مشاهدة النسخة كاملة : ساعدونى يا نااااااااااااس بسررررررررررررررررعه
القطه 21-10-2008, 09:00 PM السلام عليكم ورحمه الله وبركاته
انا يا جماعه مخلصه معهد فنى صناعى دفعه 2008 وعاوزه اعمل معادله هندسه
المهم انا عرفت ان اللى بينج قليل وكمان بيكون رسب قبل كده وسمعت انها وسايط وسمعت كلام
كتير يحبط ممكن لو حد عمل معادله هندسه يرحمنى ويقولى اعمل ايه ويريح قلبى من العذاب انا جالى اكتئاب وياريت لو فيها رذاله ممكن مدرس فيزياء يدخل وكمان مدرس رياضه لومفيهاش رذاله اصل انا هدرس رياضه1ورياضه2وميكانيكا (ديناميكاواستاتيكا) يدخلوا علشان يقلولى اعمل ايه
زمنكم بتقلوا بتاعت مصلحتى علشان معملتش موضوع غير لما اتزنقت :) ردوا عليا بسررررررررررررررررعه
محمد.فوكس 21-10-2008, 09:32 PM الكلام ده هيفرق في ايه معاكي يعني الكلام اللي يخوف ده هيخليكي متدخليش الامتحان مهو كده كده داخلة زي الثانوية العامة كده.
فخلاص اعملي اللي عليكي و استعدي و اعمل حساب كل حاجة.
بس المهم بقى هو اللي بينجح في المعادلة هيدخل السنادي ولا السنة اللي جاية.
اصل خلاص الدراسة بدأت بقالها شهر.
و بالتوفيق
القطه 21-10-2008, 09:57 PM انا عرفت يا محمد انى مثلا لو نجحت فى 2009 ان شاء الله يبقا ادخل الكليه فى2010 يعنى ادخل الكليه لما اقول خمشه شته انا عارفه انى غاويه تعب انا تعبه انا
محمد.فوكس 21-10-2008, 10:12 PM ايوة بس انتي ما قدامكيش حاجة غير كده .. و بعدين انتي بنت يعني لو قعدتي طول عمرك بتتعلمي مش مشكلة .
لكن احنا الرجالة لازم نخلص الدراسة عشان نخلص جيشنا و نشوف حالنا و نكون نفسنا و.. و ..
و بالمناسبة انا في احتمال اني اقدم كليات عسكرية السنة اللي جاية مدام مش هدخل المعهد يبقى استفيد بالميزة بتاعت الكلية اني ممكن اقدم بعد سنة من الثانوية العامة.
عموما ربنا يوفقك و يوفقنا.
القطه 21-10-2008, 10:16 PM ربنا يوفقك يا محمد انتا واللى ذيك ويوفقنى اصل اهلى مش راضين بس انا بحاول معاهم ربنا يهديهم ليا
محمد.فوكس 21-10-2008, 11:55 PM و ميرضوش ليه .. هو انتي قدامك اي حاجة تانية غير كده . ولا قصدهم يعني تروحي الكلية اللي جتلك.
عموما زي ما قلتلك حاجة مش هتضر لو قعدتي تتعلمي كتير و بعدين دي سنة واحدة و تبقي في الكلية"بس يمكن عشان مش مضمونة يبقى فيها كلام".
لو ولد مثلا هيقولوا خد شهادة عشان تبتدي تشتغل و تشوف نفسك و مستقبلك و سيبك من الاحلام بتاعتك دي.
لكن انتي مش مطلوب منك انك تشتغلي بسرعة اعتقد كده يعني.
بس أنا حاسس الاحساس بتاعك زي برضه لما اهلي رفضوا موضوع المعهد ده .. بس يمكن زي ما قلت الموقفين مختلفين.
