ده اول حاجه اشارك بيها في المنتدي ياريت اسمع رئيكم.



عاوزه امسك القلم

وارسم ملامح الحلم اللي مات بين البشر

جيت امسك القلم لقيته رافض حتي يكتب

اي كلمه عن حلمي اللي اندبح

قاللي دا حلم دفين

اخاف اكتب عنه

تسيل الدموع بين الورق

تشوهي ملامح الحلم حتي ع الورق

بين السطور

بين السطور تسيل دموع

ينزف جراح

كله صراخ

حتي القلم رافض يبوح

باي كلمة فيها حلم او فرح

عنده حق خايف يرجع يندبح

خايف يدفع التمن

ويصحي جرحه القديم

خايف يرجع الامل في اي حلم مات حتي ع الورق

ليه ياقلم

ليه مبتكتبش غير عن الحزن والقلب اللي انجرح

فين الفرح

فين الامل

ليه كلماتك كلها شجن

حاول تكون اقوي

ارسملي حلم جميل حتي ع الورق

صدقني مش هقول مش هبوح عنه لاي بشر

عارفه انك خايف تندبح

والحلم اللي رسمته ينداس ادام عنيك من كل البشر

صدقني هحاول امحيه من ادام العيون

بس احيي جوايا سنة امل

علشان احس اني عايشه مش عباره عن حجر.