السلام عليكم ورحمة الله

اخر اخبار سمعتها ان المتعاقدين فى الازهر لا يحق لهم دخول امتحانات الكادر بعد ماعملولنا الاستمارات وكل حاجة رجعوها من المنطقة!!
الرجاء تاكيد هذه المعلومة او نفيها

طب انا عاوز اعرف ايه ذنبنا عشان نحرم من الكادر ؟
الاساسى افضل منى فى ايه؟
بالعكس اغلب الاساسين مضمومين بالفلوس ومستواهم لايسر لاعدو ولا حبيب!!



طب ليه طبقت علينا المرحلة الاولى مادمنا لا نستحق
والقانون يقول كل من مرعليه سنتان يحق له التقدم على درجة معلم
وانا بقالى 3 سنين

وتقديرى ممتاز مع مرتبة الشرف
وتقاريرى الفنية الاخيرة ممتاز

يبقى الاساسى اللى دافع فلوس وتقديره مقبول او جيد بالكثير احسن منى!!

ارجو من جميع الاخوة المتعاقدين ضم صوتهم لصوتى والقيام بوقفة احتجاجية للمطالبة بحقوقنا المشروعة
مش كفاية لغوا تعيين العشرة تالاوائل
مش عارف عاوزين يحطمونا ولا ايه!!!!

ايه ده ياجماعة مفيش حد معايا ولا ايه؟؟

حتى الاخوة الاساسين لابد ان يشعروا بمعاناة اخوانهم ايضا

حسبنا الله ونعم الوكيل
الازهر للأسف سلطة تابعة لمجلس الوزراء ودى ماليات لما يثبت العام يثبت الازهر
فأصبح مقلد اصبح الازهر تابع وليس متبوع
انا لله وانا اليه راجعون
اخوك متعاقد من 2005 تقدير جيد جدا
حاصل على دبلوم فى تخطيط وتطويرالمناهج 2006
وحاصل على الدبلوم الخاص فى التربية قسم الصحة النفسية 2008
واعمل مدرسا لمادة العلوم
خريج الازهر كلية التربية

ومنتظر التكرم علينا بتثبيتا
أخوك ايمن محمود البتشتى

هذا هو لسان حال متعاقدي الأزهر

:giljotiiniug3:



( وأفوض امري إلي الله إن الله بصير بالعباد ) غافر 44

فعلا حسبنا الله ونعم الوكيل

ونفوض امرنا الى الله

لكن اعتقد ان لابد ان يكون لنا وقفة واشعار المسئلوين بانه هناك من يشتكى حتى يتحركوا

انا برضه ياايمن خريج تربية دراسات اسلامية وتقديرى ممتاز مع مرتبة الشرف
ومعاك فى نفس المسابقة 2005
وبصراحة الواحد اتخنق
نفسى اعرف اخد اجازة عشان اسيب البلد دى
بصراحة اتخنقت

هذا هو لسان حال متعاقدي الأزهر

:giljotiiniug3:



( وأفوض امري إلي الله إن الله بصير بالعباد ) غافر 44

يا سيدى هناك متعقدين فى التربية والتعليم منذ أكثر من 7 سنوات
وكل سنة وأنت متعاقد
وحسبنا الله ونعم الوكيل

السلام عليكم
يا حسن طاب ما هم عارفين انهم تعاقدوا مع الصفوة فهل يسيبوك بالعافية !!!؟
انا بقترح اننا نصمم منتدى خاص بالمتعاقدين نعرض فيه كل مشاكلنا ونحكم لجنة حقوق الانسان حتى بعرفوا من هم المتعاقدين !!!!؟
البيت الوقف !!!!!!!!!!!!!!!!!!!!!!!!!!!!
elbitishty@yahoo.com
http://elbitishty.ahlamontada.net

سبع سنين!!!!!!!!!!!!!!!!!

ازاى دا اول تعاقدات كانت فى سنة 2005 هو كان فى تعاقدات قبلها!!

طب ودول موقفهم ايه دلوقتى
يعنى فى امل للتثبيت ولا ايه؟!

اقولكم اتفوا على دى بلد ان شاء الله مش قاعد فيها

والله وانا باضم صوتى لصوتك

شكرا مستر حازم

لكن ياريت ناخد خطوات عملية
مش نتكلم وخلاص

نحدد يوم للاضراب العام

انا ايضا من المتعاقدين فى الازهر وبقالى سنتين ولكن بصراحة التعلقد فى الازهر احسن من التربية والتعليم
هذة كلمة حق
ولكن لماذا لا يتم تثبيتنا ونحن كما قال الزملاء من صفوة الخريجين وجميعنا تقديرات عالية بل اعلى التقديرات فلماذا لا يعطونا حقوقنا كاملة

والله هذا هو اللغز يااخ وليد
المفروض القانون يعطى حق التثبيت بعد 3 سنوات على حسب احتياج الجهة التى يعمل بها الموظف
مش عارف الازهر ساكت ليه؟
مستنى التربية والتعليم مثلا؟!!

مستنى يأخذ الاوامر

[حسبي الله ونعم الوكيل في اللي يظلم المتعاقدين
دا احنا و الله غلابة و صحاب بيوت

فرفش مع الانجليزية

أيـــــاذا القـلب لا تحـــــزن .... فــــــذاك الحـبInfection

فـلـن تجــــــدي عقــــــاقير .... ولن تشفــــيكInjection

فـــكم من عـاقـــــل فطـــن ..... مضى بالحــب Direction

سـتـنـــــكره وتـنـســــــــاه .... ولن يبـــــقى له Mention

فـلا تنــــــــظم له شعــــراً ..... ولا تكـتــــــب له Section

ولا يحــــــــزنك من باعك .... فقد أخطــأت ال Selection

ولا تبـــــدي له أســـــــفـاً ..... ولا تبــــــــــدي له action

فـــــــــــــإن الحب منـزلةٌ ..... لبعض الناس exception

فبعض الناس إن هجـروا .... فلا حـــــزنٌ ولا tension

وبعض الناس إن هجروا ..... يظل ويبـقى connection

فوصــــــل الروح إقبـــالٌ .... وما أحـــــــلاه re action

بدعـوات بقــلــــــب دجى ..... لها أثـــــــــر و affection

فـــإن لم يبـــــق لي شيء .... فلا حــــــــب ولا Passion

فــلا أسـف عـلى دنـيــــــا ..... لـك وعليــك conversion
متعقد من 2005

كلنا متعاطفين معاكم رغم الاسلوب الذي عرض به الاخ المتعاقد موضوعة
وهو تجريحه في الاخوا الاساسيين وهو قوله ان
اغلب الاساسين مضمومين بالفلوس ومستواهم لايسر لاعدو ولا حبيب!!
ولكن هذا ليس بغريب فلانسان من أجل ان يصل الي مصلحته فليس هناك مانع ان يجرح في غيره عندكم !!!!!!!!!!!!!!!!!!!!!!
:giljotiiniug3::giljotiiniug3::giljotiiniug3:

انا اسف استاذ محمود على اللهجة الشديدة اللى تكلمت بها لكن ده من غيظى وضيقى الشديد
وارجوك تقدر حالتنا النفسية السيئة
والله بجد انا ماعاد لى نفس للعمل فى المعهد وافكر فى اقرب فرصة لترك العمل بالرغم من اشادة الجميع بى سواء من مدرسين او شيخ معهد او موجهين
لكن انا حاسس جواى انى مش قادر اركز واناشاتيف زملائى الاساسين عمالين يتكلموا فى الكادر والامتحانات وتصحيح البيانات بالرغم انت منهم اللى مباشر بعدى وفى الدبلومات و اللى مباشر بعدى وكده

اما كلامى عن المضمومين فدى حقيقة وواقع ومش انا بس اللى بقول كده شيخ الازهر نفسه اصبح لا يضم احدا لسوء المستوى للمضمومين لان90% منهم لايصلحون
وهناك من زملائى من رسب فى احدى السنوات وتخرج من اصول بتقدير جيد وبالرغم من ذلك هو اساسى وانا متعاقد لانه دفع فلوس عند ضم احد المعاهد
عاوز بعد كل ده مااحسش بالقهر؟!!!!!