القطه 22-10-2008, 02:48 PM لا كل المشكله انهم خايفين عليا لانى زعلى وحش لانهم سمعوا النجاح فيها بمعجزه من عند ربنا وخصوصا بعد الصدمه اللى حصلتلى بعد التنسيق ما ظهر انا كنت هروح فيها بس الحمد لله ربنا ستر مش عاوزين يحطونى فى تجربه تانيه بس انا برده وراهم مش هسبهم ابدا لازم يوافقوا باذن الله ادعيلى بالله عليك يا محمد اختك فى محنه
MR.HhH 22-10-2008, 09:22 PM انا من رائى بلاش انا قريت موضوعك عن معهد الفنى الصناعى وحولت منو بسبب كلامك عنو
بس المعادلة فعلااا عايزلها معجزة وهتدفعى فلوس فى الارض انا 4 من صحابى النوابغ
عملو معادلة هندسة ومرحوش الا يوم واحد فى الامتحانات وسابو الورق فاضى
الاحسن تكملى معهد 4 سنين وخديلك بكارليوس بدل متدخلي فى مغامرة تانية
وتعشى سنه تانية على كف عفريت
القطه 22-10-2008, 10:52 PM انا من رائى بلاش انا قريت موضوعك عن معهد الفنى الصناعى وحولت منو بسبب كلامك عنو
بس المعادلة فعلااا عايزلها معجزة وهتدفعى فلوس فى الارض انا 4 من صحابى النوابغ
عملو معادلة هندسة ومرحوش الا يوم واحد فى الامتحانات وسابو الورق فاضى
الاحسن تكملى معهد 4 سنين وخديلك بكارليوس بدل متدخلي فى مغامرة تانية
وتعشى سنه تانية على كف عفريت
والله انا محتاره وحاسه انى تايه ومحطمه حاسه انى خلاص انتا حولت من المعهد بسببى تصدق ريحت نفسك على الاقل من العذاب اللى انا فيه دلوقتى شكلى كده مش عامله معادله لانها النجاح فيها بنسبه ضعيفه وغير كده ياريت فلوسها شويه انتا عارف الموضوع يدخله فى كام حوالى 10000 تصدق لو الموضوع مضمون والله كنت ماتردد مره لا انا ولا اهلى لكن على رائيك الموضوع على كف عفريت وده مبلغ مش شويه حرام بابا يتعب وانا اخد الفلوس دى ارميها على الارض بابا مش حرامى علشان يعمل 10000 بسهوله ربنا ينتقم من اللى فى بالى
محمد.فوكس 23-10-2008, 11:50 AM آه .. لا كده الكلام اختلف ... أنا كنت بقولك مش هتخسري حاجة .. لكن بقى لو العملية فيها فلوس و فلوس كتير كده يبقى في كلام تاني .. فعلا زي ما قولتي ان الموضوع لو مضمون تندفع الفلوس لكن الفلوس تندفع و ممكن تروح .. لا ده نصب بقى.
بس اهم حاجة بلاش كلمة "سمعت" لازم تتأكدي من كل معلومة من مصدر رسمي في الكلية او المعهد او الجامعة او الوزارة.
لو قررتي تسيبك من الموضوع ده و تروحي الكلية .. شوفي احسن كلية قدامك و قوليهم هنا عشان نقولك رأينا ايه الاحسن.
و ربنا معانا .. احنا جيلنا متبهدل و الله
القطه 23-10-2008, 12:43 PM فى واحد قريبى بيقولى اقدم فى التعليم المفتوح انا معرفش حاجه عنه لو حد يعرف يقولى
وفى حاجه تانيه مهندس استشارى كبير عرض عليا اشتغل معاه فى شركته هشتغل فى الرسم المعمارى على الكمبيوتر
اللى هوا برنامج الاتوكاد لو تعرفه
من رايكم اختار ايه عاوزه رائيكم كلكم بالخصوص محمد
محمد.فوكس 23-10-2008, 01:04 PM الحقيقة موضوع الرسم المعماري على الكومبيتر ده وظيفة كويسة على الاقل تكوني استفدتي من دراستك في المعهد.
و شركة استشارات هندسية محترمة و ممكن تاخدي لقب مهندسة و تكتبيه في البطاقة ..
بالحق هم خرجين المعهد ليهم نقابة و لا النقابة للمؤهلات العليا بس؟
بالنسبة للتعليم المفتوح .. أنا اعتقد انه بيكون للكليات النظرية زي التجارة و الآداب و الحقوق.. بس اكتير حاجة متأكد منها التجارة لاني بشوف اعلانات التعليم المفتوح في كلية التجارة كتير.. و اعتقد ان دي اكتر دراسة تفيدك مع تخصصك.
