اندحك علىَّ يا جدعان


قالولى يا عم فرفش و روق

دى الحياة كووووووول جنان

شوية كسل و بعدين

سهر و فرفشة و روقان

و فى الاجازة نخرج نروش

بنات أمورة و شوية صبيان

واحد عليه يجيب العربية

و أنا على أجيب الكمان

و شاورولى على واحد و قالوا

ا ل ايه علينا زعلان

حارم نفسه من المتعة

و يقول علينا ف حرمان

عامللى فيها سيدنا الشيخ

و هو تلاقيه مكبوت و طهئان

ا ل بيقول فكروا ف بعدين

بعدين ايه ده كمان

يا سيدى يحيينا لبكرة

المهم دلوقت الا ن

سمعت كلامهم و قلت فبالى

ايه يعنى انا مش خسران

اعيش سنى و انبسط

و ابقى اتعدل فى رمضان

يا عم ربنا بيغفر

ليه بقى اقعد أرفان

خالاص بقى يا عم دماغك

انا كده مبسوط و فرحان





وف يوم لقيتهم لفيننى وف حتة حفرة رمونى

مش شايف الدنيا ضلمة يا عالم يا هوه فكونى

المكان ضيق و خنقة يا أصحاب العمر انجدونى



و جالى واحد عمال يسألنى ماعرفتش أجاوب على ولا سؤال

قلتله الموضوع جد و لا ايه قاللى أُمال هذار ولعب عيال



قلتله طب ادينى فرصة تانية

قاللى لااااااااااا ده كان زمان

صدقتهم و فى الاخر

اندحك علىَّ يا جدعان
ياريت تردم

و جالى واحد عمال يسألنى ماعرفتش أجاوب على ولا سؤال

قلتله الموضوع جد و لا ايه قاللى أُمال هذار ولعب عيال

طبعاً الموضوع فكرته كويسة ونصيحة يقدمها شريف للجميع لكن في أمور يا جماعة مينفعش فيها هزار يعني ايه جالي واحد عمال يسألني طبعاً يقصد الملكين في القبر .. وهل هما هيقولوا أمال هذار ولعب عيال؟

لا يا شريف اعذرني جميلة نصيحتك وجميل محاولتك انك تفوق الشباب قبل الموت بس يا ريت عند التحدث عن الملائكة اللي اتذكر كلامهم بالظبط في أحاديث شريفة بلاش نألف احنا في كلامهم .. تقبل حذفي للموضوع وتلك أسبابي