السلام عليكم ورحمه الله وبركاته
بصوا يا جماعه الحكايه من غير كلام كتير انا معايا معهد فنى صناعى دفعه2008 المهم محصلش نصيب انى ادخل هندسه من المعهد وانا نفسى من صغرى ادخل هندسه وبصراحه انا دلوقتى عاوزه اعمل معادله هندسه وفى ناس دخلت هندسه منها وانا عاوزه استفيد من خبرتكم وبالخصوص اللى نجحوا فى المعادله يساعدونى ويقلولى عملوا ايه علشان ينجحوا لانها صعبه وسمعت انها وسايط ممكن المهندسين الجدعان اوى يفيدونى ولو معملتش معادله دورى على حد من دفعتك عمل معادله اكيد فى متقوليش مفيش اساله عن كل حاجه كان بياخد عند مدرسين ثانوى عام ولا حاجه تانيه كان بيذاكر من كتب ايه كان بيذاكر كام ساعه ايه اهم حاجه كان بياخد كورسات فى الكليه ولا لاء الخ عندى اسئله كتير ممكن تساعدونى الموضوع مش محتاج تاخير ردوا عليا بسرررررررررررررعه معلش طولت اعذرونى بقا:078111rg3:

فين المهندسين الجدعان مفبش ولا ايه ولا انا جيت غلط

انا مش معادله بس اعرف ناس حسألهم وبعدين ارد

انا مش معادله بس اعرف ناس حسألهم وبعدين ارد
متشكره على ردك وياريت تهتم وترد عليا بسرعه
وياريت يا جماعه لو حد عنده معلومه يقولها وميبخلش انه يقولها مهما كانت بسيطه لان موقفى صعب
والموضوع ده مهم ليا جدا ولناس كتير ذى والتاخير مش فى صالحى

انا ممكن أسأل واحد صاحبى .............. بس انت لسه عاوزة تعرفى ......؟؟؟؟؟؟؟؟؟؟؟؟؟

ولا الوقت عدى

السلام عليكم
انا مش معادله برضه
بس اوعدك هسأل وهرد عليكى

انا ممكن أسأل واحد صاحبى .............. بس انت لسه عاوزة تعرفى ......؟؟؟؟؟؟؟؟؟؟؟؟؟

ولا الوقت عدى
اولا متشكره ليك كتيررررررررررر على ردك:)
ثانيا لا الوقت عدى ولا حاجه احنا لسه فيها وانا عاوزه اعرف كل حاجه وياريت تساله عمل ايه علشان ينجح
لانى اول مره ادخل الامتحان وعاوزه اخلص وانجح على طول باذن الله لان الموضوع انا واخداه جد وعاوزه اعرف ايه الطريق اللى مشاه وكان بيذاكر من كتب ايه ؟؟
وهل المعادله فعلا وسايط؟؟؟
وعاوزاك تفهمه انى مش هاخد فى مراكز تدريس المعادله لانى عارفه انهم نصابين مع احترامى للجميع واللى ناويه اعمله اخد عند مدرسين ثانوى عام باذن الله
المهم عاوزاك تساله اللى هعمله ده صح ولا غلط ؟؟؟
وعاوزاك تساله احضر محاضرات الكليه ولا بلاش؟؟؟
واهم شى تعرفلى المعادله وسايط ولا لاء واعرفلى عمل ايه بالظبط علشان ينجح امانه عليك ما تسيبه غير لما يقولك كل حاجه اعتبر نفسك انك بتسال لاختك لو مفيهاش رزاله يعنى معلش طولت عليك انا عارفه اسئلتى كتيره :confused: سورى
وفى النهايه متشكره للكل:078111rg3:

السلام عليكم
انا مش معادله برضه
بس اوعدك هسأل وهرد عليكى
متشكره على ردك يا بشمهندسه جزاكى الله كل خير
وانا مستنياكى وكتبت معظم الاسئله اللى فى بالى محدش ينسى
ومستنياكم تردوا عليا بس بلاش تغيبوا عليا لو سمحتم:)

بصى يا قطة ...... أنا سألت صاحبى عن كل اللى عرفت أسأله له

هو عمل معادلة و دخل هندسة .... و هو معايا فى الكلية

بس المشكلة انه عامل معادلة من دبلوم صنايع مش من معهد فنى صناعى

بس هو قالى ان الوضع واحد

قالى مفيش كوسة ولا واسطة ولا حاجة ..... " ان لو فيه وسطة مكنتش نجحت " ...... ده كان كلامه

و بيقول انت هتاخدى مواد " ميكانيكا و رياضة 1 و رياضة 2 و فيزياء "

و بيقول ان فى ناس كانت بتاخد كورسات ... بس هو زاكر لوحده فى البيت .... و نجح

و الامتحانات بتبقى فى هندسة القاهرة

و بالنسبة للفلوس .... بتبقى عالية للى هينتظم .... لكن ممكن تبقى زى منازل كده يعنى

و بيقول كل اللى عليكى انك تشترى الكتب بتاعت السنة اللى فاتت و تزاكرى من دلوقت

و الامتحانات بتبقى تقريبا فى شهر 7 ....... و زى ما قلت فى هندسة القاهرة

............................................