و انا دلوقتي بعمل search عن التعليم المفتوح و هجيبلك دلوقتي معلومات اكتر عنه يمكن يكون في حاجة غلط انا قولتها و على اساس المعلومات انا هقولك رأيي و انتي كمان تقرري.
بس مبدئيا أنا شايف ان فرصة العمل دي كويسة اوي .. بس طبعا التعليم مهم على الاقل عشان كلمة المؤهل يعني اي كلية تديكي مؤهل عالي و تحطك في نقابة.
فلو ينفع تدرسي مع الشغل سواء في الكلية اللي جاتلك في التنسق او التعليم المفتوح.. يبقى هايل.
او لو ممكن الاستشاري ده يضمنلك الوظيفة دي بعد ما تخلص تعليم .. او يعملك مواعيد و نظام الشغل بحيث يتوفق مع دراستك.
اصل بصراحة الفرصة بتاعت الشغل دي كويسة اوي و في نفس الوقت الواحد مهم يقى معاه مؤهل عشان يعمله منظر.
على فكرة أنا اخدت قدرات عمارة على السريع قبل امتحان القدرات و جبت 10/10...
استني و هجيبلك المعلومات كلها.
محمد.فوكس 23-10-2008, 01:08 PM التعليم المفتوح
التعليم المفتوح يعمل على توفير الخدمة التعليمية للراغب فيها في أماكن تواجده ، وفي الوقت الذي يرغبه ، ويتم إكتساب المهارات والخبرات عن بعد مستعيناً في ذلك بالمراجع العلمية ، والوسائل التعليمية الأخرى مثل : أشرطة الفيديو وغيرها
وتتوافر هذه البرامج في الجامعات الآتية :
أولا:
برامج التعليم المفتوح بجامعة القاهرة
http://www.mohe-casm.edu.eg/images/Buttons/awatbul3.gif كلية التجارة
http://www.mohe-casm.edu.eg/images/Buttons/awatbul3.gif كلية الزراعة
http://www.mohe-casm.edu.eg/images/Buttons/awatbul3.gif كلية الحقوق
http://www.mohe-casm.edu.eg/images/Buttons/awatbul3.gif كلية الآداب
ثانياً:
برامج التعليم المفتوح بجامعة الإسكندرية
http://www.mohe-casm.edu.eg/images/Buttons/awatbul3.gif كلية التجارة
ثالثاً :
برامج التعليم المفتوح بجامعة أسيوط
http://www.mohe-casm.edu.eg/images/Buttons/awatbul3.gif كلية التجارة
http://www.mohe-casm.edu.eg/images/Buttons/awatbul3.gif كلية الحقوق
رابعاً:
برامج التعليم المفتوح بجامعة عين شمس
http://www.mohe-casm.edu.eg/images/Buttons/awatbul3.gif البرامج المتخصصة في كلية التجارة :
<LI dir=rtl>الإدارة والتنظيم
<LI dir=rtl>المحاسبة والمعاملات المالية
<LI dir=rtl>الاقتصاد والتجارة الخارجية والداخلية
الإحصاء والتأمين ونظم المعلومات
http://www.mohe-casm.edu.eg/images/Buttons/awatbul3.gif البرامج المتخصصة بكلية الزراعة:
<LI dir=rtl>تكنولوجيا إدارة المشروعات الزراعية
التنمية الريفية
http://www.mohe-casm.edu.eg/images/Buttons/awatbul3.gif البرامج المتخصصة بكلية الآداب:
<LI dir=rtl>الدراسات الأثرية والسياحية
التنمية والتخطيط الإجتماعي
http://www.mohe-casm.edu.eg/images/Buttons/awatbul3.gif البرامج المتخصصة بكلية الحقوق :
الدراسات القانونية
الأوراق المطلوبة:
http://www.mohe-casm.edu.eg/images/Buttons/awatbul3.gif أصل إستمارة النجاح في الثانوية العامة أو ما يعادلها أو مستخرج رسمي منها
http://www.mohe-casm.edu.eg/images/Buttons/awatbul3.gif أصل شهادة الميلاد أو مستخرج رسمي منها
http://www.mohe-casm.edu.eg/images/Buttons/awatbul3.gif عدد 6 صور شخصية