فين التفاعل ياجماعة
احنا عاوزين نبعت فاكسات لشيخ الازهر نعرف مصيرنا
خصوصا المتعاقدين من 2005 لان القانون بيقول التثبيت بعد 3 سنوات ولغاية دلوقتى مفيش اى كلام عن تثبيت او غيره
ياريت نبعت كلنا الفاكس بالصيغة اللى وضعا الاخ الكتكوت وصل
فى موضوعه
بس ياريت اللى يعرف رقم فاكس مكتب شيخ الازهريضعه هنا

انا برده متعاقده بس مش ازهر واحنا ملناش الحق برده في امتحانات الكادر بس سمعت انها حتطبق
في شهر8 الجاي بس اظنه كلام

ياريت يبقى لنا وقفة بس تفتكروا فية فايدة

شهر 8 شهر 18 طب ليه؟!! احنا اقل من الاساسين بايه؟ هم بيعملوا حاجة اكتر مننا؟!! وبالنسبة لك ياطارق ان شاء الله لما نتكاتف ونكون يد واحدة اكيد هنجيب نتيجة الدليل الاعتصامات والاحتجاجات الاخيرة كلها جات بفايدة الظاهر اللى عاوز حقه اليومين دول لازم يضرب ويحتج!!! سبحان الله احنا فى زمن الظلم

اشكركم جميعا اخوانى المدرسين المتعاقدين على طرحكم لهذا الموضوع الهام الذى نعانى منه جميعا
اخوكم مدرس لغه انجليزيه متعاقد وطبعا بعانى الامرين من الانتداب بين المعاهد وربنا يستر ونكمل على خير
وفعلا نحن نحتاج لوقفه واحده على ارض صلبه نطالب فيها بحقوقنا فى التعيين فنحن نعمل من خلال مسابقات نزيهه وهذا رقم فاكس مشيخه الازهر 02/22623226
تليفون مشيخه الازهر 02/25899823
تليفون مكتب وكيل الازهر وممكن اى حد يتصل بيه ويتاكد من هذه الارقام لانى اتصلت بيه من قبل
02/25925437
يرجى اضافه كود المحافظه 02
الأزهر الشريف مكتب الامام الاكبر شيخ الازهر
25899823

25904797

-
25917210 المستشار القانونى
-
25905506
25908829 رئيس الإدارة المركزية لمكتب شيخ الأزهر
25925468
-
25902459 الشئون الفنية لمكتب شيخ الأزهر
-
- 25972812 مدير عام الإعلام والعلاقات العامة
-
- 25909922 رئيس الإدارة المركزية للعلاقات العامة والإعلام
-
- 25905168 مدير عام أمن الأزهر
-
- 25909152 اللجنة العليا للدعوة
-
- 25938893 فضيلة وكيل الأزهر
-
- 25907940 مدير عام مكتب وكيل الأزهر
-
- 25900806 الأمين العام المساعد للخدمات
-
- 25900806 مديرعام مكتب الأمين العام للمجلس الأعلى للأزهر

اشكركم جميعا اخوانى على طرح هذا الموضوع ونتمنى ان يكون له صدى فى قلوب المعنين بالأمر
وفقكم الله جميعا للخير

ياريت نكون جبهه متعاقدى الازهر الشريف ونعمل بيان شديد اللهجه لكل المسؤولين فى الازهر وان شاء الله سيلقى صدى واسعا فى وسائل الاعلام
ههههههههههههه
وربنا يستر معانا

ان شاء الله ربنا يستر
وشكرا

houda_lovely


على ارقام التليفونات
وياريت الكل يتفاعل ويبعت
وكل واحد يبعت يرد هنا ويقول انه بعت عشان نشجع بعضنا
(http://www.thanwya.com/vb/member.php?u=114219)

ياريت يا جماعه الكل يتصل بشيخ الازهر او يبعت ليه بالبريد او بالفاكس احنا حوالى 80 الف متعاقد فى الازهر وقوه اساسيه بالازهر ولا يمكن ان شاء الله الاستغناء عنا او تسيير العمل بالمعاهد بدوننا لذلك يجب ان نقف جميعا يدا واحده ونطالب بحقنا فى التثبيت والكادر

اخوكم محمود
مدرس لغه انجليزيه
المنصوره

أضم صوتي إلي صوتكم أخوتي وحسبنا الله ونعم الوكيل

جزاك الله خيرا استاذ مدحت
المهم ان نأتى بثمار ان شاء الله

انا سمعت ان متعاقدي التربيه والتعليم يتم تسكينهم الان كمعلم مساعد

فلماذا لم يتم تطبيق المرحله الثانيه علينا بما اننا اخذنا كادر المرحله الاولي اي اننا معلم مساعد

الا اذا كنا حنقف علي معلم مساعد ولن نتغير

منعاقدي الازهر تم تعيينهم بمسابقه والاغلب حاصل علي تقديرات جيد جدا وامتياز فلما لا يتم تسكيننا كمعلم

هل لان هذا سيعد تعيين ام انهم في انتظار تعيينا وبعد ذلك يقرورا اذا كنا ننفع معلمين ولا ما نصلح

حصلنا علي درجات علميه مرتفعه وتقديرات عاليه ولكن في النهايه لا نصلح اليس كذلك

عبير مدرسه لغه انجليزيه

ربنا معانا اخت عبير
وشكرا على انضمامك لنا

كل واحد فينا يا جماعه عليه دور نحاول نتصل بشيخ الازهر وانا بالفعل ارسلت فاكس وارسلت تظلم لخدمه المواطنين بالازهر وربنا يسهل ويستجيبوا لنا ولكن على قدر ما نصمد على قدر ما يستمعوا لنا ويحققوا لنا مطالبنا ومفيش لهم حجه احنا مش متعينين بواسطه احنا مسابقات واحلى تقديرات وياريت الى يعرف يعرض موضوعنا فى اى جريده يتفضل ويسارع

على اى رقم فيهم اخت هدى؟

حودا
واسمى محمود

اسف استاذ محمود
بس اللى قراتها غلط
المهم اى رقم فيهم؟

على فكرة ... مشكلة المتعاقدين خاصة فى الأزهر بتمس عدد كبير وانا منهم
ولكن علشان نوصل لنتيجة ونضمن حقنا فى الكادر وفى التثبيت يبقى لازم نوصل صوتنا لإداة الازهر
والا هنفضل كدة إلى ان يشاء الله
يا ريت الناس تبدأ تتحرك قانونيا على الاقل

دا رقم الفاكس انا كتبته فى مشاركه سابقه 02/22623226
بس يا ترى هل بيستمعوا او بيهتموا بنا ياريت نفكر فى حل

شكرا حودة
اكيد كتر الزن عليهم يخليهم يفكروا فى المشكلة

دا ايميلى يا جماعه عشان نتواصل سويا

houda_lovely00@yahoo.com

اخر كلام فى التعاقد http://www.ndp.org.eg/ar/News/SimpleNewsDetails.aspx?NewsID=30272 واعتقد ان مفيش جديد فنحن معلمون مساعدون ولكن هل معينون ام مؤقتون

بس الكلام ده من شهر2
احنا بنتكلم على اللى القانون بيعطيلهم الحق فى التثبيت على حسب حاجة جهة العمل بعد ثلاث سنوات
وكمان يشترط وجود درجات خالية

وكل الكلام ده ينطبق على المتعاقدين فى الازهر

السلام عليكم جميعا
على فكرة يا جماعة ده لسان حال جميع المتعاقدين فى الأزهر كلنا بنعانى من الظلم والضغط فى الشغل وزملائنا المعينين مرتاحين على الأخر ..... وبعد كده هما ياخدوا كادر واحنا لا ... طيب ده يرضى مين؟؟؟؟؟؟؟؟
انا باقترح اننا كلنا نبعت فاكسات لمكتب شيخ الأزهر نطالب فيها بحقنا فى الكادر وانا هابلغ كل زملائنا المتعاقدين واديهم الارقام وكمان هاحاول اشوف حد يكتب عننا فى الجرائد المحترمة ........ لعل وعسى صوتنا يوصل للمسئولين.............
وربنا معانا

ياريت اداره المنتدى تحاول توصل صوتنا للمسؤولين فى برامج التلفزيون مثل 90 دقيقه او العاشره مساءا فهى برامج زات ثقل

اضم صوتى معكم\

sina son (http://www.thanwya.com/vb/member.php?u=184383)

شكرا لك
هو انت حضرتك متعاقد ايضا؟

اين باقى الاخوة المتعاقدين؟
عاوزين نعمل حاجة نعرف بها مصيرنا

انا معاك فعلا ليه مش بيثبتونا طالما احنا نؤدى عملنا بمنتهى الكفاءه وتقديراتنا مميزه وحاصلين على دراسات عليا مثلا انا فى معهدى اتنين مدرسات اساسيات لمجرد انهم اتعينوا قبلى بسنه وانا متعاقده يبقى لهم الاحقيه فى كل شىء رغم انى تقديرى اعلى واكملت دراسات عليا وكل ما فى وسعى ابذله لاداء عملى بكفاءه والكل يشيد بمجهودى لم نحرم من الكادر وحقوق التثبيت ؟؟؟؟؟؟؟؟؟ هل هناك رد هل من مجيب لنداءنا

والله يامنى ده تساؤلنا كلنا واماه الاف علامات التعجب!!!
الفرق بينى وبين اللى قبلى بسنة ان حظه كده اتعين قبلى بسنة
امال تقولى ايه على انا
انا خريج 2003 وتربية وتقدير ممتاز مع مرتبة الشرف والسابع على الكلية
وفى ناس اتخرجت 2004 وبتقدير اقل واتعينوا اساسين
لانهم ماكانوش عاوزين تخصصى فى 2004!!!!!!