بس ....... هو ده كل اللى عرفته ...... يا رب يكون الكلام مفيد ليكى ....... و بالتوفيق ان شاء الله

و لو فى أى استفسار تانى .......... انا موجود

سلام عليكم

اه نسيت

قالى أهم حاجة ......... يكون عندك عزيمة جامدة جدا ......... مش بس كلام

بصى يا قطة ...... أنا سألت صاحبى عن كل اللى عرفت أسأله له

هو عمل معادلة و دخل هندسة .... و هو معايا فى الكلية

بس المشكلة انه عامل معادلة من دبلوم صنايع مش من معهد فنى صناعى

بس هو قالى ان الوضع واحد

قالى مفيش كوسة ولا واسطة ولا حاجة ..... " ان لو فيه وسطة مكنتش نجحت " ...... ده كان كلامه

و بيقول انت هتاخدى مواد " ميكانيكا و رياضة 1 و رياضة 2 و فيزياء "

و بيقول ان فى ناس كانت بتاخد كورسات ... بس هو زاكر لوحده فى البيت .... و نجح

و الامتحانات بتبقى فى هندسة القاهرة

و بالنسبة للفلوس .... بتبقى عالية للى هينتظم .... لكن ممكن تبقى زى منازل كده يعنى

و بيقول كل اللى عليكى انك تشترى الكتب بتاعت السنة اللى فاتت و تزاكرى من دلوقت

و الامتحانات بتبقى تقريبا فى شهر 7 ....... و زى ما قلت فى هندسة القاهرة

............................................

بس ....... هو ده كل اللى عرفته ...... يا رب يكون الكلام مفيد ليكى ....... و بالتوفيق ان شاء الله

و لو فى أى استفسار تانى .......... انا موجود

سلام عليكم

متشكره جدا حضرتك افدتنى جزاك الله كل خير
بس هوا ذاكر من غير مدرسين فعلا يعنى ذاكر لوحده ما شاء الله عليه اكيد عبقرى

((و بالنسبة للفلوس .... بتبقى عالية للى هينتظم .... لكن ممكن تبقى زى منازل كده يعنى))
بس انا مش فاهمه قصدك فى الجمله دى يعنى قصدك ايه باللى هينظم يمكن قصدك على المحاضرات اللى فى الكليه؟؟
وعموما متشكره ليك كتيرررررررررررررررررررررررررر ولو عرفت حاجه جديده اى معلومه متنساش تقولهالى
بس برده عاوزه اعرف المحاضرات مهمه ولا لاء

بس هوا ذاكر من غير مدرسين فعلا يعنى ذاكر لوحده ما شاء الله عليه اكيد عبقرى

أنا برده استغربت لما قالى انه زاكر لوحدة ..... سألته ازاى ؟ .... قالى انه كان بيشوف المسائل المحلولة و يحل زيها ... و مظنش انه عبقرى ولا حاجة ........ بس هو كان عنده حماس عالى أوى


بس انا مش فاهمه قصدك فى الجمله دى يعنى قصدك ايه باللى هينظم يمكن قصدك على المحاضرات اللى فى الكليه؟؟


تقريبا هو يقصد كده .... انك ممكن تقدمى منازل ... يعنى متروحيش محاضرات ... تروحى على الامتحانات على طول


وعموما متشكره ليك كتيرررررررررررررررررررررررررر ولو عرفت حاجه جديده اى معلومه متنساش تقولهالى

انا تحت أمرك ..... و انت لو عندك سؤال ... قوليلى عليه و انا استفسرلك عنه

بالتوفيق ان شاء الله

وانتى حضرتك لو فى اى حاجه بعد لما تبدأى ممكن تكتبيها واحنا هنساعدك فى توضيحها او شرحها
او حلها لو كانت مسأله أو ما شابه
انتى بس انوى نيه جامده ويكون عندك عزيمه مش اكتر
بالتوفيق

بجد والله مش لقيه كلام يعبر عن شكرى ليكم كلكم
جزاكم الله كل خير واكيد لو وقف معايا حاجه فى الرياضه او الفيزياء هسأل مهندسين المستقبل طبعا
ربنا يوفئكم فى امتحانات الميدترم ويوفقنى فى المذاكره وانجح فى المعادله واحقق اول حلم من هرم احلامى

بصي يا قمر انا عندى واحده صاحبتى كانت عامله معادله بس طبعا المعادله دى صعبه جدااااااااااا
انا مش عاوزة احبطك بس بقولك كده علشان هى محتاجه مذاكره اكتر كمان من الثانويه العامه
وبالنسبه للمدرسيين فهما مدرسيين ثانويه عامه ولما صاحبتى دخلت الكليه مالقتش صعوبه في اى مادة غير في الانجيليزى وبس وكانت بتاخد كورسات بس مش في كل المواد ومع الوقت بدأت تتأقلم علي موضوع اللغه دى وبقت تماااااااام وجابت تقدير ودخلت قسم ميكانيكا اللي كانت عاوزااااه
لازم يكون عندك اراده وثقه في الله ثم في نفسك وفي قدراتك
وربنا معاكى ويوفقك

انا كمان عاوز اعمل المعادلة انا خريج دبلوم فنى صناعى خمس سنوات وجايب 83.14 % واتظلمت مع اللى اتظلموا
ياريت يا قطة تبعتيلى ايميلك عاوز اكلمك ضرورى فى الموضوع دا
وشكراا للجميع