حالا وهى وافقت بس هى عايشة لوحدها وحتأخر أوى لو سافرت وكمان أنا مش عارف عنوانها يعنى حتتأخر أكتر هيه قالتلى حانتظرك فى المكان اللى تقابلنا فيه أول مرة بس ما ينفعش برده لانه فاتنى كتير فى الجامعة واحتمال الشخص السافل ده يؤذينى أنا كمان
مش عارف أتصل بأبوها بس هى مش راضية تدينى رقمه حابسة نفسها بس فى البيت
بجد أنا محتار وخايف عليها اوى ومش عارف اعمل ايه
حاسس ان انسان ممكن يتبهدل ومش قادر أساعده صحيح هى كانت سبب كبير فى مشاكها دى وهى اللى سمحت للشخص ده انه يدخل حياتها بس هى فى خطر دلوقتى
انتم عارفين الجبان ده طالب ايه عشان يسبها فى حالها انه يبوسها
أرجوكم حد يساعدنى وبسرعة
_GUIDE_ 19-10-2008, 06:55 PM مش عارف ليه مش مصدق ولا كلمة من اللى بتقولها
بس عمتا لو الكلام صحيح وانا اكاد اجزم 90% انه مش حقيقى
المفروض ان ليها اقارب يعنى ثم البنت اللى انتا بتقول عليها
اتعرفت على واحد وادت اميلها للتانى وقابلها وراح لقاءها مع تالت وانتا معاك رقم موبيلها
والبت فرى محدش يقدر ينجدها من الموضوع ده غير
انها تروح تبلغ فى قسم الشرطة عن مضايقات الشاب ده
ده كله اللى اقدر افيد بيه
انها تروح تقدم فيه بلاغ
ELANDALEEP 19-10-2008, 06:59 PM مش عارف ليه مش مصدق ولا كلمة من اللى بتقولها
بس عمتا لو الكلام صحيح وانا اكاد اجزم 90% انه مش حقيقى
المفروض ان ليها اقارب يعنى ثم البنت اللى انتا بتقول عليها
اتعرفت على واحد وادت اميلها للتانى وقابلها وراح لقاءها مع تالت وانتا معاك رقم موبيلها
والبت فرى محدش يقدر ينجدها من الموضوع ده غير
انها تروح تبلغ فى قسم الشرطة عن مضايقات الشاب ده
ده كله اللى اقدر افيد بيه
انها تروح تقدم فيه بلاغ
على فكرة كلامك ضايقنى أوى
والله العظيم تلاتة كل حرف فى كلامى صح
البنت دى أصلا من اسكندرية ومامتها من القاهرة وانفصلوا من زمان ومجموعها مش جاب غير الكلية دى وهى بتعيش هناك دايما أثناء الدراسة وبتتنقل بين الاسكندرية والقاهرة فى الايام العادية ومش ليها أقارب فى المنصورة
اما نصيحتك فانا حأقولها حالا الكلام ده
وشكرا رغم انك ضايقتنى
ELANDALEEP 19-10-2008, 07:04 PM الا صحيح من هنا فى جامعة المنصورة
احتمال كبير اوى انه يكون يعرف بعض التفاصيل او على الاقل يقدر يفيدنا
احسن حل تروح تقدم بلاغ في الشرطة
بس في مشكلة ممكن لو مش جه يقولوا ليها انتي كذابه
ووقتها ممكن هي الي تروح فيها
الله المستعان
انا رايي انها تقفل كويس على نفسها الباب
ومش تروح الجامعة ومش تتحرك من عندها وتبص من الشباك لو جالها البيت ولا حاجة
تتصل بالشرطة
المشكلة كمان ان الشرطة كل الي هتعمله تخليه يوقع على تعهد انه مش يتعرض ليها
في الشارع بتاعها او الكلية
بس ممكن يمشي وراها ويعمل فيها اي حاجة في حتة تانية
ربنا يكون في عونها
ومهما كان برده هي السبب في الي بيحصل ليها
ربنا يهديها ويهدي الجميع
الجنتلة 19-10-2008, 07:50 PM لا انا رايى ان الشرطة مش هتنفع معاها لان الانسان د ممكن يكون واصل او عارف حد هناك او يدفع للشرطة فلوس وبكدة محدش هيعملة حاجة ولا تعهد ولا غيرة هوة الحل اللى عندى انها تسيب البيت وترجع لاهلها سواء فى الاسكندرية او فى القاهرة وهما اللى يتصرفو ينقولوها بقى او يحموها او اى حاجة بس اخر حاجة تفكر فيها هية الشرطة دى و هوة الولد دة اساسا منين لانة لو من المنصورة هية ممكن تروح لاهلة او امة او اى حد يعرفة