لا وايه موضوع ضم المدرسين اللى بيكون عند بناء معاهد جديدة
فى واحد زميلى كان رسب فى سنة من السنين وتخرج2004 ودتقديره جيد واتعين اساسى لانه دفع !!!
ااااااااااااااااااااااهههههههههههههههههه يانى!!!

هل من جديد ياشباب؟

السلام عليكم و رحمة الله و بركاته
انا مدرسة لغة انجليزية متعاقدة 2006
مش عارفة اقول ايه يا جماعة فى الظلم و العذاب الى بيعانى منه المتعاقدين
بس هقول حاجة انا حاسة بيها منذ ان تعاقدت فى الازهر
جميع المتعاقدين فى الازهر الشريف اولاد البطة السوداء المطينة بطين

انا مش عارفه فين بقيه المتعاقدين انا نفسى بس صوتنا يوصل ليه نستثنى رغم اننا متساويين رغم اننا متميزين فى عملنا مش عارفه الوضع ده هيفضل لامتى ومعاكى حق ومع sawi الف حق لان اننا مش مظلومين بس احنا مطحونين فى الشغل كمان والله اعلم ازاى نشتغل بالاسلوب ده وازاى نبقى احنا اقل من غيرنا رغم التساوى بينا وبين غيرنا وفى الاخر بطالب برفع صوتنا لاعلى الجهات لينا الحق فى كده

انا برضه مستغرب يامنى من عدم انضمام المتعاقدين كلهم لنا

على فكرة انا كنت فى ادارة الازهر امبارح (الثلاثاء) وسالت عن التثبيت فقالوا ان هناك محاولات حاليا بالتوازى مع محاولات التربية والتعليم
يعنى برضه تابعين لهم!!

بجد انا زهقت من التعاقد انا متعاقد من 2006

وأفوض أمري إلى الله

فعلا كلنا نفوض امرنا الى الله

44564‏السنة 133-العدد2008ديسمبر10‏12 من ذى الحجة 1429 هـالأربعاء


مليار جنيه في الموازنة الجديدة لشغل‏500‏ ألف درجة وظيفية

القاهرة ـ من ماجدة عطية‏:‏
صرح مصدر مسئول بالجهاز المركزي للتنظيم والإدارة بأن مشروع الموازنة الجديدة للدولة‏2010/2009‏ سوف يتضمن اعتماد مليار جنيه لتغطية تكاليف‏500‏ درجة وظيفية شاغرة بالجهاز الإداري للدولة‏.‏

وأضاف المصدر أن تكلفة الأجور ارتفعت إلي نحو‏73‏ مليار جنيه نتيجة الزيادات الجديدة في الرواتب والعلاوات التي تصرف أول يوليو‏,‏ وتشمل علاوة دورية‏,‏ وأخري خاصة ينتظر أن تصل قيمتها إلي‏10%‏ من الأجر الأساسي‏,‏ كما تشمل ضم العلاوة الخاصة لعام‏2004‏ إلي الراتب الأساسي‏,‏ حيث سبق صرفها بنسبة‏10%‏ من الأجر الأساسي‏,‏ ليرتفع بذلك ما تم ضمه من علاوات خاصة إلي‏220%‏ من أول يوليو المقبل‏.‏

انا عندى اقتراح
بيتهيأ لى أن مفيش حد هيسمع لينا الا اذا صوتنا وصل لمجلس الشعب عن طريق عضو فى المجلس يعمل استجواب او لفت نظر للمتعاقدين اللى مهضوم حقهم لان مفيش حد احسن من حد
اشراف يومى وشيلينه
تصحيح ومراقبة مشتركين
عدد حصص وشيلين وبالله ان انى شايل 26 حصة فى معهد اعدادى ثانوى ومفيش غيرى فى المعهد
فيا ريت ان كان حد له صلة بمسئول ينوه له عن حاجة زى دية لعل وعسى
وعلى راى المثل
الغريق بيتعلق بقشايه
مش كده ولا ايه؟؟؟؟؟؟؟؟؟؟؟؟؟؟؟؟؟

يا جماعة المشكلة أحنا فى دول مفيش حد بيسمع لحد

أن شايف أن الدولة عمرها مهيصلح حالها وخاصة الأزهر لأن الأزهر باختصار ملوش إدارة خالص ولا يمت لللإدارة بصلة

عضو مجلس شعب ؟؟؟؟؟؟؟؟؟؟؟؟؟؟!!!!!!!!!!!!!!! متوقعش ما الكل عارف بس الكل ساكت

يا جماعة خلينا عماليين ونشوف حل للمشكلة دى بعيد عن الشعارات . نقترح حاجة مههمة وليكن اعتصام عن التصحيح والمراقبة أيام الامتحانات وياريت الناس تشاركنا فى كده

والله انا معاك يامسيو ايهاب
بس ياريت الكل ينفذ ومتخافوش ميقدروش يفصلوا اكثر من ثلاثة ارباع قوة العمل الفعلية داخل المعاهد

يا جماعة الكل خايف من كلمة متعاقد
الكل مؤمن بان المتعاقد ممكن فى اى وقت يقولوا له مع السلامة فى غيرك مستنى ويشتغل اقل مما بتاخذ
وبعدين اقرا بنود العقد يتاعك كويس
بل ان جعلوا السلطة فى ايد شيخ المعهد لو بعت مذكرة للقسم اللى انت تابع ليه هيتلغى عقدك
العملية مش سهلة
لازم نشوف حلول اكيده وفعلية بعيد عن الاعتصام والاضراب
لان اللى بينا وبينهم ورقة

يامستر علوان حقك فى البلد البومين دول والدليل بتوع المحلة لما اعتصموا اخدوا حقوقهم واكتر

طب عندك اقتراحات ايه تانية غير الاعتصامات

دا حتى انا من العشرة الاوائل على الكلية ولم اعين حتى الان
مصايب والله فى البلد

أنا معاكم فى كل حاجة ؟
أنا من العشرة الأوائل على الدفعة ومتعاقد من 2006 وكمان كنت شغال قل كده فى التربية والتعليم
واللى زاد أنت بشتغل فى معهدين وكل ميكون هناك عجز يتم انتدابى لسد العجز الاضافة إلى شيخ المعهد والموجه والكل يقول لو مش عاجبك امشى وغيرك يتمنى
بس حابب أقول أن ولا شيخ المعهد ولا الموجه ولا وكيل الوزارة يقدر يلغى عقدك الوحيد هو شيخ الأزهر

أنا خلاص بجد بفكر أنى أسافر وأسيب البلد دى أصل شايف ن مفيش فايدة

يعنى احنا فى الهوا سوا
انا ان شاء الله فى احسن فرصة سفر مش قاعد
وربنا يوفقك لما فيه الخير

يا جماعة صدقونى شيخ المعهد فى ايده كل حاجة
انا حاولت احول من المكان اللى انا فيه جيبت موافقه من وكيل الازهر وحولنى بيها على لجنة شئون العاملين
وبعد كده شئون العاملين فى القاهرة حولتنى لوكيل الوزارة اللى فى المنطقة اللى انا تابع ليها وبعد كده وكيل الوزارة حولنى للتعيينات والتعيينات قالت هات موافقة شيخ المعهد قام رفض وقال معنديش غيرك وهات لى بديل
بالله عليكم بعد الدوخة دية اعمل ايه
يعنى زى ما انا قلت السلطة فى ايد شيخ المعهد
وحسبى الله ونعم الوكيل فى الازهر وتصرفاته

وبعدين بتقول سفر
ماشى هتسافر كام سنة وبعد ما تسافر يكون مصيرك ايه
انك هتقعد والله اعلم يمكن يتغير الحال الواحد يرجع ويقول يا ريتنى
فالواحد يصبر على ما ربنا يفرجها من عنده
ييغير رئيس الدولة ييغير شيخ الازهر
فى كلا الحالتين لازم يكون فى تغيير
وان شاء الله هيكون فى صالحنا
لان اللى بييجى جديد بنزل بقراراته يمكن يكون من ضمنها تثبيت المتعاقدين
وربك المعين

هههه
لسه هنستنى لما يتغيروا
ياعم دول هم اللى هيغيرونا!!!