http://www.mohe-casm.edu.eg/images/Buttons/awatbul3.gif صورة جواز السفر
http://www.mohe-casm.edu.eg/images/Buttons/awatbul3.gif شهادة التخرج الخاصة بالمعهد بالنسبة للحاصلين على مؤهل فوق المتوسط
http://www.mohe-casm.edu.eg/images/Buttons/awatbul3.gif بيان بتقديرات السنة الأولى والثانية بالنسبة للحاصلين على دبلوم المعاهد الفنية
http://www.mohe-casm.edu.eg/images/Buttons/awatbul3.gif خطاب من السفارة يفيد الموافقة على الإلتحاق بالتعليم المفتوح
http://www.mohe-casm.edu.eg/images/Buttons/awatbul3.gif خطاب من الكلية المراد الإلتحاق بها يفيد الموافقة المبدئية على إلحاقه بها
http://www.mohe-casm.edu.eg/images/Buttons/awatbul3.gif يتم التقدم بتلك الأوراق بعد إستيفائها إلى الإدارة العامة للقبول ومنح الطلاب الوافدين
الشروط العامة للإلتحاق بالتعليم المفتوح:
http://www.mohe-casm.edu.eg/images/Buttons/awatbul3.gif الحصول على الثانوية العامة أو ما يعادلها مع إعفاء الطلاب الوافدين من شرط مضي خمس سنوات على حصولهم على الشهادة الثانوية
http://www.mohe-casm.edu.eg/images/Buttons/awatbul3.gif إلتحاقهم ببرامج التعليم المفتوح عند النجاح بمجموع لا يقل عن 50% من مجموع الدرجات
http://www.mohe-casm.edu.eg/images/Buttons/awatbul3.gif يقتصر القبول في برنامج الدراسات القانونية العملية على الحاصلين على الثانوية العامة فقط أو ما يعادلها من الثانوية العربية أو الأجنبية أو الأزهرية
http://www.mohe-casm.edu.eg/images/Buttons/awatbul3.gif يجوز قبول الحاصلين على مؤهلات عليا
http://www.mohe-casm.edu.eg/images/Buttons/awatbul3.gif لا يجوز تحويل الدارس من هذا النظام إلى طالب منتظم أو منتسب
http://www.mohe-casm.edu.eg/images/Buttons/awatbul3.gif الدراسة بنظام الساعات المعتمدة
http://www.mohe-casm.edu.eg/images/Buttons/awatbul3.gif مدة الدراسة أربع سنوات على الأقل وبدون حد أقصى
مواعيد التقدم :
يكون الترشيح للقبول بهذا النظام في نفس مواعيد القبول التي يتم تحديدها والإعلان عنها بالسفارات بالقاهرة وكذلك بوزارة الخارجية والجهات المعنية.
منقول من موقع التعليم المفتوح التابع لقطاع الشئون الثقافية و البعثات بوزارة التعليم العالي بجمهورية مصر العربية.
القطه 23-10-2008, 03:55 PM متشكره جدا ليك يا محمد مش لاقيه كلام اقوله ليك بصراحه بالنسبه للشغله دى قليل لما حد يعرف يوصلها لان مش اى حد يشتغلها انا اه بموت فى حاجه اسمها الرسم المعمارى وغير الحمد لله انا ممتازه فيه لدرجه ان المهندسين كانوا بيحتفظوا بلوحى
وغير كده لما كنت فى كليه فنون جميله بمتحن الدكتور صور اسكتش الرسم من كتر ما عجبه وفى نفس الوقت نفسى اعمل المعادله وفى نفس الوقت مش طايقه حاجه اسمها التعليم المفتوح مش عارفه ليه مش نزلى من ظور واللى حوليا عاوزينى ادخله وبيقلولى برده كليه تجاره بس جواز السفر ده لطلاب الوافدين ولا انا كمان وعموما انا هصلى استخاره
محمد.فوكس 23-10-2008, 04:55 PM أولا الشكر لله.. انتي برضه ساعدتيني لما كنت بفكر في موضوع المعهد ده.
طبعا الوظيفة فعلا زي ما قولتلك كويسة جدا و صعب تيجي تاني .. بس لو ينفع و انا عارف ان ده صعب بس يبقى شيء هايل لو قدرتي تكملي في كليتك او في التعليم المفتوح مع الوظيفة.
و عايز اعرف التعليم المفتوح قلقانة منه ليه ؟؟
بس زي ما قولتلك يعني المؤهل حاجة بقيالك ..
و يا ريت لو هتمسكي الوظيفة دي تبقي تكلمينلنا الاستشاري ده و قوليله اني واخد10/10.:)
هزار هه.
القطه 24-10-2008, 12:44 AM ههههههههههههه تعالى اشتغل بدالى يا سيدى اما التعليم المفتوح حاسه انها شهاده ملهاش لزمه
حاسه انهاامممممممم مش عارفه اوصفلك مشاعرى اتجاه الموضوع ده بكره حاجه اسمها تعليم مفتوح
وغير كده ممكن اقدم فى التعليم المفتوح حتى لو بعد عشرين سنه لكن المعادله محدوده وفى نفس الوقت مجازفه
بس انا عارفه نفسى مدام اتردت فى حاجه يبقا اكيد فى خلل فى الحاجه دى
المهم عامل ايه فى الكليه بتذاكر ولا لاء
محمد.فوكس 24-10-2008, 05:10 AM ايوة انا عارف ان التعليم المفتوح في اي وقت بس انا مش شايف حاجة وحشة في الشهادة يعني ممكن زي البكالريوس و الليسانس العادي.
دي حتى متاحة للخريجين يعني أنا ممكن بعد ما أخلص علوم ان شاء الله (ده لو مقدمتش عسكرية) ممكن أقدم في التعليم المفتوح في كلية الحقوق او التجارة او الزراعة بس مش عارف لو قدمت بعد الكلية على طول في كلية الحقوق و خلصتها بامتياز هينفع اني اشتغل مثلا في السلك القضائي أنا عارف ان موضوع مش منطقي بس أنا بقول بعد ما اخلص علوم على طول يعني سني مش هيبقى كبير .. يعني اخلص الحقوق 26سنة تقريبا.
مش مهم دلوقتي الكلام ده سابق لأوانه خلينا في اللي احنا فيه
المهم انتي كنتي بتقولي التعليم المفتوح في اي وقت كن المعادلة لازم دلوقتي .. يعني انتي لسه بتفكري في المعادلة ولا ايه؟
بالنسبة ليا بقىما أكدبش عليكي لسه مبذاكرش .بس عندي امتحان على الضيق يوم الاحد.. ربنا يسهل
القطه 24-10-2008, 09:49 PM عاوز الحق ولا ابن عمه انا من رائى ابن عمه احسن بس انا هقول الحق صراحه انتا عاوز الصراحه
اللى هيا الحقيقه اوكى
اه لسه المعادله دى فى دماغى ومش عاوزه تطلع ومش قادره اتحكم فى نفسى ولا حتى انى ابطل فكر فيها وخايفه
لاء انا مرعوبه نفسى ارسا على بر واريح واستريح واخلص لانى تعبانه واللى حوليا تعبنين ليا
اللهم انى لا اسالك رد القضاء ولكنى اسالك اللطف فيه
محمد.فوكس 24-10-2008, 10:01 PM فعلا و الله الحيرة في قرار شبه مصيري بيبقى صعب .
اسأليني أنا أنا في اقل من سنة و نص حصلي الموضوع ده و تعبت اوي و آخرها كان موضوع المعهد.
بس انتي صلي استخارة زيي و مش شرط تشوفي رؤيا او تحسي بحاجة .. ممكن الموضوع يرسى على حاجة معينة من غير مايكونلك يد فيها.
يعني أنا مثلا معاد التحويلات عدا . فكده الموضوع اتحددت من غير ما أنا آخد قرار.
لازم طبعا يبقى عندك طموح في الهندسة و انا نفسي كنت كده و مازلت... بس اهم حاجة تتأكدي ان في احتمال معقول ان الفلوس اللي هتدفعيها مش هتروح في الهوا .. و مش عارف موضوع السنة اللي مافيهاش ثانوية عامة كمان هيساعدك ولا ايه؟
بس اهم حاجة تعرفي عن كل حاجة في الموضوع و من مصدر موثوق.
بس انتي دلوقتي بتعملي ايه .. يعني مروحتيش الكلية ولا بتعملي ايه بالضبط.. أنا عارف طبعا ان الواحد في الحالة دي بيبقى ملهوش نفس يعمل حاجة لغاية ما ياخد قرار .. انا كنت بروح الكلية بالعافية لما كنت محتار في موضوع المعهد ده.
ربنا يوفقك و لو احتجتي اي حاجة قوليلي يمكن اقدر اساعدك.
القطه 24-10-2008, 10:33 PM مع احترامى ليك ولكل الموجودين انا قاعده طول النهار بكلم نفسى ذى الهبله اه والله لا بروح كليه ولا ذفتيه وحالتى النفسيه هباب مفيش ورايا حاجه غير انى ارازى فى نفسى ربنا يصلحلى الحال منه لله اللى كان السبب ربنا ينتقم منه اكيد انتا عارفه طبعا
محمد.فوكس 24-10-2008, 10:51 PM بجد و الله انا كنت زيك بالضبط الفترة اللي فاتت بس كنت بروح الكلية عشان مش عايز حد يحس بحاجة.
بس ابتدت الاعراض دي تروح من عندي.
أنا رأيي انك تاخدي رأي قرايبك و معارفك و صحابك بس اللي يكونوا فاهمين كويس في التعليم .. و الاهم تسألي الناس اللي انتي شايفاهم مثل اعلى ليكي او شافة انهم ناجحين و بيقولوا الرأي الصح.
و قبلهم رأي المولى سبحانه و تعالى اكيد مش محتاج افكرك .. ده انتي اللي كتبتيلي دعاء الاستخارة.
ربنا معاكي .. و متقلقيش دي حالة و هتروح.
MR.HhH 25-10-2008, 10:04 PM والله انا محتاره وحاسه انى تايه ومحطمه حاسه انى خلاص انتا حولت من المعهد بسببى تصدق ريحت نفسك على الاقل من العذاب اللى انا فيه دلوقتى شكلى كده مش عامله معادله لانها النجاح فيها بنسبه ضعيفه وغير كده ياريت فلوسها شويه انتا عارف الموضوع يدخله فى كام حوالى 10000 تصدق لو الموضوع مضمون والله كنت ماتردد مره لا انا ولا اهلى لكن على رائيك الموضوع على كف عفريت وده مبلغ مش شويه حرام بابا يتعب وانا اخد الفلوس دى ارميها على الارض بابا مش حرامى علشان يعمل 10000 بسهوله ربنا ينتقم من اللى فى بالى
ليه 10000 جنيه مين قالك كده لالا صحابى دفعو 450 جنيه بس
لو لقيتى الرقم ده صح جربى معندكش حاجة تبكى عليها
وزى مقالك فوكس الوقت مفتوح قدامك
ويابختك يا ستى لو نجحتى لانى انا برضو بحب الرسم زيك وكونت ناوى عليها
بس انتى احبطينى الصرحة مع شوية قلق منى وشلت الموضوع من دماغى
بس لو المعادلة نجحت اعملى موضوع علشان اجرب انا كمان وبالمرة نفرقلك شربات
هههههههههه يلااا ربنا معاكى
القطه 25-10-2008, 11:00 PM انتا حسستنى بالذنب اتجاهك بس عاوزك تعرف كل شى نصيب ولو انتا حولت بسببى تاكد ان ربنا عاوز كده وجعلنى انا والظروف سبب بس اتمنى انك تكون فى حاجه احسن واما الفلوس فعلا بيدفع 450 ويمكن اقل للكليه لكن بتدفع دم قلبك على الكورسات