dr.zomba 19-10-2008, 08:14 PM هي تروح تبلغ البوليس وتقولهم علي اسمه وعنوانه وهما هيجيبوه ولو عندها شهود هيبقي لابس الموضوع لابسه
ولو مش عايزه الشرطه يبقي تروح لاهلها تقضي معاهم كام يوم لحد لما الامور تتظبط وتقول لاهلها لازم تقول لاهلها عشان يحاولوا يتصرفوا
بس هنقول ايه هي اللي جابته لنفسها
ربنا يهديها
osho6a1 20-10-2008, 02:10 PM طيب وانا ماالي بالموضوع ده انا هتلع اهوا
متزعلش منى يا عندليب
الموضوع دهحتى ما ينفعش يتحط فى اجتماعيات طالب
انامش لاقيله قسم بصراحه
لكن انت اللى عندك مشكله وعاوزحل
انااولا فى جامعه المنصوره من حوالى بعدالعيدما سمعتش عن حاجه زى دى حصلت
على فكره
انت واثق ان كلامها حقيقى ومع ذللك ما شوفتوش بيحصل قدام عينك
ده اتحكالك زى ما اتحكالنا احنا كمان
انا عارف هى مش عاوزه توصل الموضوع للبوليس والكلام ده
وعاوزه الولد ده يبعد عن طريقها وخلاص
مش كده
انا من رايي انهاتعرف حد من اهلها
الموضوع مش بمزاجها اصلا علشان تعوز اوماتعوزش
احنا لما بنغلط
بنتحامى فى حدكبير
وافتكر ان باباها هيعرف يتصرف
وده كان مجرد راى
على فكره
نصيحه منى ليك
ماتصدقش كل اللى يتقالك على النت
CoMMaNdo 20-10-2008, 04:42 PM ايه ياعم شغل الافلام الاجنبى دا
وكسرله دراعه وعوره
وقالها لو شوفتك فى الجامعه هاعورك
ايه ياعم الافلام دى
دى جامعه مش غرزه
Dr.diamond 20-10-2008, 04:48 PM احتمال كبير جدا جدا تكون القصه دى من وحى خيالها او فيلم قديم
عالعموم هى تبلغ البوليس او تقول لاهلها
ده لو الكلام صح
_GUIDE_ 20-10-2008, 05:42 PM مش عارف يعنى انتوا متخيلين ان
ولد يضرب بنت ياجماعه بالعقل
مائة واحد هيقفله
وكمان فى الجامعه
طيب ده دخل الجامعه ازاى يعنى
ده ابسط حاجة حرس الجامعه يخده لقائد الحرس ويتسلم وقتى لقسم الشرطة
مش عارف بجد الكلام ده مش داخل عقلى
عمتا لو الكلام ده جد زى ما بتقول حضرتها المفروض بتقدم بلاغ فى القسم وتاخد معاها
حد من اصحابها يشهد وانتا بتقول ان الجامعه اتفرجت
يعنى اكيد فى ناس ممكن تشهد
اقولك حاجة انسه كلامى ده كله
انا مش مصدق
nada hosam 20-10-2008, 05:55 PM بردو انا مش مصدقه ولا كلمه من الى انت حكيتها
بس على راى الاخ الى رد وقال انها جامعه مش غرزه
ده تاكيد انها كدبه
بس لو حقيقيه تبقى تستاهل الى يجرلها لانها تعرف اكتر من شاب
وهما الشباب كمان يستهلو على بيتخنقوا علشان وحده زى دى
رجاء متزعلش من رائى ده مجرد رائى مش اكتر
Dr.ahmed91 20-10-2008, 06:29 PM انا اركب دقن واروح لاابوها
اقوله انا عبدربه ابن شفيق صاحبك
حيقولي شفيق مين؟؟؟؟؟؟؟؟؟
حقوله شفيييييييييييييييييييييييييق ياررررررررررررررررررررررراجل
وبس كده كله يتحل
sun rays 2010 20-10-2008, 06:52 PM وفى يوم راح الجامعة عشان يشوفها فلاقها قاعدة مع واحد فضربه وكسرله دراعه وبهدله فلما
وماله محموق أوي كدة وكسره وعوره ..... يعني معقول واحد يودي روحه ف داهية هشان واحدة زي دي ....
ما تزعلش من كلامي .بما انني بنت أحب أقول لحضرتك ان دي انسانة ما تستاهلش تحط نفسك ف خطر عشانها .. البنت من أخلاقها الحياء والخجل فكيف تسمح لنفسها ان تصادق ثلاثة شبان في وقت واحد وما خفي كان أعظم (((((الأستاذة فاتحاها سبيل )))))
ليس عليك مساعدتها بشئ لأنك انت أصلا غريبا عنها ولايصح ان تذهب لها وتعبر البلاد من أجل واحدة مثلها .... وربما تكون أنت قد وقعت فريسة لعملية نصب أو كذب وخداع .فاحترس (((( تحت الساهي دواهي )))))) كي لا تجد نفسك انت في مأزق حقيقي .....
اخبرها عندما تحادثك ان تتوب الى الله و تطلب العون منه فهو وحده قادر على حمايتها ان صدق زعمها ...
ونصيحة بجد مالكش دعوة بالبنت دية عشان ما تندمش وتحط نفسك ف مشاكل .....عندها أهلها يساعدوها
ELANDALEEP 20-10-2008, 06:53 PM يا جماعة أنا برده ما كنتش مصدقها
بس انا كنت بكلم الاتنين فى وقت واحد وكان كلامهم زى بعض بالظبط وبعدين انا شغلت المايك معاها وكانت بتعيط يعنى صعب تكون بتمثل وكمان الواد ده معرفش عمل ايه وقفل الايميل بتاعى وقالى قبلها لقد تم اختراق ايميلك وبعدين فتحته ففتح وانا بكلمها لقيته بيبعتلى نفس الكلام اللى أنا وهيه بنقوله يعنى كان مراقب ايميلى ولما شتمته قالى لا تعبث معى جارى اختراق جهازك فقلتله أنا فى سيبر فقالى لما تقعد على جهازك الخاص جهازك حيدمر فقلتله أنا مش فاتح الايميل ده تانى ومش عايزه
فقلت لفاطمة أنتى لازم تكلمينى على الموبايل وادتها النمر الجديدة (الو ثانوية ) لان الخط القديم سبته فى الشرقية وبعد خمش دقايق بالظبط لقيت نمرة غريبة بتتصل بيا فردت بسرعة ودخلت فيه شمال وكنت فاكره جاد (ده اسم الشاب الرزل ) وبهدلته بقا وقلتله ان والدى عميد لواء فى أمن الدولة ( ده طبعا مش حقيقى ) وانى حقدر أجيبه وأبهدله بس انا مش عايز وانه يبعد عن طريقها أحسنله فضل يحلف انه مش هو الشخص ده قفلت السكة فى وشه
وبسرعة فتحت الايميل تانى (ما كنتش موجودة )وقلت لفاطمة على اللى حصل وطلبت منها تروح الجامعة النهاردة وانا المسئول
المصيبة بقا انى النهاردة الصبح ببص فى نمرة الشخص ده لقيتها نمرة قربة من بتاعتى يعنى بتاعة ألو ثانوية وكمان صابها كان بيصدق لما قال انه فى جامعة الازهر وانه فى طب
على فكرة نمرة الشخص ده هى ممنوع من قبل الادارة ممكن حد يطلبه ويتأكد
انا هنا فى السيبر من العصر ولحد دلوقتى فاطمة ما فتحتش الايميل ربنا يستر بقا
CoMMaNdo 20-10-2008, 07:02 PM ياعندليب عايز افهمك حاجه بس
قصة ان واحد يضرب واحد جوا حرم الجامعه دا شبه مستحيل
ولو حصل بيبقى خناقه بين اكتر من واحد مش واحد وواحد بس
الجامعه مفيش حد بيتخانق مع حد اصلا
فى كل مكان حرس جامعى وظباط واقفين
وكمان دى جامعة المنصورة يعنى فيها امن دوله اد كدا عشان الاخوان
فانسى ان حد يتخانق ويعور ويكسر زى مبتقول
بقولك ايه
اوعى تتصل انت او تروح ليطلع مقلب فيك انت فى الاخر
ويضربوك :d
ELANDALEEP 20-10-2008, 07:06 PM وماله محموق أوي كدة وكسره وعوره ..... يعني معقول واحد يودي روحه ف داهية هشان واحدة زي دي ....
ما تزعلش من كلامي .بما انني بنت أحب أقول لحضرتك ان دي انسانة ما تستاهلش تحط نفسك ف خطر عشانها .. البنت من أخلاقها الحياء والخجل فكيف تسمح لنفسها ان تصادق ثلاثة شبان في وقت واحد وما خفي كان أعظم (((((الأستاذة فاتحاها سبيل )))))
ليس عليك مساعدتها بشئ لأنك انت أصلا غريبا عنها ولايصح ان تذهب لها وتعبر البلاد من أجل واحدة مثلها .... وربما تكون أنت قد وقعت فريسة لعملية نصب أو كذب وخداع .فاحترس (((( تحت الساهي دواهي )))))) كي لا تجد نفسك انت في مأزق حقيقي .....
اخبرها عندما تحادثك ان تتوب الى الله و تطلب العون منه فهو وحده قادر على حمايتها ان صدق زعمها ...
ونصيحة بجد مالكش دعوة بالبنت دية عشان ما تندمش وتحط نفسك ف مشاكل .....عندها أهلها يساعدوها
انتى كلامك صح
هو صحيح البنت دى مش ملاك بس برده مش شيطان
هى منحلة بعض الشى وانا عرفت ده من أول يوم كلمتها فيه من صورتها بجد كانت وحشة أوى بس هى صعبت عليا لانها مرت بظروف صعبة أهمها انفصال بابها ومامتها وهى لسه صغيرة أوى
أنا مش شفتها الا مرة واحدة بعد العيد بشوية لانى كنت فى كفر صقر ودى قربة اوى من المنصورة
يعنى حاولت أكلمها شوية عن ربنا وان كانت هى مستعدة انها تقابله ولا لا بس كانت بترفض اننا نتكلم فى مواضيع الدين او الاخلاق وانا كنت بسمع كلامها وكنت أغير بس لموضوع الدراسة لحد ما فضلت أسبوع تقولى انها بطلت تروح الجامعة لحد لما ضغطت عليها وحكتلى السبب
أنا زى ما بتقولى انا مليش دعوة ومش عايز أشوفها تانى بس عايز أساعدها ولو من بعيد
وربنا يستر
ELANDALEEP 20-10-2008, 07:10 PM ياعندليب عايز افهمك حاجه بس
قصة ان واحد يضرب واحد جوا حرم الجامعه دا شبه مستحيل
ولو حصل بيبقى خناقه بين اكتر من واحد مش واحد وواحد بس
الجامعه مفيش حد بيتخانق مع حد اصلا
فى كل مكان حرس جامعى وظباط واقفين
وكمان دى جامعة المنصورة يعنى فيها امن دوله اد كدا عشان الاخوان
فانسى ان حد يتخانق ويعور ويكسر زى مبتقول
بقولك ايه
اوعى تتصل انت او تروح ليطلع مقلب فيك انت فى الاخر
ويضربوك :d
لا طبعا أنا مش رايح هناك
لافكرة هى قالت ان الواد ده مش فى الجامعة أصلا وان دخل جوه الجامعة فى الزحمة بس اللى محيرنى هو ازاى خرج منها
تصدق بالله انا احترت
بس الشواهد كلها بتقول ان كلامها حقيقى
ELANDALEEP 20-10-2008, 07:14 PM بردو انا مش مصدقه ولا كلمه من الى انت حكيتها
بس على راى الاخ الى رد وقال انها جامعه مش غرزه
ده تاكيد انها كدبه
بس لو حقيقيه تبقى تستاهل الى يجرلها لانها تعرف اكتر من شاب
وهما الشباب كمان يستهلو على بيتخنقوا علشان وحده زى دى
رجاء متزعلش من رائى ده مجرد رائى مش اكتر
حضرتك أنا مش زعلان
بس أنا كنت بعتبرها اختى دى أكبر منى بسنتين
ELANDALEEP 20-10-2008, 07:21 PM مش عارف يعنى انتوا متخيلين ان
ولد يضرب بنت ياجماعه بالعقل
مائة واحد هيقفله
وكمان فى الجامعه
طيب ده دخل الجامعه ازاى يعنى
ده ابسط حاجة حرس الجامعه يخده لقائد الحرس ويتسلم وقتى لقسم الشرطة
مش عارف بجد الكلام ده مش داخل عقلى
عمتا لو الكلام ده جد زى ما بتقول حضرتها المفروض بتقدم بلاغ فى القسم وتاخد معاها
حد من اصحابها يشهد وانتا بتقول ان الجامعه اتفرجت
يعنى اكيد فى ناس ممكن تشهد
اقولك حاجة انسه كلامى ده كله
انا مش مصدق
مش مصدقنى أنا
ولا مش مصدق الحكاية
لو مش مصدقنى فأنا حلفتلك مرة وسورى حضرتك حر بس انا مش كذاب
حضرتك ممكن يكون جدا كان الحوار ده بره سور الجامعة صحيح هى اكدتلى انه دخل الجامعة أكتر من مرة عشانها رغم انه مش طالب فيها أصلا بس كل شئ جائز
وبعدين هو مش ضربها بالمعنى التقليدى لضربها هو ضربها بالقلم والناس اتلمت وقالت كمان ان شوه صورتها وسط زمايلها وعور الواد زميلها فى راسه وكسرله كمان دراعه
على العموم من حق حضرتك تصدقنى او متصدقنيش دى حرية شخصية وانا ما ليش دخل فيها
ELANDALEEP 20-10-2008, 07:26 PM على فكره
نصيحه منى ليك
ماتصدقش كل اللى يتقالك على النت
أوك منطقك صح
وبافتراض جدلا انها كدابة وكانت متفقة مع الشخص ده يعملوا معايا المسرحية الهزلية دى بس هى طلبت منى المساعدة وكنت اتمنى انى أقدر أساعدها بس طبعا من غير ما يلحقنى أذى يعنى من بعيد
أنا عمال أرنلها على الايميل بس هى مش موجودة وعلى التليفون ما بتردش عشان أعرف ايه اخر الاخبار بس مافيش فايدة
ELANDALEEP 20-10-2008, 07:30 PM هي تروح تبلغ البوليس وتقولهم علي اسمه وعنوانه وهما هيجيبوه ولو عندها شهود هيبقي لابس الموضوع لابسه
ولو مش عايزه الشرطه يبقي تروح لاهلها تقضي معاهم كام يوم لحد لما الامور تتظبط وتقول لاهلها لازم تقول لاهلها عشان يحاولوا يتصرفوا
بس هنقول ايه هي اللي جابته لنفسها
ربنا يهديها
هى ما تعرفش عنوانه ومتعرفش غير انه اسمه جاد
أنا والله دماغى وجعتنى من الحكاية دى وشغلتنى أكتر من اللزوم وخايف تطلع فى الاخر فيلم هندى بس يا ريت تطلع كده
Dr.ahmed91 20-10-2008, 07:39 PM هى ما تعرفش عنوانه ومتعرفش غير انه اسمه جاد
والله العظيم ما ينفع كده يا بني
جاد ليه فروع كتيرة في القاهرة واسكندرية
ياريت تقول انهي فرع؟؟؟؟
ده حتى سندوشت الفول عنده بقى بجنيه
ELANDALEEP 20-10-2008, 07:42 PM [center]والله العظيم ما ينفع كده يا بني
جاد ليه فروع كتيرة في القاهرة واسكندرية
ياريت تقول انهي فرع؟؟؟؟
ده حتى سندوشت الفول عنده بقى بجنيه
أعتبر دى تريقة يعنى ولا استهزاء
على العموم ان كانت كده ولا كده ما فرقتش سنيا من سونيا
وميرسى لذوقك
احمد رضا 20-10-2008, 07:56 PM كفايا ياجماعه استهزاء وقله أدب ارجوكم
واللي هيستهزء تاني انا اسف هضطر ابلغ الإدارة عنه
او اوقفه
احنا آسفين ليك ياعندليب
بس ياتري مين اللي فك الحظر عليك انا اللي عاملهولك ؟
|