ياب افرجها علينا
فعلا
لقيصر مال قيصر
بقالى 3 سنين وكنت شايل 36 حصة انجليزى فى معهد الخادمية الابتدائى التابع لمحافظة كفرالشيخ والسنة دى 28 ومفيش فايدة
فليت الذى بينى وبينك عامر وبينى وبين العالمين خراب.....اذا مد منك الود فالكل هين وكل الذى فوق التراب تراب

أنا متعاقد وأرفض كلام الأستاذ أبو امتياز مع مرتبة الشرف بهذه الطريقة على الزملاء المعينين

وافقت لجنة التعليم بمجلس الشعب فى إجتماعها الثلاثاء على قرار رئيس الجمهورية بتطبيق كادر المعلمين الجديد على المعلمين بالمعاهد الأزهرية بنفس القواعد التى تم تطبيقها على المعلمين فى التعليم العام
وحسب القرار الجمهورى فان الكادر يطبق على جميع المعلمين الذين يقومون بالتدريس فى المعاهد أو التوجيه أو التفتيش الفنى أو بادارة المعاهد الازهرية ، وعلى الاخصائيين الاجتماعيين والتفتيش واخصائى التكنولوجيا والصحافة والاعلام وأمناء المكاتب ويستثنى معلم القرآن الكريم .

وشدد الشيخ عمر الديب وكيل الازهر الشريف ـ فى رده على مناقشات أعضاء اللجنة ـ على رفض الأزهر لتدخل أى أحد فى العملية التعليمية مشيرا الى أن الكادر الجديد سيطبق على جميع العاملين فى الازهر .

أعتقد دا معناه إن المتعاقدين سيتم تطبيق الكادر عليهم

ولا إيه؟

لا يضيع حق وراءه مطالب
لو استمر طالبنا سوف يش€كل صداع للجهات الى ان يتم تنفيذ ذلك ومن منطلق ذلك اضم صوتى الى صوتكم
لاننا اولى من الاساسيين وانتم عارفين ليه
حاول زيارته اى معهد وش€وف المتعاقدين عاملين ايه من كتر الشغل على العكس المدرسين الاساسيين
مع العلم بان شيخ المعهد يعتمد عليهم اعتماد كلى

أنا متعاقد وأرفض كلام الأستاذ أبو امتياز مع مرتبة الشرف بهذه الطريقة على الزملاء المعينين

استاذ موسى
انا لم اقل جميع المدرسين المعينين
انا حددت المضمومين ومش كلهم
ودى ظاهرة فى المعاهد كلها وانت اكيد وباقى الزملاء تلمسون ذلك
انا اعترف ان كلامى كان فيه نوع من التحامل لكن ده كان بسبب نفسيتى السيئة عند كتابة الموضوع
لما ارى زملاء لى وكانوا يرسبون ومستواهم تحت ايام الدراسة وتخرجوا من كليات بتقدير اقل منى ودفعوا فلوس وانضموا واصبحوا اساسيين وانا بكليتى وتقديرى وتفوقى طوال ايام الدراسة اجد نفسى اقل منهم هل اشعر بالقهر والظلم ام لا؟

وافقت لجنة التعليم بمجلس الشعب فى إجتماعها الثلاثاء على قرار رئيس الجمهورية بتطبيق كادر المعلمين الجديد على المعلمين بالمعاهد الأزهرية بنفس القواعد التى تم تطبيقها على المعلمين فى التعليم العام
وحسب القرار الجمهورى فان الكادر يطبق على جميع المعلمين الذين يقومون بالتدريس فى المعاهد أو التوجيه أو التفتيش الفنى أو بادارة المعاهد الازهرية ، وعلى الاخصائيين الاجتماعيين والتفتيش واخصائى التكنولوجيا والصحافة والاعلام وأمناء المكاتب ويستثنى معلم القرآن الكريم .

وشدد الشيخ عمر الديب وكيل الازهر الشريف ـ فى رده على مناقشات أعضاء اللجنة ـ على رفض الأزهر لتدخل أى أحد فى العملية التعليمية مشيرا الى أن الكادر الجديد سيطبق على جميع العاملين فى الازهر .

أعتقد دا معناه إن المتعاقدين سيتم تطبيق الكادر عليهم

ولا إيه؟

يااستاذى الفاضل الازهر مالوش اى راى فى موضوع الكادر لانه فى الاول والاخر خاضع للتربية والتعليم
وكما ان التربية والتعليم لم تطبقه على المتعاقدين فلن يطبقوه على التعاقدين بالازهر
فنحن لهم تبع!!

انا اريد ان اعرف شعور اى اخ متعاقد هذه الايام والزملاء ليس لهم كلام الا فى الكادر وطبع الاستمارة والاسئلة!!
بالله عليكم تقولوى شعوركم ايه
وهل بقى لكم نفس تشتغلوا ؟

والأكثر مدرسين المعاهد طبعا مبيعرفوش على النت يلجأوا للمدرس المتعاقد علشان يطبع الاستمارات وهو أصلا المتعاقد ملوش فى الامتحانات ولا الكادر

هههههههههههه
نفس المشكلة يامسيو
كل واحد يجى يقولى اخبار الكادر ايه طب فى اسئلة جديدة؟
الاستمارة!!!
والله الواحد هيفرقع من جوه بس هنعمل ايه
قدرنا

خبر اعتقد انه بشرى لمعلمى الازهر
لانى كما قلت سابقا نحن لهم تبع
الخبر

الجمل يعلن أخباراً سارة في 2009
تعيين 80 ألف معلم وثورة شاملة في كنترولات الثانوية العامة
كتب - سيد جاد:
أكد د. يسري الجمل وزير التربية والتعليم أن عام 2009 يحمل أخبارا سارة للمعلمين والطلاب وأولياء الأمور.. أشار في حديث شامل ل "الجمهورية" إلي أنه سيتم لأول مرة تعيين 80 ألف مدرس جديد من المتعاقدين الحاليين طبقا لقانون الكادر الخاص. وأنه سوف يتم تسكين بقية المعلمين الذين لم يجتازوا اختباراتهم حتي الآن في المرحلة الثانية. والاستفادة من مزاياها المادية.

يامسهل لو حصل دانا هزرغط فى قلب المعهد
طول النهار بجيب للمدرسين ورق الكادر
لانى قاعد فى المدينة وهما فى الريف
والحمد لله عندى نت وطابعة وبسترزق من وراهم بشوية جنيهات

ارجو ان تستمروا علي حماسكم في العمل والااتصابوا بالاحباط وان تكونوا اقوياء وان تتمسكوا بحقوقكم والاتياسوا
فان الله لا يضيع اجر من احسن عملا وان الجزاء من الله خير الف مليون مره من جزاء العباد وفقكم الله

جزاك الله خيرا استاذ سلامة
الحماس يحتاج الى دفعة خارجية
ونحن كل ماحولنا يصيب بالاحباط
ربنا يسهل ويكون فى حاجة تدفعنا للامام
انما ع الوضع اظن صعب
انا كنت فى المنطقة(المنصورة) وشفت قرارات فسخ كتييير جدا لمتعاقدين تركوا العمل تفتكر ليه؟
عشان الاحباط وقلة القيمة

يا جماعة اللى متعين جديد اللى هم متعاقدين لسه مستوياتهم طازة كل واحد معلوماته حاضرة بخلاف اللى بقاله خمس وست سنين قاعد ودفع فلوس واشتعل بيكون شبع شغل فى اى مجال تانى عما تيجى له الفرصة المدفوع لها فلوس ويشتغل لذلك مش بيلحق يلم نفسه
مش كده ولا ايه ؟؟؟؟؟؟؟؟!!!!!!!!!!!!!!!!!!!!!
لذلك يبقى طلم لما يطبق اى مميزات على اساسى دون متعاقد على الرغم من ان المتعاقدين هم اللى شيلين المعهد شيل وبدونهم المعاهد تقفل
لانهم تقريبا 70000 متعاقد
ولا ضاع حق ورائه مطالب

كل متعاقد فى وظيفة معلم مسا عد سيعين له معلم مرشد ومقيم ويكون له ملف ترخيص لتقييمه وسيحصل على تدريب فى التربوى مدته 60 ساعة ويعقد له اختبار وبعد اكتمال ملف الترخبص سيتقدم للأكاديمية لاختباره أذا كان مؤهله تربوى وإن كان غير تربوى يجب الحصول على تر بوى وسيعين فى وظيفة معلم بقرار من المحا فظ المختص