الكورسات مكلفه جدا فوق ما تتخيل
MR.HhH 26-10-2008, 12:54 AM ليه كده بس انا مقصدش والله انا قبل مشوف موضوع قعدت اسبوعين نايم وعقلى شغال
خايف ادخل المعهد وبعدها معرفش اجيب التقدير وابقه ضيعت سنتين من عمرى
وكمان قلقان اطلع من المعهد واندم انى مجربتش بامانه انتى ريحتنى وحسيت ان خلاص
قضى الامر وقررت احول واخلى موهبتى لنفسى وارسم مع نفسى
مع انى المدرسة الى حببتنى فى الرسم قالتلى الطريق سهل وكانت ديماا بتعلق لوحى
على حيطان الفصل ده فى الاعدادية وفى الثانوى خدت شهدة تقدير فى مادة الرسم الفنى
فى سنة 3 يعنى موهوبين برضو بقولك اعملى زى خلى موهبتك لنفسك
حته لما اولاادك يكبرو يشوفو لوحك وتتباهى قدامهم بيها وتقلولهم بصو يا ولااد مامى كانت شطرة ازى
والتنسيق عمل فيها اية
يلااا ربنا معاكى ومتنسيش تقولينا عملتى بلاش نفرقلك شرباط نشرب احنا الشربات على الاقل
ومتحطيش فى بالك ومتحسيش بالذنب انا اصلااا مكونتش متافائل من الاول
اذا كان ضاع عليه فرصة كليه على 4 درجات
انا همشى بمنطق معدتش تفرق سينا من سونيا
اسف طولت عليكى
القطه 26-10-2008, 04:09 PM ههههههههههههه عادى يا سيدى على رائيك معدتش تفرق سينا من سونيا ولسه لحد دلوقتى مخدش قرار يفيدنى
MR.HhH 30-10-2008, 10:18 PM برضو مخدتيش القرار متعملى زى مقولتلك ادخلى معهد 4 سنين وخد بكارليوس واشطه على كده
يارب سبحانك 26-12-2008, 03:21 PM ازيك يا قطة اتمنى انك تكونى فكرانى انا محمد اللى من بورسعيد اللى جبت 83.14 % فى ثانوى فنى نظام خمس سنيين
واللى قلبت الدنيا ساعة لما التنسيق نزل غلط
بس محصلش نصيب برضو
انا انشاء الله هعمل المعادلة دى وياريت نتكلم يا قطة عشان نشوف هنعمل ايه فى الموضوع دا
واللى بينجح فيها كتير بس احنا نزاكر
مستنى ردك
القطه 12-01-2009, 02:06 PM ازيك يا قطة اتمنى انك تكونى فكرانى انا محمد اللى من بورسعيد اللى جبت 83.14 % فى ثانوى فنى نظام خمس سنيين
واللى قلبت الدنيا ساعة لما التنسيق نزل غلط
بس محصلش نصيب برضو
انا انشاء الله هعمل المعادلة دى وياريت نتكلم يا قطة عشان نشوف هنعمل ايه فى الموضوع دا
واللى بينجح فيها كتير بس احنا نزاكر
مستنى ردك
اه طبعا فاكره حضرتك انا الحمد لله تمام المهم حضرتك تكون بخير
انا حاليا مش بدخل لانى بذاكر اصل انا خلاص قررت اعمل المعادله جت خير وبركه ولو لاقدر الله مجتش اهو بجمله اللى ضاع منى
المهم انك دلوقتى لازم تذاكر وتجتهد
انا باخد دروس عند مدرسين ثانوى عام وباخد رياضه 1 ورياضه 2 وفيزياء وما ادراك ما الفيزياء ربنا يجعل كلمنا خفيف عليهم
وسورى انى مش بدخل لانى والله مشغوله جدا وانتا لو بدأت المذاكره وشوفت المنهج هتعذرنى وتعرف
يلا عاوزينك معانا فى كليه هندسه القاهره واحتمال نكون مع بعض فى لجنه واحده
الامتحان يوم 22/8/2009
بس مفيش غش طبعا والمطلوب منك انك تنجح وبس
بس علشان تنجح وتجيب 50% لازم تطلع عينك انا مش عارفه هما بينتقموا مننا ولا ايه
سلام يا بشمهندس محمد
|