كل متعاقد فى وظيفة معلم مسا عد سيعين له معلم مرشد ومقيم ويكون له ملف ترخيص لتقييمه وسيحصل على تدريب فى التربوى مدته 60 ساعة ويعقد له اختبار وبعد اكتمال ملف الترخبص سيتقدم للأكاديمية لاختباره أذا كان مؤهله تربوى وإن كان غير تربوى يجب الحصول على تر بوى وسيعين فى وظيفة معلم بقرار من المحا فظ المختص


ايه ده كله
على كده الخطوات دى تاخدلها كام سنة؟!!!!
اللى يشوف كده يقول هيعطونا ملايين!!!!
انا اعتقد ان الكلام ده على اللى اتعين بعد قانون الكادر
وياريت تقولى مصدر كلامك

مش ممكن يكون دا اسلوب شخص يدعى ويزكى نفسه على زملاؤه الافاضل الاساسيين وهم معلموناقبل ان نتعاقد.واشكر الازهر لانك لاتصلح يا خريج ان تاخذ لقب معلم اساسى لانه بان ما بداخلك للجميع

مش ممكن يكون دا اسلوب شخص يدعى ويزكى نفسه على زملاؤه الافاضل الاساسيين وهم معلموناقبل ان نتعاقد.واشكر الازهر لانك لاتصلح يا خريج ان تاخذ لقب معلم اساسى لانه بان ما بداخلك للجميع





أستاذنا الفاضل ومعلمنا الكريم
لا يصلح هذا أسلوب للنقاش
أما بخصوص العضو esawi فهو اعتذر عما بدر منه لأنه لم يقصد اى اساءة لمعلمينا وأساتذنا مدرسى وأساتذة الأزهر الشريف الذين ندين لهم بالفضل
أما بخصوص التهكم على العضاء ليس هذا مكان ذلك فنحن نحترم بعضنا البعض ونقدركم جميعا ونعتز بعضويتكم جميعا لكم جميعا الشكر

هيا بنا نحافظ على منتدانا العظيم

تقبلوا مرورى

جزاك الله خيرا مسيو ايهاب على الرد
واحب اوضح تانى وعاشر للاخ انى مااقصدش كل الاساسين انا اقصد فئة معينة هم المنضمون فقط وياريت تراجع كلامى وردودى كويس
وانا لا ازكى نفسى على احد فانا اقل من اى احد فى الازهر
وشكرا لك

يااااااااااااااااااااااااااااااااااااااااااااااااا اااااااااااارب




الجنة فقط

ان شاء الله الخير قادم
واليكم اخر االاخبار السعيده ان شاء الله

http://www.el-wasat.com/details.php?id=55541838

تصريحات الوزير يتقدم المدرسين المساعدين الى الاختبار فى شهر اغسطس القادم ان شاء الله وما يسير عليهم يسير علينا طبعا لان الاكاديميه واحده وهى صاحبه قرار الاختبار

24 ديسمبر 2008 - 09:33 صباحا


أعلن الدكتور يسرى الجمل، وزير التربية والتعليم أن الأكاديمية المهنية للمعلمين بدأت الاستعدادات لاختبارات كادر معلمى الأزهر، البالغ عددهم ١٢٠ ألف معلم والتى تبدأ خلال شهر فبراير المقبل.

وقال فى تصريحات صحفية أمس إن الأكاديمية ستبدأ فى تدريب المعلمين الذين لم يجتازوا اختبارات دور أغسطس الماضى فى الأول من أبريل المقبل ولمدة أسبوعين، من خلال الموقع الإلكترونى للوزارة، والقنوات التعليمية، والمراكز القومية للتدريب بالمحافظات، مشيراً إلى أن الاختبارات ستكون فى منتصف أبريل ٢٠٠٩.

وأضاف الوزير أن مجلس إدارة الأكاديمية المهنية للمعلمين ناقش ما انتهت إليه الأكاديمية، من وضع البرامج التأهيلية لـ(١٥٥) ألف معلم مساعد، موضحاً أن الذين تم التعاقد معهم خلال يناير الماضى يحق لهم التقدم لاختبار أغسطس المقبل، نظراً لأن القانون حدد الفترة التى يمكن للمعلم المساعد أن يتقدم خلالها لتلك الاختبارات من سنة إلى ثلاث سنوات.

وأكد الجمل أن اختبارات المعلمين المساعدين المقبلة ستجرى بالبصمة الإلكترونية بهدف تلافى الأخطاء التى وقعت فيما سبق.

وشدد على ضرورة متابعة الانتهاء من وصول شهادات الصلاحية الخاصة بكل معلم، كأحد معايير ممارسة المهنة، مؤكداً على أهمية دور الأكاديمية خلال المرحلة المقبلة، من حيث وضع المعايير اللازمة لجودة أداء المعلم وتطويرها، وقال إن الأكاديمية ستبدأ فوراً بوضع المعايير الخاصة بالترقى للمستويات الخمسة التى حددها القانون.

وطلب الجمل وضع بعض النقاط فى الاعتبار عند وضع تلك المعايير، وهى مدى استخدام المعلم الأساليب التربوية الحديثة خلال تعامله مع الطالب، وقدرته على إبداع أساليب تدريس جديدة، واكتشاف الموهوبين ومعالجة المشكلات التى تواجه الطلاب خلال عملية التحصيل.

كما أكد أهمية وضع الدراسات والدورات التدريبية، التى حصل عليها المعلم، فى الاعتبار وكذلك مدى إلمامه بالقرارات الوزارية والتعليمات المنظمة للعمل واستيعابه لها.

ربنا يبشرك ياحودة
بس اغسطس بعيد قوى
لكن على كل حال ربنا يسهل

بصراحة حاجة غريبة فعلا بكل المقايس
هو يعنى المتعاقدين لما يروحوا يشتروا حاجة من السوق الراجل هيسأله اذا كنت متعاقد ولا متثبت
ياجماعة دة طباخ السم بيدوقة
دانا بصرف تقريبا نصف المرتب اللى هو 340 جنية اول عن اخر مواصلات وطباشير طبى واقلام حمرا وكشكول تحضير
ناهيك عن اللبس طبعا مش هروح ببنطلون البيجامة ..... انا بيقولوا عليا مدرس (متعاقد) يعنى شباب لازم يطفح الدم
بس اهم حاجة .... يكون لابس كويس

يااااااااااااااااااارب الجنة فقط

يارب امين
المشكلة يامحمد مش المرتب لان المرتب واحد متعين او متعاقد

لكن المشكلة فى الحالة النفسية السيئة اللى احنا فيها

يارب امين
المشكلة يامحمد مش المرتب لان المرتب واحد متعين او متعاقد

لكن المشكلة فى الحالة النفسية السيئة اللى احنا فيها



بجد انا بتمنى نتثبت او على الاقل يبقى فية بادرة امل
مش انهم يعينوا وخلاص اشمعنى زمان كنت بتثبت
دلوقت حرام
الناس شباب وعلى وش جواز كلهم مابين 22 - 27 سنة
وحقهم انة يبقى لهم مصدر دخل ثابت حتى لو قليل
ولا هو احنا رضينا بالهم .............
اللهم احرق اليهود ودمر عليهم حصونهم ويتم نسائهم وشرد اطفالهم

يا مسهل
الواحد عمال يسمع كلام ومفيش تنفيذ
فيا رب يتحول الكلام لواقع ومتطلعش قرارات جديدة تقلب الموازين راسا عن عقب
وخليك ورا ...... لحد باب الـ .........

ربنا يسهل يامستر محمد

مش عارف ايه اللى حصل والموضوع هنا نام ليه
ماعادش فى اية بارقة امل نتعلق بها!!!!!!!!!!!!

ياريت ياجماعة اللى عنده اى اخبار يقولى ضرورى
لانى قدامى فرصة سفر كويسة
بس متردد
لانى بقالى 3 سنين وشهور
وخايف اسافر وبعدها يحصل تثبيت وارجع اندم

الموضوع لما اتنقل هنا نام
ياريت يرجع مكانه فى منتدى كادر معلمى الازهر
وشكرا

دنيا الموظفين
تقدمها: ثناء حامد
"الجمهورية" تنفرد بشكل التعديلات في قانون الوظيفة
وافق د.أحمد نظيف رئيس مجلس الوزراء علي تشكيل لجنة من وزارة التنمية الإدارية والجهاز المركزي للتنظيم والإدارة لإجراء بعض التعديلات علي قانون العاملين المدنيين "القانون الحالي" وعرض هذه التعديلات علي مجلس الوزراء.. وتشمل التعديلات ست مواد شابها القصور وهي.. محو الجزاءات وأسلوب التقييم والعلاقة مع النيابة الإدارية وترحيل الاجازات والتعيينات المؤقتة وتطوير أسلوب الترقيات.
وتنفرد "الجمهورية" اليوم بعرض التعديلات تفصيلا بعد أن عرضت في أول نوفمبر 2008 لدكتور صفوت النحاس عرضا قدمه لبديل عملي لقانون الوظيفة الجديد لحين عرضه علي مجلس الشعب.. وتشمل هذه التعديلات.
أولاً.. محو الجزاءات من ملف خدمة الموظف.. والتعديل بسيط بعدم تغيير نموذج الجزاء وعدم رفعه من ملف خدمة الموظف ولكن يتم إزالة أثر الجزاء.. وفي هذه الحالة يبعد الموظف المهمل أو المزور عن المواقع القيادية.. وأتابع أداء الموظف وأقدره عندما أجد ان رغم بدايته المشاكسة أصبح موظفا كفأ.. والحديث علي لسان د.النحاس.
ثانياً.. المادة الخاصة بشروط شغل الوظائف القيادية والترقي والذي يعتمد فقط علي الأقدمية المطلقة.. والتعديل بوضع شروط اضافية فبعد استيفاء المدة اللازمة للترقية والحصول علي امتياز في آخر تقارير والتاريخ الوظيفي يصبح أسس شغل الوظيفة المرقي اليها اتقان الحاسب الآلي.. واحدي اللغات الأجنبية والمساهمة في تطوير مكان العمل والتميز بمهارات يجيدها مثل الاطلاع والتمتع بغزارة المعلومات والاشتراك في المؤتمرات الدولية وكلها شروط تفصيلية بغض النظر عن المدة اللازمة للترقية.. وسوف نركز علي المؤتمرات الدولية وكم مرة مثل بلده بها.
ثالثا.. بالنسبة للمادة الخاصة بالتعاقد المؤقت.. تعدل إلي أن التعاقد لا يزيد علي سنة.. ومن خلال حكم انتقالي نسوي الحالات الموجودة خلال فترة زمنية والحالات وصلت إلي 2.1 مليون مؤقت خلال عشر سنوات.. تم الاعتماد علي الشفافية في التعاقد من خلال اعلان خارجي وليس داخليا داخل كل الوحدات.
رابعا.. المادة الخاصة برصيد الاجازات.. حيث أجاز المشرع الحصول علي 4 شهور كرصيد نقدي لمقابل الاجازات الاعتيادية عن الخروج للمعاش.. ولكن للأسف كل موظفي الدولة حولوا هذا الرصيد إلي وعاء ادخاري ورفعوا قضايا للمطالبة بأكثر من 4 شهور التي حددها القانون.. وللقضاء علي هذه المشكلة ترحل الاجازات لمدة سنتين ومن لم يستهلك اجازاته خلال السنتين يسقط الحق فيها بحيث عند خروجه للمعاش لا يكون له رصيد لهذه الاجازات وبالنسبة للموجودين قبل تطبيق مواد التعديل يطبق عليهم القرار رقم "2" لسنة 2008 لوزير التنمية الإدارية الصادر في 16/12/.2008
خامسا.. المادة الخاصة بأسلوب التقييم ونتائج التقييم وخاصة ان الأمر انتهي بموظفي الدولة ان الجميع حصلوا علي امتياز وكذلك انتهي الأمر بأن الترقيات والامتيازات لا تمنح إلا للموظف الحاصل علي امتياز مثل حقه في التدريب وتقلد المناصب القيادية أو التدريبات في الخارج أو حتي العلاوات الاستثنائية ولذلك كل من لم يحصل علي امتياز رفع قضية علي الجهاز الإداري وكسبها.. والتعديل هنا يجعل الامتيازات للحاصلين علي تقدير امتياز أو جيد جدا والتقييم يوضع له أسس علمية لنقلل عدد القضايا المرفوعة وحالة الانشغال للسلك القضائي بقضايا وظيفية ممكن حصرها.
سادسا.. علاقة الجهاز الإداري بالنيابة الإدارية.. وتعديل المادة هنا يأتي من كثرة عدد المواضيع التي تم تحويلها إلي النيابة الإدارية بما يفوق طاقتها والكثير منها علي مخالفات بسيطة لا ترقي لمستوي التهم المستحقة لتحقيقه.. لهذا أري أن نضع نصاباً محددا للمخالفة إذا كانت تمس إهداراً للمار العام وعند الوصول لهذا النصاب تحول إلي النيابة العامة ولا داعي لتحويل أي مخالفة للمال العام تحول فوراً للنيابة الإدارية واعتقد ان الاحالة إلي النيابة الإدارية ستتم عندما تتجاوز المخالفة المالية حدود الاختصاص المالي للسلطة المختصة ويضيف د.النحاس.. وبمجرد الانتهاء من أعمال اللجنة سوف تعرض التعديلات علي مجلس الوزراء لمناقشتها.. ومن المتوقع ان يتم هذا في غضون ثلاثة شهور.

يعنى تثبيت ياباشا
يسمع من بقك ربنا

الله الله علي الأخبار :av4056bb7jp3::av4056bb7jp3:
بس أقولك سمعنا كتير بس فين وأمتي التنفيذ ؟!!!!!!!!!!!!!!!!!!:abdoog8::abdoog8::abdoog8::abd oog8::stickjo4::stickjo4:

انا متعاقده فى التربية والتعليم محافظة البحيره وبيطلبوا مننا لتجديد العقد نمحى امية ثلاثةالسنة الى فاتت عدت وعملناها السنه دى نعمل اية والمفاجاة ان ده لكل سنه طيب لما نمحى امية ثلاثه كل سنه مش هيفضل حد تانى
نمحى اميته
والمشكله ان الادارة مش عارفه القرار ده لما بنسالهم مش بيردوا علينا ولا بيوجهونا

السلام عليكم
مفيش متعاقدين
من التربية والتعليم ولا دا خاص بالازهر اصل لسه مشتركة ومش عارفه اروح فين نفسى نعرض مشاكلنا للمتعاقدين

يشرفنا انضمامك الينا فى المجموعات الاجتماعية اختار ( مدرسى الأزهر الشريف ) للانضمام إلى مجموعة مدرسى الأزهر الشريف المعينيون والمتعاقدين

السلام عليكم شكرا مسيو ايهابعلى حسن الاستقبال بس اختار منين مررسى الازهر الشريف

بصراحة الواحد تعب بكالوريوس تجارة اشتغلت رياضيات واشتغلت حاسب الى وناوى اشتغل مواد تجارية وكلة من اجل العقد باشا بعد ماالعمر فات ولا عارفين نستقر ولا نفتح بيوت بكالوريوس تجارة ودراسات عليا ورخصة دولية ومش عار فاعمل اية ذنبى انى بحب التعليم والتدريس ومش لينا عقود ولا لا

ربنا يعيننا جميعا ويثبتنا دنيا واخرة
افهم ياهند انك متعاقدة بالتربية والتعليم؟

صرح الدكتور صفوت النحاس رئيس الجهاز المركزي للتنظيم والإدارة بأن الحكومة حسمت مسألة ما إذا كان العمل بالجهاز الإداري للدولة سيكون بعقود أم بصورة دائمة .. حسمت ذلك لصالح الإختيار الثاني حيث سيكون التعيين في الوظيفة العامة تعيينا دائما وبذلك الأمر يكون قد تمت الإستجابة لمجلس الدولة الذي اعترض على أن الوظيفة العامة يكون شغلها عن طريق تعيين مؤقت , وقال إن شغل الوظيفة العامة دستوريا يجب أن يكون عن طريق تعيين دائم .
http://www.caoa.gov.eg/Jobs+and+Employees/

السلام عليكم
ايوه متعاقده فى التربية والتعليم عقد معلم مساعد

من امتى بالظبط؟
يعنى اول استلام للعمل كان امتى؟

السلام عليكم ممكن اتعرف بالاسم الاول كان اول عقد لى مميز فى 2005

أخبرني اليوم 20/1/2009
أحد أصدقائى من متعاقدي التربية والتعليم
أنهم يحررون استمارات مطلوبة من الإدارة التعلمية ليتم اختبارهم في الكادر
عقبال الأزهريه

السلام عليكم قبل الاستمارة فيه تدريب لفترة معينه وبعدين امتحان الكادر ان شاء الله والكلام ده موجود فىالعقد( المعلم المساعد ) وموجود الزيادة وهى 65% ومنهم 25% حوافظ وفعلا اخذناها باثر رجعى من شهر 3 لشهر 12وبعدين هتنزل ان شاء الله مع مرتب شهر 1والباقى الله اعلم متى

:av4056bb7jp3:السلام عليكم قبل الاستمارة فيه تدريب لفترة معينه وبعدين امتحان الكادر ان شاء الله والكلام ده موجود فىالعقد( المعلم المساعد ) وموجود الزيادة وهى 65% ومنهم 25% حوافز
وفعلا اخذناها باثر رجعى من شهر 3 لشهر 12وبعدين هتنزل ان شاء الله مع مرتب شهر 1والباقى الله اعلم متى

هذا في جد ذاته تقدم بالنسبة لتعاقدي التربية والتعليم

ولابد لنا نحن الأزهريون من وقفة وإلا ........................

الخطوة الكبرى التثبييييييييييييييييييييييييييييييييييييييييييييي ت

نفسى بقة اتثبت علشان اقرر اذا كنت هسافر ولا لا
اى بيت فى الوجود لازم يكون لية دخل ثابت يئسس نفسة علية
لازم نتثبت
طيب بتعملوا كدة لية؟
هو انتوا فاكرين نفسكوا كبار البلد يابتوع الوزارة.... احنا برضة ولاد ناس.... ولازم نتجوز تساعدونا ولا تنفضولنا كدة

:av4056bb7jp3:السلام عليكم
الاخوة متعاقدى الازهر الزيادة دى انتم اخذتوها من قبلنا

فعلا اخت هند
احنا واخدين حقوقنا كاملة من اول يوم
لكن المشكلة هى التثبيت
انا عارف ان متعاقدى التربية والتعليم كانوا مظلومين جدا جدا
لكن الحمد لله دلوقتى الاحوال اتحسنت عن الاول
لكن المهم دائما التثبيت

ربنا يرقع عنا جميعا الظلم
ونتثبت

اللهم ثبتنا جميعاَ في الدنيا والأخرة

la;,,,,,,,,,,,,,,,,,,,,,,,,,,,,,,,,,,v

:av4056bb7jp3:السلام عليكم
انا سمهت من زميله لسه متعاقده اخصائيه معلم مساعد اول عقد ليها كان بالمكافاة الشاملة وبتعمل حاليا عقد معلم مساعد وهتاخد مرتب بيزيد عنى اربعين جنيه او اكتر ايه رايكم بقى فى التفاوت ده على فكره هى متعاقده فى محافظه غير الى انا متعاقده فيها
وسمعت انا التعاقدات الجديده هتكون اكتر من القديم فى المرتب

فرفش مع الانجليزية

أيـــــاذا القـلب لا تحـــــزن .... فــــــذاك الحـبinfection

فـلـن تجــــــدي عقــــــاقير .... ولنتشفــــيكinjection

فـــكم من عـاقـــــل فطـــن ..... مضى بالحــب direction

سـتـنـــــكره وتـنـســــــــاه .... ولن يبـــــقى له mention

فـلا تنــــــــظم له شعــــراً ..... ولا تكـتــــــب له section

ولا يحــــــــزنك من باعك .... فقد أخطــأت ال selection

ولاتبـــــدي له أســـــــفـاً ..... ولا تبــــــــــدي له action

فـــــــــــــإن الحب منـزلةٌ ..... لبعض الناس exception

فبعضالناس إن هجـروا .... فلا حـــــزنٌ ولا tension

وبعض الناس إن هجروا ..... يظل ويبـقى connection

فوصــــــل الروح إقبـــالٌ .... وما أحـــــــلاه re action

بدعـوات بقــلــــــب دجى ..... لها أثـــــــــر و affection

فـــإن لم يبـــــق لي شيء .... فلا حــــــــب ولا passion

فــلاأسـف عـلى دنـيــــــا ..... لـك وعليــك conversion

متعقد من 2005

لو لا أنك متعاقد ماكتبت هذه التوليفة الجملية

انا سمعت ان الازهر سيثبت قريبا دفعتى2005و2006
هل هذا صحيح؟
حد يؤكد أو ينفى

الأخ عيسوي
سمعنا جعجعة ( صوت الطاحونة ) ولكن لم نرى طحيناً
عودت نفسى ما لا أراه لا أصدقه
وما أراه لا أصدقه كله
تقبل تحياتي

اخواني الاعزاء المتعاقدون
لقد حزنت جدا عند قراءة الخبر التالي والذي صدر في جريدة المصريون يوم 26/1/2009
اقرؤا .........
مصادر مقربة من الإمام الأكبر تتحدث عن "قطيعة" بينهما.. نظيف يرفض طلب طنطاوي تعيين 11 ألف مدرس بالأزهر ويكتفي بالتعاقد مع أربعة آلاف

كتب مجدي رشيد (المصريون): : بتاريخ 25 - 1 - 2009http://www.almesryoon.com/Public/ALMasrayoon_Images/59310.jpg كشفت مصادر بمشيخة الأزهر لـ "المصريون"، أن الدكتور أحمد نظيف رئيس مجلس الوزراء، وزير شئون الأزهر، رفض طلب الدكتور محمد سيد طنطاوي شيخ الأزهر، بتعيين 11 ألف مدرس وإداري لسد العجز الشديد بالمعاهد الأزهرية، ووافق فقط على التعاقد مع أربعة آلاف.
واعتبرت المصادر، رفض نظيف هو الأحدث في مسلسل الحملة على التعليم الأزهري والمحاولات الحكومية لإلغائه، بعد طلب رئيس الوزراء في وقت سابق إجراء دراسة حول إلغاء تبعية الكليات العملية لجامعة الأزهر.
وأضافت أن هذا الرفض قد يدفع طنطاوي إلى مقاطعة نظيف، خاصة وأنه لجأ إليه بعد اتصالات ومفاوضات مكثفة بين الأزهر الشريف ووزارتي المالية والتنمية الإدارية والجهاز المركزي للتنظيم والإدارة، لم تكلل سوى بالموافقة على التعاقد مع أربعة آلاف فقط من إجمالي 11 ألفا طالب بتعيينهم خلال العام الجديد، بسبب النقص الحاد في أعداد المدرسين والإداريين.
إذ أوضحت المصادر أن الأزهر يعاني من عجز في أعداد المدرسين يصل إلى أكثر من 50 ألف مدرس، خاصة بين محفظي القران الكريم، حيث يستعين قطاع المعاهد الأزهرية بمدرسي العلوم الثقافية والشرعية لتحفيظ الطلاب.
ومن المقرر أن تعلن مشيخة الأزهر الشريف خلال إجازة نصف العام الدراسي الجاري عن فتح الباب أمام التقدم لشغل هذه الوظائف، عبر مسابقة ينظمها قطاع المعاهد الأزهرية على مستوى محافظات الجمهورية.

اخواني الاعزاء المتعاقدون
لقد حزنت جدا عند قراءة الخبر التالي والذي صدر في جريدة المصريون يوم 26/1/2009
اقرؤا ......... المصدر http://www.almesryoon.com/ShowDetails.asp?NewID=59310&Page=1

مصادر مقربة من الإمام الأكبر تتحدث عن "قطيعة" بينهما.. نظيف يرفض طلب طنطاوي تعيين 11 ألف مدرس بالأزهر ويكتفي بالتعاقد مع أربعة آلاف


كتب مجدي رشيد (المصريون): : بتاريخ 25 - 1 - 2009http://www.almesryoon.com/Public/ALMasrayoon_Images/59310.jpg كشفت مصادر بمشيخة الأزهر لـ "المصريون"، أن الدكتور أحمد نظيف رئيس مجلس الوزراء، وزير شئون الأزهر، رفض طلب الدكتور محمد سيد طنطاوي شيخ الأزهر، بتعيين 11 ألف مدرس وإداري لسد العجز الشديد بالمعاهد الأزهرية، ووافق فقط على التعاقد مع أربعة آلاف.
واعتبرت المصادر، رفض نظيف هو الأحدث في مسلسل الحملة على التعليم الأزهري والمحاولات الحكومية لإلغائه، بعد طلب رئيس الوزراء في وقت سابق إجراء دراسة حول إلغاء تبعية الكليات العملية لجامعة الأزهر.
وأضافت أن هذا الرفض قد يدفع طنطاوي إلى مقاطعة نظيف، خاصة وأنه لجأ إليه بعد اتصالات ومفاوضات مكثفة بين الأزهر الشريف ووزارتي المالية والتنمية الإدارية والجهاز المركزي للتنظيم والإدارة، لم تكلل سوى بالموافقة على التعاقد مع أربعة آلاف فقط من إجمالي 11 ألفا طالب بتعيينهم خلال العام الجديد، بسبب النقص الحاد في أعداد المدرسين والإداريين.
إذ أوضحت المصادر أن الأزهر يعاني من عجز في أعداد المدرسين يصل إلى أكثر من 50 ألف مدرس، خاصة بين محفظي القران الكريم، حيث يستعين قطاع المعاهد الأزهرية بمدرسي العلوم الثقافية والشرعية لتحفيظ الطلاب.
ومن المقرر أن تعلن مشيخة الأزهر الشريف خلال إجازة نصف العام الدراسي الجاري عن فتح الباب أمام التقدم لشغل هذه الوظائف، عبر مسابقة ينظمها قطاع المعاهد الأزهرية على مستوى محافظات الجمهورية.

الله اعلم بصحة الخبر
بس المؤشرات تؤكد ذلك
فالجميع سمع عن هذه المسابقة منذ شهر 9 الماضى والى الان لم تنفذ

لكى يصبح للمتعاقدين رأى واضح وقوى
يجب تجميع أكبر عدد من المتعاقدين على رأى واحد ولو على النت
ممكن عمل رابطة للمتعاقدين
كما يمكن لكل متعاقد جذب واشراك من يعرفة من زملاء معهد(مدرسة).مادة واحدة او دراسة
لكى نتشاور ونبدى الآراء القوية فىموضوع التثبيت

والله البلد دى ماعادش ينفع فيها الا الاحتجاجات والاعتصامات زشزفزا اخرها فى السكة الحديد اخيرا تذكر المسؤلون ان للعمال حقوقا
صدقونى لازم نتحد ونضرب يوم عن العمل هو ده الحل وده اللى هيحسس الناس اللى فوق بنا

أنا تعبت وقرف بجد خلاص
صدقنى أن خلاص قربت أكون زيهم ولا فى دماغى حاجة
الحل الوحيد أننا نسب لهم البلد ونمشى ويبقوا يحكموا نفسهم
دى مش بلدنا دى بلد الحرامية الكبار زى نظيف وأمثاله

طيب الحل لوحيد نعتصم فى يوم من أيام الأمتحانات
علشان نقدر نشكل ضغط وندعو صحفيين زى مصطفى بكرى ومحمود سعد مثلا لتبنى القضية
وأنا دلوقتى بعلن عن تأسيس مجموعة اجتماعية خاصة ( بالمتعاقدين )

أول مرة اشوفك كده مسيو ايهاب
وفعلا انما للصبر حدود
الواحد اتخنق فعلا انا من2005 والى الان الواحد بيسمع تلقيح كلام مالوش لازمة
ولا الايام دى مع امتحانات الكادر كل شوسة واحد يسالك انت هتمتحن فين؟اه انا نسيت انت مالكش فى الكادر
مع انه(ووالله ما ازكى نفسى لكنها حقيقة) تلاقيه جايب مقبول بالكتير بس حظه انه اتعين قبل عصر احمد حزن درويش وزير البتعاقدات والغاء التعيين حتى الاوائل او يكون مضموم بالفلوس ومعاه دبلوم بالكتير!!
(انا لا اجرح فى احد من زملائى لكن والله العظيم هناك اشخاص حرام ان يحملوا لقب معلم ابدا )

احنا زى ماانت قلت لازم نتفق على يوم على الاضراب ويبلغ به جميع المتعاقدين سواء ازهر او تربية وتعليم

وصدقونى دى الوسيلة الوحيدة للحصول على(حقوقنا المشروعة)!!!

الحمد لله أنا لسه فى نفسى بيخرج مننا
محدش حاسس بينا
حسبى الله ونعم الوكيل

أنا لسه جاى حالا من التصحيح
كل المدرسين طبعا المعينين
بيصورا ورق الكادر وانا كأنى جاى من الشارع
على العموم أنا شايف أن الأمل خلاص

http://www.thanwya.com/vb/life/icons/impp.gifالسلام عليكم
لازم ياجماعة مهما يحصل نحمد ربنا احنا الاول كنا بنتمنى اننا نتعاقد وكلنا عارفين اناه صعب مش سهل
وكل شىء حولنا كده صعب وفيه شباب كتير مش لاقية تشتغل وممكن يكون حد دفعتك وكمان تلاقيه بيحسدك على شغلك ده لا تنسى الحمد لله وان شاء الله ربنا يكرمنا جميعا الحمد والرضا مع العمل والتحرك لاخذ حقوقنا بدون الخروج عن شعورنا وحتى لو كلام وقت زهق لازم يكون بالنا طويل هو زمنا كده صعب مش سهل وكلنا نعرف ده كويس:av4056bb7jp3:

ياحى ياقيوم برحمتك استغيث ولا تكلنى الى نفسى طرفة عين

جزاك الله خيرا ياهند
طبعا الحمد لله على كل حال
لكن اذا لم يعين الاوائل والحاصلين على تقدير ممتاز او جيد جدا فمن يعين اذن؟!!
فى كتير من المتعاقدين وانا واحد منهم من العشرة الاوائل على الكلية بتاعتهم يبقى ذنبهم ايه وقف التعيينات؟

لجان الشوري تناقش العمالة المؤقتة وأعطال القطارات ومستقبل الصحافة
عبدالوهاب عدس محمد طلعت
يستأنف مجلس الشوري جلساته الأحد القادم برئاسة صفوت الشريف لاستكمال مناقشة تقرير اللجنة الخاصة عن بيان السيد رئيس الجمهورية في الاجتماع المشترك لمجلسي الشعب والشوري.
تعقد لجان المجلس عدة اجتماعات حيث تعقد لجنة التنمية البشرية والإدارة المحلية اجتماعين الأول الأحد برئاسة د. فرخندة حسن بحضور اللواء عبدالسلام المحجوب وزير التنمية المحلية لمناقشة اللامركزية في الإدارة المحلية ويوم الاثنين لدراسة طلب المناقشة المقدم من النائب عبدالاله عبدالحميد وأكثر من عشرين من الأعضاء حول العمالة المؤقتة.

متعاقد من 3 سنوات و عاوز تتثبت استني 3 سنوات كمان يا بني انت في مصر مش امريكا

مفيش فايدة

الواحد فعلاً خلاص زهق ومل
أخوكم مدرس رياضيات بالأزهر تعاقد
ودبلومة مهنية شعبة تربية خاصة
ودبلومة خاصة شعبة علم نفس
وبإذن الله بعد الماجستير ناوي أسافر على طول
مش حفضل طول عمري مستني التعيين
الواحد مش عارف يعمل إيه بصراحة

ربنا يوفقك ويوفقنا جميعا للخير
وربنا ينتقم من الظالمين

هل من جديد؟
هل من مفيد؟

السلام عليكم جميعا
علمت بطريق الصدفة من أحد زملائنا المتعاقدين بالأزهر أنه سيعقد دورة للمدرسين المتعاقدين كتأهيل لهم وأنه فعلا سجل أسمه عن طريق أحد المعارف بالمنطقة
وعندما ذهبت للمنطقة والسؤال عن هذه الدورة التي كان من المقرر لها أن تعقد يوم الإثنين القادم وجدت تكتم من الموظف المسئول عن التدريب ولكن وضح من كلامه المتناقض أنه يكذب وأن هناك دورة فعلا ولكن لأصحاب الحظوة

هل علم أحد بشئ عن هذة الدورة؟؟؟؟؟؟؟؟؟؟؟؟؟؟؟؟؟؟؟

حتي التدريب لو عايزينه
يبقي بالواسطة

حسبنا الله ونعم الوكيل

تدريب لايه بالظبط؟
وتبع اى منطقة ا/محمد؟

دي دورة تدريبية لجميع متعاقدي الأزهر بجميع المناطق والمفروض أنها تعقد في الأسكندرية

يعنى هتعمل ايه الدورة دى بالظبط؟
ياريت تفهمنى

يعنى مارديتش على ا/محمد

حسبي الله ونعم الوكيل

أسف علي التأخير
وبعد الآستفسار هذه الدورة ستعقد في المنطقة ابتداء من 1/ 3 وحتي 14/3
وهي في التربوي وطرق التدريس

المتعاقدون بالتربية والتعليم من خريجى كليات غير التربية عليهم عمل دبلومة تربوية وإلا لا تثبيت

هو ده قنون التكدير الجديد
ده للمعين بعد تطبيق القانون فى 2007
وبعدين هو فين التثبيت اصلا